১০. দসকনিদ্দেসৰণ্ণনা

একিস্সা লোকধাতুযা

অট্ঠানমেতং অনৰকাসো যং একিস্সা লোকধাতুযা দ্ৰে অরহন্তো সম্মাসম্বুদ্ধা অপুব্বং অচরিমং উপ্পজ্জেয্যুং, নেতং ঠানং ৰিজ্জতীতি পজানাতি.

অজ্জ সত্থা পরিনিব্বাযতি, অজ্জ সাসনং ওসক্কতি, পচ্ছিমদস্সনং দানি ইদং অম্হাকন্তি দসবলস্স পরিনিব্বুতদিৰসতো মহন্ততরং কারুঞ্ঞং করিস্সন্তি.

একপুগ্গলো ভিক্খৰে লোকে উপ্পজ্জমানো উপ্পজ্জতি অচ্ছরিযমনুস্সো, কতমো একপুগ্গলো তথাগতো ভিক্খৰে অরহং সম্মাসম্বুদ্ধোতি.

ঝানৰিভঙ্গ

সুত্তন্তভাজনীয

অভিক্কন্তে পটিক্কন্তে সম্পজানকারী হোতি.

সতো সম্পজানো অভিক্কমতি,

সতো সম্পজানো পটিক্কমতীতি ৰুত্তং.

কিন্নূ মে এত্থ গতেন অত্থো অত্থি নত্থীতি অত্থানত্থং পরিগ্গহেত্ৰা অত্থপরিগ্গণ্হনং সাত্থকসম্পজঞ্ঞং.

আমিসতোপি ৰড্ঢি অত্থোযেৰ, তং নিস্সায ব্রহ্মচরিযা নুগ্গহায পটিপন্নত্তাতি ৰদন্তি.

মযা পব্বজিতদিৰসতো পট্ঠায ভিক্খুনা সদ্ধিং দ্ৰেকথা নাম নকথিতপুব্বা, অঞ্ঞস্মিং দিৰসে উপরিৰিসেসং নিব্বত্তেস্সামীতি চিন্তেত্ৰা ‘‘কিং ভন্তে’’তি পটিৰচনং অদাসি.

ভন্তে এতে মনুস্সা তুম্হাকং কিংহোন্তি, মাতিপক্খতো সম্বন্ধা পিতিপক্খতোতি.

আৰুসোযং মাতাপিতূহিপি দুক্করং, তং এতে মনুস্সা অম্হাকং করোন্তি, পত্তচীৰরম্পি নো এতেসং সন্তকমেৰ, এতেসং আনুভাৰেন নেৰ ভযে ভযং ন ছাতকে ছাতকং জানাম, এদিসানাম অম্হাকং উপকারিনো নত্থীতি তেসং গুণে কথেন্তো গচ্ছতি.

কম্মট্ঠানং নাম অত্থীতিপি সঞ্ঞং অকত্ৰা গামং পিণ্ডায পৰিসিত্ৰা অননুলোমিকেন গিহিসংসগ্গেন সংসট্ঠো চরিত্ৰা চ ভুঞ্জিত্ৰা চ তুচ্ছো নিক্খমতি.

আৰুসো তুম্হে ন ইণট্টা ন ভযট্টা ন আজীৰিকা পকতা পব্বজিতা, দুক্খা মুচ্চিতুকামা পনেত্থ পব্বজিতা. তস্মা গমনে উপ্পন্নকিলেসং গমনেযেৰ নিগণ্হথ. ঠানে, নিসজ্জায, সযনে উপ্পন্নকিলেসং সযনেযেৰ নিগ্গণ্হথাতি.

অযং ভিক্খু তুয্হং উপ্পন্নং ৰিতক্কং জানাতি, অননুচ্ছৰিকং তে এতন্তি অত্তানং পটিচোদেত্ৰা ৰিপস্সনং ৰড্ঢেত্ৰা অরিযভূমিং ওক্কমতি.

অযং থেরো পুনপ্পুনং নিৰত্তিত্ৰা গচ্ছতি, কিং নুখো মগ্গমূল়্হো উদাহু কিঞ্চি পমুট্ঠোতি সমুল্লপন্তি.

