১. ৰিভঙ্গৰারো

হেতুপচ্চযো

৪০১. কুসলো ধম্মো কুসলস্স ধম্মস্স হেতুপচ্চযেন পচ্চযো – কুসলা হেতূ সম্পযুত্তকানং খন্ধানং হেতুপচ্চযেন পচ্চযো. কুসলো ধম্মো অব্যাকতস্স ধম্মস্স হেতুপচ্চযেন পচ্চযো – কুসলা হেতূ চিত্তসমুট্ঠানানং রূপানং হেতুপচ্চযেন পচ্চযো. কুসলো ধম্মো কুসলস্স চ অব্যাকতস্স চ ধম্মস্স হেতুপচ্চযেন পচ্চযো – কুসলা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো. (৩)

৪০২. অকুসলো ধম্মো অকুসলস্স ধম্মস্স হেতুপচ্চযেন পচ্চযো – অকুসলা হেতূ সম্পযুত্তকানং খন্ধানং হেতুপচ্চযেন পচ্চযো. অকুসলো ধম্মো অব্যাকতস্স ধম্মস্স হেতুপচ্চযেন পচ্চযো – অকুসলা হেতূ চিত্তসমুট্ঠানানং রূপানং হেতুপচ্চযেন পচ্চযো. অকুসলো ধম্মো অকুসলস্স চ অব্যাকতস্স চ ধম্মস্স হেতুপচ্চযেন পচ্চযো – অকুসলা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো. (৩)

৪০৩. অব্যাকতো ধম্মো অব্যাকতস্স ধম্মস্স হেতুপচ্চযেন পচ্চযো – ৰিপাকাব্যাকতা কিরিযাব্যাকতা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো; পটিসন্ধিক্খণে ৰিপাকাব্যাকতা হেতূ সম্পযুত্তকানং খন্ধানং কটত্তা চ রূপানং হেতুপচ্চযেন পচ্চযো. (১)

আরম্মণপচ্চযো

৪০৪. কুসলো ধম্মো কুসলস্স ধম্মস্স আরম্মণপচ্চযেন পচ্চযো – দানং দত্ৰা সীলং সমাদিযিত্ৰা উপোসথকম্মং কত্ৰা তং পচ্চৰেক্খতি, পুব্বে সুচিণ্ণানি পচ্চৰেক্খতি, ঝানা ৰুট্ঠহিত্ৰা ঝানং পচ্চৰেক্খতি, সেক্খা গোত্রভুং পচ্চৰেক্খন্তি, ৰোদানং পচ্চৰেক্খন্তি, সেক্খা মগ্গা ৰুট্ঠহিত্ৰা মগ্গং পচ্চৰেক্খন্তি, সেক্খা ৰা পুথুজ্জনা ৰা কুসলং অনিচ্চতো দুক্খতো অনত্ততো ৰিপস্সন্তি, চেতোপরিযঞাণেন কুসলচিত্তসমঙ্গিস্স চিত্তং জানন্তি. আকাসানঞ্চাযতনকুসলং ৰিঞ্ঞাণঞ্চাযতনকুসলস্স আরম্মণপচ্চযেন পচ্চযো. আকিঞ্চঞ্ঞাযতনকুসলং নেৰসঞ্ঞানাসঞ্ঞাযতনকুসলস্স আরম্মণপচ্চযেন পচ্চযো. কুসলা খন্ধা ইদ্ধিৰিধঞাণস্স চেতোপরিযঞাণস্স পুব্বেনিৰাসানুস্সতিঞাণস্স যথাকম্মূপগঞাণস্স অনাগতংসঞাণস্স আরম্মণপচ্চযেন পচ্চযো. (১)

৪০৫. কুসলো ধম্মো অকুসলস্স ধম্মস্স আরম্মণপচ্চযেন পচ্চযো – দানং দত্ৰা সীলং সমাদিযিত্ৰা উপোসথকম্মং কত্ৰা তং অস্সাদেতি অভিনন্দতি; তং আরব্ভ রাগো উপ্পজ্জতি, দিট্ঠি উপ্পজ্জতি, ৰিচিকিচ্ছা উপ্পজ্জতি, উদ্ধচ্চং উপ্পজ্জতি, দোমনস্সং উপ্পজ্জতি. পুব্বে সুচিণ্ণানি অস্সাদেতি অভিনন্দতি; তং আরব্ভ রাগো উপ্পজ্জতি, দিট্ঠি উপ্পজ্জতি, ৰিচিকিচ্ছা উপ্পজ্জতি, উদ্ধচ্চং উপ্পজ্জতি, দোমনস্সং উপ্পজ্জতি. ঝানা ৰুট্ঠহিত্ৰা ঝানং অস্সাদেতি অভিনন্দতি; তং আরব্ভ রাগো উপ্পজ্জতি, দিট্ঠি উপ্পজ্জতি, ৰিচিকিচ্ছা উপ্পজ্জতি, উদ্ধচ্চং উপ্পজ্জতি. ঝানে পরিহীনে ৰিপ্পটিসারিস্স দোমনস্সং উপ্পজ্জতি. (২)

৪০৬. কুসলো ধম্মো অব্যাকতস্স ধম্মস্স আরম্মণপচ্চযেন পচ্চযো – অরহা মগ্গা ৰুট্ঠহিত্ৰা মগ্গং পচ্চৰেক্খতি; পুব্বে সুচিণ্ণানি পচ্চৰেক্খতি; কুসলং অনিচ্চতো দুক্খতো অনত্ততো ৰিপ্পস্সতি; চেতোপরিযঞাণেন কুসলচিত্তসমঙ্গিস্স চিত্তং জানাতি. সেক্খা ৰা পুথুজ্জনা ৰা কুসলং অনিচ্চতো দুক্খতো অনত্ততো ৰিপস্সন্তি, কুসলে নিরুদ্ধে ৰিপাকো তদারম্মণতা উপ্পজ্জতি. কুসলং অস্সাদেতি অভিনন্দতি; তং আরব্ভ রাগো উপ্পজ্জতি, দিট্ঠি উপ্পজ্জতি, ৰিচিকিচ্ছা উপ্পজ্জতি, উদ্ধচ্চং উপ্পজ্জতি, দোমনস্সং উপ্পজ্জতি, অকুসলে নিরুদ্ধে ৰিপাকো তদারম্মণতা উপ্পজ্জতি. আকাসানঞ্চাযতনকুসলং ৰিঞ্ঞাণঞ্চাযতনৰিপাকস্স চ, কিরিযস্স চ আরম্মণপচ্চযেন পচ্চযো. আকিঞ্চঞ্ঞাযতনকুসলং নেৰসঞ্ঞানাসঞ্ঞাযতনৰিপাকস্স চ, কিরিযস্স চ আরম্মণপচ্চযেন পচ্চযো. কুসলা খন্ধা চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (৩)

৪০৭. অকুসলো ধম্মো অকুসলস্স ধম্মস্স আরম্মণপচ্চযেন পচ্চযো – রাগং অস্সাদেতি অভিনন্দতি; তং আরব্ভ রাগো উপ্পজ্জতি, দিট্ঠি উপ্পজ্জতি, ৰিচিকিচ্ছা উপ্পজ্জতি, উদ্ধচ্চং উপ্পজ্জতি, দোমনস্সং উপ্পজ্জতি. দিট্ঠিং অস্সাদেতি অভিনন্দতি; তং আরব্ভ রাগো উপ্পজ্জতি, দিট্ঠি উপ্পজ্জতি, ৰিচিকিচ্ছা উপ্পজ্জতি, উদ্ধচ্চং উপ্পজ্জতি, দোমনস্সং উপ্পজ্জতি. ৰিচিকিচ্ছং আরব্ভ ৰিচিকিচ্ছা উপ্পজ্জতি, দিট্ঠি উপ্পজ্জতি, উদ্ধচ্চং উপ্পজ্জতি, দোমনস্সং উপ্পজ্জতি. উদ্ধচ্চং আরব্ভ উদ্ধচ্চং উপ্পজ্জতি, দিট্ঠি উপ্পজ্জতি, ৰিচিকিচ্ছা উপ্পজ্জতি, দোমনস্সং উপ্পজ্জতি. দোমনস্সং আরব্ভ দোমনস্সং উপ্পজ্জতি, দিট্ঠি উপ্পজ্জতি, ৰিচিকিচ্ছা উপ্পজ্জতি, উদ্ধচ্চং উপ্পজ্জতি. (১)

৪০৮. অকুসলো ধম্মো কুসলস্স ধম্মস্স আরম্মণপচ্চযেন পচ্চযো – সেক্খা পহীনে কিলেসে [পহীনকিলেসে (স্যা.)] পচ্চৰেক্খন্তি, ৰিক্খম্ভিতে কিলেসে [ৰিক্খম্ভিতকিলেসে (স্যা.)] পচ্চৰেক্খন্তি, পুব্বে সমুদাচিণ্ণে কিলেসে জানন্তি, সেক্খা ৰা পুথুজ্জনা ৰা অকুসলং অনিচ্চতো দুক্খতো অনত্ততো ৰিপস্সন্তি, চেতোপরিযঞাণেন অকুসলচিত্তসমঙ্গিস্স চিত্তং জানন্তি. অকুসলা খন্ধা চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স অনাগতংসঞাণস্স আরম্মণপচ্চযেন পচ্চযো. (২)

৪০৯. অকুসলো ধম্মো অব্যাকতস্স ধম্মস্স আরম্মণপচ্চযেন পচ্চযো – অরহা পহীনে কিলেসে পচ্চৰেক্খতি, পুব্বে সমুদাচিণ্ণে কিলেসে জানাতি, অকুসলং অনিচ্চতো দুক্খতো অনত্ততো ৰিপস্সতি, চেতোপরিযঞাণেন অকুসলচিত্তসমঙ্গিস্স চিত্তং জানাতি, সেক্খা ৰা পুথুজ্জনা ৰা অকুসলং অনিচ্চতো দুক্খতো অনত্ততো ৰিপস্সন্তি, কুসলে নিরুদ্ধে ৰিপাকো তদারম্মণতা উপ্পজ্জতি. অকুসলং অস্সাদেতি অভিনন্দতি; তং আরব্ভ রাগো উপ্পজ্জতি, দিট্ঠি উপ্পজ্জতি, ৰিচিকিচ্ছা উপ্পজ্জতি, উদ্ধচ্চং উপ্পজ্জতি, দোমনস্সং উপ্পজ্জতি. অকুসলে নিরুদ্ধে ৰিপাকো তদারম্মণতা উপ্পজ্জতি. অকুসলা খন্ধা চেতোপরিযঞাণস্স পুব্বেনিৰাসানুস্সতিঞাণস্স যথাকম্মূপগঞাণস্স অনাগতংসঞাণস্স আৰজ্জনায আরম্মণপচ্চযেন পচ্চযো. (৩)

