১. ৰিভঙ্গৰারো

পচ্চনীযং – নহেতুপচ্চযো

৮৬. অকুসলং ধম্মং পটিচ্চ অকুসলো ধম্মো উপ্পজ্জতি নহেতুপচ্চযা – ৰিচিকিচ্ছাসহগতে উদ্ধচ্চসহগতে খন্ধে পটিচ্চ ৰিচিকিচ্ছাসহগতো উদ্ধচ্চসহগতো মোহো. (১)

অব্যাকতং ধম্মং পটিচ্চ অব্যাকতো ধম্মো উপ্পজ্জতি নহেতুপচ্চযা – অহেতুকং ৰিপাকাব্যাকতং কিরিযাব্যাকতং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং, তযো খন্ধে পটিচ্চ একো খন্ধো চিত্তসমুট্ঠানঞ্চ রূপং, দ্ৰে খন্ধে পটিচ্চ দ্ৰে খন্ধা চিত্তসমুট্ঠানঞ্চ রূপং; অহেতুকপটিসন্ধিক্খণে ৰিপাকাব্যাকতং একং খন্ধং পটিচ্চ তযো খন্ধা কটত্তা চ রূপং, তযো খন্ধে পটিচ্চ একো খন্ধো কটত্তা চ রূপং, দ্ৰে খন্ধে পটিচ্চ দ্ৰে খন্ধা কটত্তা চ রূপং; খন্ধে পটিচ্চ ৰত্থু, ৰত্থুং পটিচ্চ খন্ধা; একং মহাভূতং পটিচ্চ তযো মহাভূতা, তযো মহাভূতে পটিচ্চ একং মহাভূতং, দ্ৰে মহাভূতে পটিচ্চ দ্ৰে মহাভূতা, মহাভূতে পটিচ্চ চিত্তসমুট্ঠানং রূপং কটত্তারূপং উপাদারূপং; বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং একং মহাভূতং পটিচ্চ তযো মহাভূতা, তযো মহাভূতে পটিচ্চ একং মহাভূতং, দ্ৰে মহাভূতে পটিচ্চ দ্ৰে মহাভূতা, মহাভূতে পটিচ্চ কটত্তারূপং উপাদারূপং. (১)

নআরম্মণপচ্চযো

৮৭. কুসলং ধম্মং পটিচ্চ অব্যাকতো ধম্মো উপ্পজ্জতি নআরম্মণপচ্চযা – কুসলে খন্ধে পটিচ্চ চিত্তসমুট্ঠানং রূপং. (১)

অকুসলং ধম্মং পটিচ্চ অব্যাকতো ধম্মো উপ্পজ্জতি নআরম্মণপচ্চযা – অকুসলে খন্ধে পটিচ্চ চিত্তসমুট্ঠানং রূপং. (১)

অব্যাকতং ধম্মং পটিচ্চ অব্যাকতো ধম্মো উপ্পজ্জতি নআরম্মণপচ্চযা – ৰিপাকাব্যাকতে কিরিযাব্যাকতে খন্ধে পটিচ্চ চিত্তসমুট্ঠানং রূপং; পটিসন্ধিক্খণে ৰিপাকাব্যাকতে খন্ধে পটিচ্চ কটত্তারূপং; খন্ধে পটিচ্চ ৰত্থু; একং মহাভূতং পটিচ্চ তযো মহাভূতা, তযো মহাভূতে পটিচ্চ একং মহাভূতং, দ্ৰে মহাভূতে পটিচ্চ দ্ৰে মহাভূতা, মহাভূতে পটিচ্চ চিত্তসমুট্ঠানং রূপং কটত্তারূপং উপাদারূপং; বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং একং মহাভূতং পটিচ্চ তযো মহাভূতা, তযো মহাভূতে পটিচ্চ একং মহাভূতং, দ্ৰে মহাভূতে পটিচ্চ দ্ৰে মহাভূতা, মহাভূতে পটিচ্চ কটত্তারূপং উপাদারূপং. (১)

