১. ৰিভঙ্গৰারো

হেতুপচ্চযো

৩২৯. কুসলং ধম্মং নিস্সায কুসলো ধম্মো উপ্পজ্জতি হেতুপচ্চযা – কুসলং একং খন্ধং নিস্সায তযো খন্ধা, তযো খন্ধে নিস্সায একো খন্ধো, দ্ৰে খন্ধে নিস্সায দ্ৰে খন্ধা. কুসলং ধম্মং নিস্সায অব্যাকতো ধম্মো উপ্পজ্জতি হেতুপচ্চযা – কুসলে খন্ধে নিস্সায চিত্তসমুট্ঠানং রূপং. কুসলং ধম্মং নিস্সায কুসলো চ অব্যাকতো চ ধম্মা উপ্পজ্জন্তি হেতুপচ্চযা. কুসলং একং খন্ধং নিস্সায তযো খন্ধা চিত্তসমুট্ঠানঞ্চ রূপং, তযো খন্ধে নিস্সায একো খন্ধো চিত্তসমুট্ঠানঞ্চ রূপং, দ্ৰে খন্ধে নিস্সায দ্ৰে খন্ধা চিত্তসমুট্ঠানঞ্চ রূপং. (৩)

৩৩০. অকুসলং ধম্মং নিস্সায অকুসলো ধম্মো উপ্পজ্জতি হেতুপচ্চযা – অকুসলং একং খন্ধং নিস্সায তযো খন্ধা…পে… দ্ৰে খন্ধে নিস্সায দ্ৰে খন্ধা. অকুসলং ধম্মং নিস্সায অব্যাকতো ধম্মো উপ্পজ্জতি হেতুপচ্চযা – অকুসলে খন্ধে নিস্সায চিত্তসমুট্ঠানং রূপং. অকুসলং ধম্মং নিস্সায অকুসলো চ অব্যাকতো চ ধম্মা উপ্পজ্জন্তি হেতুপচ্চযা – অকুসলং একং খন্ধং নিস্সায তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে নিস্সায দ্ৰে খন্ধা চিত্তসমুট্ঠানঞ্চ রূপং. (৩)

৩৩১. অব্যাকতং ধম্মং নিস্সায অব্যাকতো ধম্মো উপ্পজ্জতি হেতুপচ্চযা – ৰিপাকাব্যাকতং কিরিযাব্যাকতং একং খন্ধং নিস্সায তযো খন্ধা চিত্তসমুট্ঠানঞ্চ রূপং, তযো খন্ধে নিস্সায একো খন্ধো চিত্তসমুট্ঠানঞ্চ রূপং, দ্ৰে খন্ধে নিস্সায দ্ৰে খন্ধা চিত্তসমুট্ঠানঞ্চ রূপং; পটিসন্ধিক্খণে ৰিপাকাব্যাকতং একং খন্ধং নিস্সায তযো খন্ধা কটত্তা চ রূপং, তযো খন্ধে নিস্সায একো খন্ধো কটত্তা চ রূপং, দ্ৰে খন্ধে নিস্সায দ্ৰে খন্ধা কটত্তা চ রূপং; খন্ধে নিস্সায ৰত্থু, ৰত্থুং নিস্সায খন্ধা; একং মহাভূতং নিস্সায তযো মহাভূতা, তযো মহাভূতে নিস্সায একং মহাভূতং, দ্ৰে মহাভূতে নিস্সায দ্ৰে মহাভূতা, মহাভূতে নিস্সায চিত্তসমুট্ঠানং রূপং কটত্তারূপং উপাদারূপং; ৰত্থুং নিস্সায ৰিপাকাব্যাকতা কিরিযাব্যাকতা খন্ধা. (১)

অব্যাকতং ধম্মং নিস্সায কুসলো ধম্মো উপ্পজ্জতি হেতুপচ্চযা – ৰত্থুং নিস্সায কুসলা খন্ধা. (২)

অব্যাকতং ধম্মং নিস্সায অকুসলো ধম্মো উপ্পজ্জতি হেতুপচ্চযা – ৰত্থুং নিস্সায অকুসলা খন্ধা. (৩)

অব্যাকতং ধম্মং নিস্সায কুসলো চ অব্যাকতো চ ধম্মা উপ্পজ্জন্তি হেতুপচ্চযা – ৰত্থুং নিস্সায কুসলা খন্ধা, মহাভূতে নিস্সায চিত্তসমুট্ঠানং রূপং. (৪)

অব্যাকতং ধম্মং নিস্সায অকুসলো চ অব্যাকতো চ ধম্মা উপ্পজ্জন্তি হেতুপচ্চযা – ৰত্থুং নিস্সায অকুসলা খন্ধা, মহাভূতে নিস্সায চিত্তসমুট্ঠানং রূপং. (৫)

৩৩২. কুসলঞ্চ অব্যাকতঞ্চ ধম্মং নিস্সায কুসলো ধম্মো উপ্পজ্জতি হেতুপচ্চযা – কুসলং একং খন্ধঞ্চ ৰত্থুঞ্চ নিস্সায তযো খন্ধা…পে… দ্ৰে খন্ধে চ ৰত্থুঞ্চ নিস্সায দ্ৰে খন্ধা. কুসলঞ্চ অব্যাকতঞ্চ ধম্মং নিস্সায অব্যাকতো ধম্মো উপ্পজ্জতি হেতুপচ্চযা – কুসলে খন্ধে চ মহাভূতে চ নিস্সায চিত্তসমুট্ঠানং রূপং. কুসলঞ্চ অব্যাকতঞ্চ ধম্মং নিস্সায কুসলো চ অব্যাকতো চ ধম্মা উপ্পজ্জন্তি হেতুপচ্চযা – কুসলং একং খন্ধঞ্চ ৰত্থুঞ্চ নিস্সায তযো খন্ধা…পে… দ্ৰে খন্ধে চ ৰত্থুঞ্চ নিস্সায দ্ৰে খন্ধা, কুসলে খন্ধে চ মহাভূতে চ নিস্সায চিত্তসমুট্ঠানং রূপং. (৩)

অকুসলঞ্চ অব্যাকতঞ্চ ধম্মং নিস্সায অকুসলো ধম্মো উপ্পজ্জতি হেতুপচ্চযা – অকুসলং একং খন্ধঞ্চ ৰত্থুঞ্চ নিস্সায তযো খন্ধা …পে… দ্ৰে খন্ধে চ ৰত্থুঞ্চ নিস্সায দ্ৰে খন্ধা. অকুসলঞ্চ অব্যাকতঞ্চ ধম্মং নিস্সায অব্যাকতো ধম্মো উপ্পজ্জতি হেতুপচ্চযা – অকুসলে খন্ধে চ মহাভূতে চ নিস্সায চিত্তসমুট্ঠানং রূপং. অকুসলঞ্চ অব্যাকতঞ্চ ধম্মং নিস্সায অকুসলো চ অব্যাকতো চ ধম্মা উপ্পজ্জন্তি হেতুপচ্চযা – অকুসলং একং খন্ধঞ্চ ৰত্থুঞ্চ নিস্সায তযো খন্ধা…পে… দ্ৰে খন্ধে চ ৰত্থুঞ্চ নিস্সায দ্ৰে খন্ধা, অকুসলে খন্ধে চ মহাভূতে চ নিস্সায চিত্তসমুট্ঠানং রূপং. (৩)

(যথা পচ্চযৰারে, এৰং ৰিত্থারেতব্বং.)