১. ৰিভঙ্গৰারো

হেতুপচ্চযো

৩৮. সুখায ৰেদনায সম্পযুত্তো ধম্মো সুখায ৰেদনায সম্পযুত্তস্স ধম্মস্স হেতুপচ্চযেন পচ্চযো – সুখায ৰেদনায সম্পযুত্তা হেতূ সম্পযুত্তকানং খন্ধানং হেতুপচ্চযেন পচ্চযো; পটিসন্ধিক্খণে সুখায ৰেদনায সম্পযুত্তা হেতূ সম্পযুত্তকানং খন্ধানং হেতুপচ্চযেন পচ্চযো. (১)

দুক্খায ৰেদনায সম্পযুত্তো ধম্মো দুক্খায ৰেদনায সম্পযুত্তস্স ধম্মস্স হেতুপচ্চযেন পচ্চযো – দুক্খায ৰেদনায সম্পযুত্তা হেতূ সম্পযুত্তকানং খন্ধানং হেতুপচ্চযেন পচ্চযো. (১)

অদুক্খমসুখায ৰেদনায সম্পযুত্তো ধম্মো অদুক্খমসুখায ৰেদনায সম্পযুত্তস্স ধম্মস্স হেতুপচ্চযেন পচ্চযো – অদুক্খমসুখায ৰেদনায সম্পযুত্তা হেতূ সম্পযুত্তকানং খন্ধানং হেতুপচ্চযেন পচ্চযো; পটিসন্ধিক্খণে অদুক্খমসুখায ৰেদনায সম্পযুত্তা হেতূ সম্পযুত্তকানং খন্ধানং হেতুপচ্চযেন পচ্চযো. (১)

আরম্মণপচ্চযো

৩৯. সুখায ৰেদনায সম্পযুত্তো ধম্মো সুখায ৰেদনায সম্পযুত্তস্স ধম্মস্স আরম্মণপচ্চযেন পচ্চযো – সুখায ৰেদনায সম্পযুত্তেন চিত্তেন দানং দত্ৰা, সীলং সমাদিযিত্ৰা, উপোসথকম্মং কত্ৰা সুখায ৰেদনায সম্পযুত্তেন চিত্তেন পচ্চৰেক্খতি. সুখায ৰেদনায সম্পযুত্তা ঝানা ৰুট্ঠহিত্ৰা, মগ্গা ৰুট্ঠহিত্ৰা, ফলা ৰুট্ঠহিত্ৰা সুখায ৰেদনায সম্পযুত্তেন চিত্তেন পচ্চৰেক্খতি. অরিযা সুখায ৰেদনায সম্পযুত্তেন চিত্তেন সুখায ৰেদনায সম্পযুত্তে পহীনে কিলেসে পচ্চৰেক্খন্তি, ৰিক্খম্ভিতে কিলেসে পচ্চৰেক্খন্তি, পুব্বে সমুদাচিণ্ণে কিলেসে জানন্তি. সুখায ৰেদনায সম্পযুত্তে খন্ধে সুখায ৰেদনায সম্পযুত্তেন চিত্তেন অনিচ্চতো দুক্খতো অনত্ততো ৰিপস্সতি, অস্সাদেতি অভিনন্দতি; তং আরব্ভ সুখায ৰেদনায সম্পযুত্তো রাগো উপ্পজ্জতি, দিট্ঠি উপ্পজ্জতি; সুখায ৰেদনায সম্পযুত্তে খন্ধে আরব্ভ সুখায ৰেদনায সম্পযুত্তা খন্ধা উপ্পজ্জন্তি. (১)

সুখায ৰেদনায সম্পযুত্তো ধম্মো দুক্খায ৰেদনায সম্পযুত্তস্স ধম্মস্স আরম্মণপচ্চযেন পচ্চযো – সুখায ৰেদনায সম্পযুত্তেন চিত্তেন দানং দত্ৰা, সীলং সমাদিযিত্ৰা, উপোসথকম্মং কত্ৰা ৰিপ্পটিসারিস্স দোমনস্সং উপ্পজ্জতি. সুখায ৰেদনায সম্পযুত্তে ঝানে পরিহীনে ৰিপ্পটিসারিস্স দোমনস্সং উপ্পজ্জতি. সুখায ৰেদনায সম্পযুত্তে খন্ধে আরব্ভ দুক্খায ৰেদনায সম্পযুত্তা খন্ধা উপ্পজ্জন্তি. (২)

সুখায ৰেদনায সম্পযুত্তো ধম্মো অদুক্খমসুখায ৰেদনায সম্পযুত্তস্স ধম্মস্স আরম্মণপচ্চযেন পচ্চযো – সুখায ৰেদনায সম্পযুত্তেন চিত্তেন দানং দত্ৰা, সীলং সমাদিযিত্ৰা, উপোসথকম্মং কত্ৰা অদুক্খমসুখায ৰেদনায সম্পযুত্তেন চিত্তেন পচ্চৰেক্খতি. সুখায ৰেদনায সম্পযুত্তা ঝানা ৰুট্ঠহিত্ৰা, মগ্গা ৰুট্ঠহিত্ৰা, ফলা ৰুট্ঠহিত্ৰা অদুক্খমসুখায ৰেদনায সম্পযুত্তেন চিত্তেন পচ্চৰেক্খতি. অরিযা অদুক্খমসুখায ৰেদনায সম্পযুত্তেন চিত্তেন সুখায ৰেদনায সম্পযুত্তে পহীনে কিলেসে পচ্চৰেক্খন্তি, ৰিক্খম্ভিতে কিলেসে পচ্চৰেক্খন্তি, পুব্বে সমুদাচিণ্ণে কিলেসে জানন্তি. সুখায ৰেদনায সম্পযুত্তে খন্ধে অদুক্খমসুখায ৰেদনায সম্পযুত্তেন চিত্তেন অনিচ্চতো দুক্খতো অনত্ততো ৰিপস্সতি, অস্সাদেতি অভিনন্দতি; তং আরব্ভ অদুক্খমসুখায ৰেদনায সম্পযুত্তো রাগো উপ্পজ্জতি, দিট্ঠি উপ্পজ্জতি, ৰিচিকিচ্ছা উপ্পজ্জতি, উদ্ধচ্চং উপ্পজ্জতি, চেতোপরিযঞাণেন সুখায ৰেদনায সম্পযুত্তচিত্তসমঙ্গিস্স চিত্তং জানাতি. সুখায ৰেদনায সম্পযুত্তা খন্ধা চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. সুখায ৰেদনায সম্পযুত্তে খন্ধে আরব্ভ অদুক্খমসুখায ৰেদনায সম্পযুত্তা খন্ধা উপ্পজ্জন্তি. (৩)