৪১০. অব্যাকতো ধম্মো অব্যাকতস্স ধম্মস্স আরম্মণপচ্চযেন পচ্চযো – অরহা ফলং পচ্চৰেক্খতি, নিব্বানং পচ্চৰেক্খতি. নিব্বানং ফলস্স আৰজ্জনায আরম্মণপচ্চযেন পচ্চযো. অরহা চক্খুং অনিচ্চতো দুক্খতো অনত্ততো ৰিপস্সতি. সোতং… ঘানং… জিৰ্হং… কাযং… রূপে… সদ্দে… গন্ধে… রসে… ফোট্ঠব্বে… ৰত্থুং… ৰিপাকাব্যাকতে কিরিযাব্যাকতে খন্ধে অনিচ্চতো দুক্খতো অনত্ততো ৰিপস্সতি, দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি, চেতোপরিযঞাণেন ৰিপাকাব্যাকতকিরিযাব্যাকতচিত্তসমঙ্গিস্স চিত্তং জানাতি. আকাসানঞ্চাযতনকিরিযং ৰিঞ্ঞাণঞ্চাযতনকিরিযস্স আরম্মণপচ্চযেন পচ্চযো. আকিঞ্চঞ্ঞাযতনকিরিযং নেৰসঞ্ঞানাসঞ্ঞাযতনকিরিযস্স আরম্মণপচ্চযেন পচ্চযো. রূপাযতনং চক্খুৰিঞ্ঞাণস্স আরম্মণপচ্চযেন পচ্চযো. সদ্দাযতনং সোতৰিঞ্ঞাণস্স… গন্ধাযতনং ঘানৰিঞ্ঞাণস্স… রসাযতনং জিৰ্হাৰিঞ্ঞাণস্স … ফোট্ঠব্বাযতনং কাযৰিঞ্ঞাণস্স আরম্মণপচ্চযেন পচ্চযো. অব্যাকতা খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (১)

৪১১. অব্যাকতো ধম্মো কুসলস্স ধম্মস্স আরম্মণপচ্চযেন পচ্চযো – সেক্খা ফলং পচ্চৰেক্খন্তি, নিব্বানং পচ্চৰেক্খন্তি. নিব্বানং গোত্রভুস্স ৰোদানস্স মগ্গস্স আরম্মণপচ্চযেন পচ্চযো. সেক্খা ৰা পুথুজ্জনা ৰা চক্খুং অনিচ্চতো দুক্খতো অনত্ততো ৰিপ্পস্সন্তি. সোতং… ঘানং… জিৰ্হং… কাযং… রূপে… সদ্দে… গন্ধে… রসে… ফোট্ঠব্বে… ৰত্থুং… ৰিপাকাব্যাকতে কিরিযাব্যাকতে খন্ধে অনিচ্চতো দুক্খতো অনত্ততো ৰিপস্সন্তি, দিব্বেন চক্খুনা রূপং পস্সন্তি, দিব্বায সোতধাতুযা সদ্দং সুণন্তি, চেতোপরিযঞাণেন ৰিপাকাব্যাকতকিরিযাব্যাকতচিত্তসমঙ্গিস্স চিত্তং জানন্তি. অব্যাকতা খন্ধা ইদ্ধিৰিধঞাণস্স চেতোপরিযঞাণস্স পুব্বেনিৰাসানুস্সতিঞাণস্স অনাগতংসঞাণস্স আরম্মণপচ্চযেন পচ্চযো.

৪১২. অব্যাকতো ধম্মো অকুসলস্স ধম্মস্স আরম্মণপচ্চযেন পচ্চযো – চক্খুং অস্সাদেতি অভিনন্দতি; তং আরব্ভ রাগো উপ্পজ্জতি, দিট্ঠি উপ্পজ্জতি, ৰিচিকিচ্ছা উপ্পজ্জতি, উদ্ধচ্চং উপ্পজ্জতি, দোমনস্সং উপ্পজ্জতি. সোতং… ঘানং… জিৰ্হং… কাযং… রূপে… সদ্দে… গন্ধে… রসে… ফোট্ঠব্বে… ৰত্থুং… ৰিপাকাব্যাকতে কিরিযাব্যাকতে খন্ধে অস্সাদেতি অভিনন্দতি; তং আরব্ভ রাগো উপ্পজ্জতি, দিট্ঠি উপ্পজ্জতি, ৰিচিকিচ্ছা উপ্পজ্জতি, উদ্ধচ্চং উপ্পজ্জতি, দোমনস্সং উপ্পজ্জতি. (৩)

অধিপতিপচ্চযো

৪১৩. কুসলো ধম্মো কুসলস্স ধম্মস্স অধিপতিপচ্চযেন পচ্চযো. আরম্মণাধিপতি, সহজাতাধিপতি. আরম্মণাধিপতি – দানং দত্ৰা সীলং সমাদিযিত্ৰা উপোসথকম্মং কত্ৰা, তং গরুং কত্ৰা পচ্চৰেক্খতি, পুব্বে সুচিণ্ণানি গরুং কত্ৰা পচ্চৰেক্খতি, ঝানা ৰুট্ঠহিত্ৰা ঝানং গরুং কত্ৰা পচ্চৰেক্খতি. সেক্খা গোত্রভুং গরুং কত্ৰা পচ্চৰেক্খন্তি, ৰোদানং গরুং কত্ৰা পচ্চৰেক্খন্তি. সেক্খা মগ্গা ৰুট্ঠহিত্ৰা মগ্গং গরুং কত্ৰা পচ্চৰেক্খন্তি. সহজাতাধিপতি – কুসলাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

৪১৪. কুসলো ধম্মো অকুসলস্স ধম্মস্স অধিপতিপচ্চযেন পচ্চযো. আরম্মণাধিপতি – দানং দত্ৰা সীলং সমাদিযিত্ৰা উপোসথকম্মং কত্ৰা, তং গরুং কত্ৰা অস্সাদেতি অভিনন্দতি; তং গরুং কত্ৰা রাগো উপ্পজ্জতি, দিট্ঠি উপ্পজ্জতি, পুব্বে সুচিণ্ণানি গরুং কত্ৰা অস্সাদেতি অভিনন্দতি; তং গরুং কত্ৰা রাগো উপ্পজ্জতি, দিট্ঠি উপ্পজ্জতি. ঝানা ৰুট্ঠহিত্ৰা ঝানং গরুং কত্ৰা অস্সাদেতি অভিনন্দতি; তং গরুং কত্ৰা রাগো উপ্পজ্জতি, দিট্ঠি উপ্পজ্জতি.

কুসলো ধম্মো অব্যাকতস্স ধম্মস্স অধিপতিপচ্চযেন পচ্চযো. আরম্মণাধিপতি, সহজাতাধিপতি. আরম্মণাধিপতি – অরহা মগ্গা ৰুট্ঠহিত্ৰা মগ্গং গরুং কত্ৰা পচ্চৰেক্খতি. সহজাতাধিপতি – কুসলাধিপতি চিত্তসমুট্ঠানানং রূপানং অধিপতিপচ্চযেন পচ্চযো. (৩)

কুসলো ধম্মো কুসলস্স চ অব্যাকতস্স চ ধম্মস্স অধিপতিপচ্চযেন পচ্চযো. সহজাতাধিপতি – কুসলাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (৪)

৪১৫. অকুসলো ধম্মো অকুসলস্স ধম্মস্স অধিপতিপচ্চযেন পচ্চযো. আরম্মণাধিপতি, সহজাতাধিপতি. আরম্মণাধিপতি – রাগং গরুং কত্ৰা অস্সাদেতি অভিনন্দতি; তং গরুং কত্ৰা রাগো উপ্পজ্জতি, দিট্ঠি উপ্পজ্জতি. দিট্ঠিং গরুং কত্ৰা অস্সাদেতি অভিনন্দতি; তং গরুং কত্ৰা রাগো উপ্পজ্জতি, দিট্ঠি উপ্পজ্জতি. সহজাতাধিপতি – অকুসলাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

অকুসলো ধম্মো অব্যাকতস্স ধম্মস্স অধিপতিপচ্চযেন পচ্চযো. সহজাতাধিপতি – অকুসলাধিপতি চিত্তসমুট্ঠানানং রূপানং অধিপতিপচ্চযেন পচ্চযো. (২)

অকুসলো ধম্মো অকুসলস্স চ অব্যাকতস্স চ ধম্মস্স অধিপতি পচ্চযেন পচ্চযো. সহজাতাধিপতি – অকুসলাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (৩)

৪১৬. অব্যাকতো ধম্মো অব্যাকতস্স ধম্মস্স অধিপতিপচ্চযেন পচ্চযো. আরম্মণাধিপতি, সহজাতাধিপতি. আরম্মণাধিপতি – অরহা ফলং গরুং কত্ৰা পচ্চৰেক্খতি, নিব্বানং গরুং কত্ৰা পচ্চৰেক্খতি. নিব্বানং ফলস্স অধিপতিপচ্চযেন পচ্চযো. সহজাতাধিপতি – ৰিপাকাব্যাকতকিরিযাব্যাকতাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (১)

অব্যাকতো ধম্মো কুসলস্স ধম্মস্স অধিপতিপচ্চযেন পচ্চযো. আরম্মণাধিপতি – সেক্খা ফলং গরুং কত্ৰা পচ্চৰেক্খন্তি, নিব্বানং গরুং কত্ৰা পচ্চৰেক্খন্তি. নিব্বানং গোত্রভুস্স, ৰোদানস্স, মগ্গস্স অধিপতিপচ্চযেন পচ্চযো. (২)

অব্যাকতো ধম্মো অকুসলস্স ধম্মস্স অধিপতিপচ্চযেন পচ্চযো. আরম্মণাধিপতি – চক্খুং গরুং কত্ৰা অস্সাদেতি অভিনন্দতি; তং গরুং কত্ৰা রাগো উপ্পজ্জতি, দিট্ঠি উপ্পজ্জতি. সোতং… ঘানং… জিৰ্হং… কাযং… রূপে… সদ্দে… গন্ধে… রসে… ফোট্ঠব্বে… ৰত্থুং… ৰিপাকাব্যাকতে কিরিযাব্যাকতে খন্ধে গরুং কত্ৰা অস্সাদেতি অভিনন্দতি; তং গরুং কত্ৰা রাগো উপ্পজ্জতি, দিট্ঠি উপ্পজ্জতি. (৩)

অনন্তরপচ্চযো

৪১৭. কুসলো ধম্মো কুসলস্স ধম্মস্স অনন্তরপচ্চযেন পচ্চযো – পুরিমা পুরিমা কুসলা খন্ধা পচ্ছিমানং পচ্ছিমানং কুসলানং খন্ধানং অনন্তরপচ্চযেন পচ্চযো. অনুলোমং গোত্রভুস্স… অনুলোমং ৰোদানস্স… গোত্রভু মগ্গস্স… ৰোদানং মগ্গস্স অনন্তরপচ্চযেন পচ্চযো. (১)

কুসলো ধম্মো অব্যাকতস্স ধম্মস্স অনন্তরপচ্চযেন পচ্চযো. কুসলং ৰুট্ঠানস্স… মগ্গো ফলস্স… অনুলোমং সেক্খায ফলসমাপত্তিযা… নিরোধা ৰুট্ঠহন্তস্স নেৰসঞ্ঞানাসঞ্ঞাযতনকুসলং ফলসমাপত্তিযা অনন্তরপচ্চযেন পচ্চযো. (২)

