১০৯. পুরিসে ৰাতি

কুস্স কা ৰা. কুচ্ছিতো পুরিসো কাপুরিসো, কুপুরিসো ৰা. পকট্ঠো নাযকো পনাযকো, পধানং ৰচনং পাৰচনং ভুসং ৰদ্ধং পৰদ্ধং সরীরং, সমং সম্মা ৰা আধানং সমাধানং, ৰিৰিধা মতি ৰিমতি, ৰিৰিধো ৰিসিট্ঠো ৰা কপ্পো ৰিকপ্পো, অধিকো দেৰো অতিদেৰো, এৰং অধিদেৰো, অধিসীলং. সুন্দরো গন্ধো সুগন্ধো, কচ্ছিতো গন্ধো দুগ্গন্ধো, সুট্ঠু কতং সুকতং, দুট্ঠু কতং দুক্কতং অভি সিঞ্চনং অভিসেকোতি সনন্তো, অতিসযেন কত্ৰা, কতং পকরিত্ৰা, পকতং, অতিসযেন থুতং অতিত্থুতং, অতিক্কম্ম থুতং অতিত্থুতং, ঈসং কল়ারো আকল়ারো, সুট্ঠু বদ্ধো আবদ্ধো.

পাদযো গতাদ্যত্থে পঠমায

পগতো আচরিযো পাচরিযো, এৰং পন্তেৰাসী.

অচ্চাদযো কন্তাদ্যত্থে দুতিযায

অতিক্কন্তো মঞ্চং অতিমঞ্চো. অতিমালো, ‘‘ঘপস্স+ন্তস্সা+প্পধানস্সা’’তি মালাসদ্দে ঘস্স রস্সো. এৰ+মুপরিপি ঘপানং রস্সো.

অৰাদযো কুট্ঠাদ্যত্থে ততিযায

অৰকুট্ঠং কোকিলায ৰনং অৰকোকিলং, অৰমযূরং. অৰকুট্ঠন্তি পরিচ্চত্তং.

পরিযাদযো গিলানাদ্যত্থে চতুত্থিযা

পরিগিলানো+জ্ঝেনায পরিযজ্ঝেনো.

ন্যাদযো কন্তাদ্যত্থে পঞ্চমিযা

নিক্খন্তো কোসম্বিযা নিক্কোসম্বি. অস্যাদিৰিধিম্হীতি কিং, রুক্খং পতি ৰিজ্জোততে.