নিগম পরমত্থদীপনী

১৭২. চারিত্তেন কুলাচারেন সোভিতে ঞাতি মিত্ত ধন ভোগসম্পত্তিযা ৰিসালে কুলে উদযো ৰড্ঢি যস্স সোতি চারিত্তসোভিতৰিসালকুলোদযো. তেন. সদ্ধায অভিৰুড্ঢানং পরিসুদ্ধানঞ্চ অত্তনো সীলসুতচাগাদিগুণানং উদযো ৰড্ঢি এতস্মিন্তি সদ্ধাতিৰুড্ঢপরিসুদ্ধগুণোদযো. তেন. নম্পৰ্হযেনাতি নম্পনামকেন উপাসকেন. পণিধাযাতি ভুসং নিধায হদযে থপেত্ৰা উপাদায পটিচ্চ. পরানুকম্পন্তি পরেসং অত্তনো মন্দবুদ্ধীনং পচ্ছিমজনানং অনুকম্পং অনুদযং কারুঞ্ঞং পণিধাযাতি সম্বন্ধো. পত্থিতন্তি অভিযাচিতং. পুঞ্ঞেন তেন ৰিপুলেনাতি তেন ৰিপুলেন অভিধম্মত্থ সঙ্গহপকরণস্স করণপুঞ্ঞেন. তুমূলসোমন্তি এৰং নামকং ৰিহারং. ৰুত্তঞ্হি খুদ্দসিক্খাটীকাযংসীহল়দীপে তুমূলসোমৰিহারে সঙ্ঘস্স পাকৰত্তংপি তাল পণ্ণং ৰিক্কিণিত্ৰা করীযতি. ন হি তত্থ পণ্ণেন অত্থো অত্থি. সব্বেপি ইট্ঠকচ্ছন্না পাসাদাদযোতি. এসো কির ৰিহারো আদিতো অভযগিরিরঞ্ঞো অগ্গমহেসিভূতায সোমদেৰিযা কারাপিতত্তা যাৰজ্জতনাপি সোমৰিহারোত্ৰেৰ পঞ্ঞাযিত্থ. তুমূলসদ্দো পন ৰিপুলসদ্দপরিযাযো.

অথেত্থ ৰত্ততি সদ্দো, তুমূলো ভেরৰো মহা;

হত্থিনাগে পদিন্নম্হি, সিৰীনং রট্ঠৰড্ঢনেতি.

আদীসু

ৰিয. সোচ ৰিহারো সট্ঠিমত্তেহি মহাপরিৰেণেহি সণ্ঠিতো হোতীতি অতিৰিয ৰিপুলো মহন্তো ৰিত্থিণ্ণো হোতি. তস্মা সো ৰিপুলত্তা মহন্তত্তা ৰিত্থিণ্ণত্তা তুমূল সোমোতি ৰুচ্চতি. তং তুমূলসোমং. অত্থতো মহাসোম ৰিহারন্তি ৰুত্তং হোতি. এতেন থেরো অত্তনো আচরিযৰংসস্স ৰসন ৰিহারং কিত্তেতি. অত্তনো ৰসনট্ঠানং পন নামরূপপরিচ্ছেদে কিত্তিতং. ধঞ্ঞাধিৰাসন্তি তস্মিং ৰিহারে আদিকম্মিকভূত মহিন্দত্থেরাদীনং পুঞ্ঞৰন্তত্থেরানং অজ্ঝাৰুট্ঠভূতং. দীপপসাদক মহামহিন্দত্থেরস্স হি ৰংসে জাতত্তা তস্মিং ৰিহারে আদিকম্মিকভূতো মহাথেরোপি মহিন্দত্থেরোনামাতি ধাতুৰংসে ৰুত্তো. উদিতোদিতন্তি অতিৰিয উদিতং. নভমজ্ঝে পুণ্ণচন্দমণ্ডলং ৰিয সকলসীহল়দীপে অতিৰিয উগ্গতন্তি অত্থো. অরিযমগ্গপঞ্ঞাৰসেন পরিযত্তিৰেসারজ্জাদি পঞ্ঞাৰসেনৰা অৰদাতেহি পরিযোদাতেহি গুণেহি সোতিতাতি পঞ্ঞাৰদাতগুণসোতিতা. তে এৰ লজ্জীপাপগরহিনো. মঞ্ঞন্তূতি অনুস্সরন্তু. পুঞ্ঞৰিভাৰোদয মঙ্গলাযাতি ৰিপুলানং পুঞ্ঞানং ৰড্ঢিসঙ্খাত মঙ্গলত্থায. তত্রাযং যোজনা, পুঞ্ঞেন তেন ৰিপুলেন ধঞ্ঞাধিৰাসং উদিতোদিতং তুমূলসোম ৰিহারঞ্চ তত্থ নিপাসিনো মহিন্দত্থেরাদিকে পঞ্ঞাৰদাত গুণসোভিতে লজ্জিভূতে ভিক্খূচ পুঞ্ঞৰিভৰোদযমঙ্গলায আযুকন্তং মঞ্ঞন্তু পচ্ছিমা জনাতি. অথৰা, তংৰিহারং অঞ্ঞে পঞ্ঞাৰদাত গুণসোভিত লজ্জী ভিক্খূ মঞ্ঞন্তূতি যোজনা. এতেন থেরো পচ্ছিমজনানং ছসু অনুত্তরিযধম্মেসু অনুস্সতানুত্তরিযসঙ্খাতং পুঞ্ঞৰিসেসঞ্চ মযংপি তাদিসগুণভাগিনো ভৰিস্সামাতি উস্সাহনুপাযঞ্চ পটিপাদেসীতি.

