৭. চতুক্কনযসংসন্দনং

৪৬. পুগ্গলো উপলব্ভতি সচ্চিকট্ঠপরমত্থেনাতি? আমন্তা. রূপং পুগ্গলোতি? ন হেৰং ৰত্তব্বে.

আজানাহি নিগ্গহং. হঞ্চি পুগ্গলো উপলব্ভতি সচ্চিকট্ঠপরমত্থেন, তেন ৰত রে ৰত্তব্বে – ‘‘রূপং পুগ্গলো’’তি. যং তত্থ ৰদেসি – ‘‘ৰত্তব্বে খো – ‘পুগ্গলো উপলব্ভতি সচ্চিকট্ঠপরমত্থেন,’ নো চ ৰত্তব্বে – ‘রূপং পুগ্গলো’’’তি মিচ্ছা.

নো চে পন ৰত্তব্বে – ‘‘রূপং পুগ্গলো’’তি, নো চ ৰত রে ৰত্তব্বে – ‘‘পুগ্গলো উপলব্ভতি সচ্চিকট্ঠপরমত্থেনা’’তি. যং তত্থ ৰদেসি – ‘‘ৰত্তব্বে খো – ‘পুগ্গলো উপলব্ভতি সচ্চিকট্ঠপরমত্থেন,’ নো চ ৰত্তব্বে – ‘রূপং পুগ্গলো’’’তি মিচ্ছা…পে….

৪৭. পুগ্গলো উপলব্ভতি সচ্চিকট্ঠপরমত্থেনাতি? আমন্তা. রূপস্মিং পুগ্গলো…পে… অঞ্ঞত্র রূপা পুগ্গলো…পে… পুগ্গলস্মিং রূপন্তি? ন হেৰং ৰত্তব্বে.

আজানাহি নিগ্গহং. হঞ্চি পুগ্গলো উপলব্ভতি সচ্চিকট্ঠপরমত্থেন, তেন ৰত রে ৰত্তব্বে – ‘‘পুগ্গলস্মিং রূপ’’ন্তি. যং তত্থ ৰদেসি – ‘‘ৰত্তব্বে খো – ‘পুগ্গলো উপলব্ভতি সচ্চিকট্ঠপরমত্থেন,’ নো চ ৰত্তব্বে – ‘পুগ্গলস্মিং রূপ’’’ন্তি মিচ্ছা.

নো চে পন ৰত্তব্বে – ‘‘পুগ্গলস্মিং রূপ’’ন্তি, নো চ ৰত রে ৰত্তব্বে – ‘‘পুগ্গলো উপলব্ভতি সচ্চিকট্ঠপরমত্থেনা’’তি. যং তত্থ ৰদেসি – ‘‘ৰত্তব্বে খো – ‘পুগ্গলো উপলব্ভতি সচ্চিকট্ঠপরমত্থেন,’ নো চ ৰত্তব্বে – ‘পুগ্গলস্মিং রূপ’’’ন্তি মিচ্ছা…পে….

৪৮. পুগ্গলো উপলব্ভতি সচ্চিকট্ঠপরমত্থেনাতি? আমন্তা. ৰেদনা পুগ্গলো…পে… ৰেদনায পুগ্গলো…পে… অঞ্ঞত্র ৰেদনায পুগ্গলো…পে… পুগ্গলস্মিং ৰেদনা…পে….

সঞ্ঞা পুগ্গলো…পে… সঞ্ঞায পুগ্গলো…পে… অঞ্ঞত্র সঞ্ঞায পুগ্গলো…পে… পুগ্গলস্মিং সঞ্ঞা…পে….

সঙ্খারা পুগ্গলো…পে… সঙ্খারেসু পুগ্গলো…পে… অঞ্ঞত্র সঙ্খারেহি পুগ্গলো…পে… পুগ্গলস্মিং সঙ্খারা…পে….

