᭕. ᬧᬘ᭄ᬘᬸᬧ᭄ᬧᬦ᭄ᬦᬵᬦᬵᬕᬢᬯᬵᬭᭀ

᭒᭕᭓. (ᬓ) ᬬᭀ ᬘᬓ᭄ᬔᬵᬬᬢᬦᬂ ᬧᬭᬶᬚᬵᬦᬵᬢᬶ ᬲᭀ ᬲᭀᬢᬵᬬᬢᬦᬂ ᬧᬭᬶᬚᬵᬦᬶᬲ᭄ᬲᬢᬷᬢᬶ? ᬦᭀ.

(ᬔ) ᬬᭀ ᬯᬵ ᬧᬦ ᬲᭀᬢᬵᬬᬢᬦᬂ ᬧᬭᬶᬚᬵᬦᬶᬲ᭄ᬲᬢᬶ ᬲᭀ ᬘᬓ᭄ᬔᬵᬬᬢᬦᬂ ᬧᬭᬶᬚᬵᬦᬵᬢᬷᬢᬶ? ᬦᭀ.

(ᬓ) ᬬᭀ ᬘᬓ᭄ᬔᬵᬬᬢᬦᬂ ᬦ ᬧᬭᬶᬚᬵᬦᬵᬢᬶ ᬲᭀ ᬲᭀᬢᬵᬬᬢᬦᬂ ᬦ ᬧᬭᬶᬚᬵᬦᬶᬲ᭄ᬲᬢᬷᬢᬶ?

ᬬᬾ ᬫᬕ᭄ᬕᬂ ᬧᬝᬶᬮᬪᬶᬲ᭄ᬲᬦ᭄ᬢᬶ ᬢᬾ ᬘᬓ᭄ᬔᬵᬬᬢᬦᬂ ᬦ ᬧᬭᬶᬚᬵᬦᬦ᭄ᬢᬶ, ᬦᭀ ᬘ ᬲᭀᬢᬵᬬᬢᬦᬂ ᬦ ᬧᬭᬶᬚᬵᬦᬶᬲ᭄ᬲᬦ᭄ᬢᬶ. ᬅᬭᬳᬵ ᬬᬾ ᬘ ᬧᬸᬣᬸᬚ᭄ᬚᬦᬵ ᬫᬕ᭄ᬕᬂ ᬦ ᬧᬝᬶᬮᬪᬶᬲ᭄ᬲᬦ᭄ᬢᬶ ᬢᬾ ᬘᬓ᭄ᬔᬵᬬᬢᬦᬜ᭄ᬘ ᬦ ᬧᬭᬶᬚᬵᬦᬦ᭄ᬢᬶ ᬲᭀᬢᬵᬬᬢᬦᬜ᭄ᬘ ᬦ ᬧᬭᬶᬚᬵᬦᬶᬲ᭄ᬲᬦ᭄ᬢᬶ.

(ᬔ) ᬬᭀ ᬯᬵ ᬧᬦ ᬲᭀᬢᬵᬬᬢᬦᬂ ᬦ ᬧᬭᬶᬚᬵᬦᬶᬲ᭄ᬲᬢᬶ ᬲᭀ ᬘᬓ᭄ᬔᬵᬬᬢᬦᬂ ᬦ ᬧᬭᬶᬚᬵᬦᬵᬢᬷᬢᬶ?

ᬅᬕ᭄ᬕᬫᬕ᭄ᬕᬲᬫᬗ᭄ᬕᬷ ᬲᭀᬢᬵᬬᬢᬦᬂ ᬦ ᬧᬭᬶᬚᬵᬦᬶᬲ᭄ᬲᬢᬶ, ᬦᭀ ᬘ ᬘᬓ᭄ᬔᬵᬬᬢᬦᬂ ᬦ ᬧᬭᬶᬚᬵᬦᬵᬢᬶ. ᬅᬭᬳᬵ ᬬᬾ ᬘ ᬧᬸᬣᬸᬚ᭄ᬚᬦᬵ ᬫᬕ᭄ᬕᬂ ᬦ ᬧᬝᬶᬮᬪᬶᬲ᭄ᬲᬦ᭄ᬢᬶ ᬢᬾ ᬲᭀᬢᬵᬬᬢᬦᬜ᭄ᬘ ᬦ ᬧᬭᬶᬚᬵᬦᬶᬲ᭄ᬲᬦ᭄ᬢᬶ ᬘᬓ᭄ᬔᬵᬬᬢᬦᬜ᭄ᬘ ᬦ ᬧᬭᬶᬚᬵᬦᬦ᭄ᬢᬶ.