৭. কিব্বিধানকপ্প

পঠমকণ্ড

(ক)

বুদ্ধং ঞাণসমুদ্দং, সব্বঞ্ঞুং লোকহেতু’খীণমতিং;

ৰন্দিত্ৰা পুব্বমহং, ৰক্খামি সসাধনং হি কিতকপ্পং.

(খ)

সাধনমূলং হি পযোগং,

আহু পযোগমূলমত্থঞ্চ;

অত্থেসু ৰিসারদমতযো,

সাসনস্সুধরা জিনস্স মতা.

(গ)

অন্ধো দেসকৰিকলো,

ঘতমধুতেলানি ভাজনেন ৰিনা;

নট্ঠো নট্ঠানি যথা,

পযোগৰিকলো তথা অত্থো.

(ঘ)

তস্মা সংরক্খণত্থং, মুনিৰচনত্থস্স দুল্লভস্সাহং;

ৰক্খামি সিস্সকহিতং, কিতকপ্পং সাধনেন যুতং.

৫২৪. , ৫৬১. ধাতুযা কম্মাদিম্হি ণো.

ধাতুযা কম্মাদিম্হি ণপচ্চযো হোতি.

কম্মং করোতীতি কম্মকারো, এৰং কুম্ভকারো, মালাকারো, কট্ঠকারো, রথকারো, রজতকারো, সুৰণ্ণকারো, পত্তগ্গাহো, তন্তৰাযো, ধঞ্ঞমাযো, ধম্মকামো, ধম্মচারো.

৫২৫. , ৫৬৫. সঞ্ঞাযম নু.

সঞ্ঞাযমভিধেয্যাযং ধাতুযা কম্মাদিম্হি অকারপচ্চযো হোতি, নামম্হি চ নুকারাগমো হোতি.

অরিং দমেতীতি অরিন্দমো, রাজা. ৰেস্সং তরতীতি ৰেস্সন্তরো, রাজা. তণ্হং করোতীতি তণ্হঙ্করো, ভগৰা. মেধং করোতীতি মেধঙ্করো, ভগৰা. সরণং করোতীতি সরণঙ্করো, ভগৰা. দীপং করোতীতি দীপঙ্করো, ভগৰা.

৫২৬. , ৫৬৭. পুরে দদা চ ইং.

পুরসদ্দে আদিম্হি দদইচ্চেতায ধাতুযা অকারপচ্চযো হোতি, পুরসদ্দস্স অকারস্স চ ইং হোতি.

পুরে দানং অদাসীতি পুরিন্দদো দেৰরাজা.

৫২৭. , ৫৬৮. সব্বতো ণ্ৰু ত্ৰাৰী ৰা.

সব্বতো ধাতুতো কম্মাদিম্হি ৰা অকম্মাদিম্হি ৰা অকার ণ্ৰু তু আৰীইচ্চেতে পচ্চযা হোন্তি.

তং করোতীতি তক্করো, হিতং করোতীতি হিতকরো, ৰিনেতি এত্থ, এতেনাতি ৰা ৰিনযো নিস্সায নং ৰসতীতি নিস্সযো.

ণ্ৰুম্হি – রথং করোতীতি রথকারকো, অন্নং, দদাতীতি অন্নদাযকো, ৰিনেতি সত্তেতি ৰিনাযকো, করোতীতি কারকো, দদাতীতি দাযকো, নেতীতি নাযকো.

তুম্হি – তং করোতীতি তক্কত্তা, তস্স কত্তাতি ৰা তক্কত্তা. ভোজনং দদাতীতি ভোজনদাতা, ভোজনস্স দাতাতি ৰা ভোজনদাতা. করোতীতি কত্তা. সরতীতি সরিতা.

আৰীম্হি – ভযং পস্সতীতি ভযদস্সাৰী ইচ্চেৰমাদি.

৫২৮. , ৫৭৭. ৰিস রুজ পদাদিতো ণ.

