১০. অধিকরণসমথসুত্তং

৮৪. ‘‘সত্তিমে, ভিক্খৰে, অধিকরণসমথা ধম্মা উপ্পন্নুপ্পন্নানং অধিকরণানং সমথায ৰূপসমায. কতমে সত্ত? সম্মুখাৰিনযো দাতব্বো, সতিৰিনযো দাতব্বো, অমূল়্হৰিনযো দাতব্বো [পটিঞ্ঞাতকরণং, যেভুয্যস্সিকা, তস্সপাপিয্যস্সিকা, তিণৰত্থারকো (স্যা.) দী. নি. ৩.৩৩২ সঙ্গীতিসুত্তেন চ পাচি. ৬৫৫ ৰিনযেন চ সংসন্দেতব্বং], পটিঞ্ঞাতকরণং দাতব্বং, যেভুয্যসিকা দাতব্বা, তস্সপাপিযসিকা দাতব্বা, তিণৰত্থারকো দাতব্বো [পটিঞ্ঞাতকরণং, যেভুয্যস্সিকা, তস্সপাপিয্যস্সিকা, তিণৰত্থারকো (স্যা.) দী. নি. ৩.৩৩২ সঙ্গীতিসুত্তেন চ পাচি. ৬৫৫ ৰিনযেন চ সংসন্দেতব্বং]. ইমে খো, ভিক্খৰে, সত্ত অধিকরণসমথা ধম্মা উপ্পন্নুপ্পন্নানং অধিকরণানং সমথায ৰূপসমাযা’’তি. দসমং.

ৰিনযৰগ্গো অট্ঠমো.