৩৭. ক্যস্সতি

ক্রিযত্থা ক্যস্স ঈঞ ৰা হোতি. ঞো আদ্যাৰযৰত্থো. দেৰদত্তেন ওদনো পচীযতি পচ্চতি, রেআদেসে ওদনা পচীযরে পচীযন্তি, পচ্চরে পচ্চন্তি. চৰগ্গপুব্বরূপানি. ত্ৰং পচীযসি পচ্চসি, তুম্হে পচীযথ পচ্চথ. অহং পচীযামি পচ্চামি, মযং পচীযাম পচ্চাম. পরচ্ছক্কে দেৰদত্তেন ওদনো পচীযতে ইচ্চাদি.

গমিতো কম্মে চ্ছঙ চ ঈঞআগমে চ কতে তেন গামো গচ্ছীযতি, গামা গচ্ছীযন্তি. গচ্ছীযসি, গচ্ছীযথ. গচ্ছীযামি, গচ্ছীযাম. এৰং পরচ্ছক্কে. গমীযতি গম্মতি, গমীযন্তি গম্মন্তি. গমীযসি গম্মসি, গমীযথ গম্মথ, গমীযামি গম্মামি, গমীযাম গম্মাম পরচ্ছক্কেপি এৰং. তথা ঘম্মীযতি, ঘম্মীযন্তি ইচ্চাদি.

ক্রিযত্থা কত্তরি ত্যাদি, কম্মস্মিঞ্চ সকম্মকা;

ভাৰে ৰা+কম্মকা কম্মা+ৰচনিচ্ছায মঞ্ঞতে.

তথা হি ৰিজ্জমানস্সাপি কম্মাস্স অৰচনিচ্ছাযং ইদং ৰুচ্চতি –

সতোপি ন ৰিৰক্খা+স্স, অসতোপি চ সা ভৰে;

তং যথা+নুদরা কঞ্ঞা, ৰঞ্ঝাৰদ্ধিতকো যথা.

ৰিৰক্খা লোকিকা এসা, অসক্য+মতিৰত্তিতুং;

কথ+মেস ৰিপরিযাসো, লোকো এৰা+নযুজ্জতে.

(ৰত্তমানপচ্চযনযো).