অকুসলো ধম্মো অকুসলস্স ধম্মস্স অনন্তরপচ্চযেন পচ্চযো – পুরিমা পুরিমা অকুসলা খন্ধা পচ্ছিমানং পচ্ছিমানং অকুসলানং খন্ধানং অনন্তরপচ্চযেন পচ্চযো. (১)

অকুসলো ধম্মো অব্যাকতস্স ধম্মস্স অনন্তরপচ্চযেন পচ্চযো. অকুসলং ৰুট্ঠানস্স অনন্তরপচ্চযেন পচ্চযো. (২)

অব্যাকতো ধম্মো অব্যাকতস্স ধম্মস্স অনন্তরপচ্চযেন পচ্চযো – পুরিমা পুরিমা ৰিপাকাব্যাকতা কিরিযাব্যাকতা খন্ধা পচ্ছিমানং পচ্ছিমানং ৰিপাকাব্যাকতানং কিরিযাব্যাকতানং খন্ধানং অনন্তরপচ্চযেন পচ্চযো. ভৰঙ্গং আৰজ্জনায… কিরিযং ৰুট্ঠানস্স… অরহতো অনুলোমং ফলসমাপত্তিযা… নিরোধা ৰুট্ঠহন্তস্স নেৰসঞ্ঞানাসঞ্ঞাযতনকিরিযং ফলসমাপত্তিযা অনন্তরপচ্চযেন পচ্চযো. (১)

অব্যাকতো ধম্মো কুসলস্স ধম্মস্স অনন্তরপচ্চযেন পচ্চযো – আৰজ্জনা কুসলানং খন্ধানং অনন্তরপচ্চযেন পচ্চযো. (২)

অব্যাকতো ধম্মো অকুসলস্স ধম্মস্স অনন্তরপচ্চযেন পচ্চযো – আৰজ্জনা অকুসলানং খন্ধানং অনন্তরপচ্চযেন পচ্চযো. (৩)

সমনন্তরপচ্চযো

৪১৮. কুসলো ধম্মো কুসলস্স ধম্মস্স সমনন্তরপচ্চযেন পচ্চযো – পুরিমা পুরিমা কুসলা খন্ধা পচ্ছিমানং পচ্ছিমানং কুসলানং খন্ধানং সমনন্তরপচ্চযেন পচ্চযো. অনুলোমং গোত্রভুস্স… অনুলোমং ৰোদানস্স… গোত্রভু মগ্গস্স… ৰোদানং মগ্গস্স সমনন্তরপচ্চযেন পচ্চযো.

কুসলো ধম্মো অব্যাকতস্স ধম্মস্স সমনন্তরপচ্চযেন পচ্চযো. কুসলং ৰুট্ঠানস্স… মগ্গো ফলস্স… অনুলোমং সেক্খায ফলসমাপত্তিযা… নিরোধা ৰুট্ঠহন্তস্স নেৰসঞ্ঞানাসঞ্ঞাযতনকুসলং ফলসমাপত্তিযা সমনন্তরপচ্চযেন পচ্চযো. (২)

অকুসলো ধম্মো অকুসলস্স ধম্মস্স সমনন্তরপচ্চযেন পচ্চযো – পুরিমা পুরিমা অকুসলা খন্ধা পচ্ছিমানং পচ্ছিমানং অকুসলানং খন্ধানং সমনন্তরপচ্চযেন পচ্চযো. (১)

অকুসলো ধম্মো অব্যাকতস্স ধম্মস্স সমনন্তরপচ্চযেন পচ্চযো – অকুসলং ৰুট্ঠানস্স সমনন্তরপচ্চযেন পচ্চযো. (২)

অব্যাকতো ধম্মো অব্যাকতস্স ধম্মস্স সমনন্তরপচ্চযেন পচ্চযো – পুরিমা পুরিমা ৰিপাকাব্যাকতা কিরিযাব্যাকতা খন্ধা পচ্ছিমানং পচ্ছিমানং ৰিপাকাব্যাকতানং কিরিযাব্যাকতানং খন্ধানং সমনন্তরপচ্চযেন পচ্চযো. ভৰঙ্গং আৰজ্জনায… কিরিযং ৰুট্ঠানস্স… অরহতো অনুলোমং ফলসমাপত্তিযা… নিরোধা ৰুট্ঠহন্তস্স নেৰসঞ্ঞানাসঞ্ঞাযতনকিরিযং ফলসমাপত্তিযা সমনন্তরপচ্চযেন পচ্চযো. (১)

অব্যাকতো ধম্মো কুসলস্স ধম্মস্স সমনন্তরপচ্চযেন পচ্চযো – আৰজ্জনা কুসলানং খন্ধানং সমনন্তরপচ্চযেন পচ্চযো. (২)

অব্যাকতো ধম্মো অকুসলস্স ধম্মস্স সমনন্তরপচ্চযেন পচ্চযো – আৰজ্জনা অকুসলানং খন্ধানং সমনন্তরপচ্চযেন পচ্চযো. (৩)

সহজাতপচ্চযো

৪১৯. কুসলো ধম্মো কুসলস্স ধম্মস্স সহজাতপচ্চযেন পচ্চযো – কুসলো একো খন্ধো তিণ্ণন্নং খন্ধানং সহজাতপচ্চযেন পচ্চযো. তযো খন্ধা একস্স খন্ধস্স সহজাতপচ্চযেন পচ্চযো. দ্ৰে খন্ধা দ্ৰিন্নং খন্ধানং সহজাতপচ্চযেন পচ্চযো. (১)

কুসলো ধম্মো অব্যাকতস্স ধম্মস্স সহজাতপচ্চযেন পচ্চযো – কুসলা খন্ধা চিত্তসমুট্ঠানানং রূপানং সহজাতপচ্চযেন পচ্চযো. (২)

কুসলো ধম্মো কুসলস্স চ অব্যাকতস্স চ ধম্মস্স সহজাতপচ্চযেন পচ্চযো – কুসলো একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং সহজাতপচ্চযেন পচ্চযো. তযো খন্ধা একস্স খন্ধস্স চিত্তসমুট্ঠানানঞ্চ রূপানং সহজাতপচ্চযেন পচ্চযো. দ্ৰে খন্ধা দ্ৰিন্নং খন্ধানং চিত্তসমুট্ঠানানঞ্চ রূপানং সহজাতপচ্চযেন পচ্চযো. (৩)

অকুসলো ধম্মো অকুসলস্স ধম্মস্স সহজাতপচ্চযেন পচ্চযো – অকুসলো একো খন্ধো তিণ্ণন্নং খন্ধানং সহজাতপচ্চযেন পচ্চযো. তযো খন্ধা একস্স খন্ধস্স সহজাতপচ্চযেন পচ্চযো. দ্ৰে খন্ধা দ্ৰিন্নং খন্ধানং সহজাতপচ্চযেন পচ্চযো. (১)

অকুসলো ধম্মো অব্যাকতস্স ধম্মস্স সহজাতপচ্চযেন পচ্চযো – অকুসলা খন্ধা চিত্তসমুট্ঠানানং রূপানং সহজাতপচ্চযেন পচ্চযো. (২)

অকুসলো ধম্মো অকুসলস্স চ অব্যাকতস্স চ ধম্মস্স সহজাতপচ্চযেন পচ্চযো – অকুসলো একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং সহজাতপচ্চযেন পচ্চযো. তযো খন্ধা একস্স খন্ধস্স চিত্তসমুট্ঠানানঞ্চ রূপানং সহজাতপচ্চযেন পচ্চযো. দ্ৰে খন্ধা দ্ৰিন্নং খন্ধানং চিত্তসমুট্ঠানানঞ্চ রূপানং সহজাতপচ্চযেন পচ্চযো. (৩)

অব্যাকতো ধম্মো অব্যাকতস্স ধম্মস্স সহজাতপচ্চযেন পচ্চযো – ৰিপাকাব্যাকতো কিরিযাব্যাকতো একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং সহজাতপচ্চযেন পচ্চযো. তযো খন্ধা একস্স খন্ধস্স চিত্তসমুট্ঠানানঞ্চ রূপানং সহজাতপচ্চযেন পচ্চযো. দ্ৰে খন্ধা দ্ৰিন্নং খন্ধানং চিত্তসমুট্ঠানানঞ্চ রূপানং সহজাতপচ্চযেন পচ্চযো. পটিসন্ধিক্খণে ৰিপাকাব্যাকতো একো খন্ধো তিণ্ণন্নং খন্ধানং কটত্তা চ রূপানং সহজাতপচ্চযেন পচ্চযো. তযো খন্ধা একস্স খন্ধস্স কটত্তা চ রূপানং সহজাতপচ্চযেন পচ্চযো. দ্ৰে খন্ধা দ্ৰিন্নং খন্ধানং কটত্তা চ রূপানং সহজাতপচ্চযেন পচ্চযো. খন্ধা ৰত্থুস্স সহজাতপচ্চযেন পচ্চযো. ৰত্থু খন্ধানং সহজাতপচ্চযেন পচ্চযো. একং মহাভূতং তিণ্ণন্নং মহাভূতানং সহজাতপচ্চযেন পচ্চযো. তযো মহাভূতা একস্স মহাভূতস্স সহজাতপচ্চযেন পচ্চযো. দ্ৰে মহাভূতা দ্ৰিন্নং মহাভূতানং সহজাতপচ্চযেন পচ্চযো. মহাভূতা চিত্তসমুট্ঠানানং রূপানং কটত্তারূপানং উপাদারূপানং সহজাতপচ্চযেন পচ্চযো. বাহিরং একং মহাভূতং তিণ্ণন্নং মহাভূতানং সহজাতপচ্চযেন পচ্চযো. তযো মহাভূতা একস্স মহাভূতস্স সহজাতপচ্চযেন পচ্চযো. দ্ৰে মহাভূতা দ্ৰিন্নং মহাভূতানং সহজাতপচ্চযেন পচ্চযো. মহাভূতা উপাদারূপানং সহজাতপচ্চযেন পচ্চযো. আহারসমুট্ঠানং একং মহাভূতং তিণ্ণন্নং মহাভূতানং সহজাতপচ্চযেন পচ্চযো. তযো মহাভূতা একস্স মহাভূতস্স সহজাতপচ্চযেন পচ্চযো. দ্ৰে মহাভূতা দ্ৰিন্নং মহাভূতানং সহজাতপচ্চযেন পচ্চযো. মহাভূতা উপাদারূপানং সহজাতপচ্চযেন পচ্চযো. উতুসমুট্ঠানং একং মহাভূতং তিণ্ণন্নং মহাভূতানং সহজাতপচ্চযেন পচ্চযো. তযো মহাভূতা একস্স মহাভূতস্স সহজাতপচ্চযেন পচ্চযো. দ্ৰে মহাভূতা দ্ৰিন্নং মহাভূতানং সহজাতপচ্চযেন পচ্চযো. মহাভূতা উপাদারূপানং সহজাতপচ্চযেন পচ্চযো. অসঞ্ঞসত্তানং একং মহাভূতং তিণ্ণন্নং মহাভূতানং সহজাতপচ্চযেন পচ্চযো. তযো মহাভূতা একস্স মহাভূতস্স সহজাতপচ্চযেন পচ্চযো. দ্ৰে মহাভূতা দ্ৰিন্নং মহাভূতানং সহজাতপচ্চযেন পচ্চযো. মহাভূতা কটত্তারূপানং উপাদারূপানং সহজাতপচ্চযেন পচ্চযো. (১)

