১৪. ৰিপ্পযুত্তেনসঙ্গহিতাসঙ্গহিতপদনিদ্দেসো

১. খন্ধাদি

৪৫৬. রূপক্খন্ধেন যে ধম্মা ৰিপ্পযুত্তা, তে ধম্মা কতিহি খন্ধেহি কতিহাযতনেহি কতিহি ধাতূহি সঙ্গহিতা? তে ধম্মা চতূহি খন্ধেহি দ্ৰীহাযতনেহি অট্ঠহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি দসহি ধাতূহি অসঙ্গহিতা.

৪৫৭. ৰেদনাক্খন্ধেন যে ধম্মা… সঞ্ঞাক্খন্ধেন যে ধম্মা… সঙ্খারক্খন্ধেন যে ধম্মা… ৰিঞ্ঞাণক্খন্ধেন যে ধম্মা… মনাযতনেন যে ধম্মা… মনিন্দ্রিযেন যে ধম্মা ৰিপ্পযুত্তা, তে ধম্মা কতিহি খন্ধেহি কতিহাযতনেহি কতিহি ধাতূহি সঙ্গহিতা? তে ধম্মা অসঙ্খতং খন্ধতো ঠপেত্ৰা একেন খন্ধেন একাদসহাযতনেহি একাদসহি ধাতূহি সঙ্গহিতা. কতিহি অসঙ্গহিতা? চতূহি খন্ধেহি একেনাযতনেন সত্তহি ধাতূহি অসঙ্গহিতা.

৪৫৮. চক্খাযতনেন যে ধম্মা…পে… ফোট্ঠব্বাযতনেন যে ধম্মা… চক্খুধাতুযা যে ধম্মা…পে… ফোট্ঠব্বধাতুযা যে ধম্মা ৰিপ্পযুত্তা…পে… তে ধম্মা চতূহি খন্ধেহি দ্ৰীহাযতনেহি অট্ঠহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি দসহি ধাতূহি অসঙ্গহিতা.

৪৫৯. চক্খুৰিঞ্ঞাণধাতুযা যে ধম্মা… সোতৰিঞ্ঞাণধাতুযা যে ধম্মা… ঘানৰিঞ্ঞাণধাতুযা যে ধম্মা… জিৰ্হাৰিঞ্ঞাণধাতুযা যে ধম্মা… কাযৰিঞ্ঞাণধাতুযা যে ধম্মা… মনোধাতুযা যে ধম্মা… মনোৰিঞ্ঞাণধাতুযা যে ধম্মা ৰিপ্পযুত্তা… তে ধম্মা অসঙ্খতং খন্ধতো ঠপেত্ৰা পঞ্চহি খন্ধেহি দ্ৰাদসহাযতনেহি সত্তরসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি, একায ধাতুযা অসঙ্গহিতা.

২. সচ্চাদি

৪৬০. দুক্খসচ্চেন যে ধম্মা ৰিপ্পযুত্তা… তে ধম্মা চতূহি খন্ধেহি দ্ৰীহাযতনেহি দ্ৰীহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি সোল়সহি ধাতূহি অসঙ্গহিতা.

৪৬১. সমুদযসচ্চেন যে ধম্মা… মগ্গসচ্চেন যে ধম্মা ৰিপ্পযুত্তা… তে ধম্মা অসঙ্খতং খন্ধতো ঠপেত্ৰা পঞ্চহি খন্ধেহি দ্ৰাদসহাযতনেহি অট্ঠারসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি ন কাহিচি ধাতূহি অসঙ্গহিতা.

৪৬২. নিরোধসচ্চেন যে ধম্মা… চক্খুন্দ্রিযেন যে ধম্মা … কাযিন্দ্রিযেন যে ধম্মা… ইত্থিন্দ্রিযেন যে ধম্মা… পুরিসিন্দ্রিযেন যে ধম্মা ৰিপ্পযুত্তা… তে ধম্মা চতূহি খন্ধেহি দ্ৰীহাযতনেহি অট্ঠহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি দসহি ধাতূহি অসঙ্গহিতা.

৪৬৩. সুখিন্দ্রিযেন যে ধম্মা… দুক্খিন্দ্রিযেন যে ধম্মা… সোমনস্সিন্দ্রিযেন যে ধম্মা… দোমনস্সিন্দ্রিযেন যে ধম্মা ৰিপ্পযুত্তা… তে ধম্মা অসঙ্খতং খন্ধতো ঠপেত্ৰা পঞ্চহি খন্ধেহি দ্ৰাদসহাযতনেহি অট্ঠারসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি ন কাহিচি ধাতূহি অসঙ্গহিতা.

