১. ৰিভঙ্গৰারো

নহেতুপচ্চযো

৩৫১. অকুসলং ধম্মং সংসট্ঠো অকুসলো ধম্মো উপ্পজ্জতি নহেতুপচ্চযা – ৰিচিকিচ্ছাসহগতে উদ্ধচ্চসহগতে খন্ধে সংসট্ঠো ৰিচিকিচ্ছাসহগতো উদ্ধচ্চসহগতো মোহো. (১)

অব্যাকতং ধম্মং সংসট্ঠো অব্যাকতো ধম্মো উপ্পজ্জতি নহেতুপচ্চযা – অহেতুকং ৰিপাকাব্যাকতং কিরিযাব্যাকতং একং খন্ধং সংসট্ঠা তযো খন্ধা, তযো খন্ধে সংসট্ঠো একো খন্ধো, দ্ৰে খন্ধে সংসট্ঠা দ্ৰে খন্ধা; অহেতুকপটিসন্ধিক্খণে ৰিপাকাব্যাকতং একং খন্ধং সংসট্ঠা তযো খন্ধা, তযো খন্ধে সংসট্ঠো একো খন্ধো, দ্ৰে খন্ধে সংসট্ঠা দ্ৰে খন্ধা. (১)

নঅধিপতিআদিপচ্চযা

৩৫২. কুসলং ধম্মং সংসট্ঠো কুসলো ধম্মো উপ্পজ্জতি নঅধিপতিপচ্চযা… নপুরেজাতপচ্চযা – অরূপে [আরুপ্পে (সব্বত্থ)] কুসলং একং খন্ধং সংসট্ঠা তযো খন্ধা…পে… দ্ৰে খন্ধে সংসট্ঠা দ্ৰে খন্ধা. অকুসলং ধম্মং…পে… অব্যাকতং ধম্মং…পে….

নপচ্ছাজাত-নআসেৰনপচ্চযা

৩৫৩. কুসলং ধম্মং সংসট্ঠো কুসলো ধম্মো উপ্পজ্জতি নপচ্ছাজাতপচ্চযা… তীণি. নআসেৰনপচ্চযা… তীণি.

নকম্মপচ্চযো

৩৫৪. কুসলং ধম্মং সংসট্ঠো কুসলো ধম্মো উপ্পজ্জতি নকম্মপচ্চযা. কুসলে খন্ধে সংসট্ঠা কুসলা চেতনা. (১)

অকুসলং ধম্মং সংসট্ঠো অকুসলো ধম্মো উপ্পজ্জতি নকম্মপচ্চযা. অকুসলে খন্ধে সংসট্ঠা অকুসলা চেতনা. (১)

অব্যাকতং ধম্মং সংসট্ঠো অব্যাকতো ধম্মো উপ্পজ্জতি নকম্মপচ্চযা. কিরিযাব্যাকতে খন্ধে সংসট্ঠা কিরিযাব্যাকতা চেতনা. (১)

নৰিপাকপচ্চযো

৩৫৫. কুসলং ধম্মং সংসট্ঠো…পে… অকুসলং ধম্মং…পে… অব্যাকতং ধম্মং সংসট্ঠো অব্যাকতো ধম্মো উপ্পজ্জতি নৰিপাকপচ্চযা – কিরিযাব্যাকতং একং খন্ধং.

(সংসট্ঠৰারে পচ্চনীযৰিভঙ্গে নকম্মে চ নৰিপাকে চ পটিসন্ধি নত্থি; অৰসেসেসু সব্বত্থ অত্থি.)

নঝানপচ্চযো

৩৫৬. অব্যাকতং ধম্মং সংসট্ঠো অব্যাকতো ধম্মো উপ্পজ্জতি নঝানপচ্চযা – পঞ্চৰিঞ্ঞাণসহগতং একং খন্ধং সংসট্ঠা তযো খন্ধা…পে… দ্ৰে খন্ধে সংসট্ঠা দ্ৰে খন্ধা. (১)

নমগ্গপচ্চযো

৩৫৭. অব্যাকতং ধম্মং সংসট্ঠো অব্যাকতো ধম্মো উপ্পজ্জতি নমগ্গপচ্চযা – অহেতুকং ৰিপাকাব্যাকতং কিরিযাব্যাকতং একং খন্ধং সংসট্ঠা তযো খন্ধা…পে… দ্ৰে খন্ধে সংসট্ঠা দ্ৰে খন্ধা; অহেতুকপটিসন্ধিক্খণে…পে…. (১)

নৰিপ্পযুত্তপচ্চযো

৩৫৮. কুসলং ধম্মং সংসট্ঠো কুসলো ধম্মো উপ্পজ্জতি নৰিপ্পযুত্তপচ্চযা – অরূপে কুসলং একং খন্ধং সংসট্ঠা তযো খন্ধা…পে… দ্ৰে খন্ধে সংসট্ঠা দ্ৰে খন্ধা. (১)

অকুসলং ধম্মং সংসট্ঠো অকুসলো ধম্মো উপ্পজ্জতি নৰিপ্পযুত্তপচ্চযা – অরূপে অকুসলং একং খন্ধং সংসট্ঠা তযো খন্ধা…পে… দ্ৰে খন্ধে সংসট্ঠা দ্ৰে খন্ধা. (১)

অব্যাকতং ধম্মং সংসট্ঠো অব্যাকতো ধম্মো উপ্পজ্জতি নৰিপ্পযুত্তপচ্চযা – অরূপে ৰিপাকাব্যাকতং কিরিযাব্যাকতং একং খন্ধং সংসট্ঠা তযো খন্ধা…পে… দ্ৰে খন্ধে সংসট্ঠা দ্ৰে খন্ধা. (নৰিপ্পযুত্তে পটিসন্ধি নত্থি.) (১)