১. ৰিভঙ্গৰারো

অনুলোমং – হেতুপচ্চযো

৫৩. কুসলং ধম্মং পটিচ্চ কুসলো ধম্মো উপ্পজ্জতি হেতুপচ্চযা – কুসলং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৰে খন্ধে পটিচ্চ দ্ৰে খন্ধা. কুসলং ধম্মং পটিচ্চ অব্যাকতো ধম্মো উপ্পজ্জতি হেতুপচ্চযা – কুসলে খন্ধে পটিচ্চ চিত্তসমুট্ঠানং রূপং. কুসলং ধম্মং পটিচ্চ কুসলো চ অব্যাকতো চ ধম্মা উপ্পজ্জন্তি হেতুপচ্চযা – কুসলং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং, তযো খন্ধে পটিচ্চ একো খন্ধো চিত্তসমুট্ঠানঞ্চ রূপং, দ্ৰে খন্ধে পটিচ্চ দ্ৰে খন্ধা চিত্তসমুট্ঠানঞ্চ রূপং. (৩)

অকুসলং ধম্মং পটিচ্চ অকুসলো ধম্মো উপ্পজ্জতি হেতুপচ্চযা – অকুসলং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৰে খন্ধে পটিচ্চ দ্ৰে খন্ধা. অকুসলং ধম্মং পটিচ্চ অব্যাকতো ধম্মো উপ্পজ্জতি হেতুপচ্চযা – অকুসলে খন্ধে পটিচ্চ চিত্তসমুট্ঠানং রূপং. অকুসলং ধম্মং পটিচ্চ অকুসলো চ অব্যাকতো চ ধম্মা উপ্পজ্জন্তি হেতুপচ্চযা – অকুসলং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং, তযো খন্ধে পটিচ্চ একো খন্ধো চিত্তসমুট্ঠানঞ্চ রূপং, দ্ৰে খন্ধে পটিচ্চ দ্ৰে খন্ধা চিত্তসমুট্ঠানঞ্চ রূপং. (৩)

অব্যাকতং ধম্মং পটিচ্চ অব্যাকতো ধম্মো উপ্পজ্জতি হেতুপচ্চযা – ৰিপাকাব্যাকতং কিরিযাব্যাকতং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং, তযো খন্ধে পটিচ্চ একো খন্ধো চিত্তসমুট্ঠানঞ্চ রূপং, দ্ৰে খন্ধে পটিচ্চ দ্ৰে খন্ধা চিত্তসমুট্ঠানঞ্চ রূপং; পটিসন্ধিক্খণে ৰিপাকাব্যাকতং একং খন্ধং পটিচ্চ তযো খন্ধা কটত্তা চ রূপং, তযো খন্ধে পটিচ্চ একো খন্ধো কটত্তা চ রূপং, দ্ৰে খন্ধে পটিচ্চ দ্ৰে খন্ধা কটত্তা চ রূপং; খন্ধে পটিচ্চ ৰত্থু, ৰত্থুং পটিচ্চ খন্ধা; একং মহাভূতং পটিচ্চ তযো মহাভূতা, তযো মহাভূতে পটিচ্চ একং মহাভূতং, দ্ৰে মহাভূতে পটিচ্চ দ্ৰে মহাভূতা, মহাভূতে পটিচ্চ চিত্তসমুট্ঠানং রূপং কটত্তারূপং উপাদারূপং. (১)

কুসলঞ্চ অব্যাকতঞ্চ ধম্মং পটিচ্চ অব্যাকতো ধম্মো উপ্পজ্জতি হেতুপচ্চযা – কুসলে খন্ধে চ মহাভূতে চ পটিচ্চ চিত্তসমুট্ঠানং রূপং. (১)

অকুসলঞ্চ অব্যাকতঞ্চ ধম্মং পটিচ্চ অব্যাকতো ধম্মো উপ্পজ্জতি হেতুপচ্চযা – অকুসলে খন্ধে চ মহাভূতে চ পটিচ্চ চিত্তসমুট্ঠানং রূপং. (১)

