রূপৰিভত্তি

এককনিদ্দেসো

৫৯৪. সব্বং রূপং ন হেতুমেৰ, অহেতুকমেৰ, হেতুৰিপ্পযুত্তমেৰ, সপ্পচ্চযমেৰ, সঙ্খতমেৰ, রূপমেৰ, লোকিযমেৰ, সাসৰমেৰ, সংযোজনিযমেৰ, গন্থনিযমেৰ, ওঘনিযমেৰ, যোগনিযমেৰ, নীৰরণিযমেৰ, পরামট্ঠমেৰ, উপাদানিযমেৰ, সংকিলেসিকমেৰ, অব্যাকতমেৰ, অনারম্মণমেৰ, অচেতসিকমেৰ, চিত্তৰিপ্পযুত্তমেৰ, নেৰৰিপাকনৰিপাকধম্মধম্মমেৰ, অসংকিলিট্ঠসংকিলেসিকমেৰ, ন সৰিতক্কসৰিচারমেৰ, ন অৰিতক্কৰিচারমত্তমেৰ, অৰিতক্কঅৰিচারমেৰ, ন পীতিসহগতমেৰ, ন সুখসহগতমেৰ, ন উপেক্খাসহগতমেৰ, নেৰ দস্সনেন ন ভাৰনায পহাতব্বমেৰ, নেৰ দস্সনেন ন ভাৰনায পহাতব্বহেতুকমেৰ, নেৰ আচযগামি ন অপচযগামিমেৰ, নেৰসেক্খনাসেক্খমেৰ, পরিত্তমেৰ, কামাৰচরমেৰ, ন রূপাৰচরমেৰ, ন অরূপাৰচরমেৰ, পরিযাপন্নমেৰ, নো অপরিযাপন্নমেৰ, অনিযতমেৰ, অনিয্যানিকমেৰ, উপ্পন্নং ছহি ৰিঞ্ঞাণেহি ৰিঞ্ঞেয্যমেৰ, অনিচ্চমেৰ, জরাভিভূতমেৰ.

এৰং একৰিধেন রূপসঙ্গহো.

এককনিদ্দেসো.

দুকনিদ্দেসো

উপাদাভাজনীযং

৫৯৫. কতমং তং রূপং উপাদা? চক্খাযতনং, সোতাযতনং, ঘানাযতনং, জিৰ্হাযতনং, কাযাযতনং, রূপাযতনং, সদ্দাযতনং, গন্ধাযতনং, রসাযতনং, ইত্থিন্দ্রিযং, পুরিসিন্দ্রিযং, জীৰিতিন্দ্রিযং, কাযৰিঞ্ঞত্তি, ৰচীৰিঞ্ঞত্তি, আকাসধাতু, রূপস্স লহুতা, রূপস্স মুদুতা, রূপস্স কম্মঞ্ঞতা, রূপস্স উপচযো, রূপস্স সন্ততি, রূপস্স জরতা, রূপস্স অনিচ্চতা, কবল়ীকারো আহারো.

৫৯৬. কতমং তং রূপং চক্খাযতনং? যং চক্খু [চক্খুং (সী. স্যা.)] চতুন্নং মহাভূতানং উপাদায পসাদো অত্তভাৰপরিযাপন্নো অনিদস্সনো সপ্পটিঘো, যেন চক্খুনা অনিদস্সনেন সপ্পটিঘেন রূপং সনিদস্সনং সপ্পটিঘং পস্সি ৰা পস্সতি ৰা পস্সিস্সতি ৰা পস্সে ৰা, চক্খুং পেতং চক্খাযতনং পেতং চক্খুধাতু পেসা চক্খুন্দ্রিযং পেতং লোকো পেসো দ্ৰারা পেসা সমুদ্দো পেসো পণ্ডরং পেতং খেত্তং পেতং ৰত্থুং পেতং নেত্তং পেতং নযনং পেতং ওরিমং তীরং পেতং সুঞ্ঞো গামোপেসো – ইদং তং রূপং চক্খাযতনং.

৫৯৭. কতমং তং রূপং চক্খাযতনং? যং চক্খু চতুন্নং মহাভূতানং উপাদায পসাদো অত্তভাৰপরিযাপন্নো অনিদস্সনো সপ্পটিঘো, যম্হি চক্খুম্হি অনিদস্সনম্হি সপ্পটিঘম্হি রূপং সনিদস্সনং সপ্পটিঘং পটিহঞ্ঞি ৰা পটিহঞ্ঞতি ৰা পটিহঞ্ঞিস্সতি ৰা পটিহঞ্ঞে ৰা, চক্খুং পেতং চক্খাযতনং পেতং চক্খুধাতু পেসা চক্খুন্দ্রিযং পেতং লোকো পেসো দ্ৰারা পেসা সমুদ্দো পেসো পণ্ডরং পেতং খেত্তং পেতং ৰত্থুং পেতং নেত্তং পেতং নযনং পেতং ওরিমং তীরং পেতং সুঞ্ঞো গামো পেসো – ইদং তং রূপং চক্খাযতনং.

৫৯৮. কতমং তং রূপং চক্খাযতনং? যং চক্খু চতুন্নং মহাভূতানং উপাদায পসাদো অত্তভাৰপরিযাপন্নো অনিদস্সনো সপ্পটিঘো, যং চক্খু অনিদস্সনং সপ্পটিঘং রূপম্হি সনিদস্সনম্হি সপ্পটিঘম্হি পটিহঞ্ঞি ৰা পটিহঞ্ঞতি ৰা পটিহঞ্ঞিস্সতি ৰা পটিহঞ্ঞে ৰা, চক্খুং পেতং চক্খাযতনং পেতং চক্খুধাতু পেসা চক্খুন্দ্রিযং পেতং লোকো পেসো দ্ৰারা পেসা সমুদ্দো পেসো পণ্ডরং পেতং খেত্তং পেতং ৰত্থুং পেতং নেত্তং পেতং নযনং পেতং ওরিমং তীরং পেতং সুঞ্ঞো গামো পেসো – ইদং তং রূপং চক্খাযতনং.

৫৯৯. কতমং তং রূপং চক্খাযতনং? যং চক্খু চতুন্নং মহাভূতানং উপাদায পসাদো অত্তভাৰপরিযাপন্নো অনিদস্সনো সপ্পটিঘো, যং চক্খুং নিস্সায রূপং আরব্ভ চক্খুসম্ফস্সো উপ্পজ্জি ৰা উপ্পজ্জতি ৰা উপ্পজ্জিস্সতি ৰা উপ্পজ্জে ৰা…পে… যং চক্খুং নিস্সায রূপং আরব্ভ চক্খুসম্ফস্সজা ৰেদনা…পে… সঞ্ঞা…পে… চেতনা…পে… চক্খুৰিঞ্ঞাণং উপ্পজ্জি ৰা উপ্পজ্জতি ৰা উপ্পজ্জিস্সতি ৰা উপ্পজ্জে ৰা…পে… যং চক্খুং নিস্সায রূপারম্মণো চক্খুসম্ফস্সো উপ্পজ্জি ৰা উপ্পজ্জতি ৰা উপ্পজ্জিস্সতি ৰা উপ্পজ্জে ৰা…পে… যং চক্খুং নিস্সায রূপারম্মণা চক্খুসম্ফস্সজা ৰেদনা…পে… সঞ্ঞা…পে… চেতনা…পে… চক্খুৰিঞ্ঞাণং উপ্পজ্জি ৰা উপ্পজ্জতি ৰা উপ্পজ্জিস্সতি ৰা উপ্পজ্জে ৰা, চক্খুং পেতং চক্খাযতনং পেতং চক্খুধাতু পেসা চক্খুন্দ্রিযং পেতং লোকো পেসো দ্ৰারা পেসা সমুদ্দো পেসো পণ্ডরং পেতং খেত্তং পেতং ৰত্থুং পেতং নেত্তং পেতং নযনং পেতং ওরিমং তীরং পেতং সুঞ্ঞো গামো পেসো – ইদং তং রূপং চক্খাযতনং.

৬০০. কতমং তং রূপং সোতাযতনং? যং সোতং চতুন্নং মহাভূতানং উপাদায পসাদো অত্তভাৰপরিযাপন্নো অনিদস্সনো সপ্পটিঘো, যেন সোতেন অনিদস্সনেন সপ্পটিঘেন সদ্দং অনিদস্সনং সপ্পটিঘং সুণি ৰা সুণাতি ৰা সুণিস্সতি ৰা সুণে ৰা, সোতং পেতং সোতাযতনং পেতং সোতধাতু পেসা সোতিন্দ্রিযং পেতং লোকো পেসো দ্ৰারা পেসা সমুদ্দো পেসো পণ্ডরং পেতং খেত্তং পেতং ৰত্থুং পেতং ওরিমং তীরং পেতং সুঞ্ঞো গামো পেসো – ইদং তং রূপং সোতাযতনং.

৬০১. কতমং তং রূপং সোতাযতনং? যং সোতং চতুন্নং মহাভূতানং উপাদায পসাদো অত্তভাৰপরিযাপন্নো অনিদস্সনো সপ্পটিঘো, যম্হি সোতম্হি অনিদস্সনম্হি সপ্পটিঘম্হি সদ্দো অনিদস্সনো সপ্পটিঘো পটিহঞ্ঞি ৰা পটিহঞ্ঞতি ৰা পটিহঞ্ঞিস্সতি ৰা পটিহঞ্ঞে ৰা, সোতং পেতং সোতাযতনং পেতং সোতধাতু পেসা সোতিন্দ্রিযং পেতং লোকো পেসো দ্ৰারা পেসা সমুদ্দো পেসো পণ্ডরং পেতং খেত্তং পেতং ৰত্থুং পেতং ওরিমং তীরং পেতং সুঞ্ঞো গামো পেসো – ইদং তং রূপং সোতাযতনং.

৬০২. কতমং তং রূপং সোতাযতনং? যং সোতং চতুন্নং মহাভূতানং উপাদায পসাদো অত্তভাৰপরিযাপন্নো অনিদস্সনো সপ্পটিঘো, যং সোতং অনিদস্সনং সপ্পটিঘং সদ্দম্হি অনিদস্সনম্হি সপ্পটিঘম্হি পটিহঞ্ঞি ৰা পটিহঞ্ঞতি ৰা পটিহঞ্ঞিস্সতি ৰা পটিহঞ্ঞে ৰা, সোতং পেতং সোতাযতনং পেতং সোতধাতু পেসা সোতিন্দ্রিযং পেতং লোকো পেসো দ্ৰারা পেসা সমুদ্দো পেসো পণ্ডরং পেতং খেত্তং পেতং ৰত্থুং পেতং ওরিমং তীরং পেতং সুঞ্ঞো গামো পেসো – ইদং তং রূপং সোতাযতনং.

