১. পচ্চযানুলোমং

১. ৰিভঙ্গৰারো

হেতুপচ্চযো

২৪৩. কুসলং ধম্মং পচ্চযা কুসলো ধম্মো উপ্পজ্জতি হেতুপচ্চযা – কুসলং একং খন্ধং পচ্চযা তযো খন্ধা, তযো খন্ধে পচ্চযা একো খন্ধো, দ্ৰে খন্ধে পচ্চযা দ্ৰে খন্ধা. কুসলং ধম্মং পচ্চযা অব্যাকতো ধম্মো উপ্পজ্জতি হেতুপচ্চযা – কুসলে খন্ধে পচ্চযা চিত্তসমুট্ঠানং রূপং. কুসলং ধম্মং পচ্চযা কুসলো চ অব্যাকতো চ ধম্মা উপ্পজ্জন্তি হেতুপচ্চযা – কুসলং একং খন্ধং পচ্চযা তযো খন্ধা চিত্তসমুট্ঠানঞ্চ রূপং, তযো খন্ধে পচ্চযা একো খন্ধো চিত্তসমুট্ঠানঞ্চ রূপং, দ্ৰে খন্ধে পচ্চযা দ্ৰে খন্ধা চিত্তসমুট্ঠানঞ্চ রূপং. (৩)

২৪৪. অকুসলং ধম্মং পচ্চযা অকুসলো ধম্মো উপ্পজ্জতি হেতুপচ্চযা – অকুসলং একং খন্ধং পচ্চযা তযো খন্ধা, তযো খন্ধে পচ্চযা একো খন্ধো, দ্ৰে খন্ধে পচ্চযা দ্ৰে খন্ধা. অকুসলং ধম্মং পচ্চযা অব্যাকতো ধম্মো উপ্পজ্জতি হেতুপচ্চযা – অকুসলে খন্ধে পচ্চযা চিত্তসমুট্ঠানং রূপং. অকুসলং ধম্মং পচ্চযা অকুসলো চ অব্যাকতো চ ধম্মা উপ্পজ্জন্তি হেতুপচ্চযা – অকুসলং একং খন্ধং পচ্চযা তযো খন্ধা চিত্তসমুট্ঠানঞ্চ রূপং, তযো খন্ধে পচ্চযা একো খন্ধো চিত্তসমুট্ঠানঞ্চ রূপং, দ্ৰে খন্ধে পচ্চযা দ্ৰে খন্ধা চিত্তসমুট্ঠানঞ্চ রূপং. (৩)

২৪৫. অব্যাকতং ধম্মং পচ্চযা অব্যাকতো ধম্মো উপ্পজ্জতি হেতুপচ্চযা – ৰিপাকাব্যাকতং কিরিযাব্যাকতং একং খন্ধং পচ্চযা তযো খন্ধা চিত্তসমুট্ঠানঞ্চ রূপং, তযো খন্ধে পচ্চযা একো খন্ধো চিত্তসমুট্ঠানঞ্চ রূপং, দ্ৰে খন্ধে পচ্চযা দ্ৰে খন্ধা চিত্তসমুট্ঠানঞ্চ রূপং; পটিসন্ধিক্খণে ৰিপাকাব্যাকতং একং খন্ধং পচ্চযা তযো খন্ধা কটত্তা চ রূপং, তযো খন্ধে পচ্চযা একো খন্ধো কটত্তা চ রূপং, দ্ৰে খন্ধে পচ্চযা দ্ৰে খন্ধা কটত্তা চ রূপং; খন্ধে পচ্চযা ৰত্থু, ৰত্থুং পচ্চযা খন্ধা; একং মহাভূতং পচ্চযা তযো মহাভূতা, তযো মহাভূতে পচ্চযা একং মহাভূতং, দ্ৰে মহাভূতে পচ্চযা দ্ৰে মহাভূতা, মহাভূতে পচ্চযা চিত্তসমুট্ঠানং রূপং কটত্তারূপং উপাদারূপং; ৰত্থুং পচ্চযা ৰিপাকাব্যাকতা কিরিযাব্যাকতা খন্ধা. (১)

অব্যাকতং ধম্মং পচ্চযা কুসলো ধম্মো উপ্পজ্জতি হেতুপচ্চযা – ৰত্থুং পচ্চযা কুসলা খন্ধা. (২)

অব্যাকতং ধম্মং পচ্চযা অকুসলো ধম্মো উপ্পজ্জতি হেতুপচ্চযা – ৰত্থুং পচ্চযা অকুসলা খন্ধা. (৩)

অব্যাকতং ধম্মং পচ্চযা কুসলো চ অব্যাকতো চ ধম্মা উপ্পজ্জন্তি হেতুপচ্চযা – ৰত্থুং পচ্চযা কুসলা খন্ধা, মহাভূতে পচ্চযা চিত্তসমুট্ঠানং রূপং. (৪)