আরম্মণপচ্চযো

৫৪. কুসলং ধম্মং পটিচ্চ কুসলো ধম্মো উপ্পজ্জতি আরম্মণপচ্চযা – কুসলং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৰে খন্ধে পটিচ্চ দ্ৰে খন্ধা. (১)

অকুসলং ধম্মং পটিচ্চ অকুসলো ধম্মো উপ্পজ্জতি আরম্মণপচ্চযা – অকুসলং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৰে খন্ধে পটিচ্চ দ্ৰে খন্ধা. (১)

অব্যাকতং ধম্মং পটিচ্চ অব্যাকতো ধম্মো উপ্পজ্জতি আরম্মণপচ্চযা – ৰিপাকাব্যাকতং কিরিযাব্যাকতং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৰে খন্ধে পটিচ্চ দ্ৰে খন্ধা; পটিসন্ধিক্খণে ৰিপাকাব্যাকতং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৰে খন্ধে পটিচ্চ দ্ৰে খন্ধা, ৰত্থুং পটিচ্চ খন্ধা. (১)

অধিপতিপচ্চযো

৫৫. কুসলং ধম্মং পটিচ্চ কুসলো ধম্মো উপ্পজ্জতি অধিপতিপচ্চযা – কুসলং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৰে খন্ধে পটিচ্চ দ্ৰে খন্ধা. কুসলং ধম্মং পটিচ্চ অব্যাকতো ধম্মো উপ্পজ্জতি অধিপতিপচ্চযা – কুসলে খন্ধে পটিচ্চ চিত্তসমুট্ঠানং রূপং. কুসলং ধম্মং পটিচ্চ কুসলো চ অব্যাকতো চ ধম্মা উপ্পজ্জন্তি অধিপতিপচ্চযা – কুসলং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং, তযো খন্ধে পটিচ্চ একো খন্ধো চিত্তসমুট্ঠানঞ্চ রূপং, দ্ৰে খন্ধে পটিচ্চ দ্ৰে খন্ধা চিত্তসমুট্ঠানঞ্চ রূপং. (৩)

অকুসলং ধম্মং পটিচ্চ অকুসলো ধম্মো উপ্পজ্জতি অধিপতিপচ্চযা – অকুসলং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৰে খন্ধে পটিচ্চ দ্ৰে খন্ধা. অকুসলং ধম্মং পটিচ্চ অব্যাকতো ধম্মো উপ্পজ্জতি অধিপতিপচ্চযা – অকুসলে খন্ধে পটিচ্চ চিত্তসমুট্ঠানং রূপং. অকুসলং ধম্মং পটিচ্চ অকুসলো চ অব্যাকতো চ ধম্মা উপ্পজ্জন্তি অধিপতিপচ্চযা – অকুসলং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং, তযো খন্ধে পটিচ্চ একো খন্ধো চিত্তসমুট্ঠানঞ্চ রূপং, দ্ৰে খন্ধে পটিচ্চ দ্ৰে খন্ধা চিত্তসমুট্ঠানঞ্চ রূপং. (৩)

অব্যাকতং ধম্মং পটিচ্চ অব্যাকতো ধম্মো উপ্পজ্জতি অধিপতিপচ্চযা – ৰিপাকাব্যাকতং কিরিযাব্যাকতং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং, তযো খন্ধে পটিচ্চ একো খন্ধো চিত্তসমুট্ঠানঞ্চ রূপং, দ্ৰে খন্ধে পটিচ্চ দ্ৰে খন্ধা চিত্তসমুট্ঠানঞ্চ রূপং; একং মহাভূতং পটিচ্চ তযো মহাভূতা, তযো মহাভূতে পটিচ্চ একং মহাভূতং, দ্ৰে মহাভূতে পটিচ্চ দ্ৰে মহাভূতা, মহাভূতে পটিচ্চ চিত্তসমুট্ঠানং রূপং উপাদারূপং. (১)