৬০৩. কতমং তং রূপং সোতাযতনং? যং সোতং চতুন্নং মহাভূতানং উপাদায পসাদো অত্তভাৰপরিযাপন্নো অনিদস্সনো সপ্পটিঘো, যং সোতং নিস্সায সদ্দং আরব্ভ সোতসম্ফস্সো উপ্পজ্জি ৰা উপ্পজ্জতি ৰা উপ্পজ্জিস্সতি ৰা উপ্পজ্জে ৰা…পে… যং সোতং নিস্সায সদ্দং আরব্ভ সোতসম্ফস্সজা ৰেদনা…পে… সঞ্ঞা…পে… চেতনা…পে… সোতৰিঞ্ঞাণং উপ্পজ্জি ৰা উপ্পজ্জতি ৰা উপ্পজ্জিস্সতি ৰা উপ্পজ্জে ৰা…পে… যং সোতং নিস্সায সদ্দারম্মণো সোতসম্ফস্সো উপ্পজ্জি ৰা উপ্পজ্জতি ৰা উপ্পজ্জিস্সতি ৰা উপ্পজ্জে ৰা…পে… যং সোতং নিস্সায সদ্দারম্মণা সোতসম্ফস্সজা ৰেদনা…পে… সঞ্ঞা…পে… চেতনা…পে… সোতৰিঞ্ঞাণং উপ্পজ্জি ৰা উপ্পজ্জতি ৰা উপ্পজ্জিস্সতি ৰা উপ্পজ্জে ৰা, সোতং পেতং সোতাযতনং পেতং সোতধাতু পেসা সোতিন্দ্রিযং পেতং লোকো পেসো দ্ৰারা পেসা সমুদ্দো পেসো পণ্ডরং পেতং খেত্তং পেতং ৰত্থুং পেতং ওরিমং তীরং পেতং সুঞ্ঞো গামো পেসো – ইদং তং রূপং সোতাযতনং.

৬০৪. কতমং তং রূপং ঘানাযতনং? যং ঘানং চতুন্নং মহাভূতানং উপাদায পসাদো অত্তভাৰপরিযাপন্নো অনিদস্সনো সপ্পটিঘো, যেন ঘানেন অনিদস্সনেন সপ্পটিঘেন গন্ধং অনিদস্সনং সপ্পটিঘং ঘাযি ৰা ঘাযতি ৰা ঘাযিস্সতি ৰা ঘাযে ৰা, ঘানং পেতং ঘানাযতনং পেতং ঘানধাতু পেসা ঘানিন্দ্রিযং পেতং লোকো পেসো দ্ৰারা পেসা সমুদ্দো পেসো পণ্ডরং পেতং খেত্তং পেতং ৰত্থুং পেতং ওরিমং তীরং পেতং সুঞ্ঞো গামো পেসো – ইদং তং রূপং ঘানাযতনং.

৬০৫. কতমং তং রূপং ঘানাযতনং? যং ঘানং চতুন্নং মহাভূতানং উপাদায পসাদো অত্তভাৰপরিযাপন্নো অনিদস্সনো সপ্পটিঘো, যম্হি ঘানম্হি অনিদস্সনম্হি সপ্পটিঘম্হি গন্ধো অনিদস্সনো সপ্পটিঘো পটিহঞ্ঞি ৰা পটিহঞ্ঞতি ৰা পটিহঞ্ঞিস্সতি ৰা পটিহঞ্ঞে ৰা, ঘানং পেতং ঘানাযতনং পেতং ঘানধাতু পেসা ঘানিন্দ্রিযং পেতং লোকো পেসো দ্ৰারা পেসা সমুদ্দো পেসো পণ্ডরং পেতং খেত্তং পেতং ৰত্থুং পেতং ওরিমং তীরং পেতং সুঞ্ঞো গামো পেসো – ইদং তং রূপং ঘানাযতনং.

৬০৬. কতমং তং রূপং ঘানাযতনং? যং ঘানং চতুন্নং মহাভূতানং উপাদায পসাদো অত্তভাৰপরিযাপন্নো অনিদস্সনো সপ্পটিঘো, যং ঘানং অনিদস্সনং সপ্পটিঘং গন্ধম্হি অনিদস্সনম্হি সপ্পটিঘম্হি পটিহঞ্ঞি ৰা পটিহঞ্ঞতি ৰা পটিহঞ্ঞিস্সতি ৰা পটিহঞ্ঞে ৰা, ঘানং পেতং ঘানাযতনং পেতং ঘানধাতু পেসা ঘানিন্দ্রিযং পেতং লোকো পেসো দ্ৰারা পেসা সমুদ্দো পেসো পণ্ডরং পেতং খেত্তং পেতং ৰত্থুং পেতং ওরিমং তীরং পেতং সুঞ্ঞো গামোপেসো – ইদং তং রূপং ঘানাযতনং.

৬০৭. কতমং তং রূপং ঘানাযতনং? যং ঘানং চতুন্নং মহাভূতানং উপাদায পসাদো অত্তভাৰপরিযাপন্নো অনিদস্সনো সপ্পটিঘো, যং ঘানং নিস্সায গন্ধং আরব্ভ ঘানসম্ফস্সো উপ্পজ্জি ৰা উপ্পজ্জতি ৰা উপ্পজ্জিস্সতি ৰা উপ্পজ্জে ৰা…পে… যং ঘানং নিস্সায গন্ধং আরব্ভ ঘানসম্ফস্সজা ৰেদনা…পে… সঞ্ঞা…পে… চেতনা…পে… ঘানৰিঞ্ঞাণং উপ্পজ্জি ৰা উপ্পজ্জতি ৰা উপ্পজ্জিস্সতি ৰা উপ্পজ্জে ৰা…পে… যং ঘানং নিস্সায গন্ধারম্মণো ঘানসম্ফস্সো উপ্পজ্জি ৰা উপ্পজ্জতি ৰা উপ্পজ্জিস্সতি ৰা উপ্পজ্জে ৰা…পে… যং ঘানং নিস্সায গন্ধারম্মণা ঘানসম্ফস্সজা ৰেদনা…পে… সঞ্ঞা…পে… চেতনা…পে… ঘানৰিঞ্ঞাণং উপ্পজ্জি ৰা উপ্পজ্জতি ৰা উপ্পজ্জিস্সতি ৰা উপ্পজ্জে ৰা, ঘানং পেতং ঘানাযতনং পেতং ঘানধাতু পেসা ঘানিন্দ্রিযং পেতং লোকো পেসো দ্ৰারা পেসা সমুদ্দো পেসো পণ্ডরং পেতং খেত্তং পেতং ৰত্থুং পেতং ওরিমং তীরং পেতং সুঞ্ঞো গামো পেসো – ইদং তং রূপং ঘানাযতনং.

৬০৮. কতমং তং রূপং জিৰ্হাযতনং? যা জিৰ্হা চতুন্নং মহাভূতানং উপাদায পসাদো অত্তভাৰপরিযাপন্নো অনিদস্সনো সপ্পটিঘো, যায জিৰ্হায অনিদস্সনায সপ্পটিঘায রসং অনিদস্সনং সপ্পটিঘং সাযি ৰা সাযতি ৰা সাযিস্সতি ৰা সাযে ৰা, জিৰ্হা পেসা জিৰ্হাযতনং পেতং জিৰ্হাধাতু পেসা জিৰ্হিন্দ্রিযং পেতং লোকো পেসো দ্ৰারা পেসা সমুদ্দো পেসো পণ্ডরং পেতং খেত্তং পেতং ৰত্থুং পেতং ওরিমং তীরং পেতং সুঞ্ঞো গামো পেসো – ইদং তং রূপং জিৰ্হাযতনং.

৬০৯. কতমং তং রূপং জিৰ্হাযতনং? যা জিৰ্হা চতুন্নং মহাভূতানং উপাদায পসাদো অত্তভাৰপরিযাপন্নো অনিদস্সনো সপ্পটিঘো, যায জিৰ্হায অনিদস্সনায সপ্পটিঘায রসো অনিদস্সনো সপ্পটিঘো পটিহঞ্ঞি ৰা পটিহঞ্ঞতি ৰা পটিহঞ্ঞিস্সতি ৰা পটিহঞ্ঞে ৰা, জিৰ্হা পেসা জিৰ্হাযতনং পেতং জিৰ্হাধাতু পেসা জিৰ্হিন্দ্রিযং পেতং লোকো পেসো দ্ৰারা পেসা সমুদ্দো পেসো পণ্ডরং পেতং খেত্তং পেতং ৰত্থুং পেতং ওরিমং তীরং পেতং সুঞ্ঞো গামো পেসো – ইদং তং রূপং জিৰ্হাযতনং.

৬১০. কতমং তং রূপং জিৰ্হাযতনং? যা জিৰ্হা চতুন্নং মহাভূতানং উপাদায পসাদো অত্তভাৰপরিযাপন্নো অনিদস্সনো সপ্পটিঘো, যা জিৰ্হা অনিদস্সনা সপ্পটিঘা রসম্হি অনিদস্সনম্হি সপ্পটিঘম্হি পটিহঞ্ঞি ৰা পটিহঞ্ঞতি ৰা পটিহঞ্ঞিস্সতি ৰা পটিহঞ্ঞে ৰা, জিৰ্হা পেসা জিৰ্হাযতনং পেতং জিৰ্হাধাতু পেসা জিৰ্হিন্দ্রিযং পেতং লোকো পেসো দ্ৰারা পেসা সমুদ্দো পেসো পণ্ডরং পেতং খেত্তং পেতং ৰত্থুং পেতং ওরিমং তীরং পেতং সুঞ্ঞো গামো পেসো – ইদং তং রূপং জিৰ্হাযতনং.