ৰিঞ্ঞাণং পুগ্গলো…পে… ৰিঞ্ঞাণস্মিং পুগ্গলো…পে… অঞ্ঞত্র ৰিঞ্ঞাণা পুগ্গলো…পে… পুগ্গলস্মিং ৰিঞ্ঞাণন্তি? ন হেৰং ৰত্তব্বে.

আজানাহি নিগ্গহং. হঞ্চি পুগ্গলো উপলব্ভতি সচ্চিকট্ঠপরমত্থেন, তেন ৰত রে ৰত্তব্বে – ‘‘পুগ্গলস্মিং ৰিঞ্ঞাণ’’ন্তি. যং তত্থ ৰদেসি – ‘‘ৰত্তব্বে খো – ‘পুগ্গলো উপলব্ভতি সচ্চিকট্ঠপরমত্থেন,’ নো চ ৰত্তব্বে – ‘পুগ্গলস্মিং ৰিঞ্ঞাণ’’’ন্তি মিচ্ছা.

নো চে পন ৰত্তব্বে – ‘‘পুগ্গলস্মিং ৰিঞ্ঞাণ’’ন্তি, নো চ ৰত রে ৰত্তব্বে – ‘‘পুগ্গলো উপলব্ভতি সচ্চিকট্ঠপরমত্থেনা’’তি. যং তত্থ ৰদেসি – ‘‘ৰত্তব্বে খো – ‘পুগ্গলো উপলব্ভতি সচ্চিকট্ঠপরমত্থেন,’ নো চ ৰত্তব্বে – ‘পুগ্গলস্মিং ৰিঞ্ঞাণ’’’ন্তি মিচ্ছা…পে….

৪৯. পুগ্গলো উপলব্ভতি সচ্চিকট্ঠপরমত্থেনাতি? আমন্তা. চক্খাযতনং পুগ্গলো…পে… চক্খাযতনস্মিং পুগ্গলো…পে… অঞ্ঞত্র চক্খাযতনা পুগ্গলো…পে… পুগ্গলস্মিং চক্খাযতনং…পে… ধম্মাযতনং পুগ্গলো…পে… ধম্মাযতনস্মিং পুগ্গলো…পে… অঞ্ঞত্র ধম্মাযতনা পুগ্গলো…পে… পুগ্গলস্মিং ধম্মাযতনং…পে….

চক্খুধাতু পুগ্গলো…পে… চক্খুধাতুযা পুগ্গলো…পে… অঞ্ঞত্র চক্খুধাতুযা পুগ্গলো…পে… পুগ্গলস্মিং চক্খুধাতু…পে… ধম্মধাতু পুগ্গলো…পে… ধম্মধাতুযা পুগ্গলো…পে… অঞ্ঞত্র ধম্মধাতুযা পুগ্গলো…পে… পুগ্গলস্মিং ধম্মধাতু…পে….

চক্খুন্দ্রিযং পুগ্গলো…পে… চক্খুন্দ্রিযস্মিং পুগ্গলো…পে… অঞ্ঞত্র চক্খুন্দ্রিযা পুগ্গলো …পে… পুগ্গলস্মিং চক্খুন্দ্রিযং…পে… অঞ্ঞাতাৰিন্দ্রিযং পুগ্গলো…পে… অঞ্ঞাতাৰিন্দ্রিযস্মিং পুগ্গলো…পে… অঞ্ঞত্র অঞ্ঞাতাৰিন্দ্রিযা পুগ্গলো…পে… পুগ্গলস্মিং অঞ্ঞাতাৰিন্দ্রিযন্তি? ন হেৰং ৰত্তব্বে.

আজানাহি নিগ্গহং. হঞ্চি পুগ্গলো উপলব্ভতি সচ্চিকট্ঠপরমত্থেন, তেন ৰত রে ৰত্তব্বে – ‘‘পুগ্গলস্মিং অঞ্ঞাতাৰিন্দ্রিয’’ন্তি. যং তত্থ ৰদেসি – ‘‘ৰত্তব্বে খো – ‘পুগ্গলো উপলব্ভতি সচ্চিকট্ঠপরমত্থেন,’ নো চ ৰত্তব্বে – ‘পুগ্গলস্মিং অঞ্ঞাতাৰিন্দ্রিয’’’ন্তি মিচ্ছা.

