১০. দসমনযো

১০. ৰিপ্পযুত্তেনৰিপ্পযুত্তপদনিদ্দেসো

৩৫৩. রূপক্খন্ধেন যে ধম্মা ৰিপ্পযুত্তা, তেহি ধম্মেহি যে ধম্মা ৰিপ্পযুত্তা, তে ধম্মা কতিহি খন্ধেহি কতিহাযতনেহি কতিহি ধাতূহি ৰিপ্পযুত্তা? তে ধম্মা চতূহি খন্ধেহি একেনাযতনেন সত্তহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

৩৫৪. ৰেদনাক্খন্ধেন যে ধম্মা… সঞ্ঞাক্খন্ধেন যে ধম্মা… সঙ্খারক্খন্ধেন যে ধম্মা… ৰিঞ্ঞাণক্খন্ধেন যে ধম্মা… মনাযতনেন যে ধম্মা ৰিপ্পযুত্তা, তেহি ধম্মেহি যে ধম্মা ৰিপ্পযুত্তা…পে… তে ধম্মা একেন খন্ধেন দসহাযতনেহি দসহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

৩৫৫. চক্খাযতনেন যে ধম্মা…পে… ফোট্ঠব্বাযতনেন যে ধম্মা… চক্খুধাতুযা যে ধম্মা…পে… ফোট্ঠব্বধাতুযা যে ধম্মা ৰিপ্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা চতূহি খন্ধেহি একেনাযতনেন সত্তহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

৩৫৬. চক্খুৰিঞ্ঞাণধাতুযা যে ধম্মা…পে… মনোৰিঞ্ঞাণধাতুযা যে ধম্মা… সমুদযসচ্চেন যে ধম্মা… মগ্গসচ্চেন যে ধম্মা ৰিপ্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা একেন খন্ধেন দসহাযতনেহি সোল়সহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

৩৫৭. নিরোধসচ্চেন যে ধম্মা… চক্খুন্দ্রিযেন যে ধম্মা…পে… কাযিন্দ্রিযেন যে ধম্মা.. ইত্থিন্দ্রিযেন যে ধম্মা… পুরিসিন্দ্রিযেন যে ধম্মা ৰিপ্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা চতূহি খন্ধেহি একেনাযতনেন সত্তহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

৩৫৮. মনিন্দ্রিযেন যে ধম্মা ৰিপ্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা একেন খন্ধেন দসহাযতনেহি দসহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

৩৫৯. সুখিন্দ্রিযেন যে ধম্মা… দুক্খিন্দ্রিযেন যে ধম্মা… সোমনস্সিন্দ্রিযেন যে ধম্মা… দোমনস্সিন্দ্রিযেন যে ধম্মা ৰিপ্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা একেন খন্ধেন দসহাযতনেহি সোল়সহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

৩৬০. উপেক্খিন্দ্রিযেন যে ধম্মা ৰিপ্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা একেন খন্ধেন দসহাযতনেহি একাদসহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

৩৬১. সদ্ধিন্দ্রিযেন যে ধম্মা… ৰীরিযিন্দ্রিযেন যে ধম্মা… সতিন্দ্রিযেন যে ধম্মা… সমাধিন্দ্রিযেন যে ধম্মা… পঞ্ঞিন্দ্রিযেন যে ধম্মা… অনঞ্ঞাতঞ্ঞস্সামীতিন্দ্রিযেন যে ধম্মা… অঞ্ঞিন্দ্রিযেন যে ধম্মা… অঞ্ঞাতাৰিন্দ্রিযেন যে ধম্মা… অৰিজ্জায যে ধম্মা… অৰিজ্জাপচ্চযা সঙ্খারেহি যে ধম্মা ৰিপ্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা একেন খন্ধেন দসহাযতনেহি সোল়সহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

৩৬২. সঙ্খারপচ্চযা ৰিঞ্ঞাণেন যে ধম্মা… সল়াযতনপচ্চযা ফস্সেন যে ধম্মা… ফস্সপচ্চযা ৰেদনায যে ধম্মা ৰিপ্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা একেন খন্ধেন দসহাযতনেহি দসহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

৩৬৩. ৰেদনাপচ্চযা তণ্হায যে ধম্মা… তণ্হাপচ্চযা উপাদানেন যে ধম্মা… কম্মভৰেন যে ধম্মা ৰিপ্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা একেন খন্ধেন দসহাযতনেহি সোল়সহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

৩৬৪. রূপভৰেন যে ধম্মা ৰিপ্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা ন কেহিচি খন্ধেহি ন কেহিচি আযতনেহি তীহি ধাতূহি ৰিপ্পযুত্তা.

