৬. দুকং

২৭৭. হেতূ ধম্মা… হেতূ চেৰ সহেতুকা চ ধম্মা… হেতূ চেৰ হেতুসম্পযুত্তা চ ধম্মা তীহি খন্ধেহি একেনাযতনেন একায ধাতুযা সম্পযুত্তা; একেন খন্ধেন একেনাযতনেন একায ধাতুযা কেহিচি সম্পযুত্তা. কতিহি ৰিপ্পযুত্তা? একেন খন্ধেন দসহাযতনেহি সোল়সহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

২৭৮. সহেতুকা ধম্মা… হেতুসম্পযুত্তা ধম্মা…পে… সম্পযুত্তাতি? নত্থি. কতিহি ৰিপ্পযুত্তা? একেন খন্ধেন দসহাযতনেহি সোল়সহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

২৭৯. সহেতুকা চেৰ ন চ হেতূ ধম্মা… হেতুসম্পযুত্তা চেৰ ন চ হেতূ ধম্মা… ন হেতুসহেতুকা ধম্মা একেন খন্ধেন একেনাযতনেন একায ধাতুযা কেহিচি সম্পযুত্তা. কতিহি ৰিপ্পযুত্তা? একেন খন্ধেন দসহাযতনেহি সোল়সহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

২৮০. অপ্পচ্চযা ধম্মা… অসঙ্খতা ধম্মা… সনিদস্সনা ধম্মা… সপ্পটিঘা ধম্মা… রূপিনো ধম্মা…পে… সম্পযুত্তাতি? নত্থি. কতিহি ৰিপ্পযুত্তা? চতূহি খন্ধেহি একেনাযতনেন সত্তহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

২৮১. লোকুত্তরা ধম্মা…পে… সম্পযুত্তাতি? নত্থি. কতিহি ৰিপ্পযুত্তা? ন কেহিচি খন্ধেহি ন কেহিচি আযতনেহি ছহি ধাতূহি ৰিপ্পযুত্তা.

২৮২. আসৰা ধম্মা… আসৰা চেৰ সাসৰা চ ধম্মা… আসৰা চেৰ আসৰসম্পযুত্তা চ ধম্মা তীহি খন্ধেহি একেনাযতনেন একায ধাতুযা সম্পযুত্তা; একেন খন্ধেন একেনাযতনেন একায ধাতুযা কেহিচি সম্পযুত্তা. কতিহি ৰিপ্পযুত্তা? একেন খন্ধেন দসহাযতনেহি সোল়সহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

২৮৩. অনাসৰা ধম্মা… আসৰৰিপ্পযুত্তা অনাসৰা ধম্মা…পে… সম্পযুত্তাতি? নত্থি. কতিহি ৰিপ্পযুত্তা? ন কেহিচি খন্ধেহি ন কেহিচি আযতনেহি ছহি ধাতূহি ৰিপ্পযুত্তা.

২৮৪. আসৰসম্পযুত্তা ধম্মা…পে… সম্পযুত্তাতি? নত্থি. কতিহি ৰিপ্পযুত্তা? একেন খন্ধেন দসহাযতনেহি সোল়সহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

২৮৫. আসৰসম্পযুত্তা চেৰ নো চ আসৰা ধম্মা একেন খন্ধেন একেনাযতনেন একায ধাতুযা কেহিচি সম্পযুত্তা. কতিহি ৰিপ্পযুত্তা? একেন খন্ধেন দসহাযতনেহি সোল়সহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

২৮৬. সংযোজনা ধম্মা… গন্থা ধম্মা… ওঘা ধম্মা… যোগা ধম্মা… নীৰরণা ধম্মা… পরামাসা ধম্মা… পরামাসা চেৰ পরামট্ঠা চ ধম্মা তীহি খন্ধেহি একেনাযতনেন একায ধাতুযা সম্পযুত্তা; একেন খন্ধেন একেনাযতনেন একায ধাতুযা কেহিচি সম্পযুত্তা. কতিহি ৰিপ্পযুত্তা? একেন খন্ধেন দসহাযতনেহি সোল়সহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

২৮৭. অপরামট্ঠা ধম্মা… পরামাসৰিপ্পযুত্তা অপরামট্ঠা ধম্মা সম্পযুত্তাতি? নত্থি. কতিহি ৰিপ্পযুত্তা? ন কেহিচি খন্ধেহি ন কেহিচি আযতনেহি ছহি ধাতূহি ৰিপ্পযুত্তা.

