১. পচ্চযানুলোমং

১. ৰিভঙ্গৰারো

হেতুপচ্চযো

২৩৪. কুসলং ধম্মং সহজাতো কুসলো ধম্মো উপ্পজ্জতি হেতুপচ্চযা – কুসলং একং খন্ধং সহজাতা তযো খন্ধা, তযো খন্ধে সহজাতো একো খন্ধো, দ্ৰে খন্ধে সহজাতা দ্ৰে খন্ধা. কুসলং ধম্মং সহজাতো অব্যাকতো ধম্মো উপ্পজ্জতি হেতুপচ্চযা – কুসলে খন্ধে সহজাতং চিত্তসমুট্ঠানং রূপং. কুসলং ধম্মং সহজাতো কুসলো চ অব্যাকতো চ ধম্মা উপ্পজ্জন্তি হেতুপচ্চযা – কুসলং একং খন্ধং সহজাতা তযো খন্ধা চিত্তসমুট্ঠানঞ্চ রূপং, তযো খন্ধে সহজাতো একো খন্ধো চিত্তসমুট্ঠানঞ্চ রূপং, দ্ৰে খন্ধে সহজাতা দ্ৰে খন্ধা চিত্তসমুট্ঠানঞ্চ রূপং. (৩)

২৩৫. অকুসলং ধম্মং সহজাতো অকুসলো ধম্মো উপ্পজ্জতি হেতুপচ্চযা – অকুসলং একং খন্ধং সহজাতা তযো খন্ধা, তযো খন্ধে সহজাতো একো খন্ধো, দ্ৰে খন্ধে সহজাতা দ্ৰে খন্ধা. অকুসলং ধম্মং সহজাতো অব্যাকতো ধম্মো উপ্পজ্জতি হেতুপচ্চযা – অকুসলে খন্ধে সহজাতং চিত্তসমুট্ঠানং রূপং. অকুসলং ধম্মং সহজাতো অকুসলো চ অব্যাকতো চ ধম্মা উপ্পজ্জন্তি হেতুপচ্চযা – অকুসলং একং খন্ধং সহজাতা তযো খন্ধা চিত্তসমুট্ঠানঞ্চ রূপং, তযো খন্ধে সহজাতো একো খন্ধো চিত্তসমুট্ঠানঞ্চ রূপং, দ্ৰে খন্ধে সহজাতা দ্ৰে খন্ধা চিত্তসমুট্ঠানঞ্চ রূপং. (৩)

২৩৬. অব্যাকতং ধম্মং সহজাতো অব্যাকতো ধম্মো উপ্পজ্জতি হেতুপচ্চযা – ৰিপাকাব্যাকতং কিরিযাব্যাকতং একং খন্ধং সহজাতা তযো খন্ধা চিত্তসমুট্ঠানঞ্চ রূপং, তযো খন্ধে সহজাতো একো খন্ধো চিত্তসমুট্ঠানঞ্চ রূপং, দ্ৰে খন্ধে সহজাতা দ্ৰে খন্ধা চিত্তসমুট্ঠানঞ্চ রূপং; পটিসন্ধিক্খণে ৰিপাকাব্যাকতং একং খন্ধং সহজাতা তযো খন্ধা কটত্তা চ রূপং, তযো খন্ধে সহজাতো একো খন্ধো কটত্তা চ রূপং, দ্ৰে খন্ধে সহজাতা দ্ৰে খন্ধা কটত্তা চ রূপং; খন্ধে সহজাতং ৰত্থু, ৰত্থুং সহজাতা খন্ধা; একং মহাভূতং সহজাতা তযো মহাভূতা, তযো মহাভূতে সহজাতং একং মহাভূতং, দ্ৰে মহাভূতে সহজাতা দ্ৰে মহাভূতা, মহাভূতে সহজাতং চিত্তসমুট্ঠানং রূপং কটত্তারূপং উপাদারূপং. (১)

২৩৭. কুসলঞ্চ অব্যাকতঞ্চ ধম্মং সহজাতো অব্যাকতো ধম্মো উপ্পজ্জতি হেতুপচ্চযা – কুসলে খন্ধে চ মহাভূতে চ সহজাতং চিত্তসমুট্ঠানং রূপং. (১)

অকুসলঞ্চ অব্যাকতঞ্চ ধম্মং সহজাতো অব্যাকতো ধম্মো উপ্পজ্জতি হেতুপচ্চযা – অকুসলে খন্ধে চ মহাভূতে চ সহজাতং চিত্তসমুট্ঠানং রূপং. (১)

(যথা পটিচ্চৰারে এৰং ৰিত্থারেতব্বং.)