৪০. দুক্খায ৰেদনায সম্পযুত্তো ধম্মো দুক্খায ৰেদনায সম্পযুত্তস্স ধম্মস্স আরম্মণপচ্চযেন পচ্চযো – দোসং আরব্ভ দোসো উপ্পজ্জতি, মোহো উপ্পজ্জতি; দুক্খায ৰেদনায সম্পযুত্তং মোহং আরব্ভ মোহো উপ্পজ্জতি, দোসো উপ্পজ্জতি; দুক্খসহগতং কাযৰিঞ্ঞাণং আরব্ভ দোসো উপ্পজ্জতি, মোহো উপ্পজ্জতি; দুক্খায ৰেদনায সম্পযুত্তে খন্ধে আরব্ভ দুক্খায ৰেদনায সম্পযুত্তা খন্ধা উপ্পজ্জন্তি. (১)

দুক্খায ৰেদনায সম্পযুত্তো ধম্মো সুখায ৰেদনায সম্পযুত্তস্স ধম্মস্স আরম্মণপচ্চযেন পচ্চযো – অরিযা সুখায ৰেদনায সম্পযুত্তেন চিত্তেন দুক্খায ৰেদনায সম্পযুত্তে পহীনে কিলেসে পচ্চৰেক্খন্তি, ৰিক্খম্ভিতে কিলেসে পচ্চৰেক্খন্তি, পুব্বে সমুদাচিণ্ণে কিলেসে জানন্তি. দুক্খায ৰেদনায সম্পযুত্তে খন্ধে সুখায ৰেদনায সম্পযুত্তেন চিত্তেন অনিচ্চতো দুক্খতো অনত্ততো ৰিপস্সতি; দুক্খায ৰেদনায সম্পযুত্তে খন্ধে আরব্ভ সুখায ৰেদনায সম্পযুত্তা খন্ধা উপ্পজ্জন্তি. (২)

দুক্খায ৰেদনায সম্পযুত্তো ধম্মো অদুক্খমসুখায ৰেদনায সম্পযুত্তস্স ধম্মস্স আরম্মণপচ্চযেন পচ্চযো – অরিযা অদুক্খমসুখায ৰেদনায সম্পযুত্তেন চিত্তেন দুক্খায ৰেদনায সম্পযুত্তে পহীনে কিলেসে পচ্চৰেক্খন্তি, ৰিক্খম্ভিতে কিলেসে পচ্চৰেক্খন্তি, পুব্বে সমুদাচিণ্ণে কিলেসে জানন্তি. দুক্খায ৰেদনায সম্পযুত্তে খন্ধে অদুক্খমসুখায ৰেদনায সম্পযুত্তেন চিত্তেন অনিচ্চতো দুক্খতো অনত্ততো ৰিপস্সতি; চেতোপরিযঞাণেন দুক্খায ৰেদনায সম্পযুত্তচিত্তসমঙ্গিস্স চিত্তং জানন্তি. দুক্খায ৰেদনায সম্পযুত্তা খন্ধা চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো – দুক্খায ৰেদনায সম্পযুত্তে খন্ধে আরব্ভ অদুক্খমসুখায ৰেদনায সম্পযুত্তা খন্ধা উপ্পজ্জন্তি. (৩)

৪১. অদুক্খমসুখায ৰেদনায সম্পযুত্তো ধম্মো অদুক্খমসুখায ৰেদনায সম্পযুত্তস্স ধম্মস্স আরম্মণপচ্চযেন পচ্চযো – অদুক্খমসুখায ৰেদনায সম্পযুত্তেন চিত্তেন দানং দত্ৰা, সীলং সমাদিযিত্ৰা, উপোসথকম্মং কত্ৰা অদুক্খমসুখায ৰেদনায সম্পযুত্তেন চিত্তেন পচ্চৰেক্খতি. অদুক্খমসুখায ৰেদনায সম্পযুত্তা ঝানা ৰুট্ঠহিত্ৰা, মগ্গা ৰুট্ঠহিত্ৰা, ফলা ৰুট্ঠহিত্ৰা অদুক্খমসুখায ৰেদনায সম্পযুত্তেন চিত্তেন পচ্চৰেক্খতি; অরিযা অদুক্খমসুখায ৰেদনায সম্পযুত্তেন চিত্তেন অদুক্খমসুখায ৰেদনায সম্পযুত্তে পহীনে কিলেসে পচ্চৰেক্খন্তি, ৰিক্খম্ভিতে কিলেসে পচ্চৰেক্খন্তি, পুব্বে সমুদাচিণ্ণে কিলেসে জানন্তি. অদুক্খমসুখায ৰেদনায সম্পযুত্তে খন্ধে অদুক্খমসুখায ৰেদনায সম্পযুত্তেন চিত্তেন অনিচ্চতো দুক্খতো অনত্ততো ৰিপস্সতি, অস্সাদেতি অভিনন্দতি; তং আরব্ভ অদুক্খমসুখায ৰেদনায সম্পযুত্তো রাগো উপ্পজ্জতি, দিট্ঠি উপ্পজ্জতি, ৰিচিকিচ্ছা উপ্পজ্জতি, উদ্ধচ্চং উপ্পজ্জতি; চেতোপরিযঞাণেন অদুক্খমসুখায ৰেদনায সম্পযুত্তচিত্তসমঙ্গিস্স চিত্তং জানন্তি. আকাসানঞ্চাযতনং ৰিঞ্ঞাণঞ্চাযতনস্স আরম্মণপচ্চযেন পচ্চযো. আকিঞ্চঞ্ঞাযতনং নেৰসঞ্ঞানাসঞ্ঞাযতনস্স আরম্মণপচ্চযেন পচ্চযো. অদুক্খমসুখায ৰেদনায সম্পযুত্তা খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স আৰজ্জনায আরম্মণপচ্চযেন পচ্চযো. অদুক্খমসুখায ৰেদনায সম্পযুত্তে খন্ধে আরব্ভ অদুক্খমসুখায ৰেদনায সম্পযুত্তা খন্ধা উপ্পজ্জন্তি. (১)

অদুক্খমসুখায ৰেদনায সম্পযুত্তো ধম্মো সুখায ৰেদনায সম্পযুত্তস্স ধম্মস্স আরম্মণপচ্চযেন পচ্চযো – অদুক্খমসুখায ৰেদনায সম্পযুত্তেন চিত্তেন দানং দত্ৰা, সীলং সমাদিযিত্ৰা, উপোসথকম্মং কত্ৰা সুখায ৰেদনায সম্পযুত্তেন চিত্তেন পচ্চৰেক্খতি. অদুক্খমসুখায ৰেদনায সম্পযুত্তা ঝানা ৰুট্ঠহিত্ৰা, মগ্গা ৰুট্ঠহিত্ৰা, ফলা ৰুট্ঠহিত্ৰা সুখায ৰেদনায সম্পযুত্তেন চিত্তেন পচ্চৰেক্খতি. অরিযা সুখায ৰেদনায সম্পযুত্তেন চিত্তেন অদুক্খমসুখায ৰেদনায সম্পযুত্তে পহীনে কিলেসে পচ্চৰেক্খন্তি, ৰিক্খম্ভিতে কিলেসে পচ্চৰেক্খন্তি, পুব্বে সমুদাচিণ্ণে কিলেসে জানন্তি. অদুক্খমসুখায ৰেদনায সম্পযুত্তে খন্ধে সুখায ৰেদনায সম্পযুত্তেন চিত্তেন অনিচ্চতো দুক্খতো অনত্ততো ৰিপস্সতি, অস্সাদেতি অভিনন্দতি; তং আরব্ভ সুখায ৰেদনায সম্পযুত্তো রাগো উপ্পজ্জতি, দিট্ঠি উপ্পজ্জতি; অদুক্খমসুখায ৰেদনায সম্পযুত্তে খন্ধে আরব্ভ সুখায ৰেদনায সম্পযুত্তা খন্ধা উপ্পজ্জন্তি. (২)

