৫,৪. তুংস্মা লোপো চি+চ্ছাযং তে

তুমন্ততো ইচ্ছায+মত্থে তে খ+স+ছা হোন্তি বহুলং, তুংপচ্চযস্স লোপো চ হোতি, সুতত্তা. ভুজ=পালন+জ্ঝোহারেসু. ভোজনাযাতি ৰিগ্গয্হ ‘‘তুং+তাযে’’চ্চাদিনা তুংপচ্চযে ‘‘লহুস্সুপন্তস্সা’’তি ওকারে পররূপে চ কতে ভোত্তু+মিচ্ছতীতি ৰিগ্গয্হ ইমিনা খপচ্চযে তুংপচ্চযস্স ইমিনা চ লোপে ‘‘নিমিত্তাভাৰে নেমিত্তিকস্সাপি চ অভাৰো’’তি ঞাযা পররূপওকারানং অভাৰে খস্স পররূপ+খকারাদিম্হি চ কতে ভুক্খ ভুক্খ ইতি দ্ৰিত্তে ততিযবকারো হোতি, বুভুক্খধাতুতো ত্যাদযো হোন্তি, বুভুক্খতি, বুভুক্খন্তি ইচ্চাদি.

জি=জযে, জযনায ইতি ৰিগ্গয্হ পুরে ৰিয তুমাদিম্হি কতে জেতু+মিচ্ছতীতি ৰিগ্গয্হ সপ্পচ্চযে জিস জিস ইতি দ্ৰিত্তে অনাদিব্যঞ্জনলোপে দ্ৰিত্তে পরস্স জিস্স ‘‘জিহরানং গিং’’তি গিং. জিগিংসধাতুতো ত্যাদীসু জিগিংসতি, জিগিংসন্তি ইচ্চাদি.

ঘস=অদনে, ঘসিতু+মিচ্ছতি ছপ্পচ্চযাদিম্হি পুরে ৰিয কতে ঘস্স ‘‘কৰগ্গহা’’দিনা ঝে ঝস্স ‘‘চতুত্থদুতিযা’’ দিনা জকারে ‘‘খছসেস্ৰস্সী’’তি ইকারে চ কতে জিঘচ্ছধাতুতো ত্যাদযো হোন্তি. জিঘচ্ছতি, জিঘচ্ছন্তি+চ্চাদি.