৭৮. এয্যামস্সে+মু চ

এয্যামস্স এমু ৰা হোতি উ চ. কিন্নু খো মযং ভৰেমু ভৰেয্যামু ভৰেয্যাম. পরচ্ছক্কে-ভৰেথ, ভৰেরং. ভৰেথো, ভৰেয্যাৰ্হো. ভৰে ভৰেয্যং, ভৰেয্যাম্হে. কম্মে-সুখং তযা অনুভুয্যে অনুভুয্যেয্য, অনুভুয্যুং অনুভূযেয্যুং. তেন ত্ৰং অনুভূযে অনুভূযেয্যাসি, তুম্হে অনুভূযেয্যাথো অনুভূযেয্যাথ. তেনা+হং অনুভূযেয্যামি, মযং অনুভূযেমু অনুভূযেয্যামু অনুভূযেয্যাম. পরচ্ছক্কে-অনুভূযেথ ইচ্চাদি. ভাৰে-ভূযে ভূযেয্য ভূযেথ.

ৰিধিম্হি-সো ওদনং পচে পচেয্য ইচ্চাদি. কম্মে-পচীযে পচীযেয্য পচ্চে পচ্চেয্য ইচ্চাদি.

অনুমতিযং-সো গামং গচ্ছে গচ্ছেয্য ইচ্চাদি. অঞ্ঞত্র গমে গমেয্য ইচ্চাদি. তথা ঘম্মে ঘম্মেয্য ইচ্চাদি.

পাতো পচেয্য চে ভুঞ্জে, ইচ্চে+ত্থ পচনক্রিযা;

হেতুভূতাতি ৰিঞ্ঞেয্যা, ফলং ত্ৰ+নুভৰক্রিযা.