অদুক্খমসুখায ৰেদনায সম্পযুত্তো ধম্মো দুক্খায ৰেদনায সম্পযুত্তস্স ধম্মস্স আরম্মণপচ্চযেন পচ্চযো – অদুক্খমসুখায ৰেদনায সম্পযুত্তেন চিত্তেন দানং দত্ৰা, সীলং সমাদিযিত্ৰা, উপোসথকম্মং কত্ৰা ৰিপ্পটিসারিস্স দোমনস্সং উপ্পজ্জতি, অদুক্খমসুখায ৰেদনায সম্পযুত্তে ঝানে পরিহীনে ৰিপ্পটিসারিস্স দোমনস্সং উপ্পজ্জতি, অদুক্খমসুখায ৰেদনায সম্পযুত্তে খন্ধে আরব্ভ দুক্খায ৰেদনায সম্পযুত্তা খন্ধা উপ্পজ্জন্তি. (৩)

অধিপতিপচ্চযো

৪২. সুখায ৰেদনায সম্পযুত্তো ধম্মো সুখায ৰেদনায সম্পযুত্তস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি.

আরম্মণাধিপতি – সুখায ৰেদনায সম্পযুত্তেন চিত্তেন দানং দত্ৰা, সীলং সমাদিযিত্ৰা, উপোসথকম্মং কত্ৰা সুখায ৰেদনায সম্পযুত্তেন চিত্তেন তং গরুং কত্ৰা পচ্চৰেক্খতি. সুখায ৰেদনায সম্পযুত্তা ঝানা ৰুট্ঠহিত্ৰা, মগ্গা ৰুট্ঠহিত্ৰা, ফলা ৰুট্ঠহিত্ৰা সুখায ৰেদনায সম্পযুত্তেন চিত্তেন তং গরুং কত্ৰা পচ্চৰেক্খতি. সুখায ৰেদনায সম্পযুত্তে খন্ধে সুখায ৰেদনায সম্পযুত্তেন চিত্তেন গরুং কত্ৰা অস্সাদেতি অভিনন্দতি; তং গরুং কত্ৰা সুখায ৰেদনায সম্পযুত্তো রাগো উপ্পজ্জতি, দিট্ঠি উপ্পজ্জতি.

সহজাতাধিপতি – সুখায ৰেদনায সম্পযুত্তাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

সুখায ৰেদনায সম্পযুত্তো ধম্মো অদুক্খমসুখায ৰেদনায সম্পযুত্তস্স ধম্মস্স অধিপতিপচ্চযেন পচ্চযো.

আরম্মণাধিপতি – সুখায ৰেদনায সম্পযুত্তেন চিত্তেন দানং দত্ৰা, সীলং সমাদিযিত্ৰা, উপোসথকম্মং কত্ৰা অদুক্খমসুখায ৰেদনায সম্পযুত্তেন চিত্তেন তং গরুং কত্ৰা পচ্চৰেক্খতি. সুখায ৰেদনায সম্পযুত্তা ঝানা ৰুট্ঠহিত্ৰা, মগ্গা ৰুট্ঠহিত্ৰা, ফলা ৰুট্ঠহিত্ৰা অদুক্খমসুখায ৰেদনায সম্পযুত্তেন চিত্তেন তং গরুং কত্ৰা পচ্চৰেক্খতি. সুখায ৰেদনায সম্পযুত্তে খন্ধে অদুক্খমসুখায ৰেদনায সম্পযুত্তেন চিত্তেন গরুং কত্ৰা অস্সাদেতি অভিনন্দতি; তং গরুং কত্ৰা অদুক্খমসুখায ৰেদনায সম্পযুত্তো রাগো উপ্পজ্জতি, দিট্ঠি উপ্পজ্জতি. (২)

৪৩. দুক্খায ৰেদনায সম্পযুত্তো ধম্মো দুক্খায ৰেদনায সম্পযুত্তস্স ধম্মস্স অধিপতিপচ্চযেন পচ্চযো.

সহজাতাধিপতি – দুক্খায ৰেদনায সম্পযুত্তাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

৪৪. অদুক্খমসুখায ৰেদনায সম্পযুত্তো ধম্মো অদুক্খমসুখায ৰেদনায সম্পযুত্তস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি.

আরম্মণাধিপতি – অদুক্খমসুখায ৰেদনায সম্পযুত্তেন চিত্তেন দানং দত্ৰা, সীলং সমাদিযিত্ৰা, উপোসথকম্মং কত্ৰা অদুক্খমসুখায ৰেদনায সম্পযুত্তেন চিত্তেন তং গরুং কত্ৰা পচ্চৰেক্খতি. অদুক্খমসুখায ৰেদনায সম্পযুত্তা ঝানা ৰুট্ঠহিত্ৰা, মগ্গা ৰুট্ঠহিত্ৰা, ফলা ৰুট্ঠহিত্ৰা অদুক্খমসুখায ৰেদনায সম্পযুত্তেন চিত্তেন তং গরুং কত্ৰা পচ্চৰেক্খতি. অদুক্খমসুখায ৰেদনায সম্পযুত্তে খন্ধে অদুক্খমসুখায ৰেদনায সম্পযুত্তেন চিত্তেন গরুং কত্ৰা অস্সাদেতি অভিনন্দতি; তং গরুং কত্ৰা অদুক্খমসুখায ৰেদনায সম্পযুত্তো রাগো উপ্পজ্জতি, দিট্ঠি উপ্পজ্জতি.

সহজাতাধিপতি – অদুক্খমসুখায ৰেদনায সম্পযুত্তাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

অদুক্খমসুখায ৰেদনায সম্পযুত্তো ধম্মো সুখায ৰেদনায সম্পযুত্তস্স ধম্মস্স অধিপতিপচ্চযেন পচ্চযো.