৪৬৪. উপেক্খিন্দ্রিযেন যে ধম্মা ৰিপ্পযুত্তা… তে ধম্মা অসঙ্খতং খন্ধতো ঠপেত্ৰা পঞ্চহি খন্ধেহি দ্ৰাদসহাযতনেহি তেরসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি পঞ্চহি ধাতূহি অসঙ্গহিতা.

৪৬৫. সদ্ধিন্দ্রিযেন যে ধম্মা… ৰীরিযিন্দ্রিযেন যে ধম্মা… সতিন্দ্রিযেন যে ধম্মা… সমাধিন্দ্রিযেন যে ধম্মা… পঞ্ঞিন্দ্রিযেন যে ধম্মা… অনঞ্ঞাতঞ্ঞস্সামীতিন্দ্রিযেন যে ধম্মা… অঞ্ঞিন্দ্রিযেন যে ধম্মা… অঞ্ঞাতাৰিন্দ্রিযেন যে ধম্মা… অৰিজ্জায যে ধম্মা… অৰিজ্জাপচ্চযা সঙ্খারেহি যে ধম্মা ৰিপ্পযুত্তা… তে ধম্মা অসঙ্খতং খন্ধতো ঠপেত্ৰা পঞ্চহি খন্ধেহি দ্ৰাদসহাযতনেহি অট্ঠারসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি ন কাহিচি ধাতূহি অসঙ্গহিতা.

৪৬৬. সঙ্খারপচ্চযা ৰিঞ্ঞাণেন যে ধম্মা… সল়াযতনপচ্চযা ফস্সেন যে ধম্মা… ফস্সপচ্চযা ৰেদনায যে ধম্মা ৰিপ্পযুত্তা… তে ধম্মা অসঙ্খতং খন্ধতো ঠপেত্ৰা একেন খন্ধেন একাদসহাযতনেহি একাদসহি ধাতূহি সঙ্গহিতা. কতিহি অসঙ্গহিতা? চতূহি খন্ধেহি একেনাযতনেন সত্তহি ধাতূহি অসঙ্গহিতা.

৪৬৭. ৰেদনাপচ্চযা তণ্হায যে ধম্মা… তণ্হাপচ্চযা উপাদানেন যে ধম্মা… কম্মভৰেন যে ধম্মা ৰিপ্পযুত্তা… তে ধম্মা অসঙ্খতং খন্ধতো ঠপেত্ৰা পঞ্চহি খন্ধেহি দ্ৰাদসহাযতনেহি অট্ঠারসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি ন কাহিচি ধাতূহি অসঙ্গহিতা.

৪৬৮. উপপত্তিভৰেন যে ধম্মা… সঞ্ঞাভৰেন যে ধম্মা… পঞ্চৰোকারভৰেন যে ধম্মা ৰিপ্পযুত্তা… তে ধম্মা চতূহি খন্ধেহি দ্ৰীহাযতনেহি তীহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি পন্নরসহি ধাতূহি অসঙ্গহিতা.

৪৬৯. কামভৰেন যে ধম্মা ৰিপ্পযুত্তা… তে ধম্মা চতূহি খন্ধেহি দ্ৰীহাযতনেহি পঞ্চহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি তেরসহি ধাতূহি অসঙ্গহিতা.

৪৭০. রূপভৰেন যে ধম্মা… অসঞ্ঞাভৰেন যে ধম্মা… একৰোকারভৰেন যে ধম্মা… পরিদেৰেন যে ধম্মা ৰিপ্পযুত্তা… তে ধম্মা চতূহি খন্ধেহি দ্ৰীহাযতনেহি অট্ঠহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি দসহি ধাতূহি অসঙ্গহিতা.

৪৭১. অরূপভৰেন যে ধম্মা… নেৰসঞ্ঞানাসঞ্ঞাভৰেন যে ধম্মা… চতুৰোকারভৰেন যে ধম্মা… সোকেন যে ধম্মা… দুক্খেন যে ধম্মা… দোমনস্সেন যে ধম্মা… উপাযাসেন যে ধম্মা… সতিপট্ঠানেন যে ধম্মা… সম্মপ্পধানেন যে ধম্মা… ইদ্ধিপাদেন যে ধম্মা… ঝানেন যে ধম্মা… অপ্পমঞ্ঞায যে ধম্মা… পঞ্চহি ইন্দ্রিযেহি যে ধম্মা… পঞ্চহি বলেহি যে ধম্মা … সত্তহি বোজ্ঝঙ্গেহি যে ধম্মা… অরিযেন অট্ঠঙ্গিকেন মগ্গেন যে ধম্মা ৰিপ্পযুত্তা… তে ধম্মা অসঙ্খতং খন্ধতো ঠপেত্ৰা পঞ্চহি খন্ধেহি দ্ৰাদসহাযতনেহি অট্ঠারসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি ন কাহিচি ধাতূহি অসঙ্গহিতা.