কুসলঞ্চ অব্যাকতঞ্চ ধম্মং পটিচ্চ অব্যাকতো ধম্মো উপ্পজ্জতি অধিপতিপচ্চযা – কুসলে খন্ধে চ মহাভূতে চ পটিচ্চ চিত্তসমুট্ঠানং রূপং. (১)

অকুসলঞ্চ অব্যাকতঞ্চ ধম্মং পটিচ্চ অব্যাকতো ধম্মো উপ্পজ্জতি অধিপতিপচ্চযা – অকুসলে খন্ধে চ মহাভূতে চ পটিচ্চ চিত্তসমুট্ঠানং রূপং. (১)

অনন্তর-সমনন্তরপচ্চযা

৫৬. কুসলং ধম্মং পটিচ্চ কুসলো ধম্মো উপ্পজ্জতি অনন্তরপচ্চযা… সমনন্তরপচ্চযা – কুসলং একং খন্ধং পটিচ্চ তযো খন্ধা. (অনন্তরম্পি সমনন্তরম্পি আরম্মণপচ্চযসদিসং.)

সহজাতপচ্চযো

৫৭. কুসলং ধম্মং পটিচ্চ কুসলো ধম্মো উপ্পজ্জতি সহজাতপচ্চযা – কুসলং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৰে খন্ধে পটিচ্চ দ্ৰে খন্ধা. কুসলং ধম্মং পটিচ্চ অব্যাকতো ধম্মো উপ্পজ্জতি সহজাতপচ্চযা – কুসলে খন্ধে পটিচ্চ চিত্তসমুট্ঠানং রূপং. কুসলং ধম্মং পটিচ্চ কুসলো চ অব্যাকতো চ ধম্মা উপ্পজ্জন্তি সহজাতপচ্চযা – কুসলং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং, তযো খন্ধে পটিচ্চ একো খন্ধো চিত্তসমুট্ঠানঞ্চ রূপং, দ্ৰে খন্ধে পটিচ্চ দ্ৰে খন্ধা চিত্তসমুট্ঠানঞ্চ রূপং. (৩)

অকুসলং ধম্মং পটিচ্চ অকুসলো ধম্মো উপ্পজ্জতি সহজাতপচ্চযা – অকুসলং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৰে খন্ধে পটিচ্চ দ্ৰে খন্ধা. অকুসলং ধম্মং পটিচ্চ অব্যাকতো ধম্মো উপ্পজ্জতি সহজাতপচ্চযা – অকুসলে খন্ধে পটিচ্চ চিত্তসমুট্ঠানং রূপং. অকুসলং ধম্মং পটিচ্চ অকুসলো চ অব্যাকতো চ ধম্মা উপ্পজ্জন্তি সহজাতপচ্চযা – অকুসলং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং, তযো খন্ধে পটিচ্চ একো খন্ধো চিত্তসমুট্ঠানঞ্চ রূপং, দ্ৰে খন্ধে পটিচ্চ দ্ৰে খন্ধা চিত্তসমুট্ঠানঞ্চ রূপং. (৩)