আরম্মণাধিপতি – অদুক্খমসুখায ৰেদনায সম্পযুত্তেন চিত্তেন দানং দত্ৰা, সীলং সমাদিযিত্ৰা, উপোসথকম্মং কত্ৰা সুখায ৰেদনায সম্পযুত্তেন চিত্তেন তং গরুং কত্ৰা পচ্চৰেক্খতি. অদুক্খমসুখায ৰেদনায সম্পযুত্তা ঝানা ৰুট্ঠহিত্ৰা, মগ্গা ৰুট্ঠহিত্ৰা, ফলা ৰুট্ঠহিত্ৰা সুখায ৰেদনায সম্পযুত্তেন চিত্তেন তং গরুং কত্ৰা পচ্চৰেক্খতি. অদুক্খমসুখায ৰেদনায সম্পযুত্তে খন্ধে সুখায ৰেদনায সম্পযুত্তেন চিত্তেন গরুং কত্ৰা অস্সাদেতি অভিনন্দতি; তং গরুং কত্ৰা সুখায ৰেদনায সম্পযুত্তো রাগো উপ্পজ্জতি, দিট্ঠি উপ্পজ্জতি. (২)

অনন্তরপচ্চযো

৪৫. সুখায ৰেদনায সম্পযুত্তো ধম্মো সুখায ৰেদনায সম্পযুত্তস্স ধম্মস্স অনন্তরপচ্চযেন পচ্চযো – পুরিমা পুরিমা সুখায ৰেদনায সম্পযুত্তা খন্ধা পচ্ছিমানং পচ্ছিমানং সুখায ৰেদনায সম্পযুত্তকানং খন্ধানং অনন্তরপচ্চযেন পচ্চযো. সুখায ৰেদনায সম্পযুত্তং অনুলোমং সুখায ৰেদনায সম্পযুত্তস্স গোত্রভুস্স অনন্তরপচ্চযেন পচ্চযো, অনুলোমং ৰোদানস্স… গোত্রভু মগ্গস্স… ৰোদানং মগ্গস্স… মগ্গো ফলস্স… ফলং ফলস্স… অনুলোমং সুখায ৰেদনায সম্পযুত্তায ফলসমাপত্তিযা অনন্তরপচ্চযেন পচ্চযো. সুখায ৰেদনায সম্পযুত্তা খন্ধা সুখায ৰেদনায সম্পযুত্তস্স ৰুট্ঠানস্স অনন্তরপচ্চযেন পচ্চযো. (১)

সুখায ৰেদনায সম্পযুত্তো ধম্মো অদুক্খমসুখায ৰেদনায সম্পযুত্তস্স ধম্মস্স অনন্তরপচ্চযেন পচ্চযো – সুখায ৰেদনায সম্পযুত্তং চুতিচিত্তং অদুক্খমসুখায ৰেদনায সম্পযুত্তস্স উপপত্তিচিত্তস্স অনন্তরপচ্চযেন পচ্চযো. সুখায ৰেদনায সম্পযুত্তং ভৰঙ্গং আৰজ্জনায অনন্তরপচ্চযেন পচ্চযো. সুখসহগতং কাযৰিঞ্ঞাণং ৰিপাকমনোধাতুযা অনন্তরপচ্চযেন পচ্চযো. সুখায ৰেদনায সম্পযুত্তা ৰিপাকমনোৰিঞ্ঞাণধাতু কিরিযমনোৰিঞ্ঞাণধাতুযা অনন্তরপচ্চযেন পচ্চযো. সুখায ৰেদনায সম্পযুত্তং ভৰঙ্গং অদুক্খমসুখায ৰেদনায সম্পযুত্তস্স ভৰঙ্গস্স অনন্তরপচ্চযেন পচ্চযো. সুখায ৰেদনায সম্পযুত্তং কুসলাকুসলং অদুক্খমসুখায ৰেদনায সম্পযুত্তস্স ৰুট্ঠানস্স… কিরিযং ৰুট্ঠানস্স… ফলং ৰুট্ঠানস্স অনন্তরপচ্চযেন পচ্চযো. (২)

৪৬. দুক্খায ৰেদনায সম্পযুত্তো ধম্মো দুক্খায ৰেদনায সম্পযুত্তস্স ধম্মস্স অনন্তরপচ্চযেন পচ্চযো – পুরিমা পুরিমা দুক্খায ৰেদনায সম্পযুত্তা খন্ধা পচ্ছিমানং পচ্ছিমানং দুক্খায ৰেদনায সম্পযুত্তকানং খন্ধানং অনন্তরপচ্চযেন পচ্চযো. (১)

দুক্খায ৰেদনায সম্পযুত্তো ধম্মো অদুক্খমসুখায ৰেদনায সম্পযুত্তস্স ধম্মস্স অনন্তরপচ্চযেন পচ্চযো – দুক্খসহগতং কাযৰিঞ্ঞাণং ৰিপাকমনোধাতুযা অনন্তরপচ্চযেন পচ্চযো. দুক্খায ৰেদনায সম্পযুত্তা খন্ধা অদুক্খমসুখায ৰেদনায সম্পযুত্তস্স ৰুট্ঠানস্স অনন্তরপচ্চযেন পচ্চযো. (২)

৪৭. অদুক্খমসুখায ৰেদনায সম্পযুত্তো ধম্মো অদুক্খমসুখায ৰেদনায সম্পযুত্তস্স ধম্মস্স অনন্তরপচ্চযেন পচ্চযো – পুরিমা পুরিমা অদুক্খমসুখায ৰেদনায সম্পযুত্তা খন্ধা পচ্ছিমানং পচ্ছিমানং অদুক্খমসুখায ৰেদনায সম্পযুত্তকানং খন্ধানং অনন্তরপচ্চযেন পচ্চযো. অদুক্খমসুখায ৰেদনায সম্পযুত্তং অনুলোমং অদুক্খমসুখায ৰেদনায সম্পযুত্তস্স গোত্রভুস্স অনন্তরপচ্চযেন পচ্চযো. অনুলোমং ৰোদানস্স… গোত্রভু মগ্গস্স… ৰোদানং মগ্গস্স… মগ্গো ফলস্স… ফলং ফলস্স… অনুলোমং ফলসমাপত্তিযা… নিরোধা ৰুট্ঠহন্তস্স নেৰসঞ্ঞানাসঞ্ঞাযতনং অদুক্খমসুখায ৰেদনায সম্পযুত্তায ফলসমাপত্তিযা অনন্তরপচ্চযেন পচ্চযো. অদুক্খমসুখায ৰেদনায সম্পযুত্তা খন্ধা অদুক্খমসুখায ৰেদনায সম্পযুত্তস্স ৰুট্ঠানস্স অনন্তরপচ্চযেন পচ্চযো. (১)

অদুক্খমসুখায ৰেদনায সম্পযুত্তো ধম্মো সুখায ৰেদনায সম্পযুত্তস্স ধম্মস্স অনন্তরপচ্চযেন পচ্চযো – অদুক্খমসুখায ৰেদনায সম্পযুত্তং চুতিচিত্তং সুখায ৰেদনায সম্পযুত্তস্স উপপত্তিচিত্তস্স অনন্তরপচ্চযেন পচ্চযো. আৰজ্জনা সুখায ৰেদনায সম্পযুত্তকানং খন্ধানং অনন্তরপচ্চযেন পচ্চযো. ৰিপাকমনোধাতু সুখায ৰেদনায সম্পযুত্তায ৰিপাকমনোৰিঞ্ঞাণধাতুযা অনন্তরপচ্চযেন পচ্চযো. অদুক্খমসুখায ৰেদনায সম্পযুত্তং ভৰঙ্গং সুখায ৰেদনায সম্পযুত্তস্স ভৰঙ্গস্স অনন্তরপচ্চযেন পচ্চযো. অদুক্খমসুখায ৰেদনায সম্পযুত্তং কুসলাকুসলং সুখায ৰেদনায সম্পযুত্তস্স ৰুট্ঠানস্স… কিরিযং ৰুট্ঠানস্স… ফলং ৰুট্ঠানস্স… নিরোধা ৰুট্ঠহন্তস্স নেৰসঞ্ঞানাসঞ্ঞাযতনং সুখায ৰেদনায সম্পযুত্তায ফলসমাপত্তিযা অনন্তরপচ্চযেন পচ্চযো. (২)

