᭔. ᬥᬫ᭄ᬫᬤᬲ᭄ᬲᬦᬯᬵᬭᭀ

᭑. ᬓᬵᬫᬥᬵᬢᬸ

᭑᭐᭐᭗. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬢᬶ ᬔᬦ᭄ᬥᬵ ᬧᬵᬢᬸᬪᬯᬦ᭄ᬢᬶ…ᬧᬾ… ᬓᬢᬶ ᬘᬶᬢ᭄ᬢᬵᬦᬶ ᬧᬵᬢᬸᬪᬯᬦ᭄ᬢᬶ?

ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬲᬩ᭄ᬩᬾᬲᬂ ᬧᬜ᭄ᬘᬓ᭄ᬔᬦ᭄ᬥᬵ ᬧᬵᬢᬸᬪᬯᬦ᭄ᬢᬶ; ᬓᬲ᭄ᬲᬘᬶ ᬏᬓᬵᬤᬲᬵᬬᬢᬦᬵᬦᬶ ᬧᬵᬢᬸᬪᬯᬦ᭄ᬢᬶ; ᬓᬲ᭄ᬲᬘᬶ ᬤᬲᬵᬬᬢᬦᬵᬦᬶ ᬧᬵᬢᬸᬪᬯᬦ᭄ᬢᬶ; ᬓᬲ᭄ᬲᬘᬶ ᬅᬧᬭᬵᬦᬶ ᬤᬲᬵᬬᬢᬦᬵᬦᬶ ᬧᬵᬢᬸᬪᬯᬦ᭄ᬢᬶ; ᬓᬲ᭄ᬲᬘᬶ ᬦᬯᬵᬬᬢᬦᬵᬦᬶ ᬧᬵᬢᬸᬪᬯᬦ᭄ᬢᬶ; ᬓᬲ᭄ᬲᬘᬶ ᬲᬢ᭄ᬢᬵᬬᬢᬦᬵᬦᬶ ᬧᬵᬢᬸᬪᬯᬦ᭄ᬢᬶ; ᬓᬲ᭄ᬲᬘᬶ ᬏᬓᬵᬤᬲ ᬥᬵᬢᬸᬬᭀ ᬧᬵᬢᬸᬪᬯᬦ᭄ᬢᬶ; ᬓᬲ᭄ᬲᬘᬶ ᬤᬲ ᬥᬵᬢᬸᬬᭀ ᬧᬵᬢᬸᬪᬯᬦ᭄ᬢᬶ; ᬓᬲ᭄ᬲᬘᬶ ᬅᬧᬭᬵ ᬤᬲ ᬥᬵᬢᬸᬬᭀ ᬧᬵᬢᬸᬪᬯᬦ᭄ᬢᬶ; ᬓᬲ᭄ᬲᬘᬶ ᬦᬯ ᬥᬵᬢᬸᬬᭀ ᬧᬵᬢᬸᬪᬯᬦ᭄ᬢᬶ; ᬓᬲ᭄ᬲᬘᬶ ᬲᬢ᭄ᬢ ᬥᬵᬢᬸᬬᭀ ᬧᬵᬢᬸᬪᬯᬦ᭄ᬢᬶ; ᬲᬩ᭄ᬩᬾᬲᬂ ᬏᬓᬂ ᬲᬘ᭄ᬘᬂ ᬧᬵᬢᬸᬪᬯᬢᬶ; ᬓᬲ᭄ᬲᬘᬶ ᬘᬸᬤ᭄ᬤᬲᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ; ᬓᬲ᭄ᬲᬘᬶ ᬢᬾᬭᬲᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ; ᬓᬲ᭄ᬲᬘᬶ ᬅᬧᬭᬵᬦᬶ ᬢᬾᬭᬲᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ; ᬓᬲ᭄ᬲᬘᬶ ᬤ᭄ᬯᬵᬤᬲᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ; ᬓᬲ᭄ᬲᬘᬶ ᬤᬲᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ; ᬓᬲ᭄ᬲᬘᬶ ᬦᬯᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ; ᬓᬲ᭄ᬲᬘᬶ ᬅᬧᬭᬵᬦᬶ ᬦᬯᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ; ᬓᬲ᭄ᬲᬘᬶ ᬅᬝ᭄ᬞᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ; ᬓᬲ᭄ᬲᬘᬶ ᬅᬧᬭᬵᬦᬶ ᬅᬝ᭄ᬞᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ; ᬓᬲ᭄ᬲᬘᬶ ᬲᬢ᭄ᬢᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ; ᬓᬲ᭄ᬲᬘᬶ ᬧᬜ᭄ᬘᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ; ᬓᬲ᭄ᬲᬘᬶ ᬘᬢ᭄ᬢᬵᬭᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ; ᬓᬲ᭄ᬲᬘᬶ ᬢᬬᭀ ᬳᬾᬢᬹ ᬧᬵᬢᬸᬪᬯᬦ᭄ᬢᬶ; ᬓᬲ᭄ᬲᬘᬶ ᬤ᭄ᬯᬾ ᬳᬾᬢᬹ ᬧᬵᬢᬸᬪᬯᬦ᭄ᬢᬶ; ᬓᬲ᭄ᬲᬘᬶ [ᬓᬾᬘᬶ (ᬲ᭄ᬬᬵ.)] ᬅᬳᬾᬢᬸᬓᬵ ᬧᬵᬢᬸᬪᬯᬦ᭄ᬢᬶ; ᬲᬩ᭄ᬩᬾᬲᬂ ᬘᬢ᭄ᬢᬵᬭᭀ ᬆᬳᬵᬭᬵ ᬧᬵᬢᬸᬪᬯᬦ᭄ᬢᬶ; ᬲᬩ᭄ᬩᬾᬲᬂ ᬏᬓᭀ ᬨᬲ᭄ᬲᭀ ᬧᬵᬢᬸᬪᬯᬢᬶ; ᬲᬩ᭄ᬩᬾᬲᬂ ᬏᬓᬵ ᬯᬾᬤᬦᬵ… ᬏᬓᬵ ᬲᬜ᭄ᬜᬵ… ᬏᬓᬵ ᬘᬾᬢᬦᬵ… ᬏᬓᬂ ᬘᬶᬢ᭄ᬢᬂ ᬧᬵᬢᬸᬪᬯᬢᬶ.

᭑᭐᭐᭘. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬲᬩ᭄ᬩᬾᬲᬂ ᬓᬢᬫᬾ ᬧᬜ᭄ᬘᬓ᭄ᬔᬦ᭄ᬥᬵ ᬧᬵᬢᬸᬪᬯᬦ᭄ᬢᬶ? ᬭᬹᬧᬓ᭄ᬔᬦ᭄ᬥᭀ…ᬧᬾ… ᬯᬶᬜ᭄ᬜᬵᬡᬓ᭄ᬔᬦ᭄ᬥᭀ – ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬲᬩ᭄ᬩᬾᬲᬂ ᬇᬫᬾ ᬧᬜ᭄ᬘᬓ᭄ᬔᬦ᭄ᬥᬵ ᬧᬵᬢᬸᬪᬯᬦ᭄ᬢᬶ.

᭑᭐᭐᭙. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬲ᭄ᬲ ᬏᬓᬵᬤᬲᬵᬬᬢᬦᬵᬦᬶ ᬧᬵᬢᬸᬪᬯᬦ᭄ᬢᬶ? ᬓᬵᬫᬵᬯᬘᬭᬵᬦᬂ ᬤᬾᬯᬵᬦᬂ, ᬧᬞᬫᬓᬧ᭄ᬧᬶᬓᬵᬦᬂ ᬫᬦᬸᬲ᭄ᬲᬵᬦᬂ, ᬑᬧᬧᬵᬢᬶᬓᬵᬦᬂ ᬧᬾᬢᬵᬦᬂ, ᬑᬧᬧᬵᬢᬶᬓᬵᬦᬂ ᬅᬲᬸᬭᬵᬦᬂ, ᬑᬧᬧᬵᬢᬶᬓᬵᬦᬂ ᬢᬶᬭᬘ᭄ᬙᬵᬦᬕᬢᬵᬦᬂ, ᬦᬾᬭᬬᬶᬓᬵᬦᬂ ᬧᬭᬶᬧᬸᬡ᭄ᬡᬵᬬᬢᬦᬵᬦᬂ ᬉᬧᬧᬢ᭄ᬢᬶᬓ᭄ᬔᬡᬾ ᬏᬓᬵᬤᬲᬵᬬᬢᬦᬵᬦᬶ ᬧᬵᬢᬸᬪᬯᬦ᭄ᬢᬶ – ᬘᬓ᭄ᬔᬵᬬᬢᬦᬂ, ᬭᬹᬧᬵᬬᬢᬦᬂ, ᬲᭀᬢᬵᬬᬢᬦᬂ, ᬖᬵᬦᬵᬬᬢᬦᬂ, ᬕᬦ᭄ᬥᬵᬬᬢᬦᬂ, ᬚᬶᬯ᭄ᬳᬵᬬᬢᬦᬂ, ᬭᬲᬵᬬᬢᬦᬂ, ᬓᬵᬬᬵᬬᬢᬦᬂ, ᬨᭀᬝ᭄ᬞᬩ᭄ᬩᬵᬬᬢᬦᬂ, ᬫᬦᬵᬬᬢᬦᬂ, ᬥᬫ᭄ᬫᬵᬬᬢᬦᬂ. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬏᬢᬾᬲᬂ ᬇᬫᬵᬦᬶ ᬏᬓᬵᬤᬲᬵᬬᬢᬦᬵᬦᬶ ᬧᬵᬢᬸᬪᬯᬦ᭄ᬢᬶ.

ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬲ᭄ᬲ ᬤᬲᬵᬬᬢᬦᬵᬦᬶ ᬧᬵᬢᬸᬪᬯᬦ᭄ᬢᬶ? ᬑᬧᬧᬵᬢᬶᬓᬵᬦᬂ ᬧᬾᬢᬵᬦᬂ, ᬑᬧᬧᬵᬢᬶᬓᬵᬦᬂ ᬅᬲᬸᬭᬵᬦᬂ, ᬑᬧᬧᬵᬢᬶᬓᬵᬦᬂ ᬢᬶᬭᬘ᭄ᬙᬵᬦᬕᬢᬵᬦᬂ ᬦᬾᬭᬬᬶᬓᬵᬦᬂ, ᬚᬘ᭄ᬘᬦ᭄ᬥᬵᬦᬂ ᬉᬧᬧᬢ᭄ᬢᬶᬓ᭄ᬔᬡᬾ ᬤᬲᬵᬬᬢᬦᬵᬦᬶ ᬧᬵᬢᬸᬪᬯᬦ᭄ᬢᬶ – ᬭᬹᬧᬵᬬᬢᬦᬂ, ᬲᭀᬢᬵᬬᬢᬦᬂ, ᬖᬵᬦᬵᬬᬢᬦᬂ, ᬕᬦ᭄ᬥᬵᬬᬢᬦᬂ, ᬚᬶᬯ᭄ᬳᬵᬬᬢᬦᬂ, ᬭᬲᬵᬬᬢᬦᬂ, ᬓᬵᬬᬵᬬᬢᬦᬂ, ᬨᭀᬝ᭄ᬞᬩ᭄ᬩᬵᬬᬢᬦᬂ, ᬫᬦᬵᬬᬢᬦᬂ, ᬥᬫ᭄ᬫᬵᬬᬢᬦᬂ. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬏᬢᬾᬲᬂ ᬇᬫᬵᬦᬶ ᬤᬲᬵᬬᬢᬦᬵᬦᬶ ᬧᬵᬢᬸᬪᬯᬦ᭄ᬢᬶ.

ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬲ᭄ᬲ ᬅᬧᬭᬵᬦᬶ ᬤᬲᬵᬬᬢᬦᬵᬦᬶ ᬧᬵᬢᬸᬪᬯᬦ᭄ᬢᬶ? ᬑᬧᬧᬵᬢᬶᬓᬵᬦᬂ ᬧᬾᬢᬵᬦᬂ, ᬑᬧᬧᬵᬢᬶᬓᬵᬦᬂ ᬅᬲᬸᬭᬵᬦᬂ, ᬑᬧᬧᬵᬢᬶᬓᬵᬦᬂ ᬢᬶᬭᬘ᭄ᬙᬵᬦᬕᬢᬵᬦᬂ ᬦᬾᬭᬬᬶᬓᬵᬦᬂ, ᬚᬘ᭄ᬘᬩᬥᬶᬭᬵᬦᬂ ᬉᬧᬧᬢ᭄ᬢᬶᬓ᭄ᬔᬡᬾ ᬤᬲᬵᬬᬢᬦᬵᬦᬶ ᬧᬵᬢᬸᬪᬯᬦ᭄ᬢᬶ – ᬘᬓ᭄ᬔᬵᬬᬢᬦᬂ, ᬭᬹᬧᬵᬬᬢᬦᬂ, ᬖᬵᬦᬵᬬᬢᬦᬂ, ᬕᬦ᭄ᬥᬵᬬᬢᬦᬂ, ᬚᬶᬯ᭄ᬳᬵᬬᬢᬦᬂ, ᬭᬲᬵᬬᬢᬦᬂ, ᬓᬵᬬᬵᬬᬢᬦᬂ, ᬨᭀᬝ᭄ᬞᬩ᭄ᬩᬵᬬᬢᬦᬂ, ᬫᬦᬵᬬᬢᬦᬂ, ᬥᬫ᭄ᬫᬵᬬᬢᬦᬂ. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬏᬢᬾᬲᬂ ᬇᬫᬵᬦᬶ ᬤᬲᬵᬬᬢᬦᬵᬦᬶ ᬧᬵᬢᬸᬪᬯᬦ᭄ᬢᬶ.

ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬲ᭄ᬲ ᬦᬯᬵᬬᬢᬦᬵᬦᬶ ᬧᬵᬢᬸᬪᬯᬦ᭄ᬢᬶ? ᬑᬧᬧᬵᬢᬶᬓᬵᬦᬂ ᬧᬾᬢᬵᬦᬂ, ᬑᬧᬧᬵᬢᬶᬓᬵᬦᬂ ᬅᬲᬸᬭᬵᬦᬂ, ᬑᬧᬧᬵᬢᬶᬓᬵᬦᬂ ᬢᬶᬭᬘ᭄ᬙᬵᬦᬕᬢᬵᬦᬂ ᬦᬾᬭᬬᬶᬓᬵᬦᬂ, ᬚᬘ᭄ᬘᬦ᭄ᬥᬩᬥᬶᬭᬵᬦᬂ ᬉᬧᬧᬢ᭄ᬢᬶᬓ᭄ᬔᬡᬾ ᬦᬯᬵᬬᬢᬦᬵᬦᬶ ᬧᬵᬢᬸᬪᬯᬦ᭄ᬢᬶ – ᬭᬹᬧᬵᬬᬢᬦᬂ, ᬖᬵᬦᬵᬬᬢᬦᬂ, ᬕᬦ᭄ᬥᬵᬬᬢᬦᬂ, ᬚᬶᬯ᭄ᬳᬵᬬᬢᬦᬂ, ᬭᬲᬵᬬᬢᬦᬂ, ᬓᬵᬬᬵᬬᬢᬦᬂ, ᬨᭀᬝ᭄ᬞᬩ᭄ᬩᬵᬬᬢᬦᬂ, ᬫᬦᬵᬬᬢᬦᬂ, ᬥᬫ᭄ᬫᬵᬬᬢᬦᬂ. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬏᬢᬾᬲᬂ ᬇᬫᬵᬦᬶ ᬦᬯᬵᬬᬢᬦᬵᬦᬶ ᬧᬵᬢᬸᬪᬯᬦ᭄ᬢᬶ.

ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬲ᭄ᬲ ᬲᬢ᭄ᬢᬵᬬᬢᬦᬵᬦᬶ ᬧᬵᬢᬸᬪᬯᬦ᭄ᬢᬶ? ᬕᬩ᭄ᬪᬲᬾᬬ᭄ᬬᬓᬵᬦᬂ ᬲᬢ᭄ᬢᬵᬦᬂ ᬉᬧᬧᬢ᭄ᬢᬶᬓ᭄ᬔᬡᬾ ᬲᬢ᭄ᬢᬵᬬᬢᬦᬵᬦᬶ ᬧᬵᬢᬸᬪᬯᬦ᭄ᬢᬶ – ᬭᬹᬧᬵᬬᬢᬦᬂ, ᬕᬦ᭄ᬥᬵᬬᬢᬦᬂ, ᬭᬲᬵᬬᬢᬦᬂ, ᬓᬵᬬᬵᬬᬢᬦᬂ, ᬨᭀᬝ᭄ᬞᬩ᭄ᬩᬵᬬᬢᬦᬂ, ᬫᬦᬵᬬᬢᬦᬂ, ᬥᬫ᭄ᬫᬵᬬᬢᬦᬂ. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬏᬢᬾᬲᬂ ᬇᬫᬵᬦᬶ ᬲᬢ᭄ᬢᬵᬬᬢᬦᬵᬦᬶ ᬧᬵᬢᬸᬪᬯᬦ᭄ᬢᬶ.

᭑᭐᭑᭐. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬲ᭄ᬲ ᬏᬓᬵᬤᬲ ᬥᬵᬢᬸᬬᭀ ᬧᬵᬢᬸᬪᬯᬦ᭄ᬢᬶ? ᬓᬵᬫᬵᬯᬘᬭᬵᬦᬂ ᬤᬾᬯᬵᬦᬂ, ᬧᬞᬫᬓᬧ᭄ᬧᬶᬓᬵᬦᬂ ᬫᬦᬸᬲ᭄ᬲᬵᬦᬂ, ᬑᬧᬧᬵᬢᬶᬓᬵᬦᬂ ᬧᬾᬢᬵᬦᬂ, ᬑᬧᬧᬵᬢᬶᬓᬵᬦᬂ ᬅᬲᬸᬭᬵᬦᬂ, ᬑᬧᬧᬵᬢᬶᬓᬵᬦᬂ ᬢᬶᬭᬘ᭄ᬙᬵᬦᬕᬢᬵᬦᬂ ᬦᬾᬭᬬᬶᬓᬵᬦᬂ ᬧᬭᬶᬧᬸᬡ᭄ᬡᬵᬬᬢᬦᬵᬦᬂ ᬉᬧᬧᬢ᭄ᬢᬶᬓ᭄ᬔᬡᬾ ᬏᬓᬵᬤᬲ ᬥᬵᬢᬸᬬᭀ ᬧᬵᬢᬸᬪᬯᬦ᭄ᬢᬶ – ᬘᬓ᭄ᬔᬸᬥᬵᬢᬸ, ᬭᬹᬧᬥᬵᬢᬸ, ᬲᭀᬢᬥᬵᬢᬸ, ᬖᬵᬦᬥᬵᬢᬸ, ᬕᬦ᭄ᬥᬥᬵᬢᬸ, ᬚᬶᬯ᭄ᬳᬵᬥᬵᬢᬸ, ᬭᬲᬥᬵᬢᬸ, ᬓᬵᬬᬥᬵᬢᬸ, ᬨᭀᬝ᭄ᬞᬩ᭄ᬩᬥᬵᬢᬸ, ᬫᬦᭀᬯᬶᬜ᭄ᬜᬵᬡᬥᬵᬢᬸ, ᬥᬫ᭄ᬫᬥᬵᬢᬸ. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬏᬢᬾᬲᬂ ᬇᬫᬵ ᬏᬓᬵᬤᬲ ᬥᬵᬢᬸᬬᭀ ᬧᬵᬢᬸᬪᬯᬦ᭄ᬢᬶ.

ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬲ᭄ᬲ ᬤᬲ ᬥᬵᬢᬸᬬᭀ ᬧᬵᬢᬸᬪᬯᬦ᭄ᬢᬶ? ᬑᬧᬧᬵᬢᬶᬓᬵᬦᬂ ᬧᬾᬢᬵᬦᬂ, ᬑᬧᬧᬵᬢᬶᬓᬵᬦᬂ ᬅᬲᬸᬭᬵᬦᬂ, ᬑᬧᬧᬵᬢᬶᬓᬵᬦᬂ ᬢᬶᬭᬘ᭄ᬙᬵᬦᬕᬢᬵᬦᬂ ᬦᬾᬭᬬᬶᬓᬵᬦᬂ, ᬚᬘ᭄ᬘᬦ᭄ᬥᬵᬦᬂ ᬉᬧᬧᬢ᭄ᬢᬶᬓ᭄ᬔᬡᬾ ᬤᬲ ᬥᬵᬢᬸᬬᭀ ᬧᬵᬢᬸᬪᬯᬦ᭄ᬢᬶ – ᬭᬹᬧᬥᬵᬢᬸ, ᬲᭀᬢᬥᬵᬢᬸ, ᬖᬵᬦᬥᬵᬢᬸ, ᬕᬦ᭄ᬥᬥᬵᬢᬸ, ᬚᬶᬯ᭄ᬳᬵᬥᬵᬢᬸ, ᬭᬲᬥᬵᬢᬸ, ᬓᬵᬬᬥᬵᬢᬸ, ᬨᭀᬝ᭄ᬞᬩ᭄ᬩᬥᬵᬢᬸ, ᬫᬦᭀᬯᬶᬜ᭄ᬜᬵᬡᬥᬵᬢᬸ, ᬥᬫ᭄ᬫᬥᬵᬢᬸ. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬏᬢᬾᬲᬂ ᬇᬫᬵ ᬤᬲ ᬥᬵᬢᬸᬬᭀ ᬧᬵᬢᬸᬪᬯᬦ᭄ᬢᬶ.

ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬲ᭄ᬲ ᬅᬧᬭᬵ ᬤᬲ ᬥᬵᬢᬸᬬᭀ ᬧᬵᬢᬸᬪᬯᬦ᭄ᬢᬶ? ᬑᬧᬧᬵᬢᬶᬓᬵᬦᬂ ᬧᬾᬢᬵᬦᬂ, ᬑᬧᬧᬵᬢᬶᬓᬵᬦᬂ ᬅᬲᬸᬭᬵᬦᬂ, ᬑᬧᬧᬵᬢᬶᬓᬵᬦᬂ ᬢᬶᬭᬘ᭄ᬙᬵᬦᬕᬢᬵᬦᬂ ᬦᬾᬭᬬᬶᬓᬵᬦᬂ, ᬚᬘ᭄ᬘᬩᬥᬶᬭᬵᬦᬂ ᬉᬧᬧᬢ᭄ᬢᬶᬓ᭄ᬔᬡᬾ ᬤᬲ ᬥᬵᬢᬸᬬᭀ ᬧᬵᬢᬸᬪᬯᬦ᭄ᬢᬶ – ᬘᬓ᭄ᬔᬸᬥᬵᬢᬸ, ᬭᬹᬧᬥᬵᬢᬸ, ᬖᬵᬦᬥᬵᬢᬸ, ᬕᬦ᭄ᬥᬥᬵᬢᬸ, ᬚᬶᬯ᭄ᬳᬵᬥᬵᬢᬸ, ᬭᬲᬥᬵᬢᬸ, ᬓᬵᬬᬥᬵᬢᬸ, ᬨᭀᬝ᭄ᬞᬩ᭄ᬩᬥᬵᬢᬸ, ᬫᬦᭀᬯᬶᬜ᭄ᬜᬵᬡᬥᬵᬢᬸ, ᬥᬫ᭄ᬫᬥᬵᬢᬸ. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬏᬢᬾᬲᬂ ᬇᬫᬵ ᬤᬲ ᬥᬵᬢᬸᬬᭀ ᬧᬵᬢᬸᬪᬯᬦ᭄ᬢᬶ.

ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬲ᭄ᬲ ᬦᬯ ᬥᬵᬢᬸᬬᭀ ᬧᬵᬢᬸᬪᬯᬦ᭄ᬢᬶ? ᬑᬧᬧᬵᬢᬶᬓᬵᬦᬂ ᬧᬾᬢᬵᬦᬂ, ᬑᬧᬧᬵᬢᬶᬓᬵᬦᬂ ᬅᬲᬸᬭᬵᬦᬂ, ᬑᬧᬧᬵᬢᬶᬓᬵᬦᬂ ᬢᬶᬭᬘ᭄ᬙᬵᬦᬕᬢᬵᬦᬂ ᬦᬾᬭᬬᬶᬓᬵᬦᬂ, ᬚᬘ᭄ᬘᬦ᭄ᬥᬩᬥᬶᬭᬵᬦᬂ ᬉᬧᬧᬢ᭄ᬢᬶᬓ᭄ᬔᬡᬾ ᬦᬯ ᬥᬵᬢᬸᬬᭀ ᬧᬵᬢᬸᬪᬯᬦ᭄ᬢᬶ – ᬭᬹᬧᬥᬵᬢᬸ, ᬖᬵᬦᬥᬵᬢᬸ, ᬕᬦ᭄ᬥᬥᬵᬢᬸ, ᬚᬶᬯ᭄ᬳᬵᬥᬵᬢᬸ, ᬭᬲᬥᬵᬢᬸ, ᬓᬵᬬᬥᬵᬢᬸ, ᬨᭀᬝ᭄ᬞᬩ᭄ᬩᬥᬵᬢᬸ, ᬫᬦᭀᬯᬶᬜ᭄ᬜᬵᬡᬥᬵᬢᬸ, ᬥᬫ᭄ᬫᬥᬵᬢᬸ. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬏᬢᬾᬲᬂ ᬇᬫᬵ ᬦᬯ ᬥᬵᬢᬸᬬᭀ ᬧᬵᬢᬸᬪᬯᬦ᭄ᬢᬶ.

ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬲ᭄ᬲ ᬲᬢ᭄ᬢ ᬥᬵᬢᬸᬬᭀ ᬧᬵᬢᬸᬪᬯᬦ᭄ᬢᬶ? ᬕᬩ᭄ᬪᬲᬾᬬ᭄ᬬᬓᬵᬦᬂ ᬲᬢ᭄ᬢᬵᬦᬂ ᬉᬧᬧᬢ᭄ᬢᬶᬓ᭄ᬔᬡᬾ ᬲᬢ᭄ᬢ ᬥᬵᬢᬸᬬᭀ ᬧᬵᬢᬸᬪᬯᬦ᭄ᬢᬶ – ᬭᬹᬧᬥᬵᬢᬸ, ᬕᬦ᭄ᬥᬥᬵᬢᬸ, ᬭᬲᬥᬵᬢᬸ, ᬓᬵᬬᬥᬵᬢᬸ, ᬨᭀᬝ᭄ᬞᬩ᭄ᬩᬥᬵᬢᬸ, ᬫᬦᭀᬯᬶᬜ᭄ᬜᬵᬡᬥᬵᬢᬸ, ᬥᬫ᭄ᬫᬥᬵᬢᬸ. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬏᬢᬾᬲᬂ ᬇᬫᬵ ᬲᬢ᭄ᬢ ᬥᬵᬢᬸᬬᭀ ᬧᬵᬢᬸᬪᬯᬦ᭄ᬢᬶ.

᭑᭐᭑᭑. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬲᬩ᭄ᬩᬾᬲᬂ ᬓᬢᬫᬂ ᬏᬓᬂ ᬲᬘ᭄ᬘᬂ ᬧᬵᬢᬸᬪᬯᬢᬶ? ᬤᬸᬓ᭄ᬔᬲᬘ᭄ᬘᬂ – ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬲᬩ᭄ᬩᬾᬲᬂ ᬇᬤᬂ ᬏᬓᬂ ᬲᬘ᭄ᬘᬂ ᬧᬵᬢᬸᬪᬯᬢᬶ.

᭑᭐᭑᭒. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬲ᭄ᬲ ᬘᬸᬤ᭄ᬤᬲᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ? ᬓᬵᬫᬵᬯᬘᬭᬵᬦᬂ ᬤᬾᬯᬵᬦᬂ, ᬲᬳᬾᬢᬸᬓᬵᬦᬂ ᬜᬵᬡᬲᬫ᭄ᬧᬬᬸᬢ᭄ᬢᬵᬦᬂ ᬉᬧᬧᬢ᭄ᬢᬶᬓ᭄ᬔᬡᬾ ᬘᬸᬤ᭄ᬤᬲᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ – ᬘᬓ᭄ᬔᬸᬦ᭄ᬤ᭄ᬭᬶᬬᬂ, ᬲᭀᬢᬶᬦ᭄ᬤ᭄ᬭᬶᬬᬂ, ᬖᬵᬦᬶᬦ᭄ᬤ᭄ᬭᬶᬬᬂ, ᬚᬶᬯ᭄ᬳᬶᬦ᭄ᬤ᭄ᬭᬶᬬᬂ, ᬓᬵᬬᬶᬦ᭄ᬤ᭄ᬭᬶᬬᬂ, ᬫᬦᬶᬦ᭄ᬤ᭄ᬭᬶᬬᬂ, ᬇᬢ᭄ᬣᬶᬦ᭄ᬤ᭄ᬭᬶᬬᬂ ᬯᬵ ᬧᬸᬭᬶᬲᬶᬦ᭄ᬤ᭄ᬭᬶᬬᬂ ᬯᬵ, ᬚᬷᬯᬶᬢᬶᬦ᭄ᬤ᭄ᬭᬶᬬᬂ, ᬲᭀᬫᬦᬲ᭄ᬲᬶᬦ᭄ᬤ᭄ᬭᬶᬬᬂ ᬯᬵ ᬉᬧᬾᬓ᭄ᬔᬶᬦ᭄ᬤ᭄ᬭᬶᬬᬂ ᬯᬵ, ᬲᬤ᭄ᬥᬶᬦ᭄ᬤ᭄ᬭᬶᬬᬂ, ᬯᬷᬭᬶᬬᬶᬦ᭄ᬤ᭄ᬭᬶᬬᬂ, ᬲᬢᬶᬦ᭄ᬤ᭄ᬭᬶᬬᬂ, ᬲᬫᬵᬥᬶᬦ᭄ᬤ᭄ᬭᬶᬬᬂ, ᬧᬜ᭄ᬜᬶᬦ᭄ᬤ᭄ᬭᬶᬬᬂ. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬏᬢᬾᬲᬂ ᬇᬫᬵᬦᬶ ᬘᬸᬤ᭄ᬤᬲᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ.

ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬲ᭄ᬲ ᬢᬾᬭᬲᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ? ᬓᬵᬫᬵᬯᬘᬭᬵᬦᬂ ᬤᬾᬯᬵᬦᬂ ᬲᬳᬾᬢᬸᬓᬵᬦᬂ ᬜᬵᬡᬯᬶᬧ᭄ᬧᬬᬸᬢ᭄ᬢᬵᬦᬂ ᬉᬧᬧᬢ᭄ᬢᬶᬓ᭄ᬔᬡᬾ ᬢᬾᬭᬲᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ – ᬘᬓ᭄ᬔᬸᬦ᭄ᬤ᭄ᬭᬶᬬᬂ, ᬲᭀᬢᬶᬦ᭄ᬤ᭄ᬭᬶᬬᬂ, ᬖᬵᬦᬶᬦ᭄ᬤ᭄ᬭᬶᬬᬂ, ᬚᬶᬯ᭄ᬳᬶᬦ᭄ᬤ᭄ᬭᬶᬬᬂ, ᬓᬵᬬᬶᬦ᭄ᬤ᭄ᬭᬶᬬᬂ, ᬫᬦᬶᬦ᭄ᬤ᭄ᬭᬶᬬᬂ, ᬇᬢ᭄ᬣᬶᬦ᭄ᬤ᭄ᬭᬶᬬᬂ ᬯᬵ ᬧᬸᬭᬶᬲᬶᬦ᭄ᬤ᭄ᬭᬶᬬᬂ ᬯᬵ, ᬚᬷᬯᬶᬢᬶᬦ᭄ᬤ᭄ᬭᬶᬬᬂ, ᬲᭀᬫᬦᬲ᭄ᬲᬶᬦ᭄ᬤ᭄ᬭᬶᬬᬂ ᬯᬵ ᬉᬧᬾᬓ᭄ᬔᬶᬦ᭄ᬤ᭄ᬭᬶᬬᬂ ᬯᬵ, ᬲᬤ᭄ᬥᬶᬦ᭄ᬤ᭄ᬭᬶᬬᬂ, ᬯᬷᬭᬶᬬᬶᬦ᭄ᬤ᭄ᬭᬶᬬᬂ, ᬲᬢᬶᬦ᭄ᬤ᭄ᬭᬶᬬᬂ, ᬲᬫᬵᬥᬶᬦ᭄ᬤ᭄ᬭᬶᬬᬂ. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬏᬢᬾᬲᬂ ᬇᬫᬵᬦᬶ ᬢᬾᬭᬲᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ.

ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬲ᭄ᬲ ᬅᬧᬭᬵᬦᬶ ᬢᬾᬭᬲᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ? ᬧᬞᬫᬓᬧ᭄ᬧᬶᬓᬵᬦᬂ ᬫᬦᬸᬲ᭄ᬲᬵᬦᬂ ᬲᬳᬾᬢᬸᬓᬵᬦᬂ ᬜᬵᬡᬲᬫ᭄ᬧᬬᬸᬢ᭄ᬢᬵᬦᬂ ᬉᬧᬧᬢ᭄ᬢᬶᬓ᭄ᬔᬡᬾ ᬢᬾᬭᬲᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ – ᬘᬓ᭄ᬔᬸᬦ᭄ᬤ᭄ᬭᬶᬬᬂ, ᬲᭀᬢᬶᬦ᭄ᬤ᭄ᬭᬶᬬᬂ, ᬖᬵᬦᬶᬦ᭄ᬤ᭄ᬭᬶᬬᬂ, ᬚᬶᬯ᭄ᬳᬶᬦ᭄ᬤ᭄ᬭᬶᬬᬂ, ᬓᬵᬬᬶᬦ᭄ᬤ᭄ᬭᬶᬬᬂ, ᬫᬦᬶᬦ᭄ᬤ᭄ᬭᬶᬬᬂ, ᬚᬷᬯᬶᬢᬶᬦ᭄ᬤ᭄ᬭᬶᬬᬂ, ᬲᭀᬫᬦᬲ᭄ᬲᬶᬦ᭄ᬤ᭄ᬭᬶᬬᬂ ᬯᬵ ᬉᬧᬾᬓ᭄ᬔᬶᬦ᭄ᬤ᭄ᬭᬶᬬᬂ ᬯᬵ, ᬲᬤ᭄ᬥᬶᬦ᭄ᬤ᭄ᬭᬶᬬᬂ, ᬯᬷᬭᬶᬬᬶᬦ᭄ᬤ᭄ᬭᬶᬬᬂ, ᬲᬢᬶᬦ᭄ᬤ᭄ᬭᬶᬬᬂ, ᬲᬫᬵᬥᬶᬦ᭄ᬤ᭄ᬭᬶᬬᬂ, ᬧᬜ᭄ᬜᬶᬦ᭄ᬤ᭄ᬭᬶᬬᬂ. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬏᬢᬾᬲᬂ ᬇᬫᬵᬦᬶ ᬢᬾᬭᬲᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ.

ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬲ᭄ᬲ ᬤ᭄ᬯᬵᬤᬲᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ? ᬧᬞᬫᬓᬧ᭄ᬧᬶᬓᬵᬦᬂ ᬫᬦᬸᬲ᭄ᬲᬵᬦᬂ ᬲᬳᬾᬢᬸᬓᬵᬦᬂ ᬜᬵᬡᬯᬶᬧ᭄ᬧᬬᬸᬢ᭄ᬢᬵᬦᬂ ᬉᬧᬧᬢ᭄ᬢᬶᬓ᭄ᬔᬡᬾ ᬤ᭄ᬯᬵᬤᬲᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ – ᬘᬓ᭄ᬔᬸᬦ᭄ᬤ᭄ᬭᬶᬬᬂ, ᬲᭀᬢᬶᬦ᭄ᬤ᭄ᬭᬶᬬᬂ, ᬖᬵᬦᬶᬦ᭄ᬤ᭄ᬭᬶᬬᬂ, ᬚᬶᬯ᭄ᬳᬶᬦ᭄ᬤ᭄ᬭᬶᬬᬂ, ᬓᬵᬬᬶᬦ᭄ᬤ᭄ᬭᬶᬬᬂ, ᬫᬦᬶᬦ᭄ᬤ᭄ᬭᬶᬬᬂ, ᬚᬷᬯᬶᬢᬶᬦ᭄ᬤ᭄ᬭᬶᬬᬂ, ᬲᭀᬫᬦᬲ᭄ᬲᬶᬦ᭄ᬤ᭄ᬭᬶᬬᬂ ᬯᬵ ᬉᬧᬾᬓ᭄ᬔᬶᬦ᭄ᬤ᭄ᬭᬶᬬᬂ ᬯᬵ, ᬲᬤ᭄ᬥᬶᬦ᭄ᬤ᭄ᬭᬶᬬᬂ, ᬯᬷᬭᬶᬬᬶᬦ᭄ᬤ᭄ᬭᬶᬬᬂ, ᬲᬢᬶᬦ᭄ᬤ᭄ᬭᬶᬬᬂ, ᬲᬫᬵᬥᬶᬦ᭄ᬤ᭄ᬭᬶᬬᬂ. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬏᬢᬾᬲᬂ ᬇᬫᬵᬦᬶ ᬤ᭄ᬯᬵᬤᬲᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ.

ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬲ᭄ᬲ ᬤᬲᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ? ᬕᬩ᭄ᬪᬲᬾᬬ᭄ᬬᬓᬵᬦᬂ ᬲᬢ᭄ᬢᬵᬦᬂ ᬲᬳᬾᬢᬸᬓᬵᬦᬂ ᬜᬵᬡᬲᬫ᭄ᬧᬬᬸᬢ᭄ᬢᬵᬦᬂ ᬉᬧᬧᬢ᭄ᬢᬶᬓ᭄ᬔᬡᬾ ᬤᬲᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ – ᬓᬵᬬᬶᬦ᭄ᬤ᭄ᬭᬶᬬᬂ, ᬫᬦᬶᬦ᭄ᬤ᭄ᬭᬶᬬᬂ, ᬇᬢ᭄ᬣᬶᬦ᭄ᬤ᭄ᬭᬶᬬᬂ ᬯᬵ ᬧᬸᬭᬶᬲᬶᬦ᭄ᬤ᭄ᬭᬶᬬᬂ ᬯᬵ, ᬚᬷᬯᬶᬢᬶᬦ᭄ᬤ᭄ᬭᬶᬬᬂ, ᬲᭀᬫᬦᬲ᭄ᬲᬶᬦ᭄ᬤ᭄ᬭᬶᬬᬂ ᬯᬵ ᬉᬧᬾᬓ᭄ᬔᬶᬦ᭄ᬤ᭄ᬭᬶᬬᬂ ᬯᬵ, ᬲᬤ᭄ᬥᬶᬦ᭄ᬤ᭄ᬭᬶᬬᬂ, ᬯᬷᬭᬶᬬᬶᬦ᭄ᬤ᭄ᬭᬶᬬᬂ, ᬲᬢᬶᬦ᭄ᬤ᭄ᬭᬶᬬᬂ, ᬲᬫᬵᬥᬶᬦ᭄ᬤ᭄ᬭᬶᬬᬂ, ᬧᬜ᭄ᬜᬶᬦ᭄ᬤ᭄ᬭᬶᬬᬂ. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬏᬢᬾᬲᬂ ᬇᬫᬵᬦᬶ ᬤᬲᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ.

ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬲ᭄ᬲ ᬦᬯᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ? ᬕᬩ᭄ᬪᬲᬾᬬ᭄ᬬᬓᬵᬦᬂ ᬲᬢ᭄ᬢᬵᬦᬂ ᬲᬳᬾᬢᬸᬓᬵᬦᬂ ᬜᬵᬡᬯᬶᬧ᭄ᬧᬬᬸᬢ᭄ᬢᬵᬦᬂ ᬉᬧᬧᬢ᭄ᬢᬶᬓ᭄ᬔᬡᬾ ᬦᬯᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ – ᬓᬵᬬᬶᬦ᭄ᬤ᭄ᬭᬶᬬᬂ, ᬫᬦᬶᬦ᭄ᬤ᭄ᬭᬶᬬᬂ, ᬇᬢ᭄ᬣᬶᬦ᭄ᬤ᭄ᬭᬶᬬᬂ ᬯᬵ ᬧᬸᬭᬶᬲᬶᬦ᭄ᬤ᭄ᬭᬶᬬᬂ ᬯᬵ, ᬚᬷᬯᬶᬢᬶᬦ᭄ᬤ᭄ᬭᬶᬬᬂ, ᬲᭀᬫᬦᬲ᭄ᬲᬶᬦ᭄ᬤ᭄ᬭᬶᬬᬂ ᬯᬵ ᬉᬧᬾᬓ᭄ᬔᬶᬦ᭄ᬤ᭄ᬭᬶᬬᬂ ᬯᬵ, ᬲᬤ᭄ᬥᬶᬦ᭄ᬤ᭄ᬭᬶᬬᬂ, ᬯᬷᬭᬶᬬᬶᬦ᭄ᬤ᭄ᬭᬶᬬᬂ, ᬲᬢᬶᬦ᭄ᬤ᭄ᬭᬶᬬᬂ, ᬲᬫᬵᬥᬶᬦ᭄ᬤ᭄ᬭᬶᬬᬂ. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬏᬢᬾᬲᬂ ᬇᬫᬵᬦᬶ ᬦᬯᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ.

ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬲ᭄ᬲ ᬅᬧᬭᬵᬦᬶ ᬦᬯᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ? ᬑᬧᬧᬵᬢᬶᬓᬵᬦᬂ ᬧᬾᬢᬵᬦᬂ, ᬑᬧᬧᬵᬢᬶᬓᬵᬦᬂ ᬅᬲᬸᬭᬵᬦᬂ, ᬑᬧᬧᬵᬢᬶᬓᬵᬦᬂ ᬢᬶᬭᬘ᭄ᬙᬵᬦᬕᬢᬵᬦᬂ ᬦᬾᬭᬬᬶᬓᬵᬦᬂ ᬧᬭᬶᬧᬸᬡ᭄ᬡᬵᬬᬢᬦᬵᬦᬂ ᬉᬧᬧᬢ᭄ᬢᬶᬓ᭄ᬔᬡᬾ ᬦᬯᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ – ᬘᬓ᭄ᬔᬸᬦ᭄ᬤ᭄ᬭᬶᬬᬂ, ᬲᭀᬢᬶᬦ᭄ᬤ᭄ᬭᬶᬬᬂ, ᬖᬵᬦᬶᬦ᭄ᬤ᭄ᬭᬶᬬᬂ, ᬚᬶᬯ᭄ᬳᬶᬦ᭄ᬤ᭄ᬭᬶᬬᬂ, ᬓᬵᬬᬶᬦ᭄ᬤ᭄ᬭᬶᬬᬂ, ᬫᬦᬶᬦ᭄ᬤ᭄ᬭᬶᬬᬂ, ᬇᬢ᭄ᬣᬶᬦ᭄ᬤ᭄ᬭᬶᬬᬂ ᬯᬵ ᬧᬸᬭᬶᬲᬶᬦ᭄ᬤ᭄ᬭᬶᬬᬂ ᬯᬵ, ᬚᬷᬯᬶᬢᬶᬦ᭄ᬤ᭄ᬭᬶᬬᬂ, ᬉᬧᬾᬓ᭄ᬔᬶᬦ᭄ᬤ᭄ᬭᬶᬬᬂ. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬏᬢᬾᬲᬂ ᬇᬫᬵᬦᬶ ᬦᬯᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ.

ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬲ᭄ᬲ ᬅᬝ᭄ᬞᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ? ᬑᬧᬧᬵᬢᬶᬓᬵᬦᬂ ᬧᬾᬢᬵᬦᬂ, ᬑᬧᬧᬵᬢᬶᬓᬵᬦᬂ ᬅᬲᬸᬭᬵᬦᬂ, ᬑᬧᬧᬵᬢᬶᬓᬵᬦᬂ ᬢᬶᬭᬘ᭄ᬙᬵᬦᬕᬢᬵᬦᬂ ᬦᬾᬭᬬᬶᬓᬵᬦᬂ, ᬚᬘ᭄ᬘᬦ᭄ᬥᬵᬦᬂ ᬉᬧᬧᬢ᭄ᬢᬶᬓ᭄ᬔᬡᬾ ᬅᬝ᭄ᬞᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ – ᬲᭀᬢᬶᬦ᭄ᬤ᭄ᬭᬶᬬᬂ, ᬖᬵᬦᬶᬦ᭄ᬤ᭄ᬭᬶᬬᬂ, ᬚᬶᬯ᭄ᬳᬶᬦ᭄ᬤ᭄ᬭᬶᬬᬂ, ᬓᬵᬬᬶᬦ᭄ᬤ᭄ᬭᬶᬬᬂ, ᬫᬦᬶᬦ᭄ᬤ᭄ᬭᬶᬬᬂ, ᬇᬢ᭄ᬣᬶᬦ᭄ᬤ᭄ᬭᬶᬬᬂ ᬯᬵ ᬧᬸᬭᬶᬲᬶᬦ᭄ᬤ᭄ᬭᬶᬬᬂ ᬯᬵ, ᬚᬷᬯᬶᬢᬶᬦ᭄ᬤ᭄ᬭᬶᬬᬂ, ᬉᬧᬾᬓ᭄ᬔᬶᬦ᭄ᬤ᭄ᬭᬶᬬᬂ. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬏᬢᬾᬲᬂ ᬇᬫᬵᬦᬶ ᬅᬝ᭄ᬞᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ.

ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬲ᭄ᬲ ᬅᬧᬭᬵᬦᬶ ᬅᬝ᭄ᬞᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ? ᬑᬧᬧᬵᬢᬶᬓᬵᬦᬂ ᬧᬾᬢᬵᬦᬂ, ᬑᬧᬧᬵᬢᬶᬓᬵᬦᬂ ᬅᬲᬸᬭᬵᬦᬂ, ᬑᬧᬧᬵᬢᬶᬓᬵᬦᬂ ᬢᬶᬭᬘ᭄ᬙᬵᬦᬕᬢᬵᬦᬂ ᬦᬾᬭᬬᬶᬓᬵᬦᬂ, ᬚᬘ᭄ᬘᬩᬥᬶᬭᬵᬦᬂ ᬉᬧᬧᬢ᭄ᬢᬶᬓ᭄ᬔᬡᬾ ᬅᬝ᭄ᬞᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ – ᬘᬓ᭄ᬔᬸᬦ᭄ᬤ᭄ᬭᬶᬬᬂ, ᬖᬵᬦᬶᬦ᭄ᬤ᭄ᬭᬶᬬᬂ, ᬚᬶᬯ᭄ᬳᬶᬦ᭄ᬤ᭄ᬭᬶᬬᬂ, ᬓᬵᬬᬶᬦ᭄ᬤ᭄ᬭᬶᬬᬂ ᬫᬦᬶᬦ᭄ᬤ᭄ᬭᬶᬬᬂ, ᬇᬢ᭄ᬣᬶᬦ᭄ᬤ᭄ᬭᬶᬬᬂ ᬯᬵ ᬧᬸᬭᬶᬲᬶᬦ᭄ᬤ᭄ᬭᬶᬬᬂ ᬯᬵ, ᬚᬷᬯᬶᬢᬶᬦ᭄ᬤ᭄ᬭᬶᬬᬂ, ᬉᬧᬾᬓ᭄ᬔᬶᬦ᭄ᬤ᭄ᬭᬶᬬᬂ. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬏᬢᬾᬲᬂ ᬇᬫᬵᬦᬶ ᬅᬝ᭄ᬞᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ.

ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬲ᭄ᬲ ᬲᬢ᭄ᬢᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ? ᬑᬧᬧᬵᬢᬶᬓᬵᬦᬂ ᬧᬾᬢᬵᬦᬂ, ᬑᬧᬧᬵᬢᬶᬓᬵᬦᬂ ᬅᬲᬸᬭᬵᬦᬂ, ᬑᬧᬧᬵᬢᬶᬓᬵᬦᬂ ᬢᬶᬭᬘ᭄ᬙᬵᬦᬕᬢᬵᬦᬂ ᬦᬾᬭᬬᬶᬓᬵᬦᬂ, ᬚᬘ᭄ᬘᬦ᭄ᬥᬩᬥᬶᬭᬵᬦᬂ ᬉᬧᬧᬢ᭄ᬢᬶᬓ᭄ᬔᬡᬾ ᬲᬢ᭄ᬢᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ – ᬖᬵᬦᬶᬦ᭄ᬤ᭄ᬭᬶᬬᬂ, ᬚᬶᬯ᭄ᬳᬶᬦ᭄ᬤ᭄ᬭᬶᬬᬂ, ᬓᬵᬬᬶᬦ᭄ᬤ᭄ᬭᬶᬬᬂ, ᬫᬦᬶᬦ᭄ᬤ᭄ᬭᬶᬬᬂ, ᬇᬢ᭄ᬣᬶᬦ᭄ᬤ᭄ᬭᬶᬬᬂ ᬯᬵ ᬧᬸᬭᬶᬲᬶᬦ᭄ᬤ᭄ᬭᬶᬬᬂ ᬯᬵ, ᬚᬷᬯᬶᬢᬶᬦ᭄ᬤ᭄ᬭᬶᬬᬂ, ᬉᬧᬾᬓ᭄ᬔᬶᬦ᭄ᬤ᭄ᬭᬶᬬᬂ. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬏᬢᬾᬲᬂ ᬇᬫᬵᬦᬶ ᬲᬢ᭄ᬢᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ.

ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬲ᭄ᬲ ᬧᬜ᭄ᬘᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ? ᬕᬩ᭄ᬪᬲᬾᬬ᭄ᬬᬓᬵᬦᬂ ᬲᬢ᭄ᬢᬵᬦᬂ ᬅᬳᬾᬢᬸᬓᬵᬦᬂ, ᬞᬧᬾᬢ᭄ᬯᬵ ᬦᬧᬸᬂᬲᬓᬵᬦᬂ, ᬉᬧᬧᬢ᭄ᬢᬶᬓ᭄ᬔᬡᬾ ᬧᬜ᭄ᬘᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ – ᬓᬵᬬᬶᬦ᭄ᬤ᭄ᬭᬶᬬᬂ, ᬫᬦᬶᬦ᭄ᬤ᭄ᬭᬶᬬᬂ, ᬇᬢ᭄ᬣᬶᬦ᭄ᬤ᭄ᬭᬶᬬᬂ ᬯᬵ ᬧᬸᬭᬶᬲᬶᬦ᭄ᬤ᭄ᬭᬶᬬᬂ ᬯᬵ, ᬚᬷᬯᬶᬢᬶᬦ᭄ᬤ᭄ᬭᬶᬬᬂ, ᬉᬧᬾᬓ᭄ᬔᬶᬦ᭄ᬤ᭄ᬭᬶᬬᬂ. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬏᬢᬾᬲᬂ ᬇᬫᬵᬦᬶ ᬧᬜ᭄ᬘᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ.

ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬲ᭄ᬲ ᬘᬢ᭄ᬢᬵᬭᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ? ᬕᬩ᭄ᬪᬲᬾᬬ᭄ᬬᬓᬵᬦᬂ ᬲᬢ᭄ᬢᬵᬦᬂ ᬅᬳᬾᬢᬸᬓᬵᬦᬂ, ᬦᬧᬸᬂᬲᬓᬵᬦᬂ ᬉᬧᬧᬢ᭄ᬢᬶᬓ᭄ᬔᬡᬾ ᬘᬢ᭄ᬢᬵᬭᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ – ᬓᬵᬬᬶᬦ᭄ᬤ᭄ᬭᬶᬬᬂ, ᬫᬦᬶᬦ᭄ᬤ᭄ᬭᬶᬬᬂ, ᬚᬷᬯᬶᬢᬶᬦ᭄ᬤ᭄ᬭᬶᬬᬂ, ᬉᬧᬾᬓ᭄ᬔᬶᬦ᭄ᬤ᭄ᬭᬶᬬᬂ. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬏᬢᬾᬲᬂ ᬇᬫᬵᬦᬶ ᬘᬢ᭄ᬢᬵᬭᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ.

᭑᭐᭑᭓. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬲ᭄ᬲ ᬢᬬᭀ ᬳᬾᬢᬹ ᬧᬵᬢᬸᬪᬯᬦ᭄ᬢᬶ? ᬓᬵᬫᬵᬯᬘᬭᬵᬦᬂ ᬤᬾᬯᬵᬦᬂ, ᬧᬞᬫᬓᬧ᭄ᬧᬶᬓᬵᬦᬂ ᬫᬦᬸᬲ᭄ᬲᬵᬦᬂ, ᬕᬩ᭄ᬪᬲᬾᬬ᭄ᬬᬓᬵᬦᬂ ᬲᬢ᭄ᬢᬵᬦᬂ ᬲᬳᬾᬢᬸᬓᬵᬦᬂ ᬜᬵᬡᬲᬫ᭄ᬧᬬᬸᬢ᭄ᬢᬵᬦᬂ ᬉᬧᬧᬢ᭄ᬢᬶᬓ᭄ᬔᬡᬾ ᬢᬬᭀ ᬳᬾᬢᬹ ᬧᬵᬢᬸᬪᬯᬦ᭄ᬢᬶ – ᬅᬮᭀᬪᭀ ᬯᬶᬧᬵᬓᬳᬾᬢᬸ, ᬅᬤᭀᬲᭀ ᬯᬶᬧᬵᬓᬳᬾᬢᬸ, ᬅᬫᭀᬳᭀ ᬯᬶᬧᬵᬓᬳᬾᬢᬸ. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬏᬢᬾᬲᬂ ᬇᬫᬾ ᬢᬬᭀ ᬳᬾᬢᬹ ᬧᬵᬢᬸᬪᬯᬦ᭄ᬢᬶ.

ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬲ᭄ᬲ ᬤ᭄ᬯᬾ ᬳᬾᬢᬹ ᬧᬵᬢᬸᬪᬯᬦ᭄ᬢᬶ? ᬓᬵᬫᬵᬯᬘᬭᬵᬦᬂ ᬤᬾᬯᬵᬦᬂ, ᬧᬞᬫᬓᬧ᭄ᬧᬶᬓᬵᬦᬂ ᬫᬦᬸᬲ᭄ᬲᬵᬦᬂ, ᬕᬩ᭄ᬪᬲᬾᬬ᭄ᬬᬓᬵᬦᬂ ᬲᬢ᭄ᬢᬵᬦᬂ ᬲᬳᬾᬢᬸᬓᬵᬦᬂ ᬜᬵᬡᬯᬶᬧ᭄ᬧᬬᬸᬢ᭄ᬢᬵᬦᬂ ᬉᬧᬧᬢ᭄ᬢᬶᬓ᭄ᬔᬡᬾ ᬤ᭄ᬯᬾ ᬳᬾᬢᬹ ᬧᬵᬢᬸᬪᬯᬦ᭄ᬢᬶ – ᬅᬮᭀᬪᭀ ᬯᬶᬧᬵᬓᬳᬾᬢᬸ, ᬅᬤᭀᬲᭀ ᬯᬶᬧᬵᬓᬳᬾᬢᬸ. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬏᬢᬾᬲᬂ ᬇᬫᬾ ᬤ᭄ᬯᬾ ᬳᬾᬢᬹ ᬧᬵᬢᬸᬪᬯᬦ᭄ᬢᬶ. ᬅᬯᬲᬾᬲᬵᬦᬂ ᬲᬢ᭄ᬢᬵᬦᬂ [ᬅᬯᬲᬾᬲᬵ ᬲᬢ᭄ᬢᬵ (?)] ᬅᬳᬾᬢᬸᬓᬵ ᬧᬵᬢᬸᬪᬯᬦ᭄ᬢᬶ.

᭑᭐᭑᭔. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬲᬩ᭄ᬩᬾᬲᬂ ᬓᬢᬫᬾ ᬘᬢ᭄ᬢᬵᬭᭀ ᬆᬳᬵᬭᬵ ᬧᬵᬢᬸᬪᬯᬦ᭄ᬢᬶ. ᬓᬩᬮ᬴ᬷᬓᬵᬭᭀ ᬆᬳᬵᬭᭀ, ᬨᬲ᭄ᬲᬵᬳᬵᬭᭀ, ᬫᬦᭀᬲᬜ᭄ᬘᬾᬢᬦᬵᬳᬵᬭᭀ, ᬯᬶᬜ᭄ᬜᬵᬡᬵᬳᬵᬭᭀ – ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬲᬩ᭄ᬩᬾᬲᬂ ᬇᬫᬾ ᬘᬢ᭄ᬢᬵᬭᭀ ᬆᬳᬵᬭᬵ ᬧᬵᬢᬸᬪᬯᬦ᭄ᬢᬶ.

ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬲᬩ᭄ᬩᬾᬲᬂ ᬓᬢᬫᭀ ᬏᬓᭀ ᬨᬲ᭄ᬲᭀ ᬧᬵᬢᬸᬪᬯᬢᬶ? ᬫᬦᭀᬯᬶᬜ᭄ᬜᬵᬡᬥᬵᬢᬸᬲᬫ᭄ᬨᬲ᭄ᬲᭀ – ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬲᬩ᭄ᬩᬾᬲᬂ ᬅᬬᬂ ᬏᬓᭀ ᬨᬲ᭄ᬲᭀ ᬧᬵᬢᬸᬪᬯᬢᬶ.

ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬲᬩ᭄ᬩᬾᬲᬂ ᬓᬢᬫᬵ ᬏᬓᬵ ᬯᬾᬤᬦᬵ … ᬏᬓᬵ ᬲᬜ᭄ᬜᬵ… ᬏᬓᬵ ᬘᬾᬢᬦᬵ… ᬏᬓᬂ ᬘᬶᬢ᭄ᬢᬂ ᬧᬵᬢᬸᬪᬯᬢᬶ? ᬫᬦᭀᬯᬶᬜ᭄ᬜᬵᬡᬥᬵᬢᬸ – ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬲᬩ᭄ᬩᬾᬲᬂ ᬇᬤᬂ ᬏᬓᬂ ᬘᬶᬢ᭄ᬢᬂ ᬧᬵᬢᬸᬪᬯᬢᬶ.

᭒. ᬭᬹᬧᬥᬵᬢᬸ

᭑᭐᭑᭕. ᬭᬹᬧᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬢᬶ ᬔᬦ᭄ᬥᬵ ᬧᬵᬢᬸᬪᬯᬦ᭄ᬢᬶ…ᬧᬾ… ᬓᬢᬶ ᬘᬶᬢ᭄ᬢᬵᬦᬶ ᬧᬵᬢᬸᬪᬯᬦ᭄ᬢᬶ?

ᬭᬹᬧᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ, ᬞᬧᬾᬢ᭄ᬯᬵ ᬅᬲᬜ᭄ᬜᬲᬢ᭄ᬢᬵᬦᬂ ᬤᬾᬯᬵᬦᬂ, ᬧᬜ᭄ᬘᬓ᭄ᬔᬦ᭄ᬥᬵ ᬧᬵᬢᬸᬪᬯᬦ᭄ᬢᬶ, ᬧᬜ᭄ᬘᬵᬬᬢᬦᬵᬦᬶ ᬧᬵᬢᬸᬪᬯᬦ᭄ᬢᬶ, ᬧᬜ᭄ᬘ ᬥᬵᬢᬸᬬᭀ ᬧᬵᬢᬸᬪᬯᬦ᭄ᬢᬶ, ᬏᬓᬂ ᬲᬘ᭄ᬘᬂ ᬧᬵᬢᬸᬪᬯᬢᬶ, ᬤᬲᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ, ᬢᬬᭀ ᬳᬾᬢᬹ ᬧᬵᬢᬸᬪᬯᬦ᭄ᬢᬶ, ᬢᬬᭀ ᬆᬳᬵᬭᬵ ᬧᬵᬢᬸᬪᬯᬦ᭄ᬢᬶ, ᬏᬓᭀ ᬨᬲ᭄ᬲᭀ ᬧᬵᬢᬸᬪᬯᬢᬶ, ᬏᬓᬵ ᬯᬾᬤᬦᬵ… ᬏᬓᬵ ᬲᬜ᭄ᬜᬵ… ᬏᬓᬵ ᬘᬾᬢᬦᬵ… ᬏᬓᬂ ᬘᬶᬢ᭄ᬢᬂ ᬧᬵᬢᬸᬪᬯᬢᬶ.

