৯. তং নপুংসকন্তি

নপুংসকলিঙ্গে চ ‘‘পুব্বস্মা+মাদিতো’’তি সব্বৰিভত্তীনং লোপে চ কতে অধিত্থি তিট্ঠতি, ভো অধিত্থি, অধিত্থি পস্স, অধিত্থি কতং, অধিত্তি চরতি, অধিত্থি দেহি, অধিত্থি অপেহি, অধিত্থি আযত্তং, অধিত্থি পতিট্ঠিতং. এৰং অধিকুমারি, অন্তভূতস্স অপ্পধানস্স ঘপস্স ‘‘ঘপস্স+ন্তস্সা+প্পধানস্সা’’তি পস্স রস্সো.

সহ=সম্পন্নং ব্রহ্মং সব্রহ্মং. ৰুত্তনযেন এত্থ চ উপরি চ সমাসাদযো হোন্তি, এত্থ ‘‘অকালে সতত্থে’’তি সহস্স সাদেসো. স্যাদিম্হি কতে ‘‘পুব্বস্মা+মাদিতো’’তি স্যাদীনং লোপে চ সম্পত্তে ‘‘না+তো+মপঞ্চমিযা’’তি অপঞ্চমিযা পটিসেধো চ অকারন্তঅসংখ্যসমাসতো পরাসং সব্বৰিভত্তীনং অংআদেসো চ হোতি. এৰ+মুপরিপি.

ভিক্খানং সমিদ্ধি সুভিক্খং, এত্থ ঘস্স রস্সো. সুভিক্খং তিট্ঠতি ভো সুভিক্খং, সুভিক্খং পস্স. না+স্মিংসু ‘‘ৰা ততিযা সত্তমীনং’’তি ৰিকপ্পেন অং, সুভিক্খং সুভিক্খেন ৰা কতং, সুভিক্খং সুভিক্খেন ৰা চরতি, সুভিক্খং দেহি. পঞ্চমিযং অ+মব্ভাৰা সুভিক্খা অপগচ্ছ, সুভিক্খ+মাযত্তং, সুভিক্খং সুভিক্খে ৰা পতিট্ঠিতং.

সমীপত্থে-কুম্ভস্স সমীপং উপকুম্ভং, এৰং উপনগরং, ভো উপকুম্ভং ইচ্চাদি.

সাকল্যে-তিণম্পি অসেসেত্ৰাতি সতিণং, তিণম্পি অসেসেত্ৰা অজ্ঝোহরণীয+মজ্ঝোহরতীত্যত্থো. সেসং সব্রহ্মসমং. অগ্গিম্পি অসেসেত্ৰাতি সাগ্গি, অগ্গিগন্থংপি অসেসেত্ৰা অধীতেত্যত্থো. ৰারগ্গহণং অধিত্থিসমং.

অভাৰো সম্বন্ধীভেদা বহুৰিধো, তত্র ইদ্ধাভাৰেৰিগতা ইদ্ধি=ৰিভূতি সদ্দিকানন্তি দুস্সদ্দিকং. অত্থাভাৰেমক্খিকানং অভাৰো নিম্মক্খিকং, নিদ্দরথং, নিম্মসকং. অতিক্কমাভাৰে-অতিগতানি তিণানি নিত্তিণং. উপভোগসম্বন্ধীৰত্তমানকালস্স অভাৰে-অতিগতং লহুপাৰুরণং অতিলহুপাৰুরণং, লহুপাৰুরণস্স না+যং উপভোগতা লোতি অত্থো.

যথাত্থো+নেকৰিধো, তত্র যোগ্গতাযং-যোগ্গং রূপ+মনুরূপং. ৰিচ্ছাযং-অদ্ধমাসং অদ্ধমাসং অনু অন্ৰদ্ধমাসং, এৰং পচ্চত্তং. অত্থানতিৰত্তিযং-সত্তিং অনতিক্কম্ম যথাসত্তি. এৰং যথাক্কমং, যথাবলং. বহুলাধিকারা যা যা পরিসা যথাপরিসা. সদিসত্থে-কিখিযা কণ্হৰিচ্ছিতধেনুযা সদিসো সকিখি, সহস্স সাদেসো. আনুপুব্বিযং-জেট্ঠানুক্কমেন অনুজেট্ঠং.

পচ্ছাঅত্থে-রথস্স পচ্ছা অনুরথং.

যুগপদত্থে-চক্কেন সহ=এককালং সচক্কং, চক্কেন একক্খণে নিধেতীতি অত্থো.