৪. চতুত্থৰগ্গো

(৪১) ৯. অপরাপি সমন্নাগতকথা

৪০৬. অরহত্তসচ্ছিকিরিযায পটিপন্নো পুগ্গলো তীহি ফলেহি সমন্নাগতোতি? আমন্তা. অরহত্তসচ্ছিকিরিযায পটিপন্নো পুগ্গলো চতূহি ফস্সেহি চতূহি ৰেদনাহি চতূহি সঞ্ঞাহি চতূহি চেতনাহি চতূহি চিত্তেহি চতূহি সদ্ধাহি চতূহি ৰীরিযেহি চতূহি সতীহি চতূহি সমাধীহি চতূহি পঞ্ঞাহি সমন্নাগতোতি? ন হেৰং ৰত্তব্বে…পে….

অনাগামিফলসচ্ছিকিরিযায পটিপন্নো পুগ্গলো দ্ৰীহি ফলেহি সমন্নাগতোতি? আমন্তা. অনাগামিফলসচ্ছিকিরিযায পটিপন্নো পুগ্গলো তীহি ফস্সেহি তীহি ৰেদনাহি…পে… তীহি পঞ্ঞাহি সমন্নাগতোতি? ন হেৰং ৰত্তব্বে…পে….

সকদাগামিফলসচ্ছিকিরিযায পটিপন্নো পুগ্গলো সোতাপত্তিফলেন সমন্নাগতোতি? আমন্তা. সকদাগামিফলসচ্ছিকিরিযায পটিপন্নো পুগ্গলো দ্ৰীহি ফস্সেহি দ্ৰীহি ৰেদনাহি…পে… দ্ৰীহি পঞ্ঞাহি সমন্নাগতোতি? ন হেৰং ৰত্তব্বে…পে….

অরহত্তসচ্ছিকিরিযায পটিপন্নো পুগ্গলো সোতাপত্তিফলেন সমন্নাগতোতি? আমন্তা. অরহত্তসচ্ছিকিরিযায পটিপন্নো পুগ্গলো সোতাপন্নো সত্তক্খত্তুপরমো, কোলঙ্কোলো, একবীজীতি? ন হেৰং ৰত্তব্বে…পে….

অরহত্তসচ্ছিকিরিযায পটিপন্নো পুগ্গলো সকদাগামিফলেন সমন্নাগতোতি? আমন্তা. অরহত্তসচ্ছিকিরিযায পটিপন্নো পুগ্গলো সকদাগামীতি? ন হেৰং ৰত্তব্বে…পে….

অরহত্তসচ্ছিকিরিযায পটিপন্নো পুগ্গলো অনাগামিফলেন সমন্নাগতোতি? আমন্তা. অরহত্তসচ্ছিকিরিযায পটিপন্নো পুগ্গলো অনাগামী অন্তরাপরিনিব্বাযী, উপহচ্চপরিনিব্বাযী, অসঙ্খারপরিনিব্বাযী, সসঙ্খারপরিনিব্বাযী, উদ্ধংসোতো অকনিট্ঠগামীতি? ন হেৰং ৰত্তব্বে…পে….

অনাগামিফলসচ্ছিকিরিযায পটিপন্নো পুগ্গলো সোতাপত্তিফলেন সমন্নাগতোতি? আমন্তা. অনাগামিফলসচ্ছিকিরিযায পটিপন্নো পুগ্গলো সোতাপন্নো সত্তক্খত্তুপরমো, কোলঙ্কোলো, একবীজীতি? ন হেৰং ৰত্তব্বে…পে….

অনাগামিফলসচ্ছিকিরিযায পটিপন্নো পুগ্গলো সকদাগামিফলেন সমন্নাগতোতি? আমন্তা. অনাগামিফলসচ্ছিকিরিযায পটিপন্নো পুগ্গলো সকদাগামীতি? ন হেৰং ৰত্তব্বে…পে….