অদুক্খমসুখায ৰেদনায সম্পযুত্তো ধম্মো দুক্খায ৰেদনায সম্পযুত্তস্স ধম্মস্স অনন্তরপচ্চযেন পচ্চযো – আৰজ্জনা দুক্খায ৰেদনায সম্পযুত্তকানং খন্ধানং অনন্তরপচ্চযেন পচ্চযো. (৩)

সমনন্তরপচ্চযো

৪৮. সুখায ৰেদনায সম্পযুত্তো ধম্মো সুখায ৰেদনায সম্পযুত্তস্স ধম্মস্স সমনন্তরপচ্চযেন পচ্চযো (অনন্তরপচ্চযসদিসং).

সহজাতপচ্চযো

৪৯. সুখায ৰেদনায সম্পযুত্তো ধম্মো সুখায ৰেদনায সম্পযুত্তস্স ধম্মস্স সহজাতপচ্চযেন পচ্চযো – সুখায ৰেদনায সম্পযুত্তো একো খন্ধো দ্ৰিন্নং খন্ধানং সহজাতপচ্চযেন পচ্চযো. দ্ৰে খন্ধা একস্স খন্ধস্স সহজাতপচ্চযেন পচ্চযো. পটিসন্ধিক্খণে সুখায ৰেদনায সম্পযুত্তো একো খন্ধো দ্ৰিন্নং খন্ধানং সহজাতপচ্চযেন পচ্চযো. দ্ৰে খন্ধা একস্স খন্ধস্স সহজাতপচ্চযেন পচ্চযো. (১)

৫০. দুক্খায ৰেদনায সম্পযুত্তো ধম্মো দুক্খায ৰেদনায সম্পযুত্তস্স ধম্মস্স সহজাতপচ্চযেন পচ্চযো – দুক্খায ৰেদনায সম্পযুত্তো একো খন্ধো দ্ৰিন্নং খন্ধানং সহজাতপচ্চযেন পচ্চযো. দ্ৰে খন্ধা একস্স খন্ধস্স সহজাতপচ্চযেন পচ্চযো. (দুক্খায ৰেদনায সম্পযুত্তপটিসন্ধি ন লব্ভতি.) (১)

৫১. অদুক্খমসুখায ৰেদনায সম্পযুত্তো ধম্মো অদুক্খমসুখায ৰেদনায সম্পযুত্তস্স ধম্মস্স সহজাতপচ্চযেন পচ্চযো – অদুক্খমসুখায ৰেদনায সম্পযুত্তো একো খন্ধো দ্ৰিন্নং খন্ধানং সহজাতপচ্চযেন পচ্চযো. দ্ৰে খন্ধা একস্স খন্ধস্স সহজাতপচ্চযেন পচ্চযো. পটিসন্ধিক্খণে অদুক্খমসুখায ৰেদনায সম্পযুত্তো একো খন্ধো দ্ৰিন্নং খন্ধানং সহজাতপচ্চযেন পচ্চযো. দ্ৰে খন্ধা একস্স খন্ধস্স সহজাতপচ্চযেন পচ্চযো. (১)

অঞ্ঞমঞ্ঞ-নিস্সযপচ্চযা

৫২. সুখায ৰেদনায সম্পযুত্তো ধম্মো সুখায ৰেদনায সম্পযুত্তস্স ধম্মস্স অঞ্ঞমঞ্ঞপচ্চযেন পচ্চযো… নিস্সযপচ্চযেন পচ্চযো (অঞ্ঞমঞ্ঞম্পি নিস্সযম্পি সহজাতপচ্চযসদিসং).

উপনিস্সযপচ্চযো

৫৩. সুখায ৰেদনায সম্পযুত্তো ধম্মো সুখায ৰেদনায সম্পযুত্তস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে….

পকতূপনিস্সযো – সুখায ৰেদনায সম্পযুত্তং সদ্ধং উপনিস্সায সুখায ৰেদনায সম্পযুত্তেন চিত্তেন দানং দেতি, সীলং সমাদিযতি, উপোসথকম্মং করোতি, সুখায ৰেদনায সম্পযুত্তং ঝানং উপ্পাদেতি, ৰিপস্সনং উপ্পাদেতি, মগ্গং উপ্পাদেতি, সমাপত্তিং উপ্পাদেতি, মানং জপ্পেতি, দিট্ঠিং গণ্হাতি. সুখায ৰেদনায সম্পযুত্তং সীলং… সুতং… চাগং… পঞ্ঞং… রাগং… মোহং… মানং… দিট্ঠিং… পত্থনং… সুখসহগতং কাযৰিঞ্ঞাণং উপনিস্সায সুখায ৰেদনায সম্পযুত্তেন চিত্তেন দানং দেতি…পে… সমাপত্তিং উপ্পাদেতি (সদ্ধাপঞ্চমকেসু ‘‘মানং জপ্পেতি, দিট্ঠিং গণ্হাতী’’তি কাতব্বং, অৰসেসেসু ন কাতব্বং). সুখায ৰেদনায সম্পযুত্তেন চিত্তেন অদিন্নং আদিযতি, মুসা ভণতি, পিসুণং ভণতি, সম্ফং পলপতি, সন্ধিং ছিন্দতি, নিল্লোপং হরতি, একাগারিকং করোতি, পরিপন্থে তিট্ঠতি, পরদারং গচ্ছতি, গামঘাতং করোতি, নিগমঘাতং করোতি. সুখায ৰেদনায সম্পযুত্তা সদ্ধা… সীলং… সুতং… চাগো… পঞ্ঞা… রাগো… মোহো… মানো… দিট্ঠি… পত্থনা… সুখসহগতং কাযৰিঞ্ঞাণং সুখায ৰেদনায সম্পযুত্তায সদ্ধায… সীলস্স… সুতস্স… চাগস্স… পঞ্ঞায… রাগস্স… মোহস্স… মানস্স… দিট্ঠিযা… পত্থনায… সুখসহগতস্স কাযৰিঞ্ঞাণস্স… সুখায ৰেদনায সম্পযুত্তকানং খন্ধানং উপনিস্সযপচ্চযেন পচ্চযো. (১)

সুখায ৰেদনায সম্পযুত্তো ধম্মো দুক্খায ৰেদনায সম্পযুত্তস্স ধম্মস্স উপনিস্সযপচ্চযেন পচ্চযো.