৬১১. কতমং তং রূপং জিৰ্হাযতনং? যা জিৰ্হা চতুন্নং মহাভূতানং উপাদায পসাদো অত্তভাৰপরিযাপন্নো অনিদস্সনো সপ্পটিঘো, যং জিৰ্হং নিস্সায রসং আরব্ভ জিৰ্হাসম্ফস্সো উপ্পজ্জি ৰা উপ্পজ্জতি ৰা উপ্পজ্জিস্সতি ৰা উপ্পজ্জে ৰা…পে… যং জিৰ্হং নিস্সায রসং আরব্ভ জিৰ্হাসম্ফস্সজা ৰেদনা…পে… সঞ্ঞা…পে… চেতনা…পে… জিৰ্হাৰিঞ্ঞাণং উপ্পজ্জি ৰা উপ্পজ্জতি ৰা উপ্পজ্জিস্সতি ৰা উপ্পজ্জে ৰা…পে… যং জিৰ্হং নিস্সায রসারম্মণো জিৰ্হাসম্ফস্সো উপ্পজ্জি ৰা উপ্পজ্জতি ৰা উপ্পজ্জিস্সতি ৰা উপ্পজ্জে ৰা…পে… যং জিৰ্হং নিস্সায রসারম্মণা জিৰ্হাসম্ফস্সজা ৰেদনা…পে… সঞ্ঞা…পে… চেতনা…পে… জিৰ্হাৰিঞ্ঞাণং উপ্পজ্জি ৰা উপ্পজ্জতি ৰা উপ্পজ্জিস্সতি ৰা উপ্পজ্জে ৰা, জিৰ্হা পেসা জিৰ্হাযতনং পেতং জিৰ্হাধাতু পেসা জিৰ্হিন্দ্রিযং পেতং লোকো পেসো দ্ৰারা পেসা সমুদ্দো পেসো পণ্ডরং পেতং খেত্তং পেতং ৰত্থুং পেতং ওরিমং তীরং পেতং সুঞ্ঞো গামো পেসো – ইদং তং রূপং জিৰ্হাযতনং.

৬১২. কতমং তং রূপং কাযাযতনং? যো কাযো চতুন্নং মহাভূতানং উপাদায পসাদো অত্তভাৰপরিযাপন্নো অনিদস্সনো সপ্পটিঘো, যেন কাযেন অনিদস্সনেন সপ্পটিঘেন ফোট্ঠব্বং অনিদস্সনসপ্পটিঘং ফুসি ৰা ফুসতি ৰা ফুসিস্সতি ৰা ফুসে ৰা, কাযো পেসো কাযাযতনং পেতং কাযধাতু পেসা কাযিন্দ্রিযং পেতং লোকো পেসো দ্ৰারা পেসা সমুদ্দো পেসো পণ্ডরং পেতং খেত্তং পেতং ৰত্থুং পেতং ওরিমং তীরং পেতং সুঞ্ঞো গামো পেসো – ইদং তং রূপং কাযাযতনং.

৬১৩. কতমং তং রূপং কাযাযতনং? যো কাযো চতুন্নং মহাভূতানং উপাদায পসাদো অত্তভাৰপরিযাপন্নো অনিদস্সনো সপ্পটিঘো, যম্হি কাযম্হি অনিদস্সনম্হি সপ্পটিঘম্হি ফোট্ঠব্বো অনিদস্সনো সপ্পটিঘো পটিহঞ্ঞি ৰা পটিহঞ্ঞতি ৰা পটিহঞ্ঞিস্সতি ৰা পটিহঞ্ঞে ৰা, কাযো পেসো কাযাযতনং পেতং কাযধাতু পেসা কাযিন্দ্রিযং পেতং লোকো পেসো দ্ৰারা পেসা সমুদ্দো পেসো পণ্ডরং পেতং খেত্তং পেতং ৰত্থুং পেতং ওরিমং তীরং পেতং সুঞ্ঞো গামো পেসো – ইদং তং রূপং কাযাযতনং.

৬১৪. কতমং তং রূপং কাযাযতনং? যো কাযো চতুন্নং মহাভূতানং উপাদায পসাদো অত্তভাৰপরিযাপন্নো অনিদস্সনো সপ্পটিঘো, যো কাযো অনিদস্সনো সপ্পটিঘো ফোট্ঠব্বম্হি অনিদস্সনম্হি সপ্পটিঘম্হি পটিহঞ্ঞি ৰা পটিহঞ্ঞতি ৰা পটিহঞ্ঞিস্সতি ৰা পটিহঞ্ঞে ৰা, কাযো পেসো কাযাযতনং পেতং কাযধাতু পেসা কাযিন্দ্রিযং পেতং লোকো পেসো দ্ৰারা পেসা সমুদ্দো পেসো পণ্ডরং পেতং খেত্তং পেতং ৰত্থুং পেতং ওরিমং তীরং পেতং সুঞ্ঞো গামো পেসো – ইদং তং রূপং কাযাযতনং.

৬১৫. কতমং তং রূপং কাযাযতনং? যো কাযো চতুন্নং মহাভূতানং উপাদায পসাদো অত্তভাৰপরিযাপন্নো অনিদস্সনো সপ্পটিঘো, যং কাযং নিস্সায ফোট্ঠব্বং আরব্ভ কাযসম্ফস্সো উপ্পজ্জি ৰা উপ্পজ্জতি ৰা উপ্পজ্জিস্সতি ৰা উপ্পজ্জে ৰা…পে… যং কাযং নিস্সায ফোট্ঠব্বং আরব্ভ কাযসম্ফস্সজা ৰেদনা…পে… সঞ্ঞা…পে… চেতনা…পে… কাযৰিঞ্ঞাণং উপ্পজ্জি ৰা উপ্পজ্জতি ৰা উপ্পজ্জিস্সতি ৰা উপ্পজ্জে ৰা…পে… যং কাযং নিস্সায ফোট্ঠব্বারম্মণো কাযসম্ফস্সো উপ্পজ্জি ৰা উপ্পজ্জতি ৰা উপ্পজ্জিস্সতি ৰা উপ্পজ্জে ৰা…পে… যং কাযং নিস্সায ফোট্ঠব্বারম্মণা কাযসম্ফস্সজা ৰেদনা…পে… সঞ্ঞা…পে… চেতনা…পে… কাযৰিঞ্ঞাণং উপ্পজ্জি ৰা উপ্পজ্জতি ৰা উপ্পজ্জিস্সতি ৰা উপ্পজ্জে ৰা, কাযো পেসো কাযাযতনং পেতং কাযধাতু পেসা কাযিন্দ্রিযং পেতং লোকো পেসো দ্ৰারা পেসা সমুদ্দো পেসো পণ্ডরং পেতং খেত্তং পেতং ৰত্থুং পেতং ওরিমং তীরং পেতং সুঞ্ঞো গামো পেসো – ইদং তং রূপং কাযাযতনং.

৬১৬. কতমং তং রূপং রূপাযতনং? যং রূপং চতুন্নং মহাভূতানং উপাদায ৰণ্ণনিভা সনিদস্সনং সপ্পটিঘং নীলং পীতকং লোহিতকং ওদাতং কাল়কং মঞ্জিট্ঠকং [মঞ্জেট্ঠকং (সী. স্যা.)] হরি হরিৰণ্ণং অম্বঙ্কুরৰণ্ণং দীঘং রস্সং অণুং থূলং ৰট্টং পরিমণ্ডলং চতুরংসং [চতুরস্সং (সী. ক.)] ছল়ংসং অট্ঠংসং সোল়সংসং নিন্নং থলং ছাযা আতপো আলোকো অন্ধকারো অব্ভা মহিকা ধূমো রজো চন্দমণ্ডলস্স ৰণ্ণনিভা সূরিযমণ্ডলস্স [সুরিযমণ্ডলস্স (সী. স্যা.)] ৰণ্ণনিভা তারকরূপানং ৰণ্ণনিভা আদাসমণ্ডলস্স ৰণ্ণনিভা মণিসঙ্খমুত্তাৰেল়ুরিযস্স ৰণ্ণনিভা জাতরূপরজতস্স ৰণ্ণনিভা, যং ৰা পনঞ্ঞম্পি অত্থি রূপং চতুন্নং মহাভূতানং উপাদায ৰণ্ণনিভা সনিদস্সনং সপ্পটিঘং, যং রূপং সনিদস্সনং সপ্পটিঘং চক্খুনা অনিদস্সনেন সপ্পটিঘেন পস্সি ৰা পস্সতি ৰা পস্সিস্সতি ৰা পস্সে ৰা, রূপং পেতং রূপাযতনং পেতং রূপধাতু পেসা – ইদং তং রূপং রূপাযতনং.

৬১৭. কতমং তং রূপং রূপাযতনং? যং রূপং চতুন্নং মহাভূতানং উপাদায ৰণ্ণনিভা সনিদস্সনং সপ্পটিঘং নীলং পীতকং লোহিতকং ওদাতং কাল়কং মঞ্জিট্ঠকং হরি হরিৰণ্ণং অম্বঙ্কুরৰণ্ণং দীঘং রস্সং অণুং থূলং ৰট্টং পরিমণ্ডলং চতুরংসং ছল়ংসং অট্ঠংসং সোল়সংসং নিন্নং থলং ছাযা আতপো আলোকো অন্ধকারো অব্ভা মহিকা ধূমো রজো চন্দমণ্ডলস্স ৰণ্ণনিভা সূরিযমণ্ডলস্স ৰণ্ণনিভা তারকরূপানং ৰণ্ণনিভা আদাসমণ্ডলস্স ৰণ্ণনিভা মণিসঙ্খমুত্তাৰেল়ুরিযস্স ৰণ্ণনিভা জাতরূপরজতস্স ৰণ্ণনিভা, যং ৰা পনঞ্ঞম্পি অত্থি রূপং চতুন্নং মহাভূতানং উপাদায ৰণ্ণনিভা সনিদস্সনং সপ্পটিঘং, যম্হি রূপম্হি সনিদস্সনম্হি সপ্পটিঘম্হি চক্খুং অনিদস্সনং সপ্পটিঘং পটিহঞ্ঞি ৰা পটিহঞ্ঞতি ৰা পটিহঞ্ঞিস্সতি ৰা পটিহঞ্ঞে ৰা, রূপং পেতং রূপাযতনং পেতং রূপধাতু পেসা – ইদং তং রূপং রূপাযতনং.

৬১৮. কতমং তং রূপং রূপাযতনং? যং রূপং চতুন্নং মহাভূতানং উপাদায ৰণ্ণনিভা সনিদস্সনং সপ্পটিঘং নীলং পীতকং লোহিতকং ওদাতং কাল়কং মঞ্জিট্ঠকং হরি হরিৰণ্ণং অম্বঙ্কুরৰণ্ণং দীঘং রস্সং অণুং থূলং ৰট্টং পরিমণ্ডলং চতুরংসং ছল়ংসং অট্ঠংসং সোল়সংসং নিন্নং থলং ছাযা আতপো আলোকো অন্ধকারো অব্ভা মহিকা ধূমো রজো চন্দমণ্ডলস্স ৰণ্ণনিভা সূরিযমণ্ডলস্স ৰণ্ণনিভা তারকরূপানং ৰণ্ণনিভা আদাসমণ্ডলস্স ৰণ্ণনিভা মণিসঙ্খমুত্তাৰেল়ুরিযস্স ৰণ্ণনিভা জাতরূপরজতস্স ৰণ্ণনিভা, যং ৰা পনঞ্ঞম্পি অত্থি রূপং চতুন্নং মহাভূতানং উপাদায ৰণ্ণনিভা সনিদস্সনং সপ্পটিঘং, যং রূপং সনিদস্সনং সপ্পটিঘং চক্খুম্হি অনিদস্সনম্হি সপ্পটিঘম্হি পটিহঞ্ঞি ৰা পটিহঞ্ঞতি ৰা পটিহঞ্ঞিস্সতি ৰা পটিহঞ্ঞে ৰা, রূপং পেতং রূপাযতনং পেতং রূপধাতু পেসা – ইদং তং রূপং রূপাযতনং.