অব্যাকতং ধম্মং পচ্চযা অকুসলো চ অব্যাকতো চ ধম্মা উপ্পজ্জন্তি হেতুপচ্চযা – ৰত্থুং পচ্চযা অকুসলা খন্ধা, মহাভূতে পচ্চযা চিত্তসমুট্ঠানং রূপং. (৫)

২৪৬. কুসলঞ্চ অব্যাকতঞ্চ ধম্মং পচ্চযা কুসলো ধম্মো উপ্পজ্জতি হেতুপচ্চযা – কুসলং একং খন্ধঞ্চ ৰত্থুঞ্চ পচ্চযা তযো খন্ধা, তযো খন্ধে চ ৰত্থুঞ্চ পচ্চযা একো খন্ধো, দ্ৰে খন্ধে চ ৰত্থুঞ্চ পচ্চযা দ্ৰে খন্ধা. কুসলঞ্চ অব্যাকতঞ্চ ধম্মং পচ্চযা অব্যাকতো ধম্মো উপ্পজ্জতি হেতুপচ্চযা – কুসলে খন্ধে চ মহাভূতে চ পচ্চযা চিত্তসমুট্ঠানং রূপং. কুসলঞ্চ অব্যাকতঞ্চ ধম্মং পচ্চযা কুসলো চ অব্যাকতো চ ধম্মা উপ্পজ্জন্তি হেতুপচ্চযা – কুসলং একং খন্ধঞ্চ ৰত্থুঞ্চ পচ্চযা তযো খন্ধা, তযো খন্ধে চ ৰত্থুঞ্চ পচ্চযা একো খন্ধো, দ্ৰে খন্ধে চ ৰত্থুঞ্চ পচ্চযা দ্ৰে খন্ধা, কুসলে খন্ধে চ মহাভূতে চ পচ্চযা চিত্তসমুট্ঠানং রূপং. (৩)

২৪৭. অকুসলঞ্চ অব্যাকতঞ্চ ধম্মং পচ্চযা অকুসলো ধম্মো উপ্পজ্জতি হেতুপচ্চযা – অকুসলং একং খন্ধঞ্চ ৰত্থুঞ্চ পচ্চযা তযো খন্ধা, তযো খন্ধে চ ৰত্থুঞ্চ পচ্চযা একো খন্ধো, দ্ৰে খন্ধে চ ৰত্থুঞ্চ পচ্চযা দ্ৰে খন্ধা. অকুসলঞ্চ অব্যাকতঞ্চ ধম্মং পচ্চযা অব্যাকতো ধম্মো উপ্পজ্জতি হেতুপচ্চযা – অকুসলে খন্ধে চ মহাভূতে চ পচ্চযা চিত্তসমুট্ঠানং রূপং. অকুসলঞ্চ অব্যাকতঞ্চ ধম্মং পচ্চযা অকুসলো চ অব্যাকতো চ ধম্মা উপ্পজ্জন্তি হেতুপচ্চযা – অকুসলং একং খন্ধঞ্চ ৰত্থুঞ্চ পচ্চযা তযো খন্ধা, তযো খন্ধে চ ৰত্থুঞ্চ পচ্চযা একো খন্ধো, দ্ৰে খন্ধে চ ৰত্থুঞ্চ পচ্চযা দ্ৰে খন্ধা, অকুসলে খন্ধে চ মহাভূতে চ পচ্চযা চিত্তসমুট্ঠানং রূপং. (৩)

আরম্মণপচ্চযো

২৪৮. কুসলং ধম্মং পচ্চযা কুসলো ধম্মো উপ্পজ্জতি আরম্মণপচ্চযা – কুসলং একং খন্ধং পচ্চযা তযো খন্ধা, তযো খন্ধে পচ্চযা একো খন্ধো, দ্ৰে খন্ধে পচ্চযা দ্ৰে খন্ধা. (১)

২৪৯. অকুসলং ধম্মং পচ্চযা অকুসলো ধম্মো উপ্পজ্জতি আরম্মণপচ্চযা – অকুসলং একং খন্ধং পচ্চযা তযো খন্ধা, তযো খন্ধে পচ্চযা একো খন্ধো, দ্ৰে খন্ধে পচ্চযা দ্ৰে খন্ধা. (১)