কুসলঞ্চ অব্যাকতঞ্চ ধম্মং পটিচ্চ অব্যাকতো ধম্মো উপ্পজ্জতি নআরম্মণপচ্চযা – কুসলে খন্ধে চ মহাভূতে চ পটিচ্চ চিত্তসমুট্ঠানং রূপং. (১)

অকুসলঞ্চ অব্যাকতঞ্চ ধম্মং পটিচ্চ অব্যাকতো ধম্মো উপ্পজ্জতি নআরম্মণপচ্চযা – অকুসলে খন্ধে চ মহাভূতে চ পটিচ্চ চিত্তসমুট্ঠানং রূপং. (১)

নঅধিপতিপচ্চযো

৮৮. কুসলং ধম্মং পটিচ্চ কুসলো ধম্মো উপ্পজ্জতি নঅধিপতিপচ্চযা – কুসলং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৰে খন্ধে পটিচ্চ দ্ৰে খন্ধা. কুসলং ধম্মং পটিচ্চ অব্যাকতো ধম্মো উপ্পজ্জতি নঅধিপতিপচ্চযা – কুসলে খন্ধে পটিচ্চ চিত্তসমুট্ঠানং রূপং. কুসলং ধম্মং পটিচ্চ কুসলো চ অব্যাকতো চ ধম্মা উপ্পজ্জন্তি নঅধিপতিপচ্চযা – কুসলং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং, তযো খন্ধে পটিচ্চ একো খন্ধো চিত্তসমুট্ঠানঞ্চ রূপং, দ্ৰে খন্ধে পটিচ্চ দ্ৰে খন্ধা চিত্তসমুট্ঠানঞ্চ রূপং. (৩)

অকুসলং ধম্মং পটিচ্চ অকুসলো ধম্মো উপ্পজ্জতি নঅধিপতিপচ্চযা – অকুসলং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৰে খন্ধে পটিচ্চ দ্ৰে খন্ধা. অকুসলং ধম্মং পটিচ্চ অব্যাকতো ধম্মো উপ্পজ্জতি নঅধিপতিপচ্চযা – অকুসলে খন্ধে পটিচ্চ চিত্তসমুট্ঠানং রূপং. অকুসলং ধম্মং পটিচ্চ অকুসলো চ অব্যাকতো চ ধম্মা উপ্পজ্জন্তি নঅধিপতিপচ্চযা – অকুসলং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং, তযো খন্ধে পটিচ্চ একো খন্ধো চিত্তসমুট্ঠানঞ্চ রূপং, দ্ৰে খন্ধে পটিচ্চ দ্ৰে খন্ধা চিত্তসমুট্ঠানঞ্চ রূপং. (৩)

অব্যাকতং ধম্মং পটিচ্চ অব্যাকতো ধম্মো উপ্পজ্জতি নঅধিপতিপচ্চযা – ৰিপাকাব্যাকতং কিরিযাব্যাকতং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং, তযো খন্ধে পটিচ্চ একো খন্ধো চিত্তসমুট্ঠানঞ্চ রূপং, দ্ৰে খন্ধে পটিচ্চ দ্ৰে খন্ধা চিত্তসমুট্ঠানঞ্চ রূপং; পটিসন্ধিক্খণে ৰিপাকাব্যাকতং একং খন্ধং পটিচ্চ তযো খন্ধা কটত্তা চ রূপং, তযো খন্ধে পটিচ্চ একো খন্ধো কটত্তা চ রূপং, দ্ৰে খন্ধে পটিচ্চ দ্ৰে খন্ধা কটত্তা চ রূপং. খন্ধে পটিচ্চ ৰত্থু, ৰত্থুং পটিচ্চ খন্ধা. একং মহাভূতং পটিচ্চ তযো মহাভূতা, তযো মহাভূতে পটিচ্চ একং মহাভূতং, দ্ৰে মহাভূতে পটিচ্চ দ্ৰে মহাভূতা, মহাভূতে পটিচ্চ চিত্তসমুট্ঠানং রূপং কটত্তারূপং উপাদারূপং; বাহিরং… আহারসমুট্ঠানং … উতুসমুট্ঠানং… অসঞ্ঞসত্তানং একং মহাভূতং পটিচ্চ তযো মহাভূতা, তযো মহাভূতে পটিচ্চ একং মহাভূতং, দ্ৰে মহাভূতে পটিচ্চ দ্ৰে মহাভূতা, মহাভূতে পটিচ্চ কটত্তারূপং উপাদারূপং. (১)