৩৬৫. অসঞ্ঞাভৰেন যে ধম্মা… একৰোকারভৰেন যে ধম্মা… পরিদেৰেন যে ধম্মা ৰিপ্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা চতূহি খন্ধেহি একেনাযতনেন সত্তহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

৩৬৬. অরূপভৰেন যে ধম্মা… নেৰসঞ্ঞানাসঞ্ঞাভৰেন যে ধম্মা… চতুৰোকারভৰেন যে ধম্মা… সোকেন যে ধম্মা… দুক্খেন যে ধম্মা… দোমনস্সেন যে ধম্মা… উপাযাসেন যে ধম্মা… সতিপট্ঠানেন যে ধম্মা… সম্মপ্পধানেন যে ধম্মা… ইদ্ধিপাদেন যে ধম্মা… ঝানেন যে ধম্মা… অপ্পমঞ্ঞায যে ধম্মা… পঞ্চহি ইন্দ্রিযেহি যে ধম্মা… পঞ্চহি বলেহি যে ধম্মা… সত্তহি বোজ্ঝঙ্গেহি যে ধম্মা… অরিযেন অট্ঠঙ্গিকেন মগ্গেন যে ধম্মা ৰিপ্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা একেন খন্ধেন দসহাযতনেহি সোল়সহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

৩৬৭. ফস্সেন যে ধম্মা… ৰেদনায যে ধম্মা… সঞ্ঞায যে ধম্মা… চেতনায যে ধম্মা… চিত্তেন যে ধম্মা… মনসিকারেন যে ধম্মা ৰিপ্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা একেন খন্ধেন দসহাযতনেহি দসহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

৩৬৮. অধিমোক্খেন যে ধম্মা ৰিপ্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা একেন খন্ধেন দসহাযতনেহি পন্নরসহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

১. তিকং

৩৬৯. কুসলেহি ধম্মেহি যে ধম্মা… অকুসলেহি ধম্মেহি যে ধম্মা ৰিপ্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা একেন খন্ধেন দসহাযতনেহি সোল়সহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

৩৭০. সুখায ৰেদনায সম্পযুত্তেহি ধম্মেহি যে ধম্মা… দুক্খায ৰেদনায সম্পযুত্তেহি ধম্মেহি যে ধম্মা ৰিপ্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা একেন খন্ধেন দসহাযতনেহি পন্নরসহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

৩৭১. অদুক্খমসুখায ৰেদনায সম্পযুত্তেহি ধম্মেহি যে ধম্মা ৰিপ্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা একেন খন্ধেন দসহাযতনেহি একাদসহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

৩৭২. ৰিপাকেহি ধম্মেহি যে ধম্মা ৰিপ্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা একেন খন্ধেন দসহাযতনেহি দসহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

৩৭৩. ৰিপাকধম্মধম্মেহি যে ধম্মা… সংকিলিট্ঠসংকিলেসিকেহি ধম্মেহি যে ধম্মা ৰিপ্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা একেন খন্ধেন দসহাযতনেহি সোল়সহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

৩৭৪. নেৰৰিপাকনৰিপাকধম্মধম্মেহি যে ধম্মা… অনুপাদিন্নুপাদানিযেহি ধম্মেহি যে ধম্মা ৰিপ্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা ন কেহিচি খন্ধেহি ন কেহিচি আযতনেহি পঞ্চহি ধাতূহি ৰিপ্পযুত্তা.

৩৭৫. অনুপাদিন্নঅনুপাদানিযেহি ধম্মেহি যে ধম্মা… অসংকিলিট্ঠঅসংকিলেসিকেহি ধম্মেহি যে ধম্মা ৰিপ্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা ন কেহিচি খন্ধেহি ন কেহিচি আযতনেহি ছহি ধাতূহি ৰিপ্পযুত্তা.

৩৭৬. সৰিতক্কসৰিচারেহি ধম্মেহি যে ধম্মা ৰিপ্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা একেন খন্ধেন দসহাযতনেহি পন্নরসহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

৩৭৭. অৰিতক্কৰিচারমত্তেহি ধম্মেহি যে ধম্মা… পীতিসহগতেহি ধম্মেহি যে ধম্মা ৰিপ্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা একেন খন্ধেন দসহাযতনেহি সোল়সহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

৩৭৮. অৰিতক্কঅৰিচারেহি ধম্মেহি যে ধম্মা ৰিপ্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা ন কেহিচি খন্ধেহি ন কেহিচি আযতনেহি একায ধাতুযা ৰিপ্পযুত্তা.