কুসলো চ অব্যাকতো চ ধম্মা অব্যাকতস্স ধম্মস্স সহজাতপচ্চযেন পচ্চযো – কুসলা খন্ধা চ মহাভূতা চ চিত্তসমুট্ঠানানং রূপানং সহজাতপচ্চযেন পচ্চযো. (১)

অকুসলো চ অব্যাকতো চ ধম্মা অব্যাকতস্স ধম্মস্স সহজাতপচ্চযেন পচ্চযো – অকুসলা খন্ধা চ মহাভূতা চ চিত্তসমুট্ঠানানং রূপানং সহজাতপচ্চযেন পচ্চযো. (১)

অঞ্ঞমঞ্ঞপচ্চযো

৪২০. কুসলো ধম্মো কুসলস্স ধম্মস্স অঞ্ঞমঞ্ঞপচ্চযেন পচ্চযো – কুসলো একো খন্ধো তিণ্ণন্নং খন্ধানং অঞ্ঞমঞ্ঞপচ্চযেন পচ্চযো. তযো খন্ধা একস্স খন্ধস্স অঞ্ঞমঞ্ঞপচ্চযেন পচ্চযো. দ্ৰে খন্ধা দ্ৰিন্নং খন্ধানং অঞ্ঞমঞ্ঞপচ্চযেন পচ্চযো. (১)

অকুসলো ধম্মো অকুসলস্স ধম্মস্স অঞ্ঞমঞ্ঞপচ্চযেন পচ্চযো – অকুসলো একো খন্ধো তিণ্ণন্নং খন্ধানং অঞ্ঞমঞ্ঞপচ্চযেন পচ্চযো. তযো খন্ধা একস্স খন্ধস্স অঞ্ঞমঞ্ঞপচ্চযেন পচ্চযো. দ্ৰে খন্ধা দ্ৰিন্নং খন্ধানং অঞ্ঞমঞ্ঞপচ্চযেন পচ্চযো. (১)

অব্যাকতো ধম্মো অব্যাকতস্স ধম্মস্স অঞ্ঞমঞ্ঞপচ্চযেন পচ্চযো – ৰিপাকাব্যাকতো কিরিযাব্যাকতো একো খন্ধো তিণ্ণন্নং খন্ধানং অঞ্ঞমঞ্ঞপচ্চযেন পচ্চযো. তযো খন্ধা একস্স খন্ধস্স অঞ্ঞমঞ্ঞপচ্চযেন পচ্চযো. দ্ৰে খন্ধা দ্ৰিন্নং খন্ধানং অঞ্ঞমঞ্ঞপচ্চযেন পচ্চযো. পটিসন্ধিক্খণে ৰিপাকাব্যাকতো একো খন্ধো তিণ্ণন্নং খন্ধানং ৰত্থুস্স চ অঞ্ঞমঞ্ঞপচ্চযেন পচ্চযো. তযো খন্ধা একস্স খন্ধস্স ৰত্থুস্স চ অঞ্ঞমঞ্ঞপচ্চযেন পচ্চযো. দ্ৰে খন্ধা দ্ৰিন্নং খন্ধানং ৰত্থুস্স চ অঞ্ঞমঞ্ঞপচ্চযেন পচ্চযো. খন্ধা ৰত্থুস্স অঞ্ঞমঞ্ঞপচ্চযেন পচ্চযো. ৰত্থু খন্ধানং অঞ্ঞমঞ্ঞপচ্চযেন পচ্চযো. একং মহাভূতং তিণ্ণন্নং মহাভূতানং অঞ্ঞমঞ্ঞপচ্চযেন পচ্চযো. তযো মহাভূতা একস্স মহাভূতস্স অঞ্ঞমঞ্ঞপচ্চযেন পচ্চযো. দ্ৰে মহাভূতা দ্ৰিন্নং মহাভূতানং অঞ্ঞমঞ্ঞপচ্চযেন পচ্চযো; বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং একং মহাভূতং তিণ্ণন্নং মহাভূতানং অঞ্ঞমঞ্ঞপচ্চযেন পচ্চযো…পে… দ্ৰে মহাভূতা দ্ৰিন্নং মহাভূতানং অঞ্ঞমঞ্ঞপচ্চযেন পচ্চযো. (১)

নিস্সযপচ্চযো

৪২১. কুসলো ধম্মো কুসলস্স ধম্মস্স নিস্সযপচ্চযেন পচ্চযো – কুসলো একো খন্ধো তিণ্ণন্নং খন্ধানং নিস্সযপচ্চযেন পচ্চযো. তযো খন্ধা একস্স খন্ধস্স নিস্সযপচ্চযেন পচ্চযো. দ্ৰে খন্ধা দ্ৰিন্নং খন্ধানং নিস্সযপচ্চযেন পচ্চযো. (১)

কুসলো ধম্মো অব্যাকতস্স ধম্মস্স নিস্সযপচ্চযেন পচ্চযো – কুসলা খন্ধা চিত্তসমুট্ঠানানং রূপানং নিস্সযপচ্চযেন পচ্চযো. (২)

কুসলো ধম্মো কুসলস্স চ অব্যাকতস্স চ ধম্মস্স নিস্সযপচ্চযেন পচ্চযো – কুসলো একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং নিস্সযপচ্চযেন পচ্চযো. তযো খন্ধা একস্স খন্ধস্স চিত্তসমুট্ঠানানঞ্চ রূপানং নিস্সযপচ্চযেন পচ্চযো. দ্ৰে খন্ধা দ্ৰিন্নং খন্ধানং চিত্তসমুট্ঠানানঞ্চ রূপানং নিস্সযপচ্চযেন পচ্চযো. (৩)

অকুসলো ধম্মো অকুসলস্স ধম্মস্স নিস্সযপচ্চযেন পচ্চযো – অকুসলো একো খন্ধো তিণ্ণন্নং খন্ধানং নিস্সযপচ্চযেন পচ্চযো. তযো খন্ধা একস্স খন্ধস্স নিস্সযপচ্চযেন পচ্চযো. দ্ৰে খন্ধা দ্ৰিন্নং খন্ধানং নিস্সযপচ্চযেন পচ্চযো. (১)

অকুসলো ধম্মো অব্যাকতস্স ধম্মস্স নিস্সযপচ্চযেন পচ্চযো – অকুসলা খন্ধা চিত্তসমুট্ঠানানং রূপানং নিস্সযপচ্চযেন পচ্চযো. (২)

অকুসলো ধম্মো অকুসলস্স চ অব্যাকতস্স চ ধম্মস্স নিস্সযপচ্চযেন পচ্চযো – অকুসলো একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং নিস্সযপচ্চযেন পচ্চযো. তযো খন্ধা একস্স খন্ধস্স চিত্তসমুট্ঠানানঞ্চ রূপানং নিস্সযপচ্চযেন পচ্চযো. দ্ৰে খন্ধা দ্ৰিন্নং খন্ধানং চিত্তসমুট্ঠানানঞ্চ রূপানং নিস্সযপচ্চযেন পচ্চযো. (৩)

অব্যাকতো ধম্মো অব্যাকতস্স ধম্মস্স নিস্সযপচ্চযেন পচ্চযো – ৰিপাকাব্যাকতো কিরিযাব্যাকতো একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং নিস্সযপচ্চযেন পচ্চযো. তযো খন্ধা একস্স খন্ধস্স চিত্তসমুট্ঠানানঞ্চ রূপানং নিস্সযপচ্চযেন পচ্চযো. দ্ৰে খন্ধা দ্ৰিন্নং খন্ধানং চিত্তসমুট্ঠানানঞ্চ রূপানং নিস্সযপচ্চযেন পচ্চযো. পটিসন্ধিক্খণে ৰিপাকাব্যাকতো একো খন্ধো তিণ্ণন্নং খন্ধানং কটত্তা চ রূপানং নিস্সযপচ্চযেন পচ্চযো. তযো খন্ধা একস্স খন্ধস্স কটত্তা চ রূপানং নিস্সযপচ্চযেন পচ্চযো. দ্ৰে খন্ধা দ্ৰিন্নং খন্ধানং কটত্তা চ রূপানং নিস্সযপচ্চযেন পচ্চযো. খন্ধা ৰত্থুস্স নিস্সযপচ্চযেন পচ্চযো. ৰত্থু খন্ধানং নিস্সযপচ্চযেন পচ্চযো. একং মহাভূতং তিণ্ণন্নং মহাভূতানং নিস্সযপচ্চযেন পচ্চযো. তযো মহাভূতা একস্স মহাভূতস্স নিস্সযপচ্চযেন পচ্চযো. দ্ৰে মহাভূতা দ্ৰিন্নং মহাভূতানং নিস্সযপচ্চযেন পচ্চযো. মহাভূতা চিত্তসমুট্ঠানানং রূপানং, কটত্তারূপানং, উপাদারূপানং নিস্সযপচ্চযেন পচ্চযো; বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং একং মহাভূতং তিণ্ণন্নং মহাভূতানং নিস্সযপচ্চযেন পচ্চযো. তযো মহাভূতা একস্স মহাভূতস্স নিস্সযপচ্চযেন পচ্চযো. দ্ৰে মহাভূতা দ্ৰিন্নং মহাভূতানং নিস্সযপচ্চযেন পচ্চযো. মহাভূতা কটত্তারূপানং, উপাদারূপানং নিস্সযপচ্চযেন পচ্চযো. চক্খাযতনং চক্খুৰিঞ্ঞাণস্স নিস্সযপচ্চযেন পচ্চযো. সোতাযতনং…পে… ঘানাযতনং…পে… জিৰ্হাযতনং …পে… কাযাযতনং কাযৰিঞ্ঞাণস্স নিস্সযপচ্চযেন পচ্চযো. ৰত্থু ৰিপাকাব্যাকতানং কিরিযাব্যাকতানং খন্ধানং নিস্সযপচ্চযেন পচ্চযো.

