৫. সুদ্ধিকসংসন্দনং

১৭. পুগ্গলো উপলব্ভতি সচ্চিকট্ঠপরমত্থেন, রূপঞ্চ উপলব্ভতি সচ্চিকট্ঠপরমত্থেনাতি? আমন্তা. অঞ্ঞং রূপং অঞ্ঞো পুগ্গলোতি? ন হেৰং ৰত্তব্বে.

আজানাহি নিগ্গহং. হঞ্চি পুগ্গলো উপলব্ভতি সচ্চিকট্ঠপরমত্থেন, রূপঞ্চ উপলব্ভতি সচ্চিকট্ঠপরমত্থেন, তেন ৰত রে ৰত্তব্বে – ‘‘অঞ্ঞং রূপং অঞ্ঞো পুগ্গলো’’তি. যং তত্থ ৰদেসি – ‘‘ৰত্তব্বে খো – ‘পুগ্গলো উপলব্ভতি সচ্চিকট্ঠপরমত্থেন, রূপঞ্চ উপলব্ভতি সচ্চিকট্ঠপরমত্থেন,’ নো চ ৰত্তব্বে – ‘অঞ্ঞং রূপং অঞ্ঞো পুগ্গলো’’’তি মিচ্ছা.

নো চে পন ৰত্তব্বে – ‘‘অঞ্ঞং রূপং অঞ্ঞো পুগ্গলো’’তি, নো চ ৰত রে ৰত্তব্বে – ‘‘পুগ্গলো উপলব্ভতি সচ্চিকট্ঠপরমত্থেন, রূপঞ্চ উপলব্ভতি সচ্চিকট্ঠপরমত্থেনা’’তি. যং তত্থ ৰদেসি – ‘‘ৰত্তব্বে খো – ‘পুগ্গলো উপলব্ভতি সচ্চিকট্ঠপরমত্থেন, রূপঞ্চ উপলব্ভতি সচ্চিকট্ঠপরমত্থেন’, নো চ ৰত্তব্বে – ‘অঞ্ঞং রূপং অঞ্ঞো পুগ্গলো’’’তি মিচ্ছা…পে….

১৮. পুগ্গলো উপলব্ভতি সচ্চিকট্ঠপরমত্থেন, ৰেদনা চ উপলব্ভতি সচ্চিকট্ঠপরমত্থেন…পে… সঞ্ঞা চ উপলব্ভতি…পে… সঙ্খারা চ উপলব্ভন্তি…পে… ৰিঞ্ঞাণঞ্চ উপলব্ভতি সচ্চিকট্ঠপরমত্থেনাতি? আমন্তা. অঞ্ঞং ৰিঞ্ঞাণং অঞ্ঞো পুগ্গলোতি? ন হেৰং ৰত্তব্বে.

আজানাহি নিগ্গহং. হঞ্চি পুগ্গলো উপলব্ভতি সচ্চিকট্ঠপরমত্থেন, ৰিঞ্ঞাণঞ্চ উপলব্ভতি সচ্চিকট্ঠপরমত্থেন, তেন ৰত রে ৰত্তব্বে – ‘‘অঞ্ঞং ৰিঞ্ঞাণং অঞ্ঞো পুগ্গলো’’তি. যং তত্থ ৰদেসি – ‘‘ৰত্তব্বে খো – ‘পুগ্গলো উপলব্ভতি সচ্চিকট্ঠপরমত্থেন, ৰিঞ্ঞাণঞ্চ উপলব্ভতি সচ্চিকট্ঠপরমত্থেন,’ নো চ ৰত্তব্বে – ‘অঞ্ঞং ৰিঞ্ঞাণং অঞ্ঞো পুগ্গলো’’’তি মিচ্ছা.

