৫. তিকং

২৫৭. কুসলা ধম্মা… অকুসলা ধম্মা কতিহি খন্ধেহি কতিহাযতনেহি কতিহি ধাতূহি সম্পযুত্তাতি? নত্থি. কতিহি ৰিপ্পযুত্তা? একেন খন্ধেন দসহাযতনেহি সোল়সহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

২৫৮. সুখায ৰেদনায সম্পযুত্তা ধম্মা… দুক্খায ৰেদনায সম্পযুত্তা ধম্মা একেন খন্ধেন সম্পযুত্তা; একেনাযতনেন একায ধাতুযা কেহিচি সম্পযুত্তা. কতিহি ৰিপ্পযুত্তা? একেন খন্ধেন দসহাযতনেহি পন্নরসহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

২৫৯. অদুক্খমসুখায ৰেদনায সম্পযুত্তা ধম্মা একেন খন্ধেন সম্পযুত্তা; একেনাযতনেন একায ধাতুযা কেহিচি সম্পযুত্তা. কতিহি ৰিপ্পযুত্তা? একেন খন্ধেন দসহাযতনেহি একাদসহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

২৬০. ৰিপাকা ধম্মা…পে… সম্পযুত্তাতি? নত্থি. কতিহি ৰিপ্পযুত্তা? একেন খন্ধেন দসহাযতনেহি দসহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

২৬১. ৰিপাকধম্মধম্মা… সংকিলিট্ঠসংকিলেসিকা ধম্মা…পে… সম্পযুত্তাতি? নত্থি. কতিহি ৰিপ্পযুত্তা? একেন খন্ধেন দসহাযতনেহি সোল়সহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

২৬২. নেৰৰিপাকনৰিপাকধম্মধম্মা… অনুপাদিন্নুপাদানিযা ধম্মা…পে… সম্পযুত্তাতি? নত্থি. কতিহি ৰিপ্পযুত্তা? ন কেহিচি খন্ধেহি ন কেহিচি আযতনেহি পঞ্চহি ধাতূহি ৰিপ্পযুত্তা.

২৬৩. অনুপাদিন্নঅনুপাদানিযা ধম্মা… অসংকিলিট্ঠঅসংকিলেসিকা ধম্মা…পে… সম্পযুত্তাতি? নত্থি. কতিহি ৰিপ্পযুত্তা? ন কেহিচি খন্ধেহি ন কেহিচি আযতনেহি ছহি ধাতূহি ৰিপ্পযুত্তা.

২৬৪. সৰিতক্কসৰিচারা ধম্মা একেন খন্ধেন একেনাযতনেন একায ধাতুযা কেহিচি সম্পযুত্তা. কতিহি ৰিপ্পযুত্তা? একেন খন্ধেন দসহাযতনেহি পন্নরসহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

২৬৫. অৰিতক্কৰিচারমত্তা ধম্মা… পীতিসহগতা ধম্মা একেন খন্ধেন একেনাযতনেন একায ধাতুযা কেহিচি সম্পযুত্তা. কতিহি ৰিপ্পযুত্তা? একেন খন্ধেন দসহাযতনেহি সোল়সহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

২৬৬. অৰিতক্কঅৰিচারা ধম্মা…পে… সম্পযুত্তাতি? নত্থি. কতিহি ৰিপ্পযুত্তা? ন কেহিচি খন্ধেহি ন কেহিচি আযতনেহি একায ধাতুযা ৰিপ্পযুত্তা.

২৬৭. সুখসহগতা ধম্মা একেন খন্ধেন সম্পযুত্তা; একেনাযতনেন একায ধাতুযা কেহিচি সম্পযুত্তা. কতিহি ৰিপ্পযুত্তা? একেন খন্ধেন দসহাযতনেহি পন্নরসহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

২৬৮. উপেক্খাসহগতা ধম্মা একেন খন্ধেন সম্পযুত্তা; একেনাযতনেন একায ধাতুযা কেহিচি সম্পযুত্তা. কতিহি ৰিপ্পযুত্তা? একেন খন্ধেন দসহাযতনেহি একাদসহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

২৬৯. দস্সনেন পহাতব্বা ধম্মা ভাৰনায পহাতব্বা ধম্মা… দস্সনেন পহাতব্বহেতুকা ধম্মা… ভাৰনায পহাতব্বহেতুকা ধম্মা… আচযগামিনো ধম্মা… অপচযগামিনো ধম্মা… সেক্খা ধম্মা… অসেক্খা ধম্মা… মহগ্গতা ধম্মা…পে… সম্পযুত্তাতি? নত্থি. কতিহি ৰিপ্পযুত্তা? একেন খন্ধেন দসহাযতনেহি সোল়সহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

২৭০. অপ্পমাণা ধম্মা… পণীতা ধম্মা…পে… সম্পযুত্তাতি? নত্থি. কতিহি ৰিপ্পযুত্তা? ন কেহিচি খন্ধেহি ন কেহিচি আযতনেহি ছহি ধাতূহি ৰিপ্পযুত্তা.

২৭১. পরিত্তারম্মণা ধম্মা…পে… সম্পযুত্তাতি? নত্থি. কতিহি ৰিপ্পযুত্তা? একেন খন্ধেন দসহাযতনেহি দসহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

২৭২. মহগ্গতারম্মণা ধম্মা… অপ্পমাণারম্মণা ধম্মা… হীনা ধম্মা… মিচ্ছত্তনিযতা ধম্মা… সম্মত্তনিযতা ধম্মা… মগ্গারম্মণা ধম্মা… মগ্গহেতুকা ধম্মা… মগ্গাধিপতিনো ধম্মা…পে… সম্পযুত্তাতি? নত্থি. কতিহি ৰিপ্পযুত্তা? একেন খন্ধেন দসহাযতনেহি সোল়সহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

২৭৩. অনুপ্পন্না ধম্মা…পে… সম্পযুত্তাতি? নত্থি. কতিহি ৰিপ্পযুত্তা? ন কেহিচি খন্ধেহি ন কেহিচি আযতনেহি পঞ্চহি ধাতূহি ৰিপ্পযুত্তা.

২৭৪. অতীতারম্মণা ধম্মা…পে… অনাগতারম্মণা ধম্মা…পে… সম্পযুত্তাতি? নত্থি. কতিহি ৰিপ্পযুত্তা? একেন খন্ধেন দসহাযতনেহি সোল়সহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

২৭৫. পচ্চুপ্পন্নারম্মণা ধম্মা… অজ্ঝত্তারম্মণা ধম্মা… বহিদ্ধারম্মণা ধম্মা… অজ্ঝত্তবহিদ্ধারম্মণা ধম্মা…পে… সম্পযুত্তাতি? নত্থি. কতিহি ৰিপ্পযুত্তা? একেন খন্ধেন দসহাযতনেহি দসহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

২৭৬. সনিদস্সনসপ্পটিঘা ধম্মা… অনিদস্সনসপ্পটিঘা ধম্মা…পে… সম্পযুত্তাতি? নত্থি. কতিহি ৰিপ্পযুত্তা? চতূহি খন্ধেহি একেনাযতনেন সত্তহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.