৭. য্যোদো ৰা+তিপত্তিযং স্সা স্সংসু স্সে স্সথ স্সং স্সম্হা স্সথ স্সিংসুস্সসেস্সৰ্হেস্সিং স্সাম্হসে.

এয্যাদো ৰিসযে ক্রিযাতিপত্তিযং স্সাদযো হোন্তি. ৰিধুরপচ্চযোপনিপাততো কারণৰেকল্লতো ৰা ক্রিযাতিপতন+মনিপ্ফত্তি ক্রিযাতিপত্তি. এতে চ স্সাদযো সামত্থিযা অতীতানাগতেস্ৰেৰ হোন্তি, ন ৰত্তমানে, তত্র ক্রিযাতিপত্যসম্ভৰা. ইঞাগমে স্সাস্স ৰা রস্সে চ সচে সো পঠমৰযে পব্বজ্জং অলভিস্স, অরহা অভৰিস্স ভৰিস্স অভৰিস্সা ভৰিস্সা ৰা, তে চ তং অলভিস্সংসু, অরহন্তো অভৰিস্সংসু ভৰিস্সংসু. ‘‘এয্যাথা’’দিনা স্সেস্স ৰা অকারে ত্ৰং অভৰিস্স ভৰিস্সে. তুম্হে অভৰিস্সথ. অহং অভৰিস্সং. রস্সে মযং অভৰিস্সম্হ ভৰিস্সম্হ অভৰিস্সম্হা ভৰিস্সম্হা. পরচ্ছক্কে-সো অভৰিস্সথ, অভৰিস্সিংসু. অভৰিস্সসে, অভৰিস্সৰ্হে. অভৰিস্সিং, অভৰিস্সাম্হসে.

কম্মে-তেন সুখং অন্ৰভৰিস্স, অন্ৰভৰিস্সংসু ক্যলোপো. অন্ৰভূযিস্স অন্ৰভূযিস্সা ইচ্চাদি. ভাৰে-তেন অভূযিস্স ভূযিস্স অভূযিস্সা ভূযিস্সা. অভূযিস্সথ ভূযিস্সথ.

এৰং তণ্ডুলাদিসাধনং অলভিস্স, ওদনং অপচিস্স পচিস্স ইচ্চাদি. কম্মে-তেন ওদনো অপচিস্স পচিস্স অপচিস্সা পচিস্সা অপচীযিস্স পচীযিস্স অপচীযিস্সা পচীযিস্সা অপচ্চিস্স পচ্চিস্স অপচ্চিস্সা পচ্চিস্সা ইচ্চাদি.

সো অগচ্ছিস্স গচ্ছিস্স অগচ্ছিস্সা গচ্ছিস্সা ইচ্চাদি. চ্ছাদেসা+ভাৰে অগমিস্স গমিস্স অগমিস্সা গমিস্সা ইচ্চাদি. কম্মে-অগচ্ছিস্স গচ্ছিস্স অগচ্ছীযিস্স ইচ্চাদি. অগমিস্স গমিস্স অগমীযিস্স ইচ্চাদি. তথা অঘম্মিস্স ইচ্চাদি. (ক্রিযাতিপত্তিপচ্চযনযো).