অব্যাকতো ধম্মো কুসলস্স ধম্মস্স নিস্সযপচ্চযেন পচ্চযো – ৰত্থু কুসলানং খন্ধানং নিস্সযপচ্চযেন পচ্চযো. (২)

অব্যাকতো ধম্মো অকুসলস্স ধম্মস্স নিস্সযপচ্চযেন পচ্চযো – ৰত্থু অকুসলানং খন্ধানং নিস্সযপচ্চযেন পচ্চযো. (৩)

৪২২. কুসলো চ অব্যাকতো চ ধম্মা কুসলস্স ধম্মস্স নিস্সযপচ্চযেন পচ্চযো – কুসলো একো খন্ধো চ ৰত্থু চ তিণ্ণন্নং খন্ধানং নিস্সযপচ্চযেন পচ্চযো. তযো খন্ধা চ ৰত্থু চ একস্স খন্ধস্স নিস্সযপচ্চযেন পচ্চযো. দ্ৰে খন্ধা চ ৰত্থু চ দ্ৰিন্নং খন্ধানং নিস্সযপচ্চযেন পচ্চযো. (১)

কুসলো চ অব্যাকতো চ ধম্মা অব্যাকতস্স ধম্মস্স নিস্সযপচ্চযেন পচ্চযো – কুসলা খন্ধা চ মহাভূতা চ চিত্তসমুট্ঠানানং রূপানং নিস্সযপচ্চযেন পচ্চযো. (২)

অকুসলো চ অব্যাকতো চ ধম্মা অকুসলস্স ধম্মস্স নিস্সযপচ্চযেন পচ্চযো – অকুসলো একো খন্ধো চ ৰত্থু চ তিণ্ণন্নং খন্ধানং নিস্সযপচ্চযেন পচ্চযো. তযো খন্ধা চ ৰত্থু চ একস্স খন্ধস্স নিস্সযপচ্চযেন পচ্চযো. দ্ৰে খন্ধা চ ৰত্থু চ দ্ৰিন্নং খন্ধানং নিস্সযপচ্চযেন পচ্চযো. (১)

অকুসলো চ অব্যাকতো চ ধম্মা অব্যাকতস্স ধম্মস্স নিস্সযপচ্চযেন পচ্চযো – অকুসলা খন্ধা চ মহাভূতা চ চিত্তসমুট্ঠানানং রূপানং নিস্সযপচ্চযেন পচ্চযো. (২)

উপনিস্সযপচ্চযো

৪২৩. কুসলো ধম্মো কুসলস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো.

আরম্মণূপনিস্সযো – দানং দত্ৰা সীলং সমাদিযিত্ৰা উপোসথকম্মং কত্ৰা, তং গরুং কত্ৰা পচ্চৰেক্খতি, পুব্বে সুচিণ্ণানি গরুং কত্ৰা পচ্চৰেক্খতি, ঝানা ৰুট্ঠহিত্ৰা ঝানং গরুং কত্ৰা পচ্চৰেক্খতি, সেক্খা গোত্রভুং গরুং কত্ৰা পচ্চৰেক্খন্তি, ৰোদানং গরুং কত্ৰা পচ্চৰেক্খন্তি, সেক্খা মগ্গা ৰুট্ঠহিত্ৰা মগ্গং গরুং কত্ৰা পচ্চৰেক্খন্তি.

অনন্তরূপনিস্সযো – পুরিমা পুরিমা কুসলা খন্ধা পচ্ছিমানং পচ্ছিমানং কুসলানং খন্ধানং উপনিস্সযপচ্চযেন পচ্চযো. অনুলোমং গোত্রভুস্স… অনুলোমং ৰোদানস্স… গোত্রভু মগ্গস্স… ৰোদানং মগ্গস্স উপনিস্সযপচ্চযেন পচ্চযো.

পকতূপনিস্সযো – সদ্ধং উপনিস্সায দানং দেতি, সীলং সমাদিযতি, উপোসথকম্মং করোতি, ঝানং উপ্পাদেতি, ৰিপস্সনং উপ্পাদেতি, মগ্গং উপ্পাদেতি, অভিঞ্ঞং উপ্পাদেতি, সমাপত্তিং উপ্পাদেতি. সীলং…পে… সুতং…পে… চাগং…পে… পঞ্ঞং উপনিস্সয দানং দেতি, সীলং সমাদিযতি, উপোসথকম্মং করোতি, ঝানং উপ্পাদেতি, ৰিপস্সনং উপ্পাদেতি, মগ্গং উপ্পাদেতি, অভিঞ্ঞং উপ্পাদেতি, সমাপত্তিং উপ্পাদেতি. সদ্ধা… সীলং… সুতং… চাগো… পঞ্ঞা … সদ্ধায… সীলস্স… সুতস্স… চাগস্স… পঞ্ঞায উপনিস্সযপচ্চযেন পচ্চযো.

পঠমস্স ঝানস্স পরিকম্মং পঠমস্স ঝানস্স উপনিস্সযপচ্চযেন পচ্চযো. দুতিযস্স ঝানস্স পরিকম্মং দুতিযস্স ঝানস্স উপনিস্সযপচ্চযেন পচ্চযো. ততিযস্স ঝানস্স পরিকম্মং ততিযস্স ঝানস্স উপনিস্সযপচ্চযেন পচ্চযো. চতুত্থস্স ঝানস্স পরিকম্মং চতুত্থস্স ঝানস্স উপনিস্সযপচ্চযেন পচ্চযো. আকাসানঞ্চাযতনস্স পরিকম্মং আকাসানঞ্চাযতনস্স উপনিস্সযপচ্চযেন পচ্চযো. ৰিঞ্ঞাণঞ্চাযতনস্স পরিকম্মং ৰিঞ্ঞাণঞ্চাযতনস্স উপনিস্সযপচ্চযেন পচ্চযো. আকিঞ্চঞ্ঞাযতনস্স পরিকম্মং আকিঞ্চঞ্ঞাযতনস্স উপনিস্সযপচ্চযেন পচ্চযো. নেৰসঞ্ঞানাসঞ্ঞাযতনস্স পরিকম্মং নেৰসঞ্ঞানাসঞ্ঞাযতনস্স উপনিস্সযপচ্চযেন পচ্চযো. পঠমং ঝানং দুতিযস্স ঝানস্স উপনিস্সযপচ্চযেন পচ্চযো. দুতিযং ঝানং ততিযস্স ঝানস্স উপনিস্সযপচ্চযেন পচ্চযো. ততিযং ঝানং চতুত্থস্স ঝানস্স উপনিস্সযপচ্চযেন পচ্চযো. চতুত্থং ঝানং আকাসানঞ্চাযতনস্স উপনিস্সযপচ্চযেন পচ্চযো. আকাসানঞ্চাযতনং ৰিঞ্ঞাণঞ্চাযতনস্স উপনিস্সযপচ্চযেন পচ্চযো. ৰিঞ্ঞাণঞ্চাযতনং আকিঞ্চঞ্ঞাযতনস্স উপনিস্সযপচ্চযেন পচ্চযো. আকিঞ্চঞ্ঞাযতনং নেৰসঞ্ঞানাসঞ্ঞাযতনস্স উপনিস্সযপচ্চযেন পচ্চযো. দিব্বস্স চক্খুস্স পরিকম্মং দিব্বস্স চক্খুস্স উপনিস্সযপচ্চযেন পচ্চযো. দিব্বায সোতধাতুযা পরিকম্মং দিব্বায সোতধাতুযা উপনিস্সযপচ্চযেন পচ্চযো. ইদ্ধিৰিধঞাণস্স পরিকম্মং ইদ্ধিৰিধঞাণস্স উপনিস্সযপচ্চযেন পচ্চযো. চেতোপরিযঞাণস্স পরিকম্মং চেতোপরিযঞাণস্স উপনিস্সযপচ্চযেন পচ্চযো. পুব্বেনিৰাসানুস্সতিঞাণস্স পরিকম্মং পুব্বেনিৰাসানুস্সতিঞাণস্স উপনিস্সযপচ্চযেন পচ্চযো. যথাকম্মূপগঞাণস্স পরিকম্মং যথাকম্মূপগঞাণস্স উপনিস্সযপচ্চযেন পচ্চযো. অনাগতংসঞাণস্স পরিকম্মং অনাগতংসঞাণস্স উপনিস্সযপচ্চযেন পচ্চযো. দিব্বচক্খু দিব্বায সোতধাতুযা উপনিস্সযপচ্চযেন পচ্চযো. দিব্বসোতধাতু ইদ্ধিৰিধঞাণস্স উপনিস্সযপচ্চযেন পচ্চযো. ইদ্ধিৰিধঞাণং চেতোপরিযঞাণস্স উপনিস্সযপচ্চযেন পচ্চযো. চেতোপরিযঞাণং পুব্বেনিৰাসানুস্সতিঞাণস্স উপনিস্সযপচ্চযেন পচ্চযো. পুব্বেনিৰাসানুস্সতিঞাণং যথাকম্মূপগঞাণস্স উপনিস্সযপচ্চযেন পচ্চযো. যথাকম্মূপগঞাণং অনাগতংসঞাণস্স উপনিস্সযপচ্চযেন পচ্চযো. পঠমস্স মগ্গস্স পরিকম্মং পঠমস্স মগ্গস্স উপনিস্সযপচ্চযেন পচ্চযো. দুতিযস্স মগ্গস্স পরিকম্মং দুতিযস্স মগ্গস্স উপনিস্সযপচ্চযেন পচ্চযো. ততিযস্স মগ্গস্স পরিকম্মং ততিযস্স মগ্গস্স উপনিস্সযপচ্চযেন পচ্চযো. চতুত্থস্স মগ্গস্স পরিকম্মং চতুত্থস্স মগ্গস্স উপনিস্সযপচ্চযেন পচ্চযো. পঠমো মগ্গো দুতিযস্স মগ্গস্স উপনিস্সযপচ্চযেন পচ্চযো. দুতিযো মগ্গো ততিযস্স মগ্গস্স উপনিস্সযপচ্চযেন পচ্চযো. ততিযো মগ্গো চতুত্থস্স মগ্গস্স উপনিস্সযপচ্চযেন পচ্চযো. সেক্খা মগ্গং উপনিস্সায অনুপ্পন্নং সমাপত্তিং উপ্পাদেন্তি, উপ্পন্নং সমাপজ্জন্তি, সঙ্খারে অনিচ্চতো দুক্খতো অনত্ততো ৰিপস্সন্তি. মগ্গো সেক্খানং অত্থপ্পটিসম্ভিদায, ধম্মপ্পটিসম্ভিদায, নিরুত্তিপ্পটিসম্ভিদায, পটিভানপ্পটিসম্ভিদায, ঠানাঠানকোসল্লস্স উপনিস্সযপচ্চযেন পচ্চযো. (১)

কুসলো ধম্মো অকুসলস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, পকতূপনিস্সযো.

আরম্মণূপনিস্সযো – দানং দত্ৰা সীলং সমাদিযিত্ৰা উপোসথকম্মং কত্ৰা তং গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি. পুব্বে সুচিণ্ণানি গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি. ঝানা ৰুট্ঠহিত্ৰা ঝানং গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি.

পকতূপনিস্সযো – সদ্ধং উপনিস্সায মানং জপ্পেতি, দিট্ঠিং গণ্হাতি. সীলং…পে… সুতং…পে… চাগং…পে… পঞ্ঞং উপনিস্সায মানং জপ্পেতি, দিট্ঠিং গণ্হাতি. সদ্ধা… সীলং… সুতং… চাগো… পঞ্ঞা রাগস্স… দোসস্স… মোহস্স… মানস্স… দিট্ঠিযা… পত্থনায উপনিস্সযপচ্চযেন পচ্চযো. (২)

কুসলো ধম্মো অব্যাকতস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো.

আরম্মণূপনিস্সযো – অরহা মগ্গা ৰুট্ঠহিত্ৰা মগ্গং গরুং কত্ৰা পচ্চৰেক্খতি.

