১৫৩. হিমৰতো ৰা ও

হিমৰতো সিম্হি ন্তুস্স ও ৰা হোতি, হিমৰন্তো হিমৰা. সেসং পুরিমসমং.

আযস্মন্তুসদ্দো কম্মৰাচায ক্ৰচি বহুলাধিকারা দ্ৰিৰচনেন আযস্মন্তা, তিণ্ণং ৰচনেন আযস্মন্তোতি দিস্সতি.

এৰং সতিমা ধিতিমা গতিমা মুতিমা মতিমা জুতিমা সিরিমা হিরিমা থুতিমা রতিমা যতিমা সুচিমা কলিমা বলিমা কসিমা রুচিমা বুদ্ধিমা চক্খুমা বন্ধুমা হেতুমা সেতুমা কেতুমা রাহুমা ভাণুমা খাণুমা ৰিজ্জুমা ইচ্চাদযো.

উকারন্তং.

ৰেস্সভূ সিলোপো. তে চ রস্সাভাৰোৰ ৰিসেসো. ‘‘একৰচনযোস্ৰ+ঘোনং’’তি রস্সে ‘‘লা যোনং ৰো পুমে’’তি ৰো, ৰেস্সভুৰো, ‘‘ৰেৰোসু লুস্সা’’তি ৰুত্তত্তা ন টাদেসো, ‘‘লোপোতি যোলোপে ৰেস্সভূ. ‘‘গে ৰা’’তি ৰা রস্সে ভো ৰেস্সভু ৰেস্সভূ, ৰেস্সভুৰো ৰেস্সভূ. ৰেস্সভুং, ৰেস্সভুৰো ৰেস্সভূ. ৰেস্সভুনা ইচ্চাদি ভিক্খুসমং. এৰং সযম্ভূ পরাভিভূ অভিভূআদযো. গোত্রভূ+সহভূসদ্দেহি পন যোনং ‘‘জন্ত্ৰাদিতো নো ৰা’’তি নো, ৰো ৰা, গোত্রভুনো গোত্রভুৰো গোত্রভূ. সহভুনো সহভুৰো সহভূ, সেসং ৰেস্সভূসমং.