২৫০. অব্যাকতং ধম্মং পচ্চযা অব্যাকতো ধম্মো উপ্পজ্জতি আরম্মণপচ্চযা – ৰিপাকাব্যাকতং কিরিযাব্যাকতং একং খন্ধং পচ্চযা তযো খন্ধা, তযো খন্ধে পচ্চযা একো খন্ধো, দ্ৰে খন্ধে পচ্চযা দ্ৰে খন্ধা; পটিসন্ধিক্খণে ৰিপাকাব্যাকতং একং খন্ধং পচ্চযা তযো খন্ধা, তযো খন্ধে পচ্চযা একো খন্ধো, দ্ৰে খন্ধে পচ্চযা দ্ৰে খন্ধা; ৰত্থুং পচ্চযা খন্ধা; চক্খাযতনং পচ্চযা চক্খুৰিঞ্ঞাণং, সোতাযতনং পচ্চযা সোতৰিঞ্ঞাণং, ঘানাযতনং পচ্চযা ঘানৰিঞ্ঞাণং, জিৰ্হাযতনং পচ্চযা জিৰ্হাৰিঞ্ঞাণং, কাযাযতনং পচ্চযা কাযৰিঞ্ঞাণং, ৰত্থুং পচ্চযা ৰিপাকাব্যাকতা কিরিযাব্যাকতা খন্ধা. (১)

অব্যাকতং ধম্মং পচ্চযা কুসলো ধম্মো উপ্পজ্জতি আরম্মণপচ্চযা – ৰত্থুং পচ্চযা কুসলা খন্ধা. (২)

অব্যাকতং ধম্মং পচ্চযা অকুসলো ধম্মো উপ্পজ্জতি আরম্মণপচ্চযা – ৰত্থুং পচ্চযা অকুসলা খন্ধা. (৩)

২৫১. কুসলঞ্চ অব্যাকতঞ্চ ধম্মং পচ্চযা কুসলো ধম্মো উপ্পজ্জতি আরম্মণপচ্চযা – কুসলং একং খন্ধঞ্চ ৰত্থুঞ্চ পচ্চযা তযো খন্ধা…পে… দ্ৰে খন্ধে চ ৰত্থুঞ্চ পচ্চযা দ্ৰে খন্ধা. (১)

২৫২. অকুসলঞ্চ অব্যাকতঞ্চ ধম্মং পচ্চযা অকুসলো ধম্মো উপ্পজ্জতি আরম্মণপচ্চযা – অকুসলং একং খন্ধঞ্চ ৰত্থুঞ্চ পচ্চযা তযো খন্ধা…পে… দ্ৰে খন্ধে চ ৰত্থুঞ্চ পচ্চযা দ্ৰে খন্ধা. (১)

অধিপতিপচ্চযো

২৫৩. কুসলং ধম্মং পচ্চযা কুসলো ধম্মো উপ্পজ্জতি অধিপতিপচ্চযা – কুসলং একং খন্ধং পচ্চযা… তীণি.

অকুসলং ধম্মং পচ্চযা অকুসলো ধম্মো উপ্পজ্জতি অধিপতিপচ্চযা – অকুসলং একং খন্ধং পচ্চযা… তীণি.

অব্যাকতং ধম্মং পচ্চযা অব্যাকতো ধম্মো উপ্পজ্জতি অধিপতিপচ্চযা – ৰিপাকাব্যাকতং কিরিযাব্যাকতং একং খন্ধং পচ্চযা তযো খন্ধা চিত্তসমুট্ঠানঞ্চ রূপং…পে… একং মহাভূতং পচ্চযা তযো মহাভূতা…পে… মহাভূতে পচ্চযা চিত্তসমুট্ঠানং রূপং উপাদারূপং, ৰত্থুং পচ্চযা ৰিপাকাব্যাকতা কিরিযাব্যাকতা খন্ধা.

অব্যাকতং ধম্মং পচ্চযা কুসলো ধম্মো উপ্পজ্জতি অধিপতিপচ্চযা – ৰত্থুং পচ্চযা কুসলা খন্ধা.

(যথা হেতুপচ্চযং, এৰং ৰিত্থারেতব্বং.)

অনন্তর-সমনন্তরপচ্চযা

২৫৪. কুসলং ধম্মং পচ্চযা কুসলো ধম্মো উপ্পজ্জতি অনন্তরপচ্চযা… সমনন্তরপচ্চযা.

(যথা আরম্মণপচ্চযং, এৰং ৰিত্থারেতব্বং.)

সহজাতপচ্চযো

২৫৫. কুসলং ধম্মং পচ্চযা কুসলো ধম্মো উপ্পজ্জতি সহজাতপচ্চযা – কুসলং একং খন্ধং পচ্চযা… তীণি.

অকুসলং ধম্মং পচ্চযা… তীণি.

অব্যাকতং ধম্মং পচ্চযা অব্যাকতো ধম্মো উপ্পজ্জতি সহজাতপচ্চযা – ৰিপাকাব্যাকতং কিরিযাব্যাকতং একং খন্ধং পচ্চযা তযো খন্ধা চিত্তসমুট্ঠানঞ্চ রূপং…পে… পটিসন্ধিক্খণে…পে… একং মহাভূতং পচ্চযা…পে… বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং একং মহাভূতং পচ্চযা…পে… মহাভূতে পচ্চযা কটত্তারূপং উপাদারূপং, চক্খাযতনং পচ্চযা চক্খুৰিঞ্ঞাণং…পে… কাযাযতনং পচ্চযা কাযৰিঞ্ঞাণং, ৰত্থুং পচ্চযা ৰিপাকাব্যাকতা কিরিযাব্যাকতা খন্ধা.