৬১৯. কতমং তং রূপং রূপাযতনং? যং রূপং চতুন্নং মহাভূতানং উপাদায ৰণ্ণনিভা সনিদস্সনং সপ্পটিঘং নীলং পীতকং লোহিতকং ওদাতং কাল়কং মঞ্জিট্ঠকং হরি হরিৰণ্ণং অম্বঙ্কুরৰণ্ণং দীঘং রস্সং অণুং থূলং ৰট্টং পরিমণ্ডলং চতুরংসং ছল়ংসং অট্ঠংসং সোল়সংসং নিন্নং থলং ছাযা আতপো আলোকো অন্ধকারো অব্ভা মহিকা ধূমো রজো চন্দমণ্ডলস্স ৰণ্ণনিভা সূরিযমণ্ডলস্স ৰণ্ণনিভা তারকরূপানং ৰণ্ণনিভা আদাসমণ্ডলস্স ৰণ্ণনিভা মণিসঙ্খমুত্তাৰেল়ুরিযস্স ৰণ্ণনিভা জাতরূপরজতস্স ৰণ্ণনিভা, যং ৰা পনঞ্ঞম্পি অত্থি রূপং চতুন্নং মহাভূতানং উপাদায ৰণ্ণনিভা সনিদস্সনং সপ্পটিঘং, যং রূপং আরব্ভ চক্খুং নিস্সায চক্খুসম্ফস্সো উপ্পজ্জি ৰা উপ্পজ্জতি ৰা উপ্পজ্জিস্সতি ৰা উপ্পজ্জে ৰা…পে… যং রূপং আরব্ভ চক্খুং নিস্সায চক্খুসম্ফস্সজা ৰেদনা…পে… সঞ্ঞা…পে… চেতনা…পে… চক্খুৰিঞ্ঞাণং উপ্পজ্জি ৰা উপ্পজ্জতি ৰা উপ্পজ্জিস্সতি ৰা উপ্পজ্জে ৰা…পে… যং রূপারম্মণো চক্খুং নিস্সায চক্খুসম্ফস্সো উপ্পজ্জি ৰা উপ্পজ্জতি ৰা উপ্পজ্জিস্সতি ৰা উপ্পজ্জে ৰা…পে… যং রূপারম্মণা চক্খুং নিস্সায চক্খুসম্ফস্সজা ৰেদনা…পে… সঞ্ঞা…পে… চেতনা…পে… চক্খুৰিঞ্ঞাণং উপ্পজ্জি ৰা উপ্পজ্জতি ৰা উপ্পজ্জিস্সতি ৰা উপ্পজ্জে ৰা, রূপং পেতং রূপাযতনং পেতং রূপধাতু পেসা – ইদং তং রূপং রূপাযতনং.

৬২০. কতমং তং রূপং সদ্দাযতনং? যো সদ্দো চতুন্নং মহাভূতানং উপাদায অনিদস্সনো সপ্পটিঘো ভেরিসদ্দো মুদিঙ্গসদ্দো সঙ্খসদ্দো পণৰসদ্দো গীতসদ্দো ৰাদিতসদ্দো সম্মসদ্দো পাণিসদ্দো সত্তানং নিগ্ঘোসসদ্দো ধাতূনং সন্নিঘাতসদ্দো ৰাতসদ্দো উদকসদ্দো মনুস্সসদ্দো অমনুস্সসদ্দো, যো ৰা পনঞ্ঞোপি অত্থি সদ্দো চতুন্নং মহাভূতানং উপাদায অনিদস্সনো সপ্পটিঘো, যং সদ্দং অনিদস্সনং সপ্পটিঘং সোতেন অনিদস্সনেন সপ্পটিঘেন সুণি ৰা সুণাতি ৰা সুণিস্সতি ৰা সুণে ৰা, সদ্দো পেসো সদ্দাযতনং পেতং সদ্দধাতু পেসা – ইদং তং রূপং সদ্দাযতনং.

৬২১. কতমং তং রূপং সদ্দাযতনং? যো সদ্দো চতুন্নং মহাভূতানং উপাদায অনিদস্সনো সপ্পটিঘো ভেরিসদ্দো মুদিঙ্গসদ্দো সঙ্খসদ্দো পণৰসদ্দো গীতসদ্দো ৰাদিতসদ্দো সম্মসদ্দো পাণিসদ্দো সত্তানং নিগ্ঘোসসদ্দো ধাতূনং সন্নিঘাতসদ্দো ৰাতসদ্দো উদকসদ্দো মনুস্সসদ্দো অমনুস্সসদ্দো, যো ৰা পনঞ্ঞোপি অত্থি সদ্দো চতুন্নং মহাভূতানং উপাদায অনিদস্সনো সপ্পটিঘো, যম্হি সদ্দম্হি অনিদস্সনম্হি সপ্পটিঘম্হি সোতং অনিদস্সনং সপ্পটিঘং পটিহঞ্ঞি ৰা পটিহঞ্ঞতি ৰা পটিহঞ্ঞিস্সতি ৰা পটিহঞ্ঞে ৰা, সদ্দো পেসো সদ্দাযতনং পেতং সদ্দধাতু পেসা – ইদং তং রূপং সদ্দাযতনং.

৬২২. কতমং তং রূপং সদ্দাযতনং? যো সদ্দো চতুন্নং মহাভূতানং উপাদায অনিদস্সনো সপ্পটিঘো ভেরিসদ্দো মুদিঙ্গসদ্দো সঙ্খসদ্দো পণৰসদ্দো গীতসদ্দো ৰাদিতসদ্দো সম্মসদ্দো পাণিসদ্দো সত্তানং নিগ্ঘোসসদ্দো ধাতূনং সন্নিঘাতসদ্দো ৰাতসদ্দো উদকসদ্দো মনুস্সসদ্দো অমনুস্সসদ্দো, যো ৰা পনঞ্ঞোপি অত্থি সদ্দো চতুন্নং মহাভূতানং উপাদায অনিদস্সনো সপ্পটিঘো, যো সদ্দো অনিদস্সনো সপ্পটিঘো সোতম্হি অনিদস্সনম্হি সপ্পটিঘম্হি পটিহঞ্ঞি ৰা পটিহঞ্ঞতি ৰা পটিহঞ্ঞিস্সতি ৰা পটিহঞ্ঞে ৰা, সদ্দো পেসো সদ্দাযতনং পেতং সদ্দধাতু পেসা – ইদং তং রূপং সদ্দাযতনং.

৬২৩. কতমং তং রূপং সদ্দাযতনং? যো সদ্দো চতুন্নং মহাভূতানং উপাদায অনিদস্সনো সপ্পটিঘো ভেরিসদ্দো মুদিঙ্গসদ্দো সঙ্খসদ্দো পণৰসদ্দো গীতসদ্দো ৰাদিতসদ্দো সম্মসদ্দো পাণিসদ্দো সত্তানং নিগ্ঘোসসদ্দো ধাতূনং সন্নিঘাতসদ্দো ৰাতসদ্দো উদকসদ্দো মনুস্সসদ্দো অমনুস্সসদ্দো, যো ৰা পনঞ্ঞোপি অত্থি সদ্দো চতুন্নং মহাভূতানং উপাদায অনিদস্সনো সপ্পটিঘো, যং সদ্দং আরব্ভ সোতং নিস্সায সোতসম্ফস্সো উপ্পজ্জি ৰা উপ্পজ্জতি ৰা উপ্পজ্জিস্সতি ৰা উপ্পজ্জে ৰা…পে… যং সদ্দং আরব্ভ সোতং নিস্সায সোতসম্ফস্সজা ৰেদনা…পে… সঞ্ঞা…পে… চেতনা…পে… সোতৰিঞ্ঞাণং উপ্পজ্জি ৰা উপ্পজ্জতি ৰা উপ্পজ্জিস্সতি ৰা উপ্পজ্জে ৰা…পে… যং সদ্দারম্মণো সোতং নিস্সায সোতসম্ফস্সো উপ্পজ্জি ৰা উপ্পজ্জতি ৰা উপ্পজ্জিস্সতি ৰা উপ্পজ্জে ৰা…পে… যং সদ্দারম্মণা সোতং নিস্সায সোতসম্ফস্সজা ৰেদনা…পে… সঞ্ঞা…পে… চেতনা…পে… সোতৰিঞ্ঞাণং উপ্পজ্জি ৰা উপ্পজ্জতি ৰা উপ্পজ্জিস্সতি ৰা উপ্পজ্জে ৰা, সদ্দো পেসো সদ্দাযতনং পেতং সদ্দধাতু পেসা – ইদং তং রূপং সদ্দাযতনং.

৬২৪. কতমং তং রূপং গন্ধাযতনং? যো গন্ধো চতুন্নং মহাভূতানং উপাদায অনিদস্সনো সপ্পটিঘো মূলগন্ধো সারগন্ধো তচগন্ধো পত্তগন্ধো পুপ্ফগন্ধো ফলগন্ধো আমকগন্ধো ৰিস্সগন্ধো সুগন্ধো দুগ্গন্ধো, যো ৰা পনঞ্ঞোপি অত্থি গন্ধো চতুন্নং মহাভূতানং উপাদায অনিদস্সনো সপ্পটিঘো, যং গন্ধং অনিদস্সনং সপ্পটিঘং ঘানেন অনিদস্সনেন সপ্পটিঘেন ঘাযি ৰা ঘাযতি ৰা ঘাযিস্সতি ৰা ঘাযে ৰা, গন্ধো পেসো গন্ধাযতনং পেতং গন্ধধাতু পেসা – ইদং তং রূপং গন্ধাযতনং.

