১. পচ্চযানুলোমং

১. ৰিভঙ্গৰারো

হেতুপচ্চযো

১. সুখায ৰেদনায সম্পযুত্তং ধম্মং পটিচ্চ সুখায ৰেদনায সম্পযুত্তো ধম্মো উপ্পজ্জতি হেতুপচ্চযা – সুখায ৰেদনায সম্পযুত্তং একং খন্ধং পটিচ্চ দ্ৰে খন্ধা, দ্ৰে খন্ধে পটিচ্চ একো খন্ধো; পটিসন্ধিক্খণে সুখায ৰেদনায সম্পযুত্তং একং খন্ধং পটিচ্চ দ্ৰে খন্ধা, দ্ৰে খন্ধে পটিচ্চ একো খন্ধো.

দুক্খায ৰেদনায সম্পযুত্তং ধম্মং পটিচ্চ দুক্খায ৰেদনায সম্পযুত্তো ধম্মো উপ্পজ্জতি হেতুপচ্চযা – দুক্খায ৰেদনায সম্পযুত্তং একং খন্ধং পটিচ্চ দ্ৰে খন্ধা, দ্ৰে খন্ধে পটিচ্চ একো খন্ধো.

অদুক্খমসুখায ৰেদনায সম্পযুত্তং ধম্মং পটিচ্চ অদুক্খমসুখায ৰেদনায সম্পযুত্তো ধম্মো উপ্পজ্জতি হেতুপচ্চযা – অদুক্খমসুখায ৰেদনায সম্পযুত্তং একং খন্ধং পটিচ্চ দ্ৰে খন্ধা, দ্ৰে খন্ধে পটিচ্চ একো খন্ধো; পটিসন্ধিক্খণে অদুক্খমসুখায ৰেদনায সম্পযুত্তং একং খন্ধং পটিচ্চ দ্ৰে খন্ধা, দ্ৰে খন্ধে পটিচ্চ একো খন্ধো.

আরম্মণপচ্চযাদি

২. সুখায ৰেদনায সম্পযুত্তং ধম্মং পটিচ্চ সুখায ৰেদনায সম্পযুত্তো ধম্মো উপ্পজ্জতি আরম্মণপচ্চযা… অধিপতিপচ্চযা (অধিপতিযা পটিসন্ধি নত্থি)… অনন্তরপচ্চযা… সমনন্তরপচ্চযা… সহজাতপচ্চযা… অঞ্ঞমঞ্ঞপচ্চযা… নিস্সযপচ্চযা… উপনিস্সযপচ্চযা… পুরেজাতপচ্চযা – সুখায ৰেদনায সম্পযুত্তং একং খন্ধং পটিচ্চ দ্ৰে খন্ধা, দ্ৰে খন্ধে পটিচ্চ একো খন্ধো. ৰত্থুং পুরেজাতপচ্চযা (সংখিত্তং).

আসেৰনপচ্চযাদি

৩. সুখায ৰেদনায সম্পযুত্তং ধম্মং পটিচ্চ সুখায ৰেদনায সম্পযুত্তো ধম্মো উপ্পজ্জতি আসেৰনপচ্চযা… কম্মপচ্চযা… ৰিপাকপচ্চযা – সুখায ৰেদনায সম্পযুত্তং একং খন্ধং পটিচ্চ দ্ৰে খন্ধা, দ্ৰে খন্ধে পটিচ্চ একো খন্ধো; পটিসন্ধিক্খণে সুখায ৰেদনায সম্পযুত্তং একং খন্ধং পটিচ্চ দ্ৰে খন্ধা, দ্ৰে খন্ধে পটিচ্চ একো খন্ধো.

দুক্খায ৰেদনায সম্পযুত্তং ধম্মং পটিচ্চ দুক্খায ৰেদনায সম্পযুত্তো ধম্মো উপ্পজ্জতি ৰিপাকপচ্চযা – দুক্খসহগতং কাযৰিঞ্ঞাণসহগতং একং খন্ধং পটিচ্চ দ্ৰে খন্ধা, দ্ৰে খন্ধে পটিচ্চ একো খন্ধো.

অদুক্খমসুখায ৰেদনায সম্পযুত্তং ধম্মং পটিচ্চ অদুক্খমসুখায ৰেদনায সম্পযুত্তো ধম্মো উপ্পজ্জতি ৰিপাকপচ্চযা – অদুক্খমসুখায ৰেদনায সম্পযুত্তং একং খন্ধং পটিচ্চ দ্ৰে খন্ধা, দ্ৰে খন্ধে পটিচ্চ একো খন্ধো; পটিসন্ধিক্খণে অদুক্খমসুখায ৰেদনায সম্পযুত্তং একং খন্ধং পটিচ্চ দ্ৰে খন্ধা, দ্ৰে খন্ধে পটিচ্চ একো খন্ধো.

আহারপচ্চযাদি

৪. সুখায ৰেদনায সম্পযুত্তং ধম্মং পটিচ্চ সুখায ৰেদনায সম্পযুত্তো ধম্মো উপ্পজ্জতি আহারপচ্চযা… ইন্দ্রিযপচ্চযা… ঝানপচ্চযা… মগ্গপচ্চযা… সম্পযুত্তপচ্চযা… ৰিপ্পযুত্তপচ্চযা – সুখায ৰেদনায সম্পযুত্তং একং খন্ধং পটিচ্চ দ্ৰে খন্ধা, দ্ৰে খন্ধে পটিচ্চ একো খন্ধো; ৰত্থুং ৰিপ্পযুত্তপচ্চযা; পটিসন্ধিক্খণে সুখায ৰেদনায সম্পযুত্তং একং খন্ধং পটিচ্চ দ্ৰে খন্ধা, দ্ৰে খন্ধে পটিচ্চ একো খন্ধো. ৰত্থুং ৰিপ্পযুত্তপচ্চযা.

দুক্খায ৰেদনায সম্পযুত্তং ধম্মং পটিচ্চ দুক্খায ৰেদনায সম্পযুত্তো ধম্মো উপ্পজ্জতি ৰিপ্পযুত্তপচ্চযা – দুক্খায ৰেদনায সম্পযুত্তং একং খন্ধং পটিচ্চ দ্ৰে খন্ধা, দ্ৰে খন্ধে পটিচ্চ একো খন্ধো. ৰত্থুং ৰিপ্পযুত্তপচ্চযা.

অদুক্খমসুখায ৰেদনায সম্পযুত্তং ধম্মং পটিচ্চ অদুক্খমসুখায ৰেদনায সম্পযুত্তো ধম্মো উপ্পজ্জতি ৰিপ্পযুত্তপচ্চযা – অদুক্খমসুখায ৰেদনায সম্পযুত্তং একং খন্ধং পটিচ্চ দ্ৰে খন্ধা, দ্ৰে খন্ধে পটিচ্চ একো খন্ধো; ৰত্থুং ৰিপ্পযুত্তপচ্চযা; পটিসন্ধিক্খণে অদুক্খমসুখায ৰেদনায সম্পযুত্তং একং খন্ধং পটিচ্চ দ্ৰে খন্ধা, দ্ৰে খন্ধে পটিচ্চ একো খন্ধো. ৰত্থুং ৰিপ্পযুত্তপচ্চযা (সংখিত্তং).

অত্থিপচ্চযাদি

৫. অত্থিপচ্চযা… নত্থিপচ্চযা… ৰিগতপচ্চযা… অৰিগতপচ্চযা….