৩৭৯. সুখসহগতেহি ধম্মেহি যে ধম্মা ৰিপ্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা একেন খন্ধেন দসহাযতনেহি পন্নরসহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

৩৮০. উপেক্খাসহগতেহি ধম্মেহি যে ধম্মা ৰিপ্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা একেন খন্ধেন দসহাযতনেহি একাদসহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

৩৮১. দস্সনেন পহাতব্বেহি ধম্মেহি যে ধম্মা… ভাৰনায পহাতব্বেহি ধম্মেহি যে ধম্মা… দস্সনেন পহাতব্বহেতুকেহি ধম্মেহি যে ধম্মা… ভাৰনায পহাতব্বহেতুকেহি ধম্মেহি যে ধম্মা… আচযগামীহি ধম্মেহি যে ধম্মা… অপচযগামীহি ধম্মেহি যে ধম্মা… সেক্খেহি ধম্মেহি যে ধম্মা… অসেক্খেহি ধম্মেহি যে ধম্মা… মহগ্গতেহি ধম্মেহি যে ধম্মা ৰিপ্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা একেন খন্ধেন দসহাযতনেহি সোল়সহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

৩৮২. অপ্পমাণেহি ধম্মেহি যে ধম্মা… পণীতেহি ধম্মেহি যে ধম্মা ৰিপ্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা ন কেহিচি খন্ধেহি ন কেহিচি আযতনেহি ছহি ধাতূহি ৰিপ্পযুত্তা.

৩৮৩. পরিত্তারম্মণেহি ধম্মেহি যে ধম্মা ৰিপ্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা একেন খন্ধেন দসহাযতনেহি দসহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

৩৮৪. মহগ্গতারম্মণেহি ধম্মেহি যে ধম্মা… অপ্পমাণারম্মণেহি ধম্মেহি যে ধম্মা… হীনেহি ধম্মেহি যে ধম্মা… মিচ্ছত্তনিযতেহি ধম্মেহি যে ধম্মা… সম্মত্তনিযতেহি ধম্মেহি যে ধম্মা… মগ্গারম্মণেহি ধম্মেহি যে ধম্মা… মগ্গহেতুকেহি ধম্মেহি যে ধম্মা… মগ্গাধিপতীহি ধম্মেহি যে ধম্মা ৰিপ্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা একেন খন্ধেন দসহাযতনেহি সোল়সহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

৩৮৫. অনুপ্পন্নেহি ধম্মেহি যে ধম্মা ৰিপ্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা ন কেহিচি খন্ধেহি ন কেহিচি আযতনেহি পঞ্চহি ধাতূহি ৰিপ্পযুত্তা.

৩৮৬. অতীতারম্মণেহি ধম্মেহি যে ধম্মা… অনাগতারম্মণেহি ধম্মেহি যে ধম্মা ৰিপ্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা একেন খন্ধেন দসহাযতনেহি সোল়সহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

৩৮৭. পচ্চুপ্পন্নারম্মণেহি ধম্মেহি যে ধম্মা… অজ্ঝত্তারম্মণেহি ধম্মেহি যে ধম্মা… বহিদ্ধারম্মণেহি ধম্মেহি যে ধম্মা… অজ্ঝত্তবহিদ্ধারম্মণেহি ধম্মেহি যে ধম্মা ৰিপ্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা একেন খন্ধেন দসহাযতনেহি দসহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

৩৮৮. সনিদস্সনসপ্পটিঘেহি ধম্মেহি যে ধম্মা… অনিদস্সনসপ্পটিঘেহি ধম্মেহি যে ধম্মা ৰিপ্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা চতূহি খন্ধেহি একেনাযতনেন সত্তহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

২. দুকং

৩৮৯. হেতূহি ধম্মেহি যে ধম্মা… সহেতুকেহি ধম্মেহি যে ধম্মা… হেতুসম্পযুত্তেহি ধম্মেহি যে ধম্মা… হেতূহি চেৰ সহেতুকেহি চ ধম্মেহি যে ধম্মা… সহেতুকেহি চেৰ ন চ হেতূহি ধম্মেহি যে ধম্মা… হেতূহি চেৰ হেতুসম্পযুত্তেহি চ ধম্মেহি যে ধম্মা… হেতুসম্পযুত্তেহি চেৰ ন চ হেতূহি ধম্মেহি যে ধম্মা… ন হেতুসহেতুকেহি ধম্মেহি যে ধম্মা ৰিপ্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা একেন খন্ধেন দসহাযতনেহি সোল়সহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

৩৯০. অপ্পচ্চযেহি ধম্মেহি যে ধম্মা… অসঙ্খতেহি ধম্মেহি যে ধম্মা… সনিদস্সনেহি ধম্মেহি যে ধম্মা… সপ্পটিঘেহি ধম্মেহি যে ধম্মা… রূপীহি ধম্মেহি যে ধম্মা ৰিপ্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা চতূহি খন্ধেহি একেনাযতনেন সত্তহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

৩৯১. লোকুত্তরেহি ধম্মেহি যে ধম্মা ৰিপ্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা ন কেহিচি খন্ধেহি ন কেহিচি আযতনেহি ছহি ধাতূহি ৰিপ্পযুত্তা.