২৮৮. পরামাসসম্পযুত্তা ধম্মা একেন খন্ধেন একেনাযতনেন একায ধাতুযা কেহিচি সম্পযুত্তা. কতিহি ৰিপ্পযুত্তা? একেন খন্ধেন দসহাযতনেহি সোল়সহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

২৮৯. সারম্মণা ধম্মা…পে… সম্পযুত্তাতি? নত্থি. কতিহি ৰিপ্পযুত্তা? একেন খন্ধেন দসহাযতনেহি দসহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

২৯০. অনারম্মণা ধম্মা… চিত্তৰিপ্পযুত্তা ধম্মা… চিত্তৰিসংসট্ঠা ধম্মা… উপাদা ধম্মা…পে… সম্পযুত্তাতি? নত্থি. কতিহি ৰিপ্পযুত্তা? চতূহি খন্ধেহি একেনাযতনেন সত্তহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

২৯১. চিত্তা ধম্মা তীহি খন্ধেহি সম্পযুত্তা; একেনাযতনেন একায ধাতুযা কেহিচি সম্পযুত্তা. কতিহি ৰিপ্পযুত্তা? একেন খন্ধেন দসহাযতনেহি দসহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

২৯২. চেতসিকা ধম্মা… চিত্তসম্পযুত্তা ধম্মা… চিত্তসংসট্ঠা ধম্মা… চিত্তসংসট্ঠসমুট্ঠানা ধম্মা… চিত্তসংসট্ঠসমুট্ঠানসহভুনো ধম্মা… চিত্তসংসট্ঠসমুট্ঠানানুপরিৰত্তিনো ধম্মা একেন খন্ধেন একেনাযতনেন সত্তহি ধাতূহি সম্পযুত্তা. কতিহি ৰিপ্পযুত্তা? একেন খন্ধেন দসহাযতনেহি দসহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

২৯৩. অনুপাদিন্না ধম্মা…পে… সম্পযুত্তাতি? নত্থি. কতিহি ৰিপ্পযুত্তা? ন কেহিচি খন্ধেহি ন কেহিচি আযতনেহি পঞ্চহি ধাতূহি ৰিপ্পযুত্তা.

২৯৪. উপাদানা ধম্মা… কিলেসা ধম্মা… কিলেসা চেৰ সংকিলেসিকা চ ধম্মা… কিলেসা চেৰ সংকিলিট্ঠা চ ধম্মা… কিলেসা চেৰ কিলেসসম্পযুত্তা চ ধম্মা তীহি খন্ধেহি একেনাযতনেন একায ধাতুযা সম্পযুত্তা; একেন খন্ধেন একেনাযতনেন একায ধাতুযা কেহিচি সম্পযুত্তা. কতিহি ৰিপ্পযুত্তা? একেন খন্ধেন দসহাযতনেহি সোল়সহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

২৯৫. অসংকিলেসিকা ধম্মা… কিলেসৰিপ্পযুত্তা অসংকিলেসিকা ধম্মা…পে… সম্পযুত্তাতি? নত্থি. কতিহি ৰিপ্পযুত্তা? ন কেহিচি খন্ধেহি ন কেহিচি আযতনেহি ছহি ধাতূহি ৰিপ্পযুত্তা.

