১০. দসমৰগ্গো

(৯৫) ১. নিরোধকথা

৫৭১. উপপত্তেসিযে পঞ্চক্খন্ধে অনিরুদ্ধে কিরিযা পঞ্চক্খন্ধা উপ্পজ্জন্তীতি? আমন্তা. দসন্নং খন্ধানং সমোধানং হোতি, দস খন্ধা সম্মুখীভাৰং আগচ্ছন্তীতি? ন হেৰং ৰত্তব্বে…পে… দসন্নং খন্ধানং সমোধানং হোতি, দস খন্ধা সম্মুখীভাৰং আগচ্ছন্তীতি? আমন্তা. দ্ৰিন্নং ফস্সানং…পে… দ্ৰিন্নং চিত্তানং সমোধানং হোতীতি? ন হেৰং ৰত্তব্বে…পে….

উপপত্তেসিযে পঞ্চক্খন্ধে অনিরুদ্ধে কিরিযা চত্তারো খন্ধা উপ্পজ্জন্তীতি? আমন্তা. নৰন্নং খন্ধানং সমোধানং হোতি, নৰ খন্ধা সম্মুখীভাৰং আগচ্ছন্তীতি? ন হেৰং ৰত্তব্বে…পে… নৰন্নং খন্ধানং সমোধানং হোতি, নৰ খন্ধা সম্মুখীভাৰং আগচ্ছন্তীতি? আমন্তা. দ্ৰিন্নং ফস্সানং…পে… দ্ৰিন্নং চিত্তানং সমোধানং হোতীতি? ন হেৰং ৰত্তব্বে…পে….

উপপত্তেসিযে পঞ্চক্খন্ধে অনিরুদ্ধে কিরিযাঞাণং উপ্পজ্জতীতি? আমন্তা. ছন্নং খন্ধানং সমোধানং হোতি, ছ খন্ধা সম্মুখীভাৰং আগচ্ছন্তীতি? ন হেৰং ৰত্তব্বে…পে… ছন্নং খন্ধানং সমোধানং হোতি, ছ খন্ধা সম্মুখীভাৰং আগচ্ছন্তীতি? আমন্তা. দ্ৰিন্নং ফস্সানং…পে… দ্ৰিন্নং চিত্তানং সমোধানং হোতীতি? ন হেৰং ৰত্তব্বে…পে….

৫৭২. উপপত্তেসিযে পঞ্চক্খন্ধে নিরুদ্ধে মগ্গো উপ্পজ্জতীতি? আমন্তা. মতো মগ্গং ভাৰেতি, কালঙ্কতো মগ্গং ভাৰেতীতি? ন হেৰং ৰত্তব্বে…পে….

নিরোধকথা নিট্ঠিতা.

১০. দসমৰগ্গো

(৯৬) ২. রূপং মগ্গোতিকথা

৫৭৩. মগ্গসমঙ্গিস্স রূপং মগ্গোতি? আমন্তা. সারম্মণং, অত্থি তস্স আৰট্টনা আভোগো সমন্নাহারো মনসিকারো চেতনা পত্থনা পণিধীতি? ন হেৰং ৰত্তব্বে…পে… ননু অনারম্মণং, নত্থি তস্স আৰট্টনা…পে… পণিধীতি? আমন্তা. হঞ্চি অনারম্মণং, নত্থি তস্স আৰট্টনা…পে… পণিধি; নো চ ৰত রে ৰত্তব্বে – ‘‘মগ্গসমঙ্গিস্স রূপং মগ্গো’’তি.

সম্মাৰাচা মগ্গোতি? আমন্তা. সারম্মণা, অত্থি তায আৰট্টনা…পে… পণিধীতি? ন হেৰং ৰত্তব্বে…পে… ননু অনারম্মণা, নত্থি তায আৰট্টনা…পে… পণিধীতি? আমন্তা. হঞ্চি অনারম্মণা, নত্থি তায আৰট্টনা…পে… পণিধি; নো চ ৰত রে ৰত্তব্বে – ‘‘সম্মাৰাচা মগ্গো’’তি.

সম্মাকম্মন্তো …পে… সম্মাআজীৰো মগ্গোতি? আমন্তা. সারম্মণো, অত্থি তস্স আৰট্টনা…পে… পণিধীতি? ন হেৰং ৰত্তব্বে…পে… ননু অনারম্মণো, নত্থি তস্স আৰট্টনা…পে… পণিধীতি? আমন্তা. হঞ্চি অনারম্মণো, নত্থি তস্স আৰট্টনা…পে… পণিধি; নো চ ৰত রে ৰত্তব্বে – ‘‘সম্মাআজীৰো মগ্গো’’তি.

৫৭৪. সম্মাদিট্ঠি মগ্গো, সা চ সারম্মণা, অত্থি তায আৰট্টনা…পে… পণিধীতি? আমন্তা. সম্মাৰাচা মগ্গো, সা চ সারম্মণা, অত্থি তায আৰট্টনা…পে… পণিধীতি? ন হেৰং ৰত্তব্বে …পে… সম্মাদিট্ঠি মগ্গো, সা চ সারম্মণা, অত্থি তায আৰট্টনা…পে… পণিধীতি? আমন্তা. সম্মাকম্মন্তো…পে… সম্মাআজীৰো মগ্গো, সো চ সারম্মণো, অত্থি তস্স আৰট্টনা…পে… পণিধীতি? ন হেৰং ৰত্তব্বে…পে… সম্মাসঙ্কপ্পো…পে… সম্মাৰাযামো…পে… সম্মাসতি…পে….

সম্মাসমাধি মগ্গো, সো চ সারম্মণো, অত্থি তস্স আৰট্টনা…পে… পণিধীতি? আমন্তা. সম্মাৰাচা মগ্গো, সা চ সারম্মণা, অত্থি তায আৰট্টনা…পে… পণিধীতি? ন হেৰং ৰত্তব্বে…পে… সম্মাসমাধি মগ্গো, সো চ সারম্মণো, অত্থি তস্স আৰট্টনা…পে… পণিধীতি? আমন্তা. সম্মাকম্মন্তো…পে… সম্মাআজীৰো মগ্গো, সো চ সারম্মণো, অত্থি তস্স আৰট্টনা…পে… পণিধীতি? ন হেৰং ৰত্তব্বে…পে….

সম্মাৰাচা মগ্গো, সা চ অনারম্মণা, নত্থি তায আৰট্টনা…পে… পণিধীতি? আমন্তা. সম্মাদিট্ঠি মগ্গো, সা চ অনারম্মণা, নত্থি তায আৰট্টনা…পে… পণিধীতি? ন হেৰং ৰত্তব্বে…পে… সম্মাৰাচা মগ্গো, সা চ অনারম্মণা, নত্থি তায আৰট্টনা…পে… পণিধীতি? আমন্তা. সম্মাসঙ্কপ্পো…পে… সম্মাৰাযামো… সম্মাসতি … সম্মাসমাধি মগ্গো, সো চ অনারম্মণো, নত্থি তস্স আৰট্টনা…পে… পণিধীতি? ন হেৰং ৰত্তব্বে…পে….