৩. ফস্সাদিসত্তকং

৪৭২. ফস্সেন যে ধম্মা… ৰেদনায যে ধম্মা… সঞ্ঞায যে ধম্মা… চেতনায যে ধম্মা… চিত্তেন যে ধম্মা… মনসিকারেন যে ধম্মা ৰিপ্পযুত্তা… তে ধম্মা অসঙ্খতং খন্ধতো ঠপেত্ৰা একেন খন্ধেন একাদসহাযতনেহি একাদসহি ধাতূহি সঙ্গহিতা. কতিহি অসঙ্গহিতা? চতূহি খন্ধেহি একেনাযতনেন সত্তহি ধাতূহি অসঙ্গহিতা.

৪৭৩. অধিমোক্খেন যে ধম্মা ৰিপ্পযুত্তা… তে ধম্মা অসঙ্খতং খন্ধতো ঠপেত্ৰা পঞ্চহি খন্ধেহি দ্ৰাদসহাযতনেহি সত্তরসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি একায ধাতুযা অসঙ্গহিতা.

৪. তিকং

৪৭৪. কুসলেহি ধম্মেহি যে ধম্মা… অকুসলেহি ধম্মেহি যে ধম্মা… সুখায ৰেদনায সম্পযুত্তেহি ধম্মেহি যে ধম্মা… দুক্খায ৰেদনায সম্পযুত্তেহি ধম্মেহি যে ধম্মা ৰিপ্পযুত্তা… তে ধম্মা অসঙ্খতং খন্ধতো ঠপেত্ৰা পঞ্চহি খন্ধেহি দ্ৰাদসহাযতনেহি অট্ঠারসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি ন কাহিচি ধাতূহি অসঙ্গহিতা.

৪৭৫. অব্যাকতেহি ধম্মেহি যে ধম্মা ৰিপ্পযুত্তা… তে ধম্মা চতূহি খন্ধেহি দ্ৰীহাযতনেহি দ্ৰীহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি সোল়সহি ধাতূহি অসঙ্গহিতা.

৪৭৬. অদুক্খমসুখায ৰেদনায সম্পযুত্তেহি ধম্মেহি যে ধম্মা… ৰিপাকেহি ধম্মেহি যে ধম্মা ৰিপ্পযুত্তা… তে ধম্মা অসঙ্খতং খন্ধতো ঠপেত্ৰা পঞ্চহি খন্ধেহি দ্ৰাদসহাযতনেহি তেরসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি পঞ্চহি ধাতূহি অসঙ্গহিতা.

৪৭৭. ৰিপাকধম্মধম্মেহি যে ধম্মা… সংকিলিট্ঠসংকিলেসিকেহি ধম্মেহি যে ধম্মা ৰিপ্পযুত্তা… তে ধম্মা অসঙ্খতং খন্ধতো ঠপেত্ৰা পঞ্চহি খন্ধেহি দ্ৰাদসহাযতনেহি অট্ঠারসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি ন কাহিচি ধাতূহি অসঙ্গহিতা.

৪৭৮. নেৰৰিপাকনৰিপাকধম্মধম্মেহি যে ধম্মা… অনুপাদিন্নুপাদানিযেহি ধম্মেহি যে ধম্মা… অনুপাদিন্নঅনুপাদানিযেহি ধম্মেহি যে ধম্মা… অসংকিলিট্ঠঅসংকিলেসিকেহি ধম্মেহি যে ধম্মা ৰিপ্পযুত্তা… তে ধম্মা চতূহি খন্ধেহি দ্ৰীহাযতনেহি অট্ঠহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি দসহি ধাতূহি অসঙ্গহিতা.

৪৭৯. উপাদিন্নুপাদানিযেহি ধম্মেহি যে ধম্মা ৰিপ্পযুত্তা… তে ধম্মা চতূহি খন্ধেহি দ্ৰীহাযতনেহি তীহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি পন্নরসহি ধাতূহি অসঙ্গহিতা.

৪৮০. অসংকিলিট্ঠসংকিলেসিকেহি ধম্মেহি যে ধম্মা ৰিপ্পযুত্তা… তে ধম্মা চতূহি খন্ধেহি দ্ৰীহাযতনেহি দ্ৰীহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি সোল়সহি ধাতূহি অসঙ্গহিতা.

৪৮১. সৰিতক্কসৰিচারেহি ধম্মেহি যে ধম্মা ৰিপ্পযুত্তা… তে ধম্মা অসঙ্খতং খন্ধতো ঠপেত্ৰা পঞ্চহি খন্ধেহি দ্ৰাদসহাযতনেহি সত্তরসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি একায ধাতুযা অসঙ্গহিতা.

