᭖. ᬅᬢᬷᬢᬵᬦᬵᬕᬢᬯᬵᬭᭀ

᭒᭕᭔. (ᬓ) ᬬᭀ ᬘᬓ᭄ᬔᬵᬬᬢᬦᬂ ᬧᬭᬶᬚᬵᬦᬶᬢ᭄ᬣ ᬲᭀ ᬲᭀᬢᬵᬬᬢᬦᬂ ᬧᬭᬶᬚᬵᬦᬶᬲ᭄ᬲᬢᬷᬢᬶ? ᬦᭀ.

(ᬔ) ᬬᭀ ᬯᬵ ᬧᬦ ᬲᭀᬢᬵᬬᬢᬦᬂ ᬧᬭᬶᬚᬵᬦᬶᬲ᭄ᬲᬢᬶ ᬲᭀ ᬘᬓ᭄ᬔᬵᬬᬢᬦᬂ ᬧᬭᬶᬚᬵᬦᬶᬢ᭄ᬣᬵᬢᬶ? ᬦᭀ.

(ᬓ) ᬬᭀ ᬘᬓ᭄ᬔᬵᬬᬢᬦᬂ ᬦ ᬧᬭᬶᬚᬵᬦᬶᬢ᭄ᬣ ᬲᭀ ᬲᭀᬢᬵᬬᬢᬦᬂ ᬦ ᬧᬭᬶᬚᬵᬦᬶᬲ᭄ᬲᬢᬷᬢᬶ?

ᬬᬾ ᬫᬕ᭄ᬕᬂ ᬧᬝᬶᬮᬪᬶᬲ᭄ᬲᬦ᭄ᬢᬶ ᬢᬾ ᬘᬓ᭄ᬔᬵᬬᬢᬦᬂ ᬦ ᬧᬭᬶᬚᬵᬦᬶᬢ᭄ᬣ, ᬦᭀ ᬘ ᬲᭀᬢᬵᬬᬢᬦᬂ ᬦ ᬧᬭᬶᬚᬵᬦᬶᬲ᭄ᬲᬦ᭄ᬢᬶ. ᬅᬕ᭄ᬕᬫᬕ᭄ᬕᬲᬫᬗ᭄ᬕᬷ ᬬᬾ ᬘ ᬧᬸᬣᬸᬚ᭄ᬚᬦᬵ ᬫᬕ᭄ᬕᬂ ᬦ ᬧᬝᬶᬮᬪᬶᬲ᭄ᬲᬦ᭄ᬢᬶ ᬢᬾ ᬘᬓ᭄ᬔᬵᬬᬢᬦᬜ᭄ᬘ ᬦ ᬧᬭᬶᬚᬵᬦᬶᬢ᭄ᬣ ᬲᭀᬢᬵᬬᬢᬦᬜ᭄ᬘ ᬦ ᬧᬭᬶᬚᬵᬦᬶᬲ᭄ᬲᬦ᭄ᬢᬶ.

(ᬔ) ᬬᭀ ᬯᬵ ᬧᬦ ᬲᭀᬢᬵᬬᬢᬦᬂ ᬦ ᬧᬭᬶᬚᬵᬦᬶᬲ᭄ᬲᬢᬶ ᬲᭀ ᬘᬓ᭄ᬔᬵᬬᬢᬦᬂ ᬦ ᬧᬭᬶᬚᬵᬦᬶᬢ᭄ᬣᬵᬢᬶ?

ᬅᬭᬳᬵ ᬲᭀᬢᬵᬬᬢᬦᬂ ᬦ ᬧᬭᬶᬚᬵᬦᬶᬲ᭄ᬲᬢᬶ, ᬦᭀ ᬘ ᬘᬓ᭄ᬔᬵᬬᬢᬦᬂ ᬦ ᬧᬭᬶᬚᬵᬦᬶᬢ᭄ᬣ. ᬅᬕ᭄ᬕᬫᬕ᭄ᬕᬲᬫᬗ᭄ᬕᬷ ᬬᬾ ᬘ ᬧᬸᬣᬸᬚ᭄ᬚᬦᬵ ᬫᬕ᭄ᬕᬂ ᬦ ᬧᬝᬶᬮᬪᬶᬲ᭄ᬲᬦ᭄ᬢᬶ ᬢᬾ ᬲᭀᬢᬵᬬᬢᬦᬜ᭄ᬘ ᬦ ᬧᬭᬶᬚᬵᬦᬶᬲ᭄ᬲᬦ᭄ᬢᬶ ᬘᬓ᭄ᬔᬵᬬᬢᬦᬜ᭄ᬘ ᬦ ᬧᬭᬶᬚᬵᬦᬶᬢ᭄ᬣ.

ᬧᬭᬶᬜ᭄ᬜᬵᬯᬵᬭᭀ.

ᬆᬬᬢᬦᬬᬫᬓᬂ ᬦᬶᬝ᭄ᬞᬶᬢᬂ.

ᬦᬫᭀ ᬢᬲ᭄ᬲ ᬪᬕᬯᬢᭀ ᬅᬭᬳᬢᭀ ᬲᬫ᭄ᬫᬵᬲᬫ᭄ᬩᬸᬤ᭄ᬥᬲ᭄ᬲ