৯. অরঞ্ঞসুত্তং

২৬২. ‘‘চতূহি, ভিক্খৰে, ধম্মেহি সমন্নাগতো ভিক্খু নালং অরঞ্ঞৰনপ্পত্থানি পন্তানি সেনাসনানি পটিসেৰিতুং. কতমেহি চতূহি? কামৰিতক্কেন, ব্যাপাদৰিতক্কেন, ৰিহিংসাৰিতক্কেন, দুপ্পঞ্ঞো হোতি জল়ো এলমূগো – ইমেহি খো, ভিক্খৰে, চতূহি ধম্মেহি সমন্নাগতো ভিক্খু নালং অরঞ্ঞৰনপ্পত্থানি পন্তানি সেনাসনানি পটিসেৰিতুং.

‘‘চতূহি, ভিক্খৰে, ধম্মেহি সমন্নাগতো ভিক্খু অলং অরঞ্ঞৰনপ্পত্থানি পন্তানি সেনাসনানি পটিসেৰিতুং. কতমেহি চতূহি? নেক্খম্মৰিতক্কেন, অব্যাপাদৰিতক্কেন, অৰিহিংসাৰিতক্কেন, পঞ্ঞৰা হোতি অজল়ো অনেলমূগো – ইমেহি খো, ভিক্খৰে, চতূহি ধম্মেহি সমন্নাগতো ভিক্খু অলং অরঞ্ঞৰনপ্পত্থানি পন্তানি সেনাসনানি পটিসেৰিতু’’ন্তি. নৰমং.