৬২৫. কতমং তং রূপং গন্ধাযতনং? যো গন্ধো চতুন্নং মহাভূতানং উপাদায অনিদস্সনো সপ্পটিঘো মূলগন্ধো সারগন্ধো তচগন্ধো পত্তগন্ধো পুপ্ফগন্ধো ফলগন্ধো আমকগন্ধো ৰিস্সগন্ধো সুগন্ধো দুগ্গন্ধো, যো ৰা পনঞ্ঞোপি অত্থি গন্ধো চতুন্নং মহাভূতানং উপাদায অনিদস্সনো সপ্পটিঘো, যম্হি গন্ধম্হি অনিদস্সনম্হি সপ্পটিঘম্হি ঘানং অনিদস্সনং সপ্পটিঘং পটিহঞ্ঞি ৰা পটিহঞ্ঞতি ৰা পটিহঞ্ঞিস্সতি ৰা পটিহঞ্ঞে ৰা, গন্ধো পেসো গন্ধাযতনং পেতং গন্ধধাতু পেসা – ইদং তং রূপং গন্ধাযতনং.

৬২৬. কতমং তং রূপং গন্ধাযতনং? যো গন্ধো চতুন্নং মহাভূতানং উপাদায অনিদস্সনো সপ্পটিঘো মূলগন্ধো সারগন্ধো তচগন্ধো পত্তগন্ধো পুপ্ফগন্ধো ফলগন্ধো আমকগন্ধো ৰিস্সগন্ধো সুগন্ধো দুগ্গন্ধো, যো ৰা পনঞ্ঞোপি অত্থি গন্ধো চতুন্নং মহাভূতানং উপাদায অনিদস্সনো সপ্পটিঘো, যো গন্ধো অনিদস্সনো সপ্পটিঘো ঘানম্হি অনিদস্সনম্হি সপ্পটিঘম্হি পটিহঞ্ঞি ৰা পটিহঞ্ঞতি ৰা পটিহঞ্ঞিস্সতি ৰা পটিহঞ্ঞে ৰা, গন্ধো পেসো গন্ধাযতনং পেতং গন্ধধাতু পেসা – ইদং তং রূপং গন্ধাযতনং.

৬২৭. কতমং তং রূপং গন্ধাযতনং? যো গন্ধো চতুন্নং মহাভূতানং উপাদায অনিদস্সনো সপ্পটিঘো মূলগন্ধো সারগন্ধো তচগন্ধো পত্তগন্ধো পুপ্ফগন্ধো ফলগন্ধো আমকগন্ধো ৰিস্সগন্ধো সুগন্ধো দুগ্গন্ধো, যো ৰা পনঞ্ঞোপি অত্থি গন্ধো চতুন্নং মহাভূতানং উপাদায অনিদস্সনো সপ্পটিঘো, যং গন্ধং আরব্ভ ঘানং নিস্সায ঘানসম্ফস্সো উপ্পজ্জি ৰা উপ্পজ্জতি ৰা উপ্পজ্জিস্সতি ৰা উপ্পজ্জে ৰা…পে… যং গন্ধং আরব্ভ ঘানং নিস্সায ঘানসম্ফস্সজা ৰেদনা…পে… সঞ্ঞা…পে… চেতনা…পে… ঘানৰিঞ্ঞাণং উপ্পজ্জি ৰা উপ্পজ্জতি ৰা উপ্পজ্জিস্সতি ৰা উপ্পজ্জে ৰা…পে… যং গন্ধারম্মণো ঘানং নিস্সায ঘানসম্ফস্সো উপ্পজ্জি ৰা উপ্পজ্জতি ৰা উপ্পজ্জিস্সতি ৰা উপ্পজ্জে ৰা…পে… যং গন্ধারম্মণা ঘানং নিস্সায ঘানসম্ফস্সজা ৰেদনা…পে… সঞ্ঞা…পে… চেতনা…পে… ঘানৰিঞ্ঞাণং উপ্পজ্জি ৰা উপ্পজ্জতি ৰা উপ্পজ্জিস্সতি ৰা উপ্পজ্জে ৰা, গন্ধো পেসো গন্ধাযতনং পেতং গন্ধধাতু পেসা – ইদং তং রূপং গন্ধাযতনং.

৬২৮. কতমং তং রূপং রসাযতনং? যো রসো চতুন্নং মহাভূতানং উপাদায অনিদস্সনো সপ্পটিঘো মূলরসো খন্ধরসো তচরসো পত্তরসো পুপ্ফরসো ফলরসো অম্বিলং মধুরং তিত্তকং কটুকং লোণিকং খারিকং লম্বিলং [লপিলকং (সী.)] কসাৰো সাদু অসাদু, যো ৰা পনঞ্ঞোপি অত্থি রসো চতুন্নং মহাভূতানং উপাদায অনিদস্সনো সপ্পটিঘো, যং রসং অনিদস্সনং সপ্পটিঘং জিৰ্হায অনিদস্সনায সপ্পটিঘায সাযি ৰা সাযতি ৰা সাযিস্সতি ৰা সাযে ৰা, রসো পেসো রসাযতনং পেতং রসধাতু পেসা – ইদং তং রূপং রসাযতনং.

৬২৯. কতমং তং রূপং রসাযতনং? যো রসো চতুন্নং মহাভূতানং উপাদায অনিদস্সনো সপ্পটিঘো মূলরসো খন্ধরসো তচরসো পত্তরসো পুপ্ফরসো ফলরসো অম্বিলং মধুরং তিত্তকং কটুকং লোণিকং খারিকং লম্বিলং কসাৰো সাদু অসাদু, যো ৰা পনঞ্ঞোপি অত্থি রসো চতুন্নং মহাভূতানং উপাদায অনিদস্সনো সপ্পটিঘো, যম্হি রসম্হি অনিদস্সনম্হি সপ্পটিঘম্হি জিৰ্হা অনিদস্সনা সপ্পটিঘা পটিহঞ্ঞি ৰা পটিহঞ্ঞতি ৰা পটিহঞ্ঞিস্সতি ৰা পটিহঞ্ঞে ৰা, রসো পেসো রসাযতনং পেতং রসধাতু পেসা – ইদং তং রূপং রসাযতনং.

৬৩০. কতমং তং রূপং রসাযতনং? যো রসো চতুন্নং মহাভূতানং উপাদায অনিদস্সনো সপ্পটিঘো মূলরসো খন্ধরসো তচরসো পত্তরসো পুপ্ফরসো ফলরসো অম্বিলং মধুরং তিত্তকং কটুকং লোণিকং খারিকং লম্বিলং কসাৰো সাদু অসাদু, যো ৰা পনঞ্ঞোপি অত্থি রসো চতুন্নং মহাভূতানং উপাদায অনিদস্সনো সপ্পটিঘো, যো রসো অনিদস্সনো সপ্পটিঘো জিৰ্হায অনিদস্সনায সপ্পটিঘায পটিহঞ্ঞি ৰা পটিহঞ্ঞতি ৰা পটিহঞ্ঞিস্সতি ৰা পটিহঞ্ঞে ৰা, রসো পেসো রসাযতনং পেতং রসধাতু পেসা – ইদং তং রূপং রসাযতনং.

৬৩১. কতমং তং রূপং রসাযতনং? যো রসো চতুন্নং মহাভূতানং উপাদায অনিদস্সনো সপ্পটিঘো মূলরসো খন্ধরসো তচরসো পত্তরসো পুপ্ফরসো ফলরসো অম্বিলং মধুরং তিত্তকং কটুকং লোণিকং খারিকং লম্বিলং কসাৰো সাদু অসাদু, যো ৰা পনঞ্ঞোপি অত্থি রসো চতুন্নং মহাভূতানং উপাদায অনিদস্সনো সপ্পটিঘো, যং রসং আরব্ভ জিৰ্হং নিস্সায জিৰ্হাসম্ফস্সো উপ্পজ্জি ৰা উপ্পজ্জতি ৰা উপ্পজ্জিস্সতি ৰা উপ্পজ্জে ৰা…পে… যং রসং আরব্ভ জিৰ্হং নিস্সায জিৰ্হাসম্ফস্সজা ৰেদনা…পে… সঞ্ঞা…পে… চেতনা…পে… জিৰ্হাৰিঞ্ঞাণং উপ্পজ্জি ৰা উপ্পজ্জতি ৰা উপ্পজ্জিস্সতি ৰা উপ্পজ্জে ৰা…পে… যং রসারম্মণো জিৰ্হং নিস্সায জিৰ্হাসম্ফস্সো উপ্পজ্জি ৰা উপ্পজ্জতি ৰা উপ্পজ্জিস্সতি ৰা উপ্পজ্জে ৰা…পে… যং রসারম্মণা জিৰ্হং নিস্সায জিৰ্হাসম্ফস্সজা ৰেদনা…পে… সঞ্ঞা…পে… চেতনা…পে… জিৰ্হাৰিঞ্ঞাণং উপ্পজ্জি ৰা উপ্পজ্জতি ৰা উপ্পজ্জিস্সতি ৰা উপ্পজ্জে ৰা, রসো পেসো রসাযতনং পেতং রসধাতু পেসা – ইদং তং রূপং রসাযতনং.

৬৩২. কতমং তং রূপং ইত্থিন্দ্রিযং? যং ইত্থিযা ইত্থিলিঙ্গং ইত্থিনিমিত্তং ইত্থিকুত্তং ইত্থাকপ্পো ইত্থত্তং ইত্থিভাৰো [ইত্থিত্তং ইত্থীভাৰো (স্যা.)] – ইদং তং রূপং ইত্থিন্দ্রিযং.

৬৩৩. কতমং তং রূপং পুরিসিন্দ্রিযং? যং পুরিসস্স পুরিসলিঙ্গং পুরিসনিমিত্তং পুরিসকুত্তং পুরিসাকপ্পো পুরিসত্তং পুরিসভাৰো – ইদং তং রূপং পুরিসিন্দ্রিযং.

৬৩৪. কতমং তং রূপং জীৰিতিন্দ্রিযং? যো তেসং রূপীনং ধম্মানং আযু ঠিতি যপনা যাপনা ইরিযনা ৰত্তনা পালনা জীৰিতং জীৰিতিন্দ্রিযং – ইদং তং রূপং জীৰিতিন্দ্রিযং.

৬৩৫. কতমং তং রূপং কাযৰিঞ্ঞত্তি? যা কুসলচিত্তস্স ৰা অকুসলচিত্তস্স ৰা অব্যাকতচিত্তস্স ৰা অভিক্কমন্তস্স ৰা পটিক্কমন্তস্স ৰা আলোকেন্তস্স ৰা ৰিলোকেন্তস্স ৰা সমিঞ্জেন্তস্স ৰা পসারেন্তস্স ৰা কাযস্স থম্ভনা সন্থম্ভনা সন্থম্ভিতত্তং ৰিঞ্ঞত্তি ৰিঞ্ঞাপনা ৰিঞ্ঞাপিতত্তং – ইদং তং রূপং কাযৰিঞ্ঞত্তি.