৪৮২. অৰিতক্কৰিচারমত্তেহি ধম্মেহি যে ধম্মা… পীতিসহগতেহি ধম্মেহি যে ধম্মা… সুখসহগতেহি ধম্মেহি যে ধম্মা ৰিপ্পযুত্তা… তে ধম্মা অসঙ্খতং খন্ধতো ঠপেত্ৰা পঞ্চহি খন্ধেহি দ্ৰাদসহাযতনেহি অট্ঠারসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি ন কাহিচি ধাতূহি অসঙ্গহিতা.

৪৮৩. অৰিতক্কঅৰিচারেহি ধম্মেহি যে ধম্মা ৰিপ্পযুত্তা… তে ধম্মা চতূহি খন্ধেহি দ্ৰীহাযতনেহি তীহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি পন্নরসহি ধাতূহি অসঙ্গহিতা.

৪৮৪. উপেক্খাসহগতেহি ধম্মেহি যে ধম্মা ৰিপ্পযুত্তা… তে ধম্মা অসঙ্খতং খন্ধতো ঠপেত্ৰা পঞ্চহি খন্ধেহি দ্ৰাদসহাযতনেহি তেরসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি পঞ্চহি ধাতূহি অসঙ্গহিতা.

৪৮৫. দস্সনেন পহাতব্বেহি ধম্মেহি যে ধম্মা… ভাৰনায পহাতব্বেহি ধম্মেহি যে ধম্মা… দস্সনেন পহাতব্বহেতুকেহি ধম্মেহি যে ধম্মা… ভাৰনায পহাতব্বহেতুকেহি ধম্মেহি যে ধম্মা… আচযগামীহি ধম্মেহি যে ধম্মা… অপচযগামীহি ধম্মেহি যে ধম্মা… সেক্খেহি ধম্মেহি যে ধম্মা… অসেক্খেহি ধম্মেহি যে ধম্মা… মহগ্গতেহি ধম্মেহি যে ধম্মা ৰিপ্পযুত্তা… তে ধম্মা অসঙ্খতং খন্ধতো ঠপেত্ৰা পঞ্চহি খন্ধেহি দ্ৰাদসহাযতনেহি অট্ঠারসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি ন কাহিচি ধাতূহি অসঙ্গহিতা.

৪৮৬. নেৰ দস্সনেন ন ভাৰনায পহাতব্বেহি ধম্মেহি যে ধম্মা… নেৰ দস্সনেন ন ভাৰনায পহাতব্বহেতুকেহি ধম্মেহি যে ধম্মা… নেৰাচযগামিনাপচযগামীহি ধম্মেহি যে ধম্মা… নেৰসেক্খনাসেক্খেহি ধম্মেহি যে ধম্মা… পরিত্তেহি ধম্মেহি যে ধম্মা ৰিপ্পযুত্তা… তে ধম্মা চতূহি খন্ধেহি দ্ৰীহাযতনেহি দ্ৰীহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি সোল়সহি ধাতূহি অসঙ্গহিতা.

৪৮৭. অপ্পমাণেহি ধম্মেহি যে ধম্মা… পণীতেহি ধম্মেহি যে ৰিপ্পযুত্তা… তে ধম্মা চতূহি খন্ধেহি দ্ৰীহাযতনেহি অট্ঠহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি দসহি ধাতূহি অসঙ্গহিতা.

৪৮৮. পরিত্তারম্মণেহি ধম্মেহি যে ধম্মা ৰিপ্পযুত্তা… তে ধম্মা অসঙ্খতং খন্ধতো ঠপেত্ৰা পঞ্চহি খন্ধেহি দ্ৰাদসহাযতনেহি দ্ৰাদসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি ছহি ধাতূহি অসঙ্গহিতা.

৪৮৯. মহগ্গতারম্মণেহি ধম্মেহি যে ধম্মা… অপ্পমাণারম্মণেহি ধম্মেহি যে ধম্মা… হীনেহি ধম্মেহি যে ধম্মা… মিচ্ছত্তনিযতেহি ধম্মেহি যে ধম্মা… সম্মত্তনিযতেহি ধম্মেহি যে ধম্মা… মগ্গারম্মণেহি ধম্মেহি যে ধম্মা… মগ্গহেতুকেহি ধম্মেহি যে ধম্মা… মগ্গাধিপতীহি ধম্মেহি যে ধম্মা ৰিপ্পযুত্তা… তে ধম্মা অসঙ্খতং খন্ধতো ঠপেত্ৰা পঞ্চহি খন্ধেহি দ্ৰাদসহাযতনেহি অট্ঠারসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি ন কাহিচি ধাতূহি অসঙ্গহিতা.