সম্মাকম্মন্তো …পে… সম্মাআজীৰো মগ্গো, সো চ অনারম্মণো, নত্থি তস্স আৰট্টনা…পে… পণিধীতি? আমন্তা. সম্মাদিট্ঠি… সম্মাসঙ্কপ্পো… সম্মাৰাযামো… সম্মাসতি…পে… সম্মাসমাধি মগ্গো, সো চ অনারম্মণো, নত্থি তস্স আৰট্টনা…পে… পণিধীতি? ন হেৰং ৰত্তব্বে…পে….

৫৭৫. ন ৰত্তব্বং – ‘‘মগ্গসমঙ্গিস্স রূপং মগ্গো’’তি? আমন্তা. ননু সম্মাৰাচা সম্মাকম্মন্তো সম্মাআজীৰো মগ্গোতি? আমন্তা. হঞ্চি সম্মাৰাচা সম্মাকম্মন্তো সম্মাআজীৰো মগ্গো, তেন ৰত রে ৰত্তব্বে – ‘‘মগ্গসমঙ্গিস্স রূপং মগ্গো’’তি.

রূপং মগ্গোতিকথা নিট্ঠিতা.

১০. দসমৰগ্গো

(৯৭) ৩. পঞ্চৰিঞ্ঞাণসমঙ্গিস্স মগ্গকথা

৫৭৬. পঞ্চৰিঞ্ঞাণসমঙ্গিস্স অত্থি মগ্গভাৰনাতি? আমন্তা. ননু পঞ্চৰিঞ্ঞাণা উপ্পন্নৰত্থুকা উপ্পন্নারম্মণাতি? আমন্তা. হঞ্চি পঞ্চৰিঞ্ঞাণা উপ্পন্নৰত্থুকা উপ্পন্নারম্মণা, নো চ ৰত রে ৰত্তব্বে – ‘‘পঞ্চৰিঞ্ঞাণসমঙ্গিস্স অত্থি মগ্গভাৰনা’’তি.

ননু পঞ্চৰিঞ্ঞাণা পুরেজাতৰত্থুকা পুরেজাতারম্মণা অজ্ঝত্তিকৰত্থুকা বাহিরারম্মণা অসম্ভিন্নৰত্থুকা অসম্ভিন্নারম্মণা নানাৰত্থুকা নানারম্মণা ন অঞ্ঞমঞ্ঞস্স গোচরৰিসযং পচ্চনুভোন্তি, ন অসমন্নাহারা উপ্পজ্জন্তি, ন অমনসিকারা উপ্পজ্জন্তি, ন অব্বোকিণ্ণা উপ্পজ্জন্তি, ন অপুব্বং অচরিমং উপ্পজ্জন্তি, ন অঞ্ঞমঞ্ঞস্স সমনন্তরা উপ্পজ্জন্তি, ননু পঞ্চৰিঞ্ঞাণা অনাভোগাতি? আমন্তা. হঞ্চি পঞ্চৰিঞ্ঞাণা অনাভোগা, নো চ ৰত রে ৰত্তব্বে – ‘‘পঞ্চৰিঞ্ঞাণসমঙ্গিস্স অত্থি মগ্গভাৰনা’’তি.

৫৭৭. চক্খুৰিঞ্ঞাণসমঙ্গিস্স অত্থি মগ্গভাৰনাতি? আমন্তা. চক্খুৰিঞ্ঞাণং সুঞ্ঞতং আরব্ভ উপ্পজ্জতীতি? ন হেৰং ৰত্তব্বে…পে… চক্খুৰিঞ্ঞাণং সুঞ্ঞতং আরব্ভ উপ্পজ্জতীতি? আমন্তা. চক্খুঞ্চ পটিচ্চ সুঞ্ঞতঞ্চ উপ্পজ্জতি চক্খুৰিঞ্ঞাণন্তি? ন হেৰং ৰত্তব্বে…পে… চক্খুঞ্চ পটিচ্চ সুঞ্ঞতঞ্চ উপ্পজ্জতি চক্খুৰিঞ্ঞাণন্তি? আমন্তা. ‘‘চক্খুঞ্চ পটিচ্চ সুঞ্ঞতঞ্চ উপ্পজ্জতি চক্খুৰিঞ্ঞাণ’’ন্তি – অত্থেৰ সুত্তন্তোতি? নত্থি. ‘‘চক্খুঞ্চ পটিচ্চ রূপে চ উপ্পজ্জতি চক্খুৰিঞ্ঞাণ’’ন্তি – অত্থেৰ সুত্তন্তোতি? আমন্তা. হঞ্চি ‘‘চক্খুঞ্চ পটিচ্চ রূপে চ উপ্পজ্জতি চক্খুৰিঞ্ঞাণ’’ন্তি – অত্থেৰ সুত্তন্তো, নো চ ৰত রে ৰত্তব্বে – ‘‘চক্খুঞ্চ পটিচ্চ সুঞ্ঞতঞ্চ উপ্পজ্জতি চক্খুৰিঞ্ঞাণ’’ন্তি.

৫৭৮. চক্খুৰিঞ্ঞাণসমঙ্গিস্স অত্থি মগ্গভাৰনাতি? আমন্তা. চক্খুৰিঞ্ঞাণং অতীতানাগতং আরব্ভ উপ্পজ্জতীতি? ন হেৰং ৰত্তব্বে…পে… চক্খুৰিঞ্ঞাণসমঙ্গিস্স অত্থি মগ্গভাৰনাতি? আমন্তা. চক্খুৰিঞ্ঞাণং ফস্সং আরব্ভ…পে… ৰেদনং আরব্ভ… সঞ্ঞং আরব্ভ … চেতনং আরব্ভ… চিত্তং আরব্ভ… চক্খুং আরব্ভ… কাযং আরব্ভ…পে… সদ্দং আরব্ভ…পে… ফোট্ঠব্বং আরব্ভ উপ্পজ্জতীতি? ন হেৰং ৰত্তব্বে…পে….

মনোৰিঞ্ঞাণসমঙ্গিস্স অত্থি মগ্গভাৰনা, মনোৰিঞ্ঞাণং সুঞ্ঞতং আরব্ভ উপ্পজ্জতীতি? আমন্তা. চক্খুৰিঞ্ঞাণসমঙ্গিস্স অত্থি মগ্গভাৰনা, চক্খুৰিঞ্ঞাণং সুঞ্ঞতং আরব্ভ উপ্পজ্জতীতি? ন হেৰং ৰত্তব্বে…পে… মনোৰিঞ্ঞাণসমঙ্গিস্স অত্থি মগ্গভাৰনা, মনোৰিঞ্ঞাণং অতীতানাগতং আরব্ভ উপ্পজ্জতীতি? আমন্তা. চক্খুৰিঞ্ঞাণসমঙ্গিস্স অত্থি মগ্গভাৰনা, চক্খুৰিঞ্ঞাণং অতীতানাগতং আরব্ভ উপ্পজ্জতীতি? ন হেৰং ৰত্তব্বে…পে… মনোৰিঞ্ঞাণসমঙ্গিস্স অত্থি মগ্গভাৰনা, মনোৰিঞ্ঞাণং ফস্সং আরব্ভ… ৰেদনং আরব্ভ…পে… ফোট্ঠব্বং আরব্ভ উপ্পজ্জতীতি? আমন্তা. চক্খুৰিঞ্ঞাণসমঙ্গিস্স অত্থি মগ্গভাৰনা, চক্খুৰিঞ্ঞাণং ফস্সং আরব্ভ… ৰেদনং আরব্ভ…পে… ফোট্ঠব্বং আরব্ভ উপ্পজ্জতীতি? ন হেৰং ৰত্তব্বে…পে….