৬৩৬. কতমং তং রূপং ৰচীৰিঞ্ঞত্তি? যা কুসলচিত্তস্স ৰা অকুসলচিত্তস্স ৰা অব্যাকতচিত্তস্স ৰা ৰাচা গিরা ব্যপ্পথো উদীরণং ঘোসো ঘোসকম্মং ৰাচা ৰচীভেদো – অযং ৰুচ্চতি ৰাচা. যা তায ৰাচায ৰিঞ্ঞত্তি ৰিঞ্ঞাপনা ৰিঞ্ঞাপিতত্তং – ইদং তং রূপং ৰচীৰিঞ্ঞত্তি.

৬৩৭. কতমং তং রূপং আকাসধাতু? যো আকাসো আকাসগতং অঘং অঘগতং ৰিৰরো ৰিৰরগতং অসম্ফুট্ঠং চতূহি মহাভূতেহি – ইদং তং রূপং আকাসধাতু.

৬৩৮. কতমং তং রূপং রূপস্স লহুতা? যা রূপস্স লহুতা লহুপরিণামতা অদন্ধনতা অৰিত্থনতা – ইদং তং রূপং রূপস্স লহুতা.

৬৩৯. কতমং তং রূপং রূপস্স মুদুতা? যা রূপস্স মুদুতা মদ্দৰতা অকক্খল়তা অকথিনতা – ইদং তং রূপং রূপস্স মুদুতা.

৬৪০. কতমং তং রূপং রূপস্স কম্মঞ্ঞতা? যা রূপস্স কম্মঞ্ঞতা কম্মঞ্ঞত্তং কম্মঞ্ঞভাৰো – ইদং তং রূপং রূপস্স কম্মঞ্ঞতা.

৬৪১. কতমং তং রূপং রূপস্স উপচযো? যো আযতনানং আচযো, সো রূপস্স উপচযো – ইদং তং রূপং রূপস্স উপচযো.

৬৪২. কতমং তং রূপং রূপস্স সন্ততি? যো রূপস্স উপচযো, সা রূপস্স সন্ততি – ইদং তং রূপং রূপস্স সন্ততি.

৬৪৩. কতমং তং রূপং রূপস্স জরতা? যা রূপস্স জরা জীরণতা খণ্ডিচ্চং পালিচ্চং ৰলিত্তচতা আযুনো সংহানি ইন্দ্রিযানং পরিপাকো – ইদং তং রূপং রূপস্স জরতা.

৬৪৪. কতমং তং রূপং রূপস্স অনিচ্চতা? যো রূপস্স খযো ৰযো ভেদো পরিভেদো অনিচ্চতা অন্তরধানং – ইদং তং রূপং রূপস্স অনিচ্চতা.

৬৪৫. কতমং তং রূপং কবল়ীকারো আহারো? ওদনো কুম্মাসো সত্তু মচ্ছো মংসং খীরং দধি সপ্পি নৰনীতং তেলং মধু ফাণিতং, যং ৰা পনঞ্ঞম্পি অত্থি রূপং যম্হি যম্হি জনপদে তেসং তেসং সত্তানং মুখাসিযং দন্তৰিখাদনং গলজ্ঝোহরণীযং কুচ্ছিৰিত্থম্ভনং, যায ওজায সত্তা যাপেন্তি – ইদং তং রূপং কবল়ীকারো আহারো.

ইদং তং রূপং উপাদা.

উপাদাভাজনীযং.

রূপকণ্ডে পঠমভাণৰারো.

৬৪৬. কতমং তং রূপং নো উপাদা? ফোট্ঠব্বাযতনং, আপোধাতু.

৬৪৭. কতমং তং রূপং ফোট্ঠব্বাযতনং? পথৰীধাতু তেজোধাতু ৰাযোধাতু কক্খল়ং মুদুকং সণ্হং ফরুসং সুখসম্ফস্সং দুক্খসম্ফস্সং গরুকং লহুকং, যং ফোট্ঠব্বং অনিদস্সনং সপ্পটিঘং কাযেন অনিদস্সনেন সপ্পটিঘেন ফুসি ৰা ফুসতি ৰা ফুসিস্সতি ৰা ফুসে ৰা ফোট্ঠব্বো পেসো ফোট্ঠব্বাযতনং পেতং ফোট্ঠব্বধাতু পেসা – ইদং তং রূপং ফোট্ঠব্বাযতনং.

৬৪৮. কতমং তং রূপং ফোট্ঠব্বাযতনং? পথৰীধাতু তেজোধাতু ৰাযোধাতু কক্খল়ং মুদুকং সণ্হং ফরুসং সুখসম্ফস্সং দুক্খসম্ফস্সং গরুকং লহুকং, যম্হি ফোট্ঠব্বম্হি অনিদস্সনম্হি সপ্পটিঘম্হি কাযো অনিদস্সনো সপ্পটিঘো পটিহঞ্ঞি ৰা পটিহঞ্ঞতি ৰা পটিহঞ্ঞিস্সতি ৰা পটিহঞ্ঞে ৰা, ফোট্ঠব্বো পেসো ফোট্ঠব্বাযতনং পেতং ফোট্ঠব্বধাতু পেসা – ইদং তং রূপং ফোট্ঠব্বাযতনং.

৬৪৯. কতমং তং রূপং ফোট্ঠব্বাযতনং? পথৰীধাতু তেজোধাতু ৰাযোধাতু কক্খল়ং মুদুকং সণ্হং ফরুসং সুখসম্ফস্সং দুক্খসম্ফস্সং গরুকং লহুকং, যো ফোট্ঠব্বো অনিদস্সনো সপ্পটিঘো কাযম্হি অনিদস্সনম্হি সপ্পটিঘম্হি পটিহঞ্ঞি ৰা পটিহঞ্ঞতি ৰা পটিহঞ্ঞিস্সতি ৰা পটিহঞ্ঞে ৰা, ফোট্ঠব্বো পেসো ফোট্ঠব্বাযতনং পেতং ফোট্ঠব্বধাতু পেসা – ইদং তং রূপং ফোট্ঠব্বাযতনং.

৬৫০. কতমং তং রূপং ফোট্ঠব্বাযতনং? পথৰীধাতু তেজোধাতু ৰাযোধাতু কক্খল়ং মুদুকং সণ্হং ফরুসং সুখসম্ফস্সং দুক্খসম্ফস্সং গরুকং লহুকং, যং ফোট্ঠব্বং আরব্ভ কাযং নিস্সায কাযসম্ফস্সো উপ্পজ্জি ৰা উপ্পজ্জতি ৰা উপ্পজ্জিস্সতি ৰা উপ্পজ্জে ৰা…পে… যং ফোট্ঠব্বং আরব্ভ কাযং নিস্সায কাযসম্ফস্সজা ৰেদনা…পে… সঞ্ঞা…পে… চেতনা…পে… কাযৰিঞ্ঞাণং উপ্পজ্জি ৰা উপ্পজ্জতি ৰা উপ্পজ্জিস্সতি ৰা উপ্পজ্জে ৰা…পে… যং ফোট্ঠব্বারম্মণো কাযং নিস্সায কাযসম্ফস্সো উপ্পজ্জি ৰা উপ্পজ্জতি ৰা উপ্পজ্জিস্সতি ৰা উপ্পজ্জে ৰা…পে… যং ফোট্ঠব্বারম্মণা কাযং নিস্সায কাযসম্ফস্সজা ৰেদনা…পে… সঞ্ঞা…পে… চেতনা…পে… কাযৰিঞ্ঞাণং উপ্পজ্জি ৰা উপ্পজ্জতি ৰা উপ্পজ্জিস্সতি ৰা উপ্পজ্জে ৰা, ফোট্ঠব্বো পেসো ফোট্ঠব্বাযতনং পেতং ফোট্ঠব্বধাতু পেসা – ইদং তং রূপং ফোট্ঠব্বাযতনং.

৬৫১. কতমং তং রূপং আপোধাতু? যং আপো আপোগতং সিনেহো সিনেহগতং বন্ধনত্তং রূপস্স – ইদং তং রূপং আপোধাতু.

ইদং তং রূপং নো উপাদা.

৬৫২. কতমং তং রূপং উপাদিণ্ণং? চক্খাযতনং সোতাযতনং ঘানাযতনং জিৰ্হাযতনং কাযাযতনং ইত্থিন্দ্রিযং পুরিসিন্দ্রিযং জীৰিতিন্দ্রিযং, যং ৰা পনঞ্ঞম্পি অত্থি রূপং কম্মস্স কতত্তা রূপাযতনং গন্ধাযতনং রসাযতনং ফোট্ঠব্বাযতনং আকাসধাতু আপোধাতু রূপস্স উপচযো রূপস্স সন্ততি কবল়ীকারো আহারো – ইদং তং রূপং উপাদিণ্ণং.

৬৫৩. কতমং তং রূপং অনুপাদিণ্ণং? সদ্দাযতনং কাযৰিঞ্ঞত্তি ৰচীৰিঞ্ঞত্তি রূপস্স লহুতা রূপস্স মুদুতা রূপস্স কম্মঞ্ঞতা রূপস্স জরতা রূপস্স অনিচ্চতা, যং ৰা পনঞ্ঞম্পি অত্থি রূপং ন কম্মস্স কতত্তা রূপাযতনং গন্ধাযতনং রসাযতনং ফোট্ঠব্বাযতনং আকাসধাতু আপোধাতু রূপস্স উপচযো রূপস্স সন্ততি কবল়ীকারো আহারো – ইদং তং রূপং অনুপাদিণ্ণং.

৬৫৪. কতমং তং রূপং উপাদিণ্ণুপাদানিযং? চক্খাযতনং…পে… কাযাযতনং ইত্থিন্দ্রিযং পুরিসিন্দ্রিযং জীৰিতিন্দ্রিযং, যং ৰা পনঞ্ঞম্পি অত্থি রূপং কম্মস্স কতত্তা রূপাযতনং গন্ধাযতনং রসাযতনং ফোট্ঠব্বাযতনং আকাসধাতু আপোধাতু রূপস্স উপচযো রূপস্স সন্ততি কবল়ীকারো আহারো – ইদং তং রূপং উপাদিণ্ণুপাদানিযং.

৬৫৫. কতমং তং রূপং অনুপাদিণ্ণুপাদানিযং? সদ্দাযতনং কাযৰিঞ্ঞত্তি ৰচীৰিঞ্ঞত্তি রূপস্স লহুতা রূপস্স মুদুতা রূপস্স কম্মঞ্ঞতা রূপস্স জরতা রূপস্স অনিচ্চতা, যং ৰা পনঞ্ঞম্পি অত্থি রূপং ন কম্মস্স কতত্তা, রূপাযতনং গন্ধাযতনং রসাযতনং ফোট্ঠব্বাযতনং আকাসধাতু আপোধাতু রূপস্স উপচযো রূপস্স সন্ততি কবল়ীকারো আহারো – ইদং তং রূপং অনুপাদিণ্ণুপাদানিযং.

