᭑᭘. ᬥᬫ᭄ᬫᬳᬤᬬᬯᬶᬪᬗ᭄ᬕᭀ

᭑. ᬲᬩ᭄ᬩᬲᬗ᭄ᬕᬵᬳᬶᬓᬯᬵᬭᭀ

᭙᭗᭘. ᬓᬢᬶ ᬔᬦ᭄ᬥᬵ, ᬓᬢᬶ ᬆᬬᬢᬦᬵᬦᬶ, ᬓᬢᬶ ᬥᬵᬢᬸᬬᭀ, ᬓᬢᬶ ᬲᬘ᭄ᬘᬵᬦᬶ, ᬓᬢᬶ ᬇᬦ᭄ᬤ᭄ᬭᬶᬬᬵᬦᬶ, ᬓᬢᬶ ᬳᬾᬢᬹ, ᬓᬢᬶ ᬆᬳᬵᬭᬵ, ᬓᬢᬶ ᬨᬲ᭄ᬲᬵ, ᬓᬢᬶ ᬯᬾᬤᬦᬵ, ᬓᬢᬶ ᬲᬜ᭄ᬜᬵ, ᬓᬢᬶ ᬘᬾᬢᬦᬵ, ᬓᬢᬶ ᬘᬶᬢ᭄ᬢᬵᬦᬶ?

ᬧᬜ᭄ᬘᬓ᭄ᬔᬦ᭄ᬥᬵ, ᬤ᭄ᬯᬵᬤᬲᬵᬬᬢᬦᬵᬦᬶ, ᬅᬝ᭄ᬞᬵᬭᬲ ᬥᬵᬢᬸᬬᭀ, ᬘᬢ᭄ᬢᬵᬭᬶ ᬲᬘ᭄ᬘᬵᬦᬶ, ᬩᬵᬯᬷᬲᬢᬶᬦ᭄ᬤ᭄ᬭᬶᬬᬵᬦᬶ, ᬦᬯ ᬳᬾᬢᬹ, ᬘᬢ᭄ᬢᬵᬭᭀ ᬆᬳᬵᬭᬵ, ᬲᬢ᭄ᬢ ᬨᬲ᭄ᬲᬵ, ᬲᬢ᭄ᬢ ᬯᬾᬤᬦᬵ, ᬲᬢ᭄ᬢ ᬲᬜ᭄ᬜᬵ, ᬲᬢ᭄ᬢ ᬘᬾᬢᬦᬵ, ᬲᬢ᭄ᬢ ᬘᬶᬢ᭄ᬢᬵᬦᬶ.

᭙᭗᭙. ᬢᬢ᭄ᬣ ᬓᬢᬫᬾ ᬧᬜ᭄ᬘᬓ᭄ᬔᬦ᭄ᬥᬵ? ᬭᬹᬧᬓ᭄ᬔᬦ᭄ᬥᭀ, ᬯᬾᬤᬦᬵᬓ᭄ᬔᬦ᭄ᬥᭀ, ᬲᬜ᭄ᬜᬵᬓ᭄ᬔᬦ᭄ᬥᭀ, ᬲᬗ᭄ᬔᬵᬭᬓ᭄ᬔᬦ᭄ᬥᭀ, ᬯᬶᬜ᭄ᬜᬵᬡᬓ᭄ᬔᬦ᭄ᬥᭀ – ᬇᬫᬾ ᬯᬸᬘ᭄ᬘᬦ᭄ᬢᬶ ‘‘ᬧᬜ᭄ᬘᬓ᭄ᬔᬦ᭄ᬥᬵ’’.

᭙᭘᭐. ᬢᬢ᭄ᬣ ᬓᬢᬫᬵᬦᬶ ᬤ᭄ᬯᬵᬤᬲᬵᬬᬢᬦᬵᬦᬶ? ᬘᬓ᭄ᬔᬵᬬᬢᬦᬂ, ᬭᬹᬧᬵᬬᬢᬦᬂ, ᬲᭀᬢᬵᬬᬢᬦᬂ, ᬲᬤ᭄ᬤᬵᬬᬢᬦᬂ, ᬖᬵᬦᬵᬬᬢᬦᬂ, ᬕᬦ᭄ᬥᬵᬬᬢᬦᬂ, ᬚᬶᬯ᭄ᬳᬵᬬᬢᬦᬂ, ᬭᬲᬵᬬᬢᬦᬂ, ᬓᬵᬬᬵᬬᬢᬦᬂ, ᬨᭀᬝ᭄ᬞᬩ᭄ᬩᬵᬬᬢᬦᬂ, ᬫᬦᬵᬬᬢᬦᬂ, ᬥᬫ᭄ᬫᬵᬬᬢᬦᬂ – ᬇᬫᬵᬦᬶ ᬯᬸᬘ᭄ᬘᬦ᭄ᬢᬶ ‘‘ᬤ᭄ᬯᬵᬤᬲᬵᬬᬢᬦᬵᬦᬶ’’.

᭙᭘᭑. ᬢᬢ᭄ᬣ ᬓᬢᬫᬵ ᬅᬝ᭄ᬞᬵᬭᬲ ᬥᬵᬢᬸᬬᭀ? ᬘᬓ᭄ᬔᬸᬥᬵᬢᬸ, ᬭᬹᬧᬥᬵᬢᬸ, ᬘᬓ᭄ᬔᬸᬯᬶᬜ᭄ᬜᬵᬡᬥᬵᬢᬸ, ᬲᭀᬢᬥᬵᬢᬸ, ᬲᬤ᭄ᬤᬥᬵᬢᬸ, ᬲᭀᬢᬯᬶᬜ᭄ᬜᬵᬡᬥᬵᬢᬸ, ᬖᬵᬦᬥᬵᬢᬸ, ᬕᬦ᭄ᬥᬥᬵᬢᬸ, ᬖᬵᬦᬯᬶᬜ᭄ᬜᬵᬡᬥᬵᬢᬸ, ᬚᬶᬯ᭄ᬳᬵᬥᬵᬢᬸ, ᬭᬲᬥᬵᬢᬸ, ᬚᬶᬯ᭄ᬳᬵᬯᬶᬜ᭄ᬜᬵᬡᬥᬵᬢᬸ, ᬓᬵᬬᬥᬵᬢᬸ, ᬨᭀᬝ᭄ᬞᬩ᭄ᬩᬥᬵᬢᬸ, ᬓᬵᬬᬯᬶᬜ᭄ᬜᬵᬡᬥᬵᬢᬸ, ᬫᬦᭀᬥᬵᬢᬸ, ᬥᬫ᭄ᬫᬥᬵᬢᬸ, ᬫᬦᭀᬯᬶᬜ᭄ᬜᬵᬡᬥᬵᬢᬸ – ᬇᬫᬵ ᬯᬸᬘ᭄ᬘᬦ᭄ᬢᬶ ‘‘ᬅᬝ᭄ᬞᬵᬭᬲ ᬥᬵᬢᬸᬬᭀ’’.

᭙᭘᭒. ᬢᬢ᭄ᬣ ᬓᬢᬫᬵᬦᬶ ᬘᬢ᭄ᬢᬵᬭᬶ ᬲᬘ᭄ᬘᬵᬦᬶ? ᬤᬸᬓ᭄ᬔᬲᬘ᭄ᬘᬂ, ᬲᬫᬸᬤᬬᬲᬘ᭄ᬘᬂ, ᬦᬶᬭᭀᬥᬲᬘ᭄ᬘᬂ, ᬫᬕ᭄ᬕᬲᬘ᭄ᬘᬂ – ᬇᬫᬵᬦᬶ ᬯᬸᬘ᭄ᬘᬦ᭄ᬢᬶ ‘‘ᬘᬢ᭄ᬢᬵᬭᬶ ᬲᬘ᭄ᬘᬵᬦᬶ’’.

᭙᭘᭓. ᬢᬢ᭄ᬣ ᬓᬢᬫᬵᬦᬶ ᬩᬵᬯᬷᬲᬢᬶᬦ᭄ᬤ᭄ᬭᬶᬬᬵᬦᬶ? ᬘᬓ᭄ᬔᬸᬦ᭄ᬤ᭄ᬭᬶᬬᬂ, ᬲᭀᬢᬶᬦ᭄ᬤ᭄ᬭᬶᬬᬂ, ᬖᬵᬦᬶᬦ᭄ᬤ᭄ᬭᬶᬬᬂ, ᬚᬶᬯ᭄ᬳᬶᬦ᭄ᬤ᭄ᬭᬶᬬᬂ, ᬓᬵᬬᬶᬦ᭄ᬤ᭄ᬭᬶᬬᬂ, ᬫᬦᬶᬦ᭄ᬤ᭄ᬭᬶᬬᬂ, ᬇᬢ᭄ᬣᬶᬦ᭄ᬤ᭄ᬭᬶᬬᬂ, ᬧᬸᬭᬶᬲᬶᬦ᭄ᬤ᭄ᬭᬶᬬᬂ, ᬚᬷᬯᬶᬢᬶᬦ᭄ᬤ᭄ᬭᬶᬬᬂ, ᬲᬸᬔᬶᬦ᭄ᬤ᭄ᬭᬶᬬᬂ, ᬤᬸᬓ᭄ᬔᬶᬦ᭄ᬤ᭄ᬭᬶᬬᬂ, ᬲᭀᬫᬦᬲ᭄ᬲᬶᬦ᭄ᬤ᭄ᬭᬶᬬᬂ, ᬤᭀᬫᬦᬲ᭄ᬲᬶᬦ᭄ᬤ᭄ᬭᬶᬬᬂ, ᬉᬧᬾᬓ᭄ᬔᬶᬦ᭄ᬤ᭄ᬭᬶᬬᬂ, ᬲᬤ᭄ᬥᬶᬦ᭄ᬤ᭄ᬭᬶᬬᬂ, ᬯᬷᬭᬶᬬᬶᬦ᭄ᬤ᭄ᬭᬶᬬᬂ, ᬲᬢᬶᬦ᭄ᬤ᭄ᬭᬶᬬᬂ, ᬲᬫᬵᬥᬶᬦ᭄ᬤ᭄ᬭᬶᬬᬂ, ᬧᬜ᭄ᬜᬶᬦ᭄ᬤ᭄ᬭᬶᬬᬂ, ᬅᬦᬜ᭄ᬜᬵᬢᬜ᭄ᬜᬲ᭄ᬲᬵᬫᬷᬢᬶᬦ᭄ᬤ᭄ᬭᬶᬬᬂ, ᬅᬜ᭄ᬜᬶᬦ᭄ᬤ᭄ᬭᬶᬬᬂ, ᬅᬜ᭄ᬜᬵᬢᬵᬯᬶᬦ᭄ᬤ᭄ᬭᬶᬬᬂ – ᬇᬫᬵᬦᬶ ᬯᬸᬘ᭄ᬘᬦ᭄ᬢᬶ ‘‘ᬩᬵᬯᬷᬲᬢᬶᬦ᭄ᬤ᭄ᬭᬶᬬᬵᬦᬶ’’.

᭙᭘᭔. ᬢᬢ᭄ᬣ ᬓᬢᬫᬾ ᬦᬯ ᬳᬾᬢᬹ? ᬢᬬᭀ ᬓᬸᬲᬮᬳᬾᬢᬹ, ᬢᬬᭀ ᬅᬓᬸᬲᬮᬳᬾᬢᬹ, ᬢᬬᭀ ᬅᬩ᭄ᬬᬵᬓᬢᬳᬾᬢᬹ.

ᬢᬢ᭄ᬣ ᬓᬢᬫᬾ ᬢᬬᭀ ᬓᬸᬲᬮᬳᬾᬢᬹ? ᬅᬮᭀᬪᭀ ᬓᬸᬲᬮᬳᬾᬢᬸ, ᬅᬤᭀᬲᭀ ᬓᬸᬲᬮᬳᬾᬢᬸ, ᬅᬫᭀᬳᭀ ᬓᬸᬲᬮᬳᬾᬢᬸ – ᬇᬫᬾ ᬢᬬᭀ ᬓᬸᬲᬮᬳᬾᬢᬹ.

ᬢᬢ᭄ᬣ ᬓᬢᬫᬾ ᬢᬬᭀ ᬅᬓᬸᬲᬮᬳᬾᬢᬹ? ᬮᭀᬪᭀ ᬅᬓᬸᬲᬮᬳᬾᬢᬸ, ᬤᭀᬲᭀ ᬅᬓᬸᬲᬮᬳᬾᬢᬸ, ᬫᭀᬳᭀ ᬅᬓᬸᬲᬮᬳᬾᬢᬸ – ᬇᬫᬾ ᬢᬬᭀ ᬅᬓᬸᬲᬮᬳᬾᬢᬹ.

ᬢᬢ᭄ᬣ ᬓᬢᬫᬾ ᬢᬬᭀ ᬅᬩ᭄ᬬᬵᬓᬢᬳᬾᬢᬹ? ᬓᬸᬲᬮᬵᬦᬂ ᬯᬵ ᬥᬫ᭄ᬫᬵᬦᬂ ᬯᬶᬧᬵᬓᬢᭀ ᬓᬶᬭᬶᬬᬵᬩ᭄ᬬᬵᬓᬢᬾᬲᬸ ᬯᬵ ᬥᬫ᭄ᬫᬾᬲᬸ ᬅᬮᭀᬪᭀ, ᬅᬤᭀᬲᭀ, ᬅᬫᭀᬳᭀ – ᬇᬫᬾ ᬢᬬᭀ ᬅᬩ᭄ᬬᬵᬓᬢᬳᬾᬢᬹ. ᬇᬫᬾ ᬯᬸᬘ᭄ᬘᬦ᭄ᬢᬶ ‘‘ᬦᬯ ᬳᬾᬢᬹ’’.

᭙᭘᭕. ᬢᬢ᭄ᬣ ᬓᬢᬫᬾ ᬘᬢ᭄ᬢᬵᬭᭀ ᬆᬳᬵᬭᬵ? ᬓᬩᬮ᬴ᬷᬓᬵᬭᬵᬳᬵᬭᭀ [ᬓᬩᬮ᬴ᬶᬂᬓᬵᬭᭀ ᬆᬳᬵᬭᭀ (ᬲᬷ. ᬲ᭄ᬬᬵ.)], ᬨᬲ᭄ᬲᬵᬳᬵᬭᭀ, ᬫᬦᭀᬲᬜ᭄ᬘᬾᬢᬦᬵᬳᬵᬭᭀ, ᬯᬶᬜ᭄ᬜᬵᬡᬵᬳᬵᬭᭀ – ᬇᬫᬾ ᬯᬸᬘ᭄ᬘᬦ᭄ᬢᬶ ‘‘ᬘᬢ᭄ᬢᬵᬭᭀ ᬆᬳᬵᬭᬵ’’.

᭙᭘᭖. ᬢᬢ᭄ᬣ ᬓᬢᬫᬾ ᬲᬢ᭄ᬢ ᬨᬲ᭄ᬲᬵ? ᬘᬓ᭄ᬔᬸᬲᬫ᭄ᬨᬲ᭄ᬲᭀ, ᬲᭀᬢᬲᬫ᭄ᬨᬲ᭄ᬲᭀ, ᬖᬵᬦᬲᬫ᭄ᬨᬲ᭄ᬲᭀ, ᬚᬶᬯ᭄ᬳᬵᬲᬫ᭄ᬨᬲ᭄ᬲᭀ, ᬓᬵᬬᬲᬫ᭄ᬨᬲ᭄ᬲᭀ, ᬫᬦᭀᬥᬵᬢᬸᬲᬫ᭄ᬨᬲ᭄ᬲᭀ, ᬫᬦᭀᬯᬶᬜ᭄ᬜᬵᬡᬥᬵᬢᬸᬲᬫ᭄ᬨᬲ᭄ᬲᭀ – ᬇᬫᬾ ᬯᬸᬘ᭄ᬘᬦ᭄ᬢᬶ ‘‘ᬲᬢ᭄ᬢ ᬨᬲ᭄ᬲᬵ’’.

᭙᭘᭗. ᬢᬢ᭄ᬣ ᬓᬢᬫᬵ ᬲᬢ᭄ᬢ ᬯᬾᬤᬦᬵ? ᬘᬓ᭄ᬔᬸᬲᬫ᭄ᬨᬲ᭄ᬲᬚᬵ ᬯᬾᬤᬦᬵ, ᬲᭀᬢᬲᬫ᭄ᬨᬲ᭄ᬲᬚᬵ ᬯᬾᬤᬦᬵ, ᬖᬵᬦᬲᬫ᭄ᬨᬲ᭄ᬲᬚᬵ ᬯᬾᬤᬦᬵ, ᬚᬶᬯ᭄ᬳᬵᬲᬫ᭄ᬨᬲ᭄ᬲᬚᬵ ᬯᬾᬤᬦᬵ, ᬓᬵᬬᬲᬫ᭄ᬨᬲ᭄ᬲᬚᬵ ᬯᬾᬤᬦᬵ, ᬫᬦᭀᬥᬵᬢᬸᬲᬫ᭄ᬨᬲ᭄ᬲᬚᬵ ᬯᬾᬤᬦᬵ, ᬫᬦᭀᬯᬶᬜ᭄ᬜᬵᬡᬥᬵᬢᬸᬲᬫ᭄ᬨᬲ᭄ᬲᬚᬵ ᬯᬾᬤᬦᬵ – ᬇᬫᬵ ᬯᬸᬘ᭄ᬘᬦ᭄ᬢᬶ ‘‘ᬲᬢ᭄ᬢ ᬯᬾᬤᬦᬵ’’.

᭙᭘᭘. ᬢᬢ᭄ᬣ ᬓᬢᬫᬵ ᬲᬢ᭄ᬢ ᬲᬜ᭄ᬜᬵ? ᬘᬓ᭄ᬔᬸᬲᬫ᭄ᬨᬲ᭄ᬲᬚᬵ ᬲᬜ᭄ᬜᬵ, ᬲᭀᬢᬲᬫ᭄ᬨᬲ᭄ᬲᬚᬵ ᬲᬜ᭄ᬜᬵ, ᬖᬵᬦᬲᬫ᭄ᬨᬲ᭄ᬲᬚᬵ ᬲᬜ᭄ᬜᬵ, ᬚᬶᬯ᭄ᬳᬵᬲᬫ᭄ᬨᬲ᭄ᬲᬚᬵ ᬲᬜ᭄ᬜᬵ, ᬓᬵᬬᬲᬫ᭄ᬨᬲ᭄ᬲᬚᬵ ᬲᬜ᭄ᬜᬵ, ᬫᬦᭀᬥᬵᬢᬸᬲᬫ᭄ᬨᬲ᭄ᬲᬚᬵ ᬲᬜ᭄ᬜᬵ, ᬫᬦᭀᬯᬶᬜ᭄ᬜᬵᬡᬥᬵᬢᬸᬲᬫ᭄ᬨᬲ᭄ᬲᬚᬵ ᬲᬜ᭄ᬜᬵ – ᬇᬫᬵ ᬯᬸᬘ᭄ᬘᬦ᭄ᬢᬶ ‘‘ᬲᬢ᭄ᬢ ᬲᬜ᭄ᬜᬵ’’.

᭙᭘᭙. ᬢᬢ᭄ᬣ ᬓᬢᬫᬵ ᬲᬢ᭄ᬢ ᬘᬾᬢᬦᬵ? ᬘᬓ᭄ᬔᬸᬲᬫ᭄ᬨᬲ᭄ᬲᬚᬵ ᬘᬾᬢᬦᬵ, ᬲᭀᬢᬲᬫ᭄ᬨᬲ᭄ᬲᬚᬵ ᬘᬾᬢᬦᬵ, ᬖᬵᬦᬲᬫ᭄ᬨᬲ᭄ᬲᬚᬵ ᬘᬾᬢᬦᬵ, ᬚᬶᬯ᭄ᬳᬵᬲᬫ᭄ᬨᬲ᭄ᬲᬚᬵ ᬘᬾᬢᬦᬵ, ᬓᬵᬬᬲᬫ᭄ᬨᬲ᭄ᬲᬚᬵ ᬘᬾᬢᬦᬵ, ᬫᬦᭀᬥᬵᬢᬸᬲᬫ᭄ᬨᬲ᭄ᬲᬚᬵ ᬘᬾᬢᬦᬵ, ᬫᬦᭀᬯᬶᬜ᭄ᬜᬵᬡᬥᬵᬢᬸᬲᬫ᭄ᬨᬲ᭄ᬲᬚᬵ ᬘᬾᬢᬦᬵ – ᬇᬫᬵ ᬯᬸᬘ᭄ᬘᬦ᭄ᬢᬶ ‘‘ᬲᬢ᭄ᬢ ᬘᬾᬢᬦᬵ’’.

᭙᭙᭐. ᬢᬢ᭄ᬣ ᬓᬢᬫᬵᬦᬶ ᬲᬢ᭄ᬢ ᬘᬶᬢ᭄ᬢᬵᬦᬶ? ᬘᬓ᭄ᬔᬸᬯᬶᬜ᭄ᬜᬵᬡᬂ, ᬲᭀᬢᬯᬶᬜ᭄ᬜᬵᬡᬂ, ᬖᬵᬦᬯᬶᬜ᭄ᬜᬵᬡᬂ, ᬚᬶᬯ᭄ᬳᬵᬯᬶᬜ᭄ᬜᬵᬡᬂ, ᬓᬵᬬᬯᬶᬜ᭄ᬜᬵᬡᬂ, ᬫᬦᭀᬥᬵᬢᬸ, ᬫᬦᭀᬯᬶᬜ᭄ᬜᬵᬡᬥᬵᬢᬸ – ᬇᬫᬵᬦᬶ ᬯᬸᬘ᭄ᬘᬦ᭄ᬢᬶ ‘‘ᬲᬢ᭄ᬢ ᬘᬶᬢ᭄ᬢᬵᬦᬶ’’.

᭒. ᬉᬧ᭄ᬧᬢ᭄ᬢᬵᬦᬸᬧ᭄ᬧᬢ᭄ᬢᬶᬯᬵᬭᭀ

᭑. ᬓᬵᬫᬥᬵᬢᬸ

᭙᭙᭑. ᬓᬵᬫᬥᬵᬢᬸᬬᬵ ᬓᬢᬶ ᬔᬦ᭄ᬥᬵ, ᬓᬢᬶ ᬆᬬᬢᬦᬵᬦᬶ, ᬓᬢᬶ ᬥᬵᬢᬸᬬᭀ, ᬓᬢᬶ ᬲᬘ᭄ᬘᬵᬦᬶ, ᬓᬢᬶ ᬇᬦ᭄ᬤ᭄ᬭᬶᬬᬵᬦᬶ, ᬓᬢᬶ ᬳᬾᬢᬹ, ᬓᬢᬶ ᬆᬳᬵᬭᬵ, ᬓᬢᬶ ᬨᬲ᭄ᬲᬵ, ᬓᬢᬶ ᬯᬾᬤᬦᬵ, ᬓᬢᬶ ᬲᬜ᭄ᬜᬵ, ᬓᬢᬶ ᬘᬾᬢᬦᬵ, ᬓᬢᬶ ᬘᬶᬢ᭄ᬢᬵᬦᬶ?

ᬓᬵᬫᬥᬵᬢᬸᬬᬵ ᬧᬜ᭄ᬘᬓ᭄ᬔᬦ᭄ᬥᬵ, ᬤ᭄ᬯᬵᬤᬲᬵᬬᬢᬦᬵᬦᬶ, ᬅᬝ᭄ᬞᬵᬭᬲ ᬥᬵᬢᬸᬬᭀ, ᬢᬷᬡᬶ ᬲᬘ᭄ᬘᬵᬦᬶ, ᬩᬵᬯᬷᬲᬢᬶᬦ᭄ᬤ᭄ᬭᬶᬬᬵᬦᬶ, ᬦᬯ ᬳᬾᬢᬹ, ᬘᬢ᭄ᬢᬵᬭᭀ ᬆᬳᬵᬭᬵ, ᬲᬢ᭄ᬢ ᬨᬲ᭄ᬲᬵ, ᬲᬢ᭄ᬢ ᬯᬾᬤᬦᬵ, ᬲᬢ᭄ᬢ ᬲᬜ᭄ᬜᬵ, ᬲᬢ᭄ᬢ ᬘᬾᬢᬦᬵ, ᬲᬢ᭄ᬢ ᬘᬶᬢ᭄ᬢᬵᬦᬶ.

᭙᭙᭒. ᬢᬢ᭄ᬣ ᬓᬢᬫᬾ ᬓᬵᬫᬥᬵᬢᬸᬬᬵ ᬧᬜ᭄ᬘᬓ᭄ᬔᬦ᭄ᬥᬵ? ᬭᬹᬧᬓ᭄ᬔᬦ᭄ᬥᭀ, ᬯᬾᬤᬦᬵᬓ᭄ᬔᬦ᭄ᬥᭀ, ᬲᬜ᭄ᬜᬵᬓ᭄ᬔᬦ᭄ᬥᭀ, ᬲᬗ᭄ᬔᬵᬭᬓ᭄ᬔᬦ᭄ᬥᭀ, ᬯᬶᬜ᭄ᬜᬵᬡᬓ᭄ᬔᬦ᭄ᬥᭀ – ᬇᬫᬾ ᬯᬸᬘ᭄ᬘᬦ᭄ᬢᬶ ‘‘ᬓᬵᬫᬥᬵᬢᬸᬬᬵ ᬧᬜ᭄ᬘᬓ᭄ᬔᬦ᭄ᬥᬵ’’.

ᬢᬢ᭄ᬣ ᬓᬢᬫᬵᬦᬶ ᬓᬵᬫᬥᬵᬢᬸᬬᬵ ᬤ᭄ᬯᬵᬤᬲᬵᬬᬢᬦᬵᬦᬶ? ᬘᬓ᭄ᬔᬵᬬᬢᬦᬂ, ᬭᬹᬧᬵᬬᬢᬦᬂ, ᬲᭀᬢᬵᬬᬢᬦᬂ, ᬲᬤ᭄ᬤᬵᬬᬢᬦᬂ, ᬖᬵᬦᬵᬬᬢᬦᬂ, ᬕᬦ᭄ᬥᬵᬬᬢᬦᬂ, ᬚᬶᬯ᭄ᬳᬵᬬᬢᬦᬂ, ᬭᬲᬵᬬᬢᬦᬂ, ᬓᬵᬬᬵᬬᬢᬦᬂ, ᬨᭀᬝ᭄ᬞᬩ᭄ᬩᬵᬬᬢᬦᬂ, ᬫᬦᬵᬬᬢᬦᬂ, ᬥᬫ᭄ᬫᬵᬬᬢᬦᬂ – ᬇᬫᬵᬦᬶ ᬯᬸᬘ᭄ᬘᬦ᭄ᬢᬶ ‘‘ᬓᬵᬫᬥᬵᬢᬸᬬᬵ ᬤ᭄ᬯᬵᬤᬲᬵᬬᬢᬦᬵᬦᬶ’’.

ᬢᬢ᭄ᬣ ᬓᬢᬫᬵ ᬓᬵᬫᬥᬵᬢᬸᬬᬵ ᬅᬝ᭄ᬞᬵᬭᬲ ᬥᬵᬢᬸᬬᭀ? ᬘᬓ᭄ᬔᬸᬥᬵᬢᬸ, ᬭᬹᬧᬥᬵᬢᬸ, ᬘᬓ᭄ᬔᬸᬯᬶᬜ᭄ᬜᬵᬡᬥᬵᬢᬸ, ᬲᭀᬢᬥᬵᬢᬸ, ᬲᬤ᭄ᬤᬥᬵᬢᬸ, ᬲᭀᬢᬯᬶᬜ᭄ᬜᬵᬡᬥᬵᬢᬸ, ᬖᬵᬦᬥᬵᬢᬸ, ᬕᬦ᭄ᬥᬥᬵᬢᬸ, ᬖᬵᬦᬯᬶᬜ᭄ᬜᬵᬡᬥᬵᬢᬸ, ᬚᬶᬯ᭄ᬳᬵᬥᬵᬢᬸ, ᬭᬲᬥᬵᬢᬸ, ᬚᬶᬯ᭄ᬳᬵᬯᬶᬜ᭄ᬜᬵᬡᬥᬵᬢᬸ, ᬓᬵᬬᬥᬵᬢᬸ, ᬨᭀᬝ᭄ᬞᬩ᭄ᬩᬥᬵᬢᬸ, ᬓᬵᬬᬯᬶᬜ᭄ᬜᬵᬡᬥᬵᬢᬸ, ᬫᬦᭀᬥᬵᬢᬸ, ᬥᬫ᭄ᬫᬥᬵᬢᬸ, ᬫᬦᭀᬯᬶᬜ᭄ᬜᬵᬡᬥᬵᬢᬸ – ᬇᬫᬵ ᬯᬸᬘ᭄ᬘᬦ᭄ᬢᬶ ‘‘ᬓᬵᬫᬥᬵᬢᬸᬬᬵ ᬅᬝ᭄ᬞᬵᬭᬲ ᬥᬵᬢᬸᬬᭀ’’.

ᬢᬢ᭄ᬣ ᬓᬢᬫᬵᬦᬶ ᬓᬵᬫᬥᬵᬢᬸᬬᬵ ᬢᬷᬡᬶ ᬲᬘ᭄ᬘᬵᬦᬶ? ᬤᬸᬓ᭄ᬔᬲᬘ᭄ᬘᬂ, ᬲᬫᬸᬤᬬᬲᬘ᭄ᬘᬂ, ᬫᬕ᭄ᬕᬲᬘ᭄ᬘᬂ – ᬇᬫᬵᬦᬶ ᬯᬸᬘ᭄ᬘᬦ᭄ᬢᬶ ‘‘ᬓᬵᬫᬥᬵᬢᬸᬬᬵ ᬢᬷᬡᬶ ᬲᬘ᭄ᬘᬵᬦᬶ’’.

ᬢᬢ᭄ᬣ ᬓᬢᬫᬵᬦᬶ ᬓᬵᬫᬥᬵᬢᬸᬬᬵ ᬩᬵᬯᬷᬲᬢᬶᬦ᭄ᬤ᭄ᬭᬶᬬᬵᬦᬶ? ᬘᬓ᭄ᬔᬸᬦ᭄ᬤ᭄ᬭᬶᬬᬂ, ᬲᭀᬢᬶᬦ᭄ᬤ᭄ᬭᬶᬬᬂ…ᬧᬾ… ᬅᬜ᭄ᬜᬵᬢᬵᬯᬶᬦ᭄ᬤ᭄ᬭᬶᬬᬂ – ᬇᬫᬵᬦᬶ ᬯᬸᬘ᭄ᬘᬦ᭄ᬢᬶ ‘‘ᬓᬵᬫᬥᬵᬢᬸᬬᬵ ᬩᬵᬯᬷᬲᬢᬶᬦ᭄ᬤ᭄ᬭᬶᬬᬵᬦᬶ’’.

ᬢᬢ᭄ᬣ ᬓᬢᬫᬾ ᬓᬵᬫᬥᬵᬢᬸᬬᬵ ᬦᬯ ᬳᬾᬢᬹ? ᬢᬬᭀ ᬓᬸᬲᬮᬳᬾᬢᬹ, ᬢᬬᭀ ᬅᬓᬸᬲᬮᬳᬾᬢᬹ, ᬢᬬᭀ ᬅᬩ᭄ᬬᬵᬓᬢᬳᬾᬢᬹ…ᬧᬾ… ᬇᬫᬾ ᬯᬸᬘ᭄ᬘᬦ᭄ᬢᬶ ‘‘ᬓᬵᬫᬥᬵᬢᬸᬬᬵ ᬦᬯ ᬳᬾᬢᬹ’’.

ᬢᬢ᭄ᬣ ᬓᬢᬫᬾ ᬓᬵᬫᬥᬵᬢᬸᬬᬵ ᬘᬢ᭄ᬢᬵᬭᭀ ᬆᬳᬵᬭᬵ? ᬓᬩᬮ᬴ᬷᬓᬵᬭᬵᬳᬵᬭᭀ, ᬨᬲ᭄ᬲᬵᬳᬵᬭᭀ, ᬫᬦᭀᬲᬜ᭄ᬘᬾᬢᬦᬵᬳᬵᬭᭀ, ᬯᬶᬜ᭄ᬜᬵᬡᬵᬳᬵᬭᭀ – ᬇᬫᬾ ᬯᬸᬘ᭄ᬘᬦ᭄ᬢᬶ ‘‘ᬓᬵᬫᬥᬵᬢᬸᬬᬵ ᬘᬢ᭄ᬢᬵᬭᭀ ᬆᬳᬵᬭᬵ’’.

ᬢᬢ᭄ᬣ ᬓᬢᬫᬾ ᬓᬵᬫᬥᬵᬢᬸᬬᬵ ᬲᬢ᭄ᬢ ᬨᬲ᭄ᬲᬵ? ᬘᬓ᭄ᬔᬸᬲᬫ᭄ᬨᬲ᭄ᬲᭀ ᬲᭀᬢᬲᬫ᭄ᬨᬲ᭄ᬲᭀ, ᬖᬵᬦᬲᬫ᭄ᬨᬲ᭄ᬲᭀ, ᬚᬶᬯ᭄ᬳᬵᬲᬫ᭄ᬨᬲ᭄ᬲᭀ, ᬓᬵᬬᬲᬫ᭄ᬨᬲ᭄ᬲᭀ, ᬫᬦᭀᬥᬵᬢᬸᬲᬫ᭄ᬨᬲ᭄ᬲᭀ, ᬫᬦᭀᬯᬶᬜ᭄ᬜᬵᬡᬥᬵᬢᬸᬲᬫ᭄ᬨᬲ᭄ᬲᭀ – ᬇᬫᬾ ᬯᬸᬘ᭄ᬘᬦ᭄ᬢᬶ ‘‘ᬓᬵᬫᬥᬵᬢᬸᬬᬵ ᬲᬢ᭄ᬢ ᬨᬲ᭄ᬲᬵ’’.

ᬢᬢ᭄ᬣ ᬓᬢᬫᬵ ᬓᬵᬫᬥᬵᬢᬸᬬᬵ ᬲᬢ᭄ᬢ ᬯᬾᬤᬦᬵ? ᬘᬓ᭄ᬔᬸᬲᬫ᭄ᬨᬲ᭄ᬲᬚᬵ ᬯᬾᬤᬦᬵ, ᬲᭀᬢᬲᬫ᭄ᬨᬲ᭄ᬲᬚᬵ ᬯᬾᬤᬦᬵ, ᬖᬵᬦᬲᬫ᭄ᬨᬲ᭄ᬲᬚᬵ ᬯᬾᬤᬦᬵ, ᬚᬶᬯ᭄ᬳᬵᬲᬫ᭄ᬨᬲ᭄ᬲᬚᬵ ᬯᬾᬤᬦᬵ, ᬓᬵᬬᬲᬫ᭄ᬨᬲ᭄ᬲᬚᬵ ᬯᬾᬤᬦᬵ, ᬫᬦᭀᬥᬵᬢᬸᬲᬫ᭄ᬨᬲ᭄ᬲᬚᬵ ᬯᬾᬤᬦᬵ, ᬫᬦᭀᬯᬶᬜ᭄ᬜᬵᬡᬥᬵᬢᬸᬲᬫ᭄ᬨᬲ᭄ᬲᬚᬵ ᬯᬾᬤᬦᬵ – ᬇᬫᬵ ᬯᬸᬘ᭄ᬘᬢ᭄ᬢᬶ ‘‘ᬓᬵᬫᬥᬵᬢᬸᬬᬵ ᬲᬢ᭄ᬢ ᬯᬾᬤᬦᬵ’’.

ᬢᬢ᭄ᬣ ᬓᬢᬫᬵ ᬓᬵᬫᬥᬵᬢᬸᬬᬵ ᬲᬢ᭄ᬢ ᬲᬜ᭄ᬜᬵ? ᬘᬓ᭄ᬔᬸᬲᬫ᭄ᬨᬲ᭄ᬲᬚᬵ ᬲᬜ᭄ᬜᬵ, ᬲᭀᬢᬲᬫ᭄ᬨᬲ᭄ᬲᬚᬵ ᬲᬜ᭄ᬜᬵ, ᬖᬵᬦᬲᬫ᭄ᬨᬲ᭄ᬲᬚᬵ ᬲᬜ᭄ᬜᬵ, ᬚᬶᬯ᭄ᬳᬵᬲᬫ᭄ᬨᬲ᭄ᬲᬚᬵ ᬲᬜ᭄ᬜᬵ, ᬓᬵᬬᬲᬫ᭄ᬨᬲ᭄ᬲᬚᬵ ᬲᬜ᭄ᬜᬵ, ᬫᬦᭀᬥᬵᬢᬸᬲᬫ᭄ᬨᬲ᭄ᬲᬚᬵ ᬲᬜ᭄ᬜᬵ, ᬫᬦᭀᬯᬶᬜ᭄ᬜᬵᬡᬥᬵᬢᬸᬲᬫ᭄ᬨᬲ᭄ᬲᬚᬵ ᬲᬜ᭄ᬜᬵ – ᬇᬫᬵ ᬯᬸᬘ᭄ᬘᬦ᭄ᬢᬶ ‘‘ᬓᬵᬫᬥᬵᬢᬸᬬᬵ ᬲᬢ᭄ᬢ ᬲᬜ᭄ᬜᬵ’’.

ᬢᬢ᭄ᬣ ᬓᬢᬫᬵ ᬓᬵᬫᬥᬵᬢᬸᬬᬵ ᬲᬢ᭄ᬢ ᬘᬾᬢᬦᬵ? ᬘᬓ᭄ᬔᬸᬲᬫ᭄ᬨᬲ᭄ᬲᬚᬵ ᬘᬾᬢᬦᬵ, ᬲᭀᬢᬲᬫ᭄ᬨᬲ᭄ᬲᬚᬵ ᬘᬾᬢᬦᬵ, ᬖᬵᬦᬲᬫ᭄ᬨᬲ᭄ᬲᬚᬵ ᬘᬾᬢᬦᬵ, ᬚᬶᬯ᭄ᬳᬵᬲᬫ᭄ᬨᬲ᭄ᬲᬚᬵ ᬘᬾᬢᬦᬵ, ᬓᬵᬬᬲᬫ᭄ᬨᬲ᭄ᬲᬚᬵ ᬘᬾᬢᬦᬵ, ᬫᬦᭀᬥᬵᬢᬸᬲᬫ᭄ᬨᬲ᭄ᬲᬚᬵ ᬘᬾᬢᬦᬵ, ᬫᬦᭀᬯᬶᬜ᭄ᬜᬵᬡᬥᬵᬢᬸᬲᬫ᭄ᬨᬲ᭄ᬲᬚᬵ ᬘᬾᬢᬦᬵ – ᬇᬫᬵ ᬯᬸᬘ᭄ᬘᬦ᭄ᬢᬶ ‘‘ᬓᬵᬫᬥᬵᬢᬸᬬᬵ ᬲᬢ᭄ᬢ ᬘᬾᬢᬦᬵ’’.

ᬢᬢ᭄ᬣ ᬓᬢᬫᬵᬦᬶ ᬓᬵᬫᬥᬵᬢᬸᬬᬵ ᬲᬢ᭄ᬢ ᬘᬶᬢ᭄ᬢᬵᬦᬶ? ᬘᬓ᭄ᬔᬸᬯᬶᬜ᭄ᬜᬵᬡᬂ, ᬲᭀᬢᬯᬶᬜ᭄ᬜᬵᬡᬂ, ᬖᬵᬦᬯᬶᬜ᭄ᬜᬵᬡᬂ, ᬚᬶᬯ᭄ᬳᬵᬯᬶᬜ᭄ᬜᬵᬡᬂ, ᬓᬵᬬᬯᬶᬜ᭄ᬜᬵᬡᬂ, ᬫᬦᭀᬥᬵᬢᬸ, ᬫᬦᭀᬯᬶᬜ᭄ᬜᬵᬡᬥᬵᬢᬸ – ᬇᬫᬵᬦᬶ ᬯᬸᬘ᭄ᬘᬦ᭄ᬢᬶ ‘‘ᬓᬵᬫᬥᬵᬢᬸᬬᬵ ᬲᬢ᭄ᬢ ᬘᬶᬢ᭄ᬢᬵᬦᬶ’’.

᭒. ᬭᬹᬧᬥᬵᬢᬸ

᭙᭙᭓. ᬭᬹᬧᬥᬵᬢᬸᬬᬵ ᬓᬢᬶ ᬔᬦ᭄ᬥᬵ, ᬓᬢᬶ ᬆᬬᬢᬦᬵ, ᬓᬢᬶ ᬥᬵᬢᬸᬬᭀ, ᬓᬢᬶ ᬲᬘ᭄ᬘᬵᬦᬶ, ᬓᬢᬶ ᬇᬦ᭄ᬤ᭄ᬭᬶᬬᬵᬦᬶ…ᬧᬾ… ᬓᬢᬶ ᬘᬶᬢ᭄ᬢᬵᬦᬶ?

ᬭᬹᬧᬥᬵᬢᬸᬬᬵ ᬧᬜ᭄ᬘᬓ᭄ᬔᬦ᭄ᬥᬵ, ᬙ ᬆᬬᬢᬦᬵᬦᬶ, ᬦᬯ ᬥᬵᬢᬸᬬᭀ, ᬢᬷᬡᬶ ᬲᬘ᭄ᬘᬵᬦᬶ, ᬘᬸᬤ᭄ᬤᬲᬶᬦ᭄ᬤ᭄ᬭᬶᬬᬵᬦᬶ, ᬅᬝ᭄ᬞ ᬳᬾᬢᬹ, ᬢᬬᭀ ᬆᬳᬵᬭᬵ, ᬘᬢ᭄ᬢᬵᬭᭀ ᬨᬲ᭄ᬲᬵ, ᬘᬢᬲ᭄ᬲᭀ ᬯᬾᬤᬦᬵ, ᬘᬢᬲ᭄ᬲᭀ ᬲᬜ᭄ᬜᬵ, ᬘᬢᬲ᭄ᬲᭀ ᬘᬾᬢᬦᬵ, ᬘᬢ᭄ᬢᬵᬭᬶ ᬘᬶᬢ᭄ᬢᬵᬦᬶ.

᭙᭙᭔. ᬢᬢ᭄ᬣ ᬓᬢᬫᬾ ᬭᬹᬧᬥᬵᬢᬸᬬᬵ ᬧᬜ᭄ᬘᬓ᭄ᬔᬦ᭄ᬥᬵ? ᬭᬹᬧᬓ᭄ᬔᬦ᭄ᬥᭀ, ᬯᬾᬤᬦᬵᬓ᭄ᬔᬦ᭄ᬥᭀ, ᬲᬜ᭄ᬜᬵᬓ᭄ᬔᬦ᭄ᬥᭀ, ᬲᬗ᭄ᬔᬵᬭᬓ᭄ᬔᬦ᭄ᬥᭀ, ᬯᬶᬜ᭄ᬜᬵᬡᬓ᭄ᬔᬦ᭄ᬥᭀ – ᬇᬫᬾ ᬯᬸᬘ᭄ᬘᬦ᭄ᬢᬶ ‘‘ᬭᬹᬧᬥᬵᬢᬸᬬᬵ ᬧᬜ᭄ᬘᬓ᭄ᬔᬦ᭄ᬥᬵ’’.

ᬢᬢ᭄ᬣ ᬓᬢᬫᬵᬦᬶ ᬭᬹᬧᬥᬵᬢᬸᬬᬵ ᬙ ᬆᬬᬢᬦᬵᬦᬶ? ᬘᬓ᭄ᬔᬵᬬᬢᬦᬂ, ᬭᬹᬧᬵᬬᬢᬦᬂ, ᬲᭀᬢᬵᬬᬢᬦᬂ, ᬲᬤ᭄ᬤᬵᬬᬢᬦᬂ, ᬫᬦᬵᬬᬢᬦᬂ, ᬥᬫ᭄ᬫᬵᬬᬢᬦᬂ – ᬇᬫᬵᬦᬶ ᬯᬸᬘ᭄ᬘᬦ᭄ᬢᬶ ‘‘ᬭᬹᬧᬥᬵᬢᬸᬬᬵ ᬙ ᬆᬬᬢᬦᬵᬦᬶ’’.

ᬢᬢ᭄ᬣ ᬓᬢᬫᬵ ᬭᬹᬧᬥᬵᬢᬸᬬᬵ ᬦᬯ ᬥᬵᬢᬸᬬᭀ? ᬘᬓ᭄ᬔᬸᬥᬵᬢᬸ, ᬭᬹᬧᬥᬵᬢᬸ, ᬘᬓ᭄ᬔᬸᬯᬶᬜ᭄ᬜᬵᬡᬥᬵᬢᬸ, ᬲᭀᬢᬥᬵᬢᬸ, ᬲᬤ᭄ᬤᬥᬵᬢᬸ, ᬲᭀᬢᬯᬶᬜ᭄ᬜᬵᬡᬥᬵᬢᬸ, ᬫᬦᭀᬥᬵᬢᬸ, ᬥᬫ᭄ᬫᬥᬵᬢᬸ, ᬫᬦᭀᬯᬶᬜ᭄ᬜᬵᬡᬥᬵᬢᬸ – ᬇᬫᬵ ᬯᬸᬘ᭄ᬘᬦ᭄ᬢᬶ ‘‘ᬭᬹᬧᬥᬵᬢᬸᬬᬵ ᬦᬯ ᬥᬵᬢᬸᬬᭀ’’.

ᬢᬢ᭄ᬣ ᬓᬢᬫᬵᬦᬶ ᬭᬹᬧᬥᬵᬢᬸᬬᬵ ᬢᬷᬡᬶ ᬲᬘ᭄ᬘᬵᬦᬶ? ᬤᬸᬓ᭄ᬔᬲᬘ᭄ᬘᬂ, ᬲᬫᬸᬤᬬᬲᬘ᭄ᬘᬂ, ᬫᬕ᭄ᬕᬲᬘ᭄ᬘᬂ – ᬇᬫᬵᬦᬶ ᬯᬸᬘ᭄ᬘᬦ᭄ᬢᬶ ‘‘ᬭᬹᬧᬥᬵᬢᬸᬬᬵ ᬢᬷᬡᬶ ᬲᬘ᭄ᬘᬵᬦᬶ’’.

ᬢᬢ᭄ᬣ ᬓᬢᬫᬵᬦᬶ ᬭᬹᬧᬥᬵᬢᬸᬬᬵ ᬘᬸᬤ᭄ᬤᬲᬶᬦ᭄ᬤ᭄ᬭᬶᬬᬵᬦᬶ? ᬘᬓ᭄ᬔᬸᬦ᭄ᬤ᭄ᬭᬶᬬᬂ, ᬲᭀᬢᬶᬦ᭄ᬤ᭄ᬭᬶᬬᬂ, ᬫᬦᬶᬦ᭄ᬤ᭄ᬭᬶᬬᬂ, ᬚᬷᬯᬶᬢᬶᬦ᭄ᬤ᭄ᬭᬶᬬᬂ, ᬲᭀᬫᬦᬲ᭄ᬲᬶᬦ᭄ᬤ᭄ᬭᬶᬬᬂ, ᬉᬧᬾᬓ᭄ᬔᬶᬦ᭄ᬤ᭄ᬭᬶᬬᬂ, ᬲᬤ᭄ᬥᬶᬦ᭄ᬤ᭄ᬭᬶᬬᬂ, ᬯᬷᬭᬶᬬᬶᬦ᭄ᬤ᭄ᬭᬶᬬᬂ, ᬲᬢᬶᬦ᭄ᬤ᭄ᬭᬶᬬᬂ, ᬲᬫᬵᬥᬶᬦ᭄ᬤ᭄ᬭᬶᬬᬂ, ᬧᬜ᭄ᬜᬶᬦ᭄ᬤ᭄ᬭᬶᬬᬂ, ᬅᬦᬜ᭄ᬜᬵᬢᬜ᭄ᬜᬲ᭄ᬲᬵᬫᬷᬢᬶᬦ᭄ᬤ᭄ᬭᬶᬬᬂ, ᬅᬜ᭄ᬜᬶᬦ᭄ᬤ᭄ᬭᬶᬬᬂ, ᬅᬜ᭄ᬜᬵᬢᬵᬯᬶᬦ᭄ᬤ᭄ᬭᬶᬬᬂ – ᬇᬫᬵᬦᬶ ᬯᬸᬘ᭄ᬘᬦ᭄ᬢᬶ ‘‘ᬭᬹᬧᬥᬵᬢᬸᬬᬵ ᬘᬸᬤ᭄ᬤᬲᬶᬦ᭄ᬤ᭄ᬭᬶᬬᬵᬦᬶ’’.

ᬢᬢ᭄ᬣ ᬓᬢᬫᬾ ᬭᬹᬧᬥᬵᬢᬸᬬᬵ ᬅᬝ᭄ᬞ ᬳᬾᬢᬹ? ᬢᬬᭀ ᬓᬸᬲᬮᬳᬾᬢᬹ, ᬤ᭄ᬯᬾ ᬅᬓᬸᬲᬮᬳᬾᬢᬹ, ᬢᬬᭀ ᬅᬩ᭄ᬬᬵᬓᬢᬳᬾᬢᬹ.

ᬢᬢ᭄ᬣ ᬓᬢᬫᬾ ᬤ᭄ᬯᬾ ᬅᬓᬸᬲᬮᬳᬾᬢᬹ? ᬮᭀᬪᭀ ᬅᬓᬸᬲᬮᬳᬾᬢᬸ, ᬫᭀᬳᭀ ᬅᬓᬸᬲᬮᬳᬾᬢᬸ – ᬇᬫᬾ ᬤ᭄ᬯᬾ ᬅᬓᬸᬲᬮᬳᬾᬢᬹ.

ᬢᬢ᭄ᬣ ᬓᬢᬫᬾ ᬢᬬᭀ ᬅᬩ᭄ᬬᬵᬓᬢᬳᬾᬢᬹ? ᬓᬸᬲᬮᬵᬦᬂ ᬯᬵ ᬥᬫ᭄ᬫᬵᬦᬂ ᬯᬶᬧᬵᬓᬢᭀ ᬓᬶᬭᬶᬬᬵᬩ᭄ᬬᬵᬓᬢᬾᬲᬸ ᬯᬵ ᬥᬫ᭄ᬫᬾᬲᬸ ᬅᬮᭀᬪᭀ, ᬅᬤᭀᬲᭀ, ᬅᬫᭀᬳᭀ – ᬇᬫᬾ ᬢᬬᭀ ᬅᬩ᭄ᬬᬵᬓᬢᬳᬾᬢᬹ. ᬇᬫᬾ ᬯᬸᬘ᭄ᬘᬦ᭄ᬢᬶ ᬭᬹᬧᬥᬵᬢᬸᬬᬵ ᬅᬝ᭄ᬞ ᬳᬾᬢᬹ.

ᬢᬢ᭄ᬣ ᬓᬢᬫᬾ ᬭᬹᬧᬥᬵᬢᬸᬬᬵ ᬢᬬᭀ ᬆᬳᬵᬭᬵ? ᬨᬲ᭄ᬲᬵᬳᬵᬭᭀ, ᬫᬦᭀᬲᬜ᭄ᬘᬾᬢᬦᬵᬳᬵᬭᭀ, ᬯᬶᬜ᭄ᬜᬵᬡᬵᬳᬵᬭᭀ – ᬇᬫᬾ ᬯᬸᬘ᭄ᬘᬦ᭄ᬢᬶ ‘‘ᬭᬹᬧᬥᬵᬢᬸᬬᬵ ᬢᬬᭀ ᬆᬳᬵᬭᬵ’’.

ᬢᬢ᭄ᬣ ᬓᬢᬫᬾ ᬭᬹᬧᬥᬵᬢᬸᬬᬵ ᬘᬢ᭄ᬢᬵᬭᭀ ᬨᬲ᭄ᬲᬵ? ᬘᬓ᭄ᬔᬸᬲᬫ᭄ᬨᬲ᭄ᬲᭀ, ᬲᭀᬢᬲᬫ᭄ᬨᬲ᭄ᬲᭀ, ᬫᬦᭀᬥᬵᬢᬸᬲᬫ᭄ᬨᬲ᭄ᬲᭀ, ᬫᬦᭀᬯᬶᬜ᭄ᬜᬵᬡᬥᬵᬢᬸᬲᬫ᭄ᬨᬲ᭄ᬲᭀ – ᬇᬫᬾ ᬯᬸᬘ᭄ᬘᬦ᭄ᬢᬶ ‘‘ᬭᬹᬧᬥᬵᬢᬸᬬᬵ ᬘᬢ᭄ᬢᬵᬭᭀ ᬨᬲ᭄ᬲᬵ’’.

ᬢᬢ᭄ᬣ ᬓᬢᬫᬵ ᬭᬹᬧᬥᬵᬢᬸᬬᬵ ᬘᬢᬲ᭄ᬲᭀ ᬯᬾᬤᬦᬵ…ᬧᬾ… ᬘᬢᬲ᭄ᬲᭀ ᬲᬜ᭄ᬜᬵ…ᬧᬾ… ᬘᬢᬲ᭄ᬲᭀ ᬘᬾᬢᬦᬵ…ᬧᬾ… ᬘᬢ᭄ᬢᬵᬭᬶ ᬘᬶᬢ᭄ᬢᬵᬦᬶ? ᬘᬓ᭄ᬔᬸᬯᬶᬜ᭄ᬜᬵᬡᬂ, ᬲᭀᬢᬯᬶᬜ᭄ᬜᬵᬡᬂ, ᬫᬦᭀᬥᬵᬢᬸ, ᬫᬦᭀᬯᬶᬜ᭄ᬜᬵᬡᬥᬵᬢᬸ – ᬇᬫᬵᬦᬶ ᬯᬸᬘ᭄ᬘᬦ᭄ᬢᬶ ‘‘ᬭᬹᬧᬥᬵᬢᬸᬬᬵ ᬘᬢ᭄ᬢᬵᬭᬶ ᬘᬶᬢ᭄ᬢᬵᬦᬶ’’.

᭓. ᬅᬭᬹᬧᬥᬵᬢᬸ

᭙᭙᭕. ᬅᬭᬹᬧᬥᬵᬢᬸᬬᬵ ᬓᬢᬶ ᬔᬦ᭄ᬥᬵ…ᬧᬾ… ᬓᬢᬶ ᬘᬶᬢ᭄ᬢᬵᬦᬶ?

ᬅᬭᬹᬧᬥᬵᬢᬸᬬᬵ ᬘᬢ᭄ᬢᬵᬭᭀ ᬔᬦ᭄ᬥᬵ, ᬤ᭄ᬯᬾ ᬆᬬᬢᬦᬵᬦᬶ, ᬤ᭄ᬯᬾ ᬥᬵᬢᬸᬬᭀ, ᬢᬷᬡᬶ ᬲᬘ᭄ᬘᬵᬦᬶ, ᬏᬓᬵᬤᬲᬶᬦ᭄ᬤ᭄ᬭᬶᬬᬵᬦᬶ, ᬅᬝ᭄ᬞ ᬳᬾᬢᬹ, ᬢᬬᭀ ᬆᬳᬵᬭᬵ, ᬏᬓᭀ ᬨᬲ᭄ᬲᭀ, ᬏᬓᬵ ᬯᬾᬤᬦᬵ, ᬏᬓᬵ ᬲᬜ᭄ᬜᬵ, ᬏᬓᬵ ᬘᬾᬢᬦᬵ, ᬏᬓᬂ ᬘᬶᬢ᭄ᬢᬂ.

᭙᭙᭖. ᬢᬢ᭄ᬣ ᬓᬢᬫᬾ ᬅᬭᬹᬧᬥᬵᬢᬸᬬᬵ ᬘᬢ᭄ᬢᬵᬭᭀ ᬔᬦ᭄ᬥᬵ? ᬯᬾᬤᬦᬵᬓ᭄ᬔᬦ᭄ᬥᭀ, ᬲᬜ᭄ᬜᬵᬓ᭄ᬔᬦ᭄ᬥᭀ, ᬲᬗ᭄ᬔᬵᬭᬓ᭄ᬔᬦ᭄ᬥᭀ, ᬯᬶᬜ᭄ᬜᬵᬡᬓ᭄ᬔᬦ᭄ᬥᭀ – ᬇᬫᬾ ᬯᬸᬘ᭄ᬘᬦ᭄ᬢᬶ ‘‘ᬅᬭᬹᬧᬥᬵᬢᬸᬬᬵ ᬘᬢ᭄ᬢᬵᬭᭀ ᬔᬦ᭄ᬥᬵ’’.

ᬢᬢ᭄ᬣ ᬓᬢᬫᬵᬦᬶ ᬅᬭᬹᬧᬥᬵᬢᬸᬬᬵ ᬤ᭄ᬯᬾ ᬆᬬᬢᬦᬵᬦᬶ? ᬫᬦᬵᬬᬢᬦᬂ, ᬥᬫ᭄ᬫᬵᬬᬢᬦᬂ – ᬇᬫᬵᬦᬶ ᬯᬸᬘ᭄ᬘᬦ᭄ᬢᬶ ‘‘ᬅᬭᬹᬧᬥᬵᬢᬸᬬᬵ ᬤ᭄ᬯᬾ ᬆᬬᬢᬦᬵᬦᬶ’’.

ᬢᬢ᭄ᬣ ᬓᬢᬫᬵ ᬅᬭᬹᬧᬥᬵᬢᬸᬬᬵ ᬤ᭄ᬯᬾ ᬥᬵᬢᬸᬬᭀ? ᬫᬦᭀᬯᬶᬜ᭄ᬜᬵᬡᬥᬵᬢᬸ, ᬥᬫ᭄ᬫᬥᬵᬢᬸ – ᬇᬫᬵ ᬯᬸᬘ᭄ᬘᬦ᭄ᬢᬶ ‘‘ᬅᬭᬹᬧᬥᬵᬢᬸᬬᬵ ᬤ᭄ᬯᬾ ᬥᬵᬢᬸᬬᭀ’’.

ᬢᬢ᭄ᬣ ᬓᬢᬫᬵᬦᬶ ᬅᬭᬹᬧᬥᬵᬢᬸᬬᬵ ᬢᬷᬡᬶ ᬲᬘ᭄ᬘᬵᬦᬶ? ᬤᬸᬓ᭄ᬔᬲᬘ᭄ᬘᬂ, ᬲᬫᬸᬤᬬᬲᬘ᭄ᬘᬂ, ᬫᬕ᭄ᬕᬲᬘ᭄ᬘᬂ – ᬇᬫᬵᬦᬶ ᬯᬸᬘ᭄ᬘᬦ᭄ᬢᬶ ‘‘ᬅᬭᬹᬧᬥᬵᬢᬸᬬᬵ ᬢᬷᬡᬶ ᬲᬘ᭄ᬘᬵᬦᬶ’’.

ᬢᬢ᭄ᬣ ᬓᬢᬫᬵᬦᬶ ᬅᬭᬹᬧᬥᬵᬢᬸᬬᬵ ᬏᬓᬵᬤᬲᬶᬦ᭄ᬤ᭄ᬭᬶᬬᬵᬦᬶ? ᬫᬦᬶᬦ᭄ᬤ᭄ᬭᬶᬬᬂ, ᬚᬷᬯᬶᬢᬶᬦ᭄ᬤ᭄ᬭᬶᬬᬂ, ᬲᭀᬫᬦᬲ᭄ᬲᬶᬦ᭄ᬤ᭄ᬭᬶᬬᬂ, ᬉᬧᬾᬓ᭄ᬔᬶᬦ᭄ᬤ᭄ᬭᬶᬬᬂ, ᬲᬤ᭄ᬥᬶᬦ᭄ᬤ᭄ᬭᬶᬬᬂ, ᬯᬷᬭᬶᬬᬶᬦ᭄ᬤ᭄ᬭᬶᬬᬂ, ᬲᬢᬶᬦ᭄ᬤ᭄ᬭᬶᬬᬂ, ᬲᬫᬵᬥᬶᬦ᭄ᬤ᭄ᬭᬶᬬᬂ, ᬧᬜ᭄ᬜᬶᬦ᭄ᬤ᭄ᬭᬶᬬᬂ, ᬅᬜ᭄ᬜᬶᬦ᭄ᬤ᭄ᬭᬶᬬᬂ, ᬅᬜ᭄ᬜᬵᬢᬵᬯᬶᬦ᭄ᬤ᭄ᬭᬶᬬᬂ – ᬇᬫᬵᬦᬶ ᬯᬸᬘ᭄ᬘᬦ᭄ᬢᬶ ‘‘ᬅᬭᬹᬧᬥᬵᬢᬸᬬᬵ ᬏᬓᬵᬤᬲᬶᬦ᭄ᬤ᭄ᬭᬶᬬᬵᬦᬶ’’.

ᬢᬢ᭄ᬣ ᬓᬢᬫᬾ ᬅᬭᬹᬧᬥᬵᬢᬸᬬᬵ ᬅᬝ᭄ᬞ ᬳᬾᬢᬹ? ᬢᬬᭀ ᬓᬸᬲᬮᬳᬾᬢᬹ, ᬤ᭄ᬯᬾ ᬅᬓᬸᬲᬮᬳᬾᬢᬹ, ᬢᬬᭀ ᬅᬩ᭄ᬬᬵᬓᬢᬳᬾᬢᬹ…ᬧᬾ… ᬇᬫᬾ ᬯᬸᬘ᭄ᬘᬦ᭄ᬢᬶ ‘‘ᬅᬭᬹᬧᬥᬵᬢᬸᬬᬵ ᬅᬝ᭄ᬞ ᬳᬾᬢᬹ’’.

ᬢᬢ᭄ᬣ ᬓᬢᬫᬾ ᬅᬭᬹᬧᬥᬵᬢᬸᬬᬵ ᬢᬬᭀ ᬆᬳᬵᬭᬵ? ᬨᬲ᭄ᬲᬵᬳᬵᬭᭀ, ᬫᬦᭀᬲᬜ᭄ᬘᬾᬢᬦᬵᬳᬵᬭᭀ, ᬯᬶᬜ᭄ᬜᬵᬡᬵᬳᬵᬭᭀ – ᬇᬫᬾ ᬯᬸᬘ᭄ᬘᬦ᭄ᬢᬶ ‘‘ᬅᬭᬹᬧᬥᬵᬢᬸᬬᬵ ᬢᬬᭀ ᬆᬳᬵᬭᬵ’’.

ᬢᬢ᭄ᬣ ᬓᬢᬫᭀ ᬅᬭᬹᬧᬥᬵᬢᬸᬬᬵ ᬏᬓᭀ ᬨᬲ᭄ᬲᭀ? ᬫᬦᭀᬯᬶᬜ᭄ᬜᬵᬡᬥᬵᬢᬸᬲᬫ᭄ᬨᬲ᭄ᬲᭀ – ᬅᬬᬂ ᬯᬸᬘ᭄ᬘᬢᬶ ‘‘ᬅᬭᬹᬧᬥᬵᬢᬸᬬᬵ ᬏᬓᭀ ᬨᬲ᭄ᬲᭀ’’.

ᬢᬢ᭄ᬣ ᬓᬢᬫᬵ ᬅᬭᬹᬧᬥᬵᬢᬸᬬᬵ ᬏᬓᬵ ᬯᬾᬤᬦᬵ…ᬧᬾ… ᬏᬓᬵ ᬲᬜ᭄ᬜᬵ…ᬧᬾ… ᬏᬓᬵ ᬘᬾᬢᬦᬵ…ᬧᬾ… ᬏᬓᬂ ᬘᬶᬢ᭄ᬢᬂ? ᬫᬦᭀᬯᬶᬜ᭄ᬜᬵᬡᬥᬵᬢᬸ – ᬇᬤᬂ ᬯᬸᬘ᭄ᬘᬢᬶ ‘‘ᬅᬭᬹᬧᬥᬵᬢᬸᬬᬵ ᬏᬓᬂ ᬘᬶᬢ᭄ᬢᬂ’’.

᭔. ᬅᬧᬭᬶᬬᬵᬧᬦ᭄ᬦᬂ

᭙᭙᭗. ᬅᬧᬭᬶᬬᬵᬧᬦ᭄ᬦᬾ ᬓᬢᬶ ᬔᬦ᭄ᬥᬵ…ᬧᬾ… ᬓᬢᬶ ᬘᬶᬢ᭄ᬢᬵᬦᬶ?

ᬅᬧᬭᬶᬬᬵᬧᬦ᭄ᬦᬾ ᬘᬢ᭄ᬢᬵᬭᭀ ᬔᬦ᭄ᬥᬵ, ᬤ᭄ᬯᬾ ᬆᬬᬢᬦᬵᬦᬶ, ᬤ᭄ᬯᬾ ᬥᬵᬢᬸᬬᭀ, ᬤ᭄ᬯᬾ ᬲᬘ᭄ᬘᬵᬦᬶ, ᬤ᭄ᬯᬵᬤᬲᬶᬦ᭄ᬤ᭄ᬭᬶᬬᬵᬦᬶ, ᬙ ᬳᬾᬢᬹ, ᬢᬬᭀ ᬆᬳᬵᬭᬵ, ᬏᬓᭀ ᬨᬲ᭄ᬲᭀ, ᬏᬓᬵ ᬯᬾᬤᬦᬵ, ᬏᬓᬵ ᬲᬜ᭄ᬜᬵ, ᬏᬓᬵ ᬘᬾᬢᬦᬵ, ᬏᬓᬂ ᬘᬶᬢ᭄ᬢᬂ.

᭙᭙᭘. ᬢᬢ᭄ᬣ ᬓᬢᬫᬾ ᬅᬧᬭᬶᬬᬵᬧᬦ᭄ᬦᬾ ᬘᬢ᭄ᬢᬵᬭᭀ ᬔᬦ᭄ᬥᬵ? ᬯᬾᬤᬦᬵᬓ᭄ᬔᬦ᭄ᬥᭀ, ᬲᬜ᭄ᬜᬵᬓ᭄ᬔᬦ᭄ᬥᭀ, ᬲᬗ᭄ᬔᬵᬭᬓ᭄ᬔᬦ᭄ᬥᭀ, ᬯᬶᬜ᭄ᬜᬵᬡᬓ᭄ᬔᬦ᭄ᬥᭀ – ᬇᬫᬾ ᬯᬸᬘ᭄ᬘᬦ᭄ᬢᬶ ‘‘ᬅᬧᬭᬶᬬᬵᬧᬦ᭄ᬦᬾ ᬘᬢ᭄ᬢᬵᬭᭀ ᬔᬦ᭄ᬥᬵ’’.

ᬢᬢ᭄ᬣ ᬓᬢᬫᬵᬦᬶ ᬅᬧᬭᬶᬬᬵᬧᬦ᭄ᬦᬾ ᬤ᭄ᬯᬾ ᬆᬬᬢᬦᬵᬦᬶ? ᬫᬦᬵᬬᬢᬦᬂ, ᬥᬫ᭄ᬫᬵᬬᬢᬦᬂ – ᬇᬫᬵᬦᬶ ᬯᬸᬘ᭄ᬘᬦ᭄ᬢᬶ ‘‘ᬅᬧᬭᬶᬬᬵᬧᬦ᭄ᬦᬾ ᬤ᭄ᬯᬾ ᬆᬬᬢᬦᬵᬦᬶ’’.

ᬢᬢ᭄ᬣ ᬓᬢᬫᬵ ᬅᬧᬭᬶᬬᬵᬧᬦ᭄ᬦᬾ ᬤ᭄ᬯᬾ ᬥᬵᬢᬸᬬᭀ? ᬫᬦᭀᬯᬶᬜ᭄ᬜᬵᬡᬥᬵᬢᬸ, ᬥᬫ᭄ᬫᬥᬵᬢᬸ – ᬇᬫᬵ ᬯᬸᬘ᭄ᬘᬦ᭄ᬢᬶ ‘‘ᬅᬧᬭᬶᬬᬵᬧᬦ᭄ᬦᬾ ᬤ᭄ᬯᬾ ᬥᬵᬢᬸᬬᭀ’’.

ᬢᬢ᭄ᬣ ᬓᬢᬫᬵᬦᬶ ᬅᬧᬭᬶᬬᬵᬧᬦ᭄ᬦᬾ ᬤ᭄ᬯᬾ ᬲᬘ᭄ᬘᬵᬦᬶ? ᬫᬕ᭄ᬕᬲᬘ᭄ᬘᬂ, ᬦᬶᬭᭀᬥᬲᬘ᭄ᬘᬂ – ᬇᬫᬵᬦᬶ ᬯᬸᬘ᭄ᬘᬦ᭄ᬢᬶ ‘‘ᬅᬧᬭᬶᬬᬵᬧᬦ᭄ᬦᬾ ᬤ᭄ᬯᬾ ᬲᬘ᭄ᬘᬵᬦᬶ’’.

ᬢᬢ᭄ᬣ ᬓᬢᬫᬵᬦᬶ ᬅᬧᬭᬶᬬᬵᬧᬦ᭄ᬦᬾ ᬤ᭄ᬯᬵᬤᬲᬶᬦ᭄ᬤ᭄ᬭᬶᬬᬵᬦᬶ? ᬫᬦᬶᬦ᭄ᬤ᭄ᬭᬶᬬᬂ, ᬚᬷᬯᬶᬢᬶᬦ᭄ᬤ᭄ᬭᬶᬬᬂ, ᬲᭀᬫᬦᬲ᭄ᬲᬶᬦ᭄ᬤ᭄ᬭᬶᬬᬂ, ᬉᬧᬾᬓ᭄ᬔᬶᬦ᭄ᬤ᭄ᬭᬶᬬᬂ, ᬲᬤ᭄ᬥᬶᬦ᭄ᬤ᭄ᬭᬶᬬᬂ, ᬯᬷᬭᬶᬬᬶᬦ᭄ᬤ᭄ᬭᬶᬬᬂ, ᬲᬢᬶᬦ᭄ᬤ᭄ᬭᬶᬬᬂ, ᬲᬫᬵᬥᬶᬦ᭄ᬤ᭄ᬭᬶᬬᬂ, ᬧᬜ᭄ᬜᬶᬦ᭄ᬤ᭄ᬭᬶᬬᬂ, ᬅᬦᬜ᭄ᬜᬵᬢᬜ᭄ᬜᬲ᭄ᬲᬵᬫᬷᬢᬶᬦ᭄ᬤ᭄ᬭᬶᬬᬂ, ᬅᬜ᭄ᬜᬶᬦ᭄ᬤ᭄ᬭᬶᬬᬂ, ᬅᬜ᭄ᬜᬵᬢᬵᬯᬶᬦ᭄ᬤ᭄ᬭᬶᬬᬂ – ᬇᬫᬵᬦᬶ ᬯᬸᬘ᭄ᬘᬦ᭄ᬢᬶ ‘‘ᬅᬧᬭᬶᬬᬵᬧᬦ᭄ᬦᬾ ᬤ᭄ᬯᬵᬤᬲᬶᬦ᭄ᬤ᭄ᬭᬶᬬᬵᬦᬶ’’.

ᬢᬢ᭄ᬣ ᬓᬢᬫᬾ ᬅᬧᬭᬶᬬᬵᬧᬦ᭄ᬦᬾ ᬙ ᬳᬾᬢᬹ? ᬢᬬᭀ ᬓᬸᬲᬮᬳᬾᬢᬹ, ᬢᬬᭀ ᬅᬩ᭄ᬬᬵᬓᬢᬳᬾᬢᬹ.

ᬢᬢ᭄ᬣ ᬓᬢᬫᬾ ᬢᬬᭀ ᬅᬩ᭄ᬬᬵᬓᬢᬳᬾᬢᬹ? ᬓᬸᬲᬮᬵᬦᬂ ᬥᬫ᭄ᬫᬵᬦᬂ ᬯᬶᬧᬵᬓᬢᭀ ᬅᬮᭀᬪᭀ, ᬅᬤᭀᬲᭀ, ᬅᬫᭀᬳᭀ – ᬇᬫᬾ ᬢᬬᭀ ᬅᬩ᭄ᬬᬵᬓᬢᬳᬾᬢᬹ. ᬇᬫᬾ ᬯᬸᬘ᭄ᬘᬦ᭄ᬢᬶ ‘‘ᬅᬧᬭᬶᬬᬵᬧᬦ᭄ᬦᬾ ᬙ ᬳᬾᬢᬹ’’.

ᬢᬢ᭄ᬣ ᬓᬢᬫᬾ ᬅᬧᬭᬶᬬᬵᬧᬦ᭄ᬦᬾ ᬢᬬᭀ ᬆᬳᬵᬭᬵ? ᬨᬲ᭄ᬲᬵᬳᬵᬭᭀ, ᬫᬦᭀᬲᬜ᭄ᬘᬾᬢᬦᬵᬳᬵᬭᭀ, ᬯᬶᬜ᭄ᬜᬵᬡᬵᬳᬵᬭᭀ – ᬇᬫᬾ ᬯᬸᬘ᭄ᬘᬦ᭄ᬢᬶ ‘‘ᬅᬧᬭᬶᬬᬵᬧᬦ᭄ᬦᬾ ᬢᬬᭀ ᬆᬳᬵᬭᬵ’’.

ᬢᬢ᭄ᬣ ᬓᬢᬫᭀ ᬅᬧᬭᬶᬬᬵᬧᬦ᭄ᬦᬾ ᬏᬓᭀ ᬨᬲ᭄ᬲᭀ? ᬫᬦᭀᬯᬶᬜ᭄ᬜᬵᬡᬥᬵᬢᬸᬲᬫ᭄ᬨᬲ᭄ᬲᭀ – ᬅᬬᬂ ᬯᬸᬘ᭄ᬘᬢᬶ ‘‘ᬅᬧᬭᬶᬬᬵᬧᬦ᭄ᬦᬾ ᬏᬓᭀ ᬨᬲ᭄ᬲᭀ’’.

ᬢᬢ᭄ᬣ ᬓᬢᬫᬵ ᬅᬧᬭᬶᬬᬵᬧᬦ᭄ᬦᬾ ᬏᬓᬵ ᬯᬾᬤᬦᬵ…ᬧᬾ… ᬏᬓᬵ ᬲᬜ᭄ᬜᬵ…ᬧᬾ… ᬏᬓᬵ ᬘᬾᬢᬦᬵ…ᬧᬾ… ᬏᬓᬂ ᬘᬶᬢ᭄ᬢᬂ? ᬫᬦᭀᬯᬶᬜ᭄ᬜᬵᬡᬥᬵᬢᬸ – ᬇᬤᬂ ᬯᬸᬘ᭄ᬘᬢᬶ ‘‘ᬅᬧᬭᬶᬬᬵᬧᬦ᭄ᬦᬾ ᬏᬓᬂ ᬘᬶᬢ᭄ᬢᬂ’’.

᭓. ᬧᬭᬶᬬᬵᬧᬦ᭄ᬦᬵᬧᬭᬶᬬᬵᬧᬦ᭄ᬦᬯᬵᬭᭀ

᭑. ᬓᬵᬫᬥᬵᬢᬸ

᭙᭙᭙. ᬧᬜ᭄ᬘᬦ᭄ᬦᬂ ᬔᬦ᭄ᬥᬵᬦᬂ ᬓᬢᬶ ᬓᬵᬫᬥᬵᬢᬸᬧᬭᬶᬬᬵᬧᬦ᭄ᬦᬵ, ᬓᬢᬶ ᬦ ᬓᬵᬫᬥᬵᬢᬸᬧᬭᬶᬬᬵᬧᬦ᭄ᬦᬵ…ᬧᬾ… ᬲᬢ᭄ᬢᬦ᭄ᬦᬂ ᬘᬶᬢ᭄ᬢᬵᬦᬂ ᬓᬢᬶ ᬓᬵᬫᬥᬵᬢᬸᬧᬭᬶᬬᬵᬧᬦ᭄ᬦᬵ, ᬓᬢᬶ ᬦ ᬓᬵᬫᬥᬵᬢᬸᬧᬭᬶᬬᬵᬧᬦ᭄ᬦᬵ?

᭑᭐᭐᭐. ᬭᬹᬧᬓ᭄ᬔᬦ᭄ᬥᭀ ᬓᬵᬫᬥᬵᬢᬸᬧᬭᬶᬬᬵᬧᬦ᭄ᬦᭀ; ᬘᬢ᭄ᬢᬵᬭᭀ ᬔᬦ᭄ᬥᬵ ᬲᬶᬬᬵ ᬓᬵᬫᬥᬵᬢᬸᬧᬭᬶᬬᬵᬧᬦ᭄ᬦᬵ, ᬲᬶᬬᬵ ᬦ ᬓᬵᬫᬥᬵᬢᬸᬧᬭᬶᬬᬵᬧᬦ᭄ᬦᬵ.

ᬤᬲᬵᬬᬢᬦᬵ ᬓᬵᬫᬥᬵᬢᬸᬧᬭᬶᬬᬵᬧᬦ᭄ᬦᬵ; ᬤ᭄ᬯᬾ ᬆᬬᬢᬦᬵ ᬲᬶᬬᬵ ᬓᬵᬫᬥᬵᬢᬸᬧᬭᬶᬬᬵᬧᬦ᭄ᬦᬵ, ᬲᬶᬬᬵ ᬦ ᬓᬵᬫᬥᬵᬢᬸᬧᬭᬶᬬᬵᬧᬦ᭄ᬦᬵ.

ᬲᭀᬮ᬴ᬲ ᬥᬵᬢᬸᬬᭀ ᬓᬵᬫᬥᬵᬢᬸᬧᬭᬶᬬᬵᬧᬦ᭄ᬦᬵ; ᬤ᭄ᬯᬾ ᬥᬵᬢᬸᬬᭀ ᬲᬶᬬᬵ ᬓᬵᬫᬥᬵᬢᬸᬧᬭᬶᬬᬵᬧᬦ᭄ᬦᬵ, ᬲᬶᬬᬵ ᬦ ᬓᬵᬫᬥᬵᬢᬸᬧᬭᬶᬬᬵᬧᬦ᭄ᬦᬵ.

ᬲᬫᬸᬤᬬᬲᬘ᭄ᬘᬂ ᬓᬵᬫᬥᬵᬢᬸᬧᬭᬶᬬᬵᬧᬦ᭄ᬦᬂ; ᬤ᭄ᬯᬾ ᬲᬘ᭄ᬘᬵ ᬦ ᬓᬵᬫᬥᬵᬢᬸᬧᬭᬶᬬᬵᬧᬦ᭄ᬦᬵ; ᬤᬸᬓ᭄ᬔᬲᬘ᭄ᬘᬂ ᬲᬶᬬᬵ ᬓᬵᬫᬥᬵᬢᬸᬧᬭᬶᬬᬵᬧᬦ᭄ᬦᬂ, ᬲᬶᬬᬵ ᬦ ᬓᬵᬫᬥᬵᬢᬸᬧᬭᬶᬬᬵᬧᬦ᭄ᬦᬂ.

ᬤᬲᬶᬦ᭄ᬤ᭄ᬭᬶᬬᬵ ᬓᬵᬫᬥᬵᬢᬸᬧᬭᬶᬬᬵᬧᬦ᭄ᬦᬵ; ᬢᬷᬡᬶᬦ᭄ᬤ᭄ᬭᬶᬬᬵ ᬦ ᬓᬵᬫᬥᬵᬢᬸᬧᬭᬶᬬᬵᬧᬦ᭄ᬦᬵ; ᬦᬯᬶᬦ᭄ᬤ᭄ᬭᬶᬬᬵ ᬲᬶᬬᬵ ᬓᬵᬫᬥᬵᬢᬸᬧᬭᬶᬬᬵᬧᬦ᭄ᬦᬵ, ᬲᬶᬬᬵ ᬦ ᬓᬵᬫᬥᬵᬢᬸᬧᬭᬶᬬᬵᬧᬦ᭄ᬦᬵ.

ᬢᬬᭀ ᬅᬓᬸᬲᬮᬳᬾᬢᬹ ᬓᬵᬫᬥᬵᬢᬸᬧᬭᬶᬬᬵᬧᬦ᭄ᬦᬵ; ᬙ ᬳᬾᬢᬹ ᬲᬶᬬᬵ ᬓᬵᬫᬥᬵᬢᬸᬧᬭᬶᬬᬵᬧᬦ᭄ᬦᬵ, ᬲᬶᬬᬵ ᬦ ᬓᬵᬫᬥᬵᬢᬸᬧᬭᬶᬬᬵᬧᬦ᭄ᬦᬵ.

ᬓᬩᬮ᬴ᬷᬓᬵᬭᭀ ᬆᬳᬵᬭᭀ ᬓᬵᬫᬥᬵᬢᬸᬧᬭᬶᬬᬵᬧᬦ᭄ᬦᭀ; ᬢᬬᭀ ᬆᬳᬵᬭᬵ ᬲᬶᬬᬵ ᬓᬵᬫᬥᬵᬢᬸᬧᬭᬶᬬᬵᬧᬦ᭄ᬦᬵ, ᬲᬶᬬᬵ ᬦ ᬓᬵᬫᬥᬵᬢᬸᬧᬭᬶᬬᬵᬧᬦ᭄ᬦᬵ.

ᬙ ᬨᬲ᭄ᬲᬵ ᬓᬵᬫᬥᬵᬢᬸᬧᬭᬶᬬᬵᬧᬦ᭄ᬦᬵ; ᬫᬦᭀᬯᬶᬜ᭄ᬜᬵᬡᬥᬵᬢᬸᬲᬫ᭄ᬨᬲ᭄ᬲᭀ ᬲᬶᬬᬵ ᬓᬵᬫᬥᬵᬢᬸ ᬧᬭᬶᬬᬵᬧᬦ᭄ᬦᭀ, ᬲᬶᬬᬵ ᬦ ᬓᬵᬫᬥᬵᬢᬸᬧᬭᬶᬬᬵᬧᬦ᭄ᬦᭀ.

ᬙ ᬯᬾᬤᬦᬵ…ᬧᬾ… ᬙ ᬲᬜ᭄ᬜᬵ… ᬙ ᬘᬾᬢᬦᬵ… ᬙ ᬘᬶᬢ᭄ᬢᬵ ᬓᬵᬫᬥᬵᬢᬸᬧᬭᬶᬬᬵᬧᬦ᭄ᬦᬵ; ᬫᬦᭀᬯᬶᬜ᭄ᬜᬵᬡᬥᬵᬢᬸ ᬲᬶᬬᬵ ᬓᬵᬫᬥᬵᬢᬸᬧᬭᬶᬬᬵᬧᬦ᭄ᬦᬵ, ᬲᬶᬬᬵ ᬦ ᬓᬵᬫᬥᬵᬢᬸᬧᬭᬶᬬᬵᬧᬦ᭄ᬦᬵ.

᭒. ᬭᬹᬧᬥᬵᬢᬸ

᭑᭐᭐᭑. ᬧᬜ᭄ᬘᬦ᭄ᬦᬂ ᬔᬦ᭄ᬥᬵᬦᬂ ᬓᬢᬶ ᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᬵ, ᬓᬢᬶ ᬦ ᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᬵ …ᬧᬾ… ᬲᬢ᭄ᬢᬦ᭄ᬦᬂ ᬘᬶᬢ᭄ᬢᬵᬦᬂ ᬓᬢᬶ ᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᬵ, ᬓᬢᬶ ᬦ ᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᬵ?

᭑᭐᭐᭒. ᬭᬹᬧᬓ᭄ᬔᬦ᭄ᬥᭀ ᬦ ᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᭀ; ᬘᬢ᭄ᬢᬵᬭᭀ ᬔᬦ᭄ᬥᬵ ᬲᬶᬬᬵ ᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᬵ, ᬲᬶᬬᬵ ᬦ ᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᬵ.

ᬤᬲᬵᬬᬢᬦᬵ ᬦ ᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᬵ; ᬤ᭄ᬯᬾ ᬆᬬᬢᬦᬵ ᬲᬶᬬᬵ ᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᬵ, ᬲᬶᬬᬵ ᬦ ᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᬵ.

ᬲᭀᬮ᬴ᬲ ᬥᬵᬢᬸᬬᭀ ᬦ ᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᬵ; ᬤ᭄ᬯᬾ ᬥᬵᬢᬸᬬᭀ ᬲᬶᬬᬵ ᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᬵ, ᬲᬶᬬᬵ ᬦ ᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᬵ.

ᬢᬷᬡᬶ ᬲᬘ᭄ᬘᬵᬦᬶ ᬦ ᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᬵ; ᬤᬸᬓ᭄ᬔᬲᬘ᭄ᬘᬂ ᬲᬶᬬᬵ ᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᬂ, ᬲᬶᬬᬵ ᬦ ᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᬂ.

ᬢᬾᬭᬲᬶᬦ᭄ᬤ᭄ᬭᬶᬬᬵ ᬦ ᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᬵ; ᬦᬯᬶᬦ᭄ᬤ᭄ᬭᬶᬬᬵ ᬲᬶᬬᬵ ᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᬵ, ᬲᬶᬬᬵ ᬦ ᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᬵ.

ᬢᬬᭀ ᬅᬓᬸᬲᬮᬳᬾᬢᬹ ᬦ ᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᬵ; ᬙ ᬳᬾᬢᬹ ᬲᬶᬬᬵ ᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᬵ, ᬲᬶᬬᬵ ᬦ ᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᬵ.

ᬓᬩᬮ᬴ᬷᬓᬵᬭᭀ ᬆᬳᬵᬭᭀ ᬦ ᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᭀ; ᬢᬬᭀ ᬆᬳᬵᬭᬵ ᬲᬶᬬᬵ ᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᬵ, ᬲᬶᬬᬵ ᬦ ᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᬵ.

ᬙ ᬨᬲ᭄ᬲᬵ ᬦ ᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᬵ; ᬫᬦᭀᬯᬶᬜ᭄ᬜᬵᬡᬥᬵᬢᬸᬲᬫ᭄ᬨᬲ᭄ᬲᭀ ᬲᬶᬬᬵ ᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᭀ, ᬲᬶᬬᬵ ᬦ ᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᭀ.

ᬙ ᬯᬾᬤᬦᬵ…ᬧᬾ… ᬙ ᬲᬜ᭄ᬜᬵ… ᬙ ᬘᬾᬢᬦᬵ… ᬙ ᬘᬶᬢ᭄ᬢᬵ ᬦ ᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᬵ; ᬫᬦᭀᬯᬶᬜ᭄ᬜᬵᬡᬥᬵᬢᬸ ᬲᬶᬬᬵ ᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᬵ, ᬲᬶᬬᬵ ᬦ ᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᬵ.

᭓. ᬅᬭᬹᬧᬥᬵᬢᬸ

᭑᭐᭐᭓. ᬧᬜ᭄ᬘᬦ᭄ᬦᬂ ᬔᬦ᭄ᬥᬵᬦᬂ ᬓᬢᬶ ᬅᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᬵ, ᬓᬢᬶ ᬦ ᬅᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᬵ…ᬧᬾ… ᬲᬢ᭄ᬢᬦ᭄ᬦᬂ ᬘᬶᬢ᭄ᬢᬵᬦᬂ ᬓᬢᬶ ᬅᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᬵ, ᬓᬢᬶ ᬦ ᬅᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᬵ?

᭑᭐᭐᭔. ᬭᬹᬧᬓ᭄ᬔᬦ᭄ᬥᭀ ᬦ ᬅᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᭀ; ᬘᬢ᭄ᬢᬵᬭᭀ ᬔᬦ᭄ᬥᬵ ᬲᬶᬬᬵ ᬅᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᬵ, ᬲᬶᬬᬵ ᬦ ᬅᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᬵ.

ᬤᬲᬵᬬᬢᬦᬵ ᬦ ᬅᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᬵ; ᬤ᭄ᬯᬾ ᬆᬬᬢᬦᬵ ᬲᬶᬬᬵ ᬅᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᬵ, ᬲᬶᬬᬵ ᬦ ᬅᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᬵ.

ᬲᭀᬮ᬴ᬲ ᬥᬵᬢᬸᬬᭀ ᬦ ᬅᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᬵ; ᬤ᭄ᬯᬾ ᬥᬵᬢᬸᬬᭀ ᬲᬶᬬᬵ ᬅᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᬵ, ᬲᬶᬬᬵ ᬦ ᬅᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᬵ.

ᬢᬷᬡᬶ ᬲᬘ᭄ᬘᬵᬦᬶ ᬦ ᬅᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᬵᬦᬶ.

ᬤᬸᬓ᭄ᬔᬲᬘ᭄ᬘᬂ ᬲᬶᬬᬵ ᬅᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᬂ, ᬲᬶᬬᬵ ᬦ ᬅᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᬂ.

ᬘᬸᬤ᭄ᬤᬲᬶᬦ᭄ᬤ᭄ᬭᬶᬬᬵ ᬦ ᬅᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᬵ; ᬅᬝ᭄ᬞᬶᬦ᭄ᬤ᭄ᬭᬶᬬᬵ ᬲᬶᬬᬵ ᬅᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᬵ, ᬲᬶᬬᬵ ᬦ ᬅᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᬵ.

ᬢᬬᭀ ᬅᬓᬸᬲᬮᬳᬾᬢᬹ ᬦ ᬅᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᬵ; ᬙ ᬳᬾᬢᬹ ᬲᬶᬬᬵ ᬅᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᬵ, ᬲᬶᬬᬵ ᬦ ᬅᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᬵ.

ᬓᬩᬮ᬴ᬷᬓᬵᬭᭀ ᬆᬳᬵᬭᭀ ᬦ ᬅᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᭀ; ᬢᬬᭀ ᬆᬳᬵᬭᬵ ᬲᬶᬬᬵ ᬅᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᬵ, ᬲᬶᬬᬵ ᬦ ᬅᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᬵ.

ᬙ ᬨᬲ᭄ᬲᬵ ᬦ ᬅᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᬵ; ᬫᬦᭀᬯᬶᬜ᭄ᬜᬵᬡᬥᬵᬢᬸᬲᬫ᭄ᬨᬲ᭄ᬲᭀ ᬲᬶᬬᬵ ᬅᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᭀ, ᬲᬶᬬᬵ ᬦ ᬅᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᭀ.

ᬙ ᬯᬾᬤᬦᬵ…ᬧᬾ… ᬙ ᬲᬜ᭄ᬜᬵ … ᬙ ᬘᬾᬢᬦᬵ… ᬙ ᬘᬶᬢ᭄ᬢᬵ ᬦ ᬅᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᬵ; ᬫᬦᭀᬯᬶᬜ᭄ᬜᬵᬡᬥᬵᬢᬸ ᬲᬶᬬᬵ ᬅᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᬵ, ᬲᬶᬬᬵ ᬦ ᬅᬭᬹᬧᬥᬵᬢᬸᬧᬭᬶᬬᬵᬧᬦ᭄ᬦᬵ.

᭔. ᬧᬭᬶᬬᬵᬧᬦ᭄ᬦᬵᬧᬭᬶᬬᬵᬧᬦ᭄ᬦᬂ

᭑᭐᭐᭕. ᬧᬜ᭄ᬘᬦ᭄ᬦᬂ ᬔᬦ᭄ᬥᬵᬦᬂ ᬓᬢᬶ ᬧᬭᬶᬬᬵᬧᬦ᭄ᬦᬵ, ᬓᬢᬶ ᬅᬧᬭᬶᬬᬵᬧᬦ᭄ᬦᬵ…ᬧᬾ… ᬲᬢ᭄ᬢᬦ᭄ᬦᬂ ᬘᬶᬢ᭄ᬢᬵᬦᬂ ᬓᬢᬶ ᬧᬭᬶᬬᬵᬧᬦ᭄ᬦᬵ, ᬓᬢᬶ ᬅᬧᬭᬶᬬᬵᬧᬦ᭄ᬦᬵ?

᭑᭐᭐᭖. ᬭᬹᬧᬓ᭄ᬔᬦ᭄ᬥᭀ ᬧᬭᬶᬬᬵᬧᬦ᭄ᬦᭀ; ᬘᬢ᭄ᬢᬵᬭᭀ ᬔᬦ᭄ᬥᬵ ᬲᬶᬬᬵ ᬧᬭᬶᬬᬵᬧᬦ᭄ᬦᬵ, ᬲᬶᬬᬵ ᬅᬧᬭᬶᬬᬵᬧᬦ᭄ᬦᬵ.

ᬤᬲᬵᬬᬢᬦᬵ ᬧᬭᬶᬬᬵᬧᬦ᭄ᬦᬵ; ᬤ᭄ᬯᬾ ᬆᬬᬢᬦᬵ ᬲᬶᬬᬵ ᬧᬭᬶᬬᬵᬧᬦ᭄ᬦᬵ, ᬲᬶᬬᬵ ᬅᬧᬭᬶᬬᬵᬧᬦ᭄ᬦᬵ.

ᬲᭀᬮ᬴ᬲ ᬥᬵᬢᬸᬬᭀ ᬧᬭᬶᬬᬵᬧᬦ᭄ᬦᬵ; ᬤ᭄ᬯᬾ ᬥᬵᬢᬸᬬᭀ ᬲᬶᬬᬵ ᬧᬭᬶᬬᬵᬧᬦ᭄ᬦᬵ, ᬲᬶᬬᬵ ᬅᬧᬭᬶᬬᬵᬧᬦ᭄ᬦᬵ.

ᬤ᭄ᬯᬾ ᬲᬘ᭄ᬘᬵ ᬧᬭᬶᬬᬵᬧᬦ᭄ᬦᬵ; ᬤ᭄ᬯᬾ ᬲᬘ᭄ᬘᬵ ᬅᬧᬭᬶᬬᬵᬧᬦ᭄ᬦᬵ.

ᬤᬲᬶᬦ᭄ᬤ᭄ᬭᬶᬬᬵ ᬧᬭᬶᬬᬵᬧᬦ᭄ᬦᬵ, ᬢᬷᬡᬶᬦ᭄ᬤ᭄ᬭᬶᬬᬵ ᬅᬧᬭᬶᬬᬵᬧᬦ᭄ᬦᬵ; ᬦᬯᬶᬦ᭄ᬤ᭄ᬭᬶᬬᬵ ᬲᬶᬬᬵ ᬧᬭᬶᬬᬵᬧᬦ᭄ᬦᬵ, ᬲᬶᬬᬵ ᬅᬧᬭᬶᬬᬵᬧᬦ᭄ᬦᬵ.

ᬢᬬᭀ ᬅᬓᬸᬲᬮᬳᬾᬢᬹ ᬧᬭᬶᬬᬵᬧᬦ᭄ᬦᬵ; ᬙ ᬳᬾᬢᬹ ᬲᬶᬬᬵ ᬧᬭᬶᬬᬵᬧᬦ᭄ᬦᬵ, ᬲᬶᬬᬵ ᬅᬧᬭᬶᬬᬵᬧᬦ᭄ᬦᬵ.

ᬓᬩᬮ᬴ᬷᬓᬵᬭᭀ ᬆᬳᬵᬭᭀ ᬧᬭᬶᬬᬵᬧᬦ᭄ᬦᭀ; ᬢᬬᭀ ᬆᬳᬵᬭᬵ ᬲᬶᬬᬵ ᬧᬭᬶᬬᬵᬧᬦ᭄ᬦᬵ, ᬲᬶᬬᬵ ᬅᬧᬭᬶᬬᬵᬧᬦ᭄ᬦᬵ.

ᬙ ᬨᬲ᭄ᬲᬵ ᬧᬭᬶᬬᬵᬧᬦ᭄ᬦᬵ; ᬫᬦᭀᬯᬶᬜ᭄ᬜᬵᬡᬥᬵᬢᬸᬲᬫ᭄ᬨᬲ᭄ᬲᭀ ᬲᬶᬬᬵ ᬧᬭᬶᬬᬵᬧᬦ᭄ᬦᭀ, ᬲᬶᬬᬵ ᬅᬧᬭᬶᬬᬵᬧᬦ᭄ᬦᭀ.

ᬙ ᬯᬾᬤᬦᬵ…ᬧᬾ… ᬙ ᬲᬜ᭄ᬜᬵ… ᬙ ᬘᬾᬢᬦᬵ… ᬙ ᬘᬶᬢ᭄ᬢᬵ ᬧᬭᬶᬬᬵᬧᬦ᭄ᬦᬵ; ᬫᬦᭀᬯᬶᬜ᭄ᬜᬵᬡᬥᬵᬢᬸ ᬲᬶᬬᬵ ᬧᬭᬶᬬᬵᬧᬦ᭄ᬦᬵ, ᬲᬶᬬᬵ ᬅᬧᬭᬶᬬᬵᬧᬦ᭄ᬦᬵ.

᭔. ᬥᬫ᭄ᬫᬤᬲ᭄ᬲᬦᬯᬵᬭᭀ

᭑. ᬓᬵᬫᬥᬵᬢᬸ

᭑᭐᭐᭗. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬢᬶ ᬔᬦ᭄ᬥᬵ ᬧᬵᬢᬸᬪᬯᬦ᭄ᬢᬶ…ᬧᬾ… ᬓᬢᬶ ᬘᬶᬢ᭄ᬢᬵᬦᬶ ᬧᬵᬢᬸᬪᬯᬦ᭄ᬢᬶ?

ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬲᬩ᭄ᬩᬾᬲᬂ ᬧᬜ᭄ᬘᬓ᭄ᬔᬦ᭄ᬥᬵ ᬧᬵᬢᬸᬪᬯᬦ᭄ᬢᬶ; ᬓᬲ᭄ᬲᬘᬶ ᬏᬓᬵᬤᬲᬵᬬᬢᬦᬵᬦᬶ ᬧᬵᬢᬸᬪᬯᬦ᭄ᬢᬶ; ᬓᬲ᭄ᬲᬘᬶ ᬤᬲᬵᬬᬢᬦᬵᬦᬶ ᬧᬵᬢᬸᬪᬯᬦ᭄ᬢᬶ; ᬓᬲ᭄ᬲᬘᬶ ᬅᬧᬭᬵᬦᬶ ᬤᬲᬵᬬᬢᬦᬵᬦᬶ ᬧᬵᬢᬸᬪᬯᬦ᭄ᬢᬶ; ᬓᬲ᭄ᬲᬘᬶ ᬦᬯᬵᬬᬢᬦᬵᬦᬶ ᬧᬵᬢᬸᬪᬯᬦ᭄ᬢᬶ; ᬓᬲ᭄ᬲᬘᬶ ᬲᬢ᭄ᬢᬵᬬᬢᬦᬵᬦᬶ ᬧᬵᬢᬸᬪᬯᬦ᭄ᬢᬶ; ᬓᬲ᭄ᬲᬘᬶ ᬏᬓᬵᬤᬲ ᬥᬵᬢᬸᬬᭀ ᬧᬵᬢᬸᬪᬯᬦ᭄ᬢᬶ; ᬓᬲ᭄ᬲᬘᬶ ᬤᬲ ᬥᬵᬢᬸᬬᭀ ᬧᬵᬢᬸᬪᬯᬦ᭄ᬢᬶ; ᬓᬲ᭄ᬲᬘᬶ ᬅᬧᬭᬵ ᬤᬲ ᬥᬵᬢᬸᬬᭀ ᬧᬵᬢᬸᬪᬯᬦ᭄ᬢᬶ; ᬓᬲ᭄ᬲᬘᬶ ᬦᬯ ᬥᬵᬢᬸᬬᭀ ᬧᬵᬢᬸᬪᬯᬦ᭄ᬢᬶ; ᬓᬲ᭄ᬲᬘᬶ ᬲᬢ᭄ᬢ ᬥᬵᬢᬸᬬᭀ ᬧᬵᬢᬸᬪᬯᬦ᭄ᬢᬶ; ᬲᬩ᭄ᬩᬾᬲᬂ ᬏᬓᬂ ᬲᬘ᭄ᬘᬂ ᬧᬵᬢᬸᬪᬯᬢᬶ; ᬓᬲ᭄ᬲᬘᬶ ᬘᬸᬤ᭄ᬤᬲᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ; ᬓᬲ᭄ᬲᬘᬶ ᬢᬾᬭᬲᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ; ᬓᬲ᭄ᬲᬘᬶ ᬅᬧᬭᬵᬦᬶ ᬢᬾᬭᬲᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ; ᬓᬲ᭄ᬲᬘᬶ ᬤ᭄ᬯᬵᬤᬲᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ; ᬓᬲ᭄ᬲᬘᬶ ᬤᬲᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ; ᬓᬲ᭄ᬲᬘᬶ ᬦᬯᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ; ᬓᬲ᭄ᬲᬘᬶ ᬅᬧᬭᬵᬦᬶ ᬦᬯᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ; ᬓᬲ᭄ᬲᬘᬶ ᬅᬝ᭄ᬞᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ; ᬓᬲ᭄ᬲᬘᬶ ᬅᬧᬭᬵᬦᬶ ᬅᬝ᭄ᬞᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ; ᬓᬲ᭄ᬲᬘᬶ ᬲᬢ᭄ᬢᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ; ᬓᬲ᭄ᬲᬘᬶ ᬧᬜ᭄ᬘᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ; ᬓᬲ᭄ᬲᬘᬶ ᬘᬢ᭄ᬢᬵᬭᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ; ᬓᬲ᭄ᬲᬘᬶ ᬢᬬᭀ ᬳᬾᬢᬹ ᬧᬵᬢᬸᬪᬯᬦ᭄ᬢᬶ; ᬓᬲ᭄ᬲᬘᬶ ᬤ᭄ᬯᬾ ᬳᬾᬢᬹ ᬧᬵᬢᬸᬪᬯᬦ᭄ᬢᬶ; ᬓᬲ᭄ᬲᬘᬶ [ᬓᬾᬘᬶ (ᬲ᭄ᬬᬵ.)] ᬅᬳᬾᬢᬸᬓᬵ ᬧᬵᬢᬸᬪᬯᬦ᭄ᬢᬶ; ᬲᬩ᭄ᬩᬾᬲᬂ ᬘᬢ᭄ᬢᬵᬭᭀ ᬆᬳᬵᬭᬵ ᬧᬵᬢᬸᬪᬯᬦ᭄ᬢᬶ; ᬲᬩ᭄ᬩᬾᬲᬂ ᬏᬓᭀ ᬨᬲ᭄ᬲᭀ ᬧᬵᬢᬸᬪᬯᬢᬶ; ᬲᬩ᭄ᬩᬾᬲᬂ ᬏᬓᬵ ᬯᬾᬤᬦᬵ… ᬏᬓᬵ ᬲᬜ᭄ᬜᬵ… ᬏᬓᬵ ᬘᬾᬢᬦᬵ… ᬏᬓᬂ ᬘᬶᬢ᭄ᬢᬂ ᬧᬵᬢᬸᬪᬯᬢᬶ.

᭑᭐᭐᭘. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬲᬩ᭄ᬩᬾᬲᬂ ᬓᬢᬫᬾ ᬧᬜ᭄ᬘᬓ᭄ᬔᬦ᭄ᬥᬵ ᬧᬵᬢᬸᬪᬯᬦ᭄ᬢᬶ? ᬭᬹᬧᬓ᭄ᬔᬦ᭄ᬥᭀ…ᬧᬾ… ᬯᬶᬜ᭄ᬜᬵᬡᬓ᭄ᬔᬦ᭄ᬥᭀ – ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬲᬩ᭄ᬩᬾᬲᬂ ᬇᬫᬾ ᬧᬜ᭄ᬘᬓ᭄ᬔᬦ᭄ᬥᬵ ᬧᬵᬢᬸᬪᬯᬦ᭄ᬢᬶ.

᭑᭐᭐᭙. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬲ᭄ᬲ ᬏᬓᬵᬤᬲᬵᬬᬢᬦᬵᬦᬶ ᬧᬵᬢᬸᬪᬯᬦ᭄ᬢᬶ? ᬓᬵᬫᬵᬯᬘᬭᬵᬦᬂ ᬤᬾᬯᬵᬦᬂ, ᬧᬞᬫᬓᬧ᭄ᬧᬶᬓᬵᬦᬂ ᬫᬦᬸᬲ᭄ᬲᬵᬦᬂ, ᬑᬧᬧᬵᬢᬶᬓᬵᬦᬂ ᬧᬾᬢᬵᬦᬂ, ᬑᬧᬧᬵᬢᬶᬓᬵᬦᬂ ᬅᬲᬸᬭᬵᬦᬂ, ᬑᬧᬧᬵᬢᬶᬓᬵᬦᬂ ᬢᬶᬭᬘ᭄ᬙᬵᬦᬕᬢᬵᬦᬂ, ᬦᬾᬭᬬᬶᬓᬵᬦᬂ ᬧᬭᬶᬧᬸᬡ᭄ᬡᬵᬬᬢᬦᬵᬦᬂ ᬉᬧᬧᬢ᭄ᬢᬶᬓ᭄ᬔᬡᬾ ᬏᬓᬵᬤᬲᬵᬬᬢᬦᬵᬦᬶ ᬧᬵᬢᬸᬪᬯᬦ᭄ᬢᬶ – ᬘᬓ᭄ᬔᬵᬬᬢᬦᬂ, ᬭᬹᬧᬵᬬᬢᬦᬂ, ᬲᭀᬢᬵᬬᬢᬦᬂ, ᬖᬵᬦᬵᬬᬢᬦᬂ, ᬕᬦ᭄ᬥᬵᬬᬢᬦᬂ, ᬚᬶᬯ᭄ᬳᬵᬬᬢᬦᬂ, ᬭᬲᬵᬬᬢᬦᬂ, ᬓᬵᬬᬵᬬᬢᬦᬂ, ᬨᭀᬝ᭄ᬞᬩ᭄ᬩᬵᬬᬢᬦᬂ, ᬫᬦᬵᬬᬢᬦᬂ, ᬥᬫ᭄ᬫᬵᬬᬢᬦᬂ. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬏᬢᬾᬲᬂ ᬇᬫᬵᬦᬶ ᬏᬓᬵᬤᬲᬵᬬᬢᬦᬵᬦᬶ ᬧᬵᬢᬸᬪᬯᬦ᭄ᬢᬶ.

ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬲ᭄ᬲ ᬤᬲᬵᬬᬢᬦᬵᬦᬶ ᬧᬵᬢᬸᬪᬯᬦ᭄ᬢᬶ? ᬑᬧᬧᬵᬢᬶᬓᬵᬦᬂ ᬧᬾᬢᬵᬦᬂ, ᬑᬧᬧᬵᬢᬶᬓᬵᬦᬂ ᬅᬲᬸᬭᬵᬦᬂ, ᬑᬧᬧᬵᬢᬶᬓᬵᬦᬂ ᬢᬶᬭᬘ᭄ᬙᬵᬦᬕᬢᬵᬦᬂ ᬦᬾᬭᬬᬶᬓᬵᬦᬂ, ᬚᬘ᭄ᬘᬦ᭄ᬥᬵᬦᬂ ᬉᬧᬧᬢ᭄ᬢᬶᬓ᭄ᬔᬡᬾ ᬤᬲᬵᬬᬢᬦᬵᬦᬶ ᬧᬵᬢᬸᬪᬯᬦ᭄ᬢᬶ – ᬭᬹᬧᬵᬬᬢᬦᬂ, ᬲᭀᬢᬵᬬᬢᬦᬂ, ᬖᬵᬦᬵᬬᬢᬦᬂ, ᬕᬦ᭄ᬥᬵᬬᬢᬦᬂ, ᬚᬶᬯ᭄ᬳᬵᬬᬢᬦᬂ, ᬭᬲᬵᬬᬢᬦᬂ, ᬓᬵᬬᬵᬬᬢᬦᬂ, ᬨᭀᬝ᭄ᬞᬩ᭄ᬩᬵᬬᬢᬦᬂ, ᬫᬦᬵᬬᬢᬦᬂ, ᬥᬫ᭄ᬫᬵᬬᬢᬦᬂ. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬏᬢᬾᬲᬂ ᬇᬫᬵᬦᬶ ᬤᬲᬵᬬᬢᬦᬵᬦᬶ ᬧᬵᬢᬸᬪᬯᬦ᭄ᬢᬶ.

ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬲ᭄ᬲ ᬅᬧᬭᬵᬦᬶ ᬤᬲᬵᬬᬢᬦᬵᬦᬶ ᬧᬵᬢᬸᬪᬯᬦ᭄ᬢᬶ? ᬑᬧᬧᬵᬢᬶᬓᬵᬦᬂ ᬧᬾᬢᬵᬦᬂ, ᬑᬧᬧᬵᬢᬶᬓᬵᬦᬂ ᬅᬲᬸᬭᬵᬦᬂ, ᬑᬧᬧᬵᬢᬶᬓᬵᬦᬂ ᬢᬶᬭᬘ᭄ᬙᬵᬦᬕᬢᬵᬦᬂ ᬦᬾᬭᬬᬶᬓᬵᬦᬂ, ᬚᬘ᭄ᬘᬩᬥᬶᬭᬵᬦᬂ ᬉᬧᬧᬢ᭄ᬢᬶᬓ᭄ᬔᬡᬾ ᬤᬲᬵᬬᬢᬦᬵᬦᬶ ᬧᬵᬢᬸᬪᬯᬦ᭄ᬢᬶ – ᬘᬓ᭄ᬔᬵᬬᬢᬦᬂ, ᬭᬹᬧᬵᬬᬢᬦᬂ, ᬖᬵᬦᬵᬬᬢᬦᬂ, ᬕᬦ᭄ᬥᬵᬬᬢᬦᬂ, ᬚᬶᬯ᭄ᬳᬵᬬᬢᬦᬂ, ᬭᬲᬵᬬᬢᬦᬂ, ᬓᬵᬬᬵᬬᬢᬦᬂ, ᬨᭀᬝ᭄ᬞᬩ᭄ᬩᬵᬬᬢᬦᬂ, ᬫᬦᬵᬬᬢᬦᬂ, ᬥᬫ᭄ᬫᬵᬬᬢᬦᬂ. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬏᬢᬾᬲᬂ ᬇᬫᬵᬦᬶ ᬤᬲᬵᬬᬢᬦᬵᬦᬶ ᬧᬵᬢᬸᬪᬯᬦ᭄ᬢᬶ.

ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬲ᭄ᬲ ᬦᬯᬵᬬᬢᬦᬵᬦᬶ ᬧᬵᬢᬸᬪᬯᬦ᭄ᬢᬶ? ᬑᬧᬧᬵᬢᬶᬓᬵᬦᬂ ᬧᬾᬢᬵᬦᬂ, ᬑᬧᬧᬵᬢᬶᬓᬵᬦᬂ ᬅᬲᬸᬭᬵᬦᬂ, ᬑᬧᬧᬵᬢᬶᬓᬵᬦᬂ ᬢᬶᬭᬘ᭄ᬙᬵᬦᬕᬢᬵᬦᬂ ᬦᬾᬭᬬᬶᬓᬵᬦᬂ, ᬚᬘ᭄ᬘᬦ᭄ᬥᬩᬥᬶᬭᬵᬦᬂ ᬉᬧᬧᬢ᭄ᬢᬶᬓ᭄ᬔᬡᬾ ᬦᬯᬵᬬᬢᬦᬵᬦᬶ ᬧᬵᬢᬸᬪᬯᬦ᭄ᬢᬶ – ᬭᬹᬧᬵᬬᬢᬦᬂ, ᬖᬵᬦᬵᬬᬢᬦᬂ, ᬕᬦ᭄ᬥᬵᬬᬢᬦᬂ, ᬚᬶᬯ᭄ᬳᬵᬬᬢᬦᬂ, ᬭᬲᬵᬬᬢᬦᬂ, ᬓᬵᬬᬵᬬᬢᬦᬂ, ᬨᭀᬝ᭄ᬞᬩ᭄ᬩᬵᬬᬢᬦᬂ, ᬫᬦᬵᬬᬢᬦᬂ, ᬥᬫ᭄ᬫᬵᬬᬢᬦᬂ. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬏᬢᬾᬲᬂ ᬇᬫᬵᬦᬶ ᬦᬯᬵᬬᬢᬦᬵᬦᬶ ᬧᬵᬢᬸᬪᬯᬦ᭄ᬢᬶ.

ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬲ᭄ᬲ ᬲᬢ᭄ᬢᬵᬬᬢᬦᬵᬦᬶ ᬧᬵᬢᬸᬪᬯᬦ᭄ᬢᬶ? ᬕᬩ᭄ᬪᬲᬾᬬ᭄ᬬᬓᬵᬦᬂ ᬲᬢ᭄ᬢᬵᬦᬂ ᬉᬧᬧᬢ᭄ᬢᬶᬓ᭄ᬔᬡᬾ ᬲᬢ᭄ᬢᬵᬬᬢᬦᬵᬦᬶ ᬧᬵᬢᬸᬪᬯᬦ᭄ᬢᬶ – ᬭᬹᬧᬵᬬᬢᬦᬂ, ᬕᬦ᭄ᬥᬵᬬᬢᬦᬂ, ᬭᬲᬵᬬᬢᬦᬂ, ᬓᬵᬬᬵᬬᬢᬦᬂ, ᬨᭀᬝ᭄ᬞᬩ᭄ᬩᬵᬬᬢᬦᬂ, ᬫᬦᬵᬬᬢᬦᬂ, ᬥᬫ᭄ᬫᬵᬬᬢᬦᬂ. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬏᬢᬾᬲᬂ ᬇᬫᬵᬦᬶ ᬲᬢ᭄ᬢᬵᬬᬢᬦᬵᬦᬶ ᬧᬵᬢᬸᬪᬯᬦ᭄ᬢᬶ.

᭑᭐᭑᭐. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬲ᭄ᬲ ᬏᬓᬵᬤᬲ ᬥᬵᬢᬸᬬᭀ ᬧᬵᬢᬸᬪᬯᬦ᭄ᬢᬶ? ᬓᬵᬫᬵᬯᬘᬭᬵᬦᬂ ᬤᬾᬯᬵᬦᬂ, ᬧᬞᬫᬓᬧ᭄ᬧᬶᬓᬵᬦᬂ ᬫᬦᬸᬲ᭄ᬲᬵᬦᬂ, ᬑᬧᬧᬵᬢᬶᬓᬵᬦᬂ ᬧᬾᬢᬵᬦᬂ, ᬑᬧᬧᬵᬢᬶᬓᬵᬦᬂ ᬅᬲᬸᬭᬵᬦᬂ, ᬑᬧᬧᬵᬢᬶᬓᬵᬦᬂ ᬢᬶᬭᬘ᭄ᬙᬵᬦᬕᬢᬵᬦᬂ ᬦᬾᬭᬬᬶᬓᬵᬦᬂ ᬧᬭᬶᬧᬸᬡ᭄ᬡᬵᬬᬢᬦᬵᬦᬂ ᬉᬧᬧᬢ᭄ᬢᬶᬓ᭄ᬔᬡᬾ ᬏᬓᬵᬤᬲ ᬥᬵᬢᬸᬬᭀ ᬧᬵᬢᬸᬪᬯᬦ᭄ᬢᬶ – ᬘᬓ᭄ᬔᬸᬥᬵᬢᬸ, ᬭᬹᬧᬥᬵᬢᬸ, ᬲᭀᬢᬥᬵᬢᬸ, ᬖᬵᬦᬥᬵᬢᬸ, ᬕᬦ᭄ᬥᬥᬵᬢᬸ, ᬚᬶᬯ᭄ᬳᬵᬥᬵᬢᬸ, ᬭᬲᬥᬵᬢᬸ, ᬓᬵᬬᬥᬵᬢᬸ, ᬨᭀᬝ᭄ᬞᬩ᭄ᬩᬥᬵᬢᬸ, ᬫᬦᭀᬯᬶᬜ᭄ᬜᬵᬡᬥᬵᬢᬸ, ᬥᬫ᭄ᬫᬥᬵᬢᬸ. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬏᬢᬾᬲᬂ ᬇᬫᬵ ᬏᬓᬵᬤᬲ ᬥᬵᬢᬸᬬᭀ ᬧᬵᬢᬸᬪᬯᬦ᭄ᬢᬶ.

ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬲ᭄ᬲ ᬤᬲ ᬥᬵᬢᬸᬬᭀ ᬧᬵᬢᬸᬪᬯᬦ᭄ᬢᬶ? ᬑᬧᬧᬵᬢᬶᬓᬵᬦᬂ ᬧᬾᬢᬵᬦᬂ, ᬑᬧᬧᬵᬢᬶᬓᬵᬦᬂ ᬅᬲᬸᬭᬵᬦᬂ, ᬑᬧᬧᬵᬢᬶᬓᬵᬦᬂ ᬢᬶᬭᬘ᭄ᬙᬵᬦᬕᬢᬵᬦᬂ ᬦᬾᬭᬬᬶᬓᬵᬦᬂ, ᬚᬘ᭄ᬘᬦ᭄ᬥᬵᬦᬂ ᬉᬧᬧᬢ᭄ᬢᬶᬓ᭄ᬔᬡᬾ ᬤᬲ ᬥᬵᬢᬸᬬᭀ ᬧᬵᬢᬸᬪᬯᬦ᭄ᬢᬶ – ᬭᬹᬧᬥᬵᬢᬸ, ᬲᭀᬢᬥᬵᬢᬸ, ᬖᬵᬦᬥᬵᬢᬸ, ᬕᬦ᭄ᬥᬥᬵᬢᬸ, ᬚᬶᬯ᭄ᬳᬵᬥᬵᬢᬸ, ᬭᬲᬥᬵᬢᬸ, ᬓᬵᬬᬥᬵᬢᬸ, ᬨᭀᬝ᭄ᬞᬩ᭄ᬩᬥᬵᬢᬸ, ᬫᬦᭀᬯᬶᬜ᭄ᬜᬵᬡᬥᬵᬢᬸ, ᬥᬫ᭄ᬫᬥᬵᬢᬸ. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬏᬢᬾᬲᬂ ᬇᬫᬵ ᬤᬲ ᬥᬵᬢᬸᬬᭀ ᬧᬵᬢᬸᬪᬯᬦ᭄ᬢᬶ.

ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬲ᭄ᬲ ᬅᬧᬭᬵ ᬤᬲ ᬥᬵᬢᬸᬬᭀ ᬧᬵᬢᬸᬪᬯᬦ᭄ᬢᬶ? ᬑᬧᬧᬵᬢᬶᬓᬵᬦᬂ ᬧᬾᬢᬵᬦᬂ, ᬑᬧᬧᬵᬢᬶᬓᬵᬦᬂ ᬅᬲᬸᬭᬵᬦᬂ, ᬑᬧᬧᬵᬢᬶᬓᬵᬦᬂ ᬢᬶᬭᬘ᭄ᬙᬵᬦᬕᬢᬵᬦᬂ ᬦᬾᬭᬬᬶᬓᬵᬦᬂ, ᬚᬘ᭄ᬘᬩᬥᬶᬭᬵᬦᬂ ᬉᬧᬧᬢ᭄ᬢᬶᬓ᭄ᬔᬡᬾ ᬤᬲ ᬥᬵᬢᬸᬬᭀ ᬧᬵᬢᬸᬪᬯᬦ᭄ᬢᬶ – ᬘᬓ᭄ᬔᬸᬥᬵᬢᬸ, ᬭᬹᬧᬥᬵᬢᬸ, ᬖᬵᬦᬥᬵᬢᬸ, ᬕᬦ᭄ᬥᬥᬵᬢᬸ, ᬚᬶᬯ᭄ᬳᬵᬥᬵᬢᬸ, ᬭᬲᬥᬵᬢᬸ, ᬓᬵᬬᬥᬵᬢᬸ, ᬨᭀᬝ᭄ᬞᬩ᭄ᬩᬥᬵᬢᬸ, ᬫᬦᭀᬯᬶᬜ᭄ᬜᬵᬡᬥᬵᬢᬸ, ᬥᬫ᭄ᬫᬥᬵᬢᬸ. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬏᬢᬾᬲᬂ ᬇᬫᬵ ᬤᬲ ᬥᬵᬢᬸᬬᭀ ᬧᬵᬢᬸᬪᬯᬦ᭄ᬢᬶ.

ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬲ᭄ᬲ ᬦᬯ ᬥᬵᬢᬸᬬᭀ ᬧᬵᬢᬸᬪᬯᬦ᭄ᬢᬶ? ᬑᬧᬧᬵᬢᬶᬓᬵᬦᬂ ᬧᬾᬢᬵᬦᬂ, ᬑᬧᬧᬵᬢᬶᬓᬵᬦᬂ ᬅᬲᬸᬭᬵᬦᬂ, ᬑᬧᬧᬵᬢᬶᬓᬵᬦᬂ ᬢᬶᬭᬘ᭄ᬙᬵᬦᬕᬢᬵᬦᬂ ᬦᬾᬭᬬᬶᬓᬵᬦᬂ, ᬚᬘ᭄ᬘᬦ᭄ᬥᬩᬥᬶᬭᬵᬦᬂ ᬉᬧᬧᬢ᭄ᬢᬶᬓ᭄ᬔᬡᬾ ᬦᬯ ᬥᬵᬢᬸᬬᭀ ᬧᬵᬢᬸᬪᬯᬦ᭄ᬢᬶ – ᬭᬹᬧᬥᬵᬢᬸ, ᬖᬵᬦᬥᬵᬢᬸ, ᬕᬦ᭄ᬥᬥᬵᬢᬸ, ᬚᬶᬯ᭄ᬳᬵᬥᬵᬢᬸ, ᬭᬲᬥᬵᬢᬸ, ᬓᬵᬬᬥᬵᬢᬸ, ᬨᭀᬝ᭄ᬞᬩ᭄ᬩᬥᬵᬢᬸ, ᬫᬦᭀᬯᬶᬜ᭄ᬜᬵᬡᬥᬵᬢᬸ, ᬥᬫ᭄ᬫᬥᬵᬢᬸ. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬏᬢᬾᬲᬂ ᬇᬫᬵ ᬦᬯ ᬥᬵᬢᬸᬬᭀ ᬧᬵᬢᬸᬪᬯᬦ᭄ᬢᬶ.

ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬲ᭄ᬲ ᬲᬢ᭄ᬢ ᬥᬵᬢᬸᬬᭀ ᬧᬵᬢᬸᬪᬯᬦ᭄ᬢᬶ? ᬕᬩ᭄ᬪᬲᬾᬬ᭄ᬬᬓᬵᬦᬂ ᬲᬢ᭄ᬢᬵᬦᬂ ᬉᬧᬧᬢ᭄ᬢᬶᬓ᭄ᬔᬡᬾ ᬲᬢ᭄ᬢ ᬥᬵᬢᬸᬬᭀ ᬧᬵᬢᬸᬪᬯᬦ᭄ᬢᬶ – ᬭᬹᬧᬥᬵᬢᬸ, ᬕᬦ᭄ᬥᬥᬵᬢᬸ, ᬭᬲᬥᬵᬢᬸ, ᬓᬵᬬᬥᬵᬢᬸ, ᬨᭀᬝ᭄ᬞᬩ᭄ᬩᬥᬵᬢᬸ, ᬫᬦᭀᬯᬶᬜ᭄ᬜᬵᬡᬥᬵᬢᬸ, ᬥᬫ᭄ᬫᬥᬵᬢᬸ. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬏᬢᬾᬲᬂ ᬇᬫᬵ ᬲᬢ᭄ᬢ ᬥᬵᬢᬸᬬᭀ ᬧᬵᬢᬸᬪᬯᬦ᭄ᬢᬶ.

᭑᭐᭑᭑. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬲᬩ᭄ᬩᬾᬲᬂ ᬓᬢᬫᬂ ᬏᬓᬂ ᬲᬘ᭄ᬘᬂ ᬧᬵᬢᬸᬪᬯᬢᬶ? ᬤᬸᬓ᭄ᬔᬲᬘ᭄ᬘᬂ – ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬲᬩ᭄ᬩᬾᬲᬂ ᬇᬤᬂ ᬏᬓᬂ ᬲᬘ᭄ᬘᬂ ᬧᬵᬢᬸᬪᬯᬢᬶ.

᭑᭐᭑᭒. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬲ᭄ᬲ ᬘᬸᬤ᭄ᬤᬲᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ? ᬓᬵᬫᬵᬯᬘᬭᬵᬦᬂ ᬤᬾᬯᬵᬦᬂ, ᬲᬳᬾᬢᬸᬓᬵᬦᬂ ᬜᬵᬡᬲᬫ᭄ᬧᬬᬸᬢ᭄ᬢᬵᬦᬂ ᬉᬧᬧᬢ᭄ᬢᬶᬓ᭄ᬔᬡᬾ ᬘᬸᬤ᭄ᬤᬲᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ – ᬘᬓ᭄ᬔᬸᬦ᭄ᬤ᭄ᬭᬶᬬᬂ, ᬲᭀᬢᬶᬦ᭄ᬤ᭄ᬭᬶᬬᬂ, ᬖᬵᬦᬶᬦ᭄ᬤ᭄ᬭᬶᬬᬂ, ᬚᬶᬯ᭄ᬳᬶᬦ᭄ᬤ᭄ᬭᬶᬬᬂ, ᬓᬵᬬᬶᬦ᭄ᬤ᭄ᬭᬶᬬᬂ, ᬫᬦᬶᬦ᭄ᬤ᭄ᬭᬶᬬᬂ, ᬇᬢ᭄ᬣᬶᬦ᭄ᬤ᭄ᬭᬶᬬᬂ ᬯᬵ ᬧᬸᬭᬶᬲᬶᬦ᭄ᬤ᭄ᬭᬶᬬᬂ ᬯᬵ, ᬚᬷᬯᬶᬢᬶᬦ᭄ᬤ᭄ᬭᬶᬬᬂ, ᬲᭀᬫᬦᬲ᭄ᬲᬶᬦ᭄ᬤ᭄ᬭᬶᬬᬂ ᬯᬵ ᬉᬧᬾᬓ᭄ᬔᬶᬦ᭄ᬤ᭄ᬭᬶᬬᬂ ᬯᬵ, ᬲᬤ᭄ᬥᬶᬦ᭄ᬤ᭄ᬭᬶᬬᬂ, ᬯᬷᬭᬶᬬᬶᬦ᭄ᬤ᭄ᬭᬶᬬᬂ, ᬲᬢᬶᬦ᭄ᬤ᭄ᬭᬶᬬᬂ, ᬲᬫᬵᬥᬶᬦ᭄ᬤ᭄ᬭᬶᬬᬂ, ᬧᬜ᭄ᬜᬶᬦ᭄ᬤ᭄ᬭᬶᬬᬂ. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬏᬢᬾᬲᬂ ᬇᬫᬵᬦᬶ ᬘᬸᬤ᭄ᬤᬲᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ.

ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬲ᭄ᬲ ᬢᬾᬭᬲᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ? ᬓᬵᬫᬵᬯᬘᬭᬵᬦᬂ ᬤᬾᬯᬵᬦᬂ ᬲᬳᬾᬢᬸᬓᬵᬦᬂ ᬜᬵᬡᬯᬶᬧ᭄ᬧᬬᬸᬢ᭄ᬢᬵᬦᬂ ᬉᬧᬧᬢ᭄ᬢᬶᬓ᭄ᬔᬡᬾ ᬢᬾᬭᬲᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ – ᬘᬓ᭄ᬔᬸᬦ᭄ᬤ᭄ᬭᬶᬬᬂ, ᬲᭀᬢᬶᬦ᭄ᬤ᭄ᬭᬶᬬᬂ, ᬖᬵᬦᬶᬦ᭄ᬤ᭄ᬭᬶᬬᬂ, ᬚᬶᬯ᭄ᬳᬶᬦ᭄ᬤ᭄ᬭᬶᬬᬂ, ᬓᬵᬬᬶᬦ᭄ᬤ᭄ᬭᬶᬬᬂ, ᬫᬦᬶᬦ᭄ᬤ᭄ᬭᬶᬬᬂ, ᬇᬢ᭄ᬣᬶᬦ᭄ᬤ᭄ᬭᬶᬬᬂ ᬯᬵ ᬧᬸᬭᬶᬲᬶᬦ᭄ᬤ᭄ᬭᬶᬬᬂ ᬯᬵ, ᬚᬷᬯᬶᬢᬶᬦ᭄ᬤ᭄ᬭᬶᬬᬂ, ᬲᭀᬫᬦᬲ᭄ᬲᬶᬦ᭄ᬤ᭄ᬭᬶᬬᬂ ᬯᬵ ᬉᬧᬾᬓ᭄ᬔᬶᬦ᭄ᬤ᭄ᬭᬶᬬᬂ ᬯᬵ, ᬲᬤ᭄ᬥᬶᬦ᭄ᬤ᭄ᬭᬶᬬᬂ, ᬯᬷᬭᬶᬬᬶᬦ᭄ᬤ᭄ᬭᬶᬬᬂ, ᬲᬢᬶᬦ᭄ᬤ᭄ᬭᬶᬬᬂ, ᬲᬫᬵᬥᬶᬦ᭄ᬤ᭄ᬭᬶᬬᬂ. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬏᬢᬾᬲᬂ ᬇᬫᬵᬦᬶ ᬢᬾᬭᬲᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ.

ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬲ᭄ᬲ ᬅᬧᬭᬵᬦᬶ ᬢᬾᬭᬲᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ? ᬧᬞᬫᬓᬧ᭄ᬧᬶᬓᬵᬦᬂ ᬫᬦᬸᬲ᭄ᬲᬵᬦᬂ ᬲᬳᬾᬢᬸᬓᬵᬦᬂ ᬜᬵᬡᬲᬫ᭄ᬧᬬᬸᬢ᭄ᬢᬵᬦᬂ ᬉᬧᬧᬢ᭄ᬢᬶᬓ᭄ᬔᬡᬾ ᬢᬾᬭᬲᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ – ᬘᬓ᭄ᬔᬸᬦ᭄ᬤ᭄ᬭᬶᬬᬂ, ᬲᭀᬢᬶᬦ᭄ᬤ᭄ᬭᬶᬬᬂ, ᬖᬵᬦᬶᬦ᭄ᬤ᭄ᬭᬶᬬᬂ, ᬚᬶᬯ᭄ᬳᬶᬦ᭄ᬤ᭄ᬭᬶᬬᬂ, ᬓᬵᬬᬶᬦ᭄ᬤ᭄ᬭᬶᬬᬂ, ᬫᬦᬶᬦ᭄ᬤ᭄ᬭᬶᬬᬂ, ᬚᬷᬯᬶᬢᬶᬦ᭄ᬤ᭄ᬭᬶᬬᬂ, ᬲᭀᬫᬦᬲ᭄ᬲᬶᬦ᭄ᬤ᭄ᬭᬶᬬᬂ ᬯᬵ ᬉᬧᬾᬓ᭄ᬔᬶᬦ᭄ᬤ᭄ᬭᬶᬬᬂ ᬯᬵ, ᬲᬤ᭄ᬥᬶᬦ᭄ᬤ᭄ᬭᬶᬬᬂ, ᬯᬷᬭᬶᬬᬶᬦ᭄ᬤ᭄ᬭᬶᬬᬂ, ᬲᬢᬶᬦ᭄ᬤ᭄ᬭᬶᬬᬂ, ᬲᬫᬵᬥᬶᬦ᭄ᬤ᭄ᬭᬶᬬᬂ, ᬧᬜ᭄ᬜᬶᬦ᭄ᬤ᭄ᬭᬶᬬᬂ. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬏᬢᬾᬲᬂ ᬇᬫᬵᬦᬶ ᬢᬾᬭᬲᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ.

ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬲ᭄ᬲ ᬤ᭄ᬯᬵᬤᬲᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ? ᬧᬞᬫᬓᬧ᭄ᬧᬶᬓᬵᬦᬂ ᬫᬦᬸᬲ᭄ᬲᬵᬦᬂ ᬲᬳᬾᬢᬸᬓᬵᬦᬂ ᬜᬵᬡᬯᬶᬧ᭄ᬧᬬᬸᬢ᭄ᬢᬵᬦᬂ ᬉᬧᬧᬢ᭄ᬢᬶᬓ᭄ᬔᬡᬾ ᬤ᭄ᬯᬵᬤᬲᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ – ᬘᬓ᭄ᬔᬸᬦ᭄ᬤ᭄ᬭᬶᬬᬂ, ᬲᭀᬢᬶᬦ᭄ᬤ᭄ᬭᬶᬬᬂ, ᬖᬵᬦᬶᬦ᭄ᬤ᭄ᬭᬶᬬᬂ, ᬚᬶᬯ᭄ᬳᬶᬦ᭄ᬤ᭄ᬭᬶᬬᬂ, ᬓᬵᬬᬶᬦ᭄ᬤ᭄ᬭᬶᬬᬂ, ᬫᬦᬶᬦ᭄ᬤ᭄ᬭᬶᬬᬂ, ᬚᬷᬯᬶᬢᬶᬦ᭄ᬤ᭄ᬭᬶᬬᬂ, ᬲᭀᬫᬦᬲ᭄ᬲᬶᬦ᭄ᬤ᭄ᬭᬶᬬᬂ ᬯᬵ ᬉᬧᬾᬓ᭄ᬔᬶᬦ᭄ᬤ᭄ᬭᬶᬬᬂ ᬯᬵ, ᬲᬤ᭄ᬥᬶᬦ᭄ᬤ᭄ᬭᬶᬬᬂ, ᬯᬷᬭᬶᬬᬶᬦ᭄ᬤ᭄ᬭᬶᬬᬂ, ᬲᬢᬶᬦ᭄ᬤ᭄ᬭᬶᬬᬂ, ᬲᬫᬵᬥᬶᬦ᭄ᬤ᭄ᬭᬶᬬᬂ. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬏᬢᬾᬲᬂ ᬇᬫᬵᬦᬶ ᬤ᭄ᬯᬵᬤᬲᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ.

ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬲ᭄ᬲ ᬤᬲᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ? ᬕᬩ᭄ᬪᬲᬾᬬ᭄ᬬᬓᬵᬦᬂ ᬲᬢ᭄ᬢᬵᬦᬂ ᬲᬳᬾᬢᬸᬓᬵᬦᬂ ᬜᬵᬡᬲᬫ᭄ᬧᬬᬸᬢ᭄ᬢᬵᬦᬂ ᬉᬧᬧᬢ᭄ᬢᬶᬓ᭄ᬔᬡᬾ ᬤᬲᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ – ᬓᬵᬬᬶᬦ᭄ᬤ᭄ᬭᬶᬬᬂ, ᬫᬦᬶᬦ᭄ᬤ᭄ᬭᬶᬬᬂ, ᬇᬢ᭄ᬣᬶᬦ᭄ᬤ᭄ᬭᬶᬬᬂ ᬯᬵ ᬧᬸᬭᬶᬲᬶᬦ᭄ᬤ᭄ᬭᬶᬬᬂ ᬯᬵ, ᬚᬷᬯᬶᬢᬶᬦ᭄ᬤ᭄ᬭᬶᬬᬂ, ᬲᭀᬫᬦᬲ᭄ᬲᬶᬦ᭄ᬤ᭄ᬭᬶᬬᬂ ᬯᬵ ᬉᬧᬾᬓ᭄ᬔᬶᬦ᭄ᬤ᭄ᬭᬶᬬᬂ ᬯᬵ, ᬲᬤ᭄ᬥᬶᬦ᭄ᬤ᭄ᬭᬶᬬᬂ, ᬯᬷᬭᬶᬬᬶᬦ᭄ᬤ᭄ᬭᬶᬬᬂ, ᬲᬢᬶᬦ᭄ᬤ᭄ᬭᬶᬬᬂ, ᬲᬫᬵᬥᬶᬦ᭄ᬤ᭄ᬭᬶᬬᬂ, ᬧᬜ᭄ᬜᬶᬦ᭄ᬤ᭄ᬭᬶᬬᬂ. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬏᬢᬾᬲᬂ ᬇᬫᬵᬦᬶ ᬤᬲᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ.

ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬲ᭄ᬲ ᬦᬯᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ? ᬕᬩ᭄ᬪᬲᬾᬬ᭄ᬬᬓᬵᬦᬂ ᬲᬢ᭄ᬢᬵᬦᬂ ᬲᬳᬾᬢᬸᬓᬵᬦᬂ ᬜᬵᬡᬯᬶᬧ᭄ᬧᬬᬸᬢ᭄ᬢᬵᬦᬂ ᬉᬧᬧᬢ᭄ᬢᬶᬓ᭄ᬔᬡᬾ ᬦᬯᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ – ᬓᬵᬬᬶᬦ᭄ᬤ᭄ᬭᬶᬬᬂ, ᬫᬦᬶᬦ᭄ᬤ᭄ᬭᬶᬬᬂ, ᬇᬢ᭄ᬣᬶᬦ᭄ᬤ᭄ᬭᬶᬬᬂ ᬯᬵ ᬧᬸᬭᬶᬲᬶᬦ᭄ᬤ᭄ᬭᬶᬬᬂ ᬯᬵ, ᬚᬷᬯᬶᬢᬶᬦ᭄ᬤ᭄ᬭᬶᬬᬂ, ᬲᭀᬫᬦᬲ᭄ᬲᬶᬦ᭄ᬤ᭄ᬭᬶᬬᬂ ᬯᬵ ᬉᬧᬾᬓ᭄ᬔᬶᬦ᭄ᬤ᭄ᬭᬶᬬᬂ ᬯᬵ, ᬲᬤ᭄ᬥᬶᬦ᭄ᬤ᭄ᬭᬶᬬᬂ, ᬯᬷᬭᬶᬬᬶᬦ᭄ᬤ᭄ᬭᬶᬬᬂ, ᬲᬢᬶᬦ᭄ᬤ᭄ᬭᬶᬬᬂ, ᬲᬫᬵᬥᬶᬦ᭄ᬤ᭄ᬭᬶᬬᬂ. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬏᬢᬾᬲᬂ ᬇᬫᬵᬦᬶ ᬦᬯᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ.

ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬲ᭄ᬲ ᬅᬧᬭᬵᬦᬶ ᬦᬯᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ? ᬑᬧᬧᬵᬢᬶᬓᬵᬦᬂ ᬧᬾᬢᬵᬦᬂ, ᬑᬧᬧᬵᬢᬶᬓᬵᬦᬂ ᬅᬲᬸᬭᬵᬦᬂ, ᬑᬧᬧᬵᬢᬶᬓᬵᬦᬂ ᬢᬶᬭᬘ᭄ᬙᬵᬦᬕᬢᬵᬦᬂ ᬦᬾᬭᬬᬶᬓᬵᬦᬂ ᬧᬭᬶᬧᬸᬡ᭄ᬡᬵᬬᬢᬦᬵᬦᬂ ᬉᬧᬧᬢ᭄ᬢᬶᬓ᭄ᬔᬡᬾ ᬦᬯᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ – ᬘᬓ᭄ᬔᬸᬦ᭄ᬤ᭄ᬭᬶᬬᬂ, ᬲᭀᬢᬶᬦ᭄ᬤ᭄ᬭᬶᬬᬂ, ᬖᬵᬦᬶᬦ᭄ᬤ᭄ᬭᬶᬬᬂ, ᬚᬶᬯ᭄ᬳᬶᬦ᭄ᬤ᭄ᬭᬶᬬᬂ, ᬓᬵᬬᬶᬦ᭄ᬤ᭄ᬭᬶᬬᬂ, ᬫᬦᬶᬦ᭄ᬤ᭄ᬭᬶᬬᬂ, ᬇᬢ᭄ᬣᬶᬦ᭄ᬤ᭄ᬭᬶᬬᬂ ᬯᬵ ᬧᬸᬭᬶᬲᬶᬦ᭄ᬤ᭄ᬭᬶᬬᬂ ᬯᬵ, ᬚᬷᬯᬶᬢᬶᬦ᭄ᬤ᭄ᬭᬶᬬᬂ, ᬉᬧᬾᬓ᭄ᬔᬶᬦ᭄ᬤ᭄ᬭᬶᬬᬂ. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬏᬢᬾᬲᬂ ᬇᬫᬵᬦᬶ ᬦᬯᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ.

ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬲ᭄ᬲ ᬅᬝ᭄ᬞᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ? ᬑᬧᬧᬵᬢᬶᬓᬵᬦᬂ ᬧᬾᬢᬵᬦᬂ, ᬑᬧᬧᬵᬢᬶᬓᬵᬦᬂ ᬅᬲᬸᬭᬵᬦᬂ, ᬑᬧᬧᬵᬢᬶᬓᬵᬦᬂ ᬢᬶᬭᬘ᭄ᬙᬵᬦᬕᬢᬵᬦᬂ ᬦᬾᬭᬬᬶᬓᬵᬦᬂ, ᬚᬘ᭄ᬘᬦ᭄ᬥᬵᬦᬂ ᬉᬧᬧᬢ᭄ᬢᬶᬓ᭄ᬔᬡᬾ ᬅᬝ᭄ᬞᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ – ᬲᭀᬢᬶᬦ᭄ᬤ᭄ᬭᬶᬬᬂ, ᬖᬵᬦᬶᬦ᭄ᬤ᭄ᬭᬶᬬᬂ, ᬚᬶᬯ᭄ᬳᬶᬦ᭄ᬤ᭄ᬭᬶᬬᬂ, ᬓᬵᬬᬶᬦ᭄ᬤ᭄ᬭᬶᬬᬂ, ᬫᬦᬶᬦ᭄ᬤ᭄ᬭᬶᬬᬂ, ᬇᬢ᭄ᬣᬶᬦ᭄ᬤ᭄ᬭᬶᬬᬂ ᬯᬵ ᬧᬸᬭᬶᬲᬶᬦ᭄ᬤ᭄ᬭᬶᬬᬂ ᬯᬵ, ᬚᬷᬯᬶᬢᬶᬦ᭄ᬤ᭄ᬭᬶᬬᬂ, ᬉᬧᬾᬓ᭄ᬔᬶᬦ᭄ᬤ᭄ᬭᬶᬬᬂ. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬏᬢᬾᬲᬂ ᬇᬫᬵᬦᬶ ᬅᬝ᭄ᬞᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ.

ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬲ᭄ᬲ ᬅᬧᬭᬵᬦᬶ ᬅᬝ᭄ᬞᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ? ᬑᬧᬧᬵᬢᬶᬓᬵᬦᬂ ᬧᬾᬢᬵᬦᬂ, ᬑᬧᬧᬵᬢᬶᬓᬵᬦᬂ ᬅᬲᬸᬭᬵᬦᬂ, ᬑᬧᬧᬵᬢᬶᬓᬵᬦᬂ ᬢᬶᬭᬘ᭄ᬙᬵᬦᬕᬢᬵᬦᬂ ᬦᬾᬭᬬᬶᬓᬵᬦᬂ, ᬚᬘ᭄ᬘᬩᬥᬶᬭᬵᬦᬂ ᬉᬧᬧᬢ᭄ᬢᬶᬓ᭄ᬔᬡᬾ ᬅᬝ᭄ᬞᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ – ᬘᬓ᭄ᬔᬸᬦ᭄ᬤ᭄ᬭᬶᬬᬂ, ᬖᬵᬦᬶᬦ᭄ᬤ᭄ᬭᬶᬬᬂ, ᬚᬶᬯ᭄ᬳᬶᬦ᭄ᬤ᭄ᬭᬶᬬᬂ, ᬓᬵᬬᬶᬦ᭄ᬤ᭄ᬭᬶᬬᬂ ᬫᬦᬶᬦ᭄ᬤ᭄ᬭᬶᬬᬂ, ᬇᬢ᭄ᬣᬶᬦ᭄ᬤ᭄ᬭᬶᬬᬂ ᬯᬵ ᬧᬸᬭᬶᬲᬶᬦ᭄ᬤ᭄ᬭᬶᬬᬂ ᬯᬵ, ᬚᬷᬯᬶᬢᬶᬦ᭄ᬤ᭄ᬭᬶᬬᬂ, ᬉᬧᬾᬓ᭄ᬔᬶᬦ᭄ᬤ᭄ᬭᬶᬬᬂ. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬏᬢᬾᬲᬂ ᬇᬫᬵᬦᬶ ᬅᬝ᭄ᬞᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ.

ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬲ᭄ᬲ ᬲᬢ᭄ᬢᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ? ᬑᬧᬧᬵᬢᬶᬓᬵᬦᬂ ᬧᬾᬢᬵᬦᬂ, ᬑᬧᬧᬵᬢᬶᬓᬵᬦᬂ ᬅᬲᬸᬭᬵᬦᬂ, ᬑᬧᬧᬵᬢᬶᬓᬵᬦᬂ ᬢᬶᬭᬘ᭄ᬙᬵᬦᬕᬢᬵᬦᬂ ᬦᬾᬭᬬᬶᬓᬵᬦᬂ, ᬚᬘ᭄ᬘᬦ᭄ᬥᬩᬥᬶᬭᬵᬦᬂ ᬉᬧᬧᬢ᭄ᬢᬶᬓ᭄ᬔᬡᬾ ᬲᬢ᭄ᬢᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ – ᬖᬵᬦᬶᬦ᭄ᬤ᭄ᬭᬶᬬᬂ, ᬚᬶᬯ᭄ᬳᬶᬦ᭄ᬤ᭄ᬭᬶᬬᬂ, ᬓᬵᬬᬶᬦ᭄ᬤ᭄ᬭᬶᬬᬂ, ᬫᬦᬶᬦ᭄ᬤ᭄ᬭᬶᬬᬂ, ᬇᬢ᭄ᬣᬶᬦ᭄ᬤ᭄ᬭᬶᬬᬂ ᬯᬵ ᬧᬸᬭᬶᬲᬶᬦ᭄ᬤ᭄ᬭᬶᬬᬂ ᬯᬵ, ᬚᬷᬯᬶᬢᬶᬦ᭄ᬤ᭄ᬭᬶᬬᬂ, ᬉᬧᬾᬓ᭄ᬔᬶᬦ᭄ᬤ᭄ᬭᬶᬬᬂ. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬏᬢᬾᬲᬂ ᬇᬫᬵᬦᬶ ᬲᬢ᭄ᬢᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ.

ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬲ᭄ᬲ ᬧᬜ᭄ᬘᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ? ᬕᬩ᭄ᬪᬲᬾᬬ᭄ᬬᬓᬵᬦᬂ ᬲᬢ᭄ᬢᬵᬦᬂ ᬅᬳᬾᬢᬸᬓᬵᬦᬂ, ᬞᬧᬾᬢ᭄ᬯᬵ ᬦᬧᬸᬂᬲᬓᬵᬦᬂ, ᬉᬧᬧᬢ᭄ᬢᬶᬓ᭄ᬔᬡᬾ ᬧᬜ᭄ᬘᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ – ᬓᬵᬬᬶᬦ᭄ᬤ᭄ᬭᬶᬬᬂ, ᬫᬦᬶᬦ᭄ᬤ᭄ᬭᬶᬬᬂ, ᬇᬢ᭄ᬣᬶᬦ᭄ᬤ᭄ᬭᬶᬬᬂ ᬯᬵ ᬧᬸᬭᬶᬲᬶᬦ᭄ᬤ᭄ᬭᬶᬬᬂ ᬯᬵ, ᬚᬷᬯᬶᬢᬶᬦ᭄ᬤ᭄ᬭᬶᬬᬂ, ᬉᬧᬾᬓ᭄ᬔᬶᬦ᭄ᬤ᭄ᬭᬶᬬᬂ. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬏᬢᬾᬲᬂ ᬇᬫᬵᬦᬶ ᬧᬜ᭄ᬘᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ.

ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬓᬲ᭄ᬲ ᬘᬢ᭄ᬢᬵᬭᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ? ᬕᬩ᭄ᬪᬲᬾᬬ᭄ᬬᬓᬵᬦᬂ ᬲᬢ᭄ᬢᬵᬦᬂ ᬅᬳᬾᬢᬸᬓᬵᬦᬂ, ᬦᬧᬸᬂᬲᬓᬵᬦᬂ ᬉᬧᬧᬢ᭄ᬢᬶᬓ᭄ᬔᬡᬾ ᬘᬢ᭄ᬢᬵᬭᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ – ᬓᬵᬬᬶᬦ᭄ᬤ᭄ᬭᬶᬬᬂ, ᬫᬦᬶᬦ᭄ᬤ᭄ᬭᬶᬬᬂ, ᬚᬷᬯᬶᬢᬶᬦ᭄ᬤ᭄ᬭᬶᬬᬂ, ᬉᬧᬾᬓ᭄ᬔᬶᬦ᭄ᬤ᭄ᬭᬶᬬᬂ. ᬓᬵᬫᬥᬵᬢᬸᬬᬵ ᬉᬧᬧᬢ᭄ᬢᬶᬓ᭄ᬔᬡᬾ ᬏᬢᬾᬲᬂ ᬇᬫᬵᬦᬶ ᬘᬢ᭄ᬢᬵᬭᬶᬦ᭄ᬤ᭄ᬭᬶᬬᬵᬦᬶ ᬧᬵᬢᬸᬪᬯᬦ᭄ᬢᬶ.