৪৯০. মজ্ঝিমেহি ধম্মেহি যে ধম্মা… অনিযতেহি ধম্মেহি যে ধম্মা ৰিপ্পযুত্তা… তে ধম্মা চতূহি খন্ধেহি দ্ৰীহাযতনেহি দ্ৰীহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি সোল়সহি ধাতূহি অসঙ্গহিতা.

৪৯১. উপ্পন্নেহি ধম্মেহি যে ধম্মা… অনুপ্পন্নেহি ধম্মেহি যে ধম্মা… উপ্পাদীহি ধম্মেহি যে ধম্মা… অতীতেহি ধম্মেহি যে ধম্মা… অনাগতেহি ধম্মেহি যে ধম্মা… পচ্চুপ্পন্নেহি ধম্মেহি যে ধম্মা… অজ্ঝত্তেহি ধম্মেহি যে ধম্মা… বহিদ্ধাহি ধম্মেহি যে ধম্মা… সনিদস্সনসপ্পটিঘেহি ধম্মেহি যে ধম্মা… অনিদস্সনসপ্পটিঘেহি ধম্মেহি যে ধম্মা ৰিপ্পযুত্তা… তে ধম্মা চতূহি খন্ধেহি দ্ৰীহাযতনেহি অট্ঠহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি দসহি ধাতূহি অসঙ্গহিতা.

৪৯২. অতীতারম্মণেহি ধম্মেহি যে ধম্মা… অনাগতারম্মণেহি ধম্মেহি যে ধম্মা… অজ্ঝত্তারম্মণেহি ধম্মেহি যে ধম্মা… বহিদ্ধারম্মণেহি ধম্মেহি যে ধম্মা ৰিপ্পযুত্তা… তে ধম্মা অসঙ্খতং খন্ধতো ঠপেত্ৰা পঞ্চহি খন্ধেহি দ্ৰাদসহাযতনেহি অট্ঠারসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি ন কাহিচি ধাতূহি অসঙ্গহিতা.

৪৯৩. পচ্চুপ্পন্নারম্মণেহি ধম্মেহি যে ধম্মা… অজ্ঝত্তবহিদ্ধারম্মণেহি ধম্মেহি যে ধম্মা ৰিপ্পযুত্তা… তে ধম্মা অসঙ্খতং খন্ধতো ঠপেত্ৰা পঞ্চহি খন্ধেহি দ্ৰাদসহাযতনেহি দ্ৰাদসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি ছহি ধাতূহি অসঙ্গহিতা.

৫. দুকং

৪৯৪. হেতূহি ধম্মেহি যে ধম্মা… সহেতুকেহি ধম্মেহি যে ধম্মা… হেতুসম্পযুত্তেহি ধম্মেহি যে ধম্মা… হেতূহি চেৰ সহেতুকেহি চ ধম্মেহি যে ধম্মা… সহেতুকেহি চেৰ ন চ হেতূহি ধম্মেহি যে ধম্মা… হেতূহি চেৰ হেতুসম্পযুত্তেহি চ ধম্মেহি যে ধম্মা… হেতুসম্পযুত্তেহি চেৰ ন চ হেতূহি ধম্মেহি যে ধম্মা… ন হেতুসহেতুকেহি ধম্মেহি যে ধম্মা ৰিপ্পযুত্তা… তে ধম্মা অসঙ্খতং খন্ধতো ঠপেত্ৰা পঞ্চহি খন্ধেহি দ্ৰাদসহাযতনেহি অট্ঠারসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি ন কাহিচি ধাতূহি অসঙ্গহিতা.

৪৯৫. অহেতুকেহি ধম্মেহি যে ধম্মা… হেতুৰিপ্পযুত্তেহি ধম্মেহি যে ধম্মা… ন হেতুঅহেতুকেহি ধম্মেহি যে ধম্মা ৰিপ্পযুত্তা… তে ধম্মা চতূহি খন্ধেহি দ্ৰীহাযতনেহি দ্ৰীহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি সোল়সহি ধাতূহি অসঙ্গহিতা.

৪৯৬. অপ্পচ্চযেহি ধম্মেহি যে ধম্মা… অসঙ্খতেহি ধম্মেহি যে ধম্মা… সনিদস্সনেহি ধম্মেহি যে ধম্মা… সপ্পটিঘেহি ধম্মেহি যে ধম্মা… রূপীহি ধম্মেহি যে ধম্মা… লোকুত্তরেহি ধম্মেহি যে ধম্মা ৰিপ্পযুত্তা… তে ধম্মা চতূহি খন্ধেহি দ্ৰীহাযতনেহি অট্ঠহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি দসহি ধাতূহি অসঙ্গহিতা.