অব্যাকতং ধম্মং পটিচ্চ অব্যাকতো ধম্মো উপ্পজ্জতি সহজাতপচ্চযা – ৰিপাকাব্যাকতং কিরিযাব্যাকতং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং, তযো খন্ধে পটিচ্চ একো খন্ধো চিত্তসমুট্ঠানঞ্চ রূপং, দ্ৰে খন্ধে পটিচ্চ দ্ৰে খন্ধা চিত্তসমুট্ঠানঞ্চ রূপং; পটিসন্ধিক্খণে ৰিপাকাব্যাকতং একং খন্ধং পটিচ্চ তযো খন্ধা কটত্তা চ রূপং, তযো খন্ধে পটিচ্চ একো খন্ধো কটত্তা চ রূপং, দ্ৰে খন্ধে পটিচ্চ দ্ৰে খন্ধা কটত্তা চ রূপং; খন্ধে পটিচ্চ ৰত্থু, ৰত্থুং পটিচ্চ খন্ধা; একং মহাভূতং পটিচ্চ তযো মহাভূতা, তযো মহাভূতে পটিচ্চ একং মহাভূতং, দ্ৰে মহাভূতে পটিচ্চ দ্ৰে মহাভূতা, মহাভূতে পটিচ্চ চিত্তসমুট্ঠানং রূপং কটত্তারূপং উপাদারূপং; বাহিরং একং মহাভূতং পটিচ্চ তযো মহাভূতা, তযো মহাভূতে পটিচ্চ একং মহাভূতং, দ্ৰে মহাভূতে পটিচ্চ দ্ৰে মহাভূতা, মহাভূতে পটিচ্চ উপাদারূপং; আহারসমুট্ঠানং একং মহাভূতং পটিচ্চ তযো মহাভূতা, তযো মহাভূতে পটিচ্চ একং মহাভূতং, দ্ৰে মহাভূতে পটিচ্চ দ্ৰে মহাভূতা, মহাভূতে পটিচ্চ উপাদারূপং; উতুসমুট্ঠানং একং মহাভূতং পটিচ্চ তযো মহাভূতা, তযো মহাভূতে পটিচ্চ একং মহাভূতং, দ্ৰে মহাভূতে পটিচ্চ দ্ৰে মহাভূতা, মহাভূতে পটিচ্চ উপাদারূপং; অসঞ্ঞসত্তানং একং মহাভূতং পটিচ্চ তযো মহাভূতা, তযো মহাভূতে পটিচ্চ একং মহাভূতং, দ্ৰে মহাভূতে পটিচ্চ দ্ৰে মহাভূতা, মহাভূতে পটিচ্চ কটত্তারূপং উপাদারূপং. (১)

কুসলঞ্চ অব্যাকতঞ্চ ধম্মং পটিচ্চ অব্যাকতো ধম্মো উপ্পজ্জতি সহজাতপচ্চযা – কুসলে খন্ধে চ মহাভূতে চ পটিচ্চ চিত্তসমুট্ঠানং রূপং. (১)

অকুসলঞ্চ অব্যাকতঞ্চ ধম্মং পটিচ্চ অব্যাকতো ধম্মো উপ্পজ্জতি সহজাতপচ্চযা – অকুসলে খন্ধে চ মহাভূতে চ পটিচ্চ চিত্তসমুট্ঠানং রূপং. (১)

অঞ্ঞমঞ্ঞপচ্চযো

৫৮. কুসলং ধম্মং পটিচ্চ কুসলো ধম্মো উপ্পজ্জতি অঞ্ঞমঞ্ঞপচ্চযা – কুসলং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৰে খন্ধে পটিচ্চ দ্ৰে খন্ধা. (১)

অকুসলং ধম্মং পটিচ্চ অকুসলো ধম্মো উপ্পজ্জতি অঞ্ঞমঞ্ঞপচ্চযা – অকুসলং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৰে খন্ধে পটিচ্চ দ্ৰে খন্ধা. (১)

অব্যাকতং ধম্মং পটিচ্চ অব্যাকতো ধম্মো উপ্পজ্জতি অঞ্ঞমঞ্ঞপচ্চযা – ৰিপাকাব্যাকতং কিরিযাব্যাকতং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৰে খন্ধে পটিচ্চ দ্ৰে খন্ধা; পটিসন্ধিক্খণে ৰিপাকাব্যাকতং একং খন্ধং পটিচ্চ তযো খন্ধা ৰত্থু চ, তযো খন্ধে পটিচ্চ একো খন্ধো ৰত্থু চ, দ্ৰে খন্ধে পটিচ্চ দ্ৰে খন্ধা ৰত্থু চ; খন্ধে পটিচ্চ ৰত্থু, ৰত্থুং পটিচ্চ খন্ধা; একং মহাভূতং পটিচ্চ তযো মহাভূতা, তযো মহাভূতে পটিচ্চ একং মহাভূতং, দ্ৰে মহাভূতে পটিচ্চ দ্ৰে মহাভূতা; বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং একং মহাভূতং পটিচ্চ তযো মহাভূতা, তযো মহাভূতে পটিচ্চ একং মহাভূতং, দ্ৰে মহাভূতে পটিচ্চ দ্ৰে মহাভূতা. (১)