নো চে পন ৰত্তব্বে – ‘‘অঞ্ঞং ৰিঞ্ঞাণং অঞ্ঞো পুগ্গলো’’তি, নো চ ৰত রে ৰত্তব্বে – ‘‘পুগ্গলো উপলব্ভতি সচ্চিকট্ঠপরমত্থেন, ৰিঞ্ঞাণঞ্চ উপলব্ভতি সচ্চিকট্ঠপরমত্থেনা’’তি. যং তত্থ ৰদেসি – ‘‘ৰত্তব্বে খো – ‘পুগ্গলো উপলব্ভতি সচ্চিকট্ঠপরমত্থেন, ৰিঞ্ঞাণঞ্চ উপলব্ভতি সচ্চিকট্ঠপরমত্থেন,’ নো চ ৰত্তব্বে – ‘অঞ্ঞং ৰিঞ্ঞাণং অঞ্ঞো পুগ্গলো’’’তি মিচ্ছা…পে….

১৯. পুগ্গলো উপলব্ভতি সচ্চিকট্ঠপরমত্থেন, চক্খাযতনঞ্চ উপলব্ভতি সচ্চিকট্ঠপরমত্থেন…পে… সোতাযতনঞ্চ উপলব্ভতি… ঘানাযতনঞ্চ উপলব্ভতি… জিৰ্হাযতনঞ্চ উপলব্ভতি… কাযাযতনঞ্চ উপলব্ভতি… রূপাযতনঞ্চ উপলব্ভতি… সদ্দাযতনঞ্চ উপলব্ভতি… গন্ধাযতনঞ্চ উপলব্ভতি… রসাযতনঞ্চ উপলব্ভতি… ফোট্ঠব্বাযতনঞ্চ উপলব্ভতি… মনাযতনঞ্চ উপলব্ভতি… ধম্মাযতনঞ্চ উপলব্ভতি সচ্চিকট্ঠপরমত্থেন…পে….

২০. চক্খুধাতু চ উপলব্ভতি সচ্চিকট্ঠপরমত্থেন…পে… সোতধাতু চ উপলব্ভতি… ঘানধাতু চ উপলব্ভতি… জিৰ্হাধাতু চ উপলব্ভতি… কাযধাতু চ উপলব্ভতি… রূপধাতু চ উপলব্ভতি… সদ্দধাতু চ উপলব্ভতি… গন্ধধাতু চ উপলব্ভতি… রসধাতু চ উপলব্ভতি… ফোট্ঠব্বধাতু চ উপলব্ভতি… চক্খুৰিঞ্ঞাণধাতু চ উপলব্ভতি… সোতৰিঞ্ঞাণধাতু চ উপলব্ভতি… ঘানৰিঞ্ঞাণধাতু চ উপলব্ভতি… জিৰ্হাৰিঞ্ঞাণধাতু চ উপলব্ভতি… কাযৰিঞ্ঞাণধাতু চ উপলব্ভতি… মনোধাতু চ উপলব্ভতি… মনোৰিঞ্ঞাণধাতু চ উপলব্ভতি… ধম্মধাতু চ উপলব্ভতি সচ্চিকট্ঠপরমত্থেন…পে….

২১. চক্খুন্দ্রিযঞ্চ উপলব্ভতি সচ্চিকট্ঠপরমত্থেন…পে… সোতিন্দ্রিযঞ্চ উপলব্ভতি… ঘানিন্দ্রিযঞ্চ উপলব্ভতি… জিৰ্হিন্দ্রিযঞ্চ উপলব্ভতি… কাযিন্দ্রিযঞ্চ উপলব্ভতি … মনিন্দ্রিযঞ্চ উপলব্ভতি… জীৰিতিন্দ্রিযঞ্চ উপলব্ভতি… ইত্থিন্দ্রিযঞ্চ উপলব্ভতি… পুরিসিন্দ্রিযঞ্চ উপলব্ভতি… সুখিন্দ্রিযঞ্চ উপলব্ভতি… দুক্খিন্দ্রিযঞ্চ উপলব্ভতি… সোমনস্সিন্দ্রিযঞ্চ উপলব্ভতি… দোমনস্সিন্দ্রিযঞ্চ উপলব্ভতি… উপেক্খিন্দ্রিযঞ্চ উপলব্ভতি… সদ্ধিন্দ্রিযঞ্চ উপলব্ভতি… ৰীরিযিন্দ্রিযঞ্চ উপলব্ভতি… সতিন্দ্রিযঞ্চ উপলব্ভতি… সমাধিন্দ্রিযঞ্চ উপলব্ভতি… পঞ্ঞিন্দ্রিযঞ্চ উপলব্ভতি… অনঞ্ঞাতঞ্ঞস্সামীতিন্দ্রিযঞ্চ উপলব্ভতি… অঞ্ঞিন্দ্রিযঞ্চ উপলব্ভতি… অঞ্ঞাতাৰিন্দ্রিযঞ্চ উপলব্ভতি সচ্চিকট্ঠপরমত্থেনাতি? আমন্তা. অঞ্ঞং অঞ্ঞাতাৰিন্দ্রিযং অঞ্ঞো পুগ্গলোতি? ন হেৰং ৰত্তব্বে.