কুসলঞ্চ অব্যাকতঞ্চ ধম্মং পটিচ্চ অব্যাকতো ধম্মো উপ্পজ্জতি নঅধিপতিপচ্চযা – কুসলে খন্ধে চ মহাভূতে চ পটিচ্চ চিত্তসমুট্ঠানং রূপং. (১)

অকুসলঞ্চ অব্যাকতঞ্চ ধম্মং পটিচ্চ অব্যাকতো ধম্মো উপ্পজ্জতি নঅধিপতিপচ্চযা – অকুসলে খন্ধে চ মহাভূতে চ পটিচ্চ চিত্তসমুট্ঠানং রূপং. (১)

নঅনন্তর-নসমনন্তরপচ্চযা

৮৯. কুসলং ধম্মং পটিচ্চ অব্যাকতো ধম্মো উপ্পজ্জতি নঅনন্তরপচ্চযা… নসমনন্তরপচ্চযা – কুসলে খন্ধে পটিচ্চ চিত্তসমুট্ঠানং রূপং. (নঅনন্তরপচ্চযম্পি নসমনন্তরপচ্চযম্পি নআরম্মণপচ্চযসদিসং.)

নঅঞ্ঞমঞ্ঞপচ্চযো

৯০. কুসলং ধম্মং পটিচ্চ অব্যাকতো ধম্মো উপ্পজ্জতি নঅঞ্ঞমঞ্ঞপচ্চযা – কুসলে খন্ধে পটিচ্চ চিত্তসমুট্ঠানং রূপং. (১)

অকুসলং ধম্মং পটিচ্চ অব্যাকতো ধম্মো উপ্পজ্জতি নঅঞ্ঞমঞ্ঞপচ্চযা – অকুসলে খন্ধে পটিচ্চ চিত্তসমুট্ঠানং রূপং. (১)

অব্যাকতং ধম্মং পটিচ্চ অব্যাকতো ধম্মো উপ্পজ্জতি নঅঞ্ঞমঞ্ঞপচ্চযা – ৰিপাকাব্যাকতে কিরিযাব্যাকতে খন্ধে পটিচ্চ চিত্তসমুট্ঠানং রূপং; পটিসন্ধিক্খণে ৰিপাকাব্যাকতে খন্ধে পটিচ্চ কটত্তারূপং; মহাভূতে পটিচ্চ চিত্তসমুট্ঠানং রূপং কটত্তারূপং উপাদারূপং; বাহিরে মহাভূতে পটিচ্চ উপাদারূপং; আহারসমুট্ঠানে মহাভূতে পটিচ্চ উপাদারূপং; উতুসমুট্ঠানে মহাভূতে পটিচ্চ উপাদারূপং; অসঞ্ঞসত্তানং মহাভূতে পটিচ্চ কটত্তারূপং উপাদারূপং. (১)

কুসলঞ্চ অব্যাকতঞ্চ ধম্মং পটিচ্চ অব্যাকতো ধম্মো উপ্পজ্জতি ন অঞ্ঞমঞ্ঞপচ্চযা – কুসলে খন্ধে চ মহাভূতে চ পটিচ্চ চিত্তসমুট্ঠানং রূপং. (১)

অকুসলঞ্চ অব্যাকতঞ্চ ধম্মং পটিচ্চ অব্যাকতো ধম্মো উপ্পজ্জতি নঅঞ্ঞমঞ্ঞপচ্চযা – অকুসলে খন্ধে চ মহাভূতে চ পটিচ্চ চিত্তসমুট্ঠানং রূপং. (১)

নউপনিস্সযপচ্চযো

৯১. কুসলং ধম্মং পটিচ্চ অব্যাকতো ধম্মো উপ্পজ্জতি নউপনিস্সযপচ্চযা – কুসলে খন্ধে পটিচ্চ চিত্তসমুট্ঠানং রূপং. (নউপনিস্সযপচ্চযং নআরম্মণপচ্চযসদিসং.)