অব্যাকতং ধম্মং পচ্চযা কুসলো ধম্মো উপ্পজ্জতি সহজাতপচ্চযা – ৰত্থুং পচ্চযা কুসলা খন্ধা.

(যথা হেতুপচ্চযং, এৰং ৰিত্থারেতব্বং.)

অঞ্ঞমঞ্ঞপচ্চযো

২৫৬. কুসলং ধম্মং পচ্চযা কুসলো ধম্মো উপ্পজ্জতি অঞ্ঞমঞ্ঞপচ্চযা… একং.

অকুসলং ধম্মং পচ্চযা অকুসলো ধম্মো উপ্পজ্জতি অঞ্ঞমঞ্ঞপচ্চযা… একং.

অব্যাকতং ধম্মং পচ্চযা অব্যাকতো ধম্মো উপ্পজ্জতি অঞ্ঞমঞ্ঞপচ্চযা – ৰিপাকাব্যাকতং কিরিযাব্যাকতং একং খন্ধং পচ্চযা তযো খন্ধা…পে… দ্ৰে খন্ধে পচ্চযা দ্ৰে খন্ধা; পটিসন্ধিক্খণে ৰিপাকাব্যাকতং একং খন্ধং পচ্চযা তযো খন্ধা ৰত্থু চ…পে… দ্ৰে খন্ধে পচ্চযা দ্ৰে খন্ধা ৰত্থু চ, খন্ধে পচ্চযা ৰত্থু, ৰত্থুং পচ্চযা খন্ধা; একং মহাভূতং পচ্চযা তযো মহাভূতা…পে… দ্ৰে মহাভূতে পচ্চযা দ্ৰে মহাভূতা; বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং একং মহাভূতং পচ্চযা তযো মহাভূতা…পে… দ্ৰে মহাভূতে পচ্চযা দ্ৰে মহাভূতা, চক্খাযতনং পচ্চযা চক্খুৰিঞ্ঞাণং…পে… কাযাযতনং পচ্চযা কাযৰিঞ্ঞাণং, ৰত্থুং পচ্চযা ৰিপাকাব্যাকতা কিরিযাব্যাকতা খন্ধা.

অব্যাকতং ধম্মং পচ্চযা কুসলো ধম্মো উপ্পজ্জতি অঞ্ঞমঞ্ঞপচ্চযা – ৰত্থুং পচ্চযা কুসলা খন্ধা.

(যথা আরম্মণপচ্চযং, এৰং ৰিত্থারেতব্বং.)

নিস্সযপচ্চযো

২৫৭. কুসলং ধম্মং পচ্চযা কুসলো ধম্মো উপ্পজ্জতি নিস্সযপচ্চযা – কুসলং একং খন্ধং পচ্চযা তযো খন্ধা.

(যথা সহজাতপচ্চযং, এৰং ৰিত্থারেতব্বং.)

উপনিস্সযপচ্চযো

২৫৮. কুসলং ধম্মং পচ্চযা কুসলো ধম্মো উপ্পজ্জতি উপনিস্সযপচ্চযা – কুসলং একং খন্ধং পচ্চযা. (আরম্মণপচ্চযসদিসং.)

পুরেজাতপচ্চযো

২৫৯. কুসলং ধম্মং পচ্চযা কুসলো ধম্মো উপ্পজ্জতি পুরেজাতপচ্চযা. কুসলং একং খন্ধং পচ্চযা তযো খন্ধা…পে… দ্ৰে খন্ধে পচ্চযা দ্ৰে খন্ধা. ৰত্থুং পুরেজাতপচ্চযা. (১)

অকুসলং ধম্মং পচ্চযা অকুসলো ধম্মো উপ্পজ্জতি পুরেজাতপচ্চযা – অকুসলং একং খন্ধং পচ্চযা তযো খন্ধা…পে… দ্ৰে খন্ধে পচ্চযা দ্ৰে খন্ধা. ৰত্থুং পুরেজাতপচ্চযা. (১)

অব্যাকতং ধম্মং পচ্চযা অব্যাকতো ধম্মো উপ্পজ্জতি পুরেজাতপচ্চযা – ৰিপাকাব্যাকতং কিরিযাব্যাকতং একং খন্ধং পচ্চযা তযো খন্ধা…পে… দ্ৰে খন্ধে পচ্চযা দ্ৰে খন্ধা, ৰত্থুং পুরেজাতপচ্চযা, চক্খাযতনং পচ্চযা চক্খুৰিঞ্ঞাণং…পে… কাযাযতনং পচ্চযা কাযৰিঞ্ঞাণং, ৰত্থুং পচ্চযা ৰিপাকাব্যাকতা কিরিযাব্যাকতা খন্ধা, ৰত্থুং পুরেজাতপচ্চযা.