পকতূপনিস্সযো – সুখায ৰেদনায সম্পযুত্তং সদ্ধং উপনিস্সায অত্তানং আতাপেতি পরিতাপেতি, পরিযিট্ঠিমূলকং দুক্খং পচ্চনুভোতি. সুখায ৰেদনায সম্পযুত্তং সীলং… সুতং… চাগং… পঞ্ঞং উপনিস্সায অত্তানং আতাপেতি পরিতাপেতি, পরিযিট্ঠিমূলকং দুক্খং পচ্চনুভোতি. সুখায ৰেদনায সম্পযুত্তং রাগং… মোহং… মানং… দিট্ঠিং… পত্থনং… সুখসহগতং কাযৰিঞ্ঞাণং উপনিস্সায পাণং হনতি. দুক্খায ৰেদনায সম্পযুত্তেন চিত্তেন অদিন্নং আদিযতি, মুসা ভণতি, পিসুণং ভণতি, ফরুসং ভণতি, সম্ফং পলপতি, সন্ধিং ছিন্দতি, নিল্লোপং হরতি, একাগারিকং করোতি, পরিপন্থে তিট্ঠতি, পরদারং গচ্ছতি, গামঘাতং করোতি, নিগমঘাতং করোতি, মাতরং জীৰিতা ৰোরোপেতি, পিতরং জীৰিতা ৰোরোপেতি, অরহন্তং জীৰিতা ৰোরোপেতি, দুট্ঠেন চিত্তেন তথাগতস্স লোহিতং উপ্পাদেতি, সঙ্ঘং ভিন্দতি. সুখায ৰেদনায সম্পযুত্তা সদ্ধা… সীলং… সুতং… চাগো… পঞ্ঞা… রাগো… মোহো… মানো… দিট্ঠি… পত্থনা… সুখসহগতং কাযৰিঞ্ঞাণং দোসস্স… মোহস্স… দুক্খসহগতস্স কাযৰিঞ্ঞাণস্স… দুক্খায ৰেদনায সম্পযুত্তকানং খন্ধানং উপনিস্সযপচ্চযেন পচ্চযো. (২)

সুখায ৰেদনায সম্পযুত্তো ধম্মো অদুক্খমসুখায ৰেদনায সম্পযুত্তস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে….

পকতূপনিস্সযো – সুখায ৰেদনায সম্পযুত্তং সদ্ধং উপনিস্সায অদুক্খমসুখায ৰেদনায সম্পযুত্তেন চিত্তেন দানং দেতি, সীলং সমাদিযতি, উপোসথকম্মং করোতি, অদুক্খমসুখায ৰেদনায সম্পযুত্তং ঝানং উপ্পাদেতি, ৰিপস্সনং উপ্পাদেতি, মগ্গং উপ্পাদেতি, অভিঞ্ঞং উপ্পাদেতি, সমাপত্তিং উপ্পাদেতি, মানং জপ্পেতি, দিট্ঠিং গণ্হাতি. সুখায ৰেদনায সম্পযুত্তং সীলং… সুতং… চাগং… পঞ্ঞং… রাগং… মোহং… মানং… দিট্ঠিং… পত্থনং… সুখসহগতং কাযৰিঞ্ঞাণং উপনিস্সায অদুক্খমসুখায ৰেদনায সম্পযুত্তেন চিত্তেন দানং দেতি…পে… সমাপত্তিং উপ্পাদেতি. অদুক্খমসুখায ৰেদনায সম্পযুত্তেন চিত্তেন অদিন্নং আদিযতি, মুসা ভণতি, পিসুণং ভণতি, সম্ফং পলপতি [ফরুসং ভণতি, সম্ফং পলপতি (সী. স্যা.)], সন্ধিং ছিন্দতি, নিল্লোপং হরতি, একাগারিকং করোতি, পরিপন্থে তিট্ঠতি, পরদারং গচ্ছতি, গামঘাতং করোতি, নিগমঘাতং করোতি. সুখায ৰেদনায সম্পযুত্তা সদ্ধা… সীলং… সুতং… চাগো… পঞ্ঞা… রাগো… মোহো… মানো… দিট্ঠি… পত্থনা… সুখসহগতং কাযৰিঞ্ঞাণং অদুক্খমসুখায ৰেদনায সম্পযুত্তায সদ্ধায… সীলস্স… সুতস্স… চাগস্স… পঞ্ঞায… রাগস্স… মোহস্স… মানস্স… দিট্ঠিযা… পত্থনায… অদুক্খমসুখায ৰেদনায সম্পযুত্তকানং খন্ধানং উপনিস্সযপচ্চযেন পচ্চযো. (৩)

৫৪. দুক্খায ৰেদনায সম্পযুত্তো ধম্মো দুক্খায ৰেদনায সম্পযুত্তস্স ধম্মস্স উপনিস্সযপচ্চযেন পচ্চযো – অনন্তরূপনিস্সযো, পকতূপনিস্সযো…পে….

পকতূপনিস্সযো – দোসং উপনিস্সায পাণং হনতি, দুক্খায ৰেদনায সম্পযুত্তেন চিত্তেন অদিন্নং আদিযতি…পে… সঙ্ঘং ভিন্দতি. মোহং, দুক্খসহগতং কাযৰিঞ্ঞাণং উপনিস্সায পাণং হনতি, দুক্খায ৰেদনায সম্পযুত্তেন চিত্তেন অদিন্নং আদিযতি…পে… সঙ্ঘং ভিন্দতি. দোসো… মোহো… দুক্খসহগতং কাযৰিঞ্ঞাণং দোসস্স… মোহস্স… দুক্খসহগতস্স কাযৰিঞ্ঞাণস্স… দুক্খায ৰেদনায সম্পযুত্তকানং খন্ধানং উপনিস্সযপচ্চযেন পচ্চযো. (১)

দুক্খায ৰেদনায সম্পযুত্তো ধম্মো সুখায ৰেদনায সম্পযুত্তস্স ধম্মস্স উপনিস্সযপচ্চযেন পচ্চযো.

পকতূপনিস্সযো – দোসং উপনিস্সায সুখায ৰেদনায সম্পযুত্তেন চিত্তেন দানং দেতি…পে… সমাপত্তিং উপ্পাদেতি. সুখায ৰেদনায সম্পযুত্তেন চিত্তেন অদিন্নং আদিযতি…পে… নিগমঘাতং করোতি. মোহং, দুক্খসহগতং কাযৰিঞ্ঞাণং উপনিস্সায সুখায ৰেদনায সম্পযুত্তেন চিত্তেন দানং দেতি…পে… নিগমঘাতং করোতি. দোসো… মোহো… দুক্খসহগতং কাযৰিঞ্ঞাণং সুখায ৰেদনায সম্পযুত্তায সদ্ধায…পে… সুখসহগতস্স কাযৰিঞ্ঞাণস্স সুখায ৰেদনায সম্পযুত্তকানং খন্ধানং উপনিস্সযপচ্চযেন পচ্চযো. (২)

দুক্খায ৰেদনায সম্পযুত্তো ধম্মো অদুক্খমসুখায ৰেদনায সম্পযুত্তস্স ধম্মস্স উপনিস্সযপচ্চযেন পচ্চযো – অনন্তরূপনিস্সযো, পকতূপনিস্সযো…পে….