নপুরেজাতপচ্চযো

৯২. কুসলং ধম্মং পটিচ্চ কুসলো ধম্মো উপ্পজ্জতি নপুরেজাতপচ্চযা – অরূপে কুসলং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৰে খন্ধে পটিচ্চ দ্ৰে খন্ধা. কুসলং ধম্মং পটিচ্চ অব্যাকতো ধম্মো উপ্পজ্জতি নপুরেজাতপচ্চযা – কুসলে খন্ধে পটিচ্চ চিত্তসমুট্ঠানং রূপং. (২)

অকুসলং ধম্মং পটিচ্চ অকুসলো ধম্মো উপ্পজ্জতি নপুরেজাতপচ্চযা – অরূপে অকুসলং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৰে খন্ধে পটিচ্চ দ্ৰে খন্ধা. অকুসলং ধম্মং পটিচ্চ অব্যাকতো ধম্মো উপ্পজ্জতি নপুরেজাতপচ্চযা – অকুসলে খন্ধে পটিচ্চ চিত্তসমুট্ঠানং রূপং. (২)

অব্যাকতং ধম্মং পটিচ্চ অব্যাকতো ধম্মো উপ্পজ্জতি নপুরেজাতপচ্চযা – অরূপে ৰিপাকাব্যাকতং কিরিযাব্যাকতং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৰে খন্ধে পটিচ্চ দ্ৰে খন্ধা, ৰিপাকাব্যাকতে কিরিযাব্যাকতে খন্ধে পটিচ্চ চিত্তসমুট্ঠানং রূপং; পটিসন্ধিক্খণে ৰিপাকাব্যাকতং একং খন্ধং পটিচ্চ তযো খন্ধা কটত্তা চ রূপং, তযো খন্ধে পটিচ্চ একো খন্ধো কটত্তা চ রূপং, দ্ৰে খন্ধে পটিচ্চ দ্ৰে খন্ধা কটত্তা চ রূপং. খন্ধে পটিচ্চ ৰত্থু, ৰত্থুং পটিচ্চ খন্ধা. একং মহাভূতং পটিচ্চ তযো মহাভূতা, তযো মহাভূতে পটিচ্চ একং মহাভূতং, দ্ৰে মহাভূতে পটিচ্চ দ্ৰে মহাভূতা, মহাভূতে পটিচ্চ চিত্তসমুট্ঠানং রূপং কটত্তারূপং উপাদারূপং; বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং একং মহাভূতং পটিচ্চ তযো মহাভূতা, তযো মহাভূতে পটিচ্চ একং মহাভূতং, দ্ৰে মহাভূতে পটিচ্চ দ্ৰে মহাভূতা, মহাভূতে পটিচ্চ কটত্তারূপং উপাদারূপং. (১)

কুসলঞ্চ অব্যাকতঞ্চ ধম্মং পটিচ্চ অব্যাকতো ধম্মো উপ্পজ্জতি নপুরেজাতপচ্চযা – কুসলে খন্ধে চ মহাভূতে চ পটিচ্চ চিত্তসমুট্ঠানং রূপং. (১)

অকুসলঞ্চ অব্যাকতঞ্চ ধম্মং পটিচ্চ অব্যাকতো ধম্মো উপ্পজ্জতি নপুরেজাতপচ্চযা – অকুসলে খন্ধে চ মহাভূতে চ পটিচ্চ চিত্তসমুট্ঠানং রূপং. (১)

নপচ্ছাজাত-নআসেৰনপচ্চযা

৯৩. কুসলং ধম্মং পটিচ্চ কুসলো ধম্মো উপ্পজ্জতি নপচ্ছাজাতপচ্চযা – কুসলং একং খন্ধং পটিচ্চ…পে….

কুসলং ধম্মং পটিচ্চ কুসলো ধম্মো উপ্পজ্জতি নআসেৰনপচ্চযা – কুসলং একং খন্ধং পটিচ্চ…পে…. (নপচ্ছাজাতপচ্চযম্পি নআসেৰনপচ্চযম্পি নঅধিপতিপচ্চযসদিসং.)