৬৫৬. কতমং তং রূপং সনিদস্সনং? রূপাযতনং – ইদং তং রূপং সনিদস্সনং.

৬৫৭. কতমং তং রূপং অনিদস্সনং? চক্খাযতনং…পে… কবল়ীকারো আহারো – ইদং তং রূপং অনিদস্সনং.

৬৫৮. কতমং তং রূপং সপ্পটিঘং? চক্খাযতনং সোতাযতনং ঘানাযতনং জিৰ্হাযতনং কাযাযতনং রূপাযতনং সদ্দাযতনং গন্ধাযতনং রসাযতনং ফোট্ঠব্বাযতনং – ইদং তং রূপং সপ্পটিঘং.

৬৫৯. কতমং তং রূপং অপ্পটিঘং? ইত্থিন্দ্রিযং…পে… কবল়ীকারো আহারো – ইদং তং রূপং অপ্পটিঘং.

৬৬০. কতমং তং রূপং ইন্দ্রিযং? চক্খুন্দ্রিযং সোতিন্দ্রিযং ঘানিন্দ্রিযং জিৰ্হিন্দ্রিযং কাযিন্দ্রিযং ইত্থিন্দ্রিযং পুরিসিন্দ্রিযং জীৰিতিন্দ্রিযং – ইদং তং রূপং ইন্দ্রিযং.

৬৬১. কতমং তং রূপং ন ইন্দ্রিযং? রূপাযতনং…পে… কবল়ীকারো আহারো – ইদং তং রূপং ন ইন্দ্রিযং.

৬৬২. কতমং তং রূপং মহাভূতং? ফোট্ঠব্বাযতনং আপোধাতু – ইদং তং রূপং মহাভূতং.

৬৬৩. কতমং তং রূপং ন মহাভূতং? চক্খাযতনং…পে… কবল়ীকারো আহারো – ইদং তং রূপং ন মহাভূতং.

৬৬৪. কতমং তং রূপং ৰিঞ্ঞত্তি? কাযৰিঞ্ঞত্তি ৰচীৰিঞ্ঞত্তি – ইদং তং রূপং ৰিঞ্ঞত্তি.

৬৬৫. কতমং তং রূপং ন ৰিঞ্ঞত্তি? চক্খাযতনং…পে… কবল়ীকারো আহারো – ইদং তং রূপং ন ৰিঞ্ঞত্তি.

৬৬৬. কতমং তং রূপং চিত্তসমুট্ঠানং? কাযৰিঞ্ঞত্তি ৰচীৰিঞ্ঞত্তি যং ৰা পনঞ্ঞম্পি অত্থি রূপং চিত্তজং চিত্তহেতুকং চিত্তসমুট্ঠানং রূপাযতনং সদ্দাযতনং গন্ধাযতনং রসাযতনং ফোট্ঠব্বাযতনং আকাসধাতু আপোধাতু রূপস্স লহুতা রূপস্স মুদুতা রূপস্স কম্মঞ্ঞতা রূপস্স উপচযো রূপস্স সন্ততি কবল়ীকারো আহারো – ইদং তং রূপং চিত্তসমুট্ঠানং.

৬৬৭. কতমং তং রূপং ন চিত্তসমুট্ঠানং? চক্খাযতনং…পে… কাযাযতনং ইত্থিন্দ্রিযং পুরিসিন্দ্রিযং জীৰিতিন্দ্রিযং রূপস্স জরতা রূপস্স অনিচ্চতা, যং ৰা পনঞ্ঞম্পি অত্থি রূপং ন চিত্তজং ন চিত্তহেতুকং ন চিত্তসমুট্ঠানং রূপাযতনং সদ্দাযতনং গন্ধাযতনং রসাযতনং ফোট্ঠব্বাযতনং আকাসধাতু আপোধাতু রূপস্স লহুতা রূপস্স মুদুতা রূপস্স কম্মঞ্ঞতা রূপস্স উপচযো রূপস্স সন্ততি কবল়ীকারো আহারো – ইদং তং রূপং ন চিত্তসমুট্ঠানং.

৬৬৮. কতমং তং রূপং চিত্তসহভু? কাযৰিঞ্ঞত্তি ৰচীৰিঞ্ঞত্তি – ইদং তং রূপং চিত্তসহভু.

৬৬৯. কতমং তং রূপং ন চিত্তসহভু? চক্খাযতনং…পে… কবল়ীকারো আহারো – ইদং তং রূপং ন চিত্তসহভু.

৬৭০. কতমং তং রূপং চিত্তানুপরিৰত্তি? কাযৰিঞ্ঞত্তি ৰচীৰিঞ্ঞত্তি – ইদং তং রূপং চিত্তানুপরিৰত্তি.

৬৭১. কতমং তং রূপং ন চিত্তানুপরিৰত্তি? চক্খাযতনং…পে… কবল়ীকারো আহারো – ইদং তং রূপং ন চিত্তানুপরিৰত্তি.

৬৭২. কতমং তং রূপং অজ্ঝত্তিকং? চক্খাযতনং…পে… কাযাযতনং – ইদং তং রূপং অজ্ঝত্তিকং.

৬৭৩. কতমং তং রূপং বাহিরং? রূপাযতনং…পে… কবল়ীকারো আহারো – ইদং তং রূপং বাহিরং.

৬৭৪. কতমং তং রূপং ওল়ারিকং? চক্খাযতনং…পে… ফোট্ঠব্বাযতনং – ইদং তং রূপং ওল়ারিকং.

৬৭৫. কতমং তং রূপং সুখুমং? ইত্থিন্দ্রিযং…পে… কবল়ীকারো আহারো – ইদং তং রূপং সুখুমং.

৬৭৬. কতমং তং রূপং দূরে? ইত্থিন্দ্রিযং…পে… কবল়ীকারো আহারো – ইদং তং রূপং দূরে.

৬৭৭. কতমং তং রূপং সন্তিকে? চক্খাযতনং…পে… ফোট্ঠব্বাযতনং – ইদং তং রূপং সন্তিকে.

৬৭৮. কতমং তং রূপং চক্খুসম্ফস্সস্স ৰত্থু? চক্খাযতনং – ইদং তং রূপং চক্খুসম্ফস্সস্স ৰত্থু.

৬৭৯. কতমং তং রূপং চক্খুসম্ফস্সস্স ন ৰত্থু? সোতাযতনং…পে… কবল়ীকারো আহারো – ইদং তং রূপং চক্খুসম্ফস্সস্স ন ৰত্থু.

৬৮০. কতমং তং রূপং চক্খুসম্ফস্সজায ৰেদনায…পে… সঞ্ঞায…পে… চেতনায …পে… চক্খুৰিঞ্ঞাণস্স ৰত্থু? চক্খাযতনং – ইদং তং রূপং চক্খুৰিঞ্ঞাণস্স ৰত্থু.

৬৮১. কতমং তং রূপং চক্খুৰিঞ্ঞাণস্স ন ৰত্থু? সোতাযতনং…পে… কবল়ীকারো আহারো – ইদং তং রূপং চক্খুৰিঞ্ঞাণস্স ন ৰত্থু.

৬৮২. কতমং তং রূপং সোতসম্ফস্সস্স…পে… ঘানসম্ফস্সস্স…পে… জিৰ্হাসম্ফস্সস্স…পে… কাযসম্ফস্সস্স ৰত্থু? কাযাযতনং – ইদং তং রূপং কাযসম্ফস্সস্স ৰত্থু.

৬৮৩. কতমং তং রূপং কাযসম্ফস্সস্স ন ৰত্থু? চক্খাযতনং…পে… কবল়ীকারো আহারো – ইদং তং রূপং কাযসম্ফস্সস্স ন ৰত্থু.

৬৮৪. কতমং তং রূপং কাযসম্ফস্সজায ৰেদনায…পে… সঞ্ঞায…পে… চেতনায…পে… কাযৰিঞ্ঞাণস্স ৰত্থু? কাযাযতনং – ইদং তং রূপং কাযৰিঞ্ঞাণস্স ৰত্থু.

৬৮৫. কতমং তং রূপং কাযৰিঞ্ঞাণস্স ন ৰত্থু? চক্খাযতনং…পে… কবল়ীকারো আহারো – ইদং তং রূপং কাযৰিঞ্ঞাণস্স ন ৰত্থু.

৬৮৬. কতমং তং রূপং চক্খুসম্ফস্সস্স আরম্মণং? রূপাযতনং – ইদং তং রূপং চক্খুসম্ফস্সস্স আরম্মণং.

৬৮৭. কতমং তং রূপং চক্খুসম্ফস্সস্স ন আরম্মণং? চক্খাযতনং…পে… কবল়ীকারো আহারো – ইদং তং রূপং চক্খুসম্ফস্সস্স ন আরম্মণং.

৬৮৮. কতমং তং রূপং চক্খুসম্ফস্সজায ৰেদনায…পে… সঞ্ঞায…পে… চেতনায…পে… চক্খুৰিঞ্ঞাণস্স আরম্মণং? রূপাযতনং – ইদং তং রূপং চক্খুৰিঞ্ঞাণস্স আরম্মণং.

৬৮৯. কতমং তং রূপং চক্খুৰিঞ্ঞাণস্স ন আরম্মণং? চক্খাযতনং…পে… কবল়ীকারো আহারো – ইদং তং রূপং চক্খুৰিঞ্ঞাণস্স ন আরম্মণং.

৬৯০. কতমং তং রূপং সোতসম্ফস্সস্স…পে… ঘানসম্ফস্সস্স …পে… জিৰ্হাসম্ফস্সস্স…পে… কাযসম্ফস্সস্স আরম্মণং? ফোট্ঠব্বাযতনং – ইদং তং রূপং কাযসম্ফস্সস্স আরম্মণং.

৬৯১. কতমং তং রূপং কাযসম্ফস্সস্স ন আরম্মণং? চক্খাযতনং…পে… কবল়ীকারো আহারো – ইদং তং রূপং কাযসম্ফস্সস্স ন আরম্মণং.

৬৯২. কতমং তং রূপং কাযসম্ফস্সজায ৰেদনায…পে… সঞ্ঞায…পে… চেতনায…পে… কাযৰিঞ্ঞাণস্স আরম্মণং? ফোট্ঠব্বাযতনং – ইদং তং রূপং কাযৰিঞ্ঞাণস্স আরম্মণং.