পকতূপনিস্সযো – দোসং উপনিস্সায অদুক্খমসুখায ৰেদনায সম্পযুত্তেন চিত্তেন দানং দেতি…পে… নিগমঘাতং করোতি. মোহং, দুক্খসহগতং কাযৰিঞ্ঞাণং উপনিস্সায অদুক্খমসুখায ৰেদনায সম্পযুত্তেন চিত্তেন দানং দেতি…পে… নিগমঘাতং করোতি. দোসো… মোহো… দুক্খসহগতং কাযৰিঞ্ঞাণং অদুক্খমসুখায ৰেদনায সম্পযুত্তায সদ্ধায…পে… পত্থনায… অদুক্খমসুখায ৰেদনায সম্পযুত্তকানং খন্ধানং উপনিস্সযপচ্চযেন পচ্চযো. (৩)

৫৫. অদুক্খমসুখায ৰেদনায সম্পযুত্তো ধম্মো অদুক্খমসুখায ৰেদনায সম্পযুত্তস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে….

পকতূপনিস্সযো – অদুক্খমসুখায ৰেদনায সম্পযুত্তং সদ্ধং উপনিস্সায অদুক্খমসুখায ৰেদনায সম্পযুত্তেন চিত্তেন দানং দেতি…পে… দিট্ঠিং গণ্হাতি. অদুক্খমসুখায ৰেদনায সম্পযুত্তং সীলং… সুতং… চাগং… পঞ্ঞং… রাগং… মোহং… মানং… দিট্ঠিং… পত্থনং উপনিস্সায অদুক্খমসুখায ৰেদনায সম্পযুত্তেন চিত্তেন দানং দেতি…পে… সমাপত্তিং উপ্পাদেতি. অদুক্খমসুখায ৰেদনায সম্পযুত্তেন চিত্তেন অদিন্নং আদিযতি…পে… নিগমঘাতং করোতি. অদুক্খমসুখায ৰেদনায সম্পযুত্তা সদ্ধা… সীলং… সুতং… চাগো… পঞ্ঞা… রাগো… মোহো… মানো… দিট্ঠি… পত্থনা… অদুক্খমসুখায ৰেদনায সম্পযুত্তায সদ্ধায…পে… পত্থনায অদুক্খমসুখায ৰেদনায সম্পযুত্তকানং খন্ধানং উপনিস্সযপচ্চযেন পচ্চযো. (১)

অদুক্খমসুখায ৰেদনায সম্পযুত্তো ধম্মো সুখায ৰেদনায সম্পযুত্তস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে….

পকতূপনিস্সযো – অদুক্খমসুখায ৰেদনায সম্পযুত্তং সদ্ধং উপনিস্সায সুখায ৰেদনায সম্পযুত্তেন চিত্তেন দানং দেতি…পে… দিট্ঠিং গণ্হাতি. অদুক্খমসুখায ৰেদনায সম্পযুত্তং সীলং…পে… পত্থনং উপনিস্সায সুখায ৰেদনায সম্পযুত্তেন চিত্তেন দানং দেতি…পে… সমাপত্তিং উপ্পাদেতি. সুখায ৰেদনায সম্পযুত্তেন চিত্তেন অদিন্নং আদিযতি…পে… নিগমঘাতং করোতি. অদুক্খমসুখায ৰেদনায সম্পযুত্তা সদ্ধা…পে… পত্থনা সুখায ৰেদনায সম্পযুত্তায সদ্ধায…পে… পত্থনায… সুখসহগতস্স কাযৰিঞ্ঞাণস্স সুখায ৰেদনায সম্পযুত্তকানং খন্ধানং উপনিস্সযপচ্চযেন পচ্চযো. (২)

অদুক্খমসুখায ৰেদনায সম্পযুত্তো ধম্মো দুক্খায ৰেদনায সম্পযুত্তস্স ধম্মস্স উপনিস্সযপচ্চযেন পচ্চযো – অনন্তরূপনিস্সযো, পকতূপনিস্সযো…পে….

পকতূপনিস্সযো – অদুক্খমসুখায ৰেদনায সম্পযুত্তং সদ্ধং উপনিস্সায অত্তানং আতাপেতি পরিতাপেতি, পরিযিট্ঠিমূলকং দুক্খং পচ্চনুভোতি. অদুক্খমসুখায ৰেদনায সম্পযুত্তং সীলং…পে… পত্থনং উপনিস্সায পাণং হনতি. দুক্খায ৰেদনায সম্পযুত্তেন চিত্তেন অদিন্নং আদিযতি…পে… সঙ্ঘং ভিন্দতি. অদুক্খমসুখায ৰেদনায সম্পযুত্তা সদ্ধা…পে… পত্থনা… দোসস্স… মোহস্স… দুক্খসহগতস্স কাযৰিঞ্ঞাণস্স… দুক্খায ৰেদনায সম্পযুত্তকানং খন্ধানং উপনিস্সযপচ্চযেন পচ্চযো. (৩)

আসেৰনপচ্চযো

৫৬. সুখায ৰেদনায সম্পযুত্তো ধম্মো সুখায ৰেদনায সম্পযুত্তস্স ধম্মস্স আসেৰনপচ্চযেন পচ্চযো – পুরিমা পুরিমা সুখায ৰেদনায সম্পযুত্তা খন্ধা পচ্ছিমানং পচ্ছিমানং সুখায ৰেদনায সম্পযুত্তকানং খন্ধানং আসেৰনপচ্চযেন পচ্চযো. সুখায ৰেদনায সম্পযুত্তং অনুলোমং গোত্রভুস্স… অনুলোমং ৰোদানস্স… গোত্রভু মগ্গস্স… ৰোদানং মগ্গস্স আসেৰনপচ্চযেন পচ্চযো. (১)

দুক্খায ৰেদনায সম্পযুত্তো ধম্মো দুক্খায ৰেদনায সম্পযুত্তস্স ধম্মস্স আসেৰনপচ্চযেন পচ্চযো – পুরিমা পুরিমা দুক্খায ৰেদনায সম্পযুত্তা খন্ধা পচ্ছিমানং পচ্ছিমানং দুক্খায ৰেদনায সম্পযুত্তকানং খন্ধানং আসেৰনপচ্চযেন পচ্চযো. (১)

অদুক্খমসুখায ৰেদনায সম্পযুত্তো ধম্মো অদুক্খমসুখায ৰেদনায সম্পযুত্তস্স ধম্মস্স আসেৰনপচ্চযেন পচ্চযো – পুরিমা পুরিমা অদুক্খমসুখায ৰেদনায সম্পযুত্তা খন্ধা পচ্ছিমানং পচ্ছিমানং অদুক্খমসুখায ৰেদনায সম্পযুত্তকানং খন্ধানং আসেৰনপচ্চযেন পচ্চযো. অদুক্খমসুখায ৰেদনায সম্পযুত্তং অনুলোমং গোত্রভুস্স… অনুলোমং ৰোদানস্স… গোত্রভু মগ্গস্স… ৰোদানং মগ্গস্স আসেৰনপচ্চযেন পচ্চযো. (১)