অনন্তরূপনিস্সযো – কুসলং ৰুট্ঠানস্স… মগ্গো ফলস্স… অনুলোমং সেক্খায ফলসমাপত্তিযা… নিরোধা ৰুট্ঠহন্তস্স নেৰসঞ্ঞানাসঞ্ঞাযতনকুসলং ফলসমাপত্তিযা উপনিস্সযপচ্চযেন পচ্চযো.

পকতূপনিস্সযো – সদ্ধং উপনিস্সায অত্তানং আতাপেতি পরিতাপেতি, পরিযিট্ঠিমূলকং দুক্খং পচ্চনুভোতি. সীলং…পে… সুতং…পে… চাগং…পে… পঞ্ঞং উপনিস্সায অত্তানং আতাপেতি পরিতাপেতি, পরিযিট্ঠিমূলকং দুক্খং পচ্চনুভোতি. সদ্ধা… সীলং… সুতং… চাগো… পঞ্ঞা কাযিকস্স সুখস্স… কাযিকস্স দুক্খস্স… ফলসমাপত্তিযা উপনিস্সযপচ্চযেন পচ্চযো. কুসলং কম্মং ৰিপাকস্স উপনিস্সযপচ্চযেন পচ্চযো. অরহা মগ্গং উপনিস্সায অনুপ্পন্নং কিরিযসমাপত্তিং উপ্পাদেতি, উপ্পন্নং সমাপজ্জতি, সঙ্খারে অনিচ্চতো দুক্খতো অনত্ততো ৰিপস্সতি. মগ্গো অরহতো অত্থপ্পটিসম্ভিদায, ধম্মপ্পটিসম্ভিদায, নিরুত্তিপ্পটিসম্ভিদায, পটিভানপ্পটিসম্ভিদায, ঠানাঠানকোসল্লস্স উপনিস্সযপচ্চযেন পচ্চযো. মগ্গো ফলসমাপত্তিযা উপনিস্সযপচ্চযেন পচ্চযো. (৩)

অকুসলো ধম্মো অকুসলস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো.

আরম্মণূপনিস্সযো – রাগং গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি. দিট্ঠিং গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি.

অনন্তরূপনিস্সযো – পুরিমা পুরিমা অকুসলা খন্ধা পচ্ছিমানং পচ্ছিমানং অকুসলানং খন্ধানং উপনিস্সযপচ্চযেন পচ্চযো.

পকতূপনিস্সযো – রাগং উপনিস্সায পাণং হনতি, অদিন্নং আদিযতি, মুসা ভণতি, পিসুণং ভণতি, ফরুসং ভণতি, সম্ফং পলপতি, সন্ধিং ছিন্দতি, নিল্লোপং হরতি, একাগারিকং করোতি, পরিপন্থে তিট্ঠতি, পরদারং গচ্ছতি, গামঘাতং করোতি, নিগমঘাতং করোতি, মাতরং জীৰিতা ৰোরোপেতি, পিতরং জীৰিতা ৰোরোপেতি, অরহন্তং জীৰিতা ৰোরোপেতি, দুট্ঠেন চিত্তেন তথাগতস্স লোহিতং উপ্পাদেতি, সঙ্ঘং ভিন্দতি. দোসং উপনিস্সায…পে… মোহং উপনিস্সায…পে… মানং উপনিস্সায…পে… দিট্ঠিং উপনিস্সায…পে… পত্থনং উপনিস্সায পাণং হনতি…পে… সঙ্ঘং ভিন্দতি. রাগো… দোসো… মোহো… মানো… দিট্ঠি… পত্থনা রাগস্স… দোসস্স… মোহস্স… মানস্স… দিট্ঠিযা… পত্থনায উপনিস্সযপচ্চযেন পচ্চযো. পাণাতিপাতো পাণাতিপাতস্স উপনিস্সযপচ্চযেন পচ্চযো. পাণাতিপাতো অদিন্নাদানস্স…পে… কামেসুমিচ্ছাচারস্স…পে… মুসাৰাদস্স…পে… পিসুণায ৰাচায…পে… ফরুসায ৰাচায…পে… সম্ফপ্পলাপস্স…পে… অভিজ্ঝায…পে… ব্যাপাদস্স…পে… মিচ্ছাদিট্ঠিযা উপনিস্সযপচ্চযেন পচ্চযো. অদিন্নাদানং অদিন্নাদানস্স… কামেসুমিচ্ছাচারস্স… মুসাৰাদস্স… (সংখিত্তং) মিচ্ছাদিট্ঠিযা… পাণাতিপাতস্স উপনিস্সযপচ্চযেন পচ্চযো. (চক্কং বন্ধিতব্বং.) কামেসুমিচ্ছাচারো…পে… মুসাৰাদো…পে… পিসুণৰাচা…পে… ফরুসৰাচা…পে… সম্ফপ্পলাপো…পে… অভিজ্ঝা…পে… ব্যাপাদো…পে… মিচ্ছাদিট্ঠি মিচ্ছাদিট্ঠিযা উপনিস্সযপচ্চযেন পচ্চযো. মিচ্ছাদিট্ঠি পাণাতিপাতস্স… অদিন্নাদানস্স… কামেসুমিচ্ছাচারস্স… মুসাৰাদস্স… পিসুণায ৰাচায… ফরুসায ৰাচায… সম্ফপ্পলাপস্স… অভিজ্ঝায… ব্যাপাদস্স উপনিস্সযপচ্চযেন পচ্চযো. মাতুঘাতিকম্মং মাতুঘাতিকম্মস্স উপনিস্সযপচ্চযেন পচ্চযো. মাতুঘাতিকম্মং পিতুঘাতিকম্মস্স উপনিস্সয…পে… অরহন্তঘাতিকম্মস্স… রুহিরুপ্পাদকম্মস্স… সঙ্ঘভেদকম্মস্স… নিযতমিচ্ছাদিট্ঠিযা উপনিস্সযপচ্চযেন পচ্চযো. পিতুঘাতিকম্মং পিতুঘাতিকম্মস্স… অরহন্তঘাতিকম্মস্স… রুহিরুপ্পাদকম্মস্স… সঙ্ঘভেদকম্মস্স… নিযতমিচ্ছাদিট্ঠিযা… মাতুঘাতিকম্মস্স উপনিস্সযপচ্চযেন পচ্চযো. অরহন্তঘাতিকম্মং অরহন্তঘাতিকম্মস্স… রুহিরুপ্পাদকম্মস্স…পে… রুহিরুপ্পাদকম্মং রুহিরুপ্পাদকম্মস্স…পে… সঙ্ঘভেদকম্মং সঙ্ঘভেদকম্মস্স…পে… নিযতমিচ্ছাদিট্ঠি নিযতমিচ্ছাদিট্ঠিযা উপনিস্সযপচ্চযেন পচ্চযো. নিযতমিচ্ছাদিট্ঠি মাতুঘাতিকম্মস্স উপনিস্সয…পে… অরহন্তঘাতিকম্মস্স… রুহিরুপ্পাদকম্মস্স… সঙ্ঘভেদকম্মস্স উপনিস্সযপচ্চযেন পচ্চযো. (চক্কং কাতব্বং.) (১)

অকুসলো ধম্মো কুসলস্স ধম্মস্স উপনিস্সযপচ্চযেন পচ্চযো. পকতূপনিস্সযো – রাগং উপনিস্সায দানং দেতি, সীলং সমাদিযতি, উপোসথকম্মং করোতি, ঝানং উপ্পাদেতি, ৰিপস্সনং উপ্পাদেতি, মগ্গং উপ্পাদেতি, অভিঞ্ঞং উপ্পাদেতি, সমাপত্তিং উপ্পাদেতি. দোসং…পে… মোহং…পে… মানং…পে… দিট্ঠিং…পে… পত্থনং উপনিস্সায দানং দেতি, সীলং সমাদিযতি, উপোসথকম্মং করোতি, ঝানং উপ্পাদেতি, ৰিপস্সনং উপ্পাদেতি, মগ্গং উপ্পাদেতি, অভিঞ্ঞং উপ্পাদেতি, সমাপত্তিং উপ্পাদেতি. রাগো… দোসো… মোহো… মানো… দিট্ঠি… পত্থনা সদ্ধায… সীলস্স… সুতস্স… চাগস্স … পঞ্ঞায উপনিস্সযপচ্চযেন পচ্চযো. পাণং হন্ত্ৰা তস্স পটিঘাতত্থায দানং দেতি, সীলং সমাদিযতি, উপোসথকম্মং করোতি, ঝানং উপ্পাদেতি, ৰিপস্সনং উপ্পাদেতি, মগ্গং উপ্পাদেতি, অভিঞ্ঞং উপ্পাদেতি, সমাপত্তিং উপ্পাদেতি. অদিন্নং আদিযিত্ৰা…পে… মুসা ভণিত্ৰা…পে… পিসুণং ভণিত্ৰা…পে… ফরুসং ভণিত্ৰা…পে… সম্ফং পলপিত্ৰা…পে… সন্ধিং ছিন্দিত্ৰা…পে… নিল্লোপং হরিত্ৰা…পে… একাগারিকং করিত্ৰা…পে… পরিপন্থে ঠত্ৰা…পে… পরদারং গন্ত্ৰা…পে… গামঘাতং করিত্ৰা…পে… নিগমঘাতং করিত্ৰা তস্স পটিঘাতত্থায দানং দেতি, সীলং সমাদিযতি, উপোসথকম্মং করোতি, ঝানং উপ্পাদেতি, ৰিপস্সনং উপ্পাদেতি, মগ্গং উপ্পাদেতি, অভিঞ্ঞং উপ্পাদেতি, সমাপত্তিং উপ্পাদেতি. মাতরং জীৰিতা ৰোরোপেত্ৰা তস্স পটিঘাতত্থায দানং দেতি, সীলং সমাদিযতি, উপোসথকম্মং করোতি. পিতরং জীৰিতা ৰোরোপেত্ৰা…পে… অরহন্তং জীৰিতা ৰোরোপেত্ৰা…পে… দুট্ঠেন চিত্তেন তথাগতস্স লোহিতং উপ্পাদেত্ৰা…পে… সঙ্ঘং ভিন্দিত্ৰা তস্স পটিঘাতত্থায দানং দেতি, সীলং সমাদিযতি, উপোসথকম্মং করোতি. (২)

অকুসলো ধম্মো অব্যাকতস্স ধম্মস্স উপনিস্সযপচ্চযেন পচ্চযো – অনন্তরূপনিস্সযো, পকতূপনিস্সযো.

অনন্তরূপনিস্সযো – অকুসলং ৰুট্ঠানস্স উপনিস্সযপচ্চযেন পচ্চযো.

পকতূপনিস্সযো – রাগং উপনিস্সায অত্তানং আতাপেতি পরিতাপেতি, পরিযিট্ঠিমূলকং দুক্খং পচ্চনুভোতি. দোসং…পে… মোহং…পে… মানং …পে… দিট্ঠিং…পে… পত্থনং উপনিস্সায অত্তানং আতাপেতি পরিতাপেতি, পরিযিট্ঠিমূলকং দুক্খং পচ্চনুভোতি. রাগো… দোসো … মোহো… মানো… দিট্ঠি… পত্থনা কাযিকস্স সুখস্স… কাযিকস্স দুক্খস্স… ফলসমাপত্তিযা উপনিস্সযপচ্চযেন পচ্চযো. অকুসলং কম্মং ৰিপাকস্স উপনিস্সযপচ্চযেন পচ্চযো. (৩)

অব্যাকতো ধম্মো অব্যাকতস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো.