সকদাগামিফলসচ্ছিকিরিযায পটিপন্নো পুগ্গলো সোতাপত্তিফলেন সমন্নাগতোতি? আমন্তা. সকদাগামিফলসচ্ছিকিরিযায পটিপন্নো পুগ্গলো সোতাপন্নো সত্তক্খত্তুপরমো, কোলঙ্কোলো, একবীজীতি? ন হেৰং ৰত্তব্বে…পে….

৪০৭. সোতাপত্তিফলেন সমন্নাগতো সোতাপন্নোতি ৰত্তব্বোতি? আমন্তা. অরহত্তসচ্ছিকিরিযায পটিপন্নো পুগ্গলো সোতাপত্তিফলেন সমন্নাগতোতি? আমন্তা. স্ৰেৰ অরহত্তসচ্ছিকিরিযায পটিপন্নো পুগ্গলো, সো সোতাপন্নোতি? ন হেৰং ৰত্তব্বে…পে….

সকদাগামিফলেন সমন্নাগতো সকদাগামীতি ৰত্তব্বোতি? আমন্তা. অরহত্তসচ্ছিকিরিযায পটিপন্নো পুগ্গলো সকদাগামিফলেন সমন্নাগতোতি? আমন্তা. স্ৰেৰ অরহত্তসচ্ছিকিরিযায পটিপন্নো পুগ্গলো, সো সকদাগামীতি? ন হেৰং ৰত্তব্বে…পে….

অনাগামিফলেন সমন্নাগতো অনাগামীতি ৰত্তব্বোতি? আমন্তা. অরহত্তসচ্ছিকিরিযায পটিপন্নো পুগ্গলো অনাগামিফলেন সমন্নাগতোতি? আমন্তা. স্ৰেৰ অরহত্তসচ্ছিকিরিযায পটিপন্নো পুগ্গলো, সো অনাগামীতি? ন হেৰং ৰত্তব্বে…পে….

সোতাপত্তিফলেন সমন্নাগতো সোতাপন্নোতি ৰত্তব্বোতি? আমন্তা. অনাগামিফলসচ্ছিকিরিযায পটিপন্নো পুগ্গলো সোতাপত্তিফলেন সমন্নাগতোতি? আমন্তা. স্ৰেৰ অনাগামিফলসচ্ছিকিরিযায পটিপন্নো পুগ্গলো, সো সোতাপন্নোতি? ন হেৰং ৰত্তব্বে…পে….

সকদাগামিফলেন সমন্নাগতো সকদাগামীতি ৰত্তব্বোতি? আমন্তা. অনাগামিফলসচ্ছিকিরিযায পটিপন্নো পুগ্গলো সকদাগামিফলেন সমন্নাগতোতি? আমন্তা. স্ৰেৰ অনাগামিফলসচ্ছিকিরিযায পটিপন্নো পুগ্গলো, সো সকদাগামীতি? ন হেৰং ৰত্তব্বে…পে….

সোতাপত্তিফলেন সমন্নাগতো সোতাপন্নোতি ৰত্তব্বোতি? আমন্তা. সকদাগামিফলসচ্ছিকিরিযায পটিপন্নো পুগ্গলো সোতাপত্তিফলেন সমন্নাগতোতি? আমন্তা. স্ৰেৰ সকদাগামিফলসচ্ছিকিরিযায পটিপন্নো পুগ্গলো, সো সোতাপন্নোতি? ন হেৰং ৰত্তব্বে…পে….

৪০৮. অরহত্তসচ্ছিকিরিযায পটিপন্নো পুগ্গলো সোতাপত্তিফলেন সমন্নাগতোতি? আমন্তা. ননু অরহত্তসচ্ছিকিরিযায পটিপন্নো পুগ্গলো সোতাপত্তিফলং ৰীতিৰত্তোতি? আমন্তা. হঞ্চি অরহত্তসচ্ছিকিরিযায পটিপন্নো পুগ্গলো সোতাপত্তিফলং ৰীতিৰত্তো, নো চ ৰত রে ৰত্তব্বে – ‘‘অরহত্তসচ্ছিকিরিযায পটিপন্নো পুগ্গলো সোতাপত্তিফলেন সমন্নাগতো’’তি.