নকম্মপচ্চযো

৯৪. কুসলং ধম্মং পটিচ্চ কুসলো ধম্মো উপ্পজ্জতি নকম্মপচ্চযা – কুসলে খন্ধে পটিচ্চ কুসলা চেতনা. (১)

অকুসলং ধম্মং পটিচ্চ অকুসলো ধম্মো উপ্পজ্জতি নকম্মপচ্চযা – অকুসলে খন্ধে পটিচ্চ অকুসলা চেতনা. (১)

অব্যাকতং ধম্মং পটিচ্চ অব্যাকতো ধম্মো উপ্পজ্জতি নকম্মপচ্চযা – কিরিযাব্যাকতে খন্ধে পটিচ্চ কিরিযাব্যাকতা চেতনা; বাহিরং… আহারসমুট্ঠানং… উতুসমুট্ঠানং একং মহাভূতং পটিচ্চ তযো মহাভূতা, তযো মহাভূতে পটিচ্চ একং মহাভূতং, দ্ৰে মহাভূতে পটিচ্চ দ্ৰে মহাভূতা, মহাভূতে পটিচ্চ উপাদারূপং. (১)

নৰিপাকপচ্চযো

৯৫. কুসলং ধম্মং পটিচ্চ কুসলো ধম্মো উপ্পজ্জতি নৰিপাকপচ্চযা – কুসলং একং খন্ধং পটিচ্চ… তীণি.

অকুসলং ধম্মং পটিচ্চ অকুসলো ধম্মো উপ্পজ্জতি নৰিপাকপচ্চযা… তীণি.

অব্যাকতং ধম্মং পটিচ্চ অব্যাকতো ধম্মো উপ্পজ্জতি নৰিপাকপচ্চযা – কিরিযাব্যাকতং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং, তযো খন্ধে পটিচ্চ একো খন্ধো চিত্তসমুট্ঠানঞ্চ রূপং, দ্ৰে খন্ধে পটিচ্চ দ্ৰে খন্ধা চিত্তসমুট্ঠানঞ্চ রূপং; একং মহাভূতং পটিচ্চ তযো মহাভূতা…পে… মহাভূতে পটিচ্চ চিত্তসমুট্ঠানং রূপং উপাদারূপং; বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং একং মহাভূতং পটিচ্চ তযো মহাভূতা…পে… মহাভূতে পটিচ্চ কটত্তারূপং উপাদারূপং.

কুসলঞ্চ অব্যাকতঞ্চ ধম্মং পটিচ্চ অব্যাকতো ধম্মো উপ্পজ্জতি নৰিপাকপচ্চযা – কুসলে খন্ধে চ মহাভূতে চ পটিচ্চ চিত্তসমুট্ঠানং রূপং.

অকুসলঞ্চ অব্যাকতঞ্চ ধম্মং পটিচ্চ অব্যাকতো ধম্মো উপ্পজ্জতি নৰিপাকপচ্চযা – অকুসলে খন্ধে চ মহাভূতে চ পটিচ্চ চিত্তসমুট্ঠানং রূপং.

নআহারপচ্চযো

৯৬. অব্যাকতং ধম্মং পটিচ্চ অব্যাকতো ধম্মো উপ্পজ্জতি নআহারপচ্চযা – বাহিরং … উতুসমুট্ঠানং… অসঞ্ঞসত্তানং একং মহাভূতং পটিচ্চ তযো মহাভূতা…পে… মহাভূতে পটিচ্চ কটত্তারূপং উপাদারূপং. (১)

নইন্দ্রিযপচ্চযো

৯৭. অব্যাকতং ধম্মং পটিচ্চ অব্যাকতো ধম্মো উপ্পজ্জতি নইন্দ্রিযপচ্চযা – বাহিরং… আহারসমুট্ঠানং… উতুসমুট্ঠানং একং মহাভূতং পটিচ্চ তযো মহাভূতা…পে… মহাভূতে পটিচ্চ উপাদারূপং; অসঞ্ঞসত্তানং মহাভূতে পটিচ্চ রূপজীৰিতিন্দ্রিযং. (১)