৫৭৯. ন ৰত্তব্বং – ‘‘পঞ্চৰিঞ্ঞাণসমঙ্গিস্স অত্থি মগ্গভাৰনা’’তি? আমন্তা. ননু ৰুত্তং ভগৰতা – ‘‘ইধ, ভিক্খৰে, ভিক্খু চক্খুনা রূপং দিস্ৰা ন নিমিত্তগ্গাহী হোতি নানুব্যঞ্জনগ্গাহী…পে… সোতেন সদ্দং সুত্ৰা…পে… ঘানেন গন্ধং ঘাযিত্ৰা…পে… জিৰ্হায রসং সাযিত্ৰা…পে… কাযেন ফোট্ঠব্বং ফুসিত্ৰা ন নিমিত্তগ্গাহী হোতি নানুব্যঞ্জনগ্গাহী’’তি! [ম. নি. ১.৩৪৯; অ. নি. ৪.৩৭] অত্থেৰ সুত্তন্তোতি? আমন্তা. তেন হি পঞ্চৰিঞ্ঞাণসমঙ্গিস্স অত্থি মগ্গভাৰনাতি.

পঞ্চৰিঞ্ঞাণসমঙ্গিস্স মগ্গকথা নিট্ঠিতা.

১০. দসমৰগ্গো

(৯৮) ৪. পঞ্চৰিঞ্ঞাণা কুসলাপি অকুসলাপীতিকথা

৫৮০. পঞ্চৰিঞ্ঞাণা কুসলাপি অকুসলাপীতি? আমন্তা. ননু পঞ্চৰিঞ্ঞাণা উপ্পন্নৰত্থুকা উপ্পন্নারম্মণাতি? আমন্তা. হঞ্চি পঞ্চৰিঞ্ঞাণা উপ্পন্নৰত্থুকা উপ্পন্নারম্মণা, নো চ ৰত রে ৰত্তব্বে – ‘‘পঞ্চৰিঞ্ঞাণা কুসলাপি অকুসলাপী’’তি. ননু পঞ্চৰিঞ্ঞাণা পুরেজাতৰত্থুকা পুরেজাতারম্মণা অজ্ঝত্তিকৰত্থুকা বাহিরারম্মণা অসম্ভিন্নৰত্থুকা অসম্ভিন্নারম্মণা নানাৰত্থুকা নানারম্মণা ন অঞ্ঞমঞ্ঞস্স গোচরৰিসযং পচ্চনুভোন্তি, ন অসমন্নাহারা উপ্পজ্জন্তি, ন অমনসিকারা উপ্পজ্জন্তি, ন অব্বোকিণ্ণা উপ্পজ্জন্তি, ন অপুব্বং অচরিমং উপ্পজ্জন্তি, ন অঞ্ঞমঞ্ঞস্স সমনন্তরা উপ্পজ্জন্তি, ননু পঞ্চৰিঞ্ঞাণা অনাভোগাতি? আমন্তা. হঞ্চি পঞ্চৰিঞ্ঞাণা অনাভোগা, নো চ ৰত রে ৰত্তব্বে – ‘‘পঞ্চৰিঞ্ঞাণা কুসলাপি অকুসলাপী’’তি.

৫৮১. চক্খুৰিঞ্ঞাণং কুসলন্তি? আমন্তা. চক্খুৰিঞ্ঞাণং সুঞ্ঞতং আরব্ভ উপ্পজ্জতীতি? ন হেৰং ৰত্তব্বে…পে… চক্খুৰিঞ্ঞাণং সুঞ্ঞতং আরব্ভ উপ্পজ্জতীতি? আমন্তা. চক্খুঞ্চ পটিচ্চ সুঞ্ঞতঞ্চ উপ্পজ্জতি চক্খুৰিঞ্ঞাণন্তি? ন হেৰং ৰত্তব্বে. চক্খুঞ্চ পটিচ্চ সুঞ্ঞতঞ্চ উপ্পজ্জতি চক্খুৰিঞ্ঞাণন্তি? আমন্তা. চক্খুঞ্চ পটিচ্চ সুঞ্ঞতঞ্চ উপ্পজ্জতি চক্খুৰিঞ্ঞাণ’’ন্তি – অত্থেৰ সুত্তন্তোতি? নত্থি. ‘‘চক্খুঞ্চ পটিচ্চ রূপে চ উপ্পজ্জতি চক্খুৰিঞ্ঞাণ’’ন্তি – অত্থেৰ সুত্তন্তোতি? আমন্তা. হঞ্চি ‘‘চক্খুঞ্চ পটিচ্চ রূপে চ উপ্পজ্জতি চক্খুৰিঞ্ঞাণ’’ন্তি – অত্থেৰ সুত্তন্তো, নো চ ৰত রে ৰত্তব্বে – ‘‘চক্খুঞ্চ পটিচ্চ সুঞ্ঞতঞ্চ উপ্পজ্জতি চক্খুৰিঞ্ঞাণ’’ন্তি.

৫৮২. চক্খুৰিঞ্ঞাণং কুসলম্পি অকুসলম্পীতি? আমন্তা. চক্খুৰিঞ্ঞাণং অতীতানাগতং আরব্ভ উপ্পজ্জতীতি? ন হেৰং ৰত্তব্বে…পে…. চক্খুৰিঞ্ঞাণং কুসলম্পি অকুসলম্পীতি? আমন্তা. চক্খুৰিঞ্ঞাণং ফস্সং আরব্ভ…পে… চিত্তং আরব্ভ… চক্খুং আরব্ভ…পে… কাযং আরব্ভ… সদ্দং আরব্ভ…পে… ফোট্ঠব্বং আরব্ভ উপ্পজ্জতীতি? ন হেৰং ৰত্তব্বে…পে….