ৰিস রুজ পদইচ্চেৰমাদীহি ধাতূহি ণ পচ্চযো হোতি.

পৰিসতীতি পৰেসো, রুজতীতি রোগো, উপ্পজ্জতীতি উপ্পাদো, ফুসতীতি ফস্সো, উচতীতি ওকো, ভৰতীতি ভাৰো, অযতীতি আযো, সম্মা বুজ্ঝতীতি সম্বোধো, ৰিহরতীতি ৰিহারো.

৫২৯. , ৫৮০. ভাৰে চ.

ভাৰত্থাভিধেয্যে সব্বধাতূহি ণপচ্চযো হোতি.

পচ্চতে, পচনং ৰা পাতো, চজতে, চজনং ৰা চাগো, এৰং যাগো, যোগো, ভাগো, পরিদাহো.

৫৩০. , ৫৮৪. ক্ৰি চ.

সব্বধাতূহি ক্ৰিপচ্চযো হোতি.

সম্ভৰতীতি সম্ভূ, ৰিসেসেন ভৰতীতি ৰিভূ, ভুজেন গচ্ছতীতি ভুজগো, সং অত্তানং খনতি, সং সট্ঠু খনতীতি ৰা সঙ্খো.

৫৩১. , ৫৮৯. ধরাদীহি রম্মো.

ধরইচ্চেৰমাদীহি ধাতূহি রম্মপচ্চযো হোতি.

ধরতি তেনাতি ধম্মো, করীযতে তন্তি কম্মং.

৫৩২. , ৫৯০. তস্সীলাদীসু ণীত্ৰাৰী চ.

সব্বেহি ধাতূহি তস্সীলাদীস্ৰত্থেসু ণী তু আৰী ইচ্চেতে পচ্চযা হোন্তি.

পিযং পসংসিতুং সীলং যস্স রঞ্ঞো, সো হোতি রাজা পিযপসংসী, ব্রহ্মং চরিতুং সীলং যস্স পুগ্গলস্স সো হোতি পুগ্গলো ব্রহ্মচারী, পসয্হ পৰত্তিতুং সীলং যস্স রঞ্ঞো, সো হোতি রাজা পসয্হপৰত্থা, ভযং পস্সিতুং সীলং যস্স সমণস্স, সো হোতি সমণো ভযদস্সাৰী ইচ্চেৰমাদি.

৫৩৩. , ৫৯১. সদ্দ কু ধ চল মণ্ডত্থরুধাদীহিযু.

সদ্দ কুধ চল মণ্ডত্থেহি চ রুচাদীহি চ ধাতূহি যুপচ্চযো হোতি তস্সীলাদীস্ৰত্থেসু.

ঘোসনসীলো ঘোসনো, ভাসনসীলো ভাসনো. এৰং ৰিগ্গহো কাতব্বো. কোধনো, দোসনো, চলনো, কম্পনো, ফন্দনো, মণ্ডনো, ৰিভূসনো, রোচনো, জোতনো, ৰড্ঢনো.

৫৩৪. , ৫৬২. পারাদিগমিম্হা রূ.

গমুইচ্চেতম্হা ধাতুম্হা পারসদ্দাদিম্হা রূপচ্চযো হোতি তস্সীলাদীস্ৰত্থেসু.

ভৰস্স পারং ভৰপারং, ভৰপারং গন্তুং সীলং যস্স পুরিসস্স, সো হোতি পুরিসো ভৰপারগূ.

তস্সীলাদীস্ৰীতি কিমত্থং? পারঙ্গতো.

পারাদিগমিম্হাতি কিমত্থং? অনুগামী.

৫৩৫. , ৫৯৩. ভিক্খাদিতো চ.

ভিক্খইচ্চেৰমাদীহি ধাতূহি রূপচ্চযো হোতি তস্সীলাদীস্ৰত্থেসু.

ভিক্খনসীলো যাচনসীলো ভিক্খু, ৰিজাননসীলো ৰিঞ্ঞূ.

