(২৫) ৫. অট্ঠমককথা

৩৬৮. অট্ঠমকস্স পুগ্গলস্স দিট্ঠিপরিযুট্ঠানং পহীনন্তি? আমন্তা. অট্ঠমকো পুগ্গলো সোতাপন্নো সোতাপত্তিফলপ্পত্তো পটিলদ্ধো অধিগতো সচ্ছিকতো উপসম্পজ্জ ৰিহরতি, কাযেন ফুসিত্ৰা ৰিহরতীতি? ন হেৰং ৰত্তব্বে…পে….

অট্ঠমকস্স পুগ্গলস্স ৰিচিকিচ্ছাপরিযুট্ঠানং পহীনন্তি? আমন্তা. অট্ঠমকো পুগ্গলো সোতাপন্নো সোতাপত্তিফলপ্পত্তো…পে… কাযেন ফুসিত্ৰা ৰিহরতীতি? ন হেৰং ৰত্তব্বে…পে….

অট্ঠমকস্স পুগ্গলস্স দিট্ঠিপরিযুট্ঠানং পহীনন্তি? আমন্তা. অট্ঠমকস্স পুগ্গলস্স দিট্ঠানুসযো পহীনোতি? ন হেৰং ৰত্তব্বে…পে… অট্ঠমকস্স পুগ্গলস্স দিট্ঠিপরিযুট্ঠানং পহীনন্তি? আমন্তা. অট্ঠমকস্স পুগ্গলস্স ৰিচিকিচ্ছানুসযো… সীলব্বতপরামাসো পহীনোতি? ন হেৰং ৰত্তব্বে…পে….

অট্ঠমকস্স পুগ্গলস্স ৰিচিকিচ্ছাপরিযুট্ঠানং পহীনন্তি? আমন্তা. অট্ঠমকস্স পুগ্গলস্স ৰিচিকিচ্ছানুসযো পহীনোতি? ন হেৰং ৰত্তব্বে…পে… অট্ঠমকস্স পুগ্গলস্স ৰিচিকিচ্ছাপরিযুট্ঠানং পহীনন্তি? আমন্তা. অট্ঠমকস্স পুগ্গলস্স দিট্ঠানুসযো… সীলব্বতপরামাসো পহীনোতি? ন হেৰং ৰত্তব্বে…পে….

অট্ঠমকস্স পুগ্গলস্স দিট্ঠানুসযো অপ্পহীনোতি? আমন্তা. অট্ঠমকস্স পুগ্গলস্স দিট্ঠিপরিযুট্ঠানং অপ্পহীনন্তি? ন হেৰং ৰত্তব্বে…পে… অট্ঠমকস্স পুগ্গলস্স দিট্ঠানুসযো অপ্পহীনোতি? আমন্তা. অট্ঠমকস্স পুগ্গলস্স ৰিচিকিচ্ছাপরিযুট্ঠানং অপ্পহীনন্তি? ন হেৰং ৰত্তব্বে…পে….

অট্ঠমকস্স পুগ্গলস্স ৰিচিকিচ্ছানুসযো… সীলব্বতপরামাসো অপ্পহীনোতি? আমন্তা. অট্ঠমকস্স পুগ্গলস্স দিট্ঠিপরিযুট্ঠানং অপ্পহীনন্তি? ন হেৰং ৰত্তব্বে…পে… অট্ঠমকস্স পুগ্গলস্স সীলব্বতপরামাসো অপ্পহীনোতি? আমন্তা. অট্ঠমকস্স পুগ্গলস্স ৰিচিকিচ্ছাপরিযুট্ঠানং অপ্পহীনন্তি? ন হেৰং ৰত্তব্বে…পে….

৩৬৯. অট্ঠমকস্স পুগ্গলস্স দিট্ঠিপরিযুট্ঠানং পহীনন্তি? আমন্তা. অট্ঠমকস্স পুগ্গলস্স দিট্ঠিপরিযুট্ঠানপহানায মগ্গো ভাৰিতোতি? ন হেৰং ৰত্তব্বে…পে… অট্ঠমকস্স পুগ্গলস্স দিট্ঠিপরিযুট্ঠানং পহীনন্তি? আমন্তা. অট্ঠমকস্স পুগ্গলস্স দিট্ঠিপরিযুট্ঠানপহানায সতিপট্ঠানা ভাৰিতা…পে… সম্মপ্পধানা…পে… বোজ্ঝঙ্গা ভাৰিতাতি? ন হেৰং ৰত্তব্বে.

অট্ঠমকস্স পুগ্গলস্স ৰিচিকিচ্ছাপরিযুট্ঠানং পহীনন্তি? আমন্তা. অট্ঠমকস্স পুগ্গলস্স ৰিচিকিচ্ছাপরিযুট্ঠানপহানায মগ্গো ভাৰিতো…পে… বোজ্ঝঙ্গা ভাৰিতাতি? ন হেৰং ৰত্তব্বে…পে….