অব্যাকতং ধম্মং পচ্চযা কুসলো ধম্মো উপ্পজ্জতি পুরেজাতপচ্চযা – ৰত্থুং পচ্চযা কুসলা খন্ধা, ৰত্থুং পুরেজাতপচ্চযা.

অব্যাকতং ধম্মং পচ্চযা অকুসলো ধম্মো উপ্পজ্জতি পুরেজাতপচ্চযা – ৰত্থুং পচ্চযা অকুসলা খন্ধা, ৰত্থুং পুরেজাতপচ্চযা. (৩)

কুসলঞ্চ অব্যাকতঞ্চ ধম্মং পচ্চযা কুসলো ধম্মো উপ্পজ্জতি পুরেজাতপচ্চযা – কুসলং একং খন্ধঞ্চ ৰত্থুঞ্চ পচ্চযা তযো খন্ধা…পে… দ্ৰে খন্ধে চ ৰত্থুঞ্চ পচ্চযা দ্ৰে খন্ধা, ৰত্থুং পুরেজাতপচ্চযা. (১)

অকুসলঞ্চ অব্যাকতঞ্চ ধম্মং পচ্চযা অকুসলো ধম্মো উপ্পজ্জতি পুরেজাতপচ্চযা – অকুসলং একং খন্ধঞ্চ ৰত্থুঞ্চ পচ্চযা তযো খন্ধা…পে… দ্ৰে খন্ধে চ ৰত্থুঞ্চ পচ্চযা দ্ৰে খন্ধা, ৰত্থুং পুরেজাতপচ্চযা. (১)

আসেৰনপচ্চযো

২৬০. কুসলং ধম্মং পচ্চযা কুসলো ধম্মো উপ্পজ্জতি আসেৰনপচ্চযা – কুসলং একং খন্ধং পচ্চযা…পে….

অকুসলং ধম্মং পচ্চযা অকুসলো ধম্মো উপ্পজ্জতি আসেৰনপচ্চযা – অকুসলং একং খন্ধং পচ্চযা…পে….

অব্যাকতং ধম্মং পচ্চযা অব্যাকতো ধম্মো উপ্পজ্জতি আসেৰনপচ্চযা – কিরিযাব্যাকতং একং খন্ধং পচ্চযা তযো খন্ধা, তযো খন্ধে পচ্চযা একো খন্ধো, দ্ৰে খন্ধে পচ্চযা দ্ৰে খন্ধা, ৰত্থুং পচ্চযা কিরিযাব্যাকতা খন্ধা.

অব্যাকতং ধম্মং পচ্চযা কুসলো ধম্মো উপ্পজ্জতি আসেৰনপচ্চযা – ৰত্থুং পচ্চযা কুসলা খন্ধা.

অব্যাকতং ধম্মং পচ্চযা অকুসলো ধম্মো উপ্পজ্জতি আসেৰনপচ্চযা – ৰত্থুং পচ্চযা অকুসলা খন্ধা.

কুসলঞ্চ অব্যাকতঞ্চ ধম্মং পচ্চযা…পে….

অকুসলঞ্চ অব্যাকতঞ্চ ধম্মং পচ্চযা অকুসলো ধম্মো উপ্পজ্জতি আসেৰনপচ্চযা – অকুসলং একং খন্ধঞ্চ ৰত্থুঞ্চ পচ্চযা তযো খন্ধা…পে….

কম্মপচ্চযো

২৬১. কুসলং ধম্মং পচ্চযা কুসলো ধম্মো উপ্পজ্জতি কম্মপচ্চযা – কুসলং একং খন্ধং পচ্চযা… তীণি.

অকুসলং ধম্মং পচ্চযা অকুসলো ধম্মো উপ্পজ্জতি কম্মপচ্চযা… তীণি.

অব্যাকতং ধম্মং পচ্চযা অব্যাকতো ধম্মো উপ্পজ্জতি কম্মপচ্চযা – ৰিপাকাব্যাকতং কিরিযাব্যাকতং একং খন্ধং পচ্চযা…পে… পটিসন্ধিক্খণে…পে… একং মহাভূতং পচ্চযা…পে… অসঞ্ঞসত্তানং একং মহাভূতং পচ্চযা…পে… মহাভূতে পচ্চযা কটত্তারূপং উপাদারূপং, চক্খাযতনং পচ্চযা চক্খুৰিঞ্ঞাণং…পে… কাযাযতনং পচ্চযা কাযৰিঞ্ঞাণং, ৰত্থুং পচ্চযা ৰিপাকাব্যাকতা কিরিযাব্যাকতা খন্ধা.

অব্যাকতং ধম্মং পচ্চযা কুসলো ধম্মো উপ্পজ্জতি কম্মপচ্চযা – ৰত্থুং পচ্চযা কুসলা খন্ধা.