নিস্সযপচ্চযো

৫৯. কুসলং ধম্মং পটিচ্চ কুসলো ধম্মো উপ্পজ্জতি নিস্সযপচ্চযা – কুসলং একং খন্ধং পটিচ্চ…. (নিস্সযপচ্চযং সহজাতপচ্চযসদিসং.)

উপনিস্সযপচ্চযো

৬০. কুসলং ধম্মং পটিচ্চ কুসলো ধম্মো উপ্পজ্জতি উপনিস্সযপচ্চযা – কুসলং একং খন্ধং পটিচ্চ…. (উপনিস্সযপচ্চযং আরম্মণপচ্চযসদিসং.)

পুরেজাতপচ্চযো

৬১. কুসলং ধম্মং পটিচ্চ কুসলো ধম্মো উপ্পজ্জতি পুরেজাতপচ্চযা – কুসলং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৰে খন্ধে পটিচ্চ দ্ৰে খন্ধা. ৰত্থুং পুরেজাতপচ্চযা. (১)

অকুসলং ধম্মং পটিচ্চ অকুসলো ধম্মো উপ্পজ্জতি পুরেজাতপচ্চযা – অকুসলং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৰে খন্ধে পটিচ্চ দ্ৰে খন্ধা. ৰত্থুং পুরেজাতপচ্চযা. (১)

অব্যাকতং ধম্মং পটিচ্চ অব্যাকতো ধম্মো উপ্পজ্জতি পুরেজাতপচ্চযা – ৰিপাকাব্যাকতং কিরিযাব্যাকতং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৰে খন্ধে পটিচ্চ দ্ৰে খন্ধা. ৰত্থুং পুরেজাতপচ্চযা. (১)

আসেৰনপচ্চযো

৬২. কুসলং ধম্মং পটিচ্চ কুসলো ধম্মো উপ্পজ্জতি আসেৰনপচ্চযা – কুসলং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৰে খন্ধে পটিচ্চ দ্ৰে খন্ধা. (১)

অকুসলং ধম্মং পটিচ্চ অকুসলো ধম্মো উপ্পজ্জতি আসেৰনপচ্চযা – অকুসলং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৰে খন্ধে পটিচ্চ দ্ৰে খন্ধা. (১)

অব্যাকতং ধম্মং পটিচ্চ অব্যাকতো ধম্মো উপ্পজ্জতি আসেৰনপচ্চযা – কিরিযাব্যাকতং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৰে খন্ধে পটিচ্চ দ্ৰে খন্ধা. (১)

কম্মপচ্চযো

৬৩. কুসলং ধম্মং পটিচ্চ কুসলো ধম্মো উপ্পজ্জতি কম্মপচ্চযা – কুসলং একং খন্ধং পটিচ্চ… তীণি.

অকুসলং ধম্মং পটিচ্চ… তীণি.

অব্যাকতং ধম্মং পটিচ্চ অব্যাকতো ধম্মো উপ্পজ্জতি কম্মপচ্চযা – ৰিপাকাব্যাকতং কিরিযাব্যাকতং একং খন্ধং পটিচ্চ…পে… পটিসন্ধিক্খণে…পে… একং মহাভূতং পটিচ্চ তযো মহাভূতা…পে… মহাভূতে পটিচ্চ চিত্তসমুট্ঠানং রূপং কটত্তারূপং উপাদারূপং; অসঞ্ঞসত্তানং একং মহাভূতং পটিচ্চ তযো মহাভূতা…পে… মহাভূতে পটিচ্চ কটত্তারূপং উপাদারূপং. (১)