অট্ঠমকস্স পুগ্গলস্স দিট্ঠিপরিযুট্ঠানপহানায মগ্গো অভাৰিতোতি? আমন্তা. অমগ্গেন পহীনং লোকিযেন সাসৰেন…পে… সংকিলেসিযেনাতি? ন হেৰং ৰত্তব্বে…পে… অট্ঠমকস্স পুগ্গলস্স দিট্ঠিপরিযুট্ঠানপহানায সতিপট্ঠানা…পে… বোজ্ঝঙ্গা অভাৰিতাতি? আমন্তা. অমগ্গেন পহীনং লোকিযেন সাসৰেন…পে… সংকিলেসিযেনাতি? ন হেৰং ৰত্তব্বে…পে….

অট্ঠমকস্স পুগ্গলস্স ৰিচিকিচ্ছাপরিযুট্ঠানপহানায মগ্গো অভাৰিতো…পে… সতিপট্ঠানা…পে… বোজ্ঝঙ্গা অভাৰিতাতি? আমন্তা. অমগ্গেন পহীনং লোকিযেন সাসৰেন…পে… সংকিলেসিযেনাতি? ন হেৰং ৰত্তব্বে…পে….

৩৭০. ন ৰত্তব্বং – ‘‘অট্ঠমকস্স পুগ্গলস্স দিট্ঠিপরিযুট্ঠানং পহীন’’ন্তি? আমন্তা. উপ্পজ্জিস্সতীতি? নুপ্পজ্জিস্সতি. হঞ্চি নুপ্পজ্জিস্সতি, তেন ৰত রে ৰত্তব্বে – ‘‘অট্ঠমকস্স পুগ্গলস্স দিট্ঠিপরিযুট্ঠানং পহীন’’ন্তি.

ন ৰত্তব্বং – ‘‘অট্ঠমকস্স পুগ্গলস্স ৰিচিকিচ্ছাপরিযুট্ঠানং পহীন’’ন্তি? আমন্তা. উপ্পজ্জিস্সতীতি? নুপ্পজ্জিস্সতি. হঞ্চি নুপ্পজ্জিস্সতি, তেন ৰত রে ৰত্তব্বে – ‘‘অট্ঠমকস্স পুগ্গলস্স ৰিচিকিচ্ছাপরিযুট্ঠানং পহীন’’ন্তি.

অট্ঠমকস্স পুগ্গলস্স দিট্ঠিপরিযুট্ঠানং নুপ্পজ্জিস্সতীতি কত্ৰা পহীনন্তি? আমন্তা. অট্ঠমকস্স পুগ্গলস্স দিট্ঠানুসযো নুপ্পজ্জিস্সতীতি কত্ৰা পহীনোতি? ন হেৰং ৰত্তব্বে…পে….

অট্ঠমকস্স পুগ্গলস্স দিট্ঠিপরিযুট্ঠানং নুপ্পজ্জিস্সতীতি কত্ৰা পহীনন্তি? আমন্তা. অট্ঠমকস্স পুগ্গলস্স ৰিচিকিচ্ছানুসযো… সীলব্বতপরামাসো নুপ্পজ্জিস্সতীতি কত্ৰা পহীনোতি? ন হেৰং ৰত্তব্বে…পে….

অট্ঠমকস্স পুগ্গলস্স ৰিচিকিচ্ছাপরিযুট্ঠানং নুপ্পজ্জিস্সতীতি কত্ৰা পহীনন্তি? আমন্তা. অট্ঠমকস্স পুগ্গলস্স ৰিচিকিচ্ছানুসযো… সীলব্বতপরামাসো নুপ্পজ্জিস্সতীতি কত্ৰা পহীনোতি? ন হেৰং ৰত্তব্বে…পে….

অট্ঠমকস্স পুগ্গলস্স দিট্ঠিপরিযুট্ঠানং নুপ্পজ্জিস্সতীতি কত্ৰা পহীনন্তি? আমন্তা. গোত্রভুনো পুগ্গলস্স দিট্ঠিপরিযুট্ঠানং নুপ্পজ্জিস্সতীতি কত্ৰা পহীনন্তি? ন হেৰং ৰত্তব্বে…পে… অট্ঠমকস্স পুগ্গলস্স ৰিচিকিচ্ছাপরিযুট্ঠানং নুপ্পজ্জিস্সতীতি কত্ৰা পহীনন্তি? আমন্তা. গোত্রভুনো পুগ্গলস্স ৰিচিকিচ্ছাপরিযুট্ঠানং নুপ্পজ্জিস্সতীতি কত্ৰা পহীনন্তি? ন হেৰং ৰত্তব্বে…পে….

অট্ঠমককথা নিট্ঠিতা.