অরহত্তসচ্ছিকিরিযায পটিপন্নো পুগ্গলো সোতাপত্তিফলং ৰীতিৰত্তো, তেন সমন্নাগতোতি? আমন্তা. অরহত্তসচ্ছিকিরিযায পটিপন্নো পুগ্গলো সোতাপত্তিমগ্গং ৰীতিৰত্তো, সক্কাযদিট্ঠিং ৰিচিকিচ্ছং সীলব্বতপরামাসং অপাযগমনীযং রাগং অপাযগমনীযং দোসং অপাযগমনীযং মোহং ৰীতিৰত্তো, তেন সমন্নাগতোতি? ন হেৰং ৰত্তব্বে…পে….

অরহত্তসচ্ছিকিরিযায পটিপন্নো পুগ্গলো সকদাগামিফলেন সমন্নাগতোতি? আমন্তা. ননু অরহত্তসচ্ছিকিরিযায পটিপন্নো পুগ্গলো সকদাগামিফলং ৰীতিৰত্তোতি? আমন্তা. হঞ্চি অরহত্তসচ্ছিকিরিযায পটিপন্নো পুগ্গলো সকদাগামিফলং ৰীতিৰত্তো, নো চ ৰত রে ৰত্তব্বে – ‘‘অরহত্তসচ্ছিকিরিযায পটিপন্নো পুগ্গলো সকদাগামিফলেন সমন্নাগতো’’তি.

অরহত্তসচ্ছিকিরিযায পটিপন্নো পুগ্গলো সকদাগামিফলং ৰীতিৰত্তো, তেন সমন্নাগতোতি? আমন্তা. অরহত্তসচ্ছিকিরিযায পটিপন্নো পুগ্গলো সকদাগামিমগ্গং ৰীতিৰত্তো, ওল়ারিকং কামরাগং ওল়ারিকং ব্যাপাদং ৰীতিৰত্তো, তেন সমন্নাগতোতি? ন হেৰং ৰত্তব্বে…পে….

অরহত্তসচ্ছিকিরিযায পটিপন্নো পুগ্গলো অনাগামিফলেন সমন্নাগতোতি? আমন্তা. ননু অরহত্তসচ্ছিকিরিযায পটিপন্নো পুগ্গলো অনাগামিফলং ৰীতিৰত্তোতি? আমন্তা. হঞ্চি অরহত্তসচ্ছিকিরিযায পটিপন্নো পুগ্গলো অনাগামিফলং ৰীতিৰত্তো, নো চ ৰত রে ৰত্তব্বে – ‘‘অরহত্তসচ্ছিকিরিযায পটিপন্নো পুগ্গলো অনাগামিফলেন সমন্নাগতো’’তি.

অরহত্তসচ্ছিকিরিযায পটিপন্নো পুগ্গলো অনাগামিফলং ৰীতিৰত্তো, তেন সমন্নাগতোতি? আমন্তা. অরহত্তসচ্ছিকিরিযায পটিপন্নো পুগ্গলো অনাগামিমগ্গং ৰীতিৰত্তো, অণুসহগতং কামরাগং অণুসহগতং ব্যাপাদং ৰীতিৰত্তো, তেন সমন্নাগতোতি? ন হেৰং ৰত্তব্বে…পে….

৪০৯. অনাগামিফলসচ্ছিকিরিযায পটিপন্নো পুগ্গলো সোতাপত্তিফলেন সমন্নাগতোতি? আমন্তা. ননু অনাগামিফলসচ্ছিকিরিযায পটিপন্নো পুগ্গলো সোতাপত্তিফলং ৰীতিৰত্তোতি? আমন্তা. হঞ্চি অনাগামিফলসচ্ছিকিরিযায পটিপন্নো পুগ্গলো সোতাপত্তিফলং ৰীতিৰত্তো, নো চ ৰত রে ৰত্তব্বে – ‘‘অনাগামিফলসচ্ছিকিরিযায পটিপন্নো পুগ্গলো সোতাপত্তিফলেন সমন্নাগতো’’তি.