৫৩৬. , ৫৯৪. তনত্যাদীনং ণুকো.

হনত্যাদীনং ধাতূনং অন্তে ণুকপচ্চযো হোতি তস্সীলাদীস্ৰত্থেসু.

আহননসীলো আঘাতুকো, করণসীলো কারুকো.

৫৩৭. , ৫৬৬. নু নিগ্গহিতং পদন্তে.

পদন্তে নুকারাগমো নিগ্গহিতমাপজ্জতে.

অরিং দমেতীতি অরিন্দমো, রাজা. ৰেস্সং তরতীতি ৰেস্সন্তরো, রাজা. পভং করোতীতি পভঙ্করো, ভগৰা.

৫৩৮. , ৫৯৫. সংহনাঞ্ঞায ৰা রো ঘো.

সংপুব্বায হনইচ্চেতায ধাতুযা, অঞ্ঞায ৰা ধাতুযা রপচ্চযো, হনস্স চ ঘো হোতি.

সমগ্গং কম্মং সমুপগচ্ছতীতি সঙ্ঘো, সমন্ততো নগরস্স মাহিরে খঞ্ঞতীতি পরিখা, অন্তং করোতীতি অন্তকো.

সংইতি কিমত্থং? উপহননং উপঘাতো.

৫৩৯. , ৫৫৮. রম্হি রন্তো রাদিনো.

রম্হি পচ্চযে পরে সব্বো ধাত্ৰন্তো রকারাদি লোপো হোতি.

অন্তকো, পারগূ, সত্থা, দিট্ঠো ইচ্চেৰমাদি.

৫৪০. , ৫৪৫. ভাৰকম্মেসু তব্বানীযা.

ভাৰকম্মইচ্চেতেস্ৰত্থেসু তব্ব অনীযইচ্চেতে পচ্চযা হোন্তি সব্বধাতূহি.

ভৰিতব্বং, ভৰনীযং, আসিতব্বং, আসনীযং, পজ্জিতব্বং, পজ্জনীযং, কত্তব্বং, করণীযং, গন্তব্বং, গমনীযং.

৫৪১. , ৫৫২. ণ্যো চ.

ভাৰকম্মেসু সব্বধাতূহি ণ্যপচ্চযো হোতি.

কত্তব্বং কারিযং, জেতব্বং জেয্যং, নেতব্বং নেয্যং, ইচ্চেৰমাদি.

চগ্গহণেন তেয্যপচ্চযো হোতি. ঞাতব্বং ঞাতেয্যং, দট্ঠেয্যং, পত্তেয্যং ইচ্চেৰমাদি.

৫৪২. , ৫৫৭. করম্হা রিচ্চ.

করইচ্চেতম্হা ধাতুম্হা রিচ্চপচ্চযো হোতি ভাৰকম্মেসু.

কত্তব্বং কিচ্চং.

৫৪৩. , ৫৫৫. ভূতো’ব্ব.

ভূইচ্চেতায ধাতুযা ণ্যপচ্চযস্স ঊকারেন সহ অব্বাদেসো হোতি ভাৰকম্মেসু.

ভৰিতব্বো ভব্বো, ভৰিতব্বং ভব্বং.

৫৪৪. , ৫৫৬. ৰদ মদ গমু যুজ গরহাকারাদীহি জ্জ ম্ম গ্গ য্হেয্যা গারো ৰা.

ৰদ মদ গমু যুজ গরহাকারন্তইচ্চেৰমাদীহি ধাতূহি ণ্যপচ্চযস্স যথাসঙ্খ্যং জ্জ ম্ম গ্গ য্হ এয্যাদেসা হোন্তি ৰা ধাত্ৰন্তেন সহ, গরস্সং চ গারো হোতি ভাৰকম্মেসু.

