৪৯. ক্যস্স স্সে

ক্যস্স ৰা লোপো হোতি স্সে. সুখং তযা অনুভৰিস্সতি, অনুভৰিস্সন্তি. অনুভৰিস্সসি, অনুভৰিস্সথ. অনুভৰিস্সামি, অনুভৰিস্সাম. অঞ্ঞত্র অনুভূযিস্সতি, অনুভূযিস্সন্তি ইচ্চাদি. এৰং পরচ্ছক্কে. ভাৰে-ভূযিস্সতি ভূযিস্সতে.

কত্তরি-পচিস্সতি, পচিস্সন্তি ইচ্চাদি. কম্মে-পচিস্সতি ওদনো দেৰদত্তেন, পচীযিস্সতি, পচ্চিস্সতি. পচ্চিস্সন্তি ওদনা পচীযিস্সন্তি, পচীযিস্সরে, পচ্চিস্সরে, পচ্চিস্সন্তি.

গমিতো কত্তরি-সো গচ্ছিস্সতি, তে গচ্ছিস্সন্তি. ত্ৰং গচ্ছিস্সসি, তুম্হে গচ্ছিস্সথ. অহং গচ্ছিস্সামি, মযং গচ্ছিস্সাম. গচ্ছিস্সতে, গচ্ছিস্সন্তে. গচ্ছিস্সসে, গচ্ছিস্সৰ্হে. গচ্ছিস্সং, গচ্ছিস্সাম্হে. সগ্গং গমিস্সতি, গমিস্সন্তি. গমিস্সসি, গমিস্সথ. গমিস্সামি, গমিস্সাম ইচ্চাদি. কম্মে-গচ্ছিযিস্সতি, গচ্ছিযিস্সন্তি ইচ্চাদি. ক্যলোপে গমিস্সতি, গমিস্সন্তি ইচ্চাদি. তথা ঘম্মিস্সতি ঘম্মীযিস্সতি, ঘম্মিস্সন্তি, ঘম্মীযিস্সন্তি ইচ্চাদি.