কুসলঞ্চ অব্যাকতঞ্চ ধম্মং পটিচ্চ অব্যাকতো ধম্মো উপ্পজ্জতি কম্মপচ্চযা – কুসলে খন্ধে চ মহাভূতে চ পটিচ্চ চিত্তসমুট্ঠানং রূপং. (১)

অকুসলঞ্চ অব্যাকতঞ্চ ধম্মং পটিচ্চ অব্যাকতো ধম্মো উপ্পজ্জতি কম্মপচ্চযা – অকুসলে খন্ধে চ মহাভূতে চ পটিচ্চ চিত্তসমুট্ঠানং রূপং. (১)

ৰিপাকপচ্চযো

৬৪. অব্যাকতং ধম্মং পটিচ্চ অব্যাকতো ধম্মো উপ্পজ্জতি ৰিপাকপচ্চযা – ৰিপাকাব্যাকতং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং, তযো খন্ধে পটিচ্চ একো খন্ধো চিত্তসমুট্ঠানঞ্চ রূপং, দ্ৰে খন্ধে পটিচ্চ দ্ৰে খন্ধা চিত্তসমুট্ঠানঞ্চ রূপং; পটিসন্ধিক্খণে ৰিপাকাব্যাকতং একং খন্ধং পটিচ্চ তযো খন্ধা কটত্তা চ রূপং, তযো খন্ধে পটিচ্চ একো খন্ধো কটত্তা চ রূপং, দ্ৰে খন্ধে পটিচ্চ দ্ৰে খন্ধা কটত্তা চ রূপং; খন্ধে পটিচ্চ ৰত্থু, ৰত্থুং পটিচ্চ খন্ধা; একং মহাভূতং পটিচ্চ তযো মহাভূতা; তযো মহাভূতে পটিচ্চ একং মহাভূতং, দ্ৰে মহাভূতে পটিচ্চ দ্ৰে মহাভূতা, মহাভূতে পটিচ্চ চিত্তসমুট্ঠানং রূপং কটত্তারূপং উপাদারূপং. (১)

আহারপচ্চযো

৬৫. কুসলং ধম্মং পটিচ্চ কুসলো ধম্মো উপ্পজ্জতি আহারপচ্চযা – কুসলং একং খন্ধং পটিচ্চ… তীণি.

অকুসলং ধম্মং পটিচ্চ অকুসলো ধম্মো উপ্পজ্জতি আহারপচ্চযা – অকুসলং একং খন্ধং পটিচ্চ… তীণি.

অব্যাকতং ধম্মং পটিচ্চ অব্যাকতো ধম্মো উপ্পজ্জতি আহারপচ্চযা – ৰিপাকাব্যাকতং কিরিযাব্যাকতং একং খন্ধং পটিচ্চ…পে… পটিসন্ধিক্খণে…পে… একং মহাভূতং পটিচ্চ তযো মহাভূতা…পে… মহাভূতে পটিচ্চ চিত্তসমুট্ঠানং রূপং কটত্তারূপং উপাদারূপং; আহারসমুট্ঠানং একং মহাভূতং পটিচ্চ…পে… মহাভূতে পটিচ্চ উপাদারূপং.

কুসলঞ্চ অব্যাকতঞ্চ ধম্মং পটিচ্চ…পে….

অকুসলঞ্চ অব্যাকতঞ্চ ধম্মং পটিচ্চ অব্যাকতো ধম্মো উপ্পজ্জতি আহারপচ্চযা – অকুসলে খন্ধে চ মহাভূতে চ পটিচ্চ চিত্তসমুট্ঠানং রূপং.

ইন্দ্রিযপচ্চযো

৬৬. কুসলং ধম্মং পটিচ্চ কুসলো ধম্মো উপ্পজ্জতি ইন্দ্রিযপচ্চযা – কুসলং একং খন্ধং পটিচ্চ… তীণি.