নো চে পন ৰত্তব্বে – ‘‘পুগ্গলস্মিং অঞ্ঞাতাৰিন্দ্রিয’’ন্তি, নো চ ৰত রে ৰত্তব্বে – ‘‘পুগ্গলো উপলব্ভতি সচ্চিকট্ঠপরমত্থেনা’’তি. যং তত্থ ৰদেসি – ‘‘ৰত্তব্বে খো – ‘পুগ্গলো উপলব্ভতি সচ্চিকট্ঠপরমত্থেন,’ নো চ ৰত্তব্বে – ‘পুগ্গলস্মিং অঞ্ঞাতাৰিন্দ্রিয’’’ন্তি মিচ্ছা…পে….

৫০. পুগ্গলো নুপলব্ভতি সচ্চিকট্ঠপরমত্থেনাতি? আমন্তা. ৰুত্তং ভগৰতা – ‘‘অত্থি পুগ্গলো অত্তহিতায পটিপন্নো’’তি? আমন্তা. রূপং পুগ্গলোতি? ন হেৰং ৰত্তব্বে.

আজানাহি পটিকম্মং. হঞ্চি ৰুত্তং ভগৰতা – ‘‘অত্থি পুগ্গলো অত্তহিতায পটিপন্নো,’’ তেন ৰত রে ৰত্তব্বে – ‘‘রূপং পুগ্গলো’’তি. যং তত্থ ৰদেসি – ‘‘ৰত্তব্বে খো – ‘ৰুত্তং ভগৰতা – অত্থি পুগ্গলো অত্তহিতায পটিপন্নো,’ নো চ ৰত্তব্বে – ‘রূপং পুগ্গলোতি’’’ মিচ্ছা.

নো চে পন ৰত্তব্বে – ‘‘রূপং পুগ্গলো’’তি, নো চ ৰত রে ৰত্তব্বে – ‘‘ৰুত্তং ভগৰতা – ‘অত্থি পুগ্গলো অত্তহিতায পটিপন্নো’’’তি. যং তত্থ ৰদেসি – ‘‘ৰত্তব্বে খো – ‘ৰুত্তং ভগৰতা – অত্থি পুগ্গলো অত্তহিতায পটিপন্নো,’ নো চ ৰত্তব্বে – ‘রূপং পুগ্গলো’’’তি মিচ্ছা…পে….

৫১. পুগ্গলো নুপলব্ভতি সচ্চিকট্ঠপরমত্থেনাতি? আমন্তা. ৰুত্তং ভগৰতা – ‘‘অত্থি পুগ্গলো অত্তহিতায পটিপন্নো’’তি? আমন্তা. রূপস্মিং পুগ্গলো…পে… অঞ্ঞত্র রূপা পুগ্গলো…পে… পুগ্গলস্মিং রূপং…পে….

ৰেদনা পুগ্গলো…পে… ৰেদনায পুগ্গলো…পে… অঞ্ঞত্র ৰেদনায পুগ্গলো…পে… পুগ্গলস্মিং ৰেদনা…পে….

আজানাহি পটিকম্মং. হঞ্চি ৰুত্তং ভগৰতা – ‘‘অত্থি পুগ্গলো অত্তহিতায পটিপন্নো,’’ তেন ৰত রে ৰত্তব্বে – ‘‘পুগ্গলস্মিং ৰিঞ্ঞাণ’’ন্তি. যং তত্থ ৰদেসি – ‘‘ৰত্তব্বে খো – ‘ৰুত্তং ভগৰতা – অত্থি পুগ্গলো অত্তহিতায পটিপন্নো,’ নো চ ৰত্তব্বে – ‘পুগ্গলস্মিং ৰিঞ্ঞাণ’’’ন্তি মিচ্ছা.