৩৯২. আসৰেহি ধম্মেহি যে ধম্মা… আসৰসম্পযুত্তেহি ধম্মেহি যে ধম্মা… আসৰেহি চেৰ সাসৰেহি চ ধম্মেহি যে ধম্মা… আসৰেহি চেৰ আসৰসম্পযুত্তেহি চ ধম্মেহি যে ধম্মা… আসৰসম্পযুত্তেহি চেৰ নো চ আসৰেহি ধম্মেহি যে ধম্মা ৰিপ্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা একেন খন্ধেন দসহাযতনেহি সোল়সহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

৩৯৩. অনাসৰেহি ধম্মেহি যে ধম্মা… আসৰৰিপ্পযুত্তেহি অনাসৰেহি ধম্মেহি যে ধম্মা ৰিপ্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা ন কেহিচি খন্ধেহি ন কেহিচি আযতনেহি ছহি ধাতূহি ৰিপ্পযুত্তা.

৩৯৪. সংযোজনেহি ধম্মেহি যে ধম্মা… গন্থেহি ধম্মেহি যে ধম্মা… ওঘেহি ধম্মেহি যে ধম্মা… যোগেহি ধম্মেহি যে ধম্মা… নীৰরণেহি ধম্মেহি যে ধম্মা… পরামাসেহি ধম্মেহি যে ধম্মা… পরামাসসম্পযুত্তেহি ধম্মেহি যে ধম্মা… পরামাসেহি চেৰ পরামট্ঠেহি চ ধম্মেহি যে ধম্মা ৰিপ্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা একেন খন্ধেন দসহাযতনেহি সোল়সহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

৩৯৫. অপরামট্ঠেহি ধম্মেহি যে ধম্মা… পরামাসৰিপ্পযুত্তেহি অপরামট্ঠেহি ধম্মেহি যে ধম্মা ৰিপ্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা ন কেহিচি খন্ধেহি ন কেহিচি আযতনেহি ছহি ধাতূহি ৰিপ্পযুত্তা.

৩৯৬. সারম্মণেহি ধম্মেহি যে ধম্মা… চিত্তেহি ধম্মেহি যে ধম্মা… চেতসিকেহি ধম্মেহি যে ধম্মা… চিত্তসম্পযুত্তেহি ধম্মেহি যে ধম্মা… চিত্তসংসট্ঠেহি ধম্মেহি যে ধম্মা… চিত্তসংসট্ঠসমুট্ঠানেহি ধম্মেহি যে ধম্মা… চিত্তসংসট্ঠসমুট্ঠানসহভূহি ধম্মেহি যে ধম্মা… চিত্তসংসট্ঠসমুট্ঠানানুপরিৰত্তীহি ধম্মেহি যে ধম্মা ৰিপ্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা একেন খন্ধেন দসহাযতনেহি দসহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

৩৯৭. অনারম্মণেহি [অনুপাদিণ্ণেহি (সী. ক.)] ধম্মেহি যে ধম্মা… চিত্তৰিপ্পযুত্তেহি ধম্মেহি যে ধম্মা… চিত্তৰিসংসট্ঠেহি ধম্মেহি যে ধম্মা… উপাদাধম্মেহি যে ধম্মা ৰিপ্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা চতূহি খন্ধেহি একেনাযতনেন সত্তহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

৩৯৮. অনুপাদিন্নেহি ধম্মেহি যে ধম্মা ৰিপ্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা ন কেহিচি খন্ধেহি ন কেহিচি আযতনেহি পঞ্চহি ধাতূহি ৰিপ্পযুত্তা.