আরম্মণূপনিস্সযো – অরহা ফলং গরুং কত্ৰা পচ্চৰেক্খতি, নিব্বানং গরুং কত্ৰা পচ্চৰেক্খতি, নিব্বানং ফলস্স উপনিস্সযপচ্চযেন পচ্চযো.

অনন্তরূপনিস্সযো – পুরিমা পুরিমা ৰিপাকাব্যাকতা, কিরিযাব্যাকতা খন্ধা পচ্ছিমানং পচ্ছিমানং ৰিপাকাব্যাকতানং কিরিযাব্যাকতানং খন্ধানং উপনিস্সযপচ্চযেন পচ্চযো. ভৰঙ্গং আৰজ্জনায… কিরিযং ৰুট্ঠানস্স… অরহতো অনুলোমং ফলসমাপত্তিযা… নিরোধা ৰুট্ঠহন্তস্স নেৰসঞ্ঞানাসঞ্ঞাযতনকিরিযং ফলসমাপত্তিযা উপনিস্সযপচ্চযেন পচ্চযো.

পকতূপনিস্সযো – কাযিকং সুখং কাযিকস্স সুখস্স, কাযিকস্স দুক্খস্স, ফলসমাপত্তিযা উপনিস্সযপচ্চযেন পচ্চযো. কাযিকং দুক্খং কাযিকস্স সুখস্স, কাযিকস্স দুক্খস্স, ফলসমাপত্তিযা উপনিস্সযপচ্চযেন পচ্চযো. উতু কাযিকস্স সুখস্স, কাযিকস্স দুক্খস্স, ফলসমাপত্তিযা উপনিস্সযপচ্চযেন পচ্চযো. ভোজনং কাযিকস্স সুখস্স, কাযিকস্স দুক্খস্স, ফলসমাপত্তিযা উপনিস্সযপচ্চযেন পচ্চযো. সেনাসনং কাযিকস্স সুখস্স, কাযিকস্স দুক্খস্স, ফলসমাপত্তিযা উপনিস্সযপচ্চযেন পচ্চযো. কাযিকং সুখং… কাযিকং দুক্খং… উতু… ভোজনং… সেনাসনং কাযিকস্স সুখস্স, কাযিকস্স দুক্খস্স, ফলসমাপত্তিযা উপনিস্সযপচ্চযেন পচ্চযো. ফলসমাপত্তি কাযিকস্স সুখস্স উপনিস্সযপচ্চযেন পচ্চযো.

অরহা কাযিকং সুখং উপনিস্সায অনুপ্পন্নং কিরিযসমাপত্তিং উপ্পাদেতি, উপ্পন্নং সমাপজ্জতি, সঙ্খারে অনিচ্চতো দুক্খতো অনত্ততো ৰিপস্সতি. কাযিকং দুক্খং… উতুং… ভোজনং … সেনাসনং উপনিস্সায অনুপ্পন্নং কিরিযসমাপত্তিং উপ্পাদেতি, উপ্পন্নং সমাপজ্জতি, সঙ্খারে অনিচ্চতো দুক্খতো অনত্ততো ৰিপস্সতি. (১)

অব্যাকতো ধম্মো কুসলস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো.

আরম্মণূপনিস্সযো – সেক্খা ফলং গরুং কত্ৰা পচ্চৰেক্খন্তি, নিব্বানং গরুং কত্ৰা পচ্চৰেক্খন্তি. নিব্বানং গোত্রভুস্স… ৰোদানস্স… মগ্গস্স উপনিস্সযপচ্চযেন পচ্চযো.

অনন্তরূপনিস্সযো – আৰজ্জনা কুসলানং খন্ধানং উপনিস্সযপচ্চযেন পচ্চযো.

পকতূপনিস্সযো – কাযিকং সুখং উপনিস্সায দানং দেতি, সীলং সমাদিযতি, উপোসথকম্মং করোতি, ঝানং উপ্পাদেতি, ৰিপস্সনং উপ্পাদেতি, মগ্গং উপ্পাদেতি, অভিঞ্ঞং উপ্পাদেতি, সমাপত্তিং উপ্পাদেতি. কাযিকং দুক্খং… উতুং… ভোজনং… সেনাসনং উপনিস্সায দানং দেতি, সীলং সমাদিযতি, উপোসথকম্মং করোতি, ঝানং উপ্পাদেতি, ৰিপস্সনং উপ্পাদেতি, মগ্গং উপ্পাদেতি, অভিঞ্ঞং উপ্পাদেতি, সমাপত্তিং উপ্পাদেতি. কাযিকং সুখং… কাযিকং দুক্খং… উতু… ভোজনং… সেনাসনং সদ্ধায… সীলস্স… সুতস্স… চাগস্স… পঞ্ঞায উপনিস্সযপচ্চযেন পচ্চযো. (২)

অব্যাকতো ধম্মো অকুসলস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো.

আরম্মণূপনিস্সযো – চক্খুং গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি. সোতং…পে… ঘানং…পে… জিৰ্হং…পে… কাযং…পে… রূপে…পে… সদ্দে…পে… গন্ধে…পে… রসে…পে… ফোট্ঠব্বে…পে… ৰত্থুং…পে… ৰিপাকাব্যাকতে কিরিযাব্যাকতে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি.

অনন্তরূপনিস্সযো – আৰজ্জনা অকুসলানং খন্ধানং উপনিস্সযপচ্চযেন পচ্চযো.

পকতূপনিস্সযো – কাযিকং সুখং উপনিস্সায পাণং হনতি, অদিন্নং আদিযতি, মুসা ভণতি, পিসুণং ভণতি, ফরুসং ভণতি, সম্ফং পলপতি, সন্ধিং ছিন্দতি, নিল্লোপং হরতি, একাগারিকং করোতি, পরিপন্থে তিট্ঠতি, পরদারং গচ্ছতি, গামঘাতং করোতি, নিগমঘাতং করোতি, মাতরং জীৰিতা ৰোরোপেতি, পিতরং জীৰিতা ৰোরোপেতি, অরহন্তং জীৰিতা ৰোরোপেতি, দুট্ঠেন চিত্তেন তথাগতস্স লোহিতং উপ্পাদেতি, সঙ্ঘং ভিন্দতি.

কাযিকং দুক্খং…পে… উতুং…পে… ভোজনং…পে… সেনাসনং উপনিস্সায পাণং হনতি… (সংখিত্তং.) সঙ্ঘং ভিন্দতি.

কাযিকং সুখং… কাযিকং দুক্খং… উতু… ভোজনং… সেনাসনং রাগস্স… দোসস্স… মোহস্স… মানস্স… দিট্ঠিযা… পত্থনায উপনিস্সযপচ্চযেন পচ্চযো. (৩)

পুরেজাতপচ্চযো

৪২৪. অব্যাকতো ধম্মো অব্যাকতস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং.

আরম্মণপুরেজাতং – অরহা চক্খুং অনিচ্চতো দুক্খতো অনত্ততো ৰিপস্সতি. সোতং…পে… ঘানং…পে… জিৰ্হং…পে… কাযং…পে… রূপে…পে… সদ্দে…পে… গন্ধে…পে… রসে…পে… ফোট্ঠব্বে…পে… ৰত্থুং অনিচ্চতো দুক্খতো অনত্ততো ৰিপস্সতি, দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি. রূপাযতনং চক্খুৰিঞ্ঞাণস্স পুরেজাতপচ্চযেন পচ্চযো. সদ্দাযতনং সোতৰিঞ্ঞাণস্স…পে… গন্ধাযতনং ঘানৰিঞ্ঞাণস্স…পে… রসাযতনং জিৰ্হাৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স পুরেজাতপচ্চযেন পচ্চযো.

ৰত্থুপুরেজাতং – চক্খাযতনং চক্খুৰিঞ্ঞাণস্স পুরেজাতপচ্চযেন পচ্চযো. সোতাযতনং সোতৰিঞ্ঞাণস্স …পে… ঘানাযতনং ঘানৰিঞ্ঞাণস্স…পে… জিৰ্হাযতনং জিৰ্হাৰিঞ্ঞাণস্স…পে… কাযাযতনং কাযৰিঞ্ঞাণস্স পুরেজাতপচ্চযেন পচ্চযো. ৰত্থু ৰিপাকাব্যাকতানং কিরিযাব্যাকতানং খন্ধানং পুরেজাতপচ্চযেন পচ্চযো. (১)

অব্যাকতো ধম্মো কুসলস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং.

আরম্মণপুরেজাতং – সেক্খা ৰা পুথুজ্জনা ৰা চক্খুং অনিচ্চতো দুক্খতো অনত্ততো ৰিপস্সন্তি. সোতং…পে… ঘানং…পে… জিৰ্হং…পে… কাযং…পে… রূপে…পে… সদ্দে…পে… গন্ধে…পে… রসে…পে… ফোট্ঠব্বে…পে… ৰত্থুং অনিচ্চতো দুক্খতো অনত্ততো ৰিপস্সন্তি. দিব্বেন চক্খুনা রূপং পস্সন্তি. দিব্বায সোতধাতুযা সদ্দং সুণন্তি.

ৰত্থুপুরেজাতং – ৰত্থু কুসলানং খন্ধানং পুরেজাতপচ্চযেন পচ্চযো. (২)

অব্যাকতো ধম্মো অকুসলস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং অস্সাদেতি অভিনন্দতি, তং আরব্ভ রাগো উপ্পজ্জতি, দিট্ঠি উপ্পজ্জতি, ৰিচিকিচ্ছা উপ্পজ্জতি, উদ্ধচ্চং উপ্পজ্জতি, দোমনস্সং উপ্পজ্জতি. সোতং…পে… ঘানং…পে… জিৰ্হং…পে… কাযং…পে… রূপে…পে… সদ্দে…পে… গন্ধে…পে… রসে…পে… ফোট্ঠব্বে…পে… ৰত্থুং অস্সাদেতি অভিনন্দতি, তং আরব্ভ রাগো উপ্পজ্জতি…পে… দোমনস্সং উপ্পজ্জতি.