মনোৰিঞ্ঞাণং কুসলম্পি অকুসলম্পি, মনোৰিঞ্ঞাণং সুঞ্ঞতং আরব্ভ উপ্পজ্জতীতি? আমন্তা. চক্খুৰিঞ্ঞাণং কুসলম্পি অকুসলম্পি, চক্খুৰিঞ্ঞাণং সুঞ্ঞতং আরব্ভ উপ্পজ্জতীতি? ন হেৰং ৰত্তব্বে…পে… মনোৰিঞ্ঞাণং কুসলম্পি অকুসলম্পি, মনোৰিঞ্ঞাণং অতীতানাগতং আরব্ভ উপ্পজ্জতীতি? আমন্তা. চক্খুৰিঞ্ঞাণং কুসলম্পি অকুসলম্পি, চক্খুৰিঞ্ঞাণং অতীতানাগতং আরব্ভ উপ্পজ্জতীতি? ন হেৰং ৰত্তব্বে…পে… মনোৰিঞ্ঞাণং কুসলম্পি অকুসলম্পি, মনোৰিঞ্ঞাণং ফস্সং আরব্ভ…পে… চিত্তং আরব্ভ…পে… কাযং আরব্ভ … সদ্দং আরব্ভ …পে… ফোট্ঠব্বং আরব্ভ উপ্পজ্জতীতি? আমন্তা. চক্খুৰিঞ্ঞাণং কুসলম্পি অকুসলম্পি, চক্খুৰিঞ্ঞাণং ফস্সং আরব্ভ…পে… ফোট্ঠব্বং আরব্ভ উপ্পজ্জতীতি? ন হেৰং ৰত্তব্বে…পে….

৫৮৩. ন ৰত্তব্বং – ‘‘পঞ্চৰিঞ্ঞাণা কুসলাপি অকুসলাপী’’তি? আমন্তা. ননু ৰুত্তং ভগৰতা – ‘‘ইধ, ভিক্খৰে, ভিক্খু চক্খুনা রূপং দিস্ৰা নিমিত্তগ্গাহী হোতি…পে… ন নিমিত্তগ্গাহী হোতি…পে… সোতেন সদ্দং সুত্ৰা…পে… কাযেন ফোট্ঠব্বং ফুসিত্ৰা নিমিত্তগ্গাহী হোতি…পে… ন নিমিত্তগ্গাহী হোতী’’তি! অত্থেৰ সুত্তন্তোতি? আমন্তা. তেন হি পঞ্চৰিঞ্ঞাণা কুসলাপি অকুসলাপীতি.

পঞ্চৰিঞ্ঞাণা কুসলাপি অকুসলাপীতিকথা নিট্ঠিতা.

১০. দসমৰগ্গো

(৯৯) ৫. সাভোগাতিকথা

৫৮৪. পঞ্চৰিঞ্ঞাণা সাভোগাতি? আমন্তা. ননু পঞ্চৰিঞ্ঞাণা উপ্পন্নৰত্থুকা উপ্পন্নারম্মণাতি? আমন্তা. হঞ্চি পঞ্চৰিঞ্ঞাণা উপ্পন্নৰত্থুকা উপ্পন্নারম্মণা, নো চ ৰত রে ৰত্তব্বে – ‘‘পঞ্চৰিঞ্ঞাণা সাভোগা’’তি. ননু পঞ্চৰিঞ্ঞাণা পুরেজাতৰত্থুকা পুরেজাতারম্মণা অজ্ঝত্তিকৰত্থুকা বাহিরারম্মণা অসম্ভিন্নৰত্থুকা অসম্ভিন্নারম্মণা নানাৰত্থুকা নানারম্মণা ন অঞ্ঞমঞ্ঞস্স গোচরৰিসযং পচ্চনুভোন্তি, ন অসমন্নাহারা উপ্পজ্জন্তি, ন অমনসিকারা উপ্পজ্জন্তি, ন অব্বোকিণ্ণা উপ্পজ্জন্তি, ন অপুব্বং অচরিমং উপ্পজ্জন্তি, ননু পঞ্চৰিঞ্ঞাণা ন অঞ্ঞমঞ্ঞস্স সমনন্তরা উপ্পজ্জন্তীতি? আমন্তা. হঞ্চি পঞ্চৰিঞ্ঞাণা ন অঞ্ঞমঞ্ঞস্স সমনন্তরা উপ্পজ্জন্তি, নো চ ৰত রে ৰত্তব্বে – ‘‘পঞ্চৰিঞ্ঞাণা সাভোগা’’তি.

৫৮৫. চক্খুৰিঞ্ঞাণং সাভোগন্তি? আমন্তা. চক্খুৰিঞ্ঞাণং সুঞ্ঞতং আরব্ভ উপ্পজ্জতীতি? ন হেৰং ৰত্তব্বে…পে… চক্খুৰিঞ্ঞাণং সুঞ্ঞতং আরব্ভ উপ্পজ্জতীতি? আমন্তা. চক্খুঞ্চ পটিচ্চ সুঞ্ঞতঞ্চ উপ্পজ্জতি চক্খুৰিঞ্ঞাণন্তি? ন হেৰং ৰত্তব্বে…পে… চক্খুঞ্চ পটিচ্চ সুঞ্ঞতঞ্চ উপ্পজ্জতি চক্খুৰিঞ্ঞাণন্তি? আমন্তা. ‘‘চক্খুঞ্চ পটিচ্চ সুঞ্ঞতঞ্চ উপ্পজ্জতি চক্খুৰিঞ্ঞাণ’’ন্তি – অত্থেৰ সুত্তন্তোতি? নত্থি…পে… ‘‘চক্খুঞ্চ পটিচ্চ রূপে চ উপ্পজ্জতি চক্খুৰিঞ্ঞাণ’’ন্তি – অত্থেৰ সুত্তন্তোতি? আমন্তা. হঞ্চি ‘‘চক্খুঞ্চ পটিচ্চ রূপে চ উপ্পজ্জতি চক্খুৰিঞ্ঞাণ’’ন্তি – অত্থেৰ সুত্তন্তো, নো চ ৰত রে ৰত্তব্বে – ‘‘চক্খুঞ্চ পটিচ্চ সুঞ্ঞতঞ্চ উপ্পজ্জতি চক্খুৰিঞ্ঞাণ’’ন্তি.

চক্খুৰিঞ্ঞাণং সাভোগন্তি? আমন্তা. চক্খুৰিঞ্ঞাণং অতীতানাগতং আরব্ভ উপ্পজ্জতীতি? ন হেৰং ৰত্তব্বে…পে… চক্খুৰিঞ্ঞাণং সাভোগন্তি? আমন্তা. চক্খুৰিঞ্ঞাণং ফস্সং আরব্ভ…পে… ফোট্ঠব্বং আরব্ভ উপ্পজ্জতীতি? ন হেৰং ৰত্তব্বে…পে… মনোৰিঞ্ঞাণং সাভোগং, মনোৰিঞ্ঞাণং সুঞ্ঞতং আরব্ভ উপ্পজ্জতীতি? আমন্তা. চক্খুৰিঞ্ঞাণং সাভোগং, চক্খুৰিঞ্ঞাণং সুঞ্ঞতং আরব্ভ উপ্পজ্জতীতি? ন হেৰং ৰত্তব্বে…পে… মনোৰিঞ্ঞাণং সাভোগং, মনোৰিঞ্ঞাণং অতীতানাগতং আরব্ভ উপ্পজ্জতীতি? আমন্তা. চক্খুৰিঞ্ঞাণং সাভোগং, চক্খুৰিঞ্ঞাণং অতীতানাগতং আরব্ভ উপ্পজ্জতীতি? ন হেৰং ৰত্তব্বে…পে… মনোৰিঞ্ঞাণং সাভোগং, মনোৰিঞ্ঞাণং ফস্সং আরব্ভ…পে… ফোট্ঠব্বং আরব্ভ উপ্পজ্জতীতি? আমন্তা. চক্খুৰিঞ্ঞাণং সাভোগং, চক্খুৰিঞ্ঞাণং ফস্সং আরব্ভ…পে… ফোট্ঠব্বং আরব্ভ উপ্পজ্জতীতি? ন হেৰং ৰত্তব্বে…পে….