আজানাহি নিগ্গহং. হঞ্চি পুগ্গলো উপলব্ভতি সচ্চিকট্ঠপরমত্থেন, অঞ্ঞাতাৰিন্দ্রিযঞ্চ উপলব্ভতি সচ্চিকট্ঠপরমত্থেন, তেন ৰত রে ৰত্তব্বে – ‘‘অঞ্ঞং অঞ্ঞাতাৰিন্দ্রিযং অঞ্ঞো পুগ্গলো’’তি. যং তত্থ ৰদেসি – ‘‘ৰত্তব্বে খো – ‘পুগ্গলো উপলব্ভতি সচ্চিকট্ঠপরমত্থেন, অঞ্ঞাতাৰিন্দ্রিযঞ্চ উপলব্ভতি সচ্চিকট্ঠপরমত্থেন,’ নো চ ৰত্তব্বে – ‘অঞ্ঞং অঞ্ঞাতাৰিন্দ্রিযং অঞ্ঞো পুগ্গলো’’’তি মিচ্ছা.

নো চে পন ৰত্তব্বে – ‘‘অঞ্ঞং অঞ্ঞাতাৰিন্দ্রিযং অঞ্ঞো পুগ্গলো’’তি, নো চ ৰত রে ৰত্তব্বে – ‘‘পুগ্গলো উপলব্ভতি সচ্চিকট্ঠপরমত্থেন, অঞ্ঞাতাৰিন্দ্রিযঞ্চ উপলব্ভতি সচ্চিকট্ঠপরমত্থেনা’’তি. যং তত্থ ৰদেসি – ‘‘ৰত্তব্বে খো – ‘পুগ্গলো উপলব্ভতি সচ্চিকট্ঠপরমত্থেন, অঞ্ঞাতাৰিন্দ্রিযঞ্চ উপলব্ভতি সচ্চিকট্ঠপরমত্থেন,’ নো চ ৰত্তব্বে – ‘অঞ্ঞং অঞ্ঞাতাৰিন্দ্রিযং অঞ্ঞো পুগ্গলো’’’তি মিচ্ছা…পে….

২২. [পু. প. মাতিকা ৪.২৪; অ. নি. ৪.৯৫-৯৬] পুগ্গলো নুপলব্ভতি সচ্চিকট্ঠপরমত্থেনাতি? আমন্তা. ৰুত্তং ভগৰতা – ‘‘অত্থি পুগ্গলো অত্তহিতায পটিপন্নো,’’ রূপঞ্চ উপলব্ভতি সচ্চিকট্ঠপরমত্থেনাতি? আমন্তা. অঞ্ঞং রূপং অঞ্ঞো পুগ্গলোতি? ন হেৰং ৰত্তব্বে.

আজানাহি পটিকম্মং. হঞ্চি ৰুত্তং ভগৰতা – ‘‘অত্থি পুগ্গলো অত্তহিতায পটিপন্নো,’’ রূপঞ্চ উপলব্ভতি সচ্চিকট্ঠপরমত্থেন, তেন ৰত রে ৰত্তব্বে – ‘‘অঞ্ঞং রূপং অঞ্ঞো পুগ্গলো’’তি. যং তত্থ ৰদেসি – ‘‘ৰত্তব্বে খো – ‘ৰুত্তং ভগৰতা – অত্থি পুগ্গলো অত্তহিতায পটিপন্নো, রূপঞ্চ উপলব্ভতি সচ্চিকট্ঠপরমত্থেন,’ নো চ ৰত্তব্বে – ‘অঞ্ঞং রূপং অঞ্ঞো পুগ্গলো’’’তি মিচ্ছা.

