৫,১. তিজ+মানেহি খ+সা খমা+ৰীমংসাসু

খন্তিযং তিজা, ৰীমংসাযং মানা চ খ+সপচ্চযা হোন্তি যথাক্কমং. তিজ=নিসানে, অকারস্সা+পযোগো. খে ‘‘লহুস্সুপন্তস্সা’’তি পত্তে+কারস্স ‘‘অঞ্ঞত্রাপী’’তি পটিসেধো. যকারৰজ্জিতব্যঞ্জনস্স ‘‘পররূপ+মযকারে ব্যঞ্জনে’’তি পররূপঞ্চ. ‘‘চতুত্থদুতিযা’’ দিনা পঠমক্খরককারে চ ‘‘খছসান+মেকস্সরো+দি দ্ৰে’’তি তিক্খ তিক্খ ইতি দ্ৰিভাৰে ‘‘লোপো+নাদিব্যঞ্জনস্সা’’তিআদিতো+ঞ্ঞস্স ব্যঞ্জনস্স লোপে চ কতে তিতিক্খাধাতুতো ত্যাদিপচ্চয+লৰিকরণানি. তিতিক্খতি ইচ্চাদি পুরিমসমং. কম্মে-তিতিক্খীযতি ইচ্চাদি. ইতো পরং কম্মোদাহরণং ন করিস্সাম.

মান=পূজাযং+তিমস্মা সপচ্চয, দ্ৰিত্তাদিম্হি কতে ‘‘মানস্স ৰী পরস্স চ মং’’তি পুব্বমানস্স ৰী চ পরমানস্স মঞ্চ হোতি. ৰীমংসধাতুতো তিপচ্চযাদিম্হি কতে ৰীমংসতি ইচ্চাদি. তিতিক্খিস্সতি, ৰীমংসিস্সতি ইচ্চাদি. এৰ+মুপরিপি অজ্জতনাদীসুপি যোজেতব্বং. পযোজকত্তা ণি, ‘‘ণিণাপ্যাপীহি ৰা’’তি লৰিকরণং, তেজযতি তেজেতি. তথা চুরাদিত্তা ন লৰিকরণং, মানযতি মানেতি.