৫৮৬. ন ৰত্তব্বং – ‘‘পঞ্চৰিঞ্ঞাণা সাভোগা’’তি? আমন্তা. ননু ৰুত্তং ভগৰতা – ‘‘ইধ, ভিক্খৰে, ভিক্খু চক্খুনা রূপং দিস্ৰা নিমিত্তগ্গাহী হোতি…পে… ন নিমিত্তগ্গাহী হোতি…পে… কাযেন ফোট্ঠব্বং ফুসিত্ৰা নিমিত্তগ্গাহী হোতি…পে… ন নিমিত্তগ্গাহী হোতী’’তি! অত্থেৰ সুত্তন্তোতি? আমন্তা. তেন হি পঞ্চৰিঞ্ঞাণা সাভোগাতি…পে….

সাভোগাতিকথা নিট্ঠিতা.

১০. দসমৰগ্গো

(১০০) ৬. দ্ৰীহিসীলেহিকথা

৫৮৭. মগ্গসমঙ্গী দ্ৰীহি সীলেহি সমন্নাগতোতি? আমন্তা. মগ্গসমঙ্গী দ্ৰীহি ফস্সেহি দ্ৰীহি ৰেদনাহি দ্ৰীহি সঞ্ঞাহি দ্ৰীহি চেতনাহি দ্ৰীহি চিত্তেহি দ্ৰীহি সদ্ধাহি দ্ৰীহি ৰীরিযেহি দ্ৰীহি সতীহি দ্ৰীহি সমাধীহি দ্ৰীহি পঞ্ঞাহি সমন্নাগতোতি? ন হেৰং ৰত্তব্বে…পে….

মগ্গসমঙ্গী লোকিযেন সীলেন সমন্নাগতোতি? আমন্তা. মগ্গসমঙ্গী লোকিযেন ফস্সেন লোকিযায ৰেদনায লোকিযায পঞ্ঞায লোকিযায চেতনায লোকিযেন চিত্তেন লোকিযায সদ্ধায লোকিযেন ৰীরিযেন লোকিযায সতিযা লোকিযেন সমাধিনা লোকিযায পঞ্ঞায সমন্নাগতোতি? ন হেৰং ৰত্তব্বে…পে….

মগ্গসমঙ্গী লোকিযেন চ লোকুত্তরেন চ সীলেন সমন্নাগতোতি? আমন্তা. মগ্গসমঙ্গী লোকিযেন চ লোকুত্তরেন চ ফস্সেন সমন্নাগতো…পে… লোকিযায চ লোকুত্তরায চ পঞ্ঞায সমন্নাগতোতি? ন হেৰং ৰত্তব্বে…পে… মগ্গসমঙ্গী লোকিযেন সীলেন সমন্নাগতোতি? আমন্তা. মগ্গসমঙ্গী পুথুজ্জনোতি? ন হেৰং ৰত্তব্বে…পে….

৫৮৮. মগ্গসমঙ্গী লোকিযায সম্মাৰাচায সমন্নাগতোতি? আমন্তা. মগ্গসমঙ্গী লোকিযায সম্মাদিট্ঠিযা সমন্নাগতোতি? ন হেৰং ৰত্তব্বে…পে… মগ্গসমঙ্গী লোকিযায সম্মাৰাচায সমন্নাগতোতি? আমন্তা. মগ্গসমঙ্গী লোকিযেন সম্মাসঙ্কপ্পেন…পে… লোকিযেন সম্মাৰাযামেন…পে… লোকিযায সম্মাসতিযা…পে… লোকিযেন সম্মাসমাধিনা সমন্নাগতোতি? ন হেৰং ৰত্তব্বে…পে… মগ্গসমঙ্গী লোকিযেন সম্মাকম্মন্তেন…পে… লোকিযেন সম্মাআজীৰেন সমন্নাগতোতি? আমন্তা. মগ্গসমঙ্গী লোকিযায সম্মাদিট্ঠিযা…পে… লোকিযেন সম্মাসমাধিনা সমন্নাগতোতি? ন হেৰং ৰত্তব্বে…পে….

মগ্গসমঙ্গী লোকিযায চ লোকুত্তরায চ সম্মাৰাচায সমন্নাগতোতি? আমন্তা. মগ্গসমঙ্গী লোকিযায চ লোকুত্তরায চ সম্মাদিট্ঠিযা সমন্নাগতোতি? ন হেৰং ৰত্তব্বে…পে… মগ্গসমঙ্গী লোকিযায চ লোকুত্তরায চ সম্মাৰাচায সমন্নাগতোতি? আমন্তা. মগ্গসমঙ্গী লোকিযেন চ লোকুত্তরেন চ সম্মাসঙ্কপ্পেন…পে… লোকিযেন চ লোকুত্তরেন চ সম্মাৰাযামেন …পে… লোকিযায চ লোকুত্তরায চ সম্মাসতিযা…পে… লোকিযেন চ লোকুত্তরেন চ সম্মাসমাধিনা সমন্নাগতোতি? ন হেৰং ৰত্তব্বে…পে….

মগ্গসমঙ্গী লোকিযেন চ লোকুত্তরেন চ সম্মাকম্মন্তেন…পে… সম্মাআজীৰেন সমন্নাগতোতি? আমন্তা. মগ্গসমঙ্গী লোকিযায চ লোকুত্তরায চ সম্মাদিট্ঠিযা সমন্নাগতোতি? ন হেৰং ৰত্তব্বে…পে… মগ্গসমঙ্গী লোকিযেন চ লোকুত্তরেন চ সম্মাআজীৰেন সমন্নাগতোতি? আমন্তা. মগ্গসমঙ্গী লোকিযেন চ লোকুত্তরেন চ সম্মাসঙ্কপ্পেন…পে… লোকিযেন চ লোকুত্তরেন চ সম্মাসমাধিনা সমন্নাগতোতি? ন হেৰং ৰত্তব্বে…পে….

৫৮৯. ন ৰত্তব্বং – ‘‘মগ্গসমঙ্গী দ্ৰীহি সীলেহি সমন্নাগতো’’তি? আমন্তা. লোকিযে সীলে নিরুদ্ধে মগ্গো উপ্পজ্জতীতি? আমন্তা. দুস্সীলো খণ্ডসীলো ছিন্নসীলো মগ্গং ভাৰেতীতি? ন হেৰং ৰত্তব্বে …পে… তেন হি মগ্গসমঙ্গী দ্ৰীহি সীলেহি সমন্নাগতোতি.

দ্ৰীহিসীলেহিকথা নিট্ঠিতা.