অব্যাকতং ধম্মং পচ্চযা অকুসলো ধম্মো উপ্পজ্জতি কম্মপচ্চযা – ৰত্থুং পচ্চযা অকুসলা খন্ধা…পে…. (৫)

কুসলঞ্চ অব্যাকতঞ্চ ধম্মং পচ্চযা কুসলো ধম্মো…পে… অব্যাকতো ধম্মো…পে… কুসলো চ অব্যাকতো চ ধম্মা উপ্পজ্জন্তি কম্মপচ্চযা…পে….

অকুসলঞ্চ অব্যাকতঞ্চ ধম্মং পচ্চযা অকুসলো ধম্মো…পে… অব্যাকতো ধম্মো…পে… অকুসলো চ অব্যাকতো চ ধম্মা উপ্পজ্জন্তি কম্মপচ্চযা, অকুসলং একং খন্ধঞ্চ ৰত্থুঞ্চ পচ্চযা…পে… অকুসলে খন্ধে চ মহাভূতে চ পচ্চযা চিত্তসমুট্ঠানং রূপং.

ৰিপাকপচ্চযো

২৬২. অব্যাকতং ধম্মং পচ্চযা অব্যাকতো ধম্মো উপ্পজ্জতি ৰিপাকপচ্চযা. ৰিপাকাব্যাকতং একং খন্ধং পচ্চযা…পে… পটিসন্ধিক্খণে…পে… একং মহাভূতং পচ্চযা…পে… চক্খাযতনং পচ্চযা চক্খুৰিঞ্ঞাণং…পে… কাযাযতনং পচ্চযা কাযৰিঞ্ঞাণং, ৰত্থুং পচ্চযা ৰিপাকাব্যাকতা খন্ধা.

আহারপচ্চযো

২৬৩. কুসলং ধম্মং পচ্চযা কুসলো ধম্মো উপ্পজ্জতি আহারপচ্চযা – কুসলং একং খন্ধং পচ্চযা… তীণি.

অকুসলং ধম্মং পচ্চযা… তীণি.

অব্যাকতং ধম্মং পচ্চযা অব্যাকতো ধম্মো উপ্পজ্জতি আহারপচ্চযা…পে… পটিসন্ধিক্খণে…পে… আহারসমুট্ঠানং একং মহাভূতং…পে… চক্খাযতনং পচ্চযা চক্খুৰিঞ্ঞাণং…পে… কাযাযতনং পচ্চযা কাযৰিঞ্ঞাণং, ৰত্থুং পচ্চযা ৰিপাকাব্যাকতা কিরিযাব্যাকতা খন্ধা. (পরিপুণ্ণং.)

ইন্দ্রিযপচ্চযো

২৬৪. কুসলং ধম্মং পচ্চযা কুসলো ধম্মো উপ্পজ্জতি ইন্দ্রিযপচ্চযা…পে… অসঞ্ঞসত্তানং একং মহাভূতং পচ্চযা…পে… চক্খাযতনং পচ্চযা চক্খুৰিঞ্ঞাণং…পে… কাযাযতনং পচ্চযা কাযৰিঞ্ঞাণং, ৰত্থুং পচ্চযা ৰিপাকাব্যাকতা কিরিযাব্যাকতা খন্ধা.

(ইন্দ্রিযপচ্চযা যথা কম্মপচ্চযা, এৰং ৰিত্থারেতব্বং.)

ঝান-মগ্গপচ্চযা

২৬৫. কুসলং ধম্মং পচ্চযা কুসলো ধম্মো উপ্পজ্জতি ঝানপচ্চযা…পে… মগ্গপচ্চযা.

(ঝানপচ্চযাপি মগ্গপচ্চযাপি যথা হেতুপচ্চযা, এৰং ৰিত্থারেতব্বং.)

সম্পযুত্তপচ্চযো

২৬৬. কুসলং ধম্মং পচ্চযা কুসলো ধম্মো উপ্পজ্জতি সম্পযুত্তপচ্চযা. (আরম্মণপচ্চযসদিসং.)

ৰিপ্পযুত্তপচ্চযো

২৬৭. কুসলং ধম্মং পচ্চযা কুসলো ধম্মো উপ্পজ্জতি ৰিপ্পযুত্তপচ্চযা. কুসলং একং খন্ধং পচ্চযা তযো খন্ধা…পে… দ্ৰে খন্ধে পচ্চযা দ্ৰে খন্ধা, ৰত্থুং ৰিপ্পযুত্তপচ্চযা. কুসলং ধম্মং পচ্চযা অব্যাকতো ধম্মো উপ্পজ্জতি ৰিপ্পযুত্তপচ্চযা – কুসলে খন্ধে পচ্চযা চিত্তসমুট্ঠানং রূপং, খন্ধে ৰিপ্পযুত্তপচ্চযা, কুসলং ধম্মং পচ্চযা কুসলো চ অব্যাকতো চ ধম্মা উপ্পজ্জন্তি ৰিপ্পযুত্তপচ্চযা – কুসলং একং খন্ধং পচ্চযা তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে পচ্চযা দ্ৰে খন্ধা চিত্তসমুট্ঠানঞ্চ রূপং, খন্ধা ৰত্থুং ৰিপ্পযুত্তপচ্চযা, চিত্তসমুট্ঠানং রূপং খন্ধে ৰিপ্পযুত্তপচ্চযা. (৩)