নো চে পন ৰত্তব্বে – ‘‘অঞ্ঞং রূপং অঞ্ঞো পুগ্গলো’’তি, নো চ ৰত রে ৰত্তব্বে – ‘‘ৰুত্তং ভগৰতা – ‘অত্থি পুগ্গলো অত্তহিতায পটিপন্নো,’ রূপঞ্চ উপলব্ভতি সচ্চিকট্ঠপরমত্থেনা’’তি. যং তত্থ ৰদেসি – ‘‘ৰত্তব্বে খো – ‘ৰুত্তং ভগৰতা – অত্থি পুগ্গলো অত্তহিতায পটিপন্নো, রূপঞ্চ উপলব্ভতি সচ্চিকট্ঠপরমত্থেন,’ নো চ ৰত্তব্বে – ‘অঞ্ঞং রূপং অঞ্ঞো পুগ্গলো’’’তি মিচ্ছা…পে….

২৩. পুগ্গলো নুপলব্ভতি সচ্চিকট্ঠপরমত্থেনাতি? আমন্তা. ৰুত্তং ভগৰতা – ‘‘অত্থি পুগ্গলো অত্তহিতায পটিপন্নো,’’ ৰেদনা চ উপলব্ভতি…পে… সঞ্ঞা চ উপলব্ভতি…পে… সঙ্খারা চ উপলব্ভন্তি…পে… ৰিঞ্ঞাণঞ্চ উপলব্ভতি সচ্চিকট্ঠপরমত্থেনাতি? আমন্তা. অঞ্ঞং ৰিঞ্ঞাণং অঞ্ঞো পুগ্গলোতি? ন হেৰং ৰত্তব্বে.

আজানাহি পটিকম্মং. হঞ্চি ৰুত্তং ভগৰতা – ‘‘অত্থি পুগ্গলো অত্তহিতায পটিপন্নো,’’ ৰিঞ্ঞাণঞ্চ উপলব্ভতি সচ্চিকট্ঠপরমত্থেন, তেন ৰত রে ৰত্তব্বে – ‘‘অঞ্ঞং ৰিঞ্ঞাণং অঞ্ঞো পুগ্গলো’’তি. যং তত্থ ৰদেসি – ‘‘ৰত্তব্বে খো – ‘ৰুত্তং ভগৰতা – অত্থি পুগ্গলো অত্তহিতায পটিপন্নো, ৰিঞ্ঞাণঞ্চ উপলব্ভতি সচ্চিকট্ঠপরমত্থেন,’ নো চ ৰত্তব্বে – ‘অঞ্ঞং ৰিঞ্ঞাণং অঞ্ঞো পুগ্গলো’’’তি মিচ্ছা.

নো চে পন ৰত্তব্বে – ‘‘অঞ্ঞং ৰিঞ্ঞাণং অঞ্ঞো পুগ্গলো’’তি, নো চ ৰত রে ৰত্তব্বে – ‘‘ৰুত্তং ভগৰতা – ‘অত্থি পুগ্গলো অত্তহিতায পটিপন্নো,’ ৰিঞ্ঞাণঞ্চ উপলব্ভতি সচ্চিকট্ঠপরমত্থেনা’’তি. যং তত্থ ৰদেসি – ‘‘ৰত্তব্বে খো – ‘ৰুত্তং ভগৰতা – অত্থি পুগ্গলো অত্তহিতায পটিপন্নো,’ ৰিঞ্ঞাণঞ্চ উপলব্ভতি সচ্চিকট্ঠপরমত্থেন, নো চ ৰত্তব্বে – ‘অঞ্ঞং ৰিঞ্ঞাণং অঞ্ঞো পুগ্গলো’’’তি মিচ্ছা…পে….

২৪. পুগ্গলো নুপলব্ভতি সচ্চিকট্ঠপরমত্থেনাতি? আমন্তা. ৰুত্তং ভগৰতা – ‘‘অত্থি পুগ্গলো অত্তহিতায পটিপন্নো,’’ চক্খাযতনঞ্চ উপলব্ভতি সচ্চিকট্ঠপরমত্থেন…পে… সোতাযতনঞ্চ উপলব্ভতি…পে… ধম্মাযতনঞ্চ উপলব্ভতি সচ্চিকট্ঠপরমত্থেন…পে….