অকুসলং ধম্মং পটিচ্চ… তীণি.

অব্যাকতং ধম্মং পটিচ্চ…পে… অসঞ্ঞসত্তানং একং মহাভূতং পটিচ্চ…পে…. (ইন্দ্রিযপচ্চযং কম্মপচ্চযসদিসং.)

ঝান-মগ্গপচ্চযা

৬৭. কুসলং ধম্মং পটিচ্চ কুসলো ধম্মো উপ্পজ্জতি ঝানপচ্চযা… মগ্গপচ্চযা. (ঝানপচ্চযম্পি মগ্গপচ্চযম্পি হেতুপচ্চযসদিসং.)

সম্পযুত্তপচ্চযো

৬৮. কুসলং ধম্মং পটিচ্চ কুসলো ধম্মো উপ্পজ্জতি সম্পযুত্তপচ্চযা – কুসলং একং খন্ধং পটিচ্চ…. (সম্পযুত্তপচ্চযং আরম্মণপচ্চযসদিসং.)

ৰিপ্পযুত্তপচ্চযো

৬৯. কুসলং ধম্মং পটিচ্চ কুসলো ধম্মো উপ্পজ্জতি ৰিপ্পযুত্তপচ্চযা – কুসলং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৰে খন্ধে পটিচ্চ দ্ৰে খন্ধা; ৰত্থুং ৰিপ্পযুত্তপচ্চযা. কুসলং ধম্মং পটিচ্চ অব্যাকতো ধম্মো উপ্পজ্জতি ৰিপ্পযুত্তপচ্চযা – কুসলে খন্ধে পটিচ্চ চিত্তসমুট্ঠানং রূপং. খন্ধে ৰিপ্পযুত্তপচ্চযা. কুসলং ধম্মং পটিচ্চ কুসলো চ অব্যাকতো চ ধম্মা উপ্পজ্জন্তি ৰিপ্পযুত্তপচ্চযা – কুসলং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং; তযো খন্ধে পটিচ্চ একো খন্ধো চিত্তসমুট্ঠানঞ্চ রূপং, দ্ৰে খন্ধে পটিচ্চ দ্ৰে খন্ধা চিত্তসমুট্ঠানঞ্চ রূপং. খন্ধা ৰত্থুং ৰিপ্পযুত্তপচ্চযা. চিত্তসমুট্ঠানং রূপং খন্ধে ৰিপ্পযুত্তপচ্চযা. (৩)

অকুসলং ধম্মং পটিচ্চ অকুসলো ধম্মো উপ্পজ্জতি ৰিপ্পযুত্তপচ্চযা – অকুসলং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৰে খন্ধে পটিচ্চ দ্ৰে খন্ধা. ৰত্থুং ৰিপ্পযুত্তপচ্চযা. অকুসলং ধম্মং পটিচ্চ অব্যাকতো ধম্মো উপ্পজ্জতি ৰিপ্পযুত্তপচ্চযা – অকুসলে খন্ধে পটিচ্চ চিত্তসমুট্ঠানং রূপং. খন্ধে ৰিপ্পযুত্তপচ্চযা. অকুসলং ধম্মং পটিচ্চ অকুসলো চ অব্যাকতো চ ধম্মা উপ্পজ্জন্তি ৰিপ্পযুত্তপচ্চযা – অকুসলং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং, তযো খন্ধে পটিচ্চ একো খন্ধো চিত্তসমুট্ঠানঞ্চ রূপং, দ্ৰে খন্ধে পটিচ্চ দ্ৰে খন্ধা চিত্তসমুট্ঠানঞ্চ রূপং. খন্ধা ৰত্থুং ৰিপ্পযুত্তপচ্চযা. চিত্তসমুট্ঠানং রূপং খন্ধে ৰিপ্পযুত্তপচ্চযা. (৩)