ৰত্থুপুরেজাতং – ৰত্থু অকুসলানং খন্ধানং পুরেজাতপচ্চযেন পচ্চযো. (৩)

পচ্ছাজাতপচ্চযো

৪২৫. কুসলো ধম্মো অব্যাকতস্স ধম্মস্স পচ্ছাজাতপচ্চযেন পচ্চযো – পচ্ছাজাতা কুসলা খন্ধা পুরেজাতস্স ইমস্স কাযস্স পচ্ছাজাতপচ্চযেন পচ্চযো. (১)

অকুসলো ধম্মো অব্যাকতস্স ধম্মস্স পচ্ছাজাতপচ্চযেন পচ্চযো – পচ্ছাজাতা অকুসলা খন্ধা পুরেজাতস্স ইমস্স কাযস্স পচ্ছাজাতপচ্চযেন পচ্চযো. (১)

অব্যাকতো ধম্মো অব্যাকতস্স ধম্মস্স পচ্ছাজাতপচ্চযেন পচ্চযো – পচ্ছাজাতা ৰিপাকাব্যাকতা কিরিযাব্যাকতা খন্ধা পুরেজাতস্স ইমস্স কাযস্স পচ্ছাজাতপচ্চযেন পচ্চযো. (১)

আসেৰনপচ্চযো

৪২৬. কুসলো ধম্মো কুসলস্স ধম্মস্স আসেৰনপচ্চযেন পচ্চযো – পুরিমা পুরিমা কুসলা খন্ধা পচ্ছিমানং পচ্ছিমানং কুসলানং খন্ধানং আসেৰনপচ্চযেন পচ্চযো. অনুলোমং গোত্রভুস্স… অনুলোমং ৰোদানস্স… গোত্রভু মগ্গস্স… ৰোদানং মগ্গস্স আসেৰনপচ্চযেন পচ্চযো. (১)

অকুসলো ধম্মো অকুসলস্স ধম্মস্স আসেৰনপচ্চযেন পচ্চযো – পুরিমা পুরিমা অকুসলা খন্ধা পচ্ছিমানং পচ্ছিমানং অকুসলানং খন্ধানং আসেৰনপচ্চযেন পচ্চযো. (১)

অব্যাকতো ধম্মো অব্যাকতস্স ধম্মস্স আসেৰনপচ্চযেন পচ্চযো – পুরিমা পুরিমা কিরিযাব্যাকতা খন্ধা পচ্ছিমানং পচ্ছিমানং কিরিযাব্যাকতানং খন্ধানং আসেৰনপচ্চযেন পচ্চযো. (১)

কম্মপচ্চযো

৪২৭. কুসলো ধম্মো কুসলস্স ধম্মস্স কম্মপচ্চযেন পচ্চযো – কুসলা চেতনা সম্পযুত্তকানং খন্ধানং কম্মপচ্চযেন পচ্চযো. (১)

কুসলো ধম্মো অব্যাকতস্স ধম্মস্স কম্মপচ্চযেন পচ্চযো – সহজাতা, নানাক্খণিকা [নানাখণিকা (ক.)]. সহজাতা – কুসলা চেতনা চিত্তসমুট্ঠানানং রূপানং কম্মপচ্চযেন পচ্চযো.

নানাক্খণিকা – কুসলা চেতনা ৰিপাকানং খন্ধানং কটত্তা চ রূপানং কম্মপচ্চযেন পচ্চযো. (২)

কুসলো ধম্মো কুসলস্স চ অব্যাকতস্স চ ধম্মস্স কম্মপচ্চযেন পচ্চযো – কুসলা চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো. (৩)

অকুসলো ধম্মো অকুসলস্স ধম্মস্স কম্মপচ্চযেন পচ্চযো – অকুসলা চেতনা সম্পযুত্তকানং খন্ধানং কম্মপচ্চযেন পচ্চযো. (১)

অকুসলো ধম্মো অব্যাকতস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – অকুসলা চেতনা চিত্তসমুট্ঠানানং রূপানং কম্মপচ্চযেন পচ্চযো. নানাক্খণিকা – অকুসলা চেতনা ৰিপাকানং খন্ধানং কটত্তা চ রূপানং কম্মপচ্চযেন পচ্চযো. (২)

অকুসলো ধম্মো অকুসলস্স চ অব্যাকতস্স চ ধম্মস্স কম্মপচ্চযেন পচ্চযো – অকুসলা চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো. (৩)

অব্যাকতো ধম্মো অব্যাকতস্স ধম্মস্স কম্মপচ্চযেন পচ্চযো – ৰিপাকাব্যাকতা কিরিযাব্যাকতা চেতনা সম্পযুত্তকানং খন্ধানং, চিত্তসমুট্ঠানানঞ্চ রূপানং কম্মপচ্চযেন পচ্চযো. পটিসন্ধিক্খণে ৰিপাকাব্যাকতা চেতনা সম্পযুত্তকানং খন্ধানং কটত্তা চ রূপানং কম্মপচ্চযেন পচ্চযো. চেতনা ৰত্থুস্স কম্মপচ্চযেন পচ্চযো. (১)

ৰিপাকপচ্চযো

৪২৮. অব্যাকতো ধম্মো অব্যাকতস্স ধম্মস্স ৰিপাকপচ্চযেন পচ্চযো – ৰিপাকাব্যাকতো একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং ৰিপাকপচ্চযেন পচ্চযো. তযো খন্ধা একস্স খন্ধস্স চিত্তসমুট্ঠানানঞ্চ রূপানং ৰিপাকপচ্চযেন পচ্চযো. দ্ৰে খন্ধা দ্ৰিন্নং খন্ধানং চিত্তসমুট্ঠানানঞ্চ রূপানং ৰিপাকপচ্চযেন পচ্চযো. পটিসন্ধিক্খণে ৰিপাকাব্যাকতো একো খন্ধো তিণ্ণন্নং খন্ধানং কটত্তা চ রূপানং ৰিপাকপচ্চযেন পচ্চযো. তযো খন্ধা একস্স খন্ধস্স কটত্তা চ রূপানং ৰিপাকপচ্চযেন পচ্চযো. দ্ৰে খন্ধা দ্ৰিন্নং খন্ধানং কটত্তা চ রূপানং ৰিপাকপচ্চযেন পচ্চযো. খন্ধা ৰত্থুস্স ৰিপাকপচ্চযেন পচ্চযো. (১)

আহারপচ্চযো

৪২৯. কুসলো ধম্মো কুসলস্স ধম্মস্স আহারপচ্চযেন পচ্চযো – কুসলা আহারা সম্পযুত্তকানং খন্ধানং আহারপচ্চযেন পচ্চযো. (১)

কুসলো ধম্মো অব্যাকতস্স ধম্মস্স আহারপচ্চযেন পচ্চযো – কুসলা আহারা চিত্তসমুট্ঠানানং রূপানং আহারপচ্চযেন পচ্চযো. (২)

কুসলো ধম্মো কুসলস্স চ অব্যাকতস্স চ ধম্মস্স আহারপচ্চযেন পচ্চযো – কুসলা আহারা সম্পযুত্তকানং খন্ধানং চিত্তসমুট্ঠানানঞ্চ রূপানং আহারপচ্চযেন পচ্চযো. (৩)

অকুসলো ধম্মো অকুসলস্স ধম্মস্স আহারপচ্চযেন পচ্চযো – অকুসলা আহারা সম্পযুত্তকানং খন্ধানং আহারপচ্চযেন পচ্চযো.

অকুসলো ধম্মো অব্যাকতস্স ধম্মস্স আহারপচ্চযেন পচ্চযো – অকুসলা আহারা চিত্তসমুট্ঠানানং রূপানং আহারপচ্চযেন পচ্চযো. (২)

অকুসলো ধম্মো অকুসলস্স চ অব্যাকতস্স চ ধম্মস্স আহারপচ্চযেন পচ্চযো – অকুসলা আহারা সম্পযুত্তকানং খন্ধানং চিত্তসমুট্ঠানানঞ্চ রূপানং আহারপচ্চযেন পচ্চযো. (৩)

অব্যাকতো ধম্মো অব্যাকতস্স ধম্মস্স আহারপচ্চযেন পচ্চযো – ৰিপাকাব্যাকতা কিরিযাব্যাকতা আহারা সম্পযুত্তকানং খন্ধানং চিত্তসমুট্ঠানানঞ্চ রূপানং আহারপচ্চযেন পচ্চযো. পটিসন্ধিক্খণে ৰিপাকাব্যাকতা আহারা সম্পযুত্তকানং খন্ধানং কটত্তা চ রূপানং আহারপচ্চযেন পচ্চযো. কবল়ীকারো আহারো ইমস্স কাযস্স আহারপচ্চযেন পচ্চযো. (১)

ইন্দ্রিযপচ্চযো

৪৩০. কুসলো ধম্মো কুসলস্স ধম্মস্স ইন্দ্রিযপচ্চযেন পচ্চযো – কুসলা ইন্দ্রিযা সম্পযুত্তকানং খন্ধানং ইন্দ্রিযপচ্চযেন পচ্চযো. (১)

কুসলো ধম্মো অব্যাকতস্স ধম্মস্স ইন্দ্রিযপচ্চযেন পচ্চযো – কুসলা ইন্দ্রিযা চিত্তসমুট্ঠানানং রূপানং ইন্দ্রিযপচ্চযেন পচ্চযো. (২)

কুসলো ধম্মো কুসলস্স চ অব্যাকতস্স চ ধম্মস্স ইন্দ্রিযপচ্চযেন পচ্চযো – কুসলা ইন্দ্রিযা সম্পযুত্তকানং খন্ধানং চিত্তসমুট্ঠানানঞ্চ রূপানং ইন্দ্রিযপচ্চযেন পচ্চযো. (৩)

অকুসলো ধম্মো অকুসলস্স ধম্মস্স ইন্দ্রিযপচ্চযেন পচ্চযো – অকুসলা ইন্দ্রিযা সম্পযুত্তকানং খন্ধানং ইন্দ্রিযপচ্চযেন পচ্চযো. (১)

অকুসলো ধম্মো অব্যাকতস্স ধম্মস্স ইন্দ্রিযপচ্চযেন পচ্চযো – অকুসলা ইন্দ্রিযা চিত্তসমুট্ঠানানং রূপানং ইন্দ্রিযপচ্চযেন পচ্চযো. (২)

অকুসলো ধম্মো অকুসলস্স চ অব্যাকতস্স চ ধম্মস্স ইন্দ্রিযপচ্চযেন পচ্চযো – অকুসলা ইন্দ্রিযা সম্পযুত্তকানং খন্ধানং চিত্তসমুট্ঠানানঞ্চ রূপানং ইন্দ্রিযপচ্চযেন পচ্চযো. (৩)

অব্যাকতো ধম্মো অব্যাকতস্স ধম্মস্স ইন্দ্রিযপচ্চযেন পচ্চযো – ৰিপাকাব্যাকতা কিরিযাব্যাকতা ইন্দ্রিযা সম্পযুত্তকানং খন্ধানং চিত্তসমুট্ঠানানঞ্চ রূপানং ইন্দ্রিযপচ্চযেন পচ্চযো. পটিসন্ধিক্খণে ৰিপাকাব্যাকতা ইন্দ্রিযা সম্পযুত্তকানং খন্ধানং কটত্তা চ রূপানং ইন্দ্রিযপচ্চযেন পচ্চযো. চক্খুন্দ্রিযং চক্খুৰিঞ্ঞাণস্স ইন্দ্রিযপচ্চযেন পচ্চযো. সোতিন্দ্রিযং সোতৰিঞ্ঞাণস্স …পে… ঘানিন্দ্রিযং ঘানৰিঞ্ঞাণস্স…পে… জিৰ্হিন্দ্রিযং জিৰ্হাৰিঞ্ঞাণস্স…পে… কাযিন্দ্রিযং কাযৰিঞ্ঞাণস্স ইন্দ্রিযপচ্চযেন পচ্চযো. রূপজীৰিতিন্দ্রিযং কটত্তারূপানং ইন্দ্রিযপচ্চযেন পচ্চযো. (১)