২৫. চক্খুধাতু চ উপলব্ভতি সচ্চিকট্ঠপরমত্থেন…পে… কাযধাতু চ উপলব্ভতি…পে… রূপধাতু চ উপলব্ভতি…পে… ফোট্ঠব্বধাতু চ উপলব্ভতি…পে… চক্খুৰিঞ্ঞাণধাতু চ উপলব্ভতি…পে… মনোৰিঞ্ঞাণধাতু চ উপলব্ভতি…পে… ধম্মধাতু চ উপলব্ভতি সচ্চিকট্ঠপরমত্থেন…পে….

২৬. চক্খুন্দ্রিযঞ্চ উপলব্ভতি সচ্চিকট্ঠপরমত্থেন…পে… সোতিন্দ্রিযঞ্চ উপলব্ভতি সচ্চিকট্ঠপরমত্থেন…পে… অঞ্ঞিন্দ্রিযঞ্চ [অঞ্ঞাতাৰিন্দ্রিযঞ্চ (বহূসু)] উপলব্ভতি সচ্চিকট্ঠপরমত্থেন…পে….

২৭. পুগ্গলো নুপলব্ভতি সচ্চিকট্ঠপরমত্থেনাতি? আমন্তা. ৰুত্তং ভগৰতা – ‘‘অত্থি পুগ্গলো অত্তহিতায পটিপন্নো,’’ অঞ্ঞাতাৰিন্দ্রিযঞ্চ উপলব্ভতি সচ্চিকট্ঠপরমত্থেনাতি? আমন্তা. অঞ্ঞং অঞ্ঞাতাৰিন্দ্রিযং অঞ্ঞো পুগ্গলোতি? ন হেৰং ৰত্তব্বে.

আজানাহি পটিকম্মং. হঞ্চি ৰুত্তং ভগৰতা – ‘‘অত্থি পুগ্গলো অত্তহিতায পটিপন্নো,’’ অঞ্ঞাতাৰিন্দ্রিযঞ্চ উপলব্ভতি সচ্চিকট্ঠপরমত্থেন, তেন ৰত রে ৰত্তব্বে – ‘‘অঞ্ঞং অঞ্ঞাতাৰিন্দ্রিযং অঞ্ঞো পুগ্গলো’’তি. যং তত্থ ৰদেসি – ‘‘ৰত্তব্বে খো – ‘ৰুত্তং ভগৰতা – অত্থি পুগ্গলো অত্তহিতায পটিপন্নো, অঞ্ঞাতাৰিন্দ্রিযঞ্চ উপলব্ভতি সচ্চিকট্ঠপরমত্থেন,’ নো চ ৰত্তব্বে – ‘অঞ্ঞং অঞ্ঞাতাৰিন্দ্রিযং অঞ্ঞো পুগ্গলো’’’তি মিচ্ছা.

নো চে পন ৰত্তব্বে – ‘‘অঞ্ঞং অঞ্ঞাতাৰিন্দ্রিযং অঞ্ঞো পুগ্গলো’’তি, নো চ ৰত রে ৰত্তব্বে – ‘‘ৰুত্তং ভগৰতা – ‘অত্থি পুগ্গলো অত্তহিতায পটিপন্নো,’ অঞ্ঞাতাৰিন্দ্রিযঞ্চ উপলব্ভতি সচ্চিকট্ঠপরমত্থেনা’’তি. যং তত্থ ৰদেসি – ‘‘ৰত্তব্বে খো – ‘ৰুত্তং ভগৰতা – অত্থি পুগ্গলো অত্তহিতায পটিপন্নো, অঞ্ঞাতাৰিন্দ্রিযঞ্চ উপলব্ভতি সচ্চিকট্ঠপরমত্থেন,’ নো চ ৰত্তব্বে – ‘অঞ্ঞং অঞ্ঞাতাৰিন্দ্রিযং অঞ্ঞো পুগ্গলো’’’তি মিচ্ছা…পে….

সুদ্ধিকসংসন্দনা.