১০. দসমৰগ্গো

(১০৪) ১০. ৰিঞ্ঞত্তি সীলন্তিকথা

৬০১. ৰিঞ্ঞত্তি সীলন্তি? আমন্তা. পাণাতিপাতা ৰেরমণীতি? ন হেৰং ৰত্তব্বে…পে… অদিন্নাদানা ৰেরমণীতি? ন হেৰং ৰত্তব্বে…পে… কামেসুমিচ্ছাচারা ৰেরমণীতি? ন হেৰং ৰত্তব্বে …পে… মুসাৰাদা ৰেরমণীতি? ন হেৰং ৰত্তব্বে…পে… সুরামেরযমজ্জপমাদট্ঠানা ৰেরমণীতি? ন হেৰং ৰত্তব্বে…পে….

অভিৰাদনং সীলং, পচ্চুট্ঠানং সীলং, অঞ্জলিকম্মং সীলং, সামীচিকম্মং সীলং, আসনাভিহারো সীলং, সেয্যাভিহারো সীলং, পাদোদকাভিহারো সীলং, পাদকথলিকাভিহারো সীলং, ন্হানে পিট্ঠিপরিকম্মং সীলন্তি? আমন্তা. পাণাতিপাতা ৰেরমণীতি? ন হেৰং ৰত্তব্বে…পে… সুরামেরযমজ্জপমাদট্ঠানা ৰেরমণীতি? ন হেৰং ৰত্তব্বে…পে….

৬০২. ন ৰত্তব্বং – ‘‘ৰিঞ্ঞত্তি সীল’’ন্তি? আমন্তা. দুস্সিল্যন্তি? ন হেৰং ৰত্তব্বে…পে… তেন হি ৰিঞ্ঞত্তি সীলন্তি.

ৰিঞ্ঞত্তি সীলন্তিকথা নিট্ঠিতা.