᭑᭐᭑᭖. ᬭᬹᬧᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬢᬫᬾ ᬧᬜ᭄ᬘᬓ᭄ᬔᬦ᭄ᬥᬵ ᬧᬵᬢᬸᬪᬯᬦ᭄ᬢᬶ? ᬭᬹᬧᬓ᭄ᬔᬦ᭄ᬥᭀ, ᬯᬾᬤᬦᬵᬓ᭄ᬔᬦ᭄ᬥᭀ, ᬲᬜ᭄ᬜᬵᬓ᭄ᬔᬦ᭄ᬥᭀ, ᬲᬗ᭄ᬔᬵᬭᬓ᭄ᬔᬦ᭄ᬥᭀ, ᬯᬶᬜ᭄ᬜᬵᬡᬓ᭄ᬔᬦ᭄ᬥᭀ – ᬭᬹᬧᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬇᬫᬾ ᬧᬜ᭄ᬘᬓ᭄ᬔᬦ᭄ᬥᬵ ᬧᬵᬢᬸᬪᬯᬦ᭄ᬢᬶ.

ᬭᬹᬧᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬢᬫᬵᬦᬶ ᬧᬜ᭄ᬘᬵᬬᬢᬦᬵᬦᬶ ᬧᬵᬢᬸᬪᬯᬦ᭄ᬢᬶ? ᬘᬓ᭄ᬔᬵᬬᬢᬦᬂ, ᬭᬹᬧᬵᬬᬢᬦᬂ, ᬲᭀᬢᬵᬬᬢᬦᬂ, ᬫᬦᬵᬬᬢᬦᬂ, ᬥᬫ᭄ᬫᬵᬬᬢᬦᬂ – ᬭᬹᬧᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬇᬫᬵᬦᬶ ᬧᬜ᭄ᬘᬵᬬᬢᬦᬵᬦᬶ ᬧᬵᬢᬸᬪᬯᬦ᭄ᬢᬶ.

ᬭᬹᬧᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬢᬫᬵ ᬧᬜ᭄ᬘ ᬥᬵᬢᬸᬬᭀ ᬧᬵᬢᬸᬪᬯᬦ᭄ᬢᬶ? ᬘᬓ᭄ᬔᬸᬥᬵᬢᬸ, ᬭᬹᬧᬥᬵᬢᬸ, ᬲᭀᬢᬥᬵᬢᬸ, ᬫᬦᭀᬯᬶᬜ᭄ᬜᬵᬡᬥᬵᬢᬸ, ᬥᬫ᭄ᬫᬥᬵᬢᬸ – ᬭᬹᬧᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬇᬫᬵ ᬧᬜ᭄ᬘ ᬥᬵᬢᬸᬬᭀ ᬧᬵᬢᬸᬪᬯᬦ᭄ᬢᬶ.

ᬭᬹᬧᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬢᬫᬂ ᬏᬓᬂ ᬲᬘ᭄ᬘᬂ ᬧᬵᬢᬸᬪᬯᬢᬶ? ᬤᬸᬓ᭄ᬔᬲᬘ᭄ᬘᬂ – ᬭᬹᬧᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬇᬤᬂ ᬏᬓᬂ ᬲᬘ᭄ᬘᬂ ᬧᬵᬢᬸᬪᬯᬢᬶ.

ᬭᬹᬧᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬢᬫᬵᬦᬶ ᬤᬲᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ? ᬘᬓ᭄ᬔᬸᬦ᭄ᬤ᭄ᬭᬶᬬᬂ, ᬲᭀᬢᬶᬦ᭄ᬤ᭄ᬭᬶᬬᬂ, ᬫᬦᬶᬦ᭄ᬤ᭄ᬭᬶᬬᬂ, ᬚᬷᬯᬶᬢᬶᬦ᭄ᬤ᭄ᬭᬶᬬᬂ, ᬲᭀᬫᬦᬲ᭄ᬲᬶᬦ᭄ᬤ᭄ᬭᬶᬬᬂ ᬯᬵ ᬉᬧᬾᬓ᭄ᬔᬶᬦ᭄ᬤ᭄ᬭᬶᬬᬂ ᬯᬵ, ᬲᬤ᭄ᬥᬶᬦ᭄ᬤ᭄ᬭᬶᬬᬂ, ᬯᬷᬭᬶᬬᬶᬦ᭄ᬤ᭄ᬭᬶᬬᬂ, ᬲᬢᬶᬦ᭄ᬤ᭄ᬭᬶᬬᬂ, ᬲᬫᬵᬥᬶᬦ᭄ᬤ᭄ᬭᬶᬬᬂ, ᬧᬜ᭄ᬜᬶᬦ᭄ᬤ᭄ᬭᬶᬬᬂ – ᬭᬹᬧᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬇᬫᬵᬦᬶ ᬤᬲᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ.

ᬭᬹᬧᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬢᬫᬾ ᬢᬬᭀ ᬳᬾᬢᬹ ᬧᬵᬢᬸᬪᬯᬦ᭄ᬢᬶ? ᬅᬮᭀᬪᭀ ᬯᬶᬧᬵᬓᬳᬾᬢᬸ, ᬅᬤᭀᬲᭀ ᬯᬶᬧᬵᬓᬳᬾᬢᬸ, ᬅᬫᭀᬳᭀ ᬯᬶᬧᬵᬓᬳᬾᬢᬸ – ᬭᬹᬧᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬇᬫᬾ ᬢᬬᭀ ᬳᬾᬢᬹ ᬧᬵᬢᬸᬪᬯᬦ᭄ᬢᬶ.

ᬭᬹᬧᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬢᬫᬾ ᬢᬬᭀ ᬆᬳᬵᬭᬵ ᬧᬵᬢᬸᬪᬯᬦ᭄ᬢᬶ? ᬨᬲ᭄ᬲᬵᬳᬵᬭᭀ, ᬫᬦᭀᬲᬜ᭄ᬘᬾᬢᬦᬵᬳᬵᬭᭀ, ᬯᬶᬜ᭄ᬜᬵᬡᬵᬳᬵᬭᭀ – ᬭᬹᬧᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬇᬫᬾ ᬢᬬᭀ ᬆᬳᬵᬭᬵ ᬧᬵᬢᬸᬪᬯᬦ᭄ᬢᬶ.

ᬭᬹᬧᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬢᬫᭀ ᬏᬓᭀ ᬨᬲ᭄ᬲᭀ ᬧᬵᬢᬸᬪᬯᬢᬶ? ᬫᬦᭀᬯᬶᬜ᭄ᬜᬵᬡᬥᬵᬢᬸᬲᬫ᭄ᬨᬲ᭄ᬲᭀ – ᬭᬹᬧᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬅᬬᬂ ᬏᬓᭀ ᬨᬲ᭄ᬲᭀ ᬧᬵᬢᬸᬪᬯᬢᬶ.

ᬭᬹᬧᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬢᬫᬵ ᬏᬓᬵ ᬯᬾᬤᬦᬵ… ᬏᬓᬵ ᬲᬜ᭄ᬜᬵ… ᬏᬓᬵ ᬘᬾᬢᬦᬵ… ᬏᬓᬂ ᬘᬶᬢ᭄ᬢᬂ ᬧᬵᬢᬸᬪᬯᬢᬶ? ᬫᬦᭀᬯᬶᬜ᭄ᬜᬵᬡᬥᬵᬢᬸ – ᬭᬹᬧᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬇᬤᬂ ᬏᬓᬂ ᬘᬶᬢ᭄ᬢᬂ ᬧᬵᬢᬸᬪᬯᬢᬶ.

᭓. ᬅᬲᬜ᭄ᬜᬲᬢ᭄ᬢᬵ

᭑᭐᭑᭗. ᬅᬲᬜ᭄ᬜᬲᬢ᭄ᬢᬵᬦᬂ ᬤᬾᬯᬵᬦᬂ ᬉᬧᬧᬢ᭄ᬢᬶᬓ᭄ᬔᬡᬾ ᬓᬢᬶ ᬔᬦ᭄ᬥᬵ ᬧᬵᬢᬸᬪᬯᬦ᭄ᬢᬶ…ᬧᬾ… ᬓᬢᬶ ᬘᬶᬢ᭄ᬢᬵᬦᬶ ᬧᬵᬢᬸᬪᬯᬦ᭄ᬢᬶ?