২৯৬. সংকিলিট্ঠা ধম্মা… কিলেসসম্পযুত্তা ধম্মা…পে… সম্পযুত্তাতি? নত্থি. কতিহি ৰিপ্পযুত্তা? একেন খন্ধেন দসহাযতনেহি সোল়সহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

২৯৭. সংকিলিট্ঠা চেৰ নো চ কিলেসা ধম্মা… কিলেসসম্পযুত্তা চেৰ নো চ কিলেসা ধম্মা একেন খন্ধেন একেনাযতনেন একায ধাতুযা কেহিচি সম্পযুত্তা. কতিহি ৰিপ্পযুত্তা? একেন খন্ধেন দসহাযতনেহি সোল়সহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

২৯৮. দস্সনেন পহাতব্বা ধম্মা… ভাৰনায পহাতব্বা ধম্মা… দস্সনেন পহাতব্বহেতুকা ধম্মা… ভাৰনায পহাতব্বহেতুকা ধম্মা… সম্পযুত্তাতি? নত্থি. কতিহি ৰিপ্পযুত্তা? একেন খন্ধেন দসহাযতনেহি সোল়সহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

২৯৯. সৰিতক্কা ধম্মা… সৰিচারা ধম্মা একেন খন্ধেন একেনাযতনেন একায ধাতুযা কেহিচি সম্পযুত্তা. কতিহি ৰিপ্পযুত্তা? একেন খন্ধেন দসহাযতনেহি পন্নরসহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

৩০০. অৰিতক্কা ধম্মা… অৰিচারা ধম্মা…পে… সম্পযুত্তাতি? নত্থি. কতিহি ৰিপ্পযুত্তা? ন কেহিচি খন্ধেহি ন কেহিচি আযতনেহি একায ধাতুযা ৰিপ্পযুত্তা.

৩০১. সপ্পীতিকা ধম্মা… পীতিসহগতা ধম্মা একেন খন্ধেন একেনাযতনেন একায ধাতুযা কেহিচি সম্পযুত্তা. কতিহি ৰিপ্পযুত্তা? একেন খন্ধেন দসহাযতনেহি সোল়সহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

৩০২. সুখসহগতা ধম্মা একেন খন্ধেন সম্পযুত্তা; একেনাযতনেন একায ধাতুযা কেহিচি সম্পযুত্তা. কতিহি ৰিপ্পযুত্তা? একেন খন্ধেন দসহাযতনেহি পন্নরসহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

৩০৩. উপেক্খাসহগতা ধম্মা একেন খন্ধেন সম্পযুত্তা; একেনাযতনেন একায ধাতুযা কেহিচি সম্পযুত্তা. কতিহি ৰিপ্পযুত্তা? একেন খন্ধেন দসহাযতনেহি একাদসহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

৩০৪. ন কামাৰচরা ধম্মা… অপরিযাপন্না ধম্মা… অনুত্তরা ধম্মা…পে… সম্পযুত্তাতি? নত্থি. কতিহি ৰিপ্পযুত্তা? ন কেহিচি খন্ধেহি ন কেহিচি আযতনেহি ছহি ধাতূহি ৰিপ্পযুত্তা.

৩০৫. রূপাৰচরা ধম্মা… অরূপাৰচরা ধম্মা… নিয্যানিকা ধম্মা… নিযতা ধম্মা… সরণা ধম্মা কতিহি খন্ধেহি কতিহাযতনেহি কতিহি ধাতূহি সম্পযুত্তাতি? নত্থি. কতিহি ৰিপ্পযুত্তা? একেন খন্ধেন দসহাযতনেহি সোল়সহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

ধম্মাযতনং ধম্মধাতু, দুক্খসচ্চঞ্চ জীৰিতং;

সল়াযতনং নামরূপং, চত্তারো চ মহাভৰা.

জাতি জরা চ মরণং, তিকেস্ৰেকূনৰীসতি;

গোচ্ছকেসু চ পঞ্ঞাস, অট্ঠ চূল়ন্তরে পদা.

মহন্তরে পন্নরস, অট্ঠারস ততো পরে;

তেৰীস পদসতং এতং, সম্পযোগে ন লব্ভতীতি.

সম্পযোগৰিপ্পযোগপদনিদ্দেসো ছট্ঠো.