৮০. দণ্ডাদিত্ৰি+ক+ঈ ৰাতি

ইক+ঈ হোন্তি ৰা মন্তত্থে. বহুলংৰিধানা কুতোচিসদ্দতো দ্ৰে হোন্তি, কুতো চে+কমেকংৰ. নিচ্চযুত্তো দণ্ডো অস্স অত্থীতি দণ্ডিকো দণ্ডী. গন্ধিকো গন্ধী. ৰাত্ৰেৰ, দণ্ডৰা.

‘‘উত্তমিণেৰ ধনা ইকো’’তি গণসুত্তেন ইকো ধনিকো. অঞ্ঞো ধনী ধনৰা.

‘‘অসন্নিহিতে অত্থা’’ অসন্নিহিতো অত্থো অস্স অত্থীতি অত্থিকো অত্থী. সন্নিহিতে অত্থৰা. ‘‘তদন্তা চ’’ পুঞ্ঞত্থো অস্স অত্থীতি পুঞ্ঞত্থিকো পুঞ্ঞত্থী.

‘‘ৰণ্ণন্তা ঈযেৰ’’. ব্রহ্মৰণ্ণং অস্স অত্থীতি ব্রহ্মৰণ্ণী, দেৰৰণ্ণী.

‘‘হত্থদন্তেহি জাতিযং’’. হত্থ+মস্স অত্থীতি হত্থী, দন্তী. অঞ্ঞত্র হত্থৰা দন্তৰা.

‘‘ৰণ্ণতো ব্রহ্মচারিম্হি’’. ৰণ্ণো অস্স অত্থীতি ৰণ্ণিকো ব্রহ্মচারী.

‘‘পোক্খরাদিতো দেসে’’. পোক্খরং জলং পদুমং ৰা অস্স অত্থীতি পোক্খরী, ‘‘যুৰণ্ণেহি নী’’তি নীম্হি ‘‘ঘরণ্যাদযো’’তি ঈস্স অত্তং, নস্স ণো চ, পোক্খরণী, উপ্পলিনী, কুমুদিনী, ভিসিনী, মুলালিনী, সালুকিনী.

‘‘ক্ৰচা+দেসেপি’’. পদুম+মস্স অত্থীতি পদুমী পদুমিনী পদুমিনীপণ্ণং. দেসতো+ঞ্ঞত্র পোক্খরৰা হত্থী.

‘‘নাৰাযি+কো’’ নাৰিকো. সিখী, বালী, সীলী, বলী.

‘‘সুখদুক্খা ঈ’’. সুখী দুক্খী. ‘‘বলা বাহূরুপুব্বা চ’’. বাহুবলী, ঊরুবলী.