১০. দসমৰগ্গো

(১০১) ৭. সীলং অচেতসিকন্তিকথা

৫৯০. সীলং অচেতসিকন্তি? আমন্তা. রূপং…পে… নিব্বানং…পে… চক্খাযতনং …পে… কাযাযতনং… রূপাযতনং…পে… ফোট্ঠব্বাযতনন্তি? ন হেৰং ৰত্তব্বে…পে… সীলং অচেতসিকন্তি? আমন্তা. ফস্সো অচেতসিকোতি? ন হেৰং ৰত্তব্বে …পে… সীলং অচেতসিকন্তি? আমন্তা. ৰেদনা…পে… সঞ্ঞা…পে… চেতনা…পে… সদ্ধা…পে… ৰীরিযং…পে… সতি…পে… সমাধি…পে… পঞ্ঞা অচেতসিকাতি? ন হেৰং ৰত্তব্বে…পে….

ফস্সো চেতসিকোতি? আমন্তা. সীলং চেতসিকন্তি? ন হেৰং ৰত্তব্বে…পে… ৰেদনা…পে… সঞ্ঞা…পে… চেতনা…পে… সদ্ধা…পে… ৰীরিযং…পে… সতি…পে… সমাধি…পে… পঞ্ঞা চেতসিকাতি? আমন্তা. সীলং চেতসিকন্তি? ন হেৰং ৰত্তব্বে…পে….

৫৯১. সীলং অচেতসিকন্তি? আমন্তা. অনিট্ঠফলন্তি? ন হেৰং ৰত্তব্বে…পে… ননু ইট্ঠফলন্তি? আমন্তা. হঞ্চি ইট্ঠফলং, নো চ ৰত রে ৰত্তব্বে – ‘‘সীলং অচেতসিক’’ন্তি.

সদ্ধা ইট্ঠফলা, সদ্ধা চেতসিকাতি? আমন্তা. সীলং ইট্ঠফলং, সীলং চেতসিকন্তি? ন হেৰং ৰত্তব্বে…পে… ৰীরিযং…পে… সতি…পে… সমাধি…পে… পঞ্ঞা ইট্ঠফলা, পঞ্ঞা চেতসিকাতি? আমন্তা. সীলং ইট্ঠফলং, সীলং চেতসিকন্তি? ন হেৰং ৰত্তব্বে…পে….

সীলং ইট্ঠফলং, সীলং অচেতসিকন্তি? আমন্তা. সদ্ধা ইট্ঠফলা, সদ্ধা অচেতসিকাতি? ন হেৰং ৰত্তব্বে…পে… সীলং ইট্ঠফলং, সীলং অচেতসিকন্তি? আমন্তা. ৰীরিযং…পে… সতি…পে… সমাধি…পে… পঞ্ঞা ইট্ঠফলা, পঞ্ঞা অচেতসিকাতি? ন হেৰং ৰত্তব্বে…পে….

৫৯২. সীলং অচেতসিকন্তি? আমন্তা. অফলং অৰিপাকন্তি? ন হেৰং ৰত্তব্বে…পে… ননু সফলং সৰিপাকন্তি? আমন্তা. হঞ্চি সফলং সৰিপাকং, নো চ ৰত রে ৰত্তব্বে – ‘‘সীলং অচেতসিক’’ন্তি…পে….

চক্খাযতনং অচেতসিকং অৰিপাকন্তি? আমন্তা. সীলং অচেতসিকং অৰিপাকন্তি? ন হেৰং ৰত্তব্বে…পে… সোতাযতনং…পে… কাযাযতনং …পে… রূপাযতনং…পে… ফোট্ঠব্বাযতনং অচেতসিকং অৰিপাকন্তি? আমন্তা. সীলং অচেতসিকং অৰিপাকন্তি? ন হেৰং ৰত্তব্বে…পে….

সীলং অচেতসিকং সৰিপাকন্তি? আমন্তা. চক্খাযতনং অচেতসিকং সৰিপাকন্তি? ন হেৰং ৰত্তব্বে…পে… সীলং অচেতসিকং সৰিপাকন্তি? আমন্তা. সোতাযতনং…পে… কাযাযতনং… রূপাযতনং…পে… ফোট্ঠব্বাযতনং অচেতসিকং সৰিপাকন্তি? ন হেৰং ৰত্তব্বে…পে….

৫৯৩. সম্মাৰাচা অচেতসিকাতি? আমন্তা. সম্মাদিট্ঠি অচেতসিকাতি? ন হেৰং ৰত্তব্বে…পে… সম্মাৰাচা অচেতসিকাতি? আমন্তা. সম্মাসঙ্কপ্পো…পে… সম্মাৰাযামো…পে… সম্মাসতি…পে… সম্মাসমাধি অচেতসিকোতি? ন হেৰং ৰত্তব্বে…পে… সম্মাকম্মন্তো…পে… সম্মাআজীৰো অচেতসিকোতি? আমন্তা. সম্মাদিট্ঠি অচেতসিকাতি? ন হেৰং ৰত্তব্বে…পে… সম্মাআজীৰো অচেতসিকোতি? আমন্তা. সম্মাসঙ্কপ্পো… সম্মাৰাযামো… সম্মাসতি… সম্মাসমাধি অচেতসিকোতি? ন হেৰং ৰত্তব্বে…পে….

সম্মাদিট্ঠি চেতসিকাতি? আমন্তা. সম্মাৰাচা চেতসিকাতি? ন হেৰং ৰত্তব্বে…পে… সম্মাদিট্ঠি চেতসিকাতি? আমন্তা. সম্মাকম্মন্তো…পে… সম্মাআজীৰো চেতসিকোতি? ন হেৰং ৰত্তব্বে…পে… সম্মাসঙ্কপ্পো…পে… সম্মাৰাযামো…পে… সম্মাসতি…পে… সম্মাসমাধি চেতসিকোতি? আমন্তা. সম্মাৰাচা চেতসিকাতি? ন হেৰং ৰত্তব্বে…পে… সম্মাসমাধি চেতসিকোতি? আমন্তা. সম্মাকম্মন্তো…পে… সম্মাআজীৰো চেতসিকোতি? ন হেৰং ৰত্তব্বে…পে….

৫৯৪. ন ৰত্তব্বং – ‘‘সীলং অচেতসিক’’ন্তি? আমন্তা. সীলে উপ্পজ্জিত্ৰা নিরুদ্ধে দুস্সীলো হোতীতি? ন হেৰং ৰত্তব্বে. তেন হি সীলং অচেতসিকন্তি.

সীলং অচেতসিকন্তিকথা নিট্ঠিতা.

