২৯. তেন কতং কীতং বদ্ধ+মভিসঙ্খতং সংসট্ঠং হতং হন্তি জিতং জযতি দিব্বতি খনতি তরতি চরতি ৰহতি জীৰতিতি

কতাদীস্ৰ+ত্থেসু ণিকো. কাযেন কতং কাযিকং, ৰাচসিকং, মানসিকংতি সকাগমো. ৰাতেন কতো আবাধো ৰাতিতো, সেম্হিকো, পিত্তিকো. সতেন কীতং সাতিকং, সাহস্সিকং, ৰত্থেন কীতং ৰত্থিকং, কুম্ভিকং, সোৰণ্ণিকং, ঘাতিকং. মূলতোৰ পচ্চযো, অমূলৰাচিত্তা দেৰদত্তেন কীতোতি ন হোতি, তদত্থাপ্পতীতিযা. ৰরত্থায বদ্ধো ৰারত্তিকো, আযসিকো, পাসিকো, সুত্তিকো. ঘতেন অভিসঙ্খতং সংসট্ঠং ৰা ঘাতিকং, গোল়িকং, দধিকং, মারীচিকং. জালেন হতো হন্তীতি ৰা জালিকো, বালিসিকো. অক্খেহি জিতং অক্খিকং ধনং, সালাকিকং, তিন্দুকিকো, অম্বফলিকো. অক্খেহি জযতি দিব্বতি ৰা অক্খিকো. খণিত্তিযা খনতীতি খাণিত্তিকো, কুদ্দালিকো. দেৰদত্তেন জিতং, অঙ্গুল্যা খনতীতি ন হোতি, তদত্থানৰগমা. উল়ুম্পেন তরতীতি ওল়ুম্পিকো, উল়ুম্পিকোতি ইকো. কুল্লিকো, গোপুচ্ছিকো, নাৰিকো. সকটেন চরতীতি সাকটিকো, রথিকো. পরপ্পিকোতি ইকো. খন্ধেন ৰহতীতি খন্ধিকো. অংসিকো, সীসিকোতি ইকো. ৰেতনেন জীৰতীতি ৰেতনিকো, ভতিকো, কযিকো, ৰিক্কযিকো, কযৰিক্কযিকোতি ইকো.