অনাগামিফলসচ্ছিকিরিযায পটিপন্নো পুগ্গলো সোতাপত্তিফলং ৰীতিৰত্তো, তেন সমন্নাগতোতি? আমন্তা. অনাগামিফলসচ্ছিকিরিযায পটিপন্নো পুগ্গলো সোতাপত্তিমগ্গং ৰীতিৰত্তো, সক্কাযদিট্ঠিং…পে… অপাযগমনীযং মোহং ৰীতিৰত্তো, তেন সমন্নাগতোতি? ন হেৰং ৰত্তব্বে…পে….

অনাগামিফলসচ্ছিকিরিযায পটিপন্নো পুগ্গলো সকদাগামিফলেন সমন্নাগতোতি? আমন্তা. ননু অনাগামিফলসচ্ছিকিরিযায পটিপন্নো পুগ্গলো সকদাগামিফলং ৰীতিৰত্তোতি? আমন্তা. হঞ্চি অনাগামিফলসচ্ছিকিরিযায পটিপন্নো পুগ্গলো সকদাগামিফলং ৰীতিৰত্তো, নো চ ৰত রে ৰত্তব্বে – ‘‘অনাগামিফলসচ্ছিকিরিযায পটিপন্নো পুগ্গলো সকদাগামিফলেন সমন্নাগতো’’তি.

অনাগামিফলসচ্ছিকিরিযায পটিপন্নো পুগ্গলো সকদাগামিফলং ৰীতিৰত্তো, তেন সমন্নাগতোতি? আমন্তা. অনাগামিফলসচ্ছিকিরিযায পটিপন্নো পুগ্গলো সকদাগামিমগ্গং ৰীতিৰত্তো, ওল়ারিকং কামরাগং ওল়ারিকং ব্যাপাদং ৰীতিৰত্তো, তেন সমন্নাগতোতি? ন হেৰং ৰত্তব্বে…পে….

৪১০. সকদাগামিফলসচ্ছিকিরিযায পটিপন্নো পুগ্গলো সোতাপত্তিফলেন সমন্নাগতোতি? আমন্তা. ননু সকদাগামিফলসচ্ছিকিরিযায পটিপন্নো পুগ্গলো সোতাপত্তিফলং ৰীতিৰত্তোতি? আমন্তা. হঞ্চি সকদাগামিফলসচ্ছিকিরিযায পটিপন্নো পুগ্গলো সোতাপত্তিফলং ৰীতিৰত্তো, নো চ ৰত রে ৰত্তব্বে – ‘‘সকদাগামিফলসচ্ছিকিরিযায পটিপন্নো পুগ্গলো সোতাপত্তিফলেন সমন্নাগতো’’তি.

সকদাগামিফলসচ্ছিকিরিযায পটিপন্নো পুগ্গলো সোতাপত্তিফলং ৰীতিৰত্তো, তেন সমন্নাগতোতি? আমন্তা. সকদাগামিফলসচ্ছিকিরিযায পটিপন্নো পুগ্গলো সোতাপত্তিমগ্গং ৰীতিৰত্তো, সক্কাযদিট্ঠিং…পে… অপাযগমনীযং মোহং ৰীতিৰত্তো, তেন সমন্নাগতোতি? ন হেৰং ৰত্তব্বে…পে….

৪১১. ন ৰত্তব্বং – ‘‘অরহত্তসচ্ছিকিরিযায পটিপন্নো পুগ্গলো তীহি ফলেহি সমন্নাগতো’’তি? আমন্তা. ননু অরহত্তসচ্ছিকিরিযায পটিপন্নেন পুগ্গলেন তীণি ফলানি পটিলদ্ধানি, তেহি চ অপরিহীনোতি? আমন্তা. হঞ্চি অরহত্তসচ্ছিকিরিযায পটিপন্নেন পুগ্গলেন তীণি ফলানি পটিলদ্ধানি তেহি চ অপরিহীনো, তেন ৰত রে ৰত্তব্বে – ‘‘অরহত্তসচ্ছিকিরিযায পটিপন্নো পুগ্গলো তীহি ফলেহি সমন্নাগতো’’তি.