ৰত্তব্বং ৰজ্জং, মদনীযং মজ্জং, গমনীযং গম্মং, যোজনীযং যোগ্গং, গরহিতব্বং গারয্হং, দাতব্বং দেয্যং, পাতব্বং পেয্যং, হাতব্বং হেয্যং, মাতব্বং মেয্যং, ঞাতব্বং ঞেয্যং, ইচ্চেৰমাদি.

৫৪৫. , ৫৪৮. তে কিচ্চা.

যে পচ্চযা তব্বাদযো রিচ্চন্তা, তে কিচ্চসঞ্ঞাতি ৰেদিতব্বা.

কিচ্চসঞ্ঞায কিংপযোজনং? ভাৰকম্মেসু কিচ্চত্তখত্থা.

৫৪৬. , ৫৬২. অঞ্ঞে কিত.

অঞ্ঞে পচ্চযা কিত এৰ সঞ্ঞা হোন্তি.

কিত সঞ্ঞায কিংপযোজনং? কত্তরি কিত.

৫৪৭. , ৫৯৬. নন্দাদীহি যু.

নন্দাদীহি ধাতূহি যুপচ্চযো হোতি ভাৰকম্মেসু.

নন্দীযতে নন্দনং, নিন্দিতব্বং ৰা নন্দনং, গহণীযং গহণং, চরিতব্বং চরণং, এৰং সব্বত্থ যোজেতব্বা.

৫৪৮. , ৫৯৭. কত্তুকরণপদেসেসু চ.

কত্তুকরণপদেসইচ্চেতেস্ৰত্থেসু চ যুপচ্চযো হোতি.

কত্তরি তাৰ – রজং হরতীতি রজোহরণং তোযং.

করণে তাৰ – করোতি তেনাতি করণং.

পদেসে তাৰ – তিট্ঠন্তি তস্মিন্তি ঠানং. এৰং সব্বত্থ যোজেতব্বা.

৫৪৯. , ৫৫০. রহাদিতো ণ.

রকারহকারাদ্যন্তেহি ধাতূহি অনাদেসস্স নস্স ণো হোতি.

করোতি তেনাতি করণং, পূরেতি তেনাতি পূরণং. গহণীযং তেনাতি গহণং. এৰমঞ্ঞেপি যোজেতব্বা.

ইতি কিব্বিধানকপ্পে পঠমো কণ্ডো.

দুতিযকণ্ড

৫৫০. , ৫৪৬. ণাদযো তেকালিকা.

ণাদযো পচ্চযা যুপচ্চযন্তা তেকালিকাতি ৰেদিতব্বা.

কুম্ভং করোতি অকাসি করিস্সতীতি কুম্ভকারো, করোতি অকাসি করিস্সতি তেনাতি করণং. এৰমঞ্ঞেপি যোজেতব্বা.

৫৫১. , ৫৯৮. সঞ্ঞাযং দা ধাতো ই.

সঞ্ঞাযমভিধেয্যাযং দা ধাতো ইপচ্চযো হোতি.

পঠমং আদীযতীতি আদি, উদকং দধাতীতি উদমি, মহোদকানি দধাতীতি মহোদধি, ৰালানি দধাতি তস্মিন্তি ৰালধি, সম্মা ধীযতীতি সন্ধি.

৫৫২. , ৬০৯. তি কিত চাসিট্ঠে.

সঞ্ঞাযমভিধেয্যাযং সব্বধাতূহি তিপচ্চযো হোতি, কিত চ আসিট্ঠে.

জিনো জনং বুজ্ঝতূতি জিনবুদ্ধি, ধনং অস্স ভৰতূতি ধনভূতি, ভৰতূতি ভূতো, ভৰতূতি ভাৰো, ধম্মো জনং দদাতূতি ধম্মদিন্নো, ৰড্ঢতূতি ৰড্ঢমানো. এৰমঞ্ঞেপি যোজেতব্বা.

৫৫৩. , ৫৯৯. ইত্থিযমতিযৰো ৰা.

ইত্থিযমভিধেয্যাযং সব্বধাতূহি অকার তি যু ইচ্চেতে পচ্চযা হোন্তি ৰা.