৩৯৯. উপাদানেহি ধম্মেহি যে ধম্মা… কিলেসেহি ধম্মেহি যে ধম্মা… সংকিলিট্ঠেহি ধম্মেহি যে ধম্মা… কিলেসসম্পযুত্তেহি ধম্মেহি যে ধম্মা… কিলেসেহি চেৰ সংকিলেসিকেহি চ ধম্মেহি যে ধম্মা… কিলেসেহি চেৰ সংকিলিট্ঠেহি চ ধম্মেহি যে ধম্মা… সংকিলিট্ঠেহি চেৰ নো চ কিলেসেহি ধম্মেহি যে ধম্মা… কিলেসেহি চেৰ কিলেসসম্পযুত্তেহি চ ধম্মেহি যে ধম্মা… কিলেসসম্পযুত্তেহি চেৰ নো চ কিলেসেহি ধম্মেহি যে ধম্মা ৰিপ্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা একেন খন্ধেন দসহাযতনেহি সোল়সহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

৪০০. অসংকিলেসিকেহি ধম্মেহি যে ধম্মা… কিলেসৰিপ্পযুত্তেহি অসংকিলেসিকেহি ধম্মেহি যে ধম্মা ৰিপ্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা ন কেহিচি খন্ধেহি ন কেহিচি আযতনেহি ছহি ধাতূহি ৰিপ্পযুত্তা.

৪০১. দস্সনেন পহাতব্বেহি ধম্মেহি যে ধম্মা… ভাৰনায পহাতব্বেহি ধম্মেহি যে ধম্মা… দস্সনেন পহাতব্বহেতুকেহি ধম্মেহি যে ধম্মা… ভাৰনায পহাতব্বহেতুকেহি ধম্মেহি যে ধম্মা ৰিপ্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা একেন খন্ধেন দসহাযতনেহি সোল়সহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

৪০২. সৰিতক্কেহি ধম্মেহি যে ধম্মা… সৰিচারেহি ধম্মেহি যে ধম্মা ৰিপ্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা একেন খন্ধেন দসহাযতনেহি পন্নরসহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

৪০৩. অৰিতক্কেহি ধম্মেহি যে ধম্মা… অৰিচারেহি ধম্মেহি যে ধম্মা ৰিপ্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা ন কেহিচি খন্ধেহি ন কেহিচি আযতনেহি একায ধাতুযা ৰিপ্পযুত্তা.

৪০৪. সপ্পীতিকেহি ধম্মেহি যে ধম্মা… পীতিসহগতেহি ধম্মেহি যে ধম্মা ৰিপ্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা একেন খন্ধেন দসহাযতনেহি সোল়সহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

৪০৫. সুখসহগতেহি ধম্মেহি যে ধম্মা ৰিপ্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা একেন খন্ধেন দসহাযতনেহি পন্নরসহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

৪০৬. উপেক্খাসহগতেহি ধম্মেহি যে ধম্মা ৰিপ্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা একেন খন্ধেন দসহাযতনেহি একাদসহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

৪০৭. ন কামাৰচরেহি ধম্মেহি যে ধম্মা… অপরিযাপন্নেহি ধম্মেহি যে ধম্মা… অনুত্তরেহি ধম্মেহি যে ধম্মা ৰিপ্পযুত্তা, তেহি ধম্মেহি যে ধম্মা ৰিপ্পযুত্তা… তে ধম্মা ন কেহিচি খন্ধেহি ন কেহিচি আযতনেহি ছহি ধাতূহি ৰিপ্পযুত্তা.

৪০৮. রূপাৰচরেহি ধম্মেহি যে ধম্মা… অরূপাৰচরেহি ধম্মেহি যে ধম্মা… নিয্যানিকেহি ধম্মেহি যে ধম্মা… নিযতেহি ধম্মেহি যে ধম্মা… সরণেহি ধম্মেহি যে ধম্মা ৰিপ্পযুত্তা, তেহি ধম্মেহি যে ধম্মা ৰিপ্পযুত্তা, তে ধম্মা কতিহি খন্ধেহি কতিহাযতনেহি কতিহি ধাতূহি ৰিপ্পযুত্তা? তে ধম্মা একেন খন্ধেন দসহাযতনেহি সোল়সহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

ধম্মাযতনং ধম্মধাতু, দুক্খসচ্চঞ্চ জীৰিতং;

সল়াযতনং নামরূপং, চত্তারো চ মহাভৰা.

জাতি জরা চ মরণং, তিকেস্ৰেকূনৰীসতি;

গোচ্ছকেসু চ পঞ্ঞাস, অট্ঠ চূল়ন্তরে পদা.

মহন্তরে পন্নরস, অট্ঠারস ততো পরে;

তেৰীস পদসতং এতং, সম্পযোগে ন লব্ভতীতি.

ৰিপ্পযুত্তেনৰিপ্পযুত্তপদনিদ্দেসো দসমো.