কিন্নূ খো এতে অম্হেহেৰ সদ্ধিং ন সল্লপন্তি উদাহু অঞ্ঞ মঞ্ঞম্পি, যদি অঞ্ঞমঞ্ঞম্পি ন সল্লপন্তি, অদ্ধা ৰিৰাদজাতা ভৰিস্সন্তি.

অঞ্ঞং উপ্পজ্জতে চিত্তং, অঞ্ঞং চিত্তং নিরুজ্ঝতি;

অৰীচি মনুসম্বন্ধো, নদী সোতোৰ ৰত্ততি.

আলোকিতে ৰিলোকিতে সম্পজানকারী হোতি.

সচে ভিক্খৰে নন্দস্স পুরত্থিমা দিসা আলোকেতব্বা হোতি, সব্বং চেতসা সমন্নাহরিত্ৰা নন্দো পুরত্থিমং দিসং আলোকেতি ‘এৰং মে পুরত্থিমং দিসং আলোকযতো নাভিজ্ঝা দোমনস্সা পাপকা অকুসলা ধম্মা অন্ৰাস্সৰিস্সন্তী’তি. ইতিহ সাত্থক সম্পজানো হোতি. সচে ভিক্খৰে নন্দস্স পচ্ছিমা দিসা, উত্তরা দিসা, দক্খিণা দিসা, উদ্ধং, অধো, অনুদিসা অনুৰিলোকেতব্বা হোতি, সব্বং চেতসা সমন্নাহরিত্ৰা নন্দো অনুদিসং অনুৰিলোকেতি ‘এৰং মে অনুদিসং অনুৰিলোকযতো…পে… সম্পজানো হোতীতি….

ভৰঙ্গা ৰজ্জনঞ্চেৰ, দস্সনং সম্পটিচ্ছনং;

সন্তীরণং ৰোট্ঠব্বনং, জৰনং ভৰতি সত্তমং.

সমিঞ্জিতে পসারিতে সম্পজানকারী হোতি.

সমিঞ্জিতে পহারিতেতি পব্বানং সমিঞ্জন পসারণে.

কস্মা ভন্তে সহসা হত্থং সমিঞ্জিত্ৰা পুন যথাঠানে ঠপেত্ৰা সণিকং সমিঞ্জিত্থাতি.

যতো পট্ঠায মযা আৰুসো কম্মট্ঠানং মনসিকাতুং আরদ্ধো, ন মে কম্মট্ঠানং মুঞ্জিত্ৰা হত্থো সমিঞ্জিতপুব্বো, ইদানি পন মে তুম্হেহি সদ্ধিং কথযমানেন কম্মট্ঠানং মুঞ্চিত্ৰা সমিঞ্জিতো, তস্মা পুন যথা ঠানে ঠপেত্ৰা সমিঞ্জেসিন্তি.

সাধু ভন্তে ভিক্খুনা নাম এৰরূপেন ভৰিতব্বন্তি.

সঙ্ঘাটিপত্তচীৰরধারণে সম্পজানকারী হোতি.

পুগ্গলপঞ্ঞত্তিঅট্ঠকথা

এককনিদ্দেস

কতমো চ পুগ্গলো সমযৰিমুত্তো, ইধেকচ্চো পুগ্গলো কালেন কালং সমযেন সমযং অট্ঠ ৰিমোক্খে কাযেন ফুসিত্ৰা ৰিহরতি, পঞ্ঞায চস্স দিস্ৰা একচ্চে আসৰা পরিক্খীণা হোন্তি. অযং ৰুচ্চতি পুগ্গলো সমযৰিমুত্তো.

অসমযৰিমুত্ত

কতমো চ পুগ্গলো অসমযৰিমুত্তো, ইধেকচ্চো পুগ্গলো নহেৰ খো কালেন কালং সমযেন সমযং অট্ঠৰিমোক্খে কাযেন ফুসিত্ৰা ৰিহরতি, পঞ্ঞায চস্স দিস্ৰা আসৰা পরিক্খীণা হোন্তি. অযং ৰুচ্চতি পুগ্গলো অসমযৰিমুত্তো. সব্বেপি অরিয পুগ্গলা অরিযে ৰিমোক্খে অসমযৰিমুত্তা.