জীরতীতী জরা, মঞ্ঞতীতি মতি, চেতযতীতি চেতনা, ৰেদযতীতি ৰেদনা. এৰমঞ্ঞেপি যোজেতব্বা.

৫৫৪. , ৬০১. করতো রিরিয.

করতো ইত্থিযমনিত্থিযং ৰা অভিখেয্যাযং রিরীযপচ্চযো হোতি ৰা.

কত্তব্বা কিরিযা, করণীযং কিরিযং.

৫৫৫. , ৬১২. অতীতে ততৰন্তুতাৰী.

অতীতে কালে সব্বধাতূহি ততৰন্তুতাৰীইচ্চেতে পচ্চযা হোন্তি.

হুতো, হুতৰা, হুতাৰী. ৰুসিতো, ৰুসিতৰা, ৰুসিতাৰী. ভুত্তো, ভুত্তৰা, ভুত্তাৰী.

৫৫৬. , ৬২২. ভাৰকম্মেসু ত.

ভাৰকম্মেসু অতীতে কালে তপচ্চযো হোতি সব্বধাতূহি.

ভাৰে তাৰ – তস্স গীতং, নচ্চং, নট্টং, হসিতং.

কম্মনি তাৰ – তেন ভাসিতং, দেসিতং.

৫৫৭. , ৬০৬. বুধগমাদিত্থে কত্তরি.

বুধগমুইচ্চেৰমাদীহি ধাতূহি তদত্থে গম্যমানে তপচ্চযো হোতি কত্তরি সব্বকালে.

সব্বে সঙ্খতাসঙ্খতে ধম্মে বুজ্ঝতি অবুজ্ঝি বুজ্ঝিস্সতীতি বুদ্ধো, সরণঙ্গতো, সমথঙ্গতো, অমথঙ্গতো, জানাতি অজানি জানিস্সতীতি ঞাতো, ইচ্চেৰমাদি.

৫৫৮. , ৬০২. জিতো ইন সব্বত্থ.

জিইচ্চেতায ধাতুযা ইনপচ্চযো হোতি সব্বকালে কত্তরি.

পাপকে অকুসলে ধম্মে জিনাতি অজিনি জিনিস্সতীতি জিনো.

৫৫৯. , ৬০৩. সুপতো চ.

সুপইচ্চেতায ধাতুযা ইনপচ্চযো হোতি কত্তরি, ভাৰে চ.

সুপতীতি সুপিনং, সুপীযতে সুপিনং.

৫৬০. , ৬০৪. ঈসংদুসূহি খ.

ঈসংদুসুসদ্দাদীহি সব্বধাতূহি খপচ্চযো হোতি.

ঈসস্সযো, দুস্সযো, সুস্সযো ভৰতা, ঈসক্করং, দুক্করং, সুকরং, ভৰতা.

৫৬১. , ৬৩৬. ইচ্ছত্থেসু সমানকত্তুকেসু তৰে তুং ৰা.

ইচ্ছত্থেসু সমানকত্তুকেসু সব্বধাতূহিতৰেতুংইচ্চেতে পচ্চযা হোন্তি সব্বকালে কত্তরি.

পুঞ্ঞানি কাতৰে, সদ্ধম্মং সোতু মিচ্ছতি.

৫৬২. , ৬৩৮. অরহসক্কাদীসু চ.

অরহসক্কাদীসু চ অত্থেসু সব্বধাতূহি তুংপচ্চযো হোতি.

কো তং নিন্দিতুমরহতি, সক্কা জেতুং ধনেন ৰা. এৰমঞ্ঞেপি যোজেতব্বা.

৫৬৩. , ৬৩৯. পত্তৰচনে অলমত্থেসু চ.

পত্তৰচনে অলমত্থেসু সব্বধাতূহি তুংপচ্চযো হোতি.

অলমেৰ দানানি দাতুং, অলমেৰ পুঞ্ঞানি কাতুং.