পরমত্থদীপনী নিগমকথা

এত্তাৰতাচ –

নগরে দীপরঙ্গম্হি, গামে তি নামকে;

অট্ঠসুঞ্ঞদ্ৰযেকম্হি, সাকে জাতেন যা মযা.

মুংর্ৰাগামে অরঞ্ঞম্হি, লঙ্ঘতীতি ৰিস্সুতালযে;

ৰসতা মহতো ভিক্খু, গণস্স হিতকারিনা.

পরমত্থদীপনীনাম, সঙ্খতা সারদস্সিনা;

সারেসীনং হিতত্থায, সারাসারৰিৰেকিনং.

সুনিট্ঠিতা অযং টীকা, নিব্ভযা নিরুপদ্দৰা;

নৰপঞ্চদ্ৰযেকম্হি, সাকে কোমুদসারদে.

তথা কল্যাণসঙ্কপ্পা, সাধূনং অমতপ্ফলা;

নিট্ঠং গচ্ছন্তু সব্বেপি, নিব্ভযা নিরুপদ্দৰা.

যথা লোকম্হি জোতন্তি, উভো চন্দিমসূরিযা;

তথেৰ পরমত্থেসু, অযং পরমত্থদীপনী.

পাল়িযত্তেসু সা সুভা, সদ্দনিরুত্তিদীপনী;

উভো লোকম্হি জোতন্তু, সদ্ধম্মো যাৰ তিট্ঠতীতি.

তত্থ নগরে দীপরঙ্গম্হীতি দীপৰাসিমহাজনং রঞ্জেতীতি দীপরঙ্গন্তি লদ্ধনামে নগরে. গামে নামকেতি রোহিতমিগানং নিৰাসভূমিতলে পতিট্ঠিতত্তা এৰংনামকে মহাগামে. সাকেতি কলিযুগে. যা মযাতি পরমত্থদীপনীনাম যাটীকা মযা সঙ্খতাতি সম্বন্ধো. লঙ্ঘতীতি ৰিস্সুতালযেতি এৰংৰিস্সুতে অরঞ্ঞৰিহারে. সারেসীনন্তি সারগৰেসীনং. সারাসারৰিৰেকিনন্তি অযং সারো অযং অসারোতি এৰং সারঞ্চ অসারঞ্চৰিৰে চেত্ৰা জানিতুং সমত্থানং. সাকেতি কলিযুগে. কোমুদসার দেতি কুমুদপুপ্ফযুত্তে সরদউতু পরিযাপন্নেপচ্ছি মকত্তিকমাসে. অমতপ্ফলাতি নিব্বানপযোজনা. সুভাতি অত্থব্যঞ্জনসম্পত্তিযা সোভণা. সদ্ধম্মোতি তিৰিধং সত্থুসাসনং ৰুচ্চতীতি.

ইতি অভিধম্মত্থসঙ্গহপকরণস্স চতুত্থসংৰণ্ণনা

ভূতা পরমত্থদীপনীনামা যংটীকা

সব্বাকারেন নিট্ঠিতা.