৪৯৭. লোকিযেহি ধম্মেহি যে ধম্মা ৰিপ্পযুত্তা… তে ধম্মা চতূহি খন্ধেহি দ্ৰীহাযতনেহি দ্ৰীহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি সোল়সহি ধাতূহি অসঙ্গহিতা.

৪৯৮. আসৰেহি ধম্মেহি যে ধম্মা… আসৰসম্পযুত্তেহি ধম্মেহি যে ধম্মা… আসৰেহি চেৰ সাসৰেহি চ ধম্মেহি যে ধম্মা… আসৰেহি চেৰ আসৰসম্পযুত্তেহি চ ধম্মেহি যে ধম্মা… আসৰসম্পযুত্তেহি চেৰ নো চ আসৰেহি ধম্মেহি যে ধম্মা ৰিপ্পযুত্তা… তে ধম্মা অসঙ্খতং খন্ধতো ঠপেত্ৰা পঞ্চহি খন্ধেহি দ্ৰাদসহাযতনেহি অট্ঠারসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি ন কাহিচি ধাতূহি অসঙ্গহিতা.

৪৯৯. সাসৰেহি ধম্মেহি যে ধম্মা… আসৰৰিপ্পযুত্তেহি ধম্মেহি যে ধম্মা… সাসৰেহি চেৰ নো চ আসৰেহি ধম্মেহি যে ধম্মা… আসৰৰিপ্পযুত্তেহি সাসৰেহি ধম্মেহি যে ধম্মা ৰিপ্পযুত্তা… তে ধম্মা চতূহি খন্ধেহি দ্ৰীহাযতনেহি দ্ৰীহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি সোল়সহি ধাতূহি অসঙ্গহিতা.

৫০০. অনাসৰেহি ধম্মেহি যে ধম্মা… আসৰৰিপ্পযুত্তেহি অনাসৰেহি ধম্মেহি যে ধম্মা ৰিপ্পযুত্তা… তে ধম্মা চতূহি খন্ধেহি দ্ৰীহাযতনেহি অট্ঠহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি দসহি ধাতূহি অসঙ্গহিতা.

৫০১. সংযোজনেহি ধম্মেহি যে ধম্মা… গন্থেহি ধম্মেহি যে ধম্মা… ওঘেহি ধম্মেহি যে ধম্মা… যোগেহি ধম্মেহি যে ধম্মা… নীৰরণেহি ধম্মেহি যে ধম্মা… পরামাসেহি ধম্মেহি যে ধম্মা… পরামাসসম্পযুত্তেহি ধম্মেহি যে ধম্মা… পরামাসেহি চেৰ পরামট্ঠেহি চ ধম্মেহি যে ধম্মা ৰিপ্পযুত্তা… তে ধম্মা অসঙ্খতং খন্ধতো ঠপেত্ৰা পঞ্চহি খন্ধেহি দ্ৰাদসহাযতনেহি অট্ঠারসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি ন কাহিচি ধাতূহি অসঙ্গহিতা.

৫০২. পরামট্ঠেহি ধম্মেহি যে ধম্মা… পরামাসৰিপ্পযুত্তেহি ধম্মেহি যে ধম্মা… পরামট্ঠেহি চেৰ নো চ পরামাসেহি ধম্মেহি যে ধম্মা… পরামাসৰিপ্পযুত্তেহি পরামট্ঠেহি ধম্মেহি যে ধম্মা ৰিপ্পযুত্তা… তে ধম্মা চতূহি খন্ধেহি দ্ৰীহাযতনেহি দ্ৰীহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি সোল়সহি ধাতূহি অসঙ্গহিতা.

৫০৩. অপরামট্ঠেহি ধম্মেহি যে ধম্মা… পরামাসৰিপ্পযুত্তেহি অপরামট্ঠেহি ধম্মেহি যে ধম্মা ৰিপ্পযুত্তা… তে ধম্মা চতূহি খন্ধেহি দ্ৰীহাযতনেহি অট্ঠহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি দসহি ধাতূহি অসঙ্গহিতা.

৫০৪. সারম্মণেহি ধম্মেহি যে ধম্মা… চিত্তেহি ধম্মেহি যে ধম্মা… চেতসিকেহি ধম্মেহি যে ধম্মা… চিত্তসম্পযুত্তেহি ধম্মেহি যে ধম্মা… চিত্তসংসট্ঠেহি ধম্মেহি যে ধম্মা… চিত্তসংসট্ঠসমুট্ঠানেহি ধম্মেহি যে ধম্মা… চিত্তসংসট্ঠসমুট্ঠানসহভূহি ধম্মেহি যে ধম্মা… চিত্তসংসট্ঠসমুট্ঠানানুপরিৰত্তীহি ধম্মেহি যে ধম্মা ৰিপ্পযুত্তা… তে ধম্মা অসঙ্খতং খন্ধতো ঠপেত্ৰা একেন খন্ধেন একাদসহাযতনেহি একাদসহি ধাতূহি সঙ্গহিতা. কতিহি অসঙ্গহিতা? চতূহি খন্ধেহি একেনাযতনেন সত্তহি ধাতূহি অসঙ্গহিতা.