নো চে পন ৰত্তব্বে – ‘‘পুগ্গলস্মিং ৰিঞ্ঞাণ’’ন্তি, নো চ ৰত রে ৰত্তব্বে – ‘‘ৰুত্তং ভগৰতা – ‘অত্থি পুগ্গলো অত্তহিতায পটিপন্নো’’’তি. যং তত্থ ৰদেসি – ‘‘ৰত্তব্বে খো – ‘ৰুত্তং ভগৰতা – অত্থি পুগ্গলো অত্তহিতায পটিপন্নো,’ নো চ ৰত্তব্বে – ‘পুগ্গলস্মিং ৰিঞ্ঞাণ’’’ন্তি মিচ্ছা…পে….

৫২. পুগ্গলো নুপলব্ভতি সচ্চিকট্ঠপরমত্থেনাতি? আমন্তা. ৰুত্তং ভগৰতা – ‘‘অত্থি পুগ্গলো অত্তহিতায পটিপন্নো’’তি? আমন্তা. চক্খাযতনং পুগ্গলো…পে… চক্খাযতনস্মিং পুগ্গলো…পে… অঞ্ঞত্র চক্খাযতনা পুগ্গলো…পে… পুগ্গলস্মিং চক্খাযতনং…পে… ধম্মাযতনং পুগ্গলো…পে… ধম্মাযতনস্মিং পুগ্গলো…পে… অঞ্ঞত্র ধম্মাযতনা পুগ্গলো…পে… পুগ্গলস্মিং ধম্মাযতনং…পে….

চক্খুন্দ্রিযং পুগ্গলো…পে… চক্খুন্দ্রিযস্মিং পুগ্গলো…পে… অঞ্ঞত্র চক্খুন্দ্রিযা পুগ্গলো…পে… পুগ্গলস্মিং চক্খুন্দ্রিযং…পে… অঞ্ঞাতাৰিন্দ্রিযং পুগ্গলো…পে… অঞ্ঞাতাৰিন্দ্রিযস্মিং পুগ্গলো…পে… অঞ্ঞত্র অঞ্ঞাতাৰিন্দ্রিযা পুগ্গলো…পে… পুগ্গলস্মিং অঞ্ঞাতাৰিন্দ্রিযন্তি? ন হেৰং ৰত্তব্বে.

আজানাহি পটিকম্মং. হঞ্চি ৰুত্তং ভগৰতা – ‘‘অত্থি পুগ্গলো অত্তহিতায পটিপন্নো,’’ তেন ৰত রে ৰত্তব্বে – ‘‘পুগ্গলস্মিং অঞ্ঞাতাৰিন্দ্রিয’’ন্তি. যং তত্থ ৰদেসি – ‘‘ৰত্তব্বে খো – ‘ৰুত্তং ভগৰতা – অত্থি পুগ্গলো অত্তহিতায পটিপন্নো,’ নো চ ৰত্তব্বে – ‘পুগ্গলস্মিং অঞ্ঞাতাৰিন্দ্রিয’’’ন্তি মিচ্ছা.

নো চে পন ৰত্তব্বে – ‘‘পুগ্গলস্মিং অঞ্ঞাতাৰিন্দ্রিয’’ন্তি, নো চ ৰত রে ৰত্তব্বে – ‘‘ৰুত্তং ভগৰতা – ‘অত্থি পুগ্গলো অত্তহিতায পটিপন্নো’’’তি. যং তত্থ ৰদেসি – ‘‘ৰত্তব্বে খো – ‘ৰুত্তং ভগৰতা – অত্থি পুগ্গলো অত্তহিতায পটিপন্নো,’ নো চ ৰত্তব্বে – ‘পুগ্গলস্মিং অঞ্ঞাতাৰিন্দ্রিয’’’ন্তি মিচ্ছা…পে….

চতুক্কনযসংসন্দনং.