ন ৰত্তব্বং – ‘‘অনাগামিফলসচ্ছিকিরিযায পটিপন্নো পুগ্গলো দ্ৰীহি ফলেহি সমন্নাগতো’’তি? আমন্তা. ননু অনাগামিফলসচ্ছিকিরিযায পটিপন্নেন পুগ্গলেন দ্ৰে ফলানি পটিলদ্ধানি, তেহি চ অপরিহীনোতি? আমন্তা. হঞ্চি অনাগামিফলসচ্ছিকিরিযায পটিপন্নেন পুগ্গলেন দ্ৰে ফলানি পটিলদ্ধানি তেহি চ অপরিহীনো, তেন ৰত রে ৰত্তব্বে – ‘‘অনাগামিফলসচ্ছিকিরিযায পটিপন্নো পুগ্গলো দ্ৰীহি ফলেহি সমন্নাগতো’’তি.

ন ৰত্তব্বং – ‘‘সকদাগামিফলসচ্ছিকিরিযায পটিপন্নো পুগ্গলো সোতাপত্তিফলেন সমন্নাগতো’’তি? আমন্তা. ননু সকদাগামিফলসচ্ছিকিরিযায পটিপন্নেন পুগ্গলেন সোতাপত্তিফলং পটিলদ্ধং, তেন চ অপরিহীনোতি? আমন্তা. হঞ্চি সকদাগামিফলসচ্ছিকিরিযায পটিপন্নেন পুগ্গলেন সোতাপত্তিফলং পটিলদ্ধং তেন চ অপরিহীনো, তেন ৰত রে ৰত্তব্বে – ‘‘সকদাগামিফলসচ্ছিকিরিযায পটিপন্নো পুগ্গলো সোতাপত্তিফলেন সমন্নাগতো’’তি.

৪১২. অরহত্তসচ্ছিকিরিযায পটিপন্নেন পুগ্গলেন তীণি ফলানি পটিলদ্ধানি তেহি চ অপরিহীনোতি, অরহত্তসচ্ছিকিরিযায পটিপন্নো পুগ্গলো তীহি ফলেহি সমন্নাগতোতি? আমন্তা. অরহত্তসচ্ছিকিরিযায পটিপন্নেন পুগ্গলেন চত্তারো মগ্গা পটিলদ্ধা তেহি চ অপরিহীনোতি, অরহত্তসচ্ছিকিরিযায পটিপন্নো পুগ্গলো চতূহি মগ্গেহি সমন্নাগতোতি? ন হেৰং ৰত্তব্বে…পে….

অনাগামিফলসচ্ছিকিরিযায পটিপন্নেন পুগ্গলেন দ্ৰে ফলানি পটিলদ্ধানি তেহি চ অপরিহীনোতি, অনাগামিফলসচ্ছিকিরিযায পটিপন্নো পুগ্গলো দ্ৰীহি ফলেহি সমন্নাগতোতি? আমন্তা. অনাগামিফলসচ্ছিকিরিযায পটিপন্নেন পুগ্গলেন তযো মগ্গা পটিলদ্ধা তেহি চ অপরিহীনোতি, অনাগামিফলসচ্ছিকিরিযায পটিপন্নো পুগ্গলো তীহি মগ্গেহি সমন্নাগতোতি? ন হেৰং ৰত্তব্বে…পে….

সকদাগামিফলসচ্ছিকিরিযায পটিপন্নেন পুগ্গলেন সোতাপত্তিফলং পটিলদ্ধং তেন চ অপরিহীনোতি, সকদাগামিফলসচ্ছিকিরিযায পটিপন্নো পুগ্গলো সোতাপত্তিফলেন সমন্নাগতোতি? আমন্তা. সকদাগামিফলসচ্ছিকিরিযায পটিপন্নেন পুগ্গলেন দ্ৰে মগ্গা পটিলদ্ধা তেহি চ অপরিহীনোতি, সকদাগামিফলসচ্ছিকিরিযায পটিপন্নো পুগ্গলো দ্ৰীহি মগ্গেহি সমন্নাগতোতি? ন হেৰং ৰত্তব্বে…পে….

অপরাপি সমন্নাগতকথা নিট্ঠিতা.