৬৯৩. কতমং তং রূপং কাযৰিঞ্ঞাণস্স ন আরম্মণং? চক্খাযতনং…পে… কবল়ীকারো আহারো – ইদং তং রূপং কাযৰিঞ্ঞাণস্স ন আরম্মণং.

৬৯৪. কতমং তং রূপং চক্খাযতনং? যং চক্খু চতুন্নং মহাভূতানং উপাদায পসাদো…পে… সুঞ্ঞো গামো পেসো – ইদং তং রূপং চক্খাযতনং.

৬৯৫. কতমং তং রূপং ন চক্খাযতনং? সোতাযতনং…পে… কবল়ীকারো আহারো – ইদং তং রূপং ন চক্খাযতনং.

৬৯৬. কতমং তং রূপং সোতাযতনং…পে… ঘানাযতনং…পে… জিৰ্হাযতনং…পে… কাযাযতনং? যো কাযো চতুন্নং মহাভূতানং উপাদায পসাদো…পে… সুঞ্ঞো গামো পেসো – ইদং তং রূপং কাযাযতনং.

৬৯৭. কতমং তং রূপং ন কাযাযতনং? চক্খাযতনং…পে… কবল়ীকারো আহারো – ইদং তং রূপং ন কাযাযতনং.

৬৯৮. কতমং তং রূপং রূপাযতনং? যং রূপং চতুন্নং মহাভূতানং উপাদায ৰণ্ণনিভা…পে… রূপধাতু পেসা – ইদং তং রূপং রূপাযতনং.

৬৯৯. কতমং তং রূপং ন রূপাযতনং? চক্খাযতনং…পে… কবল়ীকারো আহারো – ইদং তং রূপং ন রূপাযতনং.

৭০০. কতমং তং রূপং সদ্দাযতনং…পে… গন্ধাযতনং …পে… রসাযতনং…পে… ফোট্ঠব্বাযতনং? পথৰীধাতু…পে… ফোট্ঠব্বধাতু পেসা – ইদং তং রূপং ফোট্ঠব্বাযতনং.

৭০১. কতমং তং রূপং ন ফোট্ঠব্বাযতনং? চক্খাযতনং…পে… কবল়ীকারো আহারো – ইদং তং রূপং ন ফোট্ঠব্বাযতনং.

৭০২. কতমং তং রূপং চক্খুধাতু? চক্খাযতনং – ইদং তং রূপং চক্খুধাতু.

৭০৩. কতমং তং রূপং ন চক্খুধাতু? সোতাযতনং…পে… কবল়ীকারো আহারো – ইদং তং রূপং ন চক্খুধাতু.

৭০৪. কতমং তং রূপং সোতধাতু…পে… ঘানধাতু…পে… জিৰ্হাধাতু…পে… কাযধাতু? কাযাযতনং – ইদং তং রূপং কাযধাতু.

৭০৫. কতমং তং রূপং ন কাযধাতু? চক্খাযতনং…পে… কবল়ীকারো আহারো – ইদং তং রূপং ন কাযধাতু.

৭০৬. কতমং তং রূপং রূপধাতু? রূপাযতনং – ইদং তং রূপং রূপধাতু.

৭০৭. কতমং তং রূপং ন রূপধাতু? চক্খাযতনং…পে… কবল়ীকারো আহারো – ইদং তং রূপং ন রূপধাতু.

৭০৮. কতমং তং রূপং সদ্দধাতু…পে… গন্ধধাতু…পে… রসধাতু…পে… ফোট্ঠব্বধাতু? ফোট্ঠব্বাযতনং – ইদং তং রূপং ফোট্ঠব্বধাতু.

৭০৯. কতমং তং রূপং ন ফোট্ঠব্বধাতু? চক্খাযতনং…পে… কবল়ীকারো আহারো – ইদং তং রূপং ন ফোট্ঠব্বধাতু.

৭১০. কতমং তং রূপং চক্খুন্দ্রিযং? যং চক্খু চতুন্নং মহাভূতানং উপাদায পসাদো…পে… সুঞ্ঞো গামো পেসো – ইদং তং রূপং চক্খুন্দ্রিযং.

৭১১. কতমং তং রূপং ন চক্খুন্দ্রিযং? সোতাযতনং…পে… কবল়ীকারো আহারো – ইদং তং রূপং ন চক্খুন্দ্রিযং.

৭১২. কতমং তং রূপং সোতিন্দ্রিযং…পে… ঘানিন্দ্রিযং…পে… জিৰ্হিন্দ্রিযং…পে… কাযিন্দ্রিযং? যো কাযো চতুন্নং মহাভূতানং উপাদায পসাদো…পে… সুঞ্ঞো গামো পেসো – ইদং তং রূপং কাযিন্দ্রিযং.

৭১৩. কতমং তং রূপং ন কাযিন্দ্রিযং? চক্খাযতনং…পে… কবল়ীকারো আহারো – ইদং তং রূপং ন কাযিন্দ্রিযং.

৭১৪. কতমং তং রূপং ইত্থিন্দ্রিযং? যং ইত্থিযা ইত্থিলিঙ্গং ইত্থিনিমিত্তং ইত্থিকুত্তং ইত্থাকপ্পো ইত্থত্তং ইত্থিভাৰো – ইদং তং রূপং ইত্থিন্দ্রিযং.

৭১৫. কতমং তং রূপং ন ইত্থিন্দ্রিযং? চক্খাযতনং…পে… কবল়ীকারো আহারো – ইদং তং রূপং ন ইত্থিন্দ্রিযং.

৭১৬. কতমং তং রূপং পুরিসিন্দ্রিযং? যং পুরিসস্স পুরিসলিঙ্গং পুরিসনিমিত্তং পুরিসকুত্তং পুরিসাকপ্পো পুরিসত্তং পুরিসভাৰো – ইদং তং রূপং পুরিসিন্দ্রিযং.

৭১৭. কতমং তং রূপং ন পুরিসিন্দ্রিযং? চক্খাযতনং…পে… কবল়ীকারো আহারো – ইদং তং রূপং ন পুরিসিন্দ্রিযং.

৭১৮. কতমং তং রূপং জীৰিতিন্দ্রিযং? যো তেসং রূপীনং ধম্মানং আযু ঠিতি যপনা যাপনা ইরিযনা ৰত্তনা পালনা জীৰিতং জীৰিতিন্দ্রিযং – ইদং তং রূপং জীৰিতিন্দ্রিযং.

৭১৯. কতমং তং রূপং ন জীৰিতিন্দ্রিযং? চক্খাযতনং…পে… কবল়ীকারো আহারো – ইদং তং রূপং ন জীৰিতিন্দ্রিযং.

৭২০. কতমং তং রূপং কাযৰিঞ্ঞত্তি? যা কুসলচিত্তস্স ৰা অকুসলচিত্তস্স ৰা অব্যাকতচিত্তস্স ৰা অভিক্কমন্তস্স ৰা পটিক্কমন্তস্স ৰা আলোকেন্তস্স ৰা ৰিলোকেন্তস্স ৰা সমিঞ্জেন্তস্স ৰা পসারেন্তস্স ৰা কাযস্স থম্ভনা সন্থম্ভনা সন্থম্ভিতত্তং ৰিঞ্ঞত্তি ৰিঞ্ঞাপনা ৰিঞ্ঞাপিতত্তং – ইদং তং রূপং কাযৰিঞ্ঞত্তি.

৭২১. কতমং তং রূপং ন কাযৰিঞ্ঞত্তি? চক্খাযতনং…পে… কবল়ীকারো আহারো – ইদং তং রূপং ন কাযৰিঞ্ঞত্তি.

৭২২. কতমং তং রূপং ৰচীৰিঞ্ঞত্তি? যা কুসলচিত্তস্স ৰা অকুসলচিত্তস্স ৰা অব্যাকতচিত্তস্স ৰা ৰাচা গিরা ব্যপ্পথো উদীরণং ঘোসো ঘোসকম্মং ৰাচা ৰচীভেদো, অযং ৰুচ্চতি ৰাচা. যা তায ৰাচায ৰিঞ্ঞত্তি ৰিঞ্ঞাপনা ৰিঞ্ঞাপিতত্তং – ইদং তং রূপং ৰচীৰিঞ্ঞত্তি.

৭২৩. কতমং তং রূপং ন ৰচীৰিঞ্ঞত্তি? চক্খাযতনং…পে… কবল়ীকারো আহারো – ইদং তং রূপং ন ৰচীৰিঞ্ঞত্তি.

৭২৪. কতমং তং রূপং আকাসধাতু? যো আকাসো আকাসগতং অঘং অঘগতং ৰিৰরো ৰিৰরগতং অসম্ফুট্ঠং চতূহি মহাভূতেহি – ইদং তং রূপং আকাসধাতু.

৭২৫. কতমং তং রূপং ন আকাসধাতু? চক্খাযতনং …পে… কবল়ীকারো আহারো – ইদং তং রূপং ন আকাসধাতু.

৭২৬. কতমং তং রূপং আপোধাতু? যং আপো আপোগতং সিনেহো সিনেহগতং বন্ধনত্তং রূপস্স – ইদং তং রূপং আপোধাতু.

৭২৭. কতমং তং রূপং ন আপোধাতু? চক্খাযতনং…পে… কবল়ীকারো আহারো – ইদং তং রূপং ন আপোধাতু.

৭২৮. কতমং তং রূপং রূপস্স লহুতা? যা রূপস্স লহুতা লহুপরিণামতা অদন্ধনতা অৰিত্থনতা – ইদং তং রূপং রূপস্স লহুতা.

৭২৯. কতমং তং রূপং রূপস্স ন লহুতা? চক্খাযতনং…পে… কবল়ীকারো আহারো – ইদং তং রূপং রূপস্স ন লহুতা.

৭৩০. কতমং তং রূপং রূপস্স মুদুতা? যা রূপস্স মুদুতা মদ্দৰতা অকক্খল়তা অকথিনতা – ইদং তং রূপং রূপস্স মুদুতা.

৭৩১. কতমং তং রূপং রূপস্স ন মুদুতা? চক্খাযতনং…পে… কবল়ীকারো আহারো – ইদং তং রূপং রূপস্স ন মুদুতা.

৭৩২. কতমং তং রূপং রূপস্স কম্মঞ্ঞতা? যা রূপস্স কম্মঞ্ঞতা কম্মঞ্ঞত্তং কম্মঞ্ঞভাৰো – ইদং তং রূপং রূপস্স কম্মঞ্ঞতা.

৭৩৩. কতমং তং রূপং রূপস্স ন কম্মঞ্ঞতা? চক্খাযতনং…পে… কবল়ীকারো আহারো – ইদং তং রূপং রূপস্স ন কম্মঞ্ঞতা.