অব্যাকতং ধম্মং পটিচ্চ অব্যাকতো ধম্মো উপ্পজ্জতি ৰিপ্পযুত্তপচ্চযা – ৰিপাকাব্যাকতং কিরিযাব্যাকতং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং, তযো খন্ধে পটিচ্চ একো খন্ধো চিত্তসমুট্ঠানঞ্চ রূপং, দ্ৰে খন্ধে পটিচ্চ দ্ৰে খন্ধা চিত্তসমুট্ঠানঞ্চ রূপং. খন্ধা ৰত্থুং ৰিপ্পযুত্তপচ্চযা. চিত্তসমুট্ঠানং রূপং খন্ধে ৰিপ্পযুত্তপচ্চযা. পটিসন্ধিক্খণে ৰিপাকাব্যাকতং একং খন্ধং পটিচ্চ তযো খন্ধা কটত্তা চ রূপং, তযো খন্ধে পটিচ্চ একো খন্ধো কটত্তা চ রূপং, দ্ৰে খন্ধে পটিচ্চ দ্ৰে খন্ধা কটত্তা চ রূপং. খন্ধা ৰত্থুং ৰিপ্পযুত্তপচ্চযা. কটত্তারূপং খন্ধে ৰিপ্পযুত্তপচ্চযা. খন্ধে পটিচ্চ ৰত্থু, ৰত্থুং পটিচ্চ খন্ধা. খন্ধা ৰত্থুং ৰিপ্পযুত্তপচ্চযা. ৰত্থু খন্ধে ৰিপ্পযুত্তপচ্চযা. একং মহাভূতং পটিচ্চ তযো মহাভূতা, তযো মহাভূতে পটিচ্চ একং মহাভূতং, দ্ৰে মহাভূতে পটিচ্চ দ্ৰে মহাভূতা, মহাভূতে পটিচ্চ চিত্তসমুট্ঠানং রূপং কটত্তারূপং উপাদারূপং. খন্ধে ৰিপ্পযুত্তপচ্চযা. (১)

কুসলঞ্চ অব্যাকতঞ্চ ধম্মং পটিচ্চ অব্যাকতো ধম্মো উপ্পজ্জতি ৰিপ্পযুত্তপচ্চযা – কুসলে খন্ধে চ মহাভূতে চ পটিচ্চ চিত্তসমুট্ঠানং রূপং. খন্ধে ৰিপ্পযুত্তপচ্চযা. (১)

অকুসলঞ্চ অব্যাকতঞ্চ ধম্মং পটিচ্চ অব্যাকতো ধম্মো উপ্পজ্জতি ৰিপ্পযুত্তপচ্চযা – অকুসলে খন্ধে চ মহাভূতে চ পটিচ্চ চিত্তসমুট্ঠানং রূপং. খন্ধে ৰিপ্পযুত্তপচ্চযা. (১)

অত্থিপচ্চযো

৭০. কুসলং ধম্মং পটিচ্চ কুসলো ধম্মো উপ্পজ্জতি অত্থিপচ্চযা – কুসলং একং খন্ধং পটিচ্চ তযো খন্ধা.

(সঙ্খিতং. অত্থিপচ্চযং সহজাতপচ্চযসদিসং.)

নত্থি-ৰিগতপচ্চযা

৭১. কুসলং ধম্মং পটিচ্চ কুসলো ধম্মো উপ্পজ্জতি নত্থিপচ্চযা… ৰিগতপচ্চযা. (নত্থিপচ্চযম্পি ৰিগতপচ্চযম্পি আরম্মণপচ্চযসদিসং.)

অৰিগতপচ্চযো

৭২. কুসলং ধম্মং পটিচ্চ কুসলো ধম্মো উপ্পজ্জতি অৰিগতপচ্চযা – কুসলং একং খন্ধং পটিচ্চ তযো খন্ধা. (অৰিগতপচ্চযং সহজাতপচ্চযসদিসং).

(ইমে তেৰীসতিপচ্চযা সজ্ঝাযন্তেন ৰিত্থারেতব্বা.)