(১৪৫) ১. পচ্চযতাকথা

৭১১. পচ্চযতা ৰৰত্থিতাতি? আমন্তা. ননু ৰীমংসা হেতু, সো চ অধিপতীতি? আমন্তা. হঞ্চি ৰীমংসা হেতু, সো চ অধিপতি, তেন ৰত রে ৰত্তব্বে – ‘‘হেতুপচ্চযেন পচ্চযো, অধিপতিপচ্চযেন পচ্চযো’’তি.

ননু ছন্দাধিপতি সহজাতানং ধম্মানং অধিপতীতি? আমন্তা. হঞ্চি ছন্দাধিপতি সহজাতানং ধম্মানং অধিপতি, তেন ৰত রে ৰত্তব্বে – ‘‘অধিপতিপচ্চযেন পচ্চযো, সহজাতপচ্চযেন পচ্চযো’’তি.

৭১২. ননু ৰীরিযাধিপতি সহজাতানং ধম্মানং অধিপতীতি? আমন্তা. হঞ্চি ৰীরিযাধিপতি সহজাতানং ধম্মানং অধিপতি, তেন ৰত রে ৰত্তব্বে – ‘‘অধিপতিপচ্চযেন পচ্চযো, সহজাতপচ্চযেন পচ্চযো’’তি.

ননু ৰীরিযাধিপতি সহজাতানং ধম্মানং অধিপতি, তঞ্চ ইন্দ্রিযন্তি? আমন্তা. হঞ্চি ৰীরিযাধিপতি সহজাতানং ধম্মানং অধিপতি, তঞ্চ ইন্দ্রিযং, তেন ৰত রে ৰত্তব্বে – ‘‘অধিপতিপচ্চযেন পচ্চযো, ইন্দ্রিযপচ্চযেন পচ্চযো’’তি.

ননু ৰীরিযাধিপতি সহজাতানং ধম্মানং অধিপতি, তঞ্চ মগ্গঙ্গন্তি? আমন্তা. হঞ্চি ৰীরিযাধিপতি সহজাতানং ধম্মানং অধিপতি, তঞ্চ মগ্গঙ্গং, তেন ৰত রে ৰত্তব্বে – ‘‘অধিপতিপচ্চযেন পচ্চযো, মগ্গপচ্চযেন পচ্চযো’’তি.

৭১৩. ননু চিত্তাধিপতি সহজাতানং ধম্মানং অধিপতীতি? আমন্তা. হঞ্চি চিত্তাধিপতি সহজাতানং ধম্মানং অধিপতি, তেন ৰত রে ৰত্তব্বে – ‘‘অধিপতিপচ্চযেন পচ্চযো, সহজাতপচ্চযেন পচ্চযো’’তি.

ননু চিত্তাধিপতি সহজাতানং ধম্মানং অধিপতি, সো চ আহারোতি? আমন্তা. হঞ্চি চিত্তাধিপতি সহজাতানং ধম্মানং অধিপতি, সো চ আহারো, তেন ৰত রে ৰত্তব্বে – ‘‘অধিপতিপচ্চযেন পচ্চযো, আহারপচ্চযেন পচ্চযো’’তি.

ননু চিত্তাধিপতি সহজাতানং ধম্মানং অধিপতি, তঞ্চ ইন্দ্রিযন্তি? আমন্তা. হঞ্চি চিত্তাধিপতি সহজাতানং ধম্মানং অধিপতি, তঞ্চ ইন্দ্রিযং, তেন ৰত রে ৰত্তব্বে – ‘‘অধিপতিপচ্চযেন পচ্চযো, ইন্দ্রিযপচ্চযেন পচ্চযো’’তি.

৭১৪. ননু ৰীমংসাধিপতি সহজাতানং ধম্মানং অধিপতীতি? আমন্তা. হঞ্চি ৰীমংসাধিপতি সহজাতানং ধম্মানং অধিপতি, তেন ৰত রে ৰত্তব্বে – ‘‘অধিপতিপচ্চযেন পচ্চযো, সহজাতপচ্চযেন পচ্চযো’’তি.

