১৫. পন্নরসমৰগ্গো

(১৪৭) ৩. অদ্ধাকথা

৭২০. অদ্ধা পরিনিপ্ফন্নোতি? আমন্তা. রূপন্তি? ন হেৰং ৰত্তব্বে…পে… ৰেদনা…পে… সঞ্ঞা…পে… সঙ্খারা…পে… ৰিঞ্ঞাণন্তি? ন হেৰং ৰত্তব্বে…পে… অতীতো অদ্ধা পরিনিপ্ফন্নোতি? আমন্তা. রূপন্তি? ন হেৰং ৰত্তব্বে…পে… ৰেদনা…পে… সঞ্ঞা…পে… সঙ্খারা…পে… ৰিঞ্ঞাণন্তি? ন হেৰং ৰত্তব্বে…পে… অনাগতো অদ্ধা পরিনিপ্ফন্নোতি? আমন্তা. রূপন্তি? ন হেৰং ৰত্তব্বে…পে… ৰেদনা…পে… সঞ্ঞা…পে… সঙ্খারা…পে… ৰিঞ্ঞাণন্তি? ন হেৰং ৰত্তব্বে…পে… পচ্চুপ্পন্নো অদ্ধা পরিনিপ্ফন্নোতি? আমন্তা. রূপন্তি? ন হেৰং ৰত্তব্বে…পে… ৰেদনা…পে… সঞ্ঞা…পে… সঙ্খারা…পে… ৰিঞ্ঞাণন্তি? ন হেৰং ৰত্তব্বে…পে….

অতীতং রূপং ৰেদনা সঞ্ঞা সঙ্খারা ৰিঞ্ঞাণং অতীতো অদ্ধাতি? আমন্তা. অতীতা পঞ্চদ্ধাতি? ন হেৰং ৰত্তব্বে…পে… অনাগতং রূপং ৰেদনা সঞ্ঞা সঙ্খারা ৰিঞ্ঞাণং অনাগতো অদ্ধাতি? আমন্তা. অনাগতা পঞ্চদ্ধাতি? ন হেৰং ৰত্তব্বে…পে… পচ্চুপ্পন্নং রূপং ৰেদনা সঞ্ঞা সঙ্খারা ৰিঞ্ঞাণং পচ্চুপ্পন্নো অদ্ধাতি? আমন্তা. পচ্চুপ্পন্না পঞ্চদ্ধাতি? ন হেৰং ৰত্তব্বে…পে….

অতীতা পঞ্চক্খন্ধা অতীতো অদ্ধা, অনাগতা পঞ্চক্খন্ধা অনাগতো অদ্ধা, পচ্চুপ্পন্না পঞ্চক্খন্ধা পচ্চুপ্পন্নো অদ্ধাতি? আমন্তা. পন্নরসদ্ধাতি? ন হেৰং ৰত্তব্বে…পে….

অতীতানি দ্ৰাদসাযতনানি অতীতো অদ্ধা, অনাগতানি দ্ৰাদসাযতনানি অনাগতো অদ্ধা, পচ্চুপ্পন্নানি দ্ৰাদসাযতনানি পচ্চুপ্পন্নো অদ্ধাতি? আমন্তা. ছত্তিংস অদ্ধাতি? ন হেৰং ৰত্তব্বে…পে….

অতীতা অট্ঠারস ধাতুযো অতীতো অদ্ধা, অনাগতা অট্ঠারস ধাতুযো অনাগতো অদ্ধা, পচ্চুপ্পন্না অট্ঠারস ধাতুযো পচ্চুপ্পন্নো অদ্ধাতি? আমন্তা. চতুপঞ্ঞাস অদ্ধাতি? ন হেৰং ৰত্তব্বে…পে….

অতীতানি বাৰীসতিন্দ্রিযানি অতীতো অদ্ধা, অনাগতানি বাৰীসতিন্দ্রিযানি অনাগতো অদ্ধা, পচ্চুপ্পন্নানি বাৰীসতিন্দ্রিযানি পচ্চুপ্পন্নো অদ্ধাতি? আমন্তা. ছসট্ঠি অদ্ধাতি? ন হেৰং ৰত্তব্বে…পে….

৭২১. ন ৰত্তব্বং – ‘‘অদ্ধা পরিনিপ্ফন্নোতি? আমন্তা. ননু ৰুত্তং ভগৰতা – ‘‘তীণিমানি, ভিক্খৰে, কথাৰত্থূনি! কতমানি তীণি? অতীতং ৰা, ভিক্খৰে, অদ্ধানং আরব্ভ কথং কথেয্য – ‘এৰং অহোসি অতীতমদ্ধান’ন্তি; অনাগতং ৰা, ভিক্খৰে, অদ্ধানং আরব্ভ কথং কথেয্য – ‘এৰং ভৰিস্সতি অনাগতমদ্ধান’ন্তি; এতরহি ৰা, ভিক্খৰে, পচ্চুপ্পন্নং অদ্ধানং আরব্ভ কথং কথেয্য – ‘এৰং হোতি এতরহি পচ্চুপ্পন্ন’ন্তি. ইমানি খো, ভিক্খৰে, তীণি কথাৰত্থূনী’’তি [অ. নি. ৩.৬৮; দী. নি. ৩.৩০৫]. অত্থেৰ সুত্তন্তোতি? আমন্তা. তেন হি অদ্ধা পরিনিপ্ফন্নোতি.

অদ্ধাকথা নিট্ঠিতা.