নঝানপচ্চযো

৯৮. অব্যাকতং ধম্মং পটিচ্চ অব্যাকতো ধম্মো উপ্পজ্জতি নঝানপচ্চযা – পঞ্চৰিঞ্ঞাণসহগতং একং খন্ধং পটিচ্চ তযো খন্ধা; তযো খন্ধে পটিচ্চ একো খন্ধো, দ্ৰে খন্ধে পটিচ্চ দ্ৰে খন্ধা; বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং একং মহাভূতং পটিচ্চ তযো মহাভূতা…পে… মহাভূতে পটিচ্চ কটত্তারূপং উপাদারূপং. (১)

নমগ্গপচ্চযো

৯৯. অব্যাকতং ধম্মং পটিচ্চ অব্যাকতো ধম্মো উপ্পজ্জতি নমগ্গপচ্চযা – অহেতুকং ৰিপাকাব্যাকতং কিরিযাব্যাকতং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং, তযো খন্ধে পটিচ্চ একো খন্ধো চিত্তসমুট্ঠানঞ্চ রূপং, দ্ৰে খন্ধে পটিচ্চ দ্ৰে খন্ধা চিত্তসমুট্ঠানঞ্চ রূপং; অহেতুকপটিসন্ধিক্খণে ৰিপাকাব্যাকতং একং খন্ধং পটিচ্চ তযো খন্ধা কটত্তা চ রূপং, তযো খন্ধে পটিচ্চ একো খন্ধো কটত্তা চ রূপং, দ্ৰে খন্ধে পটিচ্চ দ্ৰে খন্ধা কটত্তা চ রূপং. খন্ধে পটিচ্চ ৰত্থু, ৰত্থুং পটিচ্চ খন্ধা. একং মহাভূতং পটিচ্চ তযো মহাভূতা, তযো মহাভূতে পটিচ্চ একং মহাভূতং, দ্ৰে মহাভূতে পটিচ্চ দ্ৰে মহাভূতা; মহাভূতে পটিচ্চ চিত্তসমুট্ঠানং রূপং কটত্তারূপং উপাদারূপং; বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং একং মহাভূতং পটিচ্চ তযো মহাভূতা…পে… মহাভূতে পটিচ্চ কটত্তারূপং উপাদারূপং. (১)

নসম্পযুত্তপচ্চযো

১০০. কুসলং ধম্মং পটিচ্চ অব্যাকতো ধম্মো উপ্পজ্জতি নসম্পযুত্তপচ্চযা – কুসলে খন্ধে পটিচ্চ চিত্তসমুট্ঠানং রূপং. (নআরম্মণপচ্চযসদিসং.)

নৰিপ্পযুত্তপচ্চযো

১০১. কুসলং ধম্মং পটিচ্চ কুসলো ধম্মো উপ্পজ্জতি নৰিপ্পযুত্তপচ্চযা – অরূপে কুসলং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৰে খন্ধে পটিচ্চ দ্ৰে খন্ধা. (১)

অকুসলং ধম্মং পটিচ্চ অকুসলো ধম্মো উপ্পজ্জতি নৰিপ্পযুত্তপচ্চযা – অরূপে অকুসলং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৰে খন্ধে পটিচ্চ দ্ৰে খন্ধা. (১)

অব্যাকতং ধম্মং পটিচ্চ অব্যাকতো ধম্মো উপ্পজ্জতি নৰিপ্পযুত্তপচ্চযা – অরূপে ৰিপাকাব্যাকতং কিরিযাব্যাকতং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৰে খন্ধে পটিচ্চ দ্ৰে খন্ধা; বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং একং মহাভূতং পটিচ্চ তযো মহাভূতা…পে… মহাভূতে পটিচ্চ কটত্তারূপং উপাদারূপং. (১)

নোনত্থি-নোৰিগতপচ্চযা

১০২. কুসলং ধম্মং পটিচ্চ অব্যাকতো ধম্মো উপ্পজ্জতি নোনত্থিপচ্চযা… নোৰিগতপচ্চযা – কুসলে খন্ধে পটিচ্চ চিত্তসমুট্ঠানং রূপং. (নআরম্মণপচ্চযসদিসং.)