১. ৰিভঙ্গৰারো

হেতুপচ্চযো

৩৩৮. কুসলং ধম্মং সংসট্ঠো কুসলো ধম্মো উপ্পজ্জতি হেতুপচ্চযা – কুসলং একং খন্ধং সংসট্ঠা তযো খন্ধা, তযো খন্ধে সংসট্ঠো একো খন্ধো, দ্ৰে খন্ধে সংসট্ঠা দ্ৰে খন্ধা. (১)

অকুসলং ধম্মং সংসট্ঠো অকুসলো ধম্মো উপ্পজ্জতি হেতুপচ্চযা – অকুসলং একং খন্ধং সংসট্ঠা তযো খন্ধা, তযো খন্ধে সংসট্ঠো একো খন্ধো, দ্ৰে খন্ধে সংসট্ঠা দ্ৰে খন্ধা. (১)

অব্যাকতং ধম্মং সংসট্ঠো অব্যাকতো ধম্মো উপ্পজ্জতি হেতুপচ্চযা – ৰিপাকাব্যাকতং কিরিযাব্যাকতং একং খন্ধং সংসট্ঠা তযো খন্ধা, তযো খন্ধে সংসট্ঠো একো খন্ধো, দ্ৰে খন্ধে সংসট্ঠা দ্ৰে খন্ধা; পটিসন্ধিক্খণে ৰিপাকাব্যাকতং একং খন্ধং সংসট্ঠা তযো খন্ধা, তযো খন্ধে সংসট্ঠো একো খন্ধো, দ্ৰে খন্ধে সংসট্ঠা দ্ৰে খন্ধা. (১)

আরম্মণাদিপচ্চযা

৩৩৯. কুসলং ধম্মং সংসট্ঠো কুসলো ধম্মো উপ্পজ্জতি আরম্মণপচ্চযা… অধিপতিপচ্চযা… (অধিপতি পটিসন্ধিক্খণে নত্থি.) অনন্তরপচ্চযা… সমনন্তরপচ্চযা… সহজাতপচ্চযা… অঞ্ঞমঞ্ঞপচ্চযা… নিস্সযপচ্চযা… উপনিস্সযপচ্চযা. (সব্বানি পদানি হেতুমূলকসদিসানি).

পুরেজাতপচ্চযো

৩৪০. কুসলং ধম্মং সংসট্ঠো কুসলো ধম্মো উপ্পজ্জতি পুরেজাতপচ্চযা – কুসলং একং খন্ধং সংসট্ঠা তযো খন্ধা, তযো খন্ধে সংসট্ঠো একো খন্ধো, দ্ৰে খন্ধে সংসট্ঠা দ্ৰে খন্ধা, ৰত্থুং পুরেজাতপচ্চযা. (১)

অকুসলং ধম্মং সংসট্ঠো অকুসলো ধম্মো উপ্পজ্জতি পুরেজাতপচ্চযা – অকুসলং একং খন্ধং সংসট্ঠা তযো খন্ধা, তযো খন্ধে সংসট্ঠো একো খন্ধো, দ্ৰে খন্ধে সংসট্ঠা দ্ৰে খন্ধা; ৰত্থুং পুরেজাতপচ্চযা. (১)

অব্যাকতং ধম্মং সংসট্ঠো অব্যাকতো ধম্মো উপ্পজ্জতি পুরেজাতপচ্চযা – ৰিপাকাব্যাকতং কিরিযাব্যাকতং একং খন্ধং সংসট্ঠা তযো খন্ধা, তযো খন্ধে সংসট্ঠো একো খন্ধো, দ্ৰে খন্ধে সংসট্ঠা দ্ৰে খন্ধা; ৰত্থুং পুরেজাতপচ্চযা. (১)

আসেৰনপচ্চযো

৩৪১. কুসলং ধম্মং সংসট্ঠো…পে… অকুসলং ধম্মং…পে… অব্যাকতং ধম্মং সংসট্ঠো অব্যাকতো ধম্মো উপ্পজ্জতি আসেৰনপচ্চযা – কিরিযাব্যাকতং একং খন্ধং সংসট্ঠা…পে….

কম্মপচ্চযো

৩৪২. কুসলং ধম্মং সংসট্ঠো কুসলো ধম্মো উপ্পজ্জতি কম্মপচ্চযা…পে… অকুসলং ধম্মং সংসট্ঠো…পে… অব্যাকতং ধম্মং সংসট্ঠো…পে….

ৰিপাকপচ্চযো

৩৪৩. অব্যাকতং ধম্মং সংসট্ঠো অব্যাকতো ধম্মো উপ্পজ্জতি ৰিপাকপচ্চযা – ৰিপাকাব্যাকতং…পে….

আহারাদিপচ্চযা

৩৪৪. কুসলং ধম্মং সংসট্ঠো কুসলো ধম্মো উপ্পজ্জতি আহারপচ্চযা… ইন্দ্রিযপচ্চযা … ঝানপচ্চযা… মগ্গপচ্চযা… সম্পযুত্তপচ্চযা. (ইমানি পদানি হেতুপচ্চযসদিসানি.)

ৰিপ্পযুত্তপচ্চযো

৩৪৫. কুসলং ধম্মং সংসট্ঠো কুসলো ধম্মো উপ্পজ্জতি ৰিপ্পযুত্তপচ্চযা – কুসলং একং খন্ধং সংসট্ঠা তযো খন্ধা…পে… দ্ৰে খন্ধে সংসট্ঠা দ্ৰে খন্ধা; ৰত্থুং ৰিপ্পযুত্তপচ্চযা.

অকুসলং ধম্মং…পে… ৰত্থুং ৰিপ্পযুত্তপচ্চযা.

অব্যাকতং ধম্মং…পে… ৰত্থুং ৰিপ্পযুত্তপচ্চযা.

অত্থিআদিপচ্চযা

৩৪৬. কুসলং ধম্মং সংসট্ঠো কুসলো ধম্মো উপ্পজ্জতি অত্থিপচ্চযা… নত্থিপচ্চযা… ৰিগতপচ্চযা… অৰিগতপচ্চযা (হেতুপচ্চযসদিসং).