২০০. কি+মংসিসু সহ নপুংসকে

অংসিসু সহ তেহি কিং সদ্দস্স কিংহোতি নপুংসকে. কাদেসস্স সামঞ্ঞত্তা ‘‘ৰিসেসৰিহিতা ৰিধযো সামঞ্ঞৰিধযো নিসেধেন্তী’’তি ঞাযা কিংআদেসেন কাদেসনিৰুত্তি. কিং, কানি. কিং, কে কানি. কেনে+চ্চাদি পুব্বেৰ.

একসদ্দো সংখ্যা+তুল্য+ঞ্ঞ+সহাযৰচনো. যদা সংখ্যাৰচনো, তদা একৰচনন্তো, অত্র একসদ্দো সংখ্যেয্যৰাপী. অঞ্ঞত্র তুল্যাদীসু বহুৰচনন্তোপি. একো, একে. একা, একা একাযো. একং, একানি+চ্চাদি সব্বসমং তিলিঙ্গে.

তুল্যে একো ৰিলাসো দ্ৰিন্নং কুমারানং, একে ৰণ্ণসদ্দা দ্ৰিন্নং কুমারানং. অঞ্ঞত্থে একো আচরিযো এৰ+মাহ, একে আচরিযা এৰ+মাহংসু. অসহাযতে একোৰ অরঞ্ঞং পৰিসিত্ৰা.

একো, একে. একা, একা একাযো. একং একানি+চ্চাদি সব্বসমং তিলিঙ্গে. স্সা+স্সংসু পন ‘‘স্স’’মাদিনা ই, একিস্সা একায, একিস্সং একাযং একায.

ইধ অত্তপরগারৰৰসেন একস্সাপি ‘‘অম্হাকং রঞ্ঞো’’তিপি ‘‘একে আচরিযা’’তিপি বহুৰচনস্স লোকেন ইচ্ছিতত্তা বহুলৰিধানা বহুৰচনেনেৰ সিজ্ঝতি.

তুম্হ+অম্হসদ্দা অলিঙ্গা, তথা উভ+কতি+দ্ৰিসদ্দা, পঞ্চাদযো অট্ঠারসন্তা চ. তুম্হ সি, অম্হ সি.