অকুসলং ধম্মং পচ্চযা অকুসলো ধম্মো উপ্পজ্জতি ৰিপ্পযুত্তপচ্চযা – অকুসলং একং খন্ধং পচ্চযা তযো খন্ধা…পে… দ্ৰে খন্ধে পচ্চযা দ্ৰে খন্ধা, ৰত্থুং ৰিপ্পযুত্তপচ্চযা. অকুসলং ধম্মং পচ্চযা অব্যাকতো ধম্মো উপ্পজ্জতি ৰিপ্পযুত্তপচ্চযা – অকুসলে খন্ধে পচ্চযা চিত্তসমুট্ঠানং রূপং, খন্ধে ৰিপ্পযুত্তপচ্চযা. অকুসলং ধম্মং পচ্চযা অকুসলো চ অব্যাকতো চ ধম্মা উপ্পজ্জন্তি ৰিপ্পযুত্তপচ্চযা – অকুসলং একং খন্ধং পচ্চযা তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে পচ্চযা দ্ৰে খন্ধা চিত্তসমুট্ঠানঞ্চ রূপং, খন্ধা ৰত্থুং ৰিপ্পযুত্তপচ্চযা, চিত্তসমুট্ঠানং রূপং খন্ধে ৰিপ্পযুত্তপচ্চযা. (৩)

অব্যাকতং ধম্মং পচ্চযা অব্যাকতো ধম্মো উপ্পজ্জতি ৰিপ্পযুত্তপচ্চযা – ৰিপাকাব্যাকতং কিরিযাব্যাকতং একং খন্ধং পচ্চযা তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে পচ্চযা দ্ৰে খন্ধা চিত্তসমুট্ঠানঞ্চ রূপং, খন্ধা ৰত্থুং ৰিপ্পযুত্তপচ্চযা, চিত্তসমুট্ঠানং রূপং খন্ধে ৰিপ্পযুত্তপচ্চযা, পটিসন্ধিক্খণে ৰিপাকাব্যাকতং একং খন্ধং পচ্চযা তযো খন্ধা কটত্তা চ রূপং…পে… দ্ৰে খন্ধে পচ্চযা দ্ৰে খন্ধা কটত্তা চ রূপং, খন্ধা ৰত্থুং ৰিপ্পযুত্তপচ্চযা, কটত্তারূপং খন্ধে ৰিপ্পযুত্তপচ্চযা, খন্ধে পচ্চযা ৰত্থু, ৰত্থুং পচ্চযা খন্ধা, খন্ধা ৰত্থুং ৰিপ্পযুত্তপচ্চযা, ৰত্থু খন্ধে ৰিপ্পযুত্তপচ্চযা; একং মহাভূতং পচ্চযা…পে… মহাভূতে পচ্চযা চিত্তসমুট্ঠানং রূপং কটত্তারূপং উপাদারূপং খন্ধে ৰিপ্পযুত্তপচ্চযা; চক্খাযতনং পচ্চযা চক্খুৰিঞ্ঞাণং…পে… কাযাযতনং পচ্চযা কাযৰিঞ্ঞাণং; ৰত্থুং পচ্চযা ৰিপাকাব্যাকতা কিরিযাব্যাকতা খন্ধা, ৰত্থুং ৰিপ্পযুত্তপচ্চযা. (১)

অব্যাকতং ধম্মং পচ্চযা কুসলো ধম্মো উপ্পজ্জতি ৰিপ্পযুত্তপচ্চযা – ৰত্থুং পচ্চযা কুসলা খন্ধা, ৰত্থুং ৰিপ্পযুত্তপচ্চযা. (২)

অব্যাকতং ধম্মং পচ্চযা অকুসলো ধম্মো উপ্পজ্জতি ৰিপ্পযুত্তপচ্চযা – ৰত্থুং পচ্চযা অকুসলা খন্ধা, ৰত্থুং ৰিপ্পযুত্তপচ্চযা. (৩)

অব্যাকতং ধম্মং পচ্চযা কুসলো চ অব্যাকতো চ ধম্মা উপ্পজ্জন্তি ৰিপ্পযুত্তপচ্চযা – ৰত্থুং পচ্চযা কুসলা খন্ধা, মহাভূতে পচ্চযা চিত্তসমুট্ঠানং রূপং, খন্ধা ৰত্থুং ৰিপ্পযুত্তপচ্চযা, চিত্তসমুট্ঠানং রূপং খন্ধে ৰিপ্পযুত্তপচ্চযা. (৪)