কম্মপচ্চযো

৫৭. সুখায ৰেদনায সম্পযুত্তো ধম্মো সুখায ৰেদনায সম্পযুত্তস্স ধম্মস্স কম্মপচ্চযেন পচ্চযো – সহজাতা, নানাক্খণিকা [নানাখণিকা (ক.)]. সহজাতা – সুখায ৰেদনায সম্পযুত্তা চেতনা সম্পযুত্তকানং খন্ধানং কম্মপচ্চযেন পচ্চযো. পটিসন্ধিক্খণে…পে…. নানাক্খণিকা – সুখায ৰেদনায সম্পযুত্তা চেতনা ৰিপাকানং সুখায ৰেদনায সম্পযুত্তকানং খন্ধানং কম্মপচ্চযেন পচ্চযো. (১)

সুখায ৰেদনায সম্পযুত্তো ধম্মো দুক্খায ৰেদনায সম্পযুত্তস্স ধম্মস্স কম্মপচ্চযেন পচ্চযো. নানাক্খণিকা – সুখায ৰেদনায সম্পযুত্তা চেতনা ৰিপাকানং দুক্খায ৰেদনায সম্পযুত্তকানং খন্ধানং কম্মপচ্চযেন পচ্চযো. (২)

সুখায ৰেদনায সম্পযুত্তো ধম্মো অদুক্খমসুখায ৰেদনায সম্পযুত্তস্স ধম্মস্স কম্মপচ্চযেন পচ্চযো. নানাক্খণিকা – সুখায ৰেদনায সম্পযুত্তা চেতনা ৰিপাকানং অদুক্খমসুখায ৰেদনায সম্পযুত্তকানং খন্ধানং কম্মপচ্চযেন পচ্চযো. (৩)

৫৮. দুক্খায ৰেদনায সম্পযুত্তো ধম্মো দুক্খায ৰেদনায সম্পযুত্তস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – দুক্খায ৰেদনায সম্পযুত্তা চেতনা সম্পযুত্তকানং খন্ধানং কম্মপচ্চযেন পচ্চযো. নানাক্খণিকা – দুক্খায ৰেদনায সম্পযুত্তা চেতনা ৰিপাকানং দুক্খায ৰেদনায সম্পযুত্তকানং খন্ধানং কম্মপচ্চযেন পচ্চযো. (১)

দুক্খায ৰেদনায সম্পযুত্তো ধম্মো অদুক্খমসুখায ৰেদনায সম্পযুত্তস্স ধম্মস্স কম্মপচ্চযেন পচ্চযো. নানাক্খণিকা – দুক্খায ৰেদনায সম্পযুত্তা চেতনা ৰিপাকানং অদুক্খমসুখায ৰেদনায সম্পযুত্তকানং খন্ধানং কম্মপচ্চযেন পচ্চযো. (২)

৫৯. অদুক্খমসুখায ৰেদনায সম্পযুত্তো ধম্মো অদুক্খমসুখায ৰেদনায সম্পযুত্তস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – অদুক্খমসুখায ৰেদনায সম্পযুত্তা চেতনা সম্পযুত্তকানং খন্ধানং কম্মপচ্চযেন পচ্চযো. পটিসন্ধিক্খণে…পে…. নানাক্খণিকা – অদুক্খমসুখায ৰেদনায সম্পযুত্তা চেতনা ৰিপাকানং অদুক্খমসুখায ৰেদনায সম্পযুত্তকানং খন্ধানং কম্মপচ্চযেন পচ্চযো. (১)

অদুক্খমসুখায ৰেদনায সম্পযুত্তো ধম্মো সুখায ৰেদনায সম্পযুত্তস্স ধম্মস্স কম্মপচ্চযেন পচ্চযো. নানাক্খণিকা – অদুক্খমসুখায ৰেদনায সম্পযুত্তা চেতনা ৰিপাকানং সুখায ৰেদনায সম্পযুত্তকানং খন্ধানং কম্মপচ্চযেন পচ্চযো. (২)

অদুক্খমসুখায ৰেদনায সম্পযুত্তো ধম্মো দুক্খায ৰেদনায সম্পযুত্তস্স ধম্মস্স কম্মপচ্চযেন পচ্চযো. নানাক্খণিকা – অদুক্খমসুখায ৰেদনায সম্পযুত্তা চেতনা ৰিপাকানং দুক্খায ৰেদনায সম্পযুত্তকানং খন্ধানং কম্মপচ্চযেন পচ্চযো. (৩)

ৰিপাকপচ্চযো

৬০. সুখায ৰেদনায সম্পযুত্তো ধম্মো সুখায ৰেদনায সম্পযুত্তস্স ধম্মস্স ৰিপাকপচ্চযেন পচ্চযো – ৰিপাকো সুখায ৰেদনায সম্পযুত্তো একো খন্ধো দ্ৰিন্নং খন্ধানং ৰিপাকপচ্চযেন পচ্চযো. দ্ৰে খন্ধা একস্স খন্ধস্স ৰিপাকপচ্চযেন পচ্চযো. পটিসন্ধিক্খণে সুখায ৰেদনায সম্পযুত্তো একো খন্ধো দ্ৰিন্নং খন্ধানং ৰিপাকপচ্চযেন পচ্চযো. দ্ৰে খন্ধা একস্স খন্ধস্স…পে…. (১)

দুক্খায ৰেদনায সম্পযুত্তো ধম্মো দুক্খায ৰেদনায সম্পযুত্তস্স ধম্মস্স ৰিপাকপচ্চযেন পচ্চযো – ৰিপাকো দুক্খায ৰেদনায সম্পযুত্তো একো খন্ধো দ্ৰিন্নং খন্ধানং ৰিপাকপচ্চযেন পচ্চযো …পে…. (১)

অদুক্খমসুখায ৰেদনায…পে… ৰিপাকো অদুক্খমসুখায ৰেদনায সম্পযুত্তো একো খন্ধো দ্ৰিন্নং খন্ধানং…পে… পটিসন্ধিক্খণে…পে…. (১)

আহারপচ্চযাদি

৬১. সুখায ৰেদনায সম্পযুত্তো ধম্মো সুখায ৰেদনায সম্পযুত্তস্স ধম্মস্স আহারপচ্চযেন পচ্চযো…পে… ইন্দ্রিযপচ্চযেন পচ্চযো…পে… ঝানপচ্চযেন পচ্চযো…পে… মগ্গপচ্চযেন পচ্চযো…পে… সম্পযুত্তপচ্চযেন পচ্চযো…পে… অত্থিপচ্চযেন পচ্চযো…পে… নত্থিপচ্চযেন পচ্চযো…পে… ৰিগতপচ্চযেন পচ্চযো…পে… অৰিগতপচ্চযেন পচ্চযো…পে….