১০. দসমৰগ্গো

(১০২) ৮. সীলং ন চিত্তানুপরিৰত্তীতিকথা

৫৯৫. সীলং ন চিত্তানুপরিৰত্তীতি? আমন্তা. রূপং… নিব্বানং… চক্খাযতনং…পে… ফোট্ঠব্বাযতনন্তি? ন হেৰং ৰত্তব্বে…পে… সীলং ন চিত্তানুপরিৰত্তীতি? আমন্তা. ফস্সো ন চিত্তানুপরিৰত্তীতি? ন হেৰং ৰত্তব্বে…পে… সীলং ন চিত্তানুপরিৰত্তীতি? আমন্তা. ৰেদনা…পে… সঞ্ঞা… চেতনা… সদ্ধা… ৰীরিযং… সতি… সমাধি…পে… পঞ্ঞা ন চিত্তানুপরিৰত্তীতি? ন হেৰং ৰত্তব্বে…পে….

ফস্সো চিত্তানুপরিৰত্তীতি? আমন্তা. সীলং চিত্তানুপরিৰত্তীতি? ন হেৰং ৰত্তব্বে…পে… ৰেদনা…পে… সঞ্ঞা… চেতনা … সদ্ধা… ৰীরিযং… সতি… সমাধি…পে… পঞ্ঞা চিত্তানুপরিৰত্তীতি? আমন্তা. সীলং চিত্তানুপরিৰত্তীতি? ন হেৰং ৰত্তব্বে…পে….

৫৯৬. সম্মাৰাচা ন চিত্তানুপরিৰত্তীতি? আমন্তা. সম্মাদিট্ঠি ন চিত্তানুপরিৰত্তীতি? ন হেৰং ৰত্তব্বে…পে… সম্মাৰাচা ন চিত্তানুপরিৰত্তীতি? আমন্তা. সম্মাসঙ্কপ্পো… সম্মাৰাযামো… সম্মাসতি…পে… সম্মাসমাধি ন চিত্তানুপরিৰত্তীতি? ন হেৰং ৰত্তব্বে…পে….

সম্মাকম্মন্তো…পে… সম্মাআজীৰো ন চিত্তানুপরিৰত্তীতি? আমন্তা. সম্মাদিট্ঠি ন চিত্তানুপরিৰত্তীতি? ন হেৰং ৰত্তব্বে…পে… সম্মাআজীৰো ন চিত্তানুপরিৰত্তীতি? আমন্তা. সম্মাসঙ্কপ্পো… সম্মাৰাযামো… সম্মাসতি…পে… সম্মাসমাধি ন চিত্তানুপরিৰত্তীতি? ন হেৰং ৰত্তব্বে…পে….

সম্মাদিট্ঠি চিত্তানুপরিৰত্তীতি? আমন্তা. সম্মাৰাচা চিত্তানুপরিৰত্তীতি? ন হেৰং ৰত্তব্বে…পে… সম্মাদিট্ঠি চিত্তানুপরিৰত্তীতি? আমন্তা. সম্মাকম্মন্তো…পে… সম্মাআজীৰো চিত্তানুপরিৰত্তীতি? ন হেৰং ৰত্তব্বে…পে….

সম্মাসঙ্কপ্পো … সম্মাৰাযামো… সম্মাসতি…পে… সম্মাসমাধি চিত্তানুপরিৰত্তীতি? আমন্তা. সম্মাৰাচা চিত্তানুপরিৰত্তীতি? ন হেৰং ৰত্তব্বে…পে… সম্মাসমাধি চিত্তানুপরিৰত্তীতি? আমন্তা. সম্মাকম্মন্তো…পে… সম্মাআজীৰো চিত্তানুপরিৰত্তীতি? ন হেৰং ৰত্তব্বে…পে….

৫৯৭. ন ৰত্তব্বং – ‘‘সীলং ন চিত্তানুপরিৰত্তী’’তি? আমন্তা. সীলে উপ্পজ্জিত্ৰা নিরুদ্ধে দুস্সীলো হোতীতি? ন হেৰং ৰত্তব্বে. তেন হি সীলং ন চিত্তানুপরিৰত্তীতি.

সীলং ন চিত্তানুপরিৰত্তীতিকথা নিট্ঠিতা.

১০. দসমৰগ্গো

(১০৩) ৯. সমাদানহেতুকথা

৫৯৮. সমাদানহেতুকং সীলং ৰড্ঢতীতি? আমন্তা. সমাদানহেতুকো ফস্সো ৰড্ঢতি, ৰেদনা ৰড্ঢতি, সঞ্ঞা ৰড্ঢতি, চেতনা ৰড্ঢতি, চিত্তং ৰড্ঢতি, সদ্ধা ৰড্ঢতি, ৰীরিযং ৰড্ঢতি, সতি ৰড্ঢতি, সমাধি ৰড্ঢতি, পঞ্ঞা ৰড্ঢতীতি? ন হেৰং ৰত্তব্বে…পে….

সমাদানহেতুকং সীলং ৰড্ঢতীতি? আমন্তা. লতা ৰিয ৰড্ঢতি, মালুৰা ৰিয ৰড্ঢতি, রুক্খো ৰিয ৰড্ঢতি, তিণং ৰিয ৰড্ঢতি, মুঞ্জপুঞ্জো ৰিয ৰড্ঢতীতি? ন হেৰং ৰত্তব্বে…পে….

৫৯৯. সমাদানহেতুকং সীলং ৰড্ঢতীতি? আমন্তা. সীলং সমাদিযিত্ৰা কামৰিতক্কং ৰিতক্কেন্তস্স ব্যাপাদৰিতক্কং ৰিতক্কেন্তস্স ৰিহিংসাৰিতক্কং ৰিতক্কেন্তস্স সীলং ৰড্ঢতীতি? আমন্তা. দ্ৰিন্নং ফস্সানং…পে… দ্ৰিন্নং চিত্তানং সমোধানং হোতীতি? ন হেৰং ৰত্তব্বে…পে… দ্ৰিন্নং ফস্সানং…পে… দ্ৰিন্নং চিত্তানং সমোধানং হোতীতি? আমন্তা. কুসলাকুসলা সাৰজ্জানৰজ্জা হীনপণীতা কণ্হসুক্কসপ্পটিভাগা ধম্মা সম্মুখীভাৰং আগচ্ছন্তীতি? ন হেৰং ৰত্তব্বে…পে….

কুসলাকুসলা সাৰজ্জানৰজ্জা হীনপণীতা কণ্হসুক্কসপ্পটিভাগা ধম্মা সম্মুখীভাৰং আগচ্ছন্তীতি? আমন্তা. ননু ৰুত্তং ভগৰতা – ‘‘চত্তারিমানি, ভিক্খৰে, সুৰিদূরৰিদূরানি! কতমানি চত্তারি? নভঞ্চ, ভিক্খৰে, পথৰী চ – ইদং পঠমং সুৰিদূরৰিদূরং…পে… তস্মা সতং ধম্মো অসব্ভি আরকা’’তি. অত্থেৰ সুত্তন্তোতি? আমন্তা. তেন হি ন ৰত্তব্বং – ‘‘কুসলাকুসলা সাৰজ্জানৰজ্জা হীনপণীতা কণ্হসুক্কসপ্পটিভাগা ধম্মা সম্মুখীভাৰং আগচ্ছন্তী’’তি.