ননু ৰীমংসাধিপতি সহজাতানং ধম্মানং অধিপতি, তঞ্চ ইন্দ্রিযন্তি? আমন্তা. হঞ্চি ৰীমংসাধিপতি সহজাতানং ধম্মানং অধিপতি, তঞ্চ ইন্দ্রিযং, তেন ৰত রে ৰত্তব্বে – ‘‘অধিপতিপচ্চযেন পচ্চযো, ইন্দ্রিযপচ্চযেন পচ্চযো’’তি.

ননু ৰীমংসাধিপতি সহজাতানং ধম্মানং অধিপতি, তঞ্চ মগ্গঙ্গন্তি? আমন্তা. হঞ্চি ৰীমংসাধিপতি সহজাতানং ধম্মানং অধিপতি, তঞ্চ মগ্গঙ্গং, তেন ৰত রে ৰত্তব্বে – ‘‘অধিপতিপচ্চযেন পচ্চযো, মগ্গপচ্চযেন পচ্চযো’’তি.

৭১৫. ননু অরিযং ধম্মং গরুং কত্ৰা উপ্পজ্জতি পচ্চৰেক্খণা, তঞ্চারম্মণন্তি? আমন্তা. হঞ্চি অরিযং ধম্মং গরুং কত্ৰা উপ্পজ্জতি পচ্চৰেক্খণা, তঞ্চারম্মণং, তেন ৰত রে ৰত্তব্বে – ‘‘অধিপতিপচ্চযেন পচ্চযো, আরম্মণপচ্চযেন পচ্চযো’’তি.

৭১৬. ননু পুরিমা পুরিমা কুসলা ধম্মা পচ্ছিমানং পচ্ছিমানং কুসলানং ধম্মানং অনন্তরপচ্চযেন পচ্চযো, সা চ আসেৰনাতি? আমন্তা. হঞ্চি পুরিমা পুরিমা কুসলা ধম্মা পচ্ছিমানং পচ্ছিমানং কুসলানং ধম্মানং অনন্তরপচ্চযেন পচ্চযো, সা চ আসেৰনা, তেন ৰত রে ৰত্তব্বে – ‘‘অনন্তরপচ্চযেন পচ্চযো, আসেৰনপচ্চযেন পচ্চযো’’তি.

ননু পুরিমা পুরিমা অকুসলা ধম্মা পচ্ছিমানং পচ্ছিমানং অকুসলানং ধম্মানং অনন্তরপচ্চযেন পচ্চযো, সা চ আসেৰনাতি? আমন্তা. হঞ্চি পুরিমা পুরিমা অকুসলা ধম্মা পচ্ছিমানং পচ্ছিমানং অকুসলানং ধম্মানং অনন্তরপচ্চযেন পচ্চযো, সা চ আসেৰনা, তেন ৰত রে ৰত্তব্বে – ‘‘অনন্তরপচ্চযেন পচ্চযো, আসেৰনপচ্চযেন পচ্চযো’’তি.

ননু পুরিমা পুরিমা কিরিযাব্যাকতা ধম্মা পচ্ছিমানং পচ্ছিমানং কিরিযাব্যাকতানং ধম্মানং অনন্তরপচ্চযেন পচ্চযো, সা চ আসেৰনাতি? আমন্তা. হঞ্চি পুরিমা পুরিমা কিরিযাব্যাকতা ধম্মা পচ্ছিমানং পচ্ছিমানং কিরিযাব্যাকতানং ধম্মানং অনন্তরপচ্চযেন পচ্চযো, সা চ আসেৰনা, তেন ৰত রে ৰত্তব্বে – ‘‘অনন্তরপচ্চযেন পচ্চযো, আসেৰনপচ্চযেন পচ্চযো’’তি.

৭১৭. ন ৰত্তব্বং – ‘‘পচ্চযতা ৰৰত্থিতা’’তি? আমন্তা. হেতুপচ্চযেন পচ্চযো হোতি, আরম্মণপচ্চযেন পচ্চযো হোতি, অনন্তরপচ্চযেন পচ্চযো হোতি, সমনন্তরপচ্চযেন পচ্চযো হোতীতি? ন হেৰং ৰত্তব্বে. তেন হি পচ্চযতা ৰৰত্থিতাতি.

পচ্চযতাকথা নিট্ঠিতা.