১১. একাদসমনযো

১১. সঙ্গহিতেনসম্পযুত্তৰিপ্পযুত্তপদনিদ্দেসো

৪০৯. সমুদযসচ্চেন যে ধম্মা… মগ্গসচ্চেন যে ধম্মা খন্ধসঙ্গহেন সঙ্গহিতা আযতনসঙ্গহেন সঙ্গহিতা ধাতুসঙ্গহেন সঙ্গহিতা, তে ধম্মা কতিহি খন্ধেহি কতিহাযতনেহি কতিহি ধাতূহি সম্পযুত্তা? তে ধম্মা তীহি খন্ধেহি একেনাযতনেন সত্তহি ধাতূহি সম্পযুত্তা; একেন খন্ধেন একেনাযতনেন একায ধাতুযা কেহিচি সম্পযুত্তা. কতিহি ৰিপ্পযুত্তা? একেন খন্ধেন দসহাযতনেহি দসহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

৪১০. ইত্থিন্দ্রিযেন যে ধম্মা… পুরিসিন্দ্রিযেন যে ধম্মা খন্ধসঙ্গহেন সঙ্গহিতা আযতনসঙ্গহেন সঙ্গহিতা ধাতুসঙ্গহেন সঙ্গহিতা, তে ধম্মা কতিহি খন্ধেহি কতিহাযতনেহি কতিহি ধাতূহি সম্পযুত্তাতি? নত্থি. কতিহি ৰিপ্পযুত্তা? চতূহি খন্ধেহি একেনাযতনেন সত্তহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

৪১১. সুখিন্দ্রিযেন যে ধম্মা… দুক্খিন্দ্রিযেন যে ধম্মা… সোমনস্সিন্দ্রিযেন যে ধম্মা… দোমনস্সিন্দ্রিযেন যে ধম্মা খন্ধসঙ্গহেন সঙ্গহিতা আযতনসঙ্গহেন সঙ্গহিতা ধাতুসঙ্গহেন সঙ্গহিতা…পে… তে ধম্মা তীহি খন্ধেহি একেনাযতনেন সত্তহি ধাতূহি সম্পযুত্তা; একেনাযতনেন একায ধাতুযা কেহিচি সম্পযুত্তা. কতিহি ৰিপ্পযুত্তা? একেন খন্ধেন দসহাযতনেহি দসহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

৪১২. উপেক্খিন্দ্রিযেন যে ধম্মা খন্ধসঙ্গহেন সঙ্গহিতা আযতনসঙ্গহেন সঙ্গহিতা ধাতুসঙ্গহেন সঙ্গহিতা… তে ধম্মা তীহি খন্ধেহি একেনাযতনেন দ্ৰীহি ধাতূহি সম্পযুত্তা; একেনাযতনেন একায ধাতুযা কেহিচি সম্পযুত্তা. কতিহি ৰিপ্পযুত্তা? একেন খন্ধেন দসহাযতনেহি পন্নরসহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

৪১৩. সদ্ধিন্দ্রিযেন যে ধম্মা… ৰীরিযিন্দ্রিযেন যে ধম্মা… সতিন্দ্রিযেন যে ধম্মা… সমাধিন্দ্রিযেন যে ধম্মা… পঞ্ঞিন্দ্রিযেন যে ধম্মা… অনঞ্ঞাতঞ্ঞস্সামীতিন্দ্রিযেন যে ধম্মা… অঞ্ঞিন্দ্রিযেন যে ধম্মা… অঞ্ঞাতাৰিন্দ্রিযেন যে ধম্মা… অৰিজ্জায যে ধম্মা… অৰিজ্জাপচ্চযা সঙ্খারেহি যে ধম্মা… সল়াযতনপচ্চযা ফস্সেন যে ধম্মা… ৰেদনাপচ্চযা তণ্হায যে ধম্মা… তণ্হাপচ্চযা উপাদানেন যে ধম্মা… কম্মভৰেন যে ধম্মা খন্ধসঙ্গহেন সঙ্গহিতা আযতনসঙ্গহেন সঙ্গহিতা ধাতুসঙ্গহেন সঙ্গহিতা তে ধম্মা তীহি খন্ধেহি একেনাযতনেন সত্তহি ধাতূহি সম্পযুত্তা; একেন খন্ধেন একেনাযতনেন একায ধাতুযা কেহিচি সম্পযুত্তা. কতিহি ৰিপ্পযুত্তা? একেন খন্ধেন দসহাযতনেহি দসহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

৪১৪. পরিদেৰেন যে ধম্মা খন্ধসঙ্গহেন সঙ্গহিতা আযতনসঙ্গহেন সঙ্গহিতা ধাতুসঙ্গহেন সঙ্গহিতা, তে ধম্মা কতিহি খন্ধেহি কতিহাযতনেহি কতিহি ধাতূহি সম্পযুত্তাতি? নত্থি. কতিহি ৰিপ্পযুত্তা? চতূহি খন্ধেহি একেনাযতনেন সত্তহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

৪১৫. সোকেন যে ধম্মা… দুক্খেন যে ধম্মা… দোমনস্সেন যে ধম্মা খন্ধসঙ্গহেন সঙ্গহিতা আযতনসঙ্গহেন সঙ্গহিতা ধাতুসঙ্গহেন সঙ্গহিতা… তে ধম্মা তীহি খন্ধেহি একেনাযতনেন সত্তহি ধাতূহি সম্পযুত্তা; একেনাযতনেন একায ধাতুযা কেহিচি সম্পযুত্তা. কতিহি ৰিপ্পযুত্তা? একেন খন্ধেন দসহাযতনেহি দসহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

৪১৬. উপাযাসেন যে ধম্মা… সতিপট্ঠানেন যে ধম্মা… সম্মপ্পধানেন যে ধম্মা… অপ্পমঞ্ঞায যে ধম্মা… পঞ্চহি ইন্দ্রিযেহি যে ধম্মা… পঞ্চহি বলেহি যে ধম্মা… সত্তহি বোজ্ঝঙ্গেহি যে ধম্মা… অরিযেন অট্ঠঙ্গিকেন মগ্গেন যে ধম্মা… ফস্সেন যে ধম্মা… চেতনায যে ধম্মা… অধিমোক্খেন যে ধম্মা… মনসিকারেন যে ধম্মা… হেতূহি ধম্মেহি যে ধম্মা… হেতূহি চেৰ সহেতুকেহি চ ধম্মেহি যে ধম্মা… হেতূহি চেৰ হেতুসম্পযুত্তেহি চ ধম্মেহি যে ধম্মা… আসৰেহি ধম্মেহি যে ধম্মা… আসৰেহি চেৰ সাসৰেহি চ ধম্মেহি যে ধম্মা… আসৰেহি চেৰ আসৰসম্পযুত্তেহি চ ধম্মেহি যে ধম্মা… সংযোজনেহি ধম্মেহি যে ধম্মা… গন্থেহি ধম্মেহি যে ধম্মা… ওঘেহি ধম্মেহি যে ধম্মা… যোগেহি ধম্মেহি যে ধম্মা… নীৰরণেহি ধম্মেহি যে ধম্মা… পরামাসেহি ধম্মেহি যে ধম্মা… উপাদানেহি ধম্মেহি যে ধম্মা… কিলেসেহি ধম্মেহি যে ধম্মা… কিলেসেহি চেৰ সংকিলেসিকেহি চ ধম্মেহি যে ধম্মা… কিলেসেহি চেৰ সংকিলিট্ঠেহি চ ধম্মেহি যে ধম্মা… কিলেসেহি চেৰ কিলেসসম্পযুত্তেহি চ ধম্মেহি যে ধম্মা খন্ধসঙ্গহেন সঙ্গহিতা আযতনসঙ্গহেন সঙ্গহিতা ধাতুসঙ্গহেন সঙ্গহিতা, তে ধম্মা কতিহি খন্ধেহি কতিহাযতনেহি কতিহি ধাতূহি সম্পযুত্তা? তে ধম্মা তীহি খন্ধেহি একেনাযতনেন সত্তহি ধাতূহি সম্পযুত্তা; একেন খন্ধেন একেনাযতনেন একায ধাতুযা কেহিচি সম্পযুত্তা. কতিহি ৰিপ্পযুত্তা? একেন খন্ধেন দসহাযতনেহি দসহি ধাতূহি ৰিপ্পযুত্তা; একেনাযতনেন একায ধাতুযা কেহিচি ৰিপ্পযুত্তা.

দ্ৰে সচ্চা পন্নরসিন্দ্রিযা, একাদস পটিচ্চপদা;

উদ্ধং পুন একাদস, গোচ্ছকপদমেত্থ তিংসৰিধাতি.

সঙ্গহিতেনসম্পযুত্তৰিপ্পযুত্তপদনিদ্দেসো একাদসমো.