৫০৫. অনারম্মণেহি ধম্মেহি যে ধম্মা… চিত্তৰিপ্পযুত্তেহি ধম্মেহি যে ধম্মা… চিত্তসংসট্ঠেহি ধম্মেহি যে ধম্মা… উপাদাধম্মেহি যে ধম্মা… অনুপাদিন্নেহি ধম্মেহি যে ধম্মা ৰিপ্পযুত্তা… তে ধম্মা চতূহি খন্ধেহি দ্ৰীহাযতনেহি অট্ঠহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি দসহি ধাতূহি অসঙ্গহিতা.

৫০৬. উপাদিন্নেহি ধম্মেহি যে ধম্মা ৰিপ্পযুত্তা… তে ধম্মা চতূহি খন্ধেহি দ্ৰীহাযতনেহি তীহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি পন্নরসহি ধাতূহি অসঙ্গহিতা.

৫০৭. উপাদানেহি ধম্মেহি যে ধম্মা… কিলেসেহি ধম্মেহি যে ধম্মা… সংকিলিট্ঠেহি ধম্মেহি যে ধম্মা… কিলেসসম্পযুত্তেহি ধম্মেহি যে ধম্মা… কিলেসেহি চেৰ সংকিলেসিকেহি চ ধম্মেহি যে ধম্মা… কিলেসেহি চেৰ সংকিলিট্ঠেহি চ ধম্মেহি যে ধম্মা… সংকিলিট্ঠেহি চেৰ নো চ কিলেসেহি ধম্মেহি যে ধম্মা… কিলেসেহি চেৰ কিলেসসম্পযুত্তেহি চ ধম্মেহি যে ধম্মা… কিলেসসম্পযুত্তেহি চেৰ নো চ কিলেসেহি ধম্মেহি যে ধম্মা ৰিপ্পযুত্তা… তে ধম্মা অসঙ্খতং খন্ধতো ঠপেত্ৰা পঞ্চহি খন্ধেহি দ্ৰাদসহাযতনেহি অট্ঠারসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি ন কাহিচি ধাতূহি অসঙ্গহিতা.

৫০৮. সংকিলেসিকেহি ধম্মেহি যে ধম্মা… অসংকিলিট্ঠেহি ধম্মেহি যে ধম্মা… কিলেসৰিপ্পযুত্তেহি ধম্মেহি যে ধম্মা… সংকিলেসিকেহি চেৰ নো চ কিলেসেহি ধম্মেহি যে ধম্মা… কিলেসৰিপ্পযুত্তেহি সংকিলেসিকেহি ধম্মেহি যে ধম্মা ৰিপ্পযুত্তা… তে ধম্মা চতূহি খন্ধেহি দ্ৰীহাযতনেহি দ্ৰীহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি সোল়সহি ধাতূহি অসঙ্গহিতা.

৫০৯. অসংকিলেসিকেহি ধম্মেহি যে ধম্মা… কিলেসৰিপ্পযুত্তেহি অসংকিলেসিকেহি ধম্মেহি যে ধম্মা ৰিপ্পযুত্তা… তে ধম্মা চতূহি খন্ধেহি দ্ৰীহাযতনেহি অট্ঠহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি দসহি ধাতূহি অসঙ্গহিতা.

৫১০. দস্সনেন পহাতব্বেহি ধম্মেহি যে ধম্মা… ভাৰনায পহাতব্বেহি ধম্মেহি যে ধম্মা… দস্সনেন পহাতব্বহেতুকেহি ধম্মেহি যে ধম্মা… ভাৰনায পহাতব্বহেতুকেহি ধম্মেহি যে ধম্মা ৰিপ্পযুত্তা… তে ধম্মা অসঙ্খতং খন্ধতো ঠপেত্ৰা পঞ্চহি খন্ধেহি দ্ৰাদসহাযতনেহি অট্ঠারসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি ন কাহিচি ধাতূহি অসঙ্গহিতা.

৫১১. ন দস্সনেন পহাতব্বেহি ধম্মেহি যে ধম্মা… ন ভাৰনায পহাতব্বেহি ধম্মেহি যে ধম্মা… ন দস্সনেন পহাতব্বহেতুকেহি ধম্মেহি যে ধম্মা… ন ভাৰনায পহাতব্বহেতুকেহি ধম্মেহি যে ধম্মা ৰিপ্পযুত্তা… তে ধম্মা চতূহি খন্ধেহি দ্ৰীহাযতনেহি দ্ৰীহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি সোল়সহি ধাতূহি অসঙ্গহিতা.

