৩৫. ছট্ঠী চা+নাদরে

যস্স ভাৰো ভাৰন্তরস্স লক্খণং ভৰতি, ততো ছট্ঠী হোতি সত্তমী চা+নাদরে গম্যমানে. অকামকানং মাতাপিতূনং রুদন্তানং পব্বজি, মাতাপিতূসু রুদন্তেসু ৰা. ‘‘আকোটযন্তো সো নেতি, সিৰিরাজস্স পেক্খতে’’, ‘‘মচ্চু আদায গচ্ছতি, পেক্খমানে মহাজনে’’.

গুন্নং সামীতি সম্বন্ধে ছট্ঠী, গোসু সামীতি ৰিসযসত্তমী. এৰং গুন্নমিস্সরো, গোস্ৰি+স্সরো, গুন্নং অধিপতি, গোসু অধিপতি, গুন্নং দাযাদো, গোসু দাযাদো, গুন্নং সক্খী, গোসু সক্খী, গুন্নং পতিভূ, গোসু পতিভূ, গুন্নং পসুতো, গোসু পসুতো, কুসলা নচ্চগীতস্স, কুসলা নচ্চগীতে, আযুত্তো কটকরণস্স, আযুত্তো কটকরণে. তথা আধারৰচনিচ্ছাযং সত্তমী, ভিক্খূসু অভিৰাদেন্তি, মুদ্ধনি চুম্বিত্ৰা, বাহাসু গহেত্ৰা, হত্থেসু পিণ্ডায চরন্তি, কদলীসু গজে রক্খন্তি, ঞাণস্মিং পসন্নো, ঞাণস্মিং উস্সুক্কোতি ৰিসযসত্তমী.