৪৬. ইংস্স চ সিঞ

ইমিচ্চস্স সিঞ হোতি ম্হাত্থানঞ্চ বহুলং. ঞাকারো আখ্যাৰযৰত্থো (উকারো) ইকারো উচ্চারণত্থো. ‘‘অঈস্সা’’ দিনা ইঞাগমে তুম্হে অহোসিত্থ, অহোসি. পরস্সরলোপে রস্সে চ অহুং, অহোসিম্হ, অহুম্হ, রস্সো. ভাৰে-অভৰি, আস্সত্থাদেসো, অভৰিত্থ. অনজ্জতনে আঊআদিপচ্চযে কতে ‘‘যুৰণ্ণান+মিয ঙুৰঙ সরে’’তি উৰঙাদেসে অহুৰা, অহুৰু, অহুৰো, অহুৰত্থ. অস্স অমাদেসে অহুং অহুৰং, অহুম্হ ইচ্চাদি. ভাৰে-তেন অহুযি অহুযিত্থ. অহৰিস্সা, অহৰিস্সংসু ইচ্চাদি. ভাৰে-অহুযিস্স, অহুযিস্সথ. পুব্বস্সরলোপো, হেয্য, হেয্যুং ইচ্চাদি. ভাৰে-হূযেয্য, হূযেথ. হোতু, হোন্তু ইচ্চাদি. ভাৰে-হূযতু, হূযতং. অনুপুব্বে অনুভোতি ইচ্চাদি সব্বৰারেসু যোজেতব্বং. ভাৰে রূপাভাৰা. কম্মে-অনুভূযতি ইচ্চাদি ৰিসেসো.

সি=সযে, লস্স লোপো ৰুদ্ধি, সেতি. অযাদেসে সযতি, সেন্তি সযন্তি ইচ্চাদি. কম্মে-অতিপুব্বো, ক্যে ‘‘দীঘো সরস্সা’’তি ইস্স দীঘে চ কতে তেন অতিসীযতি, অতিসীযন্তি ইচ্চাদি. ভাৰে-তেন সীযতি, সীযতে. তথা ভৰিস্সতিআদীসু.

নী=পাপনে, দ্ৰিকম্মকো+যং, অজং গামং নেতি নযতি, নেন্তি নযন্তি ইচ্চাদি. কম্মে-নীযতে গামং অজো দেৰদত্তেন ইচ্চাদি. তথা সেসেসুপি যোজেতব্বং.

ঠা=গতিনিৰত্তিযং –