৬০০. ন ৰত্তব্বং – ‘‘সমাদানহেতুকং সীলং ৰড্ঢতী’’তি? আমন্তা. ননু ৰুত্তং ভগৰতা – ‘‘আরামরোপা ৰনরোপা…পে… ধম্মট্ঠা সীলসম্পন্না তে জনা সগ্গগামিনো’’তি. অত্থেৰ সুত্তন্তোতি? আমন্তা. তেন হি সমাদানহেতুকং সীলং ৰড্ঢতীতি.

সমাদানহেতুকথা নিট্ঠিতা.

১০. দসমৰগ্গো

(১০৪) ১০. ৰিঞ্ঞত্তি সীলন্তিকথা

৬০১. ৰিঞ্ঞত্তি সীলন্তি? আমন্তা. পাণাতিপাতা ৰেরমণীতি? ন হেৰং ৰত্তব্বে…পে… অদিন্নাদানা ৰেরমণীতি? ন হেৰং ৰত্তব্বে…পে… কামেসুমিচ্ছাচারা ৰেরমণীতি? ন হেৰং ৰত্তব্বে …পে… মুসাৰাদা ৰেরমণীতি? ন হেৰং ৰত্তব্বে…পে… সুরামেরযমজ্জপমাদট্ঠানা ৰেরমণীতি? ন হেৰং ৰত্তব্বে…পে….

অভিৰাদনং সীলং, পচ্চুট্ঠানং সীলং, অঞ্জলিকম্মং সীলং, সামীচিকম্মং সীলং, আসনাভিহারো সীলং, সেয্যাভিহারো সীলং, পাদোদকাভিহারো সীলং, পাদকথলিকাভিহারো সীলং, ন্হানে পিট্ঠিপরিকম্মং সীলন্তি? আমন্তা. পাণাতিপাতা ৰেরমণীতি? ন হেৰং ৰত্তব্বে…পে… সুরামেরযমজ্জপমাদট্ঠানা ৰেরমণীতি? ন হেৰং ৰত্তব্বে…পে….

৬০২. ন ৰত্তব্বং – ‘‘ৰিঞ্ঞত্তি সীল’’ন্তি? আমন্তা. দুস্সিল্যন্তি? ন হেৰং ৰত্তব্বে…পে… তেন হি ৰিঞ্ঞত্তি সীলন্তি.

ৰিঞ্ঞত্তি সীলন্তিকথা নিট্ঠিতা.

১০. দসমৰগ্গো

(১০৫) ১১. অৰিঞ্ঞত্তি দুস্সিল্যন্তিকথা

৬০৩. অৰিঞ্ঞত্তি দুস্সিল্যন্তি? আমন্তা. পাণাতিপাতোতি? ন হেৰং ৰত্তব্বে…পে… অদিন্নাদানন্তি? ন হেৰং ৰত্তব্বে…পে… কামেসুমিচ্ছাচারোতি? ন হেৰং ৰত্তব্বে…পে… মুসাৰাদোতি? ন হেৰং ৰত্তব্বে…পে… সুরামেরযমজ্জপমাদট্ঠানন্তি? ন হেৰং ৰত্তব্বে…পে….

পাপকম্মং সমাদিযিত্ৰা দানং দদন্তস্স পুঞ্ঞঞ্চ অপুঞ্ঞঞ্চ উভো ৰড্ঢন্তীতি? ন হেৰং ৰত্তব্বে…পে… পুঞ্ঞঞ্চ অপুঞ্ঞঞ্চ উভো ৰড্ঢন্তীতি? আমন্তা. দ্ৰিন্নং ফস্সানং…পে… দ্ৰিন্নং চিত্তানং সমোধানং হোতীতি? ন হেৰং ৰত্তব্বে…পে… দ্ৰিন্নং ফস্সানং…পে… দ্ৰিন্নং চিত্তানং সমোধানং হোতীতি? আমন্তা. কুসলাকুসলা সাৰজ্জানৰজ্জা হীনপণীতা কণ্হসুক্কসপ্পটিভাগা ধম্মা সম্মুখীভাৰং আগচ্ছন্তীতি? ন হেৰং ৰত্তব্বে…পে….

কুসলাকুসলা সাৰজ্জানৰজ্জা হীনপণীতা কণ্হসুক্কসপ্পটিভাগা ধম্মা সম্মুখীভাৰং আগচ্ছন্তীতি? আমন্তা. ননু ৰুত্তং ভগৰতা – ‘‘চত্তারিমানি, ভিক্খৰে, সুৰিদূরৰিদূরানি! কতমানি চত্তারি? নভঞ্চ, ভিক্খৰে, পথৰী চ – ইদং পঠমং সুৰিদূরৰিদূরং…পে… তস্মা সতং ধম্মো অসব্ভি আরকা’’তি. অত্থেৰ সুত্তন্তোতি? আমন্তা. তেন হি ন ৰত্তব্বং – ‘‘কুসলাকুসলা সাৰজ্জানৰজ্জা হীনপণীতা কণ্হসুক্কসপ্পটিভাগা ধম্মা সম্মুখীভাৰং আগচ্ছন্তী’’তি.

৬০৪. ন ৰত্তব্বং – ‘‘অৰিঞ্ঞত্তি দুস্সিল্য’’ন্তি? আমন্তা. ননু পাপকম্মং সমাদিন্নো আসীতি? আমন্তা. হঞ্চি পাপকম্মং সমাদিন্নো আসি, তেন ৰত রে ৰত্তব্বে – ‘‘অৰিঞ্ঞত্তি দুস্সিল্য’’ন্তি.

অৰিঞ্ঞত্তি দুস্সিল্যন্তিকথা নিট্ঠিতা.

দসমৰগ্গো.

তস্সুদ্দানং –

উপপত্তেসিযে পঞ্চক্খন্ধে অনিরুদ্ধে কিরিযা পঞ্চক্খন্ধা উপ্পজ্জন্তি, মগ্গসমঙ্গিস্স রূপং মগ্গো, পঞ্চৰিঞ্ঞাণসমঙ্গিস্স অত্থি মগ্গভাৰনা, পঞ্চৰিঞ্ঞাণা কুসলাপি অকুসলাপি, পঞ্চৰিঞ্ঞাণা সাভোগা, মগ্গসমঙ্গী দ্ৰীহি সীলেহি সমন্নাগতো, সীলং অচেতসিকং, সীলং ন চিত্তানুপরিৰত্তি, সমাদানহেতুকং সীলং ৰড্ঢতীতি, ৰিঞ্ঞত্তিসীলং অৰিঞ্ঞত্তি দুস্সিল্যন্তি.

দুতিযো পণ্ণাসকো.

তস্সুদ্দানং –

নিযামসঙ্গহগতানিসংসতা চ নিরোধোতি [নিযাম সঙ্গহগতানিসংসতা অত্থি পঞ্চৰোকারভৰো নিরোধো মগ্গসমঙ্গিস্স পঞ্চৰোকারভৰোতি (সী. স্যা. ক.), নিযাম সঙ্গহ গতানিসংসতা অত্থি পঞ্চৰোকারভৰো মগ্গসমঙ্গিস্স নো পঞ্চৰোকারভৰো (পী.)].