নাযক কণ্ড

২৭৬. অনাযকা ৰিনস্সন্তি, নস্সন্তি বহুনাযকা;

থীনাযকা ৰিনস্সন্তি, নস্সন্তি সুসুনাযকা.

২৭৭. গৰং চে তরমানানং, উজুং গচ্ছতি পুঙ্গৰো;

সব্বা গাৰী উজুং যন্তি, নেত্তে উজুং গতে সতি.

২৭৮. এৰমেৰ মনুস্সেসু, যো হোতি সেট্ঠসম্মতো;

সো সচে ধম্মং চরতি, পগেৰ ইতরা পজা.

গৰং চে তরমানানং, উজুং গচ্ছতি পুঙ্গৰো;

সব্বা গাৰী উজুংযন্তি, নেত্তে উজুং গতে সতি.

এৰমেৰ মনুস্সেসু, যো হোতি সেট্ঠসম্মতো;

সো সচে ধম্মং চরতি, পগেৰ ইতরা পজা;

সব্বং রট্ঠং সুখং সেতি, রাজা চে হোতি ধম্মিকো.

২৭৯. নোদযাহ ৰিনাসায, বহুনাযকতা ভুসং;

মিলাযন্তি ৰিনস্সন্তি, পদ্মান্যক্কেহি সত্তহি.

২৮০. সুতারক্খো অভিযোগো, কুলারক্খো ৰত্তং ভৰে;

ৰিজ্জা হি কুলপুত্তস্স, নাযকস্সাপমাদকো.