অব্যাকতং ধম্মং পচ্চযা অকুসলো চ অব্যাকতো চ ধম্মা উপ্পজ্জন্তি ৰিপ্পযুত্তপচ্চযা – ৰত্থুং পচ্চযা অকুসলা খন্ধা, মহাভূতে পচ্চযা চিত্তসমুট্ঠানং রূপং, খন্ধা ৰত্থুং ৰিপ্পযুত্তপচ্চযা. চিত্তসমুট্ঠানং রূপং খন্ধে ৰিপ্পযুত্তপচ্চযা. (৫)

কুসলঞ্চ অব্যাকতঞ্চ ধম্মং পচ্চযা কুসলো ধম্মো উপ্পজ্জতি ৰিপ্পযুত্তপচ্চযা. কুসলং একং খন্ধঞ্চ ৰত্থুঞ্চ পচ্চযা তযো খন্ধা, তযো খন্ধে চ ৰত্থুঞ্চ পচ্চযা একো খন্ধো, দ্ৰে খন্ধে চ ৰত্থুঞ্চ পচ্চযা দ্ৰে খন্ধা, ৰত্থুং ৰিপ্পযুত্তপচ্চযা. কুসলঞ্চ অব্যাকতঞ্চ ধম্মং পচ্চযা অব্যাকতো ধম্মো উপ্পজ্জতি ৰিপ্পযুত্তপচ্চযা. কুসলে খন্ধে চ মহাভূতে চ পচ্চযা চিত্তসমুট্ঠানং রূপং. খন্ধে ৰিপ্পযুত্তপচ্চযা. কুসলঞ্চ অব্যাকতঞ্চ ধম্মং পচ্চযা কুসলো চ অব্যাকতো চ ধম্মা উপ্পজ্জন্তি ৰিপ্পযুত্তপচ্চযা, কুসলং একং খন্ধঞ্চ ৰত্থুঞ্চ পচ্চযা তযো খন্ধা, তযো খন্ধে চ ৰত্থুঞ্চ পচ্চযা একো খন্ধো, দ্ৰে খন্ধে চ ৰত্থুঞ্চ পচ্চযা দ্ৰে খন্ধা, কুসলে খন্ধে চ মহাভূতে চ পচ্চযা চিত্তসমুট্ঠানং রূপং, খন্ধা ৰত্থুং ৰিপ্পযুত্তপচ্চযা, চিত্তসমুট্ঠানং রূপং খন্ধে ৰিপ্পযুত্তপচ্চযা. (৩)

অকুসলঞ্চ অব্যাকতঞ্চ ধম্মং পচ্চযা অকুসলো ধম্মো উপ্পজ্জতি ৰিপ্পযুত্তপচ্চযা – অকুসলং একং খন্ধঞ্চ ৰত্থুঞ্চ পচ্চযা তযো খন্ধা…পে… দ্ৰে খন্ধে চ ৰত্থুঞ্চ পচ্চযা দ্ৰে খন্ধা, ৰত্থুং ৰিপ্পযুত্তপচ্চযা. অকুসলঞ্চ অব্যাকতঞ্চ ধম্মং পচ্চযা অব্যাকতো ধম্মো উপ্পজ্জতি ৰিপ্পযুত্তপচ্চযা – অকুসলে খন্ধে চ মহাভূতে চ পচ্চযা চিত্তসমুট্ঠানং রূপং, খন্ধে ৰিপ্পযুত্তপচ্চযা. অকুসলঞ্চ অব্যাকতঞ্চ ধম্মং পচ্চযা অকুসলো চ অব্যাকতো চ ধম্মা উপ্পজ্জন্তি ৰিপ্পযুত্তপচ্চযা – অকুসলং একং খন্ধঞ্চ ৰত্থুঞ্চ পচ্চযা তযো খন্ধা…পে… দ্ৰে খন্ধা, অকুসলে খন্ধে চ মহাভূতে চ পচ্চযা চিত্তসমুট্ঠানং রূপং, খন্ধা ৰত্থুং ৰিপ্পযুত্তপচ্চযা, চিত্তসমুট্ঠানং রূপং খন্ধে ৰিপ্পযুত্তপচ্চযা. (৩)

অত্থিপচ্চযাদি

২৬৮. কুসলং ধম্মং পচ্চযা কুসলো ধম্মো উপ্পজ্জতি অত্থিপচ্চযা…পে… (অত্থিপচ্চযা সহজাতপচ্চযসদিসং কাতব্বং. নত্থিপচ্চযা ৰিগতপচ্চযা আরম্মণপচ্চযসদিসং, অৰিগতপচ্চযা সহজাতপচ্চযসদিসং.)