৫১২. সৰিতক্কেহি ধম্মেহি যে ধম্মা… সৰিচারেহি ধম্মেহি যে ধম্মা ৰিপ্পযুত্তা… তে ধম্মা অসঙ্খতং খন্ধতো ঠপেত্ৰা পঞ্চহি খন্ধেহি দ্ৰাদসহাযতনেহি সত্তরসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি একায ধাতুযা অসঙ্গহিতা.

৫১৩. সপ্পীতিকেহি ধম্মেহি যে ধম্মা… পীতিসহগতেহি ধম্মেহি যে ধম্মা… সুখসহগতেহি ধম্মেহি যে ধম্মা ৰিপ্পযুত্তা… তে ধম্মা অসঙ্খতং খন্ধতো ঠপেত্ৰা পঞ্চহি খন্ধেহি দ্ৰাদসহাযতনেহি অট্ঠারসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি ন কাহিচি ধাতূহি অসঙ্গহিতা.

৫১৪. উপেক্খাসহগতেহি ধম্মেহি যে ধম্মা ৰিপ্পযুত্তা… তে ধম্মা অসঙ্খতং খন্ধতো ঠপেত্ৰা পঞ্চহি খন্ধেহি দ্ৰাদসহাযতনেহি তেরসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি পঞ্চহি ধাতূহি অসঙ্গহিতা.

৫১৫. কামাৰচরেহি ধম্মেহি যে ধম্মা… পরিযাপন্নেহি ধম্মেহি যে ধম্মা… সউত্তরেহি ধম্মেহি যে ধম্মা ৰিপ্পযুত্তা… তে ধম্মা চতূহি খন্ধেহি দ্ৰীহাযতনেহি দ্ৰীহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি সোল়সহি ধাতূহি অসঙ্গহিতা.

৫১৬. ন কামাৰচরেহি ধম্মেহি যে ধম্মা… অপরিযাপন্নেহি ধম্মেহি যে ধম্মা… অনুত্তরেহি ধম্মেহি যে ধম্মা ৰিপ্পযুত্তা… তে ধম্মা চতূহি খন্ধেহি দ্ৰীহাযতনেহি অট্ঠহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি দসহি ধাতূহি অসঙ্গহিতা.

৫১৭. রূপাৰচরেহি ধম্মেহি যে ধম্মা… অরূপাৰচরেহি ধম্মেহি যে ধম্মা… নিয্যানিকেহি ধম্মেহি যে ধম্মা… নিযতেহি ধম্মেহি যে ধম্মা … সরণেহি ধম্মেহি যে ধম্মা ৰিপ্পযুত্তা… তে ধম্মা অসঙ্খতং খন্ধতো ঠপেত্ৰা পঞ্চহি খন্ধেহি দ্ৰাদসহাযতনেহি অট্ঠারসহি ধাতূহি সঙ্গহিতা. কতিহি অসঙ্গহিতা? ন কেহিচি খন্ধেহি ন কেহিচি আযতনেহি ন কাহিচি ধাতূহি অসঙ্গহিতা.

৫১৮. ন রূপাৰচরেহি ধম্মেহি যে ধম্মা… ন অরূপাৰচরেহি ধম্মেহি যে ধম্মা… অনিয্যানিকেহি ধম্মেহি যে ধম্মা… অনিযতেহি ধম্মেহি যে ধম্মা… অরণেহি ধম্মেহি যে ধম্মা ৰিপ্পযুত্তা, তে ধম্মা কতিহি খন্ধেহি কতিহাযতনেহি কতিহি ধাতূহি সঙ্গহিতা? তে ধম্মা চতূহি খন্ধেহি দ্ৰীহাযতনেহি দ্ৰীহি ধাতূহি সঙ্গহিতা. কতিহি অসঙ্গহিতা? একেন খন্ধেন দসহাযতনেহি সোল়সহি ধাতূহি অসঙ্গহিতা.

ধম্মাযতনং ধম্মধাতু, অথ জীৰিতং নামরূপং;

সল়াযতনং জাতিজরামতং, দ্ৰে চ তিকে ন লব্ভরে.

পঠমন্তরে সত্ত চ, গোচ্ছকে দস অপরন্তে;

চুদ্দস ছ চ মত্থকে, ইচ্চেতে সত্তচত্তালীস ধম্মা;

সমুচ্ছেদে ন লব্ভন্তি, মোঘপুচ্ছকেন চাতি.

ৰিপ্পযুত্তেনসঙ্গহিতাসঙ্গহিতপদনিদ্দেসো চুদ্দসমো.

ধাতুকথাপকরণং নিট্ঠিতং.