কুপ্পাকুপ্পনিদ্দেস

কতমো চ পুগ্গলো কুপ্পধম্মো, ইধেকচ্চো পুগ্গলো লাভী হোতি রূপসহগতানং ৰা অরূপসহগতানং ৰা সমাপত্তীনং, সো চ খো ন নিকামলাভী হোতি ন অকিচ্ছলাভী ন অকসির লাভী, ন যত্থিচ্ছকং যদিচ্ছকং যাৰতিচ্ছকং সমাপজ্জতিপি ৰুট্ঠাতিপি, ঠানং খো পনেতং ৰিজ্ঝতি, যং তস্স পুগ্গলস্স পমাদমাগম্ম তা সমাপত্তিযো কুপ্পেয্যুং. অযং ৰুচ্চতি পুগ্গলো কুপ্পধম্মো.

সত্তক্খত্তুপরম সোতাপন্ন

কতমো চ পুগ্গলো সত্তক্খত্তুপরমো, ইধেকচ্চো পুগ্গলো তিণ্ণং সংযোজনানং পরিক্খযা সোতাপন্নো হোতি অৰিনিপাত ধম্মো নিযতো সম্বোধিপরাযণো, সো সত্তক্খত্তুং দেৰে চ মানুসে চ সন্ধাৰিত্ৰা সংসরিত্ৰা দুক্খস্সন্তং করোতি, অযং ৰুচ্চতি পুগ্গলো সত্তক্খত্তুপরমো.

সোতাপন্ন অধিপ্পায্য

সোতো সোতোতি হিদং সারিপুত্ত ৰুচ্চতি, কতমো নুখো সারিপুত্ত সোতোতি. অযমেৰ হি ভন্তে অরিযো অট্ঠঙ্গিকো মগ্গো সোতো. সেয্যথিদং, সম্মাদিট্ঠি…পে… সম্মাসমাধীতি. সোতাপন্নো সোতাপন্নোতি হিদং সারিপুত্ত ৰুচ্চতি, কতমো নুখো সারিপুত্ত সোতাপন্নোতি. যো হি ভন্তে ইমিনা অরিযেন অট্ঠঙ্গিকেন মগ্গেন সমন্নাগতো, অযং ৰুচ্চতি সোতাপন্নো, স্ৰাযং আযস্মা এৰংনামো এৰংগোত্তো ইতি ৰাতি, ইতিৰা….

কোলং কোল সোতাপন্ন

কতমো চ পুগ্গলো কোলং কোলো. ইধেকচ্চো পুগ্গলো তিণ্ণং সংযোজনানং পরিক্খযা সোতাপন্নো হোতি অৰিনিপাতধম্মো নিযতো সম্বোধিপরাযণো, সো দ্ৰে ৰা তীণি ৰা কুলানি সন্ধাৰিত্ৰা সংসরিত্ৰা দুক্খস্সন্তং করোতি, অযং ৰুচ্চতি কোলং কোলো.

একবীজী সোতাপন্ন

কতমো চ পুগ্গলো একবীজী, ইধেকচ্চো পুগ্গলো তিণ্ণং সংযোজনানং পরিক্খযা সোতাপন্নো হোতি অৰিনিপাতধম্মো নিযতো সম্বোধিপরাযণো, সো একংযেৰ মানুসকং ভৰং নিব্বত্তেত্ৰা দুক্খস্সন্তং করোতি, অযং ৰুচ্চতি পুগ্গলো একবীজী.

সকদাগামিনিদ্দেস

কতমো চ পুগ্গলো সকদাগামী, ইধে কচ্চো পুগ্গলো তিণ্ণং সংযোজনানং পরিক্খযা রাগদোসমোহানং তনুত্তা সকদাগামী হোতি সকিদেৰ ইমং লোকং আগন্ত্ৰা দুক্খস্সন্তং করোতি. অযং ৰুচ্চতি পুগ্গলো সকদাগামী.