ᬅᬲᬜ᭄ᬜᬲᬢ᭄ᬢᬵᬦᬂ ᬤᬾᬯᬵᬦᬂ ᬉᬧᬧᬢ᭄ᬢᬶᬓ᭄ᬔᬡᬾ ᬏᬓᭀ ᬔᬦ᭄ᬥᭀ ᬧᬵᬢᬸᬪᬯᬢᬶ – ᬭᬹᬧᬓ᭄ᬔᬦ᭄ᬥᭀ; ᬤ᭄ᬯᬾ ᬆᬬᬢᬦᬵᬦᬶ ᬧᬵᬢᬸᬪᬯᬦ᭄ᬢᬶ – ᬭᬹᬧᬵᬬᬢᬦᬂ, ᬥᬫ᭄ᬫᬵᬬᬢᬦᬂ; ᬤ᭄ᬯᬾ ᬥᬵᬢᬸᬬᭀ ᬧᬵᬢᬸᬪᬯᬦ᭄ᬢᬶ – ᬭᬹᬧᬥᬵᬢᬸ, ᬥᬫ᭄ᬫᬥᬵᬢᬸ; ᬏᬓᬂ ᬲᬘ᭄ᬘᬂ ᬧᬵᬢᬸᬪᬯᬢᬶ – ᬤᬸᬓ᭄ᬔᬲᬘ᭄ᬘᬂ; ᬏᬓᬶᬦ᭄ᬤ᭄ᬭᬶᬬᬂ ᬧᬵᬢᬸᬪᬯᬢᬶ – ᬭᬹᬧᬚᬷᬯᬶᬢᬶᬦ᭄ᬤ᭄ᬭᬶᬬᬂ. ᬅᬲᬜ᭄ᬜᬲᬢ᭄ᬢᬵ ᬤᬾᬯᬵ ᬅᬳᬾᬢᬸᬓᬵ ᬅᬦᬵᬳᬵᬭᬵ ᬅᬨᬲ᭄ᬲᬓᬵ ᬅᬯᬾᬤᬦᬓᬵ ᬅᬲᬜ᭄ᬜᬓᬵ ᬅᬘᬾᬢᬦᬓᬵ ᬅᬘᬶᬢ᭄ᬢᬓᬵ ᬧᬵᬢᬸᬪᬯᬦ᭄ᬢᬶ.

᭔. ᬅᬭᬹᬧᬥᬵᬢᬸ

᭑᭐᭑᭘. ᬅᬭᬹᬧᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬢᬶ ᬔᬦ᭄ᬥᬵ ᬧᬵᬢᬸᬪᬯᬦ᭄ᬢᬶ…ᬧᬾ… ᬓᬢᬶ ᬘᬶᬢ᭄ᬢᬵᬦᬶ ᬧᬵᬢᬸᬪᬯᬦ᭄ᬢᬶ?

ᬅᬭᬹᬧᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬘᬢ᭄ᬢᬵᬭᭀ ᬔᬦ᭄ᬥᬵ ᬧᬵᬢᬸᬪᬯᬦ᭄ᬢᬶ, ᬤ᭄ᬯᬾ ᬆᬬᬢᬦᬵᬦᬶ ᬧᬵᬢᬸᬪᬯᬦ᭄ᬢᬶ, ᬤ᭄ᬯᬾ ᬥᬵᬢᬸᬬᭀ ᬧᬵᬢᬸᬪᬯᬦ᭄ᬢᬶ, ᬏᬓᬂ ᬲᬘ᭄ᬘᬂ ᬧᬵᬢᬸᬪᬯᬢᬶ, ᬅᬝ᭄ᬞᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ, ᬢᬬᭀ ᬳᬾᬢᬹ ᬧᬵᬢᬸᬪᬯᬦ᭄ᬢᬶ, ᬢᬬᭀ ᬆᬳᬵᬭᬵ ᬧᬵᬢᬸᬪᬯᬦ᭄ᬢᬶ, ᬏᬓᭀ ᬨᬲ᭄ᬲᭀ ᬧᬵᬢᬸᬪᬯᬢᬶ, ᬏᬓᬵ ᬯᬾᬤᬦᬵ… ᬏᬓᬵ ᬲᬜ᭄ᬜᬵ… ᬏᬓᬵ ᬘᬾᬢᬦᬵ… ᬏᬓᬂ ᬘᬶᬢ᭄ᬢᬂ ᬧᬵᬢᬸᬪᬯᬢᬶ.

᭑᭐᭑᭙. ᬅᬭᬹᬧᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬢᬫᬾ ᬘᬢ᭄ᬢᬵᬭᭀ ᬔᬦ᭄ᬥᬵ ᬧᬵᬢᬸᬪᬯᬦ᭄ᬢᬶ? ᬯᬾᬤᬦᬵᬓ᭄ᬔᬦ᭄ᬥᭀ, ᬲᬜ᭄ᬜᬵᬓ᭄ᬔᬦ᭄ᬥᭀ, ᬲᬗ᭄ᬔᬵᬭᬓ᭄ᬔᬦ᭄ᬥᭀ, ᬯᬶᬜ᭄ᬜᬵᬡᬓ᭄ᬔᬦ᭄ᬥᭀ – ᬅᬭᬹᬧᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬇᬫᬾ ᬘᬢ᭄ᬢᬵᬭᭀ ᬔᬦ᭄ᬥᬵ ᬧᬵᬢᬸᬪᬯᬦ᭄ᬢᬶ.

ᬅᬭᬹᬧᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬢᬫᬵᬦᬶ ᬤ᭄ᬯᬾ ᬆᬬᬢᬦᬵᬦᬶ ᬧᬵᬢᬸᬪᬯᬦ᭄ᬢᬶ? ᬫᬦᬵᬬᬢᬦᬂ, ᬥᬫ᭄ᬫᬵᬬᬢᬦᬂ – ᬅᬭᬹᬧᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬇᬫᬵᬦᬶ ᬤ᭄ᬯᬾ ᬆᬬᬢᬦᬵᬦᬶ ᬧᬵᬢᬸᬪᬯᬦ᭄ᬢᬶ.

ᬅᬭᬹᬧᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬢᬫᬵ ᬤ᭄ᬯᬾ ᬥᬵᬢᬸᬬᭀ ᬧᬵᬢᬸᬪᬯᬦ᭄ᬢᬶ? ᬫᬦᭀᬯᬶᬜ᭄ᬜᬵᬡᬥᬵᬢᬸ, ᬥᬫ᭄ᬫᬥᬵᬢᬸ – ᬅᬭᬹᬧᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬇᬫᬵ ᬤ᭄ᬯᬾ ᬥᬵᬢᬸᬬᭀ ᬧᬵᬢᬸᬪᬯᬦ᭄ᬢᬶ.

ᬅᬭᬹᬧᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬢᬫᬂ ᬏᬓᬂ ᬲᬘ᭄ᬘᬂ ᬧᬵᬢᬸᬪᬯᬢᬶ? ᬤᬸᬓ᭄ᬔᬲᬘ᭄ᬘᬂ – ᬅᬭᬹᬧᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬇᬤᬂ ᬏᬓᬂ ᬲᬘ᭄ᬘᬂ ᬧᬵᬢᬸᬪᬯᬢᬶ.

ᬅᬭᬹᬧᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬢᬫᬵᬦᬶ ᬅᬝ᭄ᬞᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ? ᬫᬦᬶᬦ᭄ᬤ᭄ᬭᬶᬬᬂ, ᬚᬷᬯᬶᬢᬶᬦ᭄ᬤ᭄ᬭᬶᬬᬂ, ᬉᬧᬾᬓ᭄ᬔᬶᬦ᭄ᬤ᭄ᬭᬶᬬᬂ, ᬲᬤ᭄ᬥᬶᬦ᭄ᬤ᭄ᬭᬶᬬᬂ, ᬯᬷᬭᬶᬬᬶᬦ᭄ᬤ᭄ᬭᬶᬬᬂ, ᬲᬢᬶᬦ᭄ᬤ᭄ᬭᬶᬬᬂ, ᬲᬫᬵᬥᬶᬦ᭄ᬤ᭄ᬭᬶᬬᬂ, ᬧᬜ᭄ᬜᬶᬦ᭄ᬤ᭄ᬭᬶᬬᬂ – ᬅᬭᬹᬧᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬇᬫᬵᬦᬶ ᬅᬝ᭄ᬞᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ.

ᬅᬭᬹᬧᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬢᬫᬾ ᬢᬬᭀ ᬳᬾᬢᬹ ᬧᬵᬢᬸᬪᬯᬦ᭄ᬢᬶ? ᬅᬮᭀᬪᭀ ᬯᬶᬧᬵᬓᬳᬾᬢᬸ, ᬅᬤᭀᬲᭀ ᬯᬶᬧᬵᬓᬳᬾᬢᬸ, ᬅᬫᭀᬳᭀ ᬯᬶᬧᬵᬓᬳᬾᬢᬸ – ᬅᬭᬹᬧᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬇᬫᬾ ᬢᬬᭀ ᬳᬾᬢᬹ ᬧᬵᬢᬸᬪᬯᬦ᭄ᬢᬶ.

ᬅᬭᬹᬧᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬢᬫᬾ ᬢᬬᭀ ᬆᬳᬵᬭᬵ ᬧᬵᬢᬸᬪᬯᬦ᭄ᬢᬶ? ᬨᬲ᭄ᬲᬵᬳᬵᬭᭀ, ᬫᬦᭀᬲᬜ᭄ᬘᬾᬢᬦᬵᬳᬵᬭᭀ, ᬯᬶᬜ᭄ᬜᬵᬡᬵᬳᬵᬭᭀ – ᬅᬭᬹᬧᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬇᬫᬾ ᬢᬬᭀ ᬆᬳᬵᬭᬵ ᬧᬵᬢᬸᬪᬯᬦ᭄ᬢᬶ.

ᬅᬭᬹᬧᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬢᬫᭀ ᬏᬓᭀ ᬨᬲ᭄ᬲᭀ ᬧᬵᬢᬸᬪᬯᬢᬶ? ᬫᬦᭀᬯᬶᬜ᭄ᬜᬵᬡᬥᬵᬢᬸᬲᬫ᭄ᬨᬲ᭄ᬲᭀ – ᬅᬭᬹᬧᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬅᬬᬂ ᬏᬓᭀ ᬨᬲ᭄ᬲᭀ ᬧᬵᬢᬸᬪᬯᬢᬶ.

ᬅᬭᬹᬧᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬢᬫᬵ ᬏᬓᬵ ᬯᬾᬤᬦᬵ…ᬧᬾ… ᬏᬓᬵ ᬲᬜ᭄ᬜᬵ… ᬏᬓᬵ ᬘᬾᬢᬦᬵ… ᬏᬓᬂ ᬘᬶᬢ᭄ᬢᬂ ᬧᬵᬢᬸᬪᬯᬢᬶ? ᬫᬦᭀᬯᬶᬜ᭄ᬜᬵᬡᬥᬵᬢᬸ – ᬅᬭᬹᬧᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬇᬤᬂ ᬏᬓᬂ ᬘᬶᬢ᭄ᬢᬂ ᬧᬵᬢᬸᬪᬯᬢᬶ.