সল়ৰগ্গ

মালুক্যপুত্তসুত্ত

পুচ্ছা – তেনাৰুসো ভগৰতা…পে… সম্মাসম্বুদ্ধেন সল়ৰগ্গে দুতিযং মালুক্যপুত্তসুত্তং কত্থ কং আরব্ভ কিস্মিং ৰত্থুস্মিং কথঞ্চ ভাসিতং.

ৰিস্সজ্জনা – সাৰত্থিযং ভন্তে আযস্মন্তং মালুক্যপুত্তত্থেরং আরব্ভ ভাসিতং. আযস্মা ভন্তে মালুক্যপুত্তত্থেরো ভগৰন্তং এতদৰোচ ‘‘সাধু মে ভন্তে ভগৰা সংখিত্তেন ধম্মং দেসেতু, যমহং ভগৰতো ধম্মং সুত্ৰা একো ৰূপকট্ঠো অপ্পমত্তো আতাপী পহিতত্তো ৰিহরেয্য’’ন্তি. তস্মিং ৰত্থুস্মিং ‘‘এত্থ দানি মালুক্যপুত্ত কিং দহরে ভিক্খূ ৰক্খামাতি’’আদিনা থেরং অপসাদেত্ৰা চেৰ উস্সাদেত্ৰা চ ‘‘তং কিং মঞ্ঞসি মালুক্যপুত্ত, যে তে চক্খুৰিঞ্ঞেয্যা রূপা অদিট্ঠা অদিট্ঠপুব্বা, ন চ পস্সসি, ন চ তে হোতি পস্সেয্যন্তি, অত্থি তে তত্থ ছন্দো ৰা রাগো ৰা এৰমাদিনা ভন্তে ভগৰতা ভাসিতং.

পুচ্ছা – ইমস্মিং চ খো পনাৰুসো ভগৰতা ওৰাদে সংখিত্তেন ভাসিতে সো আযস্মা মালুক্যপুত্তত্থেরো ভগৰন্তং কিং অৰোচ কথঞ্চস্স ভগৰা অনুঞ্ঞাসি. কীদিসো চস্সাযস্মতো মালুক্যপুত্তত্থেরস্স ধম্মাভিসমযো অহোসি.

ৰিস্সজ্জনা – ইমস্মিং খো ভন্তে ওৰাদে ভগৰতা সংখিত্তেন ভাসিতে আযস্মা মালুক্যপুত্তত্থেরো ভগৰন্তং এতদৰোচ ‘‘ইমস্স খ্ৰাহং ভন্তে ভগৰতা সংখিত্তেন ভাসিতস্স ৰিত্থারেন অত্থং আজানামি.

রূপং দিস্ৰা মুট্ঠা, পিযং নিমিত্তং মনসি করোতো;

সারত্তচিত্তো ৰেদেতি, তঞ্চ অজ্ঝোস তিট্ঠতি.

তস্স ৰড্ঢন্তি ৰেদনা, অনেকা রূপসম্ভৰা;

অভিজ্ঝা চ ৰিহেসা চ, চিত্তমস্সূপহঞ্ঞতি;

এৰং আচিনতো দুক্খং, আরা নিব্বান ৰুচ্চতি;

পেয্যাল

ন সো রজ্জতি ধম্মেসু, ধম্মং ঞত্ৰা পটিস্সতো;

ৰিরত্তচিত্তো ৰেদেতি, তঞ্চ নাজ্ঝোস তিট্ঠতি.

যথাস্স জানতো ধম্মং, সেৰতো চাপি ৰেদনং;

খীযতি নোপচীযতি, এৰং সো চরতী সতো;

এৰং অপচিনতো দুক্খং, সন্তিকে নিব্বান ৰুচ্চতীতি.

ইমস্স খ্ৰাহং ভন্তে ভগৰতা সংখিত্তেন ভাসিতস্স এৰং ৰিত্থারেন অত্থং আজানামীতি. ভগৰা চ ভন্তে ‘‘সাধু সাধু মালুক্যপুত্ত, সাধু খো ত্ৰং মালুক্যপুত্ত মযা সংখিত্তেন ভাসিতস্স ৰিত্থারেন অত্থং আজানাসী’’তি সাধুকারং দত্ৰা–

‘‘রূপং দিস্ৰা সতি মুট্ঠো, পিযং নিমিত্তং মনসি করোতো;

সারত্তচিত্তো ৰেদেতি, তঞ্চ অজ্ঝোস তিট্ঠতী’’তি–

আদিনা

থেরস্স ৰচনং সমনুঞ্ঞাসি. সো চ ভন্তে আযস্মা মালুক্যপুত্তত্থেরো একো ৰূপকট্ঠো অপ্পমত্তো আতাপী পহিতত্তো ৰিহরন্তো নচিরস্সেৰ যস্সত্থায কুলপুত্তা সম্মদেৰ অগারস্মা অনগারিযং পব্বজন্তি, তদনুত্তরং ব্রহ্মচরিযপরিযোসানং দিট্ঠেৰ ধম্মে সযং অভিঞ্ঞা সচ্ছিকত্ৰা উপসম্পজ্জ ৰিহাসি, ‘‘খীণা জাতি, ৰুসিতং ব্রহ্মচরিযং, কতং করণীযং, নাপরং ইত্থত্তাযা’’তি অব্ভঞ্ঞাসি. অঞ্ঞতরোচ পনাযস্মা মালুক্যপুত্তো অরহতং অহোসি. এৰং খো ভন্তে তস্স আযস্মতো অভিসম্পরাযো অহোসি.

রূপং দিস্ৰা সতি মুট্ঠা, পিযং নিমিত্তং মনসি করোতো;

সারত্তচিত্তো ৰেদেতি, তঞ্চ অজ্ঝোস তিট্ঠতি.

পমাদৰিহারীসুত্ত

পুচ্ছা – তত্থেৰ আৰুসো চতুত্থং পমাদৰিহারীসুত্তং ভগৰতা কত্থ কং আরব্ভ ভাসিতং.

ৰিস্সজ্জনা – সাৰত্থিযং ভন্তে সম্বহুলে ভিক্খূ আরব্ভ ‘‘পমাদৰিহারিঞ্চ ৰো ভিক্খৰে দেসেস্সামি অপ্পমাদৰিহারিঞ্চ, তং সুণাথ. কথঞ্চ ভিক্খৰে পমাদৰিহারী হোতি. চক্খুন্দ্রিযং অসংৰুতস্স ভিক্খৰে ৰিহরতো চিত্তং ব্যাসিঞ্চতি চক্খুৰিঞ্ঞেয্যেসু রূপেসু, তস্স ব্যাসিত্তচিত্তস্স পামোজ্জং ন হোতি, পামোজ্জে অসতি পীতি ন হোতি, পীতিযা পস্সদ্ধি ন হোতি, পস্সদ্ধিযা অসতি দুক্খং হোতি, দুক্খিনো চিত্তং ন সমাধিযতি, অসমাহি তে চিত্তে ধম্মা ন পাতুভৰন্তি, ধম্মানং অপাতুভাৰা পমাদৰিহারীত্ৰেৰ সঙ্খং গচ্ছতী’’তি এৰমাদিনা ভন্তে ভগৰতা ভাসিতং.