৪. সপদানচারিকঙ্গকথাৰণ্ণনা

২৭. ইমিনাতি সপদানচারিকেন. কালতরন্তি কালস্সেৰ. অফাসুকট্ঠানন্তি সপরিস্সযাদিৰসেন দুপ্পৰেসনট্ঠানং. পুরতোতি ৰীথিযং গচ্ছন্তস্স পুরতো ঘরং অপৰিট্ঠস্সেৰ. পত্তৰিস্সট্ঠট্ঠানন্তি পেসকারৰীথিযং পেসকারভাৰং নিম্মিনিত্ৰা ঠিতস্স সক্কস্স ঘরদ্ৰারে পত্তৰিস্সট্ঠট্ঠানং. উক্কট্ঠপিণ্ডপাতিকো তং দিৰসং ন ভিক্খং আগমযমানো নিসীদতি, তস্মা তং অনুলোমেতি. কত্থচিপি কুলে নিবদ্ধং উপসঙ্কমনাভাৰতো পরিচযাভাৰেন কুলেসু নিচ্চনৰকতা. সব্বত্থ অলগ্গমানসতায চ সোম্মভাৰেন চ চন্দূপমতা. কুলেসু পরিগ্গহচিত্তাভাৰেন তত্থ মচ্ছেরপ্পহানং. হিতেসিতায ৰিভাগাভাৰতো সমানুকম্পিতা. কুলানং সঙ্গণ্হনসংসট্ঠতাদযো কুলূপকাদীনৰা. অৰ্হানানভিনন্দনাতি নিমন্তনৰসেন অৰ্হানস্স অসম্পটিচ্ছনা. অভিহারেনাতি ভিক্খাভিহারেন. সেরিচারন্তি যথারুচি ৰিচরণং.

